رواية منطقه13 الفصل السادس والثمانون 86 - بقلم مريم السعدي

كل عام وانتم بالف خير

هدية متواضعه مني بمناسبة رأس السنة الميلادية
مشهد مستقبلي من الجزء الثاني من #منطقة_13

الأحداث لازالت ع ارض الواقع مستمرة
وصعب ينزل الجزء الثاني بالوقت الحالي

لكن تلبية لرغباتكم هذا مشهد من الرواية
أتمنى ينال رضاكم

تحياتي لكم
#مريم_السعدي

قراءة ممتعة اتمناها لكم

********************

اليوم احد

عمر سلطان سنتين صار  واني حامل بشهر

كانت اول مره نسوي عيد ميلاد اله
هالسنه تعرفنا على ناس عرب جداد
وضعهم مثلنا معروفين تحت مسمى غير قانوني دخولهم للبلد ولان مكان سكنا بقريه بعيده خلت الانظار بعيده عليهم

( روز )
صديقتي الجديده
سوريه من اصل عراقي ساكنين سوريه من وكت السقوط وطلعو من دخل الهم داعش
ونزحوا من منطقه لمنطقه حتى وصلولنا وهمه ولا ورقه ثبوتيه عدهم

كانت هي وامها واختها الاصغر منها من وصلو اشتغلوا كلشي

مطعم اكلات بسيط وطلعو منه وره فتره اشتغلوا بالتنظيف بفندق وهم طلعو منه

حدما اشتغلوا يبيعون بيض بالسوك وعابس عرفهم عراقيين من سمع امهم تحجي وياهم ومن حجه وياهم راسا بجت الام وتوسلت بي يساعدها

بيومها جابهم واني تخبلت منو ذوله ومن سمعت قصتهم جلبت بيهم تذكرت كلشي وكع على راسي من طفولتي حدما الله فرجها

بيومها عابس والولد جماعته فرغوا الاسطبل مال فرس وفرشه وخلاهم بي

والناس الخيره نطتهم منادر واغطيه وثاني يوم من الصبح. قبل كعدتنا جانو كاعدين ومنظفين البستان ولامين البيض ومنظفين قفص الدجاج ومكانه سوو كلشي حتى منعوفهم

لغتهم مكسره كوه يفتهموهم اهل البستان الثاني العايشين بصفنا

مر شهر وهمه يتقاسمون ويانا اللكمه وهالنكدر عليه.

الصار روز بنتها الجبيره صارت صديقتي رغم اغار على عابس بشكل متوحش

الا هي تفهم بس يطب تترخص وتروح لغرفتهم وره بيتنا

ساعدتني على سلطان  وتربيته. هواي بفتره حملي

سلطان وكح بشكل حرك كلش واني اعصابي فارطه. بوقت حملي

خوف عابس وركضه ورايه. بالمقياس مال سكر تعبني وزيد توتري وخوفي

عابس هم تعرف ناس جدد عرب يكونون اقرباء اهل البستان جيراننا والبستان توسع وهمه ساعدوا

بيوم عيد ميلاد سلطان روز اقترحت عليه نسوي كيك اني جنت مثل امي حيل اقتصاديه ولازمه ايدي

عابس كال اجيب كيكه بيننا نحتفل مقبلت
حبيبي ماكان يناقش ابد كلمتي هي التمشي بالذات وكت حملي يخاف اعصصب

ثاني يوم روز جتني وكتلها كالت اني اسوي وبيض عدنا خير من الله وفرن عدج

متوقعت هالكد ماهره بالكيك اثاري اشتغلت بمحل كيك شهرين بعدين طلعت منه لان مينطوها اجور تكفي اجارهم وعيشتهم وسوت كيكتين كبار

بيت ابو سونام البصفنا عدهم مكينه. خفاقه جابتها خطيه بدون ماكوللها سوت بيها روز

واني فقدت بالحلات اروح واجي اكل. والگگم
صارت كيكه تخبل

وسلطان فقد ... زينت اختها الصغير ايفان البيت نفاخ جابته سونام من عدهم... وعدلنا البيت طاوله طلعناها

اني سويت لفات دجاج وزلاطه وكوكتيل طلعت الفاكهه كلها من البستان بيدي قطفتها

بيومها كان عابس طالع محافظات يجيب كراتين البيض. لان خلصت هو كل راس شهر يسافر ساعتين روحه ساعتين جيه يجيب كراتين بيض حتى يعبي بيها وميكدر يجيب كميات جبيره خوفا من الرطوبه. تعفن. وكت بوكته كان يجيب بالشهر مره

ورجع مغربيه غده ممتغدي عالريوك وشاف الهوسه
جنت مخبوصه. بروحي وسلطان. وكلت لجوارينه وام روز وايفان. حتى يشاركونه

الجو طيب شهر ال٧
و روز تعدل لبس سلطان اللي اشتراه. عابس. من المحافظه. اللي سافرلها قبل فتره

تمنيت احمد ويانا هو وعائلته بس بعيد عني
وطب عابس شاف الهوسه. خطيه فز
طب ركض من شاف اللمه توقع تخربطت
صارت بي هبطه من وكت حملي بسلطان

اول مصاح
- مليكاا ... وينج ابويا
- هنا هنا ابو سلطان.

طب وغمض وارتجى عالحايط ركض عليه سلطان ويحجي بلغه اطفال مثبور عالنفاخ والكيك. يحاول يوصلها اله

شاله وعيونه عليه وعالهوسه مستغرب باس سلطان وشم ركبته وعيونه عليه همس يم اذني

- شكوش كلها عدنا الليلا

- عيد ميلاد سلطوني

- ادري غير تكلين لحتا اجيب وياي شي

- لا روز سوت كيك عاين شون كيك يخبل

مشيت للشرفه ومشه ورايه ابتسم وعاينلي كال
- رحما اجم ذولي علينا

- اي والله يله يله ابو سونام اجه واخوه هم

وينا وحجه باللغه مالتهم رحب بسلامه الحار يروح ويجي يلگمم باللفات والزلاطه
جوعان خطيه

التمينا  وسلطان بيننا شاله عابس يباوع بوجهه بطريقه تشرح حبه ولهفته عليه شاوره و كأنما يفهم الديكوله

- ياروح ابوك انت قبل سنتين نورت سنين عمري كلها  نورت ضلمتها انتا وامك
كون اشتعل وانطفي ولا كولك فد يوم لا

وعاينلي يبتسم همس باذني
- كل عام وانت بعافيه ومنوره هالبيت بضوه عيونج

- حبيبي انت الله لايحرمنا منك

كصينا الكيك واني اوزع والبقه كصيت قطعه جبيره الي ... عابس خلص كيكته وافتر اجه كعد بصفي جر ماعوني

- ها اكصلك  بعد
- لا اجه على بالي اكل من صحنج الماكلا منا

ابتسمت عرفته خاف عليه من الحلاه
كام يتغالب وكل لكمه شكبرها

- على كيفك على كيفك لازم عجبك الكيك

- لا باللا ماصخ  بس لانني كاعد بسدج حبيتا

- عابس اضوج تستغفلني

- اي لعد دكومي حطي الصحن عالطبلا سحنت معدتي سحن من الحلا
اناا شون كليلي امنع السكر من القريا  كلها
اقتلو اللي يدخلاا

كالها معصب من بين سنونه خربت ضحك
بقه يعاين بوجهي همس
بروح ابوج خوما كثرتي بي

- لا بس شوي
- ينعل رساااا ينعل رسااا كومي ويايا  الغرفا اقيسلج السكر لا تسويها ليلا سودا خاطر ربج

- بعدين اني من احس بيه شي اقيسه

جر نفس وفرك وجهه هز راسه وكام كعد يم الولد سالفه وضحكه خلص اليوم وسلطان نام مدببك من التعب والنفاخ واللعب وي جهال ابو سونام واحفاده

ثاني يوم من الصبح حسيت نغزه بيدي
تبنجت من كثر الفحص
صرت شوي  احس باصبعي مو هواي
بعدها حسيت بشفافه على اصبعي تبوسها بهدوء
طلع من يمي على كيفه
وراح للسوك يودي البيض

بالعاده يتأخر للظهر يله يرجع اكون محضره الغده وهو يتريك وحده ويبقيلي من الريوك ويغطي من نكعد اني وسلطان نتريك بي

بقيت نايمه حسيت روحي عركانه كلش اريد اكوم مااكدر مثل الدايخه وصوت دكات بالباب تعلى وتنصى باذني مثل الصدى بعدها صوت روز

- مليكه ويينج

مكدرت ارد سلطان يلعب بشعري ويصيح ماما ولاكدرت ارد

حسيت بروز ترش مي على وجهي صحتني فزيت كوه باوعتلها تعاين بقلق

- كومي كومي مرتفع السكر عدج وين حبايه الضروره

اشرت عالبوفيه جابته وصفتلها نص مكدرت احجي مفهمت بسني كسرتها وبلعتها اريد ارتكز مداكدر
تلفتت سلطان ماكو

فهمتني كالت
- اخذه اليمني وياه بالعربانه ديشتريله

هزيت راسي وغمضت بقت يمي روز حدما كدرت اكوم سبحت وخليت الاكل عالنار وهي ورايه تعاونني
كتلها روحي مابيه شي يله راحت

طبيت للحمام اسبح شفت اثار صفنت وبجيت بس لاطرحت ماكانت هواي شي قليل بس خفت كلش

اني صوجي
اني ذنبي اكلت حلاه هواي نفسي دنيه
بس ردت عابس يجي

بعدني مضابطه اللغه شكول لسونام وامها شون اسأل
خابرت اسينات مردت
حتى ايه نسيتها

رجعت نمت
حسيت بعدها ببروده على وجنتي
فتحت عيني
عابس كبالي

- الله يساعدك
- شبيج نايما مريضا
- لا هيج شوي تعبانه مال تعب البارحه
- سلطان وينا
- اخذه علي بالعربانه
- ها تريكتي

- اي اي اني ويا
- زين كومي اشوفج اشو

كمت بالكوه ودخت
فز واجه كبالي لزمني نتر
- مو جااي اكول وجهج مو طبيعي
 
تذكرت الدم بجيت ورجيت راسي على كتفه

- شجاج بويا شلي يوجعج
- لكيت دم بهدومي

غمض ودار وجهه همس
- البسي اوديج
- اخاف .... شهكت ابجي اخاف والله

- شششش كلشي يصير نحمد اللا علي شتكولين انتي ماتكولين اهيج

- اي الف الحمد لله
- يلا عيوني  لبسي اعينج
- لالا اكدر بدلت وهوو يخابر على صاحبه يوصي على سلطان يبقى يمه بينما نرجع

ورحنا للمستشفى مافارك  ايدي ابد  بس صفنته بعيد عن وجهي

من كتله بلعت حبه الضروره خاف اكثر بين من وجهه القلق لان حامل خاف تأثر عالطفل

وصلنا وحالوني  فحص سونر وتحاليل
السونر ملكف النبض ولا لكه اثر اجهاض

الطفل بعده نبضه ممبين بس ميس فارغ ماكو طفل بس التحليل يقره حمل

ونطوني مثبت وطلعت ارتاحت نفسيته من الدكتوره كالت متأثر الحبه ونطت كورس جديد للضروره القصوى ورجعنا
لكينا الدنيا مكلوبه شرطه بالباب مال بستان والاضويه وهوسه وصياح وجيراننا مو ابو سونام. غيره يتعارك ويصيح بلغتهم

- هو القتله
عابس انجر بوشه وجرني وراه
واني بخوفي على عابس رجفت روحي

- عابس فدوه شون خاف عليك
- شسشششش يابا شبيج محد يعرفني
- لعد شكو

- هاي بس لا على ( علي جنتي) جايين بس لا عرفوا مكانا يا الله كل احنا نروح بالرجل

- عززا شون
- لا انا متفق ويا لون لكفو مايعرفني ولا عرفا انتظري هنا لا تتحركين خلني اشوف
- اوك

طب وعلي يتعارك ماشوف الا الجلب مشنكل عالسياج العالي وركبته مجلبه بالاشواك مالته ميت

الجلب مال جيراننا دوم يطب لبستاننا وسلطان يخاف منه

عابس ضل يتفاصل وي البوليس  والبوليس قفل هو قتله تالي اخذو علي وصعدو بالسياره مال شرطه
وهو بطرك الفانيله السوده

عابس باوع
- لا لا هذا صدك يحجي شايلا شامررا ومعلكا اشتعلت امك اذا صدك

- وين سلطان
- ذاك وينا عد ابو سونام

رحت علي شفت ايده مشخطه شلته وابوس بي يبجي ويشهك يوصفلي الجلب
وابو سونام يشرح شون صارت

كال

- ديمشي سلطان وعلي وراه  والجلب طب للبستان الباب مفتوح وضل ينبح وهذا الطفل اخترع ركض وركض وراه الجلب طفر علي على الجلب دفرة وشمره تشنكل بالسياج وتعلقت ركبته بالاسلاك الشائكه كبل مات

واجه صاحبه يهوبز وعلي تعارك ويا يكله محد كلك متلزمه  طب بكاعنا ووكع الطفل من وراه

عابس تخبل ولان ماعده اوراق علي خال اكثر وابو مامنه عدنا اخذ سلطان  حتى مداوه ايده وراح للمركز  وره ساعه ابو سونام جاب سلطان للبيت وعابس ماكو

مخليت صلاه مصليتها وروز ويايه
للفجر جاب ( علي جنتي) واجه 
ركض على سلطان نايم شاف ايده عض شفته

كال
- خوما توجع منها
- لاكبل نام
- شخليتي عليها
- بس دوه ازرك
- زين مافز بعد ترا مخروع علي يوصفلي مفرفح

- اي كلسا بكعد يبجي
- سودا بوجهي بابا سودا بوجهي هذا اخذا وياي بعد للسوك اشو اروح وارد بالعربا وهو روحا باصيل( الفرس)

- اوك ... بس خاف يضوجك
- يضوجني ولا يضوجج لج.. اخذتي علاجج لاتوجعين كلبي

- والله اخذته
- سبعا ام سلطان ماكوش شي ينوكل
- اي عدي محضرتلك

.
.
.
.
.
.
.
ملتقانا وإياكم بعد نشر قصة ( أماً لهُن) و رواية ( نجوم الليالي)

#مريم_السعدي