رواية موطني عيناك الفصل السادس والعشرون بقلم بمبش

الكاتبه بمبش

(bmbsh_beme)
:بعـمرهـا الغلطـه ما فرقـت بين ثـنيـن، بـس الـي ما بدو يــاك يكبـرهــــا🖤✨

مها... اني هم مشتاكتلك

فهد.. تعالي نلعب لعبه نشوف منو مشتاك لمنو اكثر

مها.. اي اشون التفتت عليه صرت كباله

فهد.. شكد ابوسج يعني مشتاكلج واشكد تبوسيني مشتاكتلي

مها... ههههه لازم ابقى ابوس بيك الى باجر

فهد... خل نبدي باسني وكال واحد رجع باسني وكال اثنين ويحسب لل10 وبطل يحسب

جاي يبوسني وجان يندفع باب الغرفه هجرس اجه يركض على فهد

هجرس... بابااااااا

فهد.. ابن الفاهيه الا هسه تجي مو توني جبتك طلعتك وفررتك لو حضييي مها ثانييي

هجرس ضحك وميعرف شنو السالفه عافنه ورجع يركض

فهد.... راح سد الباب ورجع كال خل نكمل حساب

💋واحد
💋اثنين
💋ث
بعد ما كمل اندك الباب

فهد.. خربببب خيررر يا طيررر

نور... اني

واني فاطسه ضحك عليه من كل عقله ضاج

فتحلها الباب شايله هجرس كالت... راد يوكع من الدرج شجاكم هيج مهملين

وتسالمو

نور... فهد جا حماده يريدك

فهد... ههسه جاي

نور... ترا هسه حيروح

فهد... جاي والله جاي لا يحوص رجلج

راحت نور واني فاطسه ضحك

فهد.. اييي اضحكي اضحكي

فهد... جيبي خل اعيد الحساب

مها ... ما يحتاج انت اكثر روح يلا دفعته بيدي روح روح عيب الولد ينتضرك

نزل لبست الشال ونزلت
سلمت على حماده وسنان جان موجود ما سلمت خفت من فهد خل يكولون ليش ما سلمت احسن ما انكتل

تتذكرون مرن من كتلكم شحده يضرب كتلني 🙂🙂اورداااا سلام عليكم هههههه

كعدنه اشرلي فهد بمعني كومي

كمت رحت للمطبخ اسوي جاي ما حسيت غير نفس وراي

مها... ترا عيب هسه يشوفوك شيكولون ولزك نفسه بضهري ومد ايده لزم ايدي

حسيت مو ايد فهد ولا عطر فهد توني انداريت شفت فهد واكف اباب المطبخ وسنان يمي

اباوع فهد دمارات ايديه وركبته بينن وعيونه نار وشرار 🔥
توقعته راح يضرب سنان بس للأسف اجه علينه واني اكله بس خل افهمك و

ما كملت لزمني من شالي طاح الشال وطلع شعري لف ايده على شعري وجرني طلعني فوك واني ارافس جوه ايده واصيح عفيه لاا فهد عفيه لااا

وعمتي ونور وحماده وكلها لحكته وماكو فقد

وحش مو فهد

قفل باب الغرفه
وجا ديضربني
واني توني دطلع دخلص نفسي منه كالي
تعالييي وين موليه بس الله يخلصج بنت الك..... انعل.... وهيج منج ومن. اهلج يغلط ويربط بأديه

انتهيت كلت متت جاب الحزام ووكعلي ضرب اصيح واتوسل وماكوو

موتني الا تعب وهوا يضرب لزم شعري وعيونه تخوف من الاعصاب

فهد الله يخليك لا فهد ايدي حتنكسر جوه رجلك وابجي وخر عني وكال

تخونينيي انييي تخونيني هااااا احس كلماته كطعت كلبي

حسيته طلع وره شويه باب الغرفة انفتح على كيفه
باوعت نور

نور من شافتني شهكت وكامت تبجي من كد ما انكسر كلبها عليه كامت تدعي عليه

راحت وجابت كلينس خشمي نزف دم وقفت النزيف رادت تسبحني ما قبلت جسمي يأذيني يحركني

نور... كومي الله لا يوفقه كدرته بس على هاليتيمه بدلتلي ولبستني عبايه وكالت امشي ما تبقين لحضه هنا اخذتني اني وهجرس ورحنه على بيتها احنه وحماده

وصلنه بس جنت ممرتاحه وايديه ياكلون بكلبي

نور... حماده

حماده.. ها

نور.. فهد وين طلع

حماده... سألني على سنان وطلع

نور... وشكتله

حماده... كتله مدري وين راح

نور... شبيهم سنان شعليه

حماده... سدي الموضوع كافي

نور.... هففف

وصلنه نزلنه وجنت ابد ممرتاحه صح نور وزوجها عازلين وحدها بس مستحيه احس مثقله عليهم

نور... تعالي مها
رحت وياها

نور... هاي الغرفه اللج والهجرس واعتبري نفسج ابيتج

مها.... لا حلكالي بيت وحدي واروح اني وهجرس

نور... عيب عليج هيج تحجين واذا علمود حماده
ترا هوا عشر ايام هنا وعشر ايام بشغله يجي ابن جنات الصغير يبقى يمي هسه انتي وهجرس حرتاح بجيتج وهسه ارتاحي ونومي ابنج شوفي خطيه هلك من الخوف والبجي وديغفي نومي وتعاليلي عالمطبخ حماده راح للسوك ما يجي هسه

مها.. هسه انومه واجيج

نور... انتضرج

مها... تمام

كاعده انوم هجرس وافكر ليش هيج سوه وضربني مو كال بعد ما اضربج لعد وين حبه وشنو هاي عدم ثقته ووعدني بعد ميضربني ورجع ضرب

صحاني من تفكيري هجرس لاجت روحي كمت الوب مسك ايدي خايف عليه ويعرف متأذيه

مها... صرخت عليه ولك اخخخ ايدي دنام عاد

برطم وعيونه غوركت

مها... بسته وكتلهه نام حبيبي لا تتعبني

ضليت يمه الا انام

طلعت نور بالمطبخ

مها... تحتاجين شي اعاونج..

عافت الطبخ غطت الجدر ومسحت ايديها واجت يمي كالت

نور.. ما عندي شي خلصت عوفينه هسه احجيلي ليش هيج سوه اول مره بعمري اشوفه بهيج وضع مخيف

مها... دنكت وكتلها عباله اني وسنان على علاقه

نور... شنووووووو

مها... مثل ما سمعتي مره تتذكرين لمن طبيت جنت لابسه ملابس فهد

نور... ايمت

مها... قديمه كلش وجنت مو على بعضي

نور... اي اتذكرت شكو

حجيتلها بيوم اللي تعرضت للتحرش من سنان.

نور.... الله ياخذه الحقير واني اكول عينه ابد ما ينزلها عنج

مها.. اي

نور... اي كملي

مها... جنه شلون متفاهمين وسوالف وغزل وانتي اجيتي صيحتيلنه

نور.. اي

مها.. لمن كمت عالمطبج

نور... اي كملي

مها... رحت جاي اشتغل حتى نسيت شجنت اسوي
حسيت بشخص لزك بضهري دنكت راسي عبالي فهد وحجيت وياه كتله لا احد يجي ويشوفنه عيب

بس من قرب راسه يم ركبتي عرفت مو عطر فهد ولزم ايدي كبل شهكت التفتت شفت سنان يمي وفهد يم باب المطبخ وشفتي الصار

نور... من غيرته ولعلمج الرجال اليشوف مرته تخونه يسوي اكثر من هيج ولو انتي مخاينته وهوا ما تفهمج

مها... من غيرته ويكلي طلعتي تخونيني وياه

لعد هيج يضربني نور ثقته بيه وينها وحبه اليه

نور... الله كريم تتراضون ولا كأنو شي صار

مها.. بأحلامو ارجع عليه ابد اتطلك منو ما ليه عيشه ويه شخص ميثق بيه

نور... مها ارجع واكلج البيت بيتج تتطلكين وياج بكلشي ترجعين ما اقبل لان السواه مو قليل

جاي تحجي واندك الباب طلعت نور تفتحه جايه عمتي

طبت كبل للاستقبال وكالت لنور صيحيلي مها

نور... اجيت اخذت لأمي ميه وكلت لمها امي تصيحلج

مها... جايه

رحت عمتي موجوده كاعده وجانت دتبجي

رحتلها كبل كتلها شبيج يمه ليش البجي

عمتي.. فهد يريد هجرس ويكول اريد اطلكها هاي تاليتكم تتعاوفون والطفل شنو ذنبه

كالت هيج لو تخبلت صح اني جنت رايده اتطلك منه بس مو هيج يسوي

مها... يمه ليش البجي اني هم رايده هالشي

عمتي... لا تكولين هيج بعدين من تتطالكون تعرفون قيمة بعض

مها... يمه هذا القرار مدام اثنينه راضين عليه احسن بهواي واني اساسا جنت خايفه يرفض يطلك

عمتي... ترا ما اللج غير زوجج وهوا ميبس راسه ميقبل حتى يحجي السبب والمره ما الها غير رجلها

نور... يمه لخاطر الله ومحمد عوفو هاي العادات المره ما الها غير رجلها وما الها غير صخامها

الها ربها ارحم الكل ما تضل بقيد احد

عمتي.... انتي كومي منا احنه جايين بصلح وانتي توزين بيها

نور.. لا اوز ولا شي لعد تقبليها هيج يسوي رفعت ايدي وكالت

شوفي تشوفينننن وارمات. اصابعها رفعت اردان الدشداشه وكالت لو ايديها واثار الحزام هاااا وفوك كل هذا يشك بيها وبشرفها

والله اذا شفت وجهه. لعلمه اشون يضربها
وين يروح من الله ما كال هاي يتيمه

عمتي... ليش ضربج

نور... يعني ليش يضربها يشك بيها

عمتي... الرجال دائما مثل الطفل بكلشي يكون متسرع ولازم الشي اللي اباله ما يكون على خطأ

نور... شجابه مثل الطفل رجال مشورب شكبره بعرض الباب يمه ليش تخلونه نحجي مو ساكتين

مها... عما كليله يأمر أمر اني هم ما يشرفني اعيش ويه رجال يشك بيه ولو كل انسان يشوف الناس بعين طبعه

جاي نحجي وعمتي كالت

جيبي هجرس خل اخذه واروح فهد بالباب ينتضرني

مها.. هجرس يبقى يمي ابني ما انطي

طلعت عمتي سلمنه عليها وطلعت شو بعد ما طبينه المطبخ انهجم الباب

فتحنه طب فهد
فهد... وين هجرس يحجي وصاك على سنونه تريدينه هاااا وينههههه هجرسسسس نورررر

نور.. صوتك فضحتنه من الجيران طب جوه

طب للاستقبال وكال جيبوه يلا انتضر هنا

اني طبيت بالغرفه البيها هجرس وقفلت الباب

فهد... واكف انتضرها تجيب هجرس وماكو راحت ما رجعت

فهد. نور اكو احد غيرجن بالبيت

نور... لا

طبيت صيحتت وينججج

باوعت اكو غرفه بابها مسدود وكفت وره الباب
حجيت بس صوتي رايح حيلي مهدود رجال شاف مرته واكف وراها واحد ويهمسلها وهيه تكله روح لا احد يشوفنه شيسوي يعني

فهد... مها فتحي الباب ما اكدر اكسره منا العالم ومو بيت الخلفوني

مها... امشي روح هجرس ما انطي

فهد... الله كريم حضري نفسج باجر ننزل للمحكمه

مها... اي والله الطلاك اشرفلي واحسلي من العيشه ويه رجال يشك بشرفي

فهد.. بصوت مبحوح برريلي مها كولي الشفته غلط كولي ما عندي شي وياه برري لتحركين كلبي

مها... انت ما خليتني ابرر لزمتني دك ضرب وما خليت ما غلطت وحركك لأيديه اموت وما انساه بابا وبابا اني ابويه ما يسويلي هيج

فهد.. برري هسه

مها... ما ابرر اساسا اني ردت الطلاك منك طلكني احسن

فهد... التردينه يجرالج يبنت الحلال

كلت بكلبي توني صرت بنت حلال من كتلني ما خله ما غلط

فهد... حركت كلبي من ما قبلت تبرر وكشخص دارس علم نفس اشوف حجيها حجي شخص ما غلطان ولو احجي وياها وجه لوجه راح اعرف اذا جذب لو صدك

عفتها ورحت بالطريق خابرني صباح كال مثل ما كتلي خابرت سنان عزمته على نركيله واجه وصلت امي وهاي الطريق كله هيه دك نصايح ودك رزايل وصلتها وطلعت لبيت صباح

خابرت صباح كتله افتحلي الباب وروح يمه لتخلي يحس

متحلف موته على ايدي

وصلت نزلت ونار بكلبي اريد الزمه لكيت الباب مفتوح طبيت للاستقبال كاعد يدخن الأفندي ولا كأن مسوي شي بس شافني اصفر وكام يمتمت

أشرت لصباح يعني عوفني وياه

اجيت توه دينهزم لزمته من ياخته

فهد... يعني وين تريد تولي الكفك الكفك لو تطلع عالمريخ

سنان... فهد اصبر خل نتفاهم

فهد.... ضربته بوكس لزكته بالكاع

انت خليت بيها تفاهم

سنان... بس اسمعنيي فهد
نزلت نمت فوكاه ودك بوكسات وهوا يريد يخلص نفسه ماكو ما انطيته مجال

فهد... صيحت موتكككك على ايدييي يا عا....

سنان... والله غلطت بعد ما تنعاد بس عوفني

فهد..حجتلي كلشي مها واذا جذبت بحرف هسه اجيب سلاح وافرغه براسك

سنان... ما ماك ماكوو ش ش شي والله ماكو شي

فهد... والشفته

سنان... متدري بيه والله

فهد... ايا نذل شحذرتككككك قبلهااا هااااااااا

سنان... فهد اهدأ فهد

فهد.. خنكته كام يشاخط وطب صباح وخرني عنه الا وجها ازرك من الخنكه وخشمه يطك دم. عينه تخوف

عفته وطلعت رجعت على بيت حماده لكيت حماده هناك طلع فتحلي الباب كتله ماني فايت بس خل مها تجيب هجرس وتجي هيه كل مره تزعل وترجع ترضه ما تعوفني اعرفها

اجه حماده كال
حماده... نور يمها بالغرفه
وبس حاجيتها حتى نور رزلتني وكالن لا يجي ولا يشوفنه وجهو

فهد... مها هيج كالت

حماده... هيه ونور نفس الكلام لا يجي ولا يشوفنه وجهو

فهد... شجايك ترزلك رجال شطولك شعرضك

حماده.. اروح اكتلها

فهد.. حتى اكسر ايدك

حماده.. فتح باب السياره صعد وكال شوف ما قبلن اختك تنضرب وضربت بنت العالم وهاي يتيمه لا ام ولا اب واختها ماكو فهد شويه خلي عندك كلب هاي انت الخريج علم نفس ووخرو عنه تالي هيج تسوي
زين ضربتها حرك اعصاب وحركتها حرك اعصاب
وغلطك عليها من جريتها من شعرها وطلعتها فوك

ترا الله فوك جبير ويشوفك شجاي تسوي راح يحرمك منها فهد وعود ابقى بهذا طبعك واحسب حسابك مها ابيت اخوها اني اخوها اعتبرني وما تطلع خطوه من هذا البيت الا وهيا راضيه ترجعلك

فهد... الله كريم

نزل من السياره وكال انزل تعشه

نزلت لأن مها موجوده

صار العشه ومها ماكو ولا سمعتلها صوت ونور بس سلمت عليه حتى ما تحجي وياي بس ضربتني جم بسمار

فرغو العشو ونقلو الأكل

نور.. انطيت لحماده خبز كتله خلي يم فهد وكعدت يمهم اكل بس بدون نفس بالي يم هاي المسكينه

حماده... يلا سمو سمي بسم الله ومد ايدك

فهد... شنو مها ما تاكل

نور... من جت من تقبل تخلي شي بحلكها

فهد... ليش

نور... والله شوف يا بلا ضمير مورم ايدها تون من وجعها وبس تبجي ما بقالها نفس تاكل

فهد... يعني ما تجي تاكل..

نور... ما تريد تشوف وجهك لوما جاي جان تعشت من درت بيك جيت ما قبلت حتى تاكل..

غثني كلام نور طردتني طرده محترمه ولابسه قاط

فهد.. اكلت لكمتين ثلاثه وكتلهم الف عافيه رادو مني ما قبلت

طلعت للبيت وبوجهي للغرفه اول ما طبيت كلت مها حضريلي ملابسي دسبح واتذكرت مها ماكو

اندك باب الغرفه

فهد.. منو

ساره.. اني

فهد.. فوتي خويه

ساره.. لا ما افوت بس دحجي وياك بموضوع

طلعت وكفت يم الباب كتلها احجي شنو هوا الموضوع

ساره... علمود مها

فهد.. شبيها مها

ساره.... ليش ضربتها

فهد... شتريدين علمود هاي جيتي

ساره... لا جيت بس دكلك ترا بفاتحة ابوك الله يرحمه طبيت للمطبخ لكيت مها شايله السجينه وتكول لسنان بس اتقرب اطببها ابطنك يعني خاف عبالك بينهم شي انت غلطان

حجتهن وعافتني ومشت
راسي مفتر والف حسبه ابالي

اباوع للغرفه هوسه وما مرتبه طلعتلي ملابس طبيت دسبح لكيت التتن والحزام بكاع الحمام انوب تذكرت، الصار معرف شصار بيه حسيت ضغطي ارتفع اخذت حبايه مال ضغط طفيت الضوه وتمددت حتى ما سبحت
اني ليش ضربتها.
ليش حركت ايدها هيه شنو ذنبها
. زين ليش ما تفهمتها
فهد انت مو عاهدت بعد ما تضربها ليش ضربتها
وبقيت الليل كله افكر لحد ما نمت

الصبح الوجوه بالبيت ثكيله مني رحت لبيت حماده ارجعها

وصلتهم دكيت الباب طلعلي حماده

حماده... هلا فهد فوت

فتت بالاستقبال وكتله صيحلي مها بلا زحمه عليك

حماده. ماكو اي زحمه

رجع حماده يكول ما تقبل تجي

عادي تسوولي طريق اروح عليها

حماده فوت فوت ما عدنه احد

فتت للهول اللي صاير يمه باب الغرفه

فتحت الباب لكيتها دتمشط هجرس وايدها زركه

بس شافتني حضنت هجرس وكامت تبجي

مها... ابني ابني متاخذه

وصلت يمها كعدت يمها وبست راسها حسيت انفاسها هدأت

فهد... اجيت اخذ هجرس وأمه
رفعت عينها وكالت
مها.... حتى بالمحكمه مينطوك اياه

فهد... اخذج للبيت ماكو اي محكمه خل نرجع للبيت وننسه الصار

مها... روح ما اريدك

فهد.... ما اروح الا ترجعين

مها... كتلك روح ما اريدككك

فهد... اسف شتردين بعد

مها... اكسر صحن شوف يرجع ما يرجع اعتذارك هم هيج مراح يصلح شي

فهد.. ارجعي للبيت ترا ما اكدر بدونكم

مها... انت مو كلت طلاك اني اريد تطلكني

فهد.. طلاك ما اطلك

مها... رجعه ما ارجع

نور أشرتلي بمعنى اطلع وعوفها

طلعت نور كالتلي عوفها خل ترتاح هالفتره
حماد راح يلتحق باجر وعوفها يمي هاي العشر ايام بين ما تهدا

فهد.. عشر ايام

نور.. اي عشره خل ترضه ترجعلك بالأول

طلعت للبيت والعشر ايام امي كل يومين تروحلها وما ترضه ترجع

رجع حماده من الألتحاق واني كل يومين ادز وما ترجع مر شهر شوفتني نجوم الضهر اني كاتلتني وحشتها بالغرفه وهيه تكلي اذا مو بحضنك ما اكدر انام اشون كدرت بدون

نويت اروح اني وأمي وساره وكرم

اخذتهم والطريق كله اني اوصي بيهم

فهد... مو تصيرون ضدي من نصل ترا تعبت هاي صار شهر

كرم... خويه دمشي لا اختليت عقليا

فهد... شو تغلط

كرم... فهد اذا مرتك ما رجعت اكتل روحي

ساره.. واني هم

فهد... ليش

ساره... خويه ما ملاحظ نفسك بالبيت النهار كله تصيح تعبتنه جان قبل ما يطلعلك صوت

عمتي... يمه شبيكم على وليدي

فهد.. اهوو شننو اني صغير وهيج تحجون

كرم.... هدي علما ترجع مها دنرتاح من صياحك

وصلنه طبينه للاستقبال جان هجرس يلعب يباوعلي مستغرب

فهد.. بابا تعال

راح على امي خايف مني

اجيت احجي وياها ماكو قافله الباب عليها وما. ترد حتى

فهد... فتحي الباب خل نتفاهم

لا رد

فهد... مها وتالي مو مرمرتي كلبي

لا رد
تعصبت رحت على امي كتلها هيه تسمع كلامج حاجوها
. راحت امي تقريبا نص ساعه يلا جت كالت يلا مشينه

فهد... ومها

امي... مها جاي تتحضر

فهد.. يعني ترجع

امي... اي

هلهلت هههه كلهم كامو يضحكون عليه

مها.... ما رضيت ارجع كل هالفتره اجه حاجاني جنت وره الباب احس مشتاقتله بس ما رديت خايفه ارجعله ويرجع يعيد غلطه ويضربني

سمعت خطواته راح رجع اندك الباب ما رديت

عمتي... فتحي عالاقل لخاطري

فتحته سلمت عليها كتلها عبالي فهد

عمتي... تعالي كعدي خل نحجي
كعدت يمها واشوف هجرس مجلب بيها ما يقبل يعوفها

عمتي... وليدي انتي بنتنه واني ادره بمصلحتج
فهد والله متندم هاي صارله شهر قالب البيت قلب ساعه وكت صياح عالاكل لازم محد يحجي كبل يتحجج ويسوي كونه

مها... اني اريد اتطلك عمه فهد مو خريج علم نفس فهد واحد مخبل

عمتي.. وياج تطلكين زين ترجعين علينه وين تروحين من حجي العالم مطلكه وكاعده بنفس البيت وياه لو تبقين هنا يم حماده ونور ميصير ما راهمه

مها.. اكعد ابيت وحدي

عمتي... عبالج راح يحل عنج فهد هيج قافل ما يطلكج واذا طلكج ما يحل عنج ومره تكعد وحدها وين تروحين من ولد الحرام اللي تتكمز على بيوت العالم وانتي وحدج

مها.. كمت ابجي وكتلها يمه انطيني حل شسوي

عمتي... تعالي للبيت واكعدي بغرفة نور ومعليج بي واذا حجته ابنه هاي ابنه ويصير يمه

مها.. تنطيني كلام

عمتي... كلام وهسه كومي تحضري

كمت اتحضر وهجرس طلع ويه عمتي..

سمعته هلهل خلي عباله درجعله بسيطه
ايدي الحمدلله طابت بس اثار الحرك بيهن

طلعت اول ما رفعت راسي باوعلي ما رجعت رفعت عيني وصلنه البيت واشوف عينه ملاحكتني اشون طبيت لغرفة نور لان نور من اتزوجت بقت غرفتها ما شلنه منها شي كال

شو هنا

مها... حجيت بدون ما التفتله
شنو. ما كالتلك امي
. فهد.. شتكلي..

مها.. ما ادري روح اسألها عفته وطبيت للغرفه
اجه جرني من ايدي وكال شنو شو تحجين بنترر.

مها.. شو اني رجعت للبيت اني كمت تحجي بسيطره

فهد... لا حبيبي بس ضجت

مها... ضوجاتهم فهد اني رجعت بس علمود ما يصلني حجي من العالم بسببك واني ابقى. بهاي الغرفه وانت بغرفتك واذا على هجرس
هجرس النهار كله حيبقى كبال عينك بس بليل ينام يمي

فهد... خوش اني هم اجي يمج بهاي الغرفه

مها... لازم جاي نلعب ليش تخليني اشيل غراضي واطلع بديره ما اخليكم تندلوني وين

فهد.. اعصابج مدام اني طالع راح اسمعه يحجي ويه هجرس وهجرس خايف منه لأن خاف منه من يوم المشكله

مر اسبوع وفهد ما اجه يمي حيل مرتاحه

حفيت وجهي وترتبت شويه صايره وجه المخبله.

وجا فهد من الشغل شافني مدار بال

ما طلع تعلل التعليله كلها يدحك عليه واني ولا درتله بال جذب بس كل شويه ابوك عيني عليه

بليل دنام وانفتح باب الغرفه وطب شخص صار كبالي بس ضلمه ما اشوف خفت على بالي سنان صارت عندي خوفه منه

كمت بسرعه للضوه شغلته فهد كبالي

مها... خير

فهد.. اشتاقيتلج

مها... هناك غرفتك

فهد.. ادري هناك غرفتي اريد انام يمج وبعدين كولي اشتاقتلك العافيه شي كبل تطرديني

مها... لا اشتاقلك ولا شي

فهد... ما تحبيني

مها... اكرهك يا احبك اطلع ما اريد صوتنه يعله هجرس نايم

اجه تقرب مني واني ارجع ليوره الا لزكت بالحايط صار كلش قريب مني وانفاسه بوجهي

قرب شم ركبتي
فهد.. اشتاقيت لعطرج كافي تعبتت.

درت وجهي عنه وكلبي احس حيطلع من مكانه دكاته صارت ألف

فهد... خلي عينج بعيني

لا رد

فهد.. متأكده متحبيني

مها... متأكده
نزل راسه خله. شفايفه بركبتي ورجع باوعلي عيونه ذبلانه دنك باسني واني خامده ما تحركت
وخر عني تنفس ورجع باسني لا اراديا تجاوبت وياه

خله ايديه على خصري ودفن راسه بركبتي
وحجه وصوته ذبلان والبحه البي تجنن

فهد... مها بعدج تحبيني اعرف اليحب ما يكره كافي زعل والله تعبت كافييي

وخرت ايديه من خصري خله ايديه على وجهي غمضت

فهد.. فتحي عيونج

لا رد

مسك ركبتي بأيديه وباسني بقه هواي لحك ما اختنك وخر جر نفس باس خشمي

هاي لأن كتلج انتي حيلي تستضعفيني

مها... وخر عني فهد

فهد... اني اوخر لو انتي شو مثل الككو سحتي (ماعت) بيدي وما احبك تكولين ما تريدين اتقرب ليش كاشخه وحافه لو خباثه

مها... حجيت واحس صوتي راح من لمساته فهدد روحح

فهد... ما اروح والله تعالي يجر بيه على تخت نور وما اكدر اعلي صوتي لا يكعد هجرس تمدد وجرني تخت نور ابو النفر ما يكفي

مها... وخر عني راح تخنكني

فهد... دشوف حبج اشون تكرهيني
. مها... ما اكرهك بس وخرر

فهد... يعني تحبيني

مها.. لا

فهد.. تحبني

مها... لا

فهد... تحبيني

مها... لا

فهد... ما تحبيني

مها... لا

فهد... هاي انتي اعترفتي تحبيني

بعد ما حجيت كام يبوس بيه ماكو لا اراديا ما كدرت امنعه

وبعد عيب انتو وين مو كلنه متزوجين شعلينه بيهم

نمت بحضنه وانفاسه صوتهن عالي شويه وهدا كال

فهد... اني من يوم الضربتج عرفت كلشي كلام رجال وما انعد بين الزلم اذا بعد ضربتج
نمت بحضنه والصبح جان جو البيت غير

وبعد مرور شهرين اني حملت وبعد خمس شهور اخذت سونار جانت بنيه

ونور حامل شهرين

ساره حامل بشهر ال5

وبعد ما ولدت اجتنه بنيه سميناها هيام
حتى هيام وهجرس

ايڤان جابت ولد ومخابرات اني وياها بالشهر مره تحجيلي تكول حوبتج الله طلعها بيه ضرتها مدمرتها ونحجي بس ابد ما انطيها وجه وسامحتها والله غفور رحيم منو اني حتى ما اسامحها

سنان ابد ما اجا فهد متحلف بي

وجان البيت تعم بي الفرحه والراحه والف الحمدلله

بعد مرور شهرين

كاعدين نتعلل ونور كاعده بطنها شكبرها
وكل شويه اخخ بطني ومشتهيه اكل هالشي وعمتي طايره بيها اجه حماده نور جانت تبدل كالت هسه يجي حماده ياخذني

واكف اباب الاستقبال كال لفهد

حماده... كوم صيحلي اختك

فهد. كول مرتي

حماده... اي هيه مرتي اختك صيحلي اختك

فهد.... صك على سنونه وكال كول مرتي لا اجيك

طبت نور...

حماده.... هلا حبيبي نور يلا مشينه

هههه نور تكول شايله تانكي ماسكه ضهرها وبطنها

حماده... ها تعبانه

نور... ايي اخخخ ضهري يمه

واحنه كلنه ضحكنه عليها تضل تتشكون

حماده كاللها عود ديسوي بقصد فهد

حماده.. حبيبي انتي اندار على فهد تدري اليوم شراح اسوي لأختك

فهد.... خرببببب وركض وراه وهذا حماده طلع ركض للسياره ونور تصيح وين رحت مو دا تمسكني اشون امشي وحدي

ساره... شكالولج الطفل معلك بخيط هههههه

وكرم الثعلب الماكر حاجاه فهد وانطه كلام لفهد يعوف نبأ لان فهد كاله بس احس عليك وياها لو بس مدحك عليها اكول لساره وهوا يحب ساره ويخاف يزعلها

طلعنه نمنه

فهد... حبيبي شنو هاي اثنينهم بيناتنه ترا ميصير

مها... خل ينامون واحولهم

فهد... ترا اكوم اكتلج

مها... دطخ وشوف شيجرالك

ضحكنه اثنينه

لهنا وتنتهي قصتنه

حسابي انستا للتواصل وأي سؤال بخصوص الرواية
wraa444

العبره من قصتنه للمتزوجات بنات بنات نصيحه لا تهملين زوجج الأهمال يدفعه للخيانه ولا تكولين اليحب ما يخون لا يخون وما يرفله جفن

العبره من قصتنه لكل بنت عزباء

لأ تتزوجين وأنتي صغيره لا تدمرين حياتج يحبج بعد الزواج بسنه حيتغير اعتمدي على نفسج وادرسي وتخرجي وحبي الشخص الصح بالوقت الصح اذا درستي وتخرجتي ما تبقين بحاجة أحد
روايتنه شوفتكم ترك الدراسه شنو يعمل

بمبش... انشاءالله اكون ما قصرت وياكم بشي القادم اجمل ارائكم حقراها تعليق تعليق واللي شاف غلط بالروايه ينصحني احبكم باي 😘😘😘