رواية منطقه 13 الفصل الأربعون 40 - بقلم mem141162

#منطقه13

تكملة #بارت٣٩

بقت السياره تدك بينا واني كلبي يدك سريع راسي احسه النبض يدك بي. رجفه بكلبي خوف من اللقاء شون خيكون شراح يكولي شراح يسالني حيحبني مثل قبل لو يشيل هم  من يشوفني رجعت

عابس صافن عالشباك مضيق عينه

مرت ساعه اكثر ودك تلفون عابس عكد حاجبه وباوع للرقم باوعلي همس

جن كلبه علمه جاي طاير
رد الو

الو ااني بيت جدي وين وصلت

اني بعددفددربع ساعه يمك
ماشي بس ابو منو بله زحمه
مومهم  سيد مو مهم
ماشي فيماللا
الله وياك

يحجي واني ايدي الاثنين على شفتي عركت كثر التوتر باوعلي ابتسم بتعب همس
اخوج معدل
وانت هم شون حلو تحجون اني متاكده تصيرون اصدقاء بعدين

هز راسه ودار وجهه رجه راسه عالكشن يجر نفس بصعوبه ويباوع بوجهي
همس
نرجع للمصلى ونعيش هناك
بقيت اباوع بعينه همست كيفك

ابتسم جر نفس باوع للسايق واني هم باوعتله جان يباوع بطرف عينه يبتسم
درت وجهي راسن من عصر ايدي همس
عينج
ودار وجهه عالشباك اني هم درت وجهي

التفت عليه اني صافنه
همس
شبيج
خايفه كلتها وبرطمت اتنفس سريع
ليش هذا اخوج. التانيتي.  كل عمرج ميل راسه بتوسل يحجي بهدوء
هزيت راسي
واانت هم تخلص ووبعد منتفارك مو

حجه الضابط ليكدام همس
منا ابو قبضه مو
اي بلي الفرع ابو المدرسه اي  هو هذا
وصلنا منطقتنا باوعلي
هاي منطقتكم متذكرين
لا رجف كلبي واتنفس سريع
همس
جاهزا ولزم ايدي قوي رفعها وباسها قوي جاهزا. مليكا
وكفت السياره من عابس كال
يمك هذا البيت

لزمت ايده قوي
عاابس فدوه عابس لتعوفني خايفه وارتعش. رعش
لمني بحضنه بقوته ويشم بيه مغمض عينه قوي ويردد
راح تامنين هنا بعد ماكو تختل مليكا تعيشين عيشه بشر مو حواوين
لزم وجهي ويباوع بعيني
هدات بنضره عينه بلع ريك وجهه انطعن بياضه صار احمر حيل ونفسه يرجف

همس بصوت يرجف
اخذج وارد بيج للمصلى  تراا  لاتبجين

هزيت راسي لا
مسح دموعي  ويهز  راسه  الضباط نزلو خلونا وحدنا والشارع فارع تقريب ال٤ الضهر

باوع للشارع وباوعلي
يلا
بس بس باوع ردت اكولك شغله
شنو وقرب وجهه
اني والله احبك وبجيت
غمض عينه ورجع راسه عالجامه رجاه وتنفس بشهكه ورد ذب نفس باوعلي عيونه ذبلت حيل
ششون حنتفارك. تتاخر عليه ؟
هز راسه لا

تطمنت طك الباب وكلبي يررجف رجف بعد شوي يوكف  نزل وعيونه عليه شبك ايده اقوى وتمشينا رجلي مدتشيلني
هذا البيت هيانه كدامي  مغيرين الباب ومكبري البيت

همس
هنا شفتج اول نوبا
ششوكت
وكت الجيت اخذ خالتج
ابتسم وكفنا شال ايده وباوعلي غمض ودك الجرس الضباط تقدمو يمنا

همس تعالي اوكفي كبال الباب
وكفت وارجف اباوعله هد ايدي عركت جلبت بطرف ردنه واجه صوت رجولي
منوو
ورجلي رخت دموعي تركض ركض
بقيت متبسمره بعيني عالباب
حيفتحها
حشوفه
حيشوفني
حيعرفني لو لا

انفتحت الباب
رجال بلبس عسكري عابس واكف بالطلاكه الثانيه مال باب
ميشوفه بس يشوفني الي

بقه صافن بوجهي همس مستغرب
تفضلي
بلعت ريك صوت عابس مد راسه همس
سيداحمد  هنا

جاوبه وعيونه عليا فكها كلها همس
دقيقه
فات للبيت عابس سال وعيونه عالبيت لم شفته لداخل حلكه
منو هذا مليكا

مادري ممتاكده
واحد من ال— فشر باوعتله راسن
دار وجهه صار احمر ويتنفس بغضب غمض وكبس على ايدي
عيوني تبسمرت عالباب  مال مطبخ
هنا ضربتني
هنا بيبي لازمه ايدي قوي حتى ماروح ودموعي تنزل ركض ايدي من كثر ملازمه ردن عابس احسها عركت

وطلع ولد اطول من القبله بلبس عسكري يختلف لونه عن الاول قميصه نازل عالبنطرون.

وووراهم
وراهم
وراهم ابويه بمشيته.  بصفنته عكده حاجبه. وخطوته الواثقه الطويله.
نسخه منه كان
فصلت من الدنيا واكفه كدام الباب شفتي تردد احمد حتى بله صوت

بس شافني وكف عيونه الكبار العسليه انفتحت كلها واللي بصفه هم تقدم خطوتين ووكف
همس احمد
امي. — يووم — هااي. مليكككه

صوته يرجف رددت طلع صوتي
عابس هذا اخويه باوعه
همس مليكا بس باعيلي
واني عيني تبسمرت على احمد الصافن عليه ويتنفس
مليكا عاينيني
باوعه هذا احمد
بس اسمعيني  هاج
باوعتله
باوع بعيوني عيونه نار متروسه دمع بلع ريك والتفت عالضباط ورجع باوعلي

همس
مليكا انتي
طالق
ونزلت دموعه نصه برجفه انحنى ضهره

همست
ليش كمت اشهك ليش هيج

وصرخه طلعت من البيت
مللليكههه. والله هاي مليكه للك  حمززه

التفتت راسن
قلصت ايدي قوي
وانجر ردن عابس من بين ايدي بس عيوني على احمد متحركت

تقدم ركض جرني من الشارع وحضنني يتنفس بغضب. ويحضنني بيه
بجه بقهر وكعد على ركبه واني رجلي راحت وياه
يناشغ ويصيح  ولج ووووين رحتييي

يباوع بعيني معصب حيل ويتنفس ويرجع يلمني بقوته
ردد
بس كوليلي ماشيه صحححح يبت السيد احجي. غلللطتي

بجيت بقهر والله لا والنبي مغلطت باوع هذا هذا الولد حماني وحافظ —- من التفتت
شفت السياره العاليه تطلع من الفرع وعابس ماكو
راح
عافني
كعدت بالكع اتنفس حسيت كلبي مكانه فرغ
راح ميريدني
طلكني وخلص منييي
واحمد حاضني ويصيح وين رحتي

اني بس صافنه
ضربني راشدي
ليش انهزززمتتتي ليشش
ورجع حضني يبجي
ياللللله ياربي وين رحتي وين جنتي احجي
جاوبت ارجف
حسيت روحي وحدي
ووالله والله منهزمت احمد  التفتت شفت الشيطانه واكفه. تباوع فاكه حلكها

بحركه كلبي
شوطتي عللي تركني
باتهام اخويه وسود الايام العشتها كمزت اركض عليها مدري منين جتني القوه
وصيحت
هاي هي كالت هيييييج هيييه واملخها من شعرها وركبتها شرمختها تشرمخ ملخت شعرها بيدي نزلت رسها بالكع حيل  يردون يفكوني منها واحمد صافن

ولدها جروني
وشعرها تكطع بيدي واصرخ
وهي تغلط وتصيح اني شعللليه. جايتني من بعد عشر سنين. تكول انتي السبب لعبت عالماكالت كافي

صيحت بصوتي
العالي وارجف احس روحي وحدي محد يحميني بعده

انتي الطردتيييني انتتي. كتيلي اوديج بيت الايتااام موتتيني جوع وملختيني من الضرب

وباوعت لاحمد.
نترت
قاسم وخليل تحارشو بيههه حصروني وره البيت واني طفله والله تكولي توكعين بين ولدي وهمه. حارو شسوو بيه

احمد فك عينه كلها وكمز عالولد اللي بصفه  لزمه. ملخهه دماه. لازم راسه ويركع بيه بالنثر الولد تخربط بالكع وكع والولد الثاني يجر احمد ويصيح
اهدا احمممد اهدا

احمد صيح  ولك اموتتتتتك. اموتك بيدي.

جاوبه والدم تارس وجهه
والله ابن عمي مو بوعيي والله

ومرت عمي تصيح
كذابه. تربايه وضحى ام ال—

والثاني صاااح
بسسسسسس يممممه فوتي جووووه من وراج الديصير من ورراج
عرفته هذا حمزه جاب مي لاحمد واحمد نفره ووكع الكلاص صيح
حتى العسل منكم ماريده
ماريد كلشي منكم لاانتوًولد عمي ولاريد اعرفكم

وجرني من ايدي همس
عدلي روحج
عدلت نفسي ومشه بيه يجر
امشي واتلفت حمزه والولد العسكري طلع قاسم بقه يباوعله من دنمشي

المشكله
صرت ماعرف امشي بالشارع خايفه احس روح
واللي ديجرني  ماعرفه
اسمه اخويه
مستغربه منه حيل حيل مستغربه

يمشي ويردد
ويباوعلي
وين جنتي احجيلي
هزيت راسي
ايده ترجف ووجهه احمر
همس شبيج تتلفتين ليش خايفه
هزيت راسي وبجيت اشهك
هو هم بجه ولمني بحضنه بالشارع
العالم كم واحد طالع يباوعولنا نبجي

ويحجون
محتاجين شي
وهو يهز راسه لالا
وكف تكسي
كعد ليكدام واني ليوره ارتجيت عالجامه وعيوني جرت
جيت وياه وعافني وراح
كلبي مقبوض مخنوكه حيل انتبهت عيون احمد ويايه تبجي
عض شفته وهز راسه متحسف
وغطه عيونه يشهك

واتي وي شهكته تكطعت روحي
ابو التكسي همس
لاحول ولاقوه الا بالله عمي شعدكم حاله وفاه
احمد مرد ساكت
اشرله ميكدر  يحجي  براس فرع
ونزل فتحلي الباب
نزلت واباوع المنطقه راقيه. الجهال يلعبون عالبايسكلات بنات صغار بلبس مرتب حيل
همس
ومد ايده

امشي ويايه مليكه
امشي واتلفت
شبيج تتلفتين
شبيهم يباوعولي
محد يباوعلج شش باعيلي شبيج خايفه
رجفت شفتي باوعتله

مستغربه منه خجلانه وخايفه

بلع ريك ونصه وصلت لشي مثل الكابينه فتح بالمفتاح الباب
وباوعلي
وين احنا
هذا محلي وبي غرفتي اعيش هنا اني
بلعت ريكي هزيت راسي يتامل ملامحي حتى شاربي. يباوع. بوجهي. كل تفاصيلي
طبيت وراه وقفل الباب

التفت همس
فوتي تعاي
باوعت محل انشائيات  مرتبه حيل مرتب ومن عده طبيت لغرفه ثانيه

بيها مندر وتعلاكه ديلاب حديد وميز وكومه كتب ومرايه صفح

ومنا طباخ وثلاجه صغيره وسنك صغيروني
كعدت. عالمندر

كعد كدامي وشال التلفون يباوع بوجهي ويحجي

الو ها محمود.
اكولك دزلي نص كباب ونص دجاج عالتمن
اي اي للمحل فدوه
رحمه الله والديك
اي تدلل باجر امرلك اسوي انشاء الله
سده وجر نفس

باوع بعينه

همس
منين نبدي
نصيت راسي ارجف
منين نبلش
عتب
لو حزن اللي مكدرنا. نتواسى بي بفراك ابونا

منين ابدي اعوضج. سولفيلي. احجيلي كلشي ملوكت سلمان وصبحه
بجيت بقهر
يوم.  يوم تذكرته. لحضه لحضه بعيده عنه. وكل قطره دم شهدت عيوتي عليها

يبجي بقهر وجرني لحضنه ويبجي
احجيلي يبت ابويه وامي احجيلي كلبي مليكه

كمت اناشغ  بجي توجع حس الذكريات يوجع صداها

يوميه ابدي من جديد تعبت خلص عمري

جر نفس
وصوت صار اجه من فتحه مخلي بصفها الطباخ مثل الهوائيه
احمدد
احمد وينك موجود

وكف جر نفس

نعم.  بلي هنا اني
يحجي ويباوعلي
تفاجات منو هاي
شفت بس وجهه
وملامحها تغيرت
وحده تخبل من الجمال
طويله كلش وبييضه.
حلكها مسقول وعيونها وسيعه. فاتحه افتح من عيون احمد لابسه حجاب من شافتني تخربطت احوالها. نصت راسها دتروح بس بارتباك وصاح احمد
دقيقه ست نور
العفو مجنت ادري عدك احد
ست نور فدوه. دقيقه

التفتت علينا  حايره عاكده حاجبها تباوعلي
ست نور
هاي مليكه اختي
كالها وبجى مليكه اختي رجعت ست نور

تقربت يم الفتحه وعيونها غركت دمع. تباوعله وتباوعلي

بلعت ريك وهزت راسها كالت
كرت عينكُ ببيها ماما لتبجي. ارتاحو ارتاحو. ممحتاجين شي
جان صوتها يرجف

وعافتنا وراحت

كعد بالكع وارتجى عالحايط لزم راسه

همس
اخذي راحتج. نزعي ماعدي احد

باوعلي وبرطم ماعدي غيرج مليكه

نزعت حجابي  باوعتله بقه يباوع لشعري ابتسم. همس

فدوه لمحمد. صدقه لربج نفس مجنتي صغيره

نصيت راسي

خجلانه. منه خجلانه. من اخويه

اشرلي تعاي يمي. كعدت كباله. تربعت
تلمس شعري غمضت عيني قوي وبجيت تذكرت. عابس
ليش تبجين. حبيبتي ليش

باوعتله

همس
احجيلي كلشي

هزيت راسي

وبديت احجي وارجف تجي مواقع ماتكدر احجي يغمض ويركع براسه عالحايط.  بخفه ويهمس كملي

واكمل
حجيتله
شون انقتلو كدامي
شون انعدم واحد منهم. بتيل الكهرباء يمكن شي مكدرت اذكره
سابقا
حجيت شون عشت
شون تمرضت
شون متتت ميييت مووووته

وحجيت.  بعابس
بوجه يبتسم وسرحه عقل
حجيت الصار كله

وهو يردد
هذا دعائي ودعوه امج وابوج

هذا اصلج وصلاتج. الوكفلج

هزيت راسي وصفنت

همست

اريد منك تخابره

هز راسه. من طلكج. انتهت بينكم مليكه. هالولد مسلم روحه  وامن عليج. وراح وي الشرطه

بحيت ولزمت ايده
الله يخليك خابره بس. بس اتطمن
غمض عينه

وهز راسه موافق
شال التلفونً دك عالرقم
لكاه مغلق

همس
مغلق

غطيت وجهي وجرني بحضنه

هاهي خلص. كافي

بجيت بقهر

بس هوويحبني بس هو خاف عليه وحماني اخاف بدونه

اني احبج ملوكه اني هياني يمج. حبيبتي. هو كلي. دير بالك عالامانه. وصونها بعينك. واني مجنت اعرف. عليج. رغم كلبي علمني ماعرف شون

يحجي ويباوع بعيني عيونه الجوزيه فاتح. انصبغت بالاحمر
هزيت راسي وبداخلي اكول يرجع ميكدر  ينساني وارجع اتذكر كعدتنا بالبستان
المهم انتي مرتاحه

وكف احمد بضهر محني يفتح باب محله اللي ديندك همس
اجه الغدا
هزيت راسي
تاكلين
هزيت راسي باوعتله ابتسم باسني من خدي وحضنني
طلع جاب الاكل وجاب صينيه وفرشه  هووساكت واني ممتعوده احجي وي غير عابس

ياكل  ويباوعلي
وضحك من كلبه.
اباوعله اضحك عبالك بابا

مات ضحك
ايي شبييك
ولج شسويتي بمرت عمي

بعدني مفايخ كلبي
فايخ كلبي
هله هله بالحجي معوده
نصيت راسي
اتشاقى وياج
اعلمج شغله شغله حبيبتي
هزيت راسي

همس
عمج راجح انفقد
ادري بي

شون
حجيتله كلشي

سكت وهز راسه همس
جنت احس احد مراقبني  

جر نفس وشرب. اللبن باوعلي
علاجج  وين خل اشوفه
كمت فتحت الجيس دادور الحبوب وشفت ورقه مكتوب بيها بخط بدائي
مليكه قلبي

خط صاعد نازل

عرفته خطه شميت الورقه وطبكتها  وطلعت حبوبي اختنكت. حيل
شافها احمد وباوعلي همس
باعي اعزل واوديج للطبيب اختصاص سكر
هزيت راسي

جر نفس ابتسم
اشتريلج جبه مرتبه تليق. باختي

هزيت راسي نصيت

عدي هواي حجي شكدد
هزيت راسي

همس
باعي الكتب

شنو
داكمل دراستي سادس. بعد سبوعين  امتحاناتي
فكيت عيني ابتسم
فدوه ياربي تحقق حلمك
وتقدم عليه

اليوم اني
باجر انتي مليكه.
باجررر انتي ماخليج هيج

هزيت راسي وغمضت

اندكت الباب
همس
عدي محاضره هسه
ووين ابقى وحدي هنا
تردين تجين مالها يبتسم
وين
هنا بصفنا نور مدرسه تدرس
لالا استحي
براحتج تبقين هنا ماراح افتح. اليوم بس اكمل محاضره واجيج اخذج للطبيب

اوك
ارتاحي هاي حمام اذا تردين نامي حبيبتي

اي
طلع ويقفل بالباب ويتلفت عليه يبتسم

راح
وبقيت وحدي
ابجي طلعت الورقه واباوع كله صح كاتبها حبيبي كلها. صح ولا نقطه ناسي

تعبت من البجي
وكمت رتبت الغرفه لان هوسه. غرفه ولد بعد

وكلشي يذكرني بي

وجع
وجع بكلبي احس وي كل دكه تسال علي

عيوني غوشت كثر البجي

رتبت كلشي

وسبحت
وكعدت اسرح شعري

هدومي البيها ريحته مغسلتها اشم بيها متروسه ريحته الموجوده بقميصه

البارحه جنت نايمه ولازمه ايده

وهسه حنام بدونه باوعت للمندر مال احمد
اختنكت الغرفه خنكتني
اقل الساعه وطب همس
تفضلي. ست نور
همست
خاف نايمه
لالا كاعده بس هي هادئه
طب وطبت هي هم

كمت وافرك بيدي
همست
فدوه حبيبتي نفس موصفج احمد
واحمد يبتسم
همس

ست باعي شعرها شون ملفلف. تتذكرين من جتي الطفله تشتري كلوب كتيلها شكد حلو شعرج. و كتلج جان شعر اختي هيج

اي صحيح

شونج ماما
هزيت راسي منصيه
باوعتله شو متحجي
احمد- باشري تستحي مستغربه

همست
حبيبتي مثل اختج اني هاي جبه عدي جديده والله بس طلعت صغيره عليه.

نترت
ماريد
باوعلي احمدً مستغرب
همس كيفج هذا هو اني اشتريلج

باوعتلي البنيه وباوعت لاحمد

اايعني  ارجعلك الفلوس احمد متريد تشتريها

احمد باوع بوجهه همس
مادري ست كيفها  هي
باعيها والله حلوه زين جربيها واذا معجبتج دارجع الفلوس لاحمد
احمد يباوعلي
لبستها وكلبي حيطك
اني مو هنا
اني هناك
بين الغرفه ولمصلى

بين الحديقه والممر
وبين حضنه ولمسه ايده. لشعري
وبين قراني وقصصي
وكتابته التضحكني
وبين
بين
بين حبه اللي تحجي عيونه

لبست واحمد افتر
همس
والله مليكه حلوه
ههه مليكه.  مليكه حييل صارلي شكد مكايلها جرني حضنني ويهمس
ولج انتي رجعتتتتي

رجع بجه والبنيه تبجي
اني تمرضت دمعه عيني تعبت حتى عيوني من البجي

كالت
احمد خاف الطبيب يعزل ماما ودنيا مغرب موزين تضلون تبجون
هز راسه يبتسم ماشي

اشرلي
لبسي هذا الحذاء
لبسته ساكته

وعدلتلي الربطه هي كلما تباوع بعيني ادير عيني.

اللي عشته خلاني ماريد اختلط وي اي احد

اريده بس اله
اريد ارجع. يمه

تعبانه. مستغربه. مثل اللي مضيع. امه ضيعت امي من جديد

حعيش مره لخ
مكان مو مكاني
ولاعيشه عيشتي
مداكدر اكمل يومً واحد شون حعيش شون

طلعنا وهو كدامي توه يقفل وسمعت صوت ورايه

شلونك احمد 
التفتت. رجال اسمراني

هيبه وخشن وطويل
عيونه خضره طوخ وشعره  جوزي باوعلي ونصه راسه
انتبهت  لابس عسكري
واللون طوخ
وسيارته عاليه مضلله

احمد من شافه عيونه نطت

همس
جيتك برجلي
وشتسوي سوي واكولك اني غلطان

وباوعلي
شونج مليكه عيونه انترست دمع ونصه راسه

باوعت لاحمد
تلفت عالفرع وهمس متقرب منه دفعه باصبعه تروح منا. لااكسرك. ماريد اشوف واحد منكم

خل نتفاهم ابن عمي

غمض احمد ضاغط على سنونه

نتر
امشي مليكه
مشيت وياه واتلفت عالولد
كال
انتضرك هنا احمدد

يتبع
مريم السعدي