رواية موطني عيناك الفصل التاسع 9 - بقلم بمبش

:نحتاج إلى إفراغ كامل للذاكرة كي نستطيع الاستمرار في الحياة .. فبعض الذكريات التي لا تموت...تميت 🖤🍂

طبيت لغرفتي ولأول مره ما ابجي اي ما ابجي احس مسويه انجاز

الصبح رحنه اني  وايڤان وبنات عمتي  للبيت

سوينه غدا وتغدينه العصر راحو البنات
رحت لغرفتي اتذكر ايامي ويه اهلي

ايڤان /عادي احجي وياج

اي

اسفه مها والله ضميري ديأنبني راح اموت
وربي حتى ما مرتاحه وياه بسبب خطيتج

هواي احلم بيج جاي تبجين بحضن امي وابوي واجي يمكم ميخلوني

اني مسامحتج

بس ارجوج ابتعدي عني

ايڤان اذا تريدين حسام باجر اخلي يطلكني

هههههاييييي

شبيج
هههههه اخ بطني متتت

اني اريد حسام

دروحي بابا روحي هوا اني يطير عقلي منه

هههههاي

شبيج ترا ضوجتيني بس تضحكين

دضحك على عقليتج الزفت

طالعه انام

بيباي

طلعت للغرفه كضيتعا اتصفح الى الليل اجيت  انام اتصل عليه رقم عمتي

جاوبت
الووو هلا يمه

هيج صارت مها

فهددد

لا شهدد

ههههههه

لا ومتونسه خوش

شبيك

فصله بوجهي

جيت دنام والتفكير اكل راسي

بقيت يمكن نص ساعه واندك باب غرفتي

منوو

اني ايڤان

فتحتلها الباب ها ايڤان

فهد جوه وعمتي خابرت تكول خل ترجع ويه فهد

كلت بكلبي انقذتني عمتي

بسرعه تحضرت ونزلت جان ضايج ما ادري

هلاو فهد

يلا مشينه

اي

يلا باي اڤوني

طلع وطلعت وراه

اجيت دصعد بالسياره من وره

فهد/شكالولج عليه سايق الخلفوج طلعي كدام

قهرني غلط على اهلي وهما بالكبور

صعدت بالحوض الكدام
خليت راسي عالجام واني افكر بأيڤان رغم السوته بيه بس والله كلبي مينطيني عليها

تذكرت ابتسامتها من كتلها اڤونه

كتلها هيج دا شويه ما تضل تنقهر ما اريد تضوك قهر مثلي

وقف تفكيري صوت فهد مسك اسطاب(بريك)

وصاح مو دا احاجيجججج

شبيج تتبسمين

لأن اجيت اخذتني
مصدكت ارجع انقذتني

فهد /يعني صدك لو تتشاقين

اي والله صدك

شفته هدا

اتشكرك

على شنو

على غلطك على اهلي

اااا
اششش ميحتاج تحجي

انجبي لا انزل اكطع النعال على. راسج شنو اششش شنو هاي الحركات

شنووووو تكطع الغالي عالغالي

ايي عندج مانع

اي

فتحي الباب وانتحري تخلصين وتخلصين منج

هاي صدك تحجي
كمت ابجي

. اهوووو هم بجت ادري تانكي خوما تانكي دموع

بجيت جنت منشوله بسبب البرد مال البارحه من نضفنه

خنايتي صارت نفاخه وطكت 🙂😢

انوب اشوف فهد فطس ضحك

ههههههه ههههههه خربببب
ذكرتيني بابن صاحبتي كل ميبجي خنته تصير نفاخه

الله يشيلك ويذبك بتركيا شجابك

ههههههههه

جان يضرب خدي بكف ايده ابجي الله عليج

ياااا عااااا وجان ابجي

هههههه شبيج

تفشلتتتت

اخذ كلينس واجه مسح خشمي وخدي  خله ايده على خدي

فهد /ترا متلعب نفسي منج شي عادي

مها 😕😕😕

اي والله شبيج

طبعا انتي فد طفوليه
تخبلين كرص خدي شغل السياره ومشه

واني ضيمي يربي شفشله

وصلنه دا انزل

فهد /مها

هاي

هذا العار ما اشوفج كباله

اصلا ميجي من يوم الكونه

مو سنان

لعد

حسام

ليش

لتعاندين وسكتي

انت منو وتحكم عليه

تم تفعيل الوضع الهرموني النكدي

اني نكديه

حشه النكد منج.

اني بصفتي ابن عمتج واحكم عليج خوش يلا صيري حبابه ونزلي

التفتت عليه لا بالله

يلااا كلت

نزلت وسديت باب السياره قوي

خرببب على كيفج

فتحت باب السياره وكتله عفوا

على كيفج بالباب انوب

رجعت سديت الباب قوي

اباوعله بالكوه لازم اعصابه حواجبه انعكدت

ههههه ميكدر يحجي يخاف اعيدها

دعيديها والله لانزل اطلع ضيمي بيج

فتحت الباب وسديته قويه

ولججج

ركضت جوه

وبوجهي للاستقبال يمه دخيله يمج ختلت وره عمتي وابو فهد وعمو ابو فهد

اجه يطب للاستقبال ويسولف بصوت عالي

عبالي كاعدين دا يفزعولج كلهن نامو

طب شاف الكل بالاستقبال واني وره عمتي وعمي ابو فهد

اني اعلمج

همستلهم

نخيتكم بعد

عمو ابو فهد كال بحيل صدر وعدل كعدته.

دخلي يحاجيج

بويه ما تخلوني الزمها مو دمي فار

شو ما تحترم

اعقل

بويه

فهدد ما اعيد

اباوعله من وراهم واسويله حميسه واعيب عليه

شوف بويه شوف دتعيب هسه هذا احترام

ابن عمها وتمون

كرم /خويه شمالك بطول الشبر ما كدرتلها

اني اعلمج

فهددد

بويه اشاقيها

ههههههه

يوم ثاني

جنه كاعدين بالحديقه نلعب دومينه اني وعمي وفهد ونور
وهيام وساره وكرم وعمتي مشجعين

اندك الباب
ايڥان وحسام

طبو وردنه نفوت جوه حسام كال بره اطيب

كعدو

فهد /شباب ما تجون نروح عالكهوه

حسام /اذا تردون تروحون روحو معليكم مني لا تتقيدون

فهد /لا احنه علمودك

تسلم

شنو جنتو تلعبون دومينه

نور اي والله واشون جو يخبل

نلعب

حسام يلا

نور... اني وكرم

وحسام وبابا

لا بويه اني تعبت انتو لعبو

نلعب بس شباب

نور... لا فهددد

شوف لعب مها

تخسر ابويه

فهد ضايج يضل ضايج الازرك

يلا لخاطري

فهد اني ما العب ما ليه واهس

حسام.. تخاف لا تنسحل

هههه هاي خوش دروب

يلا تعال بس نلعب وحدنه

لا احنه والبنات خطيه يردون يلعبون

مها.. اني ما العب حروح عندي شغل

نور... يا شغل مو خلصنه شغلنه

اخذلي غفوت نعست من رخصتكم

اباوع عيون فهد وياي وياي طلعت نمت ما كعدت للمغرب

ومرت الايام وحسين كام ميجي لبيت عمتي يذب ايڤان ويروح

وايڤان دتشكي لازمه يراسل بوحده وحتى يتواعدون

كلت الف الحمدلله ربي يحبني بعدو عني لان اذيه
مرت شهرين

وصارت خطوبة هيوم
. وترتيب وصالون

طلعت تجنن

اني لبست فستان اسود جان يخبل
ضيك لأن الحنه بس نسوان
ورفعت شعري

والفستان كتوفه تول

وجوه الركبه

طبعت طبعه برجلي. ومكياج اسود خفيف وحمره وري فاتح

وسوينالها حنه تجنن

اني مو شوفة نفس بس والله كل مناسبه اطلع شي خرافي وهواي نسوان تسالني منزوجه لو لا

خلصت الحنه هلكنه

وكلمن راح لبيته

فهد مقبل نروح صالون اني نور

اجو حسام وايڤان يودعونه لان ديرحون لاربيل

ايڤان حللت حامل وخافت وعمتها مقبلت تحضر العرس خلتها ترجع

خليت شال على كتوفي وعمتي كالتلي غطي شعرج ويه كتوفج

غطيتهم وطبينه للاستقبال اجت ايڤان حضنتني

حشتاقلج
اني اكثر عمري

سلمنه وحسام عينه صلفه ما نزلها

اجه تقرب سلم عليه سلام ايد 🤝🏻
وراحو
طلعو ويه فهد وصلهم للمطار ورجع

احنه طلعنه لغرفتنه

اندك باب الغرفه

منووو
اني
ها فهد
نور الشاحنه.

مو يمي دوريلها

وراها بشويه

دك الباب
نورررر

ها عيوني

وين تراكي الزيتوني

راحت انطته اياه

روح ورجع دك الباب
نور

ها عيني
وين الكيبل الطويل دشحن تلفوني
هاي الشاحنه ما تصل

بالكنتور

ترديني ادرو اني يعني

نور..... مها ترا واضحة فضنه وروحي شوفي عليش ديحوص

لا

هيام... عفيه عروسه مو تكولون ما نرفضلج طلب

اوك بس خل اسمح مكياجي وابدل

فهد... وتالييييي

نور... اي هاي مها هسه تجي تشوفها

خوش

طلعت مخليه الشال لان فستاني فضاحه

تصويتكم تعبتت 😫🥺💔