رواية منطقه 13 الفصل التاسع وخمسون 59 - بقلم mem141162

بارت ٥٥

#منطقة_13

#للكاتبه مريم_السعدي

اسينات- ثاني يوم الصبح بدلت بيومها جانت امتحاناتي خلصانه وضل بقالها بس امتحان الفرنسي والمعلمه دازه على اهلها

راحت ب٩ ونص بخطها صعدت واني وره نص ساعه طلعت
بقيت انتضر كملت الامتحان البيت
االجبير كان هادي والباب مسدود
طلعت السايق يمسح بسيارته بالطرمه الخارجيه باوعلي صافن ونصه انحرجت وره هوسه البارحه
وتقربت منه
عمو توديني لمدرسه ضل
اي صار
صعدت وصلني كتله اخابرك من اكمل وراح
بقيت انتضر تطلع ضل من الامتحان. مدرستها اهلي دراستهم انكليزي داانتضر وطلعت معلمه سالتها كتلها ضل. سلام ثاني - احمر
كالت توهم كملو الامتحان
وطلعت ضل تمسح بوجهه وتسولف وي صديقتها عيونها وارمه بعدها شافتني ضحكت ركضت عليه
حضنتها

تباوع بعيوني
اجيتي مكذبتي عليه
اي حبيبي واعدتج
لعد هسه نطب عالمعلمه مو
هزيت راسي اوك وين تكعد معلمتج
بغرفه المعاونه

جرتني لازمه ايدي ومرتبكه
شنو حتكليلها
معليج اني احاجيها
بقت تباوعلي واصبعها بحلكها

طبيت سلمت المعاونه سالتني عليمن جايه معلمه صف ثاني ابتدائي

ودزو عليها بغرفه المديره.
ضل طلعوها
كلتلي تفضلي
كعدت كالت حضرتج والدتها
اي نعم اني الاقريها بس صار سبوعين مريضه

اي لاحضت تراجع مستواها
كالت
كادر المدرسه وفريق التدريس اذا الطالب وصل ٥ درجاته. نطلعه غير صف
لا طوها مجال اني هسه تعافيت ومراح اخلي مستواها ينزل
هاهي وقعي هنا
مكتوب توقيع والده الطفل دااوقع ضهري عالباب وسمعت صوته
السلام عليكم
وكفو كدامي غمضت عيني
كال بحزم
اني والد الطالبه ضل سلام
ابتسموا
باوعتلهم وكملت كتبت اسمي

المديره همست
اهلا اهلا سياده ال-
اهلا بيج عفوا. دازين على ولي امرها
همست معلمتها كدامي
اي هاي والدتها لبت الدعوه تفضل
خنس سلام طبت ضل وي معلمتها ووكفت
معلمتها الثانيه همست
وينها امج
اشرت عليه وتباوع لابوها مرتبكه

التفتت مبتسمه
حتى بابا اجه علمودج
بقت تباوعله بخوف واصبعها بحلكها جريته بقه يباوعلي ويباوعلها وكف كال

ست اي شي بعد
لالا هاهي تعبناكم بس لازم متابعه

اي لا مابيها شي هذا من الحرص. اا نترخص احنا يله بابا امشوا
حاول يبين كلشي طبيعي

طلع كدامنا لابس هدوم العسكريه لبس نضارته ومشه سريع واحنا وراه ضل تباوعلي همست
عصبي
لالا
نروح وياه
صفنت والله ضلوله مادري
طلعت اني وضل وراه كلت اذا مكال صعدو اتمشى
صعد بالسياره
والتفت باوع بطرف عينه همس
ضل بابا صعدو
ضل تقدمت صعدت ليوره صاحت بارتباك
اسينات
مباوعتله
همست اشوفج بالبيت

حتروحين دمعت عينها وتباوع لابوها ليكدام
وهو ساكت لازم الستيرن بعصبيه
همست
اي هسه اجي اجيب غراض مال كيك حتى نحتفل كملت الامتحانات
ابتسمت وهزت راسها همست
جيبي نوتيلا جبيره
ميخالف ههه
سديت باب الوره
وصعدت الرصيف
طلع بسرعه
واني تمشيت للاسواق
ورجعت مشي طبيت للبيت رقيه توها جايه من بيت خالتها يمكن احسن شي صار انها جانت بايته عدهم البارحه

طبيت شفت ضل بحضن ابوها حاضنته ولازمه وجهه تحجي وهو يحجي بعتب وهي تحجي وتبوسه من خده
والله ماسويها بعد لتزاعلني
هز راسه جر نفس حضنها ونزل عينه. مباوعلي ابد باوعتلي ابتسمت
اسونه تصالحنا اني وبابا
خوش
نسوي كيكه
اي يله بس خل ابدل
همست اني ارتب المطبخ
يله

طبيت للغرفه تذكرت هدومي هناك
جنت اتصرف بكل سلاسه. وحده غيري تنحرج الا اني طبيت للغرفه دكيت الباب همس
تعاي بابا
طبيت لغرفته ماباوعله طلعت ملابس الي وجهي انعكس بالمرايه مخلي اصبعه جوه راسه يباوعلي ببرود
طلعت من الغرفه للحمام اخذت الشامبو مالتي والفرشه مال اسنان والمنشفه

وطلعت بدلت بغرفه. ضله وطلعت للمطبخ

مطلع من الغرفه ابد لل٣ دنتغده اني وضل لفات دناكل. مال همبركر وطلع
باوعلنا اني نصيت
حتى ممحسبه حساب باكل اله

طلع بهدوء وكفت ضل
بابا حتروح
لابابا هنا يم بيبي
اوك
وردت كعدت تباوعلي
همست
بعد انتي وبابا ماصيرون عروسين
حبيبتي لتفكرين بهالسوالف
خاف تروحين
موكتلج ماروح
هزت راسها وكملت لفتها

كمنا نسوي الكيك وهي تخلي النوتيلا طيرت نص القوطيه وهي تمسح عالكيكه
كافي ضلوله
مو طيبه ههه
هسه برشي النستله هاي
كعدت تبرش وتاكل
لج ماما شبقى منها

ضحكت بصوت عالي روحي ردت حضنتها. كرصت خدها التفتت شفته يباوعلنا ضايج
باوعتله ودرت وجهي
وضل صيحت
بابا صارت الكيكه
اي بابا
تاكل
لالا حنام اني لتصيحين زين
اوك

كملنا الهوسه وعفناهاتبرد طبيت بغرفتها ابدل لان تدمرت اباوع ٢٥ عالميز كاتب عليها
فلوس مواد الكيك
خليتها بالجنطه وبدلت
ضل طبت تضحك
كالت
بيبي جابتلنا تراكسودات اني وياج
فتحتهن بلهفه صيحت
اللله خوات خوات
واجه صوته
ضللل بابا اريد انااام

اي اي بابا خلت ايدها على حلكها تضحك
الايام تمر التحق سلام بيومها بليل دز على ضل وهواي طولت يمه. يله جتي

هالفتره كلها اني وضل غدانا وحدنا سوالفنا ونومنا وهو كله بيت اهله بس من ينام
فتره وكسر الجو لبسنا التراكات الجابتها ام سلام
بدلنا ثنينا شوي بي كصف بس كلش حلو ضفرت شعري فرنسيه وهي هم ضفرتها الها

طلعنا سيت دنسولف اني وياها هي تمسح الكاونترات واني اغسل مواعين. ونباوع عالكرتون سوه

سمعت همس

السلام عليكم
التفتت متفاجاه
ام سلام
باوعتلنا ثنينا تبتسم
ضل بقت صافنه تقربت بوست ببيتها وتباوعلي

تقربت مني بوستني
همست
شونج ماما
زينه الحمد لله
تستقبلون خطار لو تضوجون
لا خاله العفو تفضلي
كعدت واشرت تعاي يمي
كعدت يمها استمع الها
وبدت تعتذر عيونها تدمع واكول والله موقصدي اغثج والله وانتي يتيمه. بس اني ام موبديه
ملمتج اني خاله بس لمت اخوتي لان مكلولي

تباوع لضل وتباوعلي

خنست
الله ينطيج اجرج على هالدلال يله اعوفكم

وكفت وطب سلام
صاح
ضلل بابا
وصيحت ضل
اجه باباا

ركضت عليه بوسته
شالها مغمض ويبوس بيها
شونجً حبيبتي
زينه باوع شنو سوينا بيتزا
ام تقربت منه بوسها
ها يوم اليوم يم ضله
باوعتله وباوعتلي همست
الله يهدي سركم
طلعت وضل تكمز
صارت البيتزا مالتي حتى بابا يضوكها

بعد شوي

بدل وطلع لبيت اهله
شوي ورجع.
ضل تقنع بي
بابا كلش طيبه حتى اني عجنتها وي اسينات
ماشتهي بابا
حباب بابا حباب
ماشي خل اسوي جاي اول
وكام فات للمطبخ
اسوي بالعصير وتشنجت بسبب وجوده بالمطبخ تلفوني دك قاسم رفضته
رجع دك رديت رفضته
اجه من يمي اخذ شكر ودك تلفوني عالكاونتر باوع للشاشه
مديت ايدي رفضته

باوعلنا ودار وجهه فات للغرفه

دار وجهه ورجع لمكانه

واكف عالطباخ
والبيتزا بداخل الفرن
وكفت يم الطباخ والحمايات بيدي

نتر
شكو
البيتزا بالفرن
كلتها بجمود
ابتعد من الطباخ
فتحت الفرن الحمايه ( الوصله. اللي يحمل بها الاواني الحاره)بيها زيت
داطلع الصينيه وكبت بيدي
ذبيتها ردني اخذت نار انفض ومتروح

نتر
هاي شنو
وجر ايدي ركض جوه بوري السنك طفاها نترر
ادري شنوو انتبهيي
باوعت بعينها جريت ايدي بهدوء
باوعتله باستهزاء جريت عيني
طلعت الصينيه وقسمتها
صحت
ضلوله يله
وجتي ركض جابت الكتشب ترش وتقسم خلت لابوها بالماعون مكيفه

التفت عاكد حاجبه واني ماباوع بوجهه

ابوها كعد بالهول يدخن
ودتله
باوعلها وباوعلي شافني اباوع عليه من المطبخ
جر عينه همس
خلي هنا بابا
بابا موتبرد
طفه الجكاره واخذ الماعون كعدت يمه تاكل وتباوع لحلكه
طيبه بابا
تخبل عاشت ايدج باباتي
كمل وكام نام عاد ارتاحيت

خليل مرته تخرجت واني نجحت وضلوله. هم نجحت. واشتغلت طلباتها

جان طاير بيها وكانما. تخرجت من الجامعه لزكت شهادتها عالباب الالمنيوم اول ميطب للمشتمل
وتنتضر
شوكت يجي بابا
لعد شو تاخر
اخر شي خابرته لشرتلها لتكوليله
هزت راسها لا
رد
الو ضل بابا
بابا حبيببي شاقيتلك شوكت تجي
ها بابا بعد يومين انزل خومبيكم شي
لا بس ضجنا
من اجي اطلعج
خوش انتضرك لعد
زين اا منو يمج
بس اني واسونه
ها خوش بيبي وين تكدرين تودين الفون الها داحاجيها
اي هسه
طلعت شوي وجتي.

زمرد جتي يمي جانت منحرجه ونفس الوكت مشتاقتلي مالها ذنب بزعلي منهم والتمينا اني وياها وفيروز
جانت تنتضر خليل لان ينزل وي سلام متشوقه امر من ضله. تريد هديه نجاحها مكيفه
باتت يمي يومين ورقيه تنزل مرتين يمنا. وتلح عليها تعاي يمي هناك.
وهي تكتفي باخجل من عمو ابو سلام
تعاي يمي فوك
كوه كوه قنعتها تبقى يمي اني ماناقش ابد

رقيه دخلت بالسادس مكيفه دتجهز لاول مره احس روحي بيه نقص رغم عشت اليتم من الصفحتين بس محسيت بيوم عدي نقص
الا من عرفت روحي مااخلف
زمرد هم توها حامل تريد تحجي واخاف انقهر تالي كلتلي
حضنتها واتخيل خليلو اب رغم زعلانه عليهم بس كلش فرحتله

وكملت اليومين رجعت زمرده الليل كله تحجي وي خليل حبيات واسمع ضحكها وهمساتها وقبلاتها
ابتسم يضحكون بليلتها بقيت. وي ضل وحدنا من تجي زمرد استغلها ابشع استغلال
ننضف جسمنا ونسوي كبب وبورك وباسطرمه اترس الفريزر حد متروح وهي مكيفه راحت لبيت اهلها حتى باجر تنتضر خليل
سديت باب المشتمل طبيعته اذا انسد من جوه من بره الا بمفتاح يله يفتح

توني دااغفى يم ضل ودك تلفونها ضل نايمه واني يمها شلته ابوها
رفضته
رجع دك
يعني دتشوف دارفضك رديت رفضته رجع دك
رديت
نعم
سكت شوي كال الو
الو
نايمين
اممم
اوك تصبحون على خير
سديته اباوع للشاشه مكبسل هذا

غفيت الصبح حسيت احد يهمس
ضلولي ببا
فتحت عيني ضل بصفي محشوكه بيه
ضل بشش
فتحت عيني عاكده حاجبي الغرفه ضلمه شغلت تيبل لامب رغم لبسي ربع ردن بس ماخذه راحتي هو ميباوع ابد مو يمه
باوعلي اشر نامي بس داكعد ضل
الله يساعدك كعدت لميت شعري
جان ديحجي من باب الغرفه وجهه يضحك
تقرب فاتح قميصه كله والنطاق ابتعدت وكمت من الفراش رفع عينه باوعلي ونصه يبتسم
يبوس بضل
حبيبه بابا
وفزت ضل
بابا جيت شفت شهادتي
ههه اي بابا جيت حبيبتي شنو هالشهاده التخبل شالها ويبوس بيها ويضحك

سباعيه انتي
شنو حتجيبلي
شنو تردين اجيبلج
اريد اسافر مثل صديقاتي
لا بالله ههه شنسافًر ولج ميصير
بابا كلهم حيسافرونً لتركيا
منو يامصخم هذا
باوع شوف فتحت تلفونها وتشيل شعرها كعد على قنفه غرفتها وهي بحضنه جريت البردات التفت باوعلي ودار وجهه على فون ضل شغلت سنابات صديقاتها

باوع هاي اريز سافرت
وهذا سجاد هم اخذه ابو بابا حباب شنو بس اني
جر نفس وباوع بوجهه يعدل بشعرها يبتسم يراد نبجي لجدج شوي يسويلنا ورقه ونطفر
صدك باباا
بعدنا ابويه خل اتاكد
التفتت عليه باعي اسونه موكتلج. موكتلج
ابتسمت الها شاورتها
ريحه حلكج مطيبه بسرعه فرشي اسنانج
خلت ايدها على حلكها فازه وركضت للحمام
باوعلها ابوها
ها شكو ويين ضل
بالحمام بابا ريحتي مقرفه
باوعلي وخله ايده جوه خده ابتسم
همس
مشكور تعبج
باوعتله ودرت وجهي مسووليتي هاي

لا مو مسووليتج جر نفس وبقه يباوع للشهاده توجعت للفراش انفض وارتبه طلعت ضل بدلت تراكسودها
اسونه
ها عيني
هسه صار الكراميل
اي بس من تكلبي دير بالج
اي بابا كوم ناكل سوينا كراميل
يله وكليني اليوم اني بيدج شون متجولكيني جولكيني

كام وراها طلعت خليت الجاي عالنار
وافتر براحتي همه كاعدين بالمطبخ ياكلون ديحجي ابوها وياها وسكت متوقعت عيونهم عليه
شهكت ضل

اسونه. اكو دم بثوبج مجروحه

صفنت عليها جريت دشداشتي والمح بيها طكعه من وره. سلام راسن نصه راسه واني متت فشله ركضت للغرفه
مكدرت اطلع بعد اليوم اخر يوم ليش كسرت طبيت سبحت وبدلت وبقيت اخجل اطلع طبت ضل مرتين
تسال كتلها انجرحت كالت نتريك
روحي سوي لفه جبن عمري
بابا سوه الجاي
اي تريكي
اضوج وحدي انتي مريضه توجعج رجلج مال جرح
لا حبيبي لا بابا وين
نام بغرفته
خوش
كمت واضفر بشعري حضرنا الريوك تريكنا اني وياها وتباوعلي بقلق
كملنا وخليت الاكل عالنار جان جايب لحم وضل عاجبها من زمان لحم عالتمن سويته وعفته يستوي وارتب وي ضل

حسيته طلع تحمحم واني مدري وين اودي عيوني

همس
وين ضل
توها راحت لبيبيتها جوي من كربلا
همم دتقطهم

امم
جر الكرسي وكعد همس
مبروك نجاحج
صفنت ناطيته ضهري
همس
ممكن كلمه
نعم
تفضلي شوي هنا
تقدمت وكعدت كباله على كرسي ميز الطعام بالمطبخ
نصه راسه ويلعب بباكيت الجكاير
جر نفس ورفع راسه كال
صار شهرين للهوسه البيننا صارت كالها وحك راسه منصي عالميز
هزيت راسي
تنهد ورفع راسه
همس
العلاقه البينج وبين ضل خايف منها اسينات بنتي اذا عفتيها تموت
بقيت اباوع بوجهه
ومنو كال اعوفها
فرك وجهه وخله عكوسه عالميز مقرب وجهه تعبت ملامحه ونصه
شون تردين نستمر ومثل متردين يصير
بقيت اباوع بعينه عجيبه القوه الصارت عدي
نستمر مثل مااحنا
بلع ريك وارتجى باوع على كتفه ايدي تحديد جسمي الصار بكعدتي دار وجهه وتنهد
هز راسه مرتاحه انتي عدي وي ضل
امم
واخوتج
مالك دخل بيننا
هز راسه خليل تره. كلش متاذي
بيناتنا كتلك
براحتج - زين اذا رفعت راسي
اذا ردنا نطلع سوه لتركيا شون
وين منو
اني وخليل
صدك حيسافر
نسافر عائلتين
مو كلتوًميصير
حاجيت الحجي كال امشيلكياها بواسطه
ها زين اني شعدي جايه
باوعلي ميل راسه
ادري. بالمره ويانا بالحلوه نعوفج امشي غيري جو ضله تكيف. وياج

جواز ماعدي اني
بسيطه. يومين يطلع.
ماشي فار كدر الضغط التفت راسا فاز هاي شنو
جدر الضغط صفر
دتسوين
تشريب ضل صار كم يوم عاجبها
هز راسه مبتسم باوعتله ونصيت
همس
رايد افتح وياج موضوع حساس ومتردد من رده فعلج
باوعتله كعدت
تفضل
احجي براحتي
اي عادي
متثورين هووسوال ورد جوابه يا اي يا لا
اوك
تنهد
الطب باسطنبول متطور
صفنت فكيت عيني سكت وعبس وجهه ملامحه تغيرت نصه راسه
مراح نكدر نتفاهم هيج

اذا تريد طفل روح تزوج
بس نروح نجيك منسوي شي
لييش. قربت وجهي انت مو ماخذني لضلللل مو مقهورررر عليه ووصيه حمزززه
عبس وجهه وغمض نتر
كييفج وعاف الميز وكام طب بغرفته وسد الباب ركعها
واني اسوي بالتمن وارجف مجرد ذكر الموضوع يرعبني. يرعبني حتى الامل اخاف اتامل ويكلولي ميصير اخاف

يومين وهو بالبيت ناكل سوه. بكل هدوء بعد الحجينا ابد مصار بيننا كلام

طلع وازي التحق. للشغل اربع ايام ورجع نزل
كال
عكب باجر نطلع فرحه ضله. هواي اثرت بيه. واني تحمست. اول سفر الي. زمرد ميت مره خابرت شناخذ وشنحط
وخليل يشاقى وياها طاير بيها
صباح الاربعاء وصلنا السايق ورجعنا خليل وزمرد باتو عدنا بيومها. جنت جدا ثكيله باسلوبي وي خليل حاول يتشاقى يسولف واني حديه

للصبح منمنا اني وزمرد ثنينا ممسافرين. ام قاسم جلبت بينا وخليل كلها جوازج يتاخر وطفر
صعدنا بالطياره ضل حيل متحمسه. واني خايفه كعد بصفي سلام
وضل كدامنا يم ولد شوي اكبر منها كلسا تلتفت علينا تضحك
بابا شوكت نطير
انطي مجال باباتي
همي يم اذني واني اباوع عالجامه
مصاعده قبل طياره مو
جج التفتت ابتسم ابتسم لهالقرب ودار وجهه
باوعت لزمرد وخليل كبالنا بالضبط
خليل يغرغرها وتضحك وهوه وجهه احمر مكيف بيها ويضحك عليها نيته خوف
وبدت تمشي الطياره

خليل فدوه
حنوكع حنوكع
خليل اش اش
خلاها جوه حضنه وطرنا واني اباوعلهم يخبل خوفه عليها. كعدت عدل
خايفه؟
سال سلام

جج ضل رفعت راسها
بابا اريد اكعد يم اسينات
ميصير بابا كعدي خزرها
عبست وكعدت
وصلنا بالهبوط قبط ضغطي
انتبه عليه
ها
اذني
غمضي رخي نامي رجي راسج وتنفسي من حلكج
سويت الكاله حدما وكفت الرجه فتحت عيني شفته يباوعلي بطريقه اول مره هيج نضرات يحاوطني بيها بلع ريك انتبه على روحه دار وجهه مسح وهمس
ضلولي
نعم
نايمه
امم
كومي بابا وصلنا
نزلو كلهم ونزلنا

جانت احلى تسع ايام بحياتي
احلى اماكن واحلى جو

مجننا ننام هواي االفندق كلمن غرفه جربايه ام نفرين وجربايه وحده
جنت انام عليها وضل يم ابوها
قريبه عليه البيننا بس الميز
وهم بليل نسولف قصه وهي تستمع بس مووحدها
جان سلام هم عيونه عليها وعليه
حدما تغفى يغطيها ويباوعلي
همس
شيصير بعدين
ههه انتضر باجر
اريد اعرف
باجر تعرف
التفتت طيته ضهري طفه التيبل لامب ونمنا
ثاني يوم حسيت ضل مو بالغرفه فزيت
سلام نايم
وهي مكانها فارغ
كمت راسن بالحمام ماكو طلعت جيت يمه
سلام
هم
سلام كاعد
همم
ضل ماكو
باوعلي عاكد حاجبه عيونه حمر
همس
راحت وي اخوج والمصلاويه يجيبون ريوك
ها موجوه اكو مطعم يوميه نتريك بي
مقبل ابو الخل عاجبه باجه
همم
تمعصر وكام
همس
حفوت للحمام وبدلي انتي
اوك
لملمت الغرفه وبدلت طلع بالبرنص طبيت للحمام غسلت وجهي ومكيجت خفيف ولبست الحجاب صاح
لاول مره
سونه
مديت راسي
يله مكملتي اخوج مرتين خابر
مكمله اني
لبست حذائي تعطر يباوع لشكله بالمرايه وانتبه عليه اباوعله مشه كدامي واني وراه
خليل جان بحديقه قريبه عالفندق فارش سفره وزمرد كاعده بعيد وايدها على خشمها
اول مشاف سلام صاح
سياده ال- سلام تفضل تفضل الباجه تفووتك
تربع سلام والتفت
مرتك شو عازله روحها
زعلانه عالطلي اكل مالك دخل ولك هاي بتك عضامه
ضلوله تخرب عالللحم
اثرد داد

خليل- اسونه جبتلج لفه شاورما هناك وي زوز
كعدنا دناكل
والبنات بالشورتات يفترون
خليل ينغه.
باوع باوع
يرفع راسه ويرجع ينصي
وزمرد
تنتر
خللليلووو
عيوونه ولج شون كراعين تفوتج
تخزره وهو خربان ضحك
ويرد تفوت بنيه ويطخه
لك سلام عاين
هاااا اييي مننزقنب شون يعني
كيفك متسوي واهس

كملو اكل وتمدد سلام عالحشيش
ويسولف وي ضل النايمه بصفه ومرتجيه على صدره وهو يلعب بشعرها
طكيتلهم صور
همس
اكلتي لو بعدج جوعانه
لالا شبعت الحمد لله

هز راسه والتفت على خليل
كوم لك ورانا طريق

ضل
وين حنروح
للشط مو تردين بالباخره
ايي ههه

كملت ايامنا. بونسه من العمر
جنت احسه. يريد يقترب
مرتين زمرد راحت دكتوره يباوعلي واني ادير وجهي
ميحجي

مره وحده بليله البيها نطلع من تركيا
ضل نامت من التعب شالها خلاها بفراشي
لان الهدوم جانت بفراش الجبير غطاها واني دالملم واحط بالجنط هو خله غراضه
يباوعلي ويدير وجهه

شبيك
جوعان مشبعت باللفات مال المطعم وانتي مااكلتي
مطيبه
ننزل ناكل
ضل نايمه شون
غافيه والتلفون يمها اذا كعدت تخابرني
اوك
بدلي كالها وتنهد
بدلت ونزلت
طلعنا من الفندق نفتر
همس
تعاي منا
جر ايدي من عضدي وعبرنا طبينا محل شعبي يبيع اكلات طيبه
ناخذ سفري
لا نكعد
خاف تكعد يضل بالي
يابه تخابر ونرجع
اوك

كعدنا ناكل ونباوع عالعالم كبالنا ثنين. عشاق يوكلها بيده وهي تضحك لو يبوس ايدها
بله وعي باوعتلهم ودرت وجهي صارت عيني بعينه
باوعلي ونصه عالاكل
كلش طيبه البتيته
امم تخبل
هسه يله شبعت
اني هم نكوم
يله
بقينا نفتر. وهوويمشي بهدوء
همس
كلش غيرت جو
اني هم تخبل تركيا

امم باوعلي خو ما وسكت جر نفس
شنو
خومبكلبج حقد تجاهي خوماكو شي بقه
بقيت اباوع بعينه
همست
اني تاذيت من اخواني اكثر من ماتاذيت منك
هز راسه ونصه ايده بجيوبه
همس
بعدج صغيره عالقهر
تعلمت باوعتله همزين ضل موجوده
باوعلي متفاجه ابتسم هز راسه ربج رحيم
والنعم بالله

وصلنا الفندق صعدنا وضل علىً نومتها انتبهت عاد باوعتله
وين حنام
باوعلي كيفج تردين انام يمها
متكفي
لا يابه
تدفر بنومتها
منو ضل
اي والله
ههه لاعادي اخذي راحتج

بدلت وطبيت للفراش شفته غافي عالحافه نايم
غفيت جنت تعبانه
حسيت على صوت المنبه
فتحت عيني حسيت بحراره يم زندي
التفتت شفت وجهه جوه زندي محشوك
فزيت وخرت اباوعله غافي
بقيت اباوعله طفيت المنبه عكد حاجبه
فتح عينه
دايره صفحتي عليه صافنه
همس
موتتني هاي بنومتها
محجيت
وكمل كلام
جيت نمت هنا خو مضايقتج
كمت مجاوبت بس كلي تاثير كلبي يدك سريع بدلت وكعدت ضل ورجعنا

جان البيت فارغ الصبحيه

سلام متفاجيء حتى السايق مموجود خابر ابوه اباوع وجهه انكلب

وين انت حجي شوكت هاي لا اله الا اللله

شكو
غمض اشرلي صبرً
زين جايك جايك سده
شكو
عمتي فدوى بالانعاش خابري اخوج او او اني اخابره
هاي ام ايه
اي اي يله قفلي الباب عليج لتطلعون تره الحرس مال حجي وينا والسايق هم
اوك

طلعو وضل بالي لليل رجعو بس هو اجه وجهه تعبان كلش
ضل جانت نايمه
كعد عالقنفه شمر روحه وذب قميصه
بقيت اباوعله باوعلي ونصه
همس
توفت
ضربت على وجهي نصه
وهز ايده
بني ادم على ساعه استغفر الله ربي
الله يرحمها خطيه ايه
سكتي كطعت روحها ابويه راد يموت من وراها روحه بيها اصغر وحده ببنات عمتي هاي
خطيه
دمعت عيني كعدت يمه حيلي انهد
همس
نامت ضل مو
اي تعبتأأت
جر نفس همس
راسي حيطك

جبتله كلاص عصير جان ديدخن صافن
وكفت كباله باوع على طولي والجكاره بين اصبعين نصيت بهدوء جريت الجكاره بقه صافن عليه بهالقرب وخليت بيده الكلاص
بلع ريك رجعت وكفت وطفيت الجكاره شلت الباكيت والنفاضه
شرب العصير ساكت
همس
وتمدد
الف رحمه علىً روح اهلج
تنام هنا
مابيه حتى اروح للغرفه
كوم اسبح جنت مستشفى
هز راسه صح والله
كام فات للحمام وطلع تمدد باوعلي همس
كعديني ب٥ تكدرين
اي اوك
طلعت من يمه وفتت نمت يم ضل بالي بس يم ايه
شنو حالها هسه
وتذكرت روحي من راحت امي

ياعيني شكد تنحب خطيه وحتى امها مالها اذيه

كعدته الفجر كام باوعلي
فدوه حضريلي هدومي
اي اوك
الاسود
اي اي اعرف
بس افوت للحمام
حضرتهن وطلعت سويت عصير لان مراح ياكل اعرف اقلها عصير يلزم كلبه
طلع مستعجل فيماللا
اوكف
ها شكو
بس اشرب هذا وروح
باوعلي وباوع لايدي
اخذه جره كله وغمض همس
احتمال هنا الفاتحه مال نسوان عينج على ضل هاي تفز من الصياح
لالا ليضل بالك
اني عكب باجر يله اجيكم
اي اوك
تنهد باوعلي وطلع

وفعلا لل١٢ والنسوان كامو يجون ضل تباوع من االشباك ساكته. همست
حتى عمه فدوى راحت للجنه
واشتغل الصياح واللطم وي القرايه واني طبيت سمعت كومه لغاوي على عمته بالانعاش ومرته اخذته وراحت لتركيا تتونس
اي فكر ونطوها رجال
واشكال حجي
لابستهم جنت
ايه خطيه هلكد تقهر منزويه. وتبجي بخنيك
نسوان اخوتها ويايه ساعدوني وام سلام تروحً وتجي
كعدي يمه
مالج دخل البنات يسوون
ثاني يوم انجمعوا البنات بغرفه رقيه وضحكهم ليجوه نزل فد مخازي
كملت الفاتحه وضل معافتني من يعيطون تفز
زمرد جتي وي امها
وتحجيلي عن خليل خطيه تاثر
كالت
عفيه شسوي ذبيت دم خاف الطفل يوكع
يا لعد روحي دكتوره
باجرر اروح خل تكمل الفاتحه واروح
خوش
التهت ضل وي فيروز حدما كملت الفاتحه وراحو

العيون جانت عليه بحقد لان جايه من السفر اللي يكول من عماته. مبين عليها الخير واللي يكول متفحه جانت شحالها
واني اغلس

كملت واخيرا

ورجع سلام
باجر يلتحق وي خليل
ومليكه خابرت سولفنا وضحكنا هواي سديته. ونمت
يومين وخليل نزل وحده طب لخاله شفته. يمشي مستعجل بالطرمه

خالللي
ابو سلام فز
صاح
شكو منو هاي خليل
خالي الحكلي
شكو بابا شبيك
خالي اموت وروح ابويه مااكدر
شبيك ابني فهمني
باوعلي خليل ويفرك بوجهه بعده ببدله العسكريه. يعض باصابعه ويضرب على فخذه

طب وراسن توجه لخاله صاح

لك ابني شبييك
تعاي بابا سوي لاخوج. كهوه

اي عمو
كلبي رجف همست قاسم بي شي
جاوب لا وعيونه دم
اوراق بيده
جره ابوسلام كعدو بالهول ام سلام كعدت بصفه وايدها على جتفه تقره
وهو يلوب

خالي شفتهن شتكول
جر نفس همس
لاحول ولاقوه الا بالله ابني امر لازم يتنفذ
خالي ماااكدررررر مااكدر
صيح عليه
اكعدددد صير رجال
خالي ابوس ايدك سوي
شي

يا ابني ديكولك. ولد عمها ثنين واخوتها ٢. بالسجووون. الداعشيه. شنو اسويييلك
لك خالي مرتي هاي سويلي جاره اخذها واطفر
همس
تنسجن ابني تنسجن
وضرب على راسه
شون شسوي فهمني حامل مالها ذنب
ابويه القانون ميعرف هالحجي اكعد ارتاح
شرتاح خال شرتاح واج نار اني للسما خالي وين اروح
هز براسه وطبك الاوراق. همس
مو صلاحيتي هاي بابا
خليل تخبل. وكف يروح ويجي اخر شي كاله
حسافرً باجرً اخذها واسافر مرتي شنووو كيفكم تطلكوني منهااا
خاله سكت ونصه
عاف البيت وطلع
متت بجي عليه

خابرت قاسم كال
يمي بيت اهلي اني يمه
شون هسه
امر نازل قرار متصدق وقفو هويته وباجه وحتى جوازه من بغدادميكدر يطلع
شون تالي صدك يطلكًها منه
اي لعد شيسوون
عزه معقوله لامستحيل هذا يموت دونها
هاي شسوي حضه هيج
زمرد حامل قاسم
صفن همس
خرب حضك خليل توه جر عدل من تزوج
عفيه لتعوفه
لا وين عايفه هاي نايم يمه وامي هم يمه
سديته منه وادعيله متت قهر خابرت زمرد رديت

ها عيني
اسونه حبابه دزيلي الفير دالف شعري على عيد ميلاد خليل
بجيت بخنيك
الو
ها عيني
محتاجته
لالا عود ادزه اوك
اكولج الثوب الابيض الشتراليا ضيق عليه ادزه الج بس ديري بالج عليه من اجيب اخذه
همست
كيفج
سدته مني واني لزمت راسي مدري انقهر عليها مدري عليه
ثاني يوم رايحلها للبيت
خابرتني تهمس
فدوه شسوي شقره صديقه ميت بس يتصفن ويحضن بيه خفت عليه كلش مدياكل شي
مكدرت اجاوبها سديت الخط علساس انقطع وطبيت. للغرفه ابجي مردتني مرد

طلاق سياسي ابشع مصطلح سمعته.
فصل اجباري كون المراه عدها من اقاربها او اخوتها ارهابي والزوج بالسلك العسكري
اخويه اثره تغير عليها راد يكرهه بي انكلب
صار يضربها
صار يصيح عليها وهي تخابر تبجي تكولي والله ممسويتله شي كسر البيت وطلع حتى مديروح للشغل

واني افور نار ومالي غير الدعاء حتى مليكه خليتها تدعيله. من القهر روحي احتركت حساسيه. طلعت عدي وخفت لاضل تنعدي مني
ورحت للطبيب اخذت علاج

جنت ادهن برجلي ودموعي تنزل من اسمعها تحجي وتبجي شكد حلوين من سافرنا من سبحها شايلها على كتفه ونزل البحر كدام الكل يبوس بيها ويحضنها يداهر ويصالح. وميتحمل زعلها

يتشاقى ويعضها وراها يبوس ويراضيها هذا شون تقنعه يعيش وراها

بدت تمل بدت تتعب
شهر فات وخليل تخبل عليها

اعرف شيريد يريدها تكرهه

كام يسبها
كام ياذيها
وين ماكو حجي يوجعها يحجي
وهي بدت تنفر متتحمل. وللاسف ضربها. واثرها. سقطت. طفلها

حاله نفسيه والم وسهر راح الطفل
كانت القاضيه بالنسبه لخليل

بيومها كلش صارت بينهم

هذذذا انيييي. هو اني هييييج. مخبببل مخبلل احب اضرب ومتطلعين للباب لادراسه ولا غير شي وامج متوووصلج

ليش تغيرت عليه وينها حنيتك

ليش حبيبي وين حبنا

لج امشي لللج. ام الحبببب اني توقعت احبج بس للاسف. طلع كله شفقه. وعفت الاحبها من وراجججج انخدعت مدري شسويتيلي ماعرف

ليش هيج انت تحجي مداصدك مداصدك يطلع منك هالحجي

هذااا اني ميعجبج روحي لامج والقران اذا طلعتي اطلكج. روحي لامج. حتى بس نسوان بالبيت. تحله الشغله علني حتى خاف هناك. ملحكتو. وي الجماعه هنا. عالنضيف تصير
ضربته راشدي متحملت

ينكص لسان اكبر واحد يجيب سيره شرفي اني وامي ماابقى عسى ما طلكت انعل اابو الذله

شفته كعد يتنفس بصعوبه واني الم هدومي مرتين وجهه تغيرت ملامحه يتقدم عليه عيونه تدمع يريد يحجي ويرجع
تالي طلع من البيت

واني لميت هدومي ورحت لاهلي مداصدك هالاسبوع المر من ضربه واهاناته وكلامه السم مداصدك

-
راحت لاهلها. وبنفس اليوم وقع موافقه. لان ماكو غير حل عده. وندزلها تبليغ
ام در جتي لابوه سلام تعتب وابو سلام يهمس
هاهي خليها تتطلك مديتفاهمون بقت صافنه وبعزه نفس صيحت
مولازم خلي يطلكها
وطلعت من البيت

هالحجي خليل جان بصاله بيت خاله سمعها بس مكدر يطلع
واجاني جنت احضر غراض ضل مبقه شي عالسنه الدراسيه الجديده.

دنجلد بالكتب

واشوف خيال كدامي رفعت راسي شفته
ضل تباوعلي وتباوعله تعرف من هوسه كل يوم اكو شي
وكفت نصه على كتفي همس
خابريها
بس اسمع صوتها وخلص
جريته لحضني. بجه. على كتفي
ويردد
حرموني منها اسينات
اذكر الله حبيبي
داموت الله يدري بيه داموت
اصبر
شصبر راحت من اديه جريته للهول تمدد عالقنفه وراسه بحضني امسد على راسه واقره
وهو يردد
خابريها
ليش تاذي نفسك
مداكدر
اروحلك فدوه خليل
خابريها نتر
خابربها خابريها خابريها. صيح ضرب على راسه

دكيت عليها غمض يتنفس بسرعه هواي دك يله ردت
صوت مخنوك
الو
ها اسينات شونج
هلو كلبي شونج انتي
اباوعله عيونه تجري مغمض
همست زينه الحمد لله
جريت نفس
همست
دز تبليغ
اعرف

ليش هيج وبجت والله اعشقه اريد ارجع للشقه خلي يطيح حضي بجت بقهر مداكدر اسينات لج روحي بي
تحملي خلص فدوه لعينج
زين هو وين كوليله حترجع ميخالف
همست طلع من الشقه اجروها زمرد
شهكت تصيح
ليش ليش شقتنا هاي ليش
بجيت وياها كلبي معصور اباوع ايد خليل نزلت من كيفها ورايه نزل
فزيت
خليل
خلليللل
ذبيت الفون اكعد بي نزف خشمه صرخت حاضنته.
خليللل يربي شون

ابو سلام طب يركض
شبي شبي--
يتبع

😞
م٧ريم السعدي
هالبارت حيل اضوج منه
اسفه اذا ضوجتكم

اهداء خاص الى .
Israa dabas