تكملة بارت ٥٢
#منطقة 13
#للكاتبه مريم السعدي
خليل- تفاجات من عصبيتي وناري هديت وتباوع بوجهي
شبيك يمه شصاير هيج مكلوب نار
يمممممه وغمضت درت وجهي. يمه عوفيني الخميس اعرس. هاي دابلغكم
سبوع كامل نحضر ونرتب وتلفوني مدك منها ابد توقعت امها تخابر وفعلا
دكت واني احضر بالمطبخ مال شقه. اشد بي رديت
الو
هله يمه شونك خليل
هله بيج تفضلي
تكدر تجي للبيت نتفاهم حتى نكعد نحجي بهدوء
لا مااكدر دااشتغل محتاجه شي
والله ردت احجي وياك ميصير هيج ياماما
لالا يصير هذا هو فيماللا
دوكف شنو السالفه شنو مالك رداد انت
شنو مالك رداد صغير كدامج. شنو مالك رداد حجيه. تره اني مو صغير
يعني ميصير هيج عرس شون مجان
هذا العدي ماعدي قاعه
عقد المحكمه شوكت
بعد سبوع من العرس يجي الموافقه
شون يصير ياابني حرام عليك
موحرام سائل ومتطقس ومتاكد. مو بس انتي متدينه حجيه.
استغفر الله.
نترت وهسه شنو بعد
اي ادري شنو البنيه متسوي حنه متفررح صديقاتها ميجون
اي بسيطه باجر ادز خالتي وامي واختي وشتردين تدللين واي حجايه زايده وحق دين محمد حتى زفه ماسوي اخذها بعبايتها واريد عاقل يوكفني
سكتت خانسه
فيماللا سديته دااكمل شد كعد الكاونتر اعصابي فايره. احمد ويايه. لان نص الغراض شتريتها منها تاسيسات الكهرباء وقاسم نزل. ماخذ اجازه. ركض كمت اركض بالشغل ياهو الكعد حاجاني فرت
شغله صارت غصب اذتني حجايه. ماخذها شقق اني اخاف عليها اكثر من روحي لو مااشوفها انجلبت ويايه. ليش اطلع وياها بالسر
لل١٢ دااشتغل الولد يمي
رجعت دكت
رديت
الووو
واجاني صوتها. هديت حيل اخاف اخوفها. سكتت وهي سكتت ترخصت من الولد وطبيت للغرفه جوه
الو
زمرد احجي
الو
هلو شونج
زينه ووانت
الحمد لله جريت نفس وذبيه تمددت عالمندر مال جربايه جيسه بي بعده مغلف
شعجب خابرتي شعجب سمحتلج
سكتت
زمرده
همم
امج تدري
جج اخذت التلفون بدون متدري بس حست وسكتت
همم هيج
اي
وانتي ليش اخذتي بله متدري
خفت عليك لان عصبي كلش
هه امج تكفر اكبر واحد
سكتت
تدرين وين نايم
وين
بغرفتنا المندر بجيسه
هه
مشتاقلج
انت ممريت بعد
وين
ممريت
للمعهدقصدج
امم
ملتهي داكمل شغل حتى خميس اللاخ نتاهل شنوتردين امر
مادري ردت بس اشوفك
فدوه لمحمد زمرده لج انتي دوايه.
ا ااني معليه من ماما والله هي تخاف علينا. كلش
واني اكلتج تره المخطوبين كلهم هيج
ضايج مني
ههه لا حبيبه لا بس احتركت من شفت اثر ايدها بوجهج تخبلت عقل مضل براسي
اي
مااتحمل احد يمد ايده على شي راجع الي مو عاد انتي
اي
زمرده
نعم
احبج والله
سكتت
وانتي
اي
ههههههههه فدوه لحلكج دكو الولد الباب خللليل
هاهااا روحو هذا هو
شنووتبات هنا
اي شعدي بعد شكرا تعبتكم
طلعو سديت الباب والتلفون على اذني قاسم ياسر مخبل عليه لاحمد واحمد ضحك وطلعو
تمددت اكمل حجي
وهي تخجل واتخيل حمار خدودها
حجينا شلنا الحدود وهي تخجل وترتبك واني الح حدما. عودتها عليه. اربعه خمس ايام ونتزوج لازم تاخذ عليه امي هديت الحمد لله. جتي للشقه وتتفرج تبتسم وتمسح بالغراض وتردد مهنا يوم مهنا
اسينات- مرتين رحت وي خليل لشقته. ارتب واعدل بالغراض وامسح وهو ويايه خطيه
وبالمرتين اجه عمار صاحبه
داارتب واخلي غراضه بالكنتور
حسيت احد همس
منو هنا
فزيت التفتت لابسه حجاب ومستر لبسي باوعت عمار ابتسم ونصه
شونج خويه
هلو هلو عيني
وين راح خليل لعد
مادري نزل يجيب براكيتات للهول
ها اوك طلع اسمعه يدندن بالممر
واني اكمل ترتيب
وطب خليل كملو شد وترتيب واني كملت فرشت الفرشه. ومسحت المري الغرفه جهزت ترسنا الثلاجه جنت كل ماالتفت
اشوف عمار صافن عليه وبس انتبه عليه يدير وجهه
كملنا كلشي الاربعاء علساس حنه. بيت خاله تصير لان نص جماعه خليل بمنطقه بيت خاله وببيت البنيه هم حنه بيومها من راتبي اشتريت ثوب ورحت لبيت زمرد
لكيت بنات عمتهم كلهم هناك مليكه وكعتلها دخيل دم مقبلت تجي بس احمد راح وي الولد
رقيه جانت طالعه عروسه. لبسها الراقي ومكياجها والصالون شعرها تسريحه
واني ببساطتي
ام عمار مشالت عينها مني
ام سلام ملكيت غيرها اكعد يمها احس كل العيون تتهم بنات عمات سلام ياكلوني اكل
زمرد اشرتلي كعدت يمها ورقيه تركص وي اصيل واسراء والشله التعبانه. باوعت ايه البنيه
منزويه كاعده تتفرج وتبتسم
امها وجهه اصفر وجوه عينها اسود وياها جناينها ثنين هم لبسهم بسيط حيل هي هاي افقر وحده بخواتها
زمرد بقت تسالني عن خليل واحجيلها شون جهز الشقه مكيف وهيج سوينا وهيج سوينا
جتي رقيه كومتها
كومي عروس ركصي
كامت ركصت وتباوعلي زمرد يله ويايه
وج ماعرف والله
اصيل حجت بصوت شبه مسموع
متعرف يابه متعرف بس تجرجر زلم
ابتسمت وجريت عيني
كعدت يم ام سلام
ام در جانت كلش حايره بالتوزيعه واني وياها اتساعد وام سلام حتى ايه ساعدتنا
كملت الحنه وباجر زفتهم شكد جنت فرحانه اله اتذكر لوبته عليها من راد يشوفها اول مره
ثاني يوم الصبح زفتهم صارت لان يريد يطلع لاربيل
ب١١ الصبح
انزفو
واكفه اني والزفه والهوسه
قاسم ورايه. يرمي سديت اذني احمد صار بوجهي ابتسم جرني
تعاي هنا خبل هذا اخوج
موكتله لترمي البنيه تفزز
هاي شسويله عقليته
رجعت ليوره. رقيه والهوسه البنات والغنا مالتهم قاسم يخزر ابو سلام يرزل ماكو
انزويت وره قاسم
التفت عمار ديحاجي والمزايق تركع قاسم ميسمع
تقرب من اذنه يحجي وعيونه عليه ابتسملي نصيت كبل
صعدنا بالسيارات وطلع خليل للشقه. رجعت وي قاسم وامه وخالته فدوى وبنتها ايه والجناين
وصلهم ورجع للبيت ابراهيم جان جاي قبلنا شايل ابنه ويفتر بي.
جتي مرت ابويه
ها يمه
يمه هذا مصخن باعي
لزمته
ولك هذا مجمر امشي ودي طبيب
اخذو هو وامه ومرته
وقاسم صعد نام
طبيت لمليكه حجيت كلشي الها وضل يمي. جنت كلشي احجي كدامها متوقعه انها طفله تسمع وتغلس
نصحتني مليكه
هذا هسه يتقدم وافقي عليه راسن
صفنت عليها هو مبين خوش ولد وباوعت لضل
عبست حلكها
ضل تباوع بالوجوه وتلعب بلعابتها
همست مليكه
ابويه تضيعين هيج قسمه علمودها ابوها موجود وبيت جدها همه يحيرون. بيها
سكتت خليتها على الله
ثاني يوم خليل جان مسافر لاربيل
ذبني قاسم بيت خاله علمود ضل اخذت هدومها وكتبها دااخذها ويايه بيتنا
الملم قاسم خابرني
ها قاسم
اسينات افول بانزين وابدل دهن واجيج
اوك ماشي
سديته منه داكمل تحضير لان حسبت حساب هالاسبوع كله يمي فدااخذ التحتاجه
مفتوحه الباب مال مشتمل واني نازعه حجابي ضل يمي. تلم ويايه. كالت اذب الزباله واجي
اوك
دااصفط بالجنطه
سمعت جره عجلات جنطه السفر صفنت
وسمعت همسه صوته
منو هنا
ومد راسه
شعري شايلته عالي كبه دااشتغل
ولابسه تراكسودي الرياضي صفن ونصه راسن
تراجع يردد
اسف اسف موقصدي ختلت اجر بصايتي لبستها وصرخت ضل
بابااا
شالها ويضحك اسمع صوت بوساته المتلهفه وضحكته. العاليه
شتاقيتلك بابا
اني هم حبيبتي كلش شتاقيتلج
طلعت صافنه
حمد الله عالسلامه ابو ضل
بقه منصي راسه يبتسم لضل
هلو هلو الله يسلمج شونكم
الحمد لله
خومتعبتيها ضل خومضوجتيها
ضل- لا كلش تونسنا بابا عمو خليلو تزوج ومرته طلعت عروسه
ههههه اي ناقص هذا عمج ها شو جنطه
اسينات- اني عبالي اخذها يمي هالاسبوع
ها باوع لضل حضنت رجله
لالا خليها الاسبوع كله كاعد تبقين يمي بابا لو تروحين. وياها
لا ابقى يمك
اسونه شون اذا نريد نقره بابا ميعرف
سلام-لا لج بابا ليش ماعرف لك هاي شون سمعه اعرف. بس دراستكم تختلف
اي هو
اسينات- لزمت وجهه افهمها بهدوء واباوع بعينها
نفتح كام ضلوله
اي خوش بس مو تزعلين لان بقيت
ههه لا ماازعل
روحي يم مليكه
اي خوش
بوستني وطلعت قاسم اجه وطلعله سلام. ضلو يحجون وطبت ام سلام حضنته خطيه كامت تبجي وهوويضحك ويبوس بيها ابتسمت التفت شافني
باوع بعيني مبتسم ونصه
نصيت راسي صعدت سياره قاسم
باوعلي كال كدام قاسم
تعبناج والله
قاسم- اي والله تعبتوها لاختي ادري شنو خاوووه
سلام-انت معليك للك اطلع يله
رجعت للبيت دااحضر بغراض قاسم وغداه. همس
سونه
ها عيني
تعاي شوي احاجيج
تقربت منه وكعدت يمه ها كول
جر نفس وذب دخان جكارته يباوعلي مضيق عينه
شبيك
اسينات اريد منج شغله
كول
تنهد
اريد مليكه
فكيت عيني
شبيج هيج تباوعين الحمد لله علاقتنا باحمد رجعت احسن من اول اريدها
شنووتريد احاجيها؟
اي حاجيها كوليلها اخويه رايدج وشتردين تدللين. بيت وحد وتكمل دراسه ووشتريد حاضر
هزيت راسي صافنه عليه
جر نفس باوعلي وانتي
اني شنو اني شبيه
اذا تقدملج احد
نصيت راسي
باوعيلي
ها عيني باوعتله
همس
عمار طلبج مني
خليت ايدي على حلكي بخجل
ابتسم
تره ذهب عموري كون تصير
يحجي بتعب قاسم وهم
شتكولين
همست
ماعرف كيفكم
هز راسه همس
خليل هم يدري وخالي ابو سلام
اي
كال الاحد اجيب عمي واخويه الجبير
بقيت منصيه
حتى اذا ماعدج اعتراض
اني ماعرفه انتو تعرفو
واني اكدر اضمنه الج
لعد كيفكم
خوش تلمس شعري همس الله. يسهل
كمت من يمه ميته خجل طبيت يم مليكه. احجي وارجف هي صافنه عليه. تبتسم
تخيلت روحي اطلع من تفكير سلام تخيلت روحي اخلص من شبحه.
وفعلا الاحد تقدم قاسم كان بعده مملتحق. ابراهيم وابو سلام وحتى احمد اجه
لبيت خالهم
وانفتح الموضوع اقل الساعه وراحو واحمد هم راح وابراهيم
تفاجات بسلام جان جوه وياهم جنت امشط لضل وهي تمتحن كدامي. وطب. بعصبيه
السلام عليكم
وكفت راسن وكع المشط من حضني التفت رافع تك حاجب باوع لامه وباوعلي
همس
يوم جايات فدوه
اي يمه ديصير وصاحت للخدامه. تصب
فات من يمي الصينيه بيده باوعلي واني على وكفتي
همس بعصبيه
يله ضل بابا اخوها ينتضرها
كملت بابا كملت
بقيت منصيه حدما فات الصاله
اربع ايام والموضوع سكته اخجل اسال قاسم
تالي قبل ليلتحق سالته
ووام عمار شوكت تجي يعني خاف تجي وانت موهنا
همس منصي يحك بكصته
لاصرفو نضر عن الموضوع
ناطيني ضهره ويلبس حزامه فكيت عينه كلبي انعصر. ليش صرفوًنضر جان متخبل هوووامه عليه بقيت خانسه وافكر قاسم على وكفته ناطيني ضهره رفع راسه ليفوك جر نفس وغمض التفت عليه وجرني لحضنه
شبيك شكو
ماكو شي راح اشتاقلج
قاسم فدوه شبيك لتخبلني
والله مبيه شي باس راسي يبتسم
همس
اسونه ويطبه طوب ليرضى كملي دراستج وشتردين حاضر
هزيت راسي ونصيت
ديطلع ووكف رد كعد
همس
تعاي يمي
كعدت بصفه
كال ولزم راسه
نتر
سلام رجع فتح موضوعج
فكيت عيني
علمود هالشي عمار صرف نضر
لالا والله
لعد ليش شنو السبب
ماعرف يمكن عمه مقبل راده لبنت عمه وهو بيد عمه تره
هزيت راسي ممصدكه اباوع بعين اخويه
اسينات سلام ذهب تره
نصيت راسي
شتكولين
لا
صفن عليه بقيت منصيه معاند اعاند وي روحي. واحس هو من وراه تفركشت مال عمار نترت
هاهي موضوع وينسد
كيفج خلص
متفتحه بعد
صفن عليه هز راسه الله كريم
وطلع التحق طبيت لمليكه ابجي واناشغ من كلبي حضنتني. وتمسد على راسي تفاجات من بجت ويايه.
والله مدابجي عليه بس ليش الدائره تفتر وترجعله كم واحد تقدم. كم واحد راد ليش تتفركش وارد ارجع اله طبعا موهو الراد ابو
بقت ساكته تباوعلي بقلق
فتره ورجع خليل ورجع انفتح موضوع سلام هاي الايام كلها نفتح كامره اني وضل ابد موصلت الهم
ورجع خليل والتمينا ببيته. عازمنا. جان كلش مرتاح وانفتح من جديد موضوع سلام
لكيتهم من كل صفحه يقنعون بيه
والله هوالراد
والله هو الطلب. ابوه محجه
واني ساكته. منصيه. بقو يحجون بمزاياه وافعاله. وسوالفه. نسو اهم شغله. انه اهانني قبل ليش هسه ليش مكدرت ارد نهو السالفه بانه فكري بالموضوع
قاسم- تره اذا رفضتي متوصلين بيت خالي بعد عيب
اسينات- مااوصل اصلا
سكتو وره يومين كان دوامي بالجامعه قاسم وصلني قبل لاانزل التفت عليه كال
اسونه اني طالع هسه ومنطيتيني جواب الولد ينتضر
هزيت راسي بالرفض كوله رافضه
بقه يباوع بعيني بحيره هز راسه ساكت ونزلت
نوبات اكول تعبو من لكمتي ويردون يخلصون مني ويامنون واشوف روحي مومتطلبه ومعايزني شي شباب الكليه كومه تقدمت الي ومتصير
صار عدي مثل الصده عن هالموضوع
كملت محاضرتين وطلعت بالسنتر صديقاتي يمي دااحجي ودك تلفوني
انصدم باسم
ابو ضل
بقيت صافنه عالرقم كملت دكه ورجع دك
خجلت ورديت مبتعده عن صديقاتي
الو
الو سلام عليكم
عليكم السلام اهلا ابوضل
اسينات اكدر احاجيج
سكتت صافنه رفعت راسي اجر نفس ولمحته من بعيد يباوعلي والتلفون على اذنه
انت شون طبيت للجامعه
جيت احاجيج اذا ممكن اخذ من وكتج دقايق
ماشي اوك
سديته وطلعت وصلتله نصه راسه كال ماشو عالسياره
تفضلي
صعدت ليكدام
وصعد وطلع
عطر السياره
ترتيبها الفلكلوري
سلاحه وموبايله ومحبس ايده. الضخم عيونه تبوك نضرات وترد ترجع مترقبه
همس
اسف اذا جيتج دون موعد
مرديت
درت وجهي عالشباك
طبك والتفت عليه كال
هاي هنا كافتريا مااخذ من وكتج هواي
هزيت راسي نزلنا
طبيت للمطعم كدامه جرلي الكرسي كان جدا ذوق كعدت وهو كعد مرتاح واني ميته ارتباك
باوعلي ودار وجهه اشر للولد
شتحبين تشربين
باوعتله مي
اوك
بطلين مي وفد شوي فنجان كهوه مضبوط
راح الولد
والتفت عليه
نصيت راسي
اعتقد تعرفين ليش جاي
تقريبا متكهنه
ماشي ادخل بالموضوع راسن
رفعت راسي جر نفس بجديه كال
اكدر اعرف ليش رافضتني
بقيت فاكه عيني يعني صدك هو الراد وتقدم مو ابو
بقيت ساكته
اسينات اذا عالموضوع القديم وخله ايده على صدره
فاني جدا اعتذر
نصيت راسي
جان مصابي بعده اخضر
هزيت راسي منصيه نضر عيني
واني اليوم اخذت اذن من اخوتج وجيتج للجامعه حتى اسمع منج
رفعت راسي باوعتله
اذا عدج شي متخوفه منه من ناحيتي مابيها شي لوً اعرفه جوز اغير نضرتج
هزيت راسي لا
شنو اللا اريد اسمع منج
جاب المي وقدم الكهوه فتح البطل داره بالكلاص وعينه عليه. بجمود
قدم الكلاص بهدوء همس
تفضلي
شربت المي لان ريكي نشف
وهووشرب الكهوه كلسا معدل بشاربه
ورجع باوعلي
نكمل كلام لو منحرجه
شوي
تحبين ارجعج والعصر اتصل بيج بالتلفون اسهل
لالا عادي
لعد ؟
ليش اني
جر نفس ورفع راسه فوك
لان ضل تعلقت بيج ليل ونهار تحجي بيج
هزيت راسي ونصيت
اني صريح ومالف وادور مااكذب
اعرف
هز راسه والتفت ورجع حجه
انتي اذا وقطع كلامه التفت. ابتسم وكف
هله هله ابوشهاب
رفعت راسي شفت احمد انحرجت حيل
هلو اسينات هايابه منور الجامعه اليوم
اي والله جيت عدي شغله وي اسينات
باوعلي احمد ونصه همس اترخص اخذو راحتكم
كعد سلام واحمد راح بقيت اباوعله وجهي حسبته نار
همس
ابن عمج ورده
باوعتله راسن
ونصيت
ليش رفضتي
رجعت باوعتله لان سبب طلبه الي الشفقه وخوفه عليه
هز راسه ونصه همس
وهسه
شنو
مكتيلي ليش
بقيت اباوعله ركز عيونه بعيوني كال
اسينات. اكو ببالج حجي احجي اتفهمج
لا ماكو
براحتج كعد عدل حك اذنه بقيت اراقب حركاته تكتف ويباوعلي عاكد حاجبه
كال بهدوء
يمكن اني هم محتاج قرين ويايه بالبيت يعاونني على ضل بالمرتبه الاولى وو يعاوني عالدنيا
اوك
شنو الاوك
هاهي نصيت راسي
بقه ساكت ورث جكاره واني منصيه
همس
حتى يكون عندج علم عمتي مموافقه شتحجي شتكول عدي
اوك
جر نفس حرك فنجانه الفارغ ويباوع عالماعون
اني ماعدي زايده ناقصه عمي يومين بالسبوع محافضات و٣ داخلي ويومين عطله
يعني٣ ايام خفر و٤ متواجد انشاء الله
اوك
تنهد ونصه
تعرفين انه زوجتي متوفيه فسالفه العرس والمهر زحمه ولو انج بنيه ومن حقج
هزيت راسي منصيه احس ايدي عركت.
فشتطلبين تدللي بس عرس ونادي يعني ثكيله
لالا عادي اني ماحب اصلا ها نروح وكفت ميته خجل
بقه يباوع لطولي صافن ببرود همس
كعدي مكملنا حجي
كعدت منحرجه واتلفت فركت وجهي
همس
اذا تردين سوي انتي التحبي ببيت خليل لان شوي بيت عمتي خاف
لالا اوك
ماشي اي تردين تعرفي
لالا هاهي
تنهد
اني هذا بيتي وهاي حياتي
اوك
اذا تردين تغيرين شي بالبيت
باوعتله
ضيق عينه همس
اقصد يعني غير غرفه النوم
همست
حتى غرفه النوم لتغيرها
بقه يباوع بعيني رفعت راسي باوعتله همس
لالازم تتغير
نصيت فركت وجهي
اي شي بعد تردين
لالا هاهي
يله اوصلج
اي
وصلني وكلمه منطق من داانزل اندار عليه باوع بعيني كال
كون مضغطت عليج
لا
موافقه من كلبج يعني
هزيت راسي منصيه عيني ولازمه جنطي بايدي
اخذي راحتج
سديت باب السياره لبس نضارته الشمسيه وطلع
كملت دوامي جنت متوتره. ومكيفه اعرف كلبي واكذب روحي
ادري بروحي اتمناه واتهزم حتى ميشوف عيوني
خليل. وكعد وياه دز عليه. حجينا كلشي جبيره وصغيره.
وعرفت مرت ابويه
والبيت انكلب
قاسم مجان موجود
وصعدتلي هي ورقيه جنت نايمه بغرفه قاسم
فتحو الباب عليه ويصيحون
ترفضين غصب عنج.
واني ساكته. رقيه تقدمت بتهجم
شبيح انتي طررشه
درت وجهي اكوم دفعتني
هييييي ترفضين لا والقران اسود عيشتج شايله اصبعها تهدد
وخري من يمي
انتي شو متسبعه لفتي ودرتي لفتي ودرتي حدما. وصلتي لمبتغاج كل عقلح اخليج تعيشين عيشتي كل عقللج تحلمين بابا
دااطلع مرت ابويه صيحت
ارفضي تره حتى من البيت اطردج اطين عيشتج وتعرفين ام قاسم
باوعتلها ابتسم
والله ونفذتي وصيه حمزه
فكت عينها ضربتني راشدي بقيت مغمضه ماشوف الا مليكه فتحت الباب الخشب اللي عالدرج وطلعت
جانت بهدوم الشغل
دفعت مرت ابويه انركع راسها بالخشبه مال باب
ورقيه انكفشت
منو سمحلللكم تضررربوهااا
وتكفخ برقيه رقيه تقاوم وهي تضربها اكثر
جرتني وطبت لبيتهم قفلت الباب
واني هاااادئه
شبيج مخبله انتي مكفخه قاومي
مابيه حيلللهم
شبيج شبيج. متكوليلي مستسلمه
غمضت حايره وكعدت كعدت كبالي تنك تنك واني راسي صار طبل
خابرت خليل كتله
تعال عليه
وفعلا اجه اخذني محجيت شي ولاهو السال يعرف كلش زين
بقيت ببيتهم كم يوم وزمرد جانت تحضر تسوي سبعه الها لان ام قاسم رادت سبعه
حاولت تطلعني من مزاجي مكدرت
ضل يوميه تخابر واني مثل الميته احاجيها
ام سلام جتي جانت طايره. بيه مشتريه الذهب والحلقات من افضل مايكون
كالت
حبيبتي العقد يصير بيوم سبعه زمرده. نصدمهم وتضحك خليهم بالروس
قبلت مناقشت
شترولي ثوب بيجي وي بدلات زمرد وام قاسم متدري وي سبعه زمرد مهري
الصبح خابرني خليل جنت بدوامي كال
حنمر عليج اني وسلام علمود عقد المحكمه طلعت موافقته
اوك
مروا عليه
وطبينا عالقاضي
تسالم وي سلام
وبده يحجي التفت عليه سلام لمعت عينه ونصه
اعرف تذكرها
اعرف يحس بخيانتها بقيت اباوعله رفع راسه وعاين بعيني وردد واني رددت وراه
طلعنا خليل باركلنا واحنا واحد اجمد من الثاني شنو الديصير بينا مااعرف
همس خليل
تطلعون تتغدون وحدكم
ثنينا همسنا
لالا
باوعلي بالمرايه ونصه عينه واني درت وجهي
ليش قبلتي لعد ليش هالتناقض بيج تردي ومتردين غيرج بعينه بهالسهوله.
وصلنا بيت خليل خليل طلع يجيب بقيه الشغلات ويوصي العشا
وام الصالون جتي زمرد بارده حيل وخليل نار معرف شون تراهمو
جانت عيونه تترقبني بحيره واني صافنه ببرود جوه ايد ام الصالون
توسلت بمليكه تجي بعد عناء وافقت
وجابه احمد
جانت لابسه كوستم مرتب ومسشوره شعرها كعدت بالزاويه متحركت
كملت وطلعت زمرد هم طلعت ويايه كعدنا بهول شقتهم ننتضر المعازيم
رقيه جانت كاشخه كلش وبنات العمه كالعاده
وبدت الحفله وام قاسم تتباها بابنها وببيته وبالبنيه وجمالها
وام در ررضت عن خليل
وصاحو اجه السيد خلي العروس تكعد وره الباب
باوعتلي ام سلام تبتسم ومشت تجاهي كالت مشاورتني تضحك
كومي هنا عروس
كعدت والعيون تشخصت عليه
خليل طب صاح
خلو اسينات تكعد وره الباب
العيون تحجرت ام قاسم صيحت
شنووو هاي
خليل خزرها بغضب حجايه لخ. اكلب الشقه على راسج
وبلش السيد يحجي وام سلام تصيح
عيني شوي صووتكم العروس مدتسمع
وهمه دددو يدوون والحجي انواع اشكال ضل واكفه بصفي لزمت ايدي تباوع بعيني احس حست بيه خايفه.
همست
والله اني كلش احبج
ابتسمت حضنتها دمعت عيني ودخلت اول اشعه فرح لكلبي
العمات شوي شوي كامو يتسحبون ويطلعون وام قاسم كلسا تنتر
كمل العقد وام سلام كلبت الدنيا بالهلاهل
وبوستني
طب قاسم عيونه مدمعه حضنني ويباوع بعيني
شبيج اسونه مفرحانه ليش لج ذهب سلام
وتذكرت حمزه
شكد جان يحبه ويحمد بي
هزيت راسي
ام تعاركت وياه وهوً مو يمه يضحك طب خليل مزنبر باركلي همس
الولد ديفوت زمرده طبي بس يلبس الذهب ويطلع
وفعلا طب
ابو وياه
ونسيم
رقيه بس بقت وام قاسم وام سلام وام عمار ومرت راجح ومليكه وخوات ام سلام ٢
جنت ارتعش موارجف
باسني ابو سلام من راسي همس
الله يدري شكد تمنيتج اله
وتقدم هو كان بلبس رسمي مرتب حيل امه قدمت العلبه وفتحتها وبده يلبس جسمي يقشعر بمجرد ان تلمس اصابعه جلدي
كمل همس
الف مبروك
باوعتله نصه عينه الهلاهل تركع وهو منصي ضل لازمه ايده تبتسم
لبسني حلقتي واني دالبسها ارجف كمل لبسها هو
كعدنا طكو كم صوره
ختمتها ام قاسم تعاركت وي ابو سلام وطلعت ورقيه بقت كاعده. نسيم شاورها خزرته ودارت وجهه
شلت شعري لان ديجلب بلماع الثوب بين نص ضهري
التفت سلام باوع على حركتي وانتبه لضهري متت بدمي راسن دار وجهه ونصه يهز برجله وكف
عدل سترته همس
يوم حطلع
اي يمه هاهي
طلعو الولد بس قاسم بقه عيونه على مليكه الكاعده بالزويه متحركت ابد
تقرب يمها مباوعتله
اباوعله يلوب وعيونه عليها
رقيه التخزر بيها. وهي مويمها
بقو يركصون ويهوسون
لحد ما خلصت الهوسه
ام سلام طايره وتردد
لتضوجين منهم يغارون. منج ومن حسنج الله. يوفقكم وتترسيلنا البيت جهال
هزيت راسي
طلعو كلهم وطبيت بدلت وسبحت
كعدت اتنفس خابرتني مليكه
حجينا هواي قشبنا هواي اخر شي كالت
قاسم من دااطلع جرني بغرفه الخطار حجه ويايه
صفنت
اخوج ميستحي اسينات مكتيله رافضه. ليش
والله كتله شسوه
مسوه شي بس ضل يتعذرمني عالصار قبل واني احلف نسيت كلشي عيونه اكلتني ووجهه صار احمر صار عصبي يكولي شبيه وترفضيني
يابه اني مرايده اتزوج عوفني
وعافني وطلع
ورجعت وي حمودي
الله يطلعج من كلبه
اميننن
كملت السبعه وقاسم رجع لبيتنا واني بقيت بيت خليل المقرر سبوع اليجي العرس لان ماعدنا شي
ام سلام كالت كلشي اسويلج. حنه وبدله وخواتي يجن شنوً ذنبج حديثه انتي
توني انام ودكلي خليل
كمت طلعت شفت زمرد وجهه اصفر
شبيج شكو خليل ديخابرني وينه
خليل طلع
رديت
ها خليل
اسينات قاسم مخابرج
لا من رجع بعد مخابر
سكت وصوت سلام يمه. يصيح
اخر شييي حاجاني كلي بالجادرجي انييي وينه اختفه.
سده خليل ورجعت مليكه خابرت
لج قاسم ماهو
يعني شنوماهو جاهل ديضيع
ماكو ماكو من ساعه٧ لحد الان
رخه جسمي اباوع ساعه وحده خاف جماعته خاف احد باقي يمه
ورجع دك خليل
سديته منها ورديت
ها خليل صواي انبح راسن
همس
اسينات شفره تلفون قاسم شنو
همست
ممملك روحي
ردي حرروفها mlk rohy
كالها بعصبيه
ارتعش وارد
سده مني راسن
كمت ارجف والطم راح اخويه مني راح
يتبع...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!