#منطقة_13
#بارت٣٦
#مريم_السعدي
هو انت. يعني انت ليش تخاف عليه.
بقيت اباوعله فاتحه عيني وهو يباوعلي بحيره يفر عينه بملامح وجهي عاكد الحاجب
وغمض متنهد ونصه جاوب بصوت ناصي
لان طبيتي بمكان مو مكانج. جان مفروض هسه انتي مدلله بجال اخوج يعني اذا هوا. مادري يعني اتخيلا . يحبج ويخاف عليج.
باوعلي موهيج سال وعيونه دمعت كثر مركز
هزيت راسي ساكته كال
بس مكدرت حاولت وحاولت مكدرت مليكا
هزيت راسي همست
مصدكتك
غمض ورجه راسه
هو انت والتفت عليه ينتضر سوالي
سكتت حايره اسال خاف عيب خاف ميصير اخاف مومن حقي وليش دااسال
همس
احجي لتخافين مني
انت ليش صرت مجرم ليش مصرت خوش ادمي ومتخاف احد يسجنك
ابتسم بتعب وشال ايده تلمس شعري مسح على راسي همس ورفع زوج حواجبه
اني انولدت مجرم مليكا مو اني اختاريت هالشي
هزيت راسي باوعت لسلاحه ورجعت باوعتله
اني اسفه. لان. ونصيت لان ردت اخذ مسدسك.
ليش ردتي
جره وسحب منه الرصاص كال
هذا شوفي عليش هلكد ردتي تاخذي
لا والله ماريد ومارريد المسه. جريت ايدي بكشه روح
بس بس ردت اضمه حتى متروح
ابتسم بتعب وطبطب على خدي برقه.
ماروح الا اودج لاخوج واتطمن عنج
بايدك مو تخلي احد بمكانك
بايدي اوصلج وامنج ياله اعوفج
شكرا الله يوفقك
خلي لج
لتحجي لش خليت ايدي على فتحه ثغره غمض بعدت وخرت ايدي بهدوء فتح عينه بهدوء وجر نفس
تنام
اي بلي راح انام
اني حروح اقره
لا جيبي التقري وتعاي لهنا خاف المصلين يجون
لاعفيه
رفع عينه بعتب وهو بالفراش عبس حلكه
اييي. هناك احلى وبنكه وضوه
جر نفس ووكف كوه
كال بنتره
امشي يلا
تجي
اي لعد شاسوي
نتر معصب ونصه يجر برجله
رحت وياه وهو تمدد يم المكتبه واني كعدت اكلب بيها
همس
سدي الباب اخاف يجون اقلها تروحين من ذيج الباب للغرفه
اوك بس مووكت صلاه
ماتعرفين امام الجامع يكول كل وكت اكو مصلين
لابسه عبايه وحجاب
حتى لو ماترهم. تره تعبان واللا مالي خلك اضل احجي
سكتت وسديت الباب وكعدت ادور بالكتب هو تمدد نام وخله ايدي جوه راسه باوعت بالمصلى افتر والملم. وارتب مبقيت ولاخيط بالزوليه.
وعدلتهن وكنست ومسحت الزوايا وعليت البنكات وغسلت الحمامات ورجعت كعدت اقره
قريت
قصص الانبياء عن الامام الصادق
كيفت هومتمدد نايم وصوت نفسه صار خشن عرفته غافي.
وبديت اقره صوت هاديء حتى ميكعد
ماعرف اقره بكلبي تروح من راسي عقلي ميصير يمها
وبديت اقره
كانت قصه نبي الله ادريس
دااقره ومندمجه بمتمته. بصوتي همس
ورفعت حواجبي مفتهمه ومبتسمه
وسمعت همسته
شنو تقرين قصص
التفتت عليه ابتسمت
قصص الانبياء اي البارحه قصه ادم واليوم قصه ادريس
ادريس هم نبي كالها وتمعصر وغمض عينه قوي
اي نبي ادريس حتى مقامه بالعراق ناس يكولون مميت وناس يكولون انقبضت روحه بالسما
خله ايده بقبضه جوه راسه وعكسه عالكع
شون يعني انقبضت
يعني طلعت
يعني مات
مادري روايات
امم شتكول الروايات
جريت نفس جنت كاعده ضهري قريب على بطنه وانداريت بجسمي علي
باوع يكولون. هو الله خلاله. ملك خليل اله.
هم ملك
اي غير الله يسخرهم
خوش
وغمض
وبعدين
المهم هو صار خليله. وصعد على جناحه كله اوديك للسماء
حلو خوش شغله
ابو قبضه اذا تحجي بعد هيج اني مااحجي لان انت من وراك حطب للنار
تلاشت ملامحه وبهتت بقه ساكت ويباوعلي
همست
تسمعني ومتحجي
هز راسه ساكت بس ضايج
ضجت مني كلتها صوت ناصي
ابتسم مغمض لالا كملي
فوداه للسما الاولى والثانيه والثالثه وهو متعجب. من جمال بروج السما. المشيده بدون عمد من وصل الرابعه تلاكاه ملك الموت
هاه لحكه لهن--
وباوعتله بخزره راسن سكت وضم ضحكته
نسيت والله
اي من تلاكاه. حاجاه كله غريب رب العالمين امرني اني اقبض روحك بالسما الرابعه واني اكول ادريس بالارض شون اقبضه روحه بالسما وطلعت انت بالسما الرابعه
فقبض روحه بالسما الرابعه فصار هو النبي الوحيد اللي عرج للسما ومرجع
هممم
الناس عبالها بعده حي
امم
بس بالقران ايه تثبت هالشي انه انرفع
(ورفعناه مكانا عليا )
ةهممم هيج
اي
واني منين اجيبلي ملك عده جناحات
هاي للانبياء ماكو للناس العاديين
بس اني عدي ملك
رفعت عيني راسن باوعتله شفته مخلي ايده جوه راسه يباوع للسكف بقيت اباوع بوجهه التفت على كيفه وباوعلي رغم ماوجهه مغضب وخشن بس عيونه شكد حنينه
وكلبي يدك من يباوعلي ويبتسم ويضل يتامل بملامح وجهي
بقيت اباوع لحيته طولانه بهالاسبوع وعيونه جفنها تعبان وجواها اسود
بقيت صافنه همس
شبيج تباوعين عليا
انت -- انت وين اهلك. امك وابوك ميتين لو عايشين
كملت الجمله وتخربطت ملامحه من التامل حد الغضب دار وجهه بنتره وكعد ديريد يكوم لزمت ايده اساعده
نفرها نتر
اكدر اكدر بحيدي
كيفك
وطلع من الباب الثانيه واباوعله يمشي سريع للغرفه وبعصبيه
كمت رجعت كلشي بمكانه ورحت وراه شفته يكلب بالتلفون ومثل كل يوم يشغله ربع ساعه . يضل ينتضر وراها يطفي
طبيت للمر حضرت الغدا. كليت طماطا وبتيته وخبز جابت ختام وبيتنجان تكلاه وخليته بفد صينيه مدوره. جابو بيها الكباب قبل سبوع
جبته يمه
بقه يباوع عالاكل
وجر خبزه بدون تت وبده ياكل
بهدوء
وبله شهيه
وميباوعلي
اكل ربع كرصه وكام غسل ورجع شلته وكعدت انتضر صلاه المغرب
التفت عليه رفع عيونه جنت نايمه بالجودليه البصف جودليته بالعرض
مبلعتي حبوبج كالها ويباوعلي
مدايخه
اخذي نص
ماشي كمت اخذت نص وفليت شعري هو يباوعلي ورديت عدلته كبال الشباك يعكس صورتي وضفرته وهو صورته معكوسه يباوع عليه كاعد
التفتت باوعتله دار وجهه راسن وباوع عالتلفون
المن تخابر
باوعلي رافع تك حاجب
سكتت ونصيت
كعدت تقريبا يمه ببعد المخده
ساكتين. جر نفس ورفع راسه ليفوك يباوع للسكف
هو شيصير منك المنذر
باوعلي بنضره عتب
سكتت ودرت وجي داكوم ضوجني واني ضجت من نفسي هواي ليش دااسال
كال
وين
مجاوبته
عافني. فرشت سجادتي وبقيت اصلي للاذان
هو طلع ورجع راح للحديقه. ورد رجع ولا اهتميت
شوي وحسيت وكف يم راسي واني كاعده دااقره قران بقه ساكت
التفتت رفعت راسي باوعلي وعبس حلكه سال
شوكت تكملين
تريد شي سالته ونضرتي ضايجه
جر نفس ودار وجهه كال
هذا ابو ختام جاب شغلات الج من السىوك دزيته شوفي اذا تحتاجين شي بعد
ماريد شي
ودرت وجهي شفته فات للحمام والتجبيره برجله
تاخر وطلع سابح ومبدل فانيلته نص ردن جديده ومزين نزع النايلون من تجبيرته وتمدد يتنفس بتعب
يومين مرت واني مااحجي وياه ابد اسوي اكل جاب لحم الموذن ودجاج. وهو يلوب عالجهاز يفتح ويسد ويروح ويجي ويطلع للحديقه. وكت جيه المصلين.
حاول يحجيني واني مارد عليه.
جنت احس بليل يجر الغطا ويغطيني زين لو يتلمس كصتي اذا كحيت
لو نوبات يتلمس شعري ومن اتحرك يعوفني
حدما مره الفجر توني اغفه وره صلاه الصبح صليتها ونمت حسيت كام فات للحمام. كام يكح هواي وذب من راسه دااسمعه. صافن توني اوخر الفراش واسمع طبه بالحمام قويه فزيت وكمت راسن
طبيت للحمام ركض
جان بطرك الشورت وكاعد بالكع
وينهد ووجهه احمر كلش
تقربت منه
شبيك كوم
همس
وغمض
عوفيني خل ارتاح
ليش ذبيت من راسك
مادري البارحه شربت السراحيه مال حليب كلها بليل.
زين كوم. اطلع
روحي دفعني ومبي حيل
زين تريد تسبح
همس وجر نفس مغمض عينه. وهز راسه لا
دكوم حباب
اطلعيي نتر
مدرتله بال نصيت عليه جريته كام ويايه بعدما ايس مني. اعوفه يريد يذب ثكل جسمه عليه ويرجع يبتعد
صيح
ثكييييييل جني ثور.
ميخالف هسه هنا عالفراش
هدومي منكعه
اي نكس يعني نكاسه
مي ميي
بس يصيح ومغمض وجهه اصفر صار وشفافه كامت ترجف
تعجبت هالقوه كلها وين راحت
تعاوننا واخذته لفراشه
باوع حغطيك وبدل جوه الفراش زين
هز راسه مغمض راسن جبتله شورته من الجيس والفانيلا وخليتها يمه طلعت. من الغرفه. خجلت رحت للحديقه وطبيت شفته نازع الشورت ومبدله بثاني. بس الفانيلا ملبس ومتغطي غافي
وجهه عالحايط
شلت الشورت وغسلت الحمام
مكدرت انام بعد
واتفاجا واني اباوعله
ضهره
ضهره كلها اثار جروح وخياطات
شخوط شخوط واقطاب من الطول للطول صايره قيراج بضهره مبين اثرها قديم. حفرات جويات يمكن بس مطبع كله
كزبر جلدي كشفت شوي منه جان مكنفد مثل الطفل وايده طابكها بين فخذه نومته المعتاده حفره اكو صايره يم كتفه سوده تلمستها
قشعر جسمه بعدت ايدي التفت بهدوء عاكد حاجبه وعيونه حمر همس بصوت خشن تعبان
دتسوين وتلفت يدور فانيلته جرها ولبس ويباوعلي بحيره همس
بجامتي
ه ههسه
جبتها ونطيتها اله لبس جوه الفراش وباوعلي كعد وميل راسه بتعب لزم بطنه
غلط عالموذن وكطعها مغمض
وفتح عينه باوعلي اشرلي عالتلفون
جيبي من يمج
طيتهيا ايدي ترجف
فك عينه وباوعلها وكانما صحصح
شبيج شبيها ايدج ليش ترجفين
بقيت اباوعله بحيره
وكفت وعيونه ويايه انرفعت
مليكاحاسه بشي اخذتي حبايتج
للا نسيت
يعني. اذا مااذكرج تنسيها اخذيها بلعجل
اخذتها وبقيت اباوعله
فتح التلفون ورجع سده واني اباوعله لغز كدامي شنو الشافه بحياته.
كلما يباوعلي يشوفني اباوعله وادير وجهي
لليل اكل بس شوربه شبنت بنت الموذن سوتها وهو جابها واني ابد محجيت جانت عيونه تلحكني بقلق لليل.
كاعده بالزاويه. صافنه من الشباك طولت صفنتي شون حتكون حياتي من ارجع من ابدي شنو الحسوي هل اكدر ارجع لدراستي احمد شون حتكون رده فعله.
وين صار شنو شغله وسمعت همسته
شبيج صافنا
التفتت شفته ديدخن ويباوعلي مضيق عينه
جريت نفس دافكر من ارجع شسوي منين ابدي
ابتسم
كلها سهلا بس تردين لاخوج
هو شنو ديشتغل ؟
هز راسه
بلي جاي يشتغل بورشه سيارات
ابتسمت واتخيل شكله كمت كعدت يمه ببعد شبر ابتسم
باوعلي
ها شكو
خل اشوف صورته مرت اللخ
هههه بسيطه بس ما تكلبين الجهرا وتتخبلين عليا بهالليل
لا
فتح الجهاز وكلب بالصور وخلا بيدي
بقيت اتامل اكبر واصغر بالصوره واحس بي يباوعلي جانت الصوره ماخوذه صفح لحيته تخبل واذنه حمر والشامه هي هي جوه اذنه نفس شامه بابا
اشرتله
بابا عده شامه نفس المكان تدري
اممم
باوعتله شفته يباوع لوجهي مبتسم همس وعيونه بعيوني
انتي بعدعدج شاما
تلاشت ملامحي بحيره
ها وين
ابتسم واشر على بطنه يم صرته وباوعلي بحيله
خزرته وتخوصرت وانت وين شفتها
تذكري وين وجر نفس الجكاره وطفاها ودار وجهه ذب الدخان واني صافنه علي
ابتسم وضحك
ههههههه واني شعليا انتي تمرغلتي كدامي وطلعن القلايج.
اذا انت مدري شنطيتني خبلتني نترت بي بعصبيه
جر نفس ونصه هز راسه موافق همس
غلطه تسوى راسي
جريت نفس ودرت وجهي اخذ الفون طفاه وذبه
ليش ضايجا صار يومين اصبري علي واردج
اني شون حبدي حياتي باوعتله بحيره شسوي من ارجع احس روحي ضيعت عمري وومالي حق اعيش بعد لان فات الاوان
همس
حقج
نترت
انت لو بس مرجعني من ذاك الوكت بس مسمعت
التفت راسن بخزره
جايه تحمليني الذنببب مليكا
اي انت صوجك عصبت
بقه صافن شوي وعاط
الذنب ذنب خالتتتتج. هي الجابتج بمكان. بلوووعا. بلوووعا وهي تدري بيي شنووو
بس اني طلبت منك
واني شعللللللليا. ان رديتتتتج لاهلج القطاع كلا. يروح. باقل ضربه تخرطين التعرفيناا
كان يصيح كمت من يمه وصيحت
وهسه علساس موجوووود
واناا عدي علم الغيب هذا الراح يصييير. اردج الباجرر لو ن تتحملين تهمممااا اردج واخللللص. من همج شلي حارك كلبي. فوووك حملي جاي النوب تذبها براسي روحي لخاللللتج الطيحت حضضج وحضنا
برطمت وباوعتله
اني هم ابو قبضه
اي لعدددشنوو. حاير بيج. وهاد ربعي اخوتي ذول نصهم رابي وياااهم وهديتهم لاجل اطلعج سالمه وجايتني محملتني ذنببببج النوب
شكرا والله يوفقك كلتها وبجيت وعفته وطبيت لفراشي تغطيت حتى راسي وجسمي ينخض من البجي. تركوني عبا على احد من صغرييي لحد ما كبرت
متوقعت حيعيرني فد يوم توقعته يخاف عليه لان. --- يمكن لان يعزني مو لاجل حمل يريد يامن عليه مادري شفكر
لحد الفجر مغفيت وهو يلوب فوك راسي كلسا طاب طالع سمعت صوت بره الموذن وويا واحد وديحجون بالتجبيره. واعتقد شالها لان ضل هواي
مغمضه بس كل حركه حاسه بيها
لحد ماطفى الضوه ونام.
حتى متلمس كصتي ولا شعري
كرهت نفسي كلش اختنكت اذن وكمت صليت.
الصوت يمنا عالي لان بصف الحسينيه حسيته كعد من حركته ورجع غفه
كملت صلاه وطلعت افتريت وره المصلى شفت من الشباك ولد ثنين يم امام الجامع
مكدرت اطب
بقيت وره المصلى اكو ممر صغير بي حديقه كعدت بالكع. اتفرج مكان ضليل الوكت اخذني والسبحه بيدي كمت اغفي ومرجيه راسي وصوت العصافير يخبل
غفيت ماحسيت الا صوت
رياجيل وطبه وطلعه
متحركت من مكاني كلت عيب يشوفون بنيه بالمصلى الشمس علت كنفدت مبتعده عن حرارتها وغمضت مهدات الحركه ولا الحجي مداسمع شديكولون بس ناس تطب وناس تطلع حسيت روحي انصمطت
كمت بس امد راسي اشوف وينهم وافلت للغرفه متت حر
بس مديت راسي ولمحني الموذن ابتسم وكال،هاي هاي خاتله هه
باوعت ابو قبضه التفت بغضب وباوعلي وغمض طلعو الرياجيل ورديت ختلت
اجاني ابو قبضه طاير
يمشي سريع داحس بخطواته رغم ممنتضمه
ولاف بالممر
نتر،وينج وين رحتي
تقرب وكف كدامي
همست متفاجاه. هنا دا داسببح
بقه يباوعلي بقلق وتنهد باوعت رجله بله تجبيره وهو يباوعلي ويتنفس بسرعه
شبيك شكو
وتقرب مني خطوتين وراسن جرني لحضنه ولم راسي قوي
هدات حيل وهو يتنفس سريع ردد
كلت. كلت. شردت وماراح الكاها كلت راحت لان غثيتها.
دفعته بهدوء وعيوني بالكع. برطمت
تعبتك اني ووممجبور
هز راسه وغمض لا. مليكا لا وتقرب باس راسي لا يابه لتكلين اهيج ابتعدت. عنه اباوعله واحجي
والله همه. وبجيت بقوه. همه بيت عمي شمروني على خالتي
غمض وعبس حلكه ورجع جر راسي ويبوس بي
ويطبهم عله ومرض. اخوج يتانيج. موهيج شو عاينيني لتدنجين
رفعت عيني مسح دموعي ويتنفس بتعب اخوج مويتانيج
اي هزيت راسي
لعد لا تنزل دموعج ولاتنغثين. تخلصين مني وتنسين حتى كل لحضه عشتيها بالقطاع وتنسين حبستج
بقيت صافنه عليه.
ووانت هم تنساني بجيت بقهر واشهك. انت تنساني همين
بقه صافن عليه عيونه ذبلت بتعب كال
ماريد اشوه روحج. بيه
يعني تخلص مني
عبس حلكه
تروح يمكن لاهلك همين وتنسى فد يوم وحده اسمها مليكه
امشي للغرفه
اختنكت منها
وين تردين مليكا
اختنكت كلش
لو بيدي اوديج هسا واريحج
وووانت هم ترتاح مني وتخلص
عبس ودار وجهه ورجع باوعلي
التردي شنو عيوني انتي
مادري والله مادري ورجعت كعدت بالكع ضميت راسي بحضني وابجي
تنهد وكعد بصفي ساكت ويدخن
باوعتله
روح انت للغرفه اريد ابقى هنا
وانتي تضلين وحيدج هيج مخنوكا مني
لا بس وباوعتله اكو واحد يحب يباوع على همه
بقه يباوعلي وابتسم بتعب تلمس راسي فوك الحجاب
تدرين شصار بيا لمن مالكيتج لابالحديقه ولابالمصلى
تدرين افتر واصيح ماكو واتخيل احد ياذيج ردت انجلط
تعبتك اني ومن ورايه ربعك متعرف وين ماوين
ماعليج بكلامي اني خربطت مو بمحلا
لا صح انت شعليك قابل اني امك لو اختك
اني اتمنى لو عدي اهل واحبهم نفس ماتحبين اخوج يمكن ماخليها تمشي اذا عدي اخت يمكن حتى روحي انطيها
يحجي ويباوع عالزرع
وينهم مسحت وجهي
باوعلي ودار وجهه للسما
الله التعبدي ماقسملي يصيرلي اهل
لعد. باوعلي من دااسال لعد انتت يعني شون جيت
اني يم الترعه هههه شامريني يم الترعه
فكيت كل عيني
وباوعلي اني ابن حرام مليكا
بلعت ريك ووشون منو رباك
مره وجر نفس مره خذتني وربتني لون ماصار عمري ٦ سنين ووهدوني بالشوارع كلولي مانكدر بعد على اكلك روح حير بروحك
يحجي ويباوع للسما
زين تتذكرها لهاي المره
حجيه بدعه امم نوعا ما اذكر
ووبعدين
باوعلي ميل راسه يبتسم
تالي متالي جاي احجيلج قصتي
احب اسمعها حباب
هز راسه كال
بعدين كمت افتر. بالشوارع اشوف الزعط تجدي تعلمت اجدي منهم
ووين تنام
ههه هذا الحايره بي انام عالرصيف عالتاير
عززه ونزلت دموعي متحملت
ابتسم وشال ايده مسح وجهي
ماتحملين وجعي خلني اسكت
لالا احجيلي
ماحاجي قبل مليكا جاي اتعب ماعرف احجي
لخاطري باوعتله بتوسل ابتسم وتلمس خدي هز راسه
تالي اذوني ولد من الشارع اكبر مني
يعني شسوو
ماريد احجيها كالها كاشه روحه
ةاي كمل
الدافع عني جهاد وجماعته
اي
وضربوهم شالوهم مني وسالني انت منين مامنين هذا الشارع الهم شوفلك غير شارع
واني صافن كلي
وين بيتكم كتلا ماعدي بيت
كال تجي ويانا
وين
كال كل احنا بفرد بيت ننام وناكل ونشرب تجي
كتلا اي ورحت وفعلا جان البيت بي ٥٠ طفل كد عمري اكبر واحد يطلع ١٢ سنه هيج
يحجي ويباوع للزرع ميباوعلي ويدخن بحركه كلب
تالي وجر نفس وتالي خلوني عدهم
منو اللامهم المنذر ومنوالمرا
باوعلي واني همست
خاله
اممم خالتج وضحى
العمه.
جانت تركب جدر جبير والمنذر موكلها بينا
ووياها عكروط
جان بعمر ال١٨ سنه
يوميه يذبونا ببيكب بالبدي ويهدونا نجدي ويلىموا بليل بليل
حر برد هاي احنا بالشوارع نجدي
ومن نوصل
اول مانطب لازم نسلم الفلوس
جهاد جان ملعب ماينطيها كلها ويصرف منها نوبات
فتنو عليه وانضرب كم مرا وماجاز
ناكل الصبح وجبا جاي وخبز ونطلع لليل همات ناكل لفات طماطه بتيته والخبز مكحف
واحنا هواي
اللي يتمرض يموت ومحد يباوعله اللي يغلط
وسكت جر حسره
كمل همست
العما كانت ضالمه جانت تلم منا الفلوس وتصرفها ولمن يجي المنذر يريدها يعدها يجي يسال واحد واحد شكد طلعت ونكوله منكذب لان واحدنا يفتن عاللخ مقابل فخذ جاجه مقابل تمن و ىمراك فنحجي الصدك نخاف
والعما تكوله يكذبون هلكد جابو
ويوكفنا سرا يجوينا كل احنا بضهورنا
كم واحد مات اثر جويا
وماهمهم
وهز راسه وجر نفس
كبرنا صارت شغلتنا اكبر
اي
صرنا عصابات بوك
جنط نسائي محفضات حالي ويلات سيارات ستر قماصل. كلشي كلشي يجي بيدنا المهم مانرد فارغين
نتر وغمض همس
حركتني الشمس مليكا
وباوعلي عيونه تعبت واني اشهك بهدوء على حياته كمت وهو هم كام خله ايده على ضهري همس
امشينا للغرفه اكملج
اي طبينا ونزعت الحجاب واباوعله يباوع بتعب مسح شعري العرك على كصتي وجرني بهدوء
لحضنه
همس
ماكان قصدي اغثج ندمت مليكا انسي هالشي فدوا ماعيدها وغلات عيونج انتي عمرج مكنتي هم الي
خليت راسي بحضنه عمري مشكيت لحضه بي ممكن يخون او ياذيني او يستغل جنت امن عده امان الفقدته بعد ابويه
ابتعدت اشرتله عالجوديله. ووجههي مداكدر اغير ملامحه
كعد وكعدت كباله
اي
جر نفس مبتسم همس
شجاج اليوم يكفي
لالا عفيه
هاذ هوا يابه طلابا
لاحباب الله يخليك
ماشي ليوين وصلنا
حدما كمت. تبوكون
امم وكمنا نبوك انلزمنا جم نوبه ونمنا بالسجن شهر وردود طلعنا مصيبتنا بالذات انه وجهاد ماعدنا مكان يلفينا الزغار مجانو يعاندون ابد الا احنا مانكدر الا نعاند
تالي كبرنا وصرنا مراهقين كبر شغلنا صار تجسس نسمع شيكولون ننروح نكول للمنذر معلومات مره مرتين ٣ عرفنا الي دناخذ منهم حجي ويدزونا نسمع الهم جاي ينشالون ومايردون لاهلهم
اتفقنا انه ويا وسربيل ولد جان ويانا انقتل المهم اتفقنا مانحجي بعد نكول حجي من عدنا
واستمرت الحاله نوكف يم الكهاوي ونسممع ومنحجي منو الفتن علينا
باوعلي
راسن رديت صبحو
عفيه عليج هز راسه وصفن بوجهي ذكيه وفطنه بس كلبج ابيض حيل
انت هم كلتها دمعت عيني وهو نصه همس
لساتج متعرفيني
اريد اعرف
جايج بالحجي وجر نفس
تالي اذانه المنذر بيومها صلخنا وبواير ضربنا تشكك ضهورنا
دمعت عيني وبجيت شفت ضهرك
نصه راسه وهزه موافق
امم وضلينا ننزف تالي جاب مضمد وخيطها بلا بنج المضمد من جماعته هم ساطور
شكد حقير
تنهد
وسمعنا صوت الاذان
ماتصلين
التفتت اسمع وباوعتله
خاف متحجي بعد
لااحجي لاتخافين
اوك كمت اصلي عالسريع كملت التفتت ملكيته طلعت ادوره شفته يقفل باب الحسينيه
وطب بالمصلى
طبيت وراه التفت وابتسم
اليوم حيل حيل صليتي عبن عدج سالفه
اي هه
مجوعانه
لالا والله هواي اكلت الصبح
هز راسه واني هم
وكعد متمدد بالحسينيه وكعدت بصف راسه كلسا يرفع راسه يباوعلي
وكمل حجي
تاليها طبنا وردينا نطلع مهمتنا صارت اكبر نبوك سيارات ومحد يكدر يلكفنا صرنا ثعالب المنطقا
ذيج الفترا جان عمري ب١٥ ونفس فرعنا جان المنطقا الكاعدين بيها العرض واحد
يعني الرجال ينام يوم يم مرتا ويوم الثاني يم مرت اخو. عادي
عززا
امم حيل حيل واكعه
وانه وكعت بوحيده من ننام بالسطح باصيف واشوفها تخبلت وهي تعاييني صغيرونه وراسي افتر واني عنتر زماني
ومره مرتين اشرتلها وضحكت
وعبرتلها من السطح
ملكه- فكيت عيني كلها وكلبي انقبض هوا ديحجي مندمج ويدخن ويعاين عالسكف
عبرتلها من سطح لسطح وصلتلها واني مراهق وفاير واخذت راحتي الا شوي ووواتزوجها يعني وباوعلي اني صافنه
شبيج
لادا. داسمع
فاهمتني
اي مثل سموره
ههههه اي تقريبا بس هي مو مثل سمورا
اي فهمت
تالي صارت كل حياتي كمت اضم من فلوس البوك واشتريلها اخوها جان عار
دخلت الارباطعش ونطاها لواحد عمرها نهايه الاربعين واني تخبلت ورحت للمنذر كلي اكعد واسكت شتتزوج
صرت مخبل وحسيت روحي مسيطر لان محد جاي يلزمني واروح على الاخ واكوله اريدها وغصب عنك والتمو علي ضربوني وجهاد فزعلي واخذني كوا
تالي زوجها بله حتى زفا بيومها جنت توني راجع وصبحو ضل يداهر كالي خذوها واني رحت باعصاب فايره لاخوها
ودجيت سجينه ببطنا
فكيت عيني والتفت باوعلي وميل راسه تنهد وهز راسه موافق
جان اول ضحيه الي
من قتلته شي بيه انقتل ومات
انسجنت احداث وجهاد ويايه والمنذر تركني
عساس ١٥ سنه سجن سنتين بالسجن اني وجهاد وجانا المنذر استغربنا كال
اذا تطوعتو فدائيو صدام يطلعوكم تطوعو واني الولد كلهم خليتهم يتطوعون
تعجبنا
ليش شون خليتهن كال،ينطون راتب على كل واحد --
صفنت عليه كعد عدل وورث
كال
مليكا اني اكول لو كافي مو
سكتت صافنه
باوعلي ميل راسه شجاج صافنه
اانت قاتل مداصدك
جر نفس ضحك بتعب همس ودار وجهه عالمنبر
انه قاتل اربعا
ضربت على خدي وراسن غطا عينه بتك ايد والجكاره بيده
بقيت اباوعله صافنه
وجهه صار احمر وضام نصه
تقربت كعدت كباله جريتها قاومني وتعقح وجهه ونصه راسه ولم رجله لصدره
حضنته مكدرت اشوفه بهالحال
بجيت وياه وهوويشهك بله صوت بس جسمه ينخض
بحياتي متوقعت فد يوم اشوف بهالحال ضخامته وزعامته ونضراته القاسيه ابد متوقعت بداخله هالانكسار والندم
----
يتبع
مريم السعدي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!