رواية منطقه13 الفصل السادس والخمسون 56 - بقلم مريم السعدي

مليكاا—

جمدت بمكاني نفسه اليركض ويتنفس بصوت خشن التفتت بكل صعوبه تعوقت احس روحي. وكف  ضهري
وعيوني تحركني حرك التفتت نص التفاته وشفته

لابس مناضر وكاسكيته ويتنفس بصعوبه
ضعفاان حيل

بلع ريك وصعد ايده الترجف نزع نضارته
وشفت عينه
مدمعه وحمر وكلي ارجف
اريد اوكف مداكدر

عيونه تبسمرت عليه مذبله تعبانه. حيل واني بله. مااحس خزرته. بغضب اعاتبه عالفركه

عيوني تحركني حرك ثاريها مدمعه وباقيه الدمعه متحجره. بيها
اتنفس بصعوبه كاتمه عبرتي وخازرته
غضب والم وعتب وحزن مدري  شون تكرفتوا فد مره وحده

نفسي ضاق واباوعله
مبي شي
ليش غاب
ليش ابتعد
ليش راح ومارجع

مكدرت اوكف بعد كعدت عالرصيف ولميت رجلي
سمعت حسرته باوعتله يتلفت بس عيونه تتلفت بطرفها

نصيت راسي تنك حيل راسي مداكدر افرزن. كحيت واتنفس وارجع اكح.

كعد ببعد شبر عني سمعت طكت البطل
باوعتله يصب بالقبغ وايده ترتعش التفت باوعلي ورمش مره ومره الثانيه بقه مغمض
قرب القبغ عليه
واني صافنه عليه

بلع ريك كنبص كدامي قربه لشفتي
شربته.
اخذتني دفو الذكريات لذاك اليوم بالتانكي
وكانما يكولي اني نفسي الجنت هناك وياج وكانما يطمني متغيرت

شربته ربلعت ريك وهوًعيونه عليه

كلسا ويديرها يتلفت رافع تك حاجب بغضب وترقب
ويرجع يباوعلي وتلين ملامحه

يمكن كلها خمس دقايق
بس وكفت الدنيا بعيني
وطبت سياره للفرع
وكف راسن عيونه عليه منصيه ثكلت يمنا
خله ايده على سلاحه اللي بخصره ضامه جوه التيشرت. وغمض يتلفت بس بعينه مدار راسه يراقب بطرف عينه.
دك تلفوني بجنطتي
واني مهتميت ابد مرمشت بس اباوعله. بغضب. باوع للجنطه ورد باوعلي احس يتوسل بعيونه المدمعه مشخطه بياضها بخطوط حمر وجواها اسود

والسياره طلعتنا طلعت من الفرع

جر نفس ورد باوعلي محجه كلمه ولااني الحجيت
جان يتجنب نضراتي التعتب بنضرات توسل يباوعلي بيها وكف ديجر ايدي ويلوب يباوع يمنه ويسره همس
وين اروح هدني يتلفت مخبوص

طلع من جيبه. ورقه ويعاين يمنه يسره. بسرعه
خلاها بحضني
وصعد عالماطور لبس نضارته
وشغل باوعلي واني على كعدتي خزرته. بغضب باوعلي ودار وجهه وطلع.

باقصى سرعته
الماطور ماكان نفسه كان حديث سريع. مو مثل ذاك مال شحن

راح اختفه اخر شي باوعلي التفت عليه. من وصل راس الفرع. وراح

لزمت راسي وادك عليه

مبجيت بس لشتي ترجف.
وكفت دخت رديت كعدت
وكعت الورقه من حضني
لزمتها. رقم بالانكليزي مكتوب
رقمه هذا رقمه خليته بجنطتي برجفه وكفت. بطله بصفي اخذته شربته واتخيل شارب بي قبلي
اختنكت ابجي ورجعت للبيت مكدرت حتى اداوم كملت الدرج بالقدره وكعدت بالهول
ابجي ولامه روحي التلفون يدك احمد مكدرت ارد

ابجي وعله صوتي بصياح صارت بجيتي شنو البيه مادري
لان عافني
لان مابي شي
لان رجع
لان طلع ميحبني وخوفه عليه جان مجرد. مجرد. انسانيه. كمت ادك على كلبي مداصدك شفته
طلعت الرقم خليته بالتلفون دكيت مغلق مغللق. كذبه لخ. كذبه لخ.

نمت من البجي والتعب ماحسيت الا احمد يوعي بيه
ملوكه
هم
شبيج كلبي منداومه
لالا راسي
لزم صتي هنس
وج مفوره انتي
بلعت ريك بلاعيمي تكطعت
راح راسن جاب دوه ورجع. شربني واباوع بعينه القلق
عيونج حمر باجيه
لا
احد غثح احجي خاف الجوه
لا
جر نفس شبيج ياخويه. غير اعرف
مابيه تعبانه شوي اريد انام
وين تنامين كومي غسلي وجهج واكلي جبت دجاج. تقوي
غمضت جبرني اكل اتمنى احجي البيه. بس مراح يتفهم دك تلفونه وصفن عليه فك كل عينه بلع ريك

وكع الكلاص مال لبن من اديه

يباوع للكع ويباوع للتلفون
اخذه وطلع يركض
طلعت وراه سمعته كعد عالدرج وكفت وره الباب خفت لااحد شافنا ويكوله خفت من رده فعله من شاف الرقم
رد باحم

الو

وسكت
وحجه
احجي مراح اعتب

نور احجي لو تحبين اباركلج على زواجج

جر نفس وكح بقسوه وسكت همس
ليش مخابره محتاجه شي لان بس من تحتاجين تخابرين

وارجع اكولج تدللي امر تومرين

تنهد بحسره همس
شوكت مريتي
عزلت من وكت مليكه شوي مالها خلك ورجعت

امم افتح العصر لا تحت امرج. ماكو تعب ولااحراج

الله وياج
سده وبقه كاعد اباوعله من الزرف. مااعرف منو حالته احسن من الثاني. وكف لزم المحجر طبيت طب ورايه خله راسه جوه بوري المغسله وجر الخاولي ينشف يتصرف بعصبيه ونتره وشمر روحه عالقنفه ولزم راسه
بقيت اباوعله
باوعلي وخر ايده همس
لتنسين دواج
اوك
هسه اني امسح اللبن
لا مسحته
دار وجهه عالقنفه ونام خله المخده علىً راسه

حسيته محتاج لحمزه. كل مره. يخابره من يصير بهيج وضع وهسه منو ضل اله

مكتوب علينا نعيش وحدنا

طبيت للغرفه اربع مرات دكيت عليه مغلق

شمرت الفون واضرب براسي بقسوه. عوفي عوفي. عوووفي ميريدج. لو يريدح ميعوفج

رجعت للدوام. بكلب مكسور حجيت لاسينات سكتت صافنه على رجفتي من احجي بعصبيه ختمتها بعبره مخنوكه

كذب عليه واعدني وكذب ليش مكال من اول
غمضت عينها وتردد
ميفيدج خلص عافج عوفي.
ليش اجه لعد من سمع بيه مريضه
اجه يشوفج صدك لو حيله وراح بعد ماعرف مبيج شي
يجوز مريضه وماكوله
صفنت وتنهدت مليكه فدوه اطلعي من المتطقه. كاافي ديكولح ردتج تعيشين

برطمت منصيه. غير اقتنع غير اقتنع.

بقيت ليليه  ونهار اخابر والكاه مقفول واصير اعصاب

عشر ايام مرت
احمد. حجالي انه نور رجعت طلعت الموجرين وراح رمم وصلح المخربي. البيت فارغ بايع اخوها كل الغراض وهي دترجع تجهز

يحجي بنتره وضايج روحه طافره. ختمها
المره الضعييفه متعيء بزمننا الاغبر

هزيت راسي صح

داومت بعدها بيوم. وابو الماطور فات من يمي مهتميت بقيت منصيه. رغم رجفتي

شايل التلفون يخابر وفات من يمي ثكل ورد طلع.

كملت مشيتي بلا مبالاه. وكلبي يرجف اكبر كذابه اكبر ممثله وتكبر قشكر اني

وصلت للمركز واحضر للمراجعين. واعدل بالعياده. وبدو المراجعي يجون

للاربعه كملت شغلي انتضر الدكتوره. تطلع. الدكتوره الثانيه كانت مسافره.

وطب رجال يطلع بالخمسين
السلام عليكم
اهلا عليكم السلام
بنتي الكه عدج صرف ٥٠
صفنت علي
بلي عمي عدي
وكف يك الميز خله الخمسين واني داصرفله.

اخذ الصرف وطلع ورجعت الفلوس بالمجر
من اباوع بيها مكتوب بالماجك
٧٨٥٠
بصوره واضحه بالانكليزي
روحي انفضت
كمت راسن طلعت الدكتوره وطيتها فلوس المراجعه. كلها حسبتها وطتني يوميتي وطلعت
واني ارجف

امشي واتعثر
معقول حيجي
جوز يخابر التلفون طلعته مم الجنطه خليته بيدي كلسا اباوعله. خاف داك ومسامعته
بباب المركز سيارات واكفه وحده بصف اللخ
اريد افتر واعبر
والمح سياره برنس جامها مضلل مكتوب عليها بصوره واضحه ببخاخ ٧٨٥٠. واجمد بمكاني صافنه عليها فكيت عيوني
مضلله كلش
هو بيها معقول
هو بالسباره
انفتحت الجامه
ولد عاكد حاجبه
همس
مليكه
بلعت ريك هزيت راسي وعيوني دمعت
اي
همس
صعدي
خفت حيل
ترددت
والولد سد الجامه
واني. جامده اصعد
اطلع
ووكف الماطور يم السياره نفسه
جان بي ٢ زلم
رفعت راسي نزلت من الدجه

ولمحته نزل وراسن طب بالسياره وسد الباب وابو الماطور طلع
شغل ابو البرنس
ونزل الجامه مال وره بينت بس عيونه رمش
واني تقدمت
فتح الباب وتدنه صعدت
صعدت مدري شبيه
وسدييت الباب
همس
اطلع

ودار وجهه على جامته

رجفت خوف
لان ماامنني مثل قبل

رجفت اني سداسوي
لتخافين هذا عابس وياج

لتخافين هذا اللي حماج

بس ردت منه يامنني وهلص
اباوعله دار وجهه عالجامه والسياره تمشي واحد اشر للسايق
والسايق. حجه

ابو قبضه

فز باوع عالبصفنا بالسياره.
شبي ياشر هذا

باوعلي لزم راسي نزله همس بغضب
لاترفعين راسج ابد

وسحب سلاحه من خصره واللي كدام هم. سحبو اقسام
ورجع بيه الخوف
رجعت لايام المنطقه

همس البصفه
نزلزالجامه شوفه شبيلاتنزلها كلها

نزلها
باوعله

خيرر
يابه تايرك نازل فد نرب صار ساعه ااشرلك

خوش عود انفخه مشكور
ورجع سد الجامه ابو قبضه حر نفس وارتجه

اللي كدام كاعد يم السايق كال
شنو السالفه هاي جاي تخاف
همس
مخايف على روحي
والتفت كال كعدي اخذي راحتج

ورجع يباوع عالجامه مالته
اباوع لايده واتذكر لمساته وحنانه
اباوع لصفحته ولحيته الخفيفه
حتىً بوتينه حفضت شكله

عيونه كلها تعب

وكفت السياره

همس
ساعه ورد
صار
الحساب بعدها
صار
فتح الباب مال سياره وباوعلي نزلي

همس وعيونه داير مدايره

نزلت مكان كابينات
مشه بسرعه واني وراه
طب بوحده منهن
وكفت فتح الباب ومد راسه همس ودار وجهه
فوتي

فتت سد الباب قفله ورجع راح عالشبابيك يباوع شكو شباك بالكابينه يباوع منه ويسد البرده
تلفتت كابينه غرفه وحده بيها ثلاجه وطباخ. منضدي وجربايتين

معلك هدوم وتلفزيون
باوعتله ذب كاسكيته ونضارته وباكيته وكعد عالحربايه لزم راسه نفس الحركه القديمه ضرب عليه بهدرء منصي جر نفس رفع راسه باوعلي
همس ودار وجهه
كعدي
كعدت كباله عالجربايه الثانيه.

واباوعله

جر نفس وباوعلي بغضب وعتب

دقايق طولت النضره واني جنت مرتبكه وعيوني نار يطلع منها

نصه راسه وتنهد

مادري شنحجي عبالك نسينا اللغه يباوعلي وينصي يلزم راسه بايده الاثنين

همس بنتره
خاطره لا اللا لاتعاينيني هيج.
همست ملبي مكسرر
كذبت عليه 

رفع راسه يباوعلي

واعدتني وجذبت

نصه راسه وفرك وجهه
انه كتلج عيشي
انت انت متدري شسويت بيه برطمت. انت عفتني وواخذت روحي رياك
اي صار سنيت مانسيتييي ماعشتتتي  صيح

وكام بنتره علك  التلفزيون علاه
وتمشه بالكابينه يروح ويجي ورث جكاره. يدخن وعينه بالكع.

واني عيوني عليه

يحجي وينتر ويدخن وعينه بالكع.  سلاحه. يتحرك وي حركته

واني صافنه
هذا عابس الدينتر بيه

رديتج لاخوج مو هذا الردتي. وامنتتت عللليج. شتردين بعد عيشي عيييشي وانسي المنطقااا انا كبل كلتها لج. انسي كلشي اللي عشتيها. هناك سنين انسيها

كمت اشهك بخنيك بتغييره المفاجيء

همس رفع راسه

المن مجلبه بيهنننن ماشفتي اله الدددم. المن مجلبه مني ومنج. اشرد برروخي

والله مداكدر اعيش والله  داموتت

عصبب بغضب صيح من باوع بعيني وسخب سلاحه خلاه جوه حنكه. بسرعه حركته

صيح
اقتلهاااا لروحي واخلصج منييي شوون فهمينييي اقتلها. واخلاص

وكفت. بلعت ريكً وجهه دم همست. بعتب. مسحت وجهي

واهون عليك  تخليني وحدي لوعادي عدك تعوفني بعد
صفن بعيني ونزل سلاحه

بلعت ريك كعد بالكع وجر رجله لصدره لزم راسه بايده الاثنين

صيح

انا ملززك.  بروحي
مراقب

العالم تلحكني

كلها تاكل بيا. يردون يصعدون براس معلوماتي. 
والعصاباًت كلها تلحك وراي

ويين اوددديج
المن
وين احير بيج

بقيت صافنه عليه
نتر

ورفع راسه عيونه دمم

تكذبييين عليييي

نصيت راسي

ناقص. هم انااا

ااسفه هزيت راسي برفض

روحيي شردي بروحج لو شافوج وياي. ياكلووووج.  ماصدكت امنت عللليج ماصدكت طلعت. برروحج. ونقذتج. خليتيني اهد كلشي. واركض عليج

وكف بوجهي خزرني

هزيت راسي
هاهي اوك

اشردي بحياتتج
ووانت
ماااعليج منييي عساني بتيزاب محروك.

عابس
غمض كل قوته ودار وجهه
اخاف عليك
فتح عينه بتعب
انسيني

برطمت  اختنك صوتي مااكدر والله

لانت ملامحه وتنهد

للتعوفني ميت مره كتلك
نصه راسه

كتلي شون اعوفج وعفتني
غمض منصي
همس
روحي ولاتردين النوب
ماشي
اطلعي منييي خلصيني من همممممج

اي خليت ايدي على حلكي توني اطلع همس
بالباب نفس السياره تردج
باوعتله
ودرت وجهي خليت ايدي عالكيلون ورديت باوعتله. احس اريد اودعه.

عيوني ترجف وتغوش وحنكي من وحده. يرجف
درت وجهي خليت كصتي عالباب  وبجيت بكد مابيه خيل وقوه اششهك وايامنا. تدغدغ بكلبي وجع وجع.

حسيته حضنني من وره وشهك شدد ايده علىً بطني ويشهك النفس.

درت روحي عليه مغمض ومنصي

رفعت وجهه بيدي مغمض وجفنه مبلل صاك على سنونه

ضربته على صدره. بقبضه ايدي

شوون طاكًك كلبكك شوون شون سنتين سنتين. مرت علبه جحيم
جرني لحضننه ربطتي انفتحت يدور ركبتي ويتنفس
والللا ماعفتج

واللا مانسيتج لحضا مليكاا

اشهك بقوه وهوو صوته يختفي ويرجع. ويتوسل
واللا متت ميت موتا.
بس خفت عليج واللا.
ردتج تعيشين
انا وياج
بامتحانج
وبنجاحج
ووي اخوج. وهوومايدري

انا وياج. روحي بيج. ومو بيدي من ادز عيوني تصور البيت بليل بليل وتصورج لمن تمشين

يحجي مغمض ويرجف

واني غصيت بجي مداكدر  اسيطر خله راسه على كتفي ويمسح بركبتي بشفته. واني اششدد حضني
كم الحرام الصرت بي اذاني.
اني موهيج
ابويه ديشوفني هسه
شداسوي
زادت خنكتي بالبجي مداكدر ابعده عني اريد احمي مثل محاني ونقذني اويد اضمه بكلبي
همس يعتي لان زادت. عبرتي

ليش هيج ليش
ماااه مااه
ملكيا
ماااه متعوووفنييي متعوفني
ماشي
متروح

ماروح
كذابب
اضل وياج

كذذذاب

وان متت
صفنت باوعت بعينه نصه عينه مني مسح وجهي
ردي عليا وان متت
هزيت راسي المهم متعوفني حد الموت سوه
هز راسه
ماينكسر كلبج
وهسه ممرود بلاك يعنني
خله كصته على كصتي همس
متحافين الله
انت متخاف
شعرج بيدي
فك عينه بتعب ابتسم ولزم شعري من وره
ويتلمس مغمض جر نفس صوته رجف

موت احبج انا——
عذروني عالتاخير
مريم السعدي
يتبع