المنطقه 13
الكاتبه مريم السعدي
احمد- بضرف سبوعين قدمت كملت معاملتي مكدرت تجي ويايه رحت وحدي كملتها ورجعت اول مطبيت الغرفه دكتلي. جانت مختفيه لاسبوع واني ملحيت عليها
الو
هلو احمد انت بالمحل
دك تلفوني بس طبيت
لا بالغرفه معزل
شعجب
والله توني راجع من التربيه
كملتها لو بعد
اليوم كملت. الحمد لله ههه ونطوني موعد للامتحانات واستلمت كتب من مدرستي القديمه ورجعت توني
الحمد لله اعذرني شوي امي مريضه وحايره بيها من طبيب لطبيب هلكت
الله يساعدج محتاجه شي ست تره معزل
لاالحمد لله احسن صارت باوع ماما جبتلك ملازم
اي والله تعيشين
وهاي محضره غده. بس لاتغديت
والله ههه لا بس توني داكلي
لالا طفي هاي جبتها الك
سدته مني
واني انتضر سمعت باب المخزن انفتح دكمت القميص ووخرت البرده. بينت الفتحه وشفتها
روحي وردت لجسمي ابتسمت وتنهدت
كانت فكرتي باكمال دراستي لخاطرها اكثر من خاطري
بلكن تشوفني اكبر من عمري
ها ماما شونك شون الروح المعنويه
زينه الف الحمد لله
كلتها بابتسامه وروحي مرفرفه ماعونين تمن ومرك طببت ماعون ماعون متكفي الفتحه. اكثر خليتها عالطبله كالت
اجيب الملازم واجي
خوش
وكعدت اكل متحملت شوي وجابت جيس مليان ملازم كمت اخذتها منها وباوعتلها
اخذت منها الماعون تبتسم
ست العربي والانكليزي صفر عاليسره تره مييح
مالك دخل من سبوع اليجي ادرسك وي بنت اخويه وابن عمتها هنا بالحديقه. ساعتين اخلي الكم زلاطه
انتي مو مدرسه كيميا
اي بس ادرس بقيه الدروس دارستها لتشيل هم. عليك تقره
ههه ماشي مشكور
هله بيك
كالتها وابتسمت خزرتني عود اقره
صفنت يممه هههه اي صار صار
وراحت سديت البرده وكعدت كملت اكل وبقيت اكلب بالملازم. الرياضيات شوي فهمته. فيزيا سهل كيميا حلو اله العربي يابويه طابوكه على كلبي سديته وشمرته اخترعت منه
وكمت يوميه الفجر افتح والملازم بيدي احل اقره وابيع. يوم يومين ومر سبوع دكت عليه.
كمت اشوف يوميه ب١ الغده يم الفتحه وتخابر اخذ غداك واطب اخذه مالكاها
مر سبوع وشفت سياره طبكت يم بيتهم نزلت منها بنيه تطلع كد اسونه بت عمي ووياها شاب. هم يطلع كدها توه شاربه خاط
شوي ودكت عليه
الو
ها احمد تجي وي الطلاب لو عدك شغل
لاست هاي هعزل جيت
عزلت بس كلش خجل رجال بلحيته وشاربه طول بعرض اكعد وي مزعطه بس شسوي اخذت اقلام ودفتر مسوده ويايه وطبيت ميت بدمي
كالت
تعال هنا ماما
باوعت للحديقه البنيه التفتت عينن عمتها بس صغيره ابتسمت ودارت وجهه الولد هم سوالي مجال طبيت كعدت كرسي بصف الولد ميز مدور بالحديقه جان وبدت تشرح النا واني مركز حيل
الولد كلسا يتشاقى وي بت اخوها والبنيه تتبسم
والعمه تخزرها
مهااا انتبهي
مها ويايه
علاوي شون مندرس
بقيت اباوعلهم راح اكلب الميز عليهم تعبوها
ورجعت تدرس اني صرت بصفها بس ببعد كرسيها عن الكرسي مالتي شبرين هيج
دتسال واني جاوبت راسن فهمته والطليان كبالي صافنين
باوعت لبنت اخوها كالت
مها شنو الحل واشرت على نقطه بت اخوها ضحكت بفطاريه غمضت عيني وفركت وجهي ونور وجت نار وجهه زنبر
نترت
يعني مو دراسه هاي ماما
عمه دادرس شبيج منتبهه
لاموويايه الولد مووياكم وممداوم كام يجاوبني
ركزوا اكثر من عصبت كملنا محاضره والله خش بعقل عقلي نطتنا امتحان واني اخذت زاويه احل. صفنت بسوال جتي يمي تقربت همست مذكرتني
واني بين نعومه صوتها وعطرها بالقرب نعست رفعت راسي عيوني جرحت عيونها الناعسه وتنهدت بله وعي
ابتعدت وكفت عدل دارت وجهه عالبقيه
واني كملت حل وكلسا اتذكر روحي ترخى.
طيت الورقه كالت
كله صح عاشت اديك بس هنا الحركات بيهن غلط هاي ينقصوك
عدلتها وطيتهيا
كالت،هاهي
يله مها --علي
نطوها الاوراق بيهن صح وبين غلط
ذبت الاوراق كالت
محاضرتنا اليوم خلصت
باجر نفس الوكت بس. علي ومها اذا تضلون هيج لتجون بعد تعبتوني
سكتو وكفت
مشكور ست مقصرتي
هله بيك حتفتح
لا والله ارتاح شوي فد ساعه افتح
تعبان يعني،
لالا بس بعد وكت العصر افتح
زين تشوفلي المغسله. دتعبر مي
السنك مره لخ
لالا المغسله اللي بالممر
ها ماشي
مشت كدامي واني وراها دامشي البنيه مها كالت.
عبالك لبناني شطولاته
سمعتها ومنداريت نصيت راسي وطبيت جانت اول مره وحده تتغزل بخلقتي كيفت بس متاثرت سويت المغسله. وطلعت
نمت. انسطرت من وره القواعد
والعصر فتحت
هيج كضت الايام حدما امتحنا تمهيدي
صارت حذره اكثر بعد اول موقف
صار متتقرب تسحب الورقه مني ومتباوع بعيني
واني ادري وماتعبها
امتحنت تمهيدي ومجاوبهن كلهن جنت اول مااطلع من الامتحان اروحلها للمدرسه. واشوفلها حلي عيون المدرسات جانو ياكلوني اكل واني دايخ بيها وبتشجيعها
وطلعت نتايجنا
دخلت تمهيدي والحمد لله جان اول انجاز ذاتي اسوي طبعا بفضل رب العالمين.
حسيت روحي راح اوصل
حداوم والبس لبس الجامعات
حسد نقص الاحسه بداخلي
--
اسينات- ضليت سبوع يم ام ضل وهي خطيه ارتاحت
بس من نزل زوجها كمت ارجع هناك.
تمنيت مينفتح الموضوع مال سلام حتى مااضطر اروح لبيتنا لان اكيد مراح ارضى مستحيل
وكثفت دراسه فيزيا وكيميا ورياضيات
ضميت على حمزه سبوع كوه مشه
وتالي اول ماانزل وكعدنا بليل نسولف بس باوعلي كال
هااا شكو شبيج
ماكو شي
قاسم وخليل ديباتون عد امي
اي
همم لعد شكو
ماكو شي
،اسونه
هااا وجريت نفس
شبيج يابه
حمزه عفيه ام ضل هيج كلتلي
جان متمدد راسن كعد عدل تربع كال
حجي لو صدك
مادري وغرغرت عيني
صفن مقهور كال
مردت كلبي استغفر الله
عفيه شون
وليش ميته خوف شبيج
خاف تصير صدك
ههه شفايتلج ولج هذا سلااااام يبوو
حمزه صدك تحجي اكبر مني ١٦ سنه
خلي عشرين لج سلام هيبه ويخاف الله. والله العضيم غير اذا صدك تصير عدج حظ وبخت ههه
بقيت صافنه عليه تلاشت ملامح ضحكته همس
ملازم معوده دنتشاقى
بس اذا حجت خاله
اي
شون لازم اروح
،طبعا اذا رافضه راسن نرجع وانزل درج من فوك والباب تنقفل
هزيت راسي مرحبه بالفكره
وكعد يحجيلي على الحشد وسوالف الشباب والضحك موتني ضحك
شوي واندكت الباب صاح
تفضل
كال
اني سلام حمزه
فزيت وجريت حجابي
كال
تفضل ووكف حمزه
طب بهدوم البيت وباوعلي بحيره كال
فدوه بلكن تروح يم ام ضل اني طالع وامي طلعت لكربلا وي ابويه
كمت راسن وطلعت
حمزه كال
تعال نام تعال شكلك مطرود
لا والله استغفر الله حتى من رحمه الله مطرود
ليش تحجي هيج ولك اذكر الله
دتذوب كدامي حمزه داموت يوميه شوي
يعينك الله ويعينها
اسينات- متت قهر من سمعته طبيت بيت ام ضل سمعتها تكح
ركضت عليها
بيج شي
لالا فدوه بس مي وهاي غطيها بارده
اي هسه غطيت ضل وجيت بصفها جبت المي
وابتسمت
كالت
شكد حلوه انتي يوميه تحلوين اكثر
ههه عيونج الحلوه
شالت ايدها تلمست خدي
نصيت راسي تمرد الكلب همست
جنت بكدج وشفت سلام بحفله عرس بيت عمتي اللخ
وتنهدت
من شفته بالقاط احوالي تخربطت نسيت عيوني عليه
وهو انتبه ودار وجهه
واني تخبلت
اني وجمالي وشعري وجسمي يدير وجهه عني
بديت اجذب انتباهه وهو ابد التفاته ملتفت
صوتي اعلي اضحك
وهو مويمي
نسيم يتشاقى وهو مويمي
حرك دمي بروده وعدم مبالاته
احجي صوت عالي اسمعه من ننجمع. بيت عماتي بيت خالي ابو سلام
اخرتها مليت
توها الموبايلات نازله وعرفت عده تلفون خابرته بليل من تلفون ابويه
رد بها عمو
على ابويه لان رجل عمته
وكتله
وهو ميحجي
انت متحس
سكت
شنو هيج معاجبتك مدتشوفني فهمني
تكرهني فهمني دااعرف
مجاوب
لو شكلي ميعجبك حتى اسحب روحي
وهو مرد
بارد
واعصابه بارد بس من يعصب الستار الله منه
اسينات- جنت استمع الها وابتسم بله وعي وهي تحجي بكل حب
كال شحجي الله يستر عليج
اني نار وشبت بيه سديت التلفون بوجهه ملخت نفسي من البجي
داومت كليه سنه اولى سنه ثانيه صار عرس كرابتنا يصير صديقه. وهم التقينا جنت محجبه ذيج الفتره وطب بلبس عسكري
واجه سلم عالعمات واني مكدرت اشيل عيني
لاول مره لمحته باوعلي ودار وجهه
بس باوعلي
باوعلي
وطلع.
يومين وجوني خطابه ناس كلش خوش ناس وابويه قبل وخابر ابو سلام يستشيره وابو سلام كله احسن ناس انتضرات يكوله ابني يريدها مكال منزل نفسه ابد نطه حجايه واللي قتلني من كال حتى سلام يعرفه للولد وكال احسن ناس
واني تخبلت طبيت مفرفحه وكلت اله اقبل وبليل خابرته
راسن رد عبالك يعرف رقمي.
الو
سكتت اسمع اغاني عالك يصبرني المايدري بقصتي عادل عكله
توقعت عاشق
كال
الووو
ورديت
واحجي وابجي وهو ميحجي تالي كتله احجيييي
الو
بقه ساكت واني انفتحت
انت واحد بله احساس وضمير توقعتك تكول اريدها توقعت تكولهم اني اولى بيها بت عمتي ليش بس كولي شناقصنني
كلشي مجاوب
اني وافقت كلتها ومتت بجي وسديته بوجهه
ونمت ثاني يوم الضهر جانت كعدتي الشربت
واجوي اهل الولد وبيت خالي ابو سلام هم
شو على غفله صار صوت بالصاله مال رياجيل
امي الله يرحمها تصنتت وضربت على خدها بفهاوه كالت
ياااا هذا سلام يكول اعذروني ماعدنا مره بت عمتي اريدها
والناس حجو لعد المن جايبينا وناطين موافقه
واني كلبي راح. الفرحه مساعتني وطلعو اهل الولد ومرت خالي تهلهل ممصدكه وتبوس بيه جنت اكثر عروس محضوضه بي
لليل جاب الحلقات
بس وجهه هو هو بارد وممبين علي الفرحه
انعصر كلبي لحد مالبسني الحلقه ولبسته باوعت بعينه بعتب
وكتله
شو عبالك متريدني
جنت كوه لازمه نفسي ماابجي
كال وابتسم اخيرا
عبالي انتي شلتيني من بالج من جوج ناس ومرفضتي مثل كل مره
وباسني من راسي
حبيبي ميضهر مشاعره. ابد بس اذا حب يعيشج اميره
وباوعتلي ودموعي تجري
فدوه ارضي بي
كمت اشهك وضميت وجهي
تحبين انتي حاجيني اني كتلج بعمرج وحبيت. عدج احد تحبي
جريت نفس ومسحت دموعي
همست اني ابن عمي احبه. واحب خوفه. عليه.ونضراته من يباوعلي اكيف من يطلب طلب مني جان محور اهتمامي. بس
على غفله صارت هوسه وكلي انتي مثل اختي طلع يحب غيري ووهاي اليحبها تزوجت
وراها عرفت ملعوب منها حتى تخليني ماحبه
وهسه
هسه اني اتمنى اشوفه مرتاح.
اخاف يحبج
مديت شفتي شفايتلي تدرين شون يخاف الله ويصلي وحنيين مثل حمزه
العده هيج بت عم تخبل مايفوتها غشيم هذا
كلياها كم مره انتي مثل اختي
وانتي
اني التهيت بقهري
حجيت هالحجايه والباب اندكت
وكفت راسن ولبست حجابي
همست
تعال حبيبي
طب سلام ويحك براسه همس
هدومي دااخذها
هنا معلكتها اسينات بكنتورك
كالتها وتباوعلي
وهو منصي راسه وطلع اخذ بدلته وراح
ضجت من كلتله باوعتلها
اني لخاطرج داسوي مو لخاطره
اعرف
اني اضوج هيج تسوين. تبينيله انه اني مهتمه بي ازعل
لالا ماسويها بعد لتزعلين
حروح لبيت ابو سلام. اجي من يطلع
اخابرج فدوه
اي اوك
اسينات- طلعت من بيتهم تلاكيت وي سلام بالطرمه راسن نصيت كال
بس العفو
درت وجهي نعم
باوعلي بتوسل
بله امر بس اليوم عدها ابره اسبوعيه تنحل بالمي اكدر اعتمد عليج بيها
بقيت صافنه تقربت اخذ الباكيت مال دوه منه
هاي شون علمني
جر نفس ويباوع للباكيت همس
تكسريها مبين من الحد
اي اوك
وتخليها بكلاص مي بارد احسن وتخوطيها وتنطيهيا لازم ب١٠ الصبح عدج مبايل.
لالا خابر عليها
لا مواخابرج بله زحمه بس وقتي منبه.
اي ماشي. اوقته
يعني وسكت باوعلي عبس حلكه
الله يخليج اعتمد عليج لو ارجع من الشغل
لا والله ماعدي شي اني يمها
اي الف رحمه على روح امج وابوج
شي بيه فز التفتت عليه
بابا ممات بابا مفقود انشاء الله يرجع
بلع ريك ونصه من خزرته همس
اعتذر وطلع
طبيت للمطبخ لكيت رقيه تباوعلي من الشباك وتبتسم بحقاره. عفتها خاله موهنا مالي خلكها كالت
منهاااي متريد تروح لبيتهم يمه يمه جنهم عصافيرالتبسبس والغراميات والهدايا وووخابريني
تحجي وتعوج بحلكها مدرتلها بال داريد اطب اسبح واروح يم ام ضل نزل رجلها باوعلي ونصه
طبيت للغرفه حمزه نايم غطيته وطبيت الحمام من طلعت شفت هوسه بره وحمزه ماكو وصياحه بره هارج الدنيا وذيج العايقه تجاوب
طلعت راسن اشوف شكو
بعدني مواصله المطبخ واسمع حجيها
روح روح شوف شنطاها انت نايم ورجلك بالشمس ياخويه. يبن امي وابويه.
سدي حلكججج لا اشكه
والله عدها علاقه وياه وروح ابويه. اني شفتهم يتبشبشون.
طلعت ببرود باوعتلها ابتسم وباوعت لحمزه
حمزه اني رايحه يم ام ضل ابو ضل طاني علاج لازم انطي الها ب١٠ تريد ريوك
بقه حمزه يباوع بوجهي ولباكيت العلاج وباوعلها
جاوب
كملي شغلج وتحضري نتريك بره
ماشي وعافني وطب للغرفه
سوده عليه بالفانيلا والبجامه وروحه طافره من التعب وهاي تجي تسم بي دااطلع نسيم سمعته عاط بيها
كافي كاافي اخجلي اخجلي
دخل تولي تتخلي وياه تستغل. فرصه امك ماكو وي اخوك
لج بابا اذا وصلت لسلام تره يسويها. عركه وحتى ابويه يكلب عليج لج دتجيبين موبس بسمعه اختج بسمعه اخويه هم مو راح تنطردين معودددده
لا والله مو صاحيه انتي مريضه. مريضه اني باجر طالع لاربيل بشغل
معود الخميس جيت
همه دينزنون اني شنووناصبه على مرت اخوك مكروده مريضه
شسوي عدي شغل خليتلج فلوس واذا تردين طلعي وي بنات خالتج وي صديقاتج فكيني
سكتت وطبيت لام ضل امسح بدموعي وكعدتها علمود الابرده جنت حيل مبين عليه مغثوثه.
سالتني شبيج وحجيتلها كلشي وابجي خطيه بجت ويايه وتهدي بيه
ميخالف وحده ماعدها سالفه الله يساعدها رجلها مجبور عليها
اي اني شمسويتلها
مجرد حبنا الج يضغطها عوفيها فدوه لتنقهرين
خاف رجلج يسمع شكد عيب النوبه اختي
يعرف يتصرف معليج انتي واني من يجي احطه بالصوره بس حمزه هسه ياخذج اني اعرفه هذا ميتحمل حجايه فدوه اني كلش محتاجتج وضل تعلمت عليج ابقي لتخلي ياخذج
ميخالف اوك. ترتاحين
اي هسه تجي الممرضه فد ساعه انتي روحي ارتاحي البارحه منمتي بالليل
اوك لا حطلع وي حمزه
روحي فدوه الله يحفضكم
تسلمين
باعي اخذ ضل ويايه
باوعتلها وتلمست شعرها بقهر همست
خليها اريد اشبع منها
كيفج حبيبتي وطلعت رحت لبيت ابو سلام بدلت لكيت حمزه متحضر ديكلب بالتلفون ويهز رجله باوعلي كال
يلله جعت
ماشي
طبيت للحمام بدلت وطلعت داعدل حجابي وطبت خاله مروه كمزت عليه.
لج انتي شووون وياااج
دفعتها وكام حمزه
يوووووم شكووو
هاي حتخزيني وي اخويه هاي حتلبسنا العاررر
هاي بتج عربنتج. جايه فاحطه مناك لهنا خليل وين عفتي
وخر لك وخرررامد البطن الجابتك خليك وي هاي ال-- اريد اشوف اذا مطمست راسك بالبلوعه اني مو ام قاسم
سمعييي لججج تجي ام سلام والنا كعده اريد اشوف تقبل هالسوالف ببيتها صايرتلي علويه وتساعد الناس وتركب للحسين وتوزع صدقات
بقيت ساكته وحمزه جرني وطلعت
اعصابي ترجف وهويمشي بالشارع واني وياه. نمشي سريع. على غفله هدا وجر نفس كال
ابجي ابجي لتخليها بكلبج امدااج اي والله لج بابا صييييري قويه جاوبي ملخي تعاركي دافعي عن نفسسسج. كتلتيني
ميفيد وبجيت والله ميفيد حتصير اكثر وميسكتون اخجل هذا مو بيتنا
لعد اليوم نرجع لبيتنا. وننزل درج. كافي بعد
خطيه ام ضل وضل
شعلينا احنا يسكتون الحجي ذاك الوكت ترحين امشي يله جوعان
بيومها تريكنا باجه حجالي عن خليل وحجيت السمعته من ديحجي وي سلام ضحك من كلبه
وحجالي
ولج رجله مجبره ويلوب منها كوم خابر صاحبك خلاه ياخذه ويروح للمخيمات يسال عنها ولكاها وتخبل من شاف وضعهم كلها. لامها تروحون لحسينيات كربلا شوي ارحم سكف فوكاككم انتي والبنات
خطيه تالي
تالي امها كلتله ميخالف وكوم راسن لمو غراضكم وخابر مرت خالي واخذهم وي صاحبه لكربلا للحسينيات. يله ارتاح
خطيه يحبها
لا مو هيج بس من شافها امنت بي مكسر بيها
فدوه خطيه
جن عجبتج القصه ام الفدووه اكلي اكلي قوي روحج. بصل اكلي.
لا ماحب هواي
عافيات وجر نفس اسينات شون انطيج سلاحي حتى تصيرين قويه. بقيت صافنه علي. ونصيت
حبيبتي لتاذيني وتخلين بالي عدج. صيري سبعه. من يتهموج تجي مرت خالي لو خالي واحجيلهم تره هاي كلها لان ماكو احد لو اكولج من يجي سلام تحجي كدامه
عزه استحي
لعد كدام مرت خالي هي تتصرف
اوك
المفروض هسه نروح لبيتنا بس باجر ملتحق واذا رحنا رقيه حتكول لكفتها وخافت انهزمت
صح باوعتله بفهاوه جر نفس همس
اني احلها قبل لااطلع كومي يله. لوجاي لخ
جاي لخ
خوش
شربنا جاي وراها طلعنا اخذنا ملازم تحضير للسادس حتى اقره بالعطله. ورجعنا امه جانت بعدها بالبيت اول مطب وباوعت بدينا
وشالت ايدها تدعي
عساها كل فلس انصرف عليها بنارر بيها تحركها. الله لايوفقج. الله لايهنيج. بحياتج لج كلبتي ابني عليه وعلى اختتته
تعديتها وطبيت. وحمزه ورايه. راسن بدلت ورحت لام ضل كمزت ضل عليه
وين رحتي وي عمو
رحت تريكت تريكتي انتي
لا انتضر ماما
هسه اسويلكم
اموضل تباوع وتبتسم النا سويت وجيت كعدت يمهم اوكلها لبنتها وهي تاكل وتباوعلها وتبتسم مردتني مرد شوي وطبت خاله مروه
باوعت لام ضل كالت راسن
شونج عيني
هله خاله هله بيج
بقيت منصيه عالصينيه وملتهيه بضل توقعت جتي تشوفها وتروح شو هاي تخبلت
عيني ام ضل انتي تدرين شملفيه ببيتج.
باوعتلها خزرتها
اي لعد عبالج اسكت
خاله المره مريضه فدوه ممتحمله
من تعرفين بيها مريضه ليش تستغلين وتلوفين على رجلها هاي هم سوايه امج. شوفي عيني ضل اني داحذرج. هاي تره من وراج دتلف على سلام تختل بالطرامي. وتبسبس ومدري شينطيها لتامنين ببيتج الها
ام ضل تبسمت همست
هله بيج خاله نورتيني
ارتاحيت كوني حجيتلها لام ضل الموقف قبل ليصير راحت خاله مروه وتدعي
الله ياخذ كل مره تاخذ رجال من مرته يارب
كملت ريوك ضل وضل تباوعلي
دتبجين.
لالا
ام ضل- حبيبتي اذا متحملتي روحي حقج عليه اني لحيت عليج وذوله حجيهم محد يحمله
باوعتلها هناك هم نفس الشي
الله يساعدج اقبلي لو منج ارضى واخلي يفكس عيونهم
عدي اخو ياخذ حقي. ارتاحي الابره تنعس لتقاومين نامي
اي والله بس ياريت لو تبقيت اني من اسمع صوته ضله ارتاح وقفلي الباب حتى تاخذين راحتج ومحد يجيج يغثج
بعيني هنا يمج اي اوك اقفلها
مليكه- نايمه واحس شي مشه على رجلي وراح الاحساس راسن فزيت
شفته لبو قبضه
واكف على راسي
فزيت شبيك
قابض ايده همس لاهيج
نامي ارتاحي
لا بيك شي وكفت جوي حيلزمونا
لا نامي ديريد يطلع بره وجلبت بزيكه
وين رايح خاف يشوفوك
هنا باعي
اشر بالطرمه مال جامع
عفته شوي وشمر شي بالكع وداسه عرفت هو شال شي حشره من رجلي
وكمت نفضت الفراش لكيته مليان حشرات وهو طب محجه شي كام ينفض ويايه ابجي وانفض اخاف منها كلش
يباوعلي وينفض جبنا مي وغسلنا الغرفه البره صار كله طين وكت وذان الضهر طب الموذن صاح
يا الله
طلع ابو قبضه اله
هله حجي شونك بقه يتفرج عالنضافه وجر نفس كال بصوت ناصي
وينها اليتيمه
طلعت واعدل بفوطتي ابتسم
شونج يابا
هلو عمو دعيتلك البارحه بالصلاه
الله ينطيج على كد نيتج. انه اليوم جيت عكب الاذان والصلاه اسمع منكم وانشاء الله ماراح اكسر بيكم
ابو قبضه جر نفس جان يراقب عيون الموذن ويقراها من يباوعلي
داصلي شفت ابو قبضه طبب صينيه وخلاها مثل الرازونه عريضه وكعد يروح ويجي طب الموذن اخذه وطلعو واني اكمل صلاه صار بيها واهس حشرات
ساعه اكثر شوي وطب الموذن وراه ابو قبضه
وجه الموذن حيل مقهور ويباوعلي بقهر
كال
عمي اكلي. داجيبلج هدمه نضيفه تدفيج
اي فدوه الف رحمه على اهلك،
وطلعو
كملت اكل وبقيت لابو قبضه طب
همس اكلتي
اي واخذت حبوبي اكل
انتبهت عليه نازع الدرع البي رصاص باقي بالتيشرت الجواه
طبيت للحمام غسلته ونضفته وغسلت اني شوي تاخرت كلما ماتصير فوته سياره من يم الجامع نجمد ثنينا ومن تروح نهدا
طلعت من الحمام شفته كاعد بزوايه وملتهي يوخر شريط لاصق عريض جوزي على كيييفه من مستطيلات. كومه تقريبا ٢٠ وحده جانت صايره مثل الحزام جوه الدرع لازكها
من اباوع طلع جوه اللاصق سليفون فتحه بهدوء طلعت فلوس خضر وصفط وحده فوك اللخ اخر شي طبكه بيها اوراق وحده منهن مالتي هوياتي وصورتي بيها وجوازات ٣ بيها صوره خلاها بجيس ولفها وموبايل اسود ملفلف بجيس وراه لاصق. ورفع راسه شافني صافنه عليه
نصه
كملتي چ
امم
دافوت اسبح
اي اسبح
همس
هاي. جاب مخضر خطيه الموذن
امم
كاعده وهو فات للحمام خفت من كم الفلوس الشفتهن احنا بيت الله والحرام بي يضرب ياذي
طلع من الحمام اشرلي عالجيس بصفي مشفته من شدهتي همس
هذا الحجي جابهن
باوعت هدوم بيها ثخن كمت ولبست. حتى داخليات خطيه. داز يمكن عده بنات
بدلت وطلعت شفته بره يحجي وياه والحجي يهز راسه يفتهم.
صرت اخاف هم يبلغ علينا
ولليل منام. اشوفه يروح ويجي
شو منمت
اي هسه نامي ارتاحي هسه انام
رجع تمدد
غفيت وره الصلاه الفجر بتعب حسيت بي يمسد على شعري وطبع بوسه برهاوه. كلش خفيفه على راسي التفتت باوعتله ابتسم جان يباوعلي. بنضره عيونه مليانه قلق وخوف
غمض وهمس نامي مليكا ارتاحي حتشوفين اخوج عن قريب
ابتسمت ورجعت نمت
للصبح كعدني صوت العصافير تمعصرت ووكفت واشوف مكان ابو قبضه فارغ تلفتت داير مدايري شفت الموذن
روحي انلبجت وحده واكف
لزموا
بلغ علينه
وينه دورت بالغراض مالته ماهي لا الفلوس لا الهويات. كلشي ماكو بس حبوبي كاسرلي نص ومحضرلي البطل.
بجيت ولبست وطلعت اركض وابجي
عموو
ها عمي وعيتي
عمو وينه
همس اشش
وينه وينه وينه
ماتردين اوديج لاخوج
ودموعي جرت شي فقدته بلعت ريك اي وديني بس هو وينه
همس
راح يصفي اموره تحضري نطاني العنوان كامل وهوياتج عدي لاتخافين بويه انتي بسدي واوصلج لاخوج اله اامن
جمدت خايفه كلشي اسمه امان اختفى كعدت بالكع بالغرفه ودموعي تجري
دك الحايط الموذن وراه بنيه صاح يا الله
كال
ليش كاعده بنتي
اخاف اروح
ليش
وبجيت غطيت وجهي احس روحي فقدت شي اسمه الامان. ووكفت واتصفن شحيكول احمد من يشوفني يعني معقوله ماشوف بعد ابو قبضه ابد
ودموعي تجري على خدي موكفت كلبي احسه ضايع منه شي متحرك من مكانه لبست حجابي
يتبع
مريم السعدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!