رواية منطقه13 الفصل الثامن والأربعون 48 - بقلم مريم السعدي

اسينات-
ياذيني وجعك خويه. نضراته المرتبكه. مليانه حزن. صعدت حجيت وي مليكه
راسن نترت
شعليه منه اني ميصعد غرفته معزوله بس ليشوفلي جهرته الزفره
وجرت عينه بغضب
رجعت عليه اشرلي سمع وصعد للغرفه بهدوء وعيونه بارتباك على باب بيتنا المواجه لغرفته يباوع ويرجعها بسرعه
طب للغرفه وسد الباب بكل هدوء
مكسور حبيبي مكسور

كم يوم مر والهوسه جوه  يوميه تعلك ومليكه توكف تتصنت

لحد مافد يوم. سمعنا صياح موعادي. وابراهيم. يصيح. اخر شي كال
كوليلهم ينزلون جوه. واني اصعد شلون مادري تره احركه للبيت على راسكم

يمه علكيفك حبيبي هسه اني اتفاهم وياهم
وصعدت مرت ابويه
مليكه رجعت كعدت رجل على  رجل بالهول وطبت مرت ابويه

كالت رافعه تك حاحب
_
باعي مليكه انتي وهاي الوراج. تنزلون جوه تاخذون غرفتي واني اكعد بالصاله امري لا الله. وخلي ابراهيم. يتاهل فوك ويتزوج.

مليكه - رفعت تك حاجب والله ومنو كال

نتر
مليكه. لتصعبيهاااا الولد يريد يتزوج

واني مااقبل  بالنص النا البيت ترا نقسمه كله. من

فوك ليجوه

صيحت
هووو كن شتقسمين منننه. باعي لجججج اني سوالف وضحى مو عليه. اخبنها واحطها جوا ابطي تسمغين كلام لا والله اطلع بروحج

وكفت وبعياط اصيح
امشي نزززلي جواا من بيتنا امشي

فتحت الباب ودفرها ابراهيم. راين حرت حجابها خلته على راسها

صيح
سمعي لللج. تنزلين اليوم اليوووم واصعد غراضي. وعصب عنج ترضين

ومنو يكول بللله انت.
صيح
اي انيي اكول. اني مو ارمم واصبغ وارررتب. والحمام. ابدله كله
تجين.  عالحاضر. انتي وجيفتج. تنكسي

غير ياخذ نفس الطاهر العفيف بعدين اعتبره اجاررعيوني اعتبره اجار. سنين كاعدين وحدكم مثل الجلب

كملت الحجايه وهجم عليها ابراهيم. وكع الحجاب من راسها وهاي تخبلت. كامت تضرب بي شرمخت وجهه وخاله مروه هم هجمت جيت ادافع دفعتني مروه وانركع راسي بالميز
ومليكه وحدها
ضربتهم وابراهيم مخله عليها حال موتها كتل
الفاضها تلفضت بيها الفاظ تصفنن

اخر شي سوت جرت خاله مروه. وعضتها قوي من كتفها. حتى دشداشتها تدمت وهذا يعت بشعرها بمل قوته. للدرج دفعتها ودفعت ابراهيم وتصيح

—-
بكلام مينطق

واني ارجف واصيح عوفوهاااا عوفوها

ماشوف الا ابراهيم من مليكه دتصعد فوك تنهزم منهم وتغلط
جر زيك دشداشتها من وره
وانشكت على طولها
وصيحت بعلو صوتها
ماعددك غيره جللللب انت جلب
نزلت وراها اجرها
ماشوف الا قاسم صيح

معووودين صوتكم واصل للشارع لج يووووم معوده شون يعني
وطب رفع راسه فوك لزمت ايد مليكه ترتعش وتلزم بضهر دشداشتها ا نصدمت  من شفتها تبجي. وتاشر على ابراهيم هي وعالدرج
ومليكه صيحت تبجي
هذا هذا العاار الماعده غيره شكم هدومي عليه. الحقير. الحقير
وتصرخ
شعرها مفتوح. كله

ماشوف اله قاسم. زنبر وحنفش على ابراهيم اللي ديريد يرجع يلحك مليكه
سحله تضرب ضرب فقد.  وتدفر لحد ما تدمى
وخاله مروه كلبت الدنيا بالصياح

اخووك ولك يمممه. ابننني لحكولي. ابني حيمووت

ومليكه صعدت ركض

فوك

قاسم دفره اخر مره وصعد يغلط عليه. خاله صيحت تدعي عليه وهو مويمه مزنبر
طبيت للبيت وره مليكه تبدل وتبجي

وتعدل بشعرها
مليكه- والله لو يدري  والله لويدري شعري اليحبه. كطعه الجلب مجان  عافني وررراح. مجان عافني جان داس عليه وموتته

تبجي وتحجي وي روحها بقيت صافنه عليها محاجيتها
اندكت الباب احمد

رجعت ليوره لبست حجابي

وطب باوعت لمليكه وجهه احمر وشعرها مملخ

بقه يباوعها بعتب

كال
تالي
ختولي ال—- البت — هي وابننها—-

بسسسس مللليكهههه
صفنت عليه تقدمت

واشر بيدي

والله لاخليهم نار بينهم نارررر

هز راسه وباوع لاسينات ورجع باوعلي

همس
لمي هدومج نرجع للكرفان
ماااارجععععع ماارجع اختنكت هناك هذا بيتي.

غمض عينه همس. حضري هدومج دنرجع. مليكه. لتخليني اتخبل

مااارجعع هذا بيتي اختنك هناك

مللللليكههه انتي ممخنوكه انتي تردين تنتقمين حتحولين حياتج جحححيم. بهذا.  تفكيييرج.

هاي كوتربايه سلمان وصبحه  هذا الغلط الديطلع من حلكككج مو تعبببهم وسهرهممم.  نسييتي نسيتي توالي الفجريه جوه الدرج. نسيييتيي

برطمت صيح لمي هذددومج. متبقين هنااا اختي اربيج من جديذدد اختي  نسيتي التربيه اذذذكرج. بيها اذا مو بالحسنى بالللقوه

دار وجهه ديطلع وجلبت بي تبحي
مماسوي مشاكل بعد

مراح تكدرين مليكه. مراح تكدرين
الله يخليك والله ماعيدها وماافشر ابد

تبقين فوك ومتنزلين واذا صعدو تقفلين الباب عليج انتي واسينات

اي والله
جر نفس اخر فرصه الج
اي
اني طالع اتسوك وارجع باوعلي بعتب ونزل من الدرج الخارجي

كعدت مليكه ميته بجي

شوفي تالي يكولي صوجج
مليكه حجي مسامعته من اي احد كمت تغلطين بي
نصت راسها شتردون مني اذا كضيت عمري من وره الحوووبه بنص ال— وسكتت

ميخالف هسه اخوج ويريدج اخسن وخده
انجبيت وسكتت شسوي يعني
ورجعت بجيت تحفر بكلبي حجايه. اخريه مو تربايه سلمان وصبحه هاي

اسينات- بالي يمه فرفح. صار اعصاب لليل تقريب التسعه خابرت مليكه احمد كاللها ابات عدي شغل بالمنطقه.  الفجر مالحك اطلع مناك

سدته باوعتلي
ميحي اخذي راحتج
على راحته نتعشى
اي خل ناكل

اسينات- تعشينا وبالي يم قاسم. يمكن ابراهيم انكسرت رجله من التدفر سوده عليه يضرب بابراهيم وعيونه على مليكه ويرجع يضربه

كملنا عشا وبقه. هواي منه  واعرف مرت ابويه زعلت على قاسم مسوتله عشا. مليكه دتتفرج بالهول عفتها ورحتله

دكيت الباب

همس تعاي
طبيت  باوعلي ولزم راسه غمض ورجله تهتز. بتوتر

شونها
زينه مبيها شي

رفع تك حاجب
هذا الساقط خومشاف منها شي
لالا راسن غطت روحها
هز راسه وصفن صفح

تتعشى
باوعلي صافن ويتنفس بتعب
قاسم شبيك

شعرها خوما تملخ
لا مشطته وكع شوي بس
هز راسه وتنهد جته الضحكه وضحك وجهه صار احمر
اي شبيك حتخبلني
صايره تعض هههه مدميتها لمرت ابوج
مو هي اذتها ثنينهم التمو عليها

هز راسه ونصه تنهد
تتعشى
لاماشتهي
والله فد طيب جلفراي. واحمد مااجه بقه هواي
شبي يصيح احمد
مو رزلها جيف غلطت
صم حلكه  ضحك
ليش تضحك
هز راسه متحسف همس اخخخ ربي بقه يباوعلي مبتسم
اسونه ؟
هم
تعاي شوي كعدي يمي
تقدمت كعدت يمه
ورجع ايده وره راسه تمدد عالجربايه اكولج. متكول شي عليه. بقيت  اباوعله
جج متحجي بيك
زين يعني بحجيكم متكولج اكرهه تدعي عليه
صفنت عليه همست
لا
هز راسه وكانه يدري بي اكذب

شنو عدج عشه
جلفراي اجيبلك
امم جيبي امي زعلت

زين هسه
حضرتله صينيه ومليكه بالمطبخ. تكلي دبس وخبز همست
حمزه اجه
ها لالا بس قاسم هطيه جوعان عادي اوديله
ومتوديله شعليه حمزه مو ديتسوك ويانا

اوك وديت الصينيه. دكيت الباب سمعت ديسمع اغنيه
شكول عليك
اكول انساك روحي وياك
طبيت ابتسم همس ويباوعلي ويغني
شكول عليك اضل زعلان مر فركاك
ومثل فزه طفل روحي تفز لو سمعت بطرواك

خليت الصينبه اضحك
كام وتربع بالكع

كال

اسونه شغله اخيره.
ها عيني
اذا طلبت منج توديلها شي تودي
اي هزيت راسي
ابتسم تنهد وكف شوكت نتايجج
سبوعين بعد حموت خوف
ممم  لا انتي سباعيه وتنهد فت الكنتور التفت عليه يبتسم
انطيها هاي الامانه كوليلها اخر شي بقيتي هنا واخر ذكرى وكوليلها يكول
اتمنى تسامحيني. ولو الوكت يرجع ماخليج تطلعين منا لو مو امي

هزيت راسي اخذته منه جيس بي هدوم عبالك قديمه

عفته كعد دياكل

رجعت لبيتنا طبيت للهول جانت دتتفرج مسلسله
كالت تعاي تعاي طلعت المسلسه الخابصتني بيها

كعدت وبيدي الجيس باوعتلها
خلت ايدها جوه خدها

هااا حلوه اني مو شبيج حتصوريني
عدي الج امانه
عكدت حاجبها وباوعت عالجيس

صفنت الكيس شفاف راسن عرفتها تبسمت واخذته فتحته. مصفط جان همست

منيلج هاي
من قاسم  كال هاي اخر ذكرى ضلت بيتنا من عدها وضامها

هزت راسها  وتنهدت تتلمس القماش وتباوعلي
كالت
تدرين هاي البازه اخر بجامه خيطتها امي الي عالعيد الجبير قطعتين بجامه ودشداشه توصل للركبه

بقت تتلمس زوايا الخياط وتبتسم شمتها وغمضت
هزت راسها
مابيها ريحتي بيها ريحه جكاير
اسينات-همست
مال قاسم
هزت راسها وتعاين عالقطعه جرت نفس وباوعتلي
الله يعلم ششفت ايام بعد مانزعتها جنت اتمنى الايام العشتها هنا. تبقى ولايمر بذاكرتي ذكرى وحده

شنو شفتي ليش ماتحجيلي

تنهدت شحجيلج. شي عقلج ميتحمله. لدرجه صار بيه سكر من كم الرعب الشفته

وشون كدرتي تعديها وتعيشين كل هالسنين
همست
ابو قبضه
عابس
ماتركني حدما وصلني لاحمد
دمعت عينها وغطت وجهه بيدها تبجي
اسونه نار بصدري ماكدر احجي

لتبجين هو وين راح ليش عافج
اسونه واعدني ميعوفني وخذلني  عافني ووراح مادري بالسجن مو بالسجن والله مادري. ماعرف حاله هسه بس اني المصفنني هو مجان يكدر يتحمل
هوا يطخني شون كدر يعوفني بله ميفكر شون اعيش

متطمن اخوج عدج
كتله اني  خايفه من كلشي

متعرفين ضرفه شنو مليكه
هزت راسها وباوعتلي صح ماعرف ضرفه لذلك ماعدي غير الدعاء

قاسم يكول سامحيني ولو يرجع الوكت ماخليج تطلعين منا لو مو امي تجبرج
همست بقهر كوليله محلل وموهوب  صغار جننا.

اسينات- قهرتني حيل. اوجاعنه يمكن تشابهت بس هي جرحها غميييج عيونها الوكحه شايفه. قهر انواع

صارت ال١١ دك تلفوني خاله ام سلام استغربت رديت راسن
الو
هله اسونه شونج
عله خاله حبيبتي شونج
هيج تنسينا ومترجعين ضله تسال عنج
والله خاله على بالي بس اريد اجي اشوفها واستحي
يمه احنا محتاجيج تعالي. هالفتره
اي خاله والله الجمعه من ينزل حمزه اجي وروح اهلي
فدوه لعينج اسونه يله. مع السلامه

سديته منها

ونمت كل بالي يمها شونها شخبار ضل سلام. — سلام. شديسوي شون مدبرها

مرت يومين الاربعاء بليل. احمد توه ذب المسواك. وطلع. يجيب غرراض لمليكه. رادتهن منه داسوي عشا ودك تلفوني
سلام
رجفت ايدي ووكع الماعون منها
ركضت عالفون رديت
الو
الو سلام عليكم
هلو اسينات شونج
ههلو ابو ضل شونكم ام ضل شونها
جر نفس كال
اذا دزيتلج السياره بيها مجال تجين تباتين يم ضل اليوم
بلعت ريك فريده وين  همست
جر نفس بصعوبه وذبه

كال
فاقده من الصبح اكدر ادز السايق ضل مدتتوالم وي اي احد دتعاند وماريد اعصب واضربها مو وكتها
صفنت زين تدزها
ماريد وسكت
اسينات اريد تودعها من نطلع حتى متضل بامل راح ترجع امي
صفنت  تذكرت روحي
همست  صح لليوم اكول جوز  مماتت امي وعسه ترجع لاان مشفتها
بالضبط
اوك
ادز السايق
اي دزه
اني اخذت اذن من حمزه ووخليل يمي
اوكي ماشي
كمت راسن بدلت ومليكه صافنه
ها وين
هاي يمكن وبجيت عزه شون شسوي  حتموت  خطيه ضل
ياعيني طفله الله يعينها

اي والله
دروحيلها خطيه

اي هسه حروح حيجي السايق عليه
زين
بدلت بسرعه ونزلت من سمعت السياره تدك هورن
اول منزلت وخاله مروه غردت
وين موليه ها. دزو عليج خدامه عدهم ماعدج ام واب يلفوج ويربوج مثل امج تبوكين الزلم من نسوانهم متستحين. ماعدج غيره على روحج

كمت اركض  وطلعت وصعدت بالسياره غمضت

وطلع السايق وصلت نزلت راسن طبيت بيت فريده

ضل جانت دتحجي وي ابوها ويمهم خليل. شافني ابتسم
تقربت حضنته صار شهر مشايفته
شونك خليل
شونك سونه  مشتاقلج

وصيحت ضل

اسووونه باعي ماما شنو حابتلي
اشرلها ابوها اش بابا على كيفج

وهمست
ماما اشترلي هدوم مدرسه ودفاتر وكتبات وجنطه وجنطه مال قلم تخبل مال لعابات

واني عين عليها وعين على فريده مغمضه عبالك نايمه خاله دتصلي يم راسها. وعمو كاعد يقره قران

نسيم طب جايب مغذي وبطل  وياه باوعله سلام بكسره همس
ميفيد خويه ميفيد  الدكتور  كال  انتهت ننتضر رحمه الله

بقه يباوع لاخو والها وكعد مستغفر رقيه طبت شافتني عوجت حلكها وتعاين عليها همس سلام
بله امر عليج تاخذين ضل بغرفتها
ضل- لا ابقى هنا
اسينات- ضل تعاي اكولج شي
شنوو باوعتلي الكدله على عينها نازله شاورتها
تعاي احجيلج قصه
همست وتاشر باصبعها محذره بس موتخوف
لا والله هه
اهذتها طبينا لغرفتها ناس تطب وناس تطلع بره.
واني وياها وحدنا نحجي قصه وهي صافنه كلسا تباوع عالباب
همست
اسونه
ها عيني

ماما حتروح للجنه
صفنت عليها صافنه بحيره

هزيت راسي اي
حتى راسها بعد ميوجعها
هزيت راسي اي
نصت
زين سون اطب للجنه من اشتاقلها

جريت نفس ابتسمتلها
كالت
بالا كال اسونه هم امها راحت للجنه
دمعت عيني هزيت راسي
زين تشوفج بعد
اي اشوفني
وانتي
نوبات من اشتاقلها تجيني بالنوم
همست
لابسه ربطه تضم راسها حتى ميطلع
هزيت راسي لالا شعرها مثل قبل.
يعني تطيب بالجنه
اي
تنهدت وخلت راسها عالمخده لعد خل تروح ميخالف

زين انتي تبقين يمي لو همً تروحين بيتكم

اروح واجي
بيتكم حلو
اي كلش حلو عنوني
عدج خوات
اي عدي بت عمي بس
امها بالجنه
اي هم امها بالجنه
خل تجي عدنا
ليش متجين انتي يمنا
خاف بابا يصير عصبي ويعيط  عليه
اني اكول لبيبي تكوله
هزت راسها ودارت وجهه تنام منامت مكدرت بقيت العب بشعرها وكان كلبها علم
توها تغفى والباب اندكت على كيف لبست راسن

مد راسه ابوها ابتسم وتعب الدنيا بوجهه همس

ضلوله حبيبتي ماما تريدج
كامت راسن
راحت للغرفه.  كلهم جانو  بيها طبيت وراها جانت بس عيونها مفتوحه وتباوع من شافت ضل تبسمت ودمعت عينها

باوعتلي ورمشت مرتين سلام لزم ايدها قوي
شوي سوي غمضت وانفظ جسمها
اشرلي سلام
اهذيها
اخذت ضل وجلبت
ازيد يم ماما
ضل امشي
لالاهنا ابقى يمها

ضلل جريتها باوعت بعينها
تعبانه نامت
برطمت وطلعت ويايه توها توصل للغرفه ونترت ايدي دترجع لزمها عمها نسيم شالها حضنها وبجه
واني روحي راحت سمعت تلقين سلام. بصوت هاديء عله صوت خالاتها وهو عاطط
اليبجي
يطلع بره
ورجع كمل. وقره القران والصوت يرجف اخذت ضل وططبو كدامها التابوت بقت فاكه عينها حاولت اضم راسها حاولت اططبها متشوف المنضر  مكدرت

فلتت مني
همس
خلوها

كلها تبجي  بخنيك جوي يعينو اشرلهم
محد يتقرب وحدي اشيلها. وحدي
شالها ونزلت اديها وضل شالتها وياها خلوها بالتابوت همست
بابا خاف تختنك
همس
لاحبيبتي واندار عليه محني ضهره
اخذوها منا
اخذت ضل بالقوه وشالو التابوت والخالات اخذوها مني يبجون وحاضنيها بجت وعيونها تنتقل عالتابوت صاحت
لتغطو تختنك
متت بجي طلعوها وتباوعلي اشرت تعاي تقربت اخدتها من ايد خاله امها نترت
عوفيهاا عوفيها يني ام سلام نترت
خليها  عدها
ام سلام ماكو احن من الخاله على بنت بنت اختها. اعوفها بم بنتي
رجاء مااريد. حجي زاايد هسه اصيح ابو سلام جايين تسوولي مشاكل فوك عزايههه

اهذتها منها بالقوه وطبيت للغرفه قفلت الباب علينا وهي ترتعش

حجيتلها الجنه شبيها
حجيتلها عالراحه الحتشوفها. حجيييت وطلعت بالموبايل صور الجنه. وهي نوعا ما ارتاحت
نامت

واني من صار البيت صنطه. بيت فريده استوحشت خفت الهوسه ببيت الجبير

للصبح مكدرت انام  اباوع وجهه يبجي.

سمعت احد طب دكو الباب مجاوبت وحده صاحت
فتحيييها الباب
مجاوبت وسمعت صوت رقيه مو كتلج. من جوه ليجوه
وج هاي غير صلافه. هاي
وراحو شوي وسمعت طبت الزلم من النجف سلام صوته يحجي بتعب
يابه عوفني والله مبيه شي
نسيم روح فدوه بس ارتاح. اطلع من كيفي

طلعو تركو وصارت صنطه شوي وعله صوته بالبجي يمكن عباله. وحده بالبيت
متت قهر يحجي بكلام منفهوم. بس اسمع

بيدي دفنتج وعفتج وجيت

متت بجي وضل نايمه
تقريب العشره الصبح كعدت  ضل
خابرت ام سلام
خاله بله امر عادي اخذ ضل لبيتنا هناك ترتاح
اي يمه تسوين فضل هنا هوسه والعيون عليها شفتبهن شسوت هطيه وخطبه
اي راح اخذها
الف رحمه على اهلج
سديته وخابرت قاسم
راسن رد
ها اسونه
هلو قاسم وين انت
بالطريق داجي بيت خالي
خوش زين تجيني توديني بيتنا اني وضله

ماشي تحضري

زين شنو حمزه اجه
لاخفر
واحمد بات لو بقت مليكه وحدها
اي اجه وشفته وحجيت وياه الحمد لله نوعا ماصفت بيننا
الحمد لله طمنتني
ديله وصلت
لبيست راسن وضل تلم بغراضها مكيفه اخذت ملاعيبها كومه وطلعنا من بيت فريده كبل لباب الشارع شفت سلام بالباب شاف ضل نصه عليها شالها ويشم بيها
حبيبي باباتي
حروح وي اسونه بابا ببيتهم
خوش بابا خوش
صعدت وي قاسم  وطلع
ضل مكيفه وصلنا وتلكتنا مليكه شافتها اختفت ملامح الصحك
ضل باوعتلها وباوعتلي همست
شبيها
مليكه هاي ضلوله
اوي فدوه تخبل لج هاي تعاي تجين فوك
صعدت من الدرج الخارجي وراسن ضل كعدت ونصبت ملاعيبها وتباوع عالبيت تبتسم
وين غرفتج اسونه
تعاي اسوفلجياها

شافتها وباوعتلي تبتسم
ورجعت بالهول اخذت مليكه عليها بعطف. راسن تالفت وياها لعبنه رياها بملاعيب
اب وام نلعب
عمي نلعب
تصب بالجاي بالقوري مالتها ونشرب بالهوا ومليكه تكولها
زيدي شكر مر
ونضحك وهي تضحك لصحكنا

لليل كالت
اسونه
ها ضله
هسه ماما رجعت بفراشها
جريت نفس لا ضل فوك يم الله راحت
سكتت وباوعت لمليكه حتى انتي امج بالجنه
مليكه ردت
وداعتج نص عشيرتي بالجنه
ضحكنا ونمنا بيومها بالهول —
مليكه- مكدرت انام. مدري شهيجت بيه ضل كمت بليل من شباك الهول جانت تقريب ال١٢  فتحت الشباك اتنفس وخرت البرده الشباك عالشارع نزلت دموعي واني اباوع واتخيله فرع المنطقه واتخيل كرويته الجان ينام عليها واتخيل عيونه ومراقبته

فجاءه ماطور وكف كبال بيتنا واخد لابس كاسكيته بقه يباوع عالبيت مواضح شكله افتر ورد وكف يم بيتنا  باوع للشبابيك ولان ضلمه ملمحني
شي بلالي لكفته ودموعي تركض ركض وكلبي وياهم معقوله معقوله هذا عابس بس لاموهياءه جسمه اني غير غبيه اكيد ضل فتره يحي لهنا عباله عايشه هنا ويراقب لابس احمد كاله معايش بيت جدي
راح اختفى واني امل  جديد بيه انولد
هو
مو هو

يتبع
مريم السعدي

البارت الجاي قصه حب  جديده تنولد بي
حنعيش وياها باحلى تفاصيل

ابو الخل😍

ونسالكم الدعاء بالشفاء لمريض عدنا بفايررس كورونا