ڪلهن ياخذني عليك
الصفنة وأشواڪي وحسرتي
ڪلهن يذڪرني بيك ،
وانة حالف ما اجيك .
♢♢♢♢♢♢♢♢
بنين.. بدلت وطلعت تمددت على فراشي احس التلفون احترك كله رسايل فتحت التلفون جانو صديقاتي ناشرين ومسوين تاكات سديت الجهاز وضليت ابجي لحد منمت من التعب والبجي
شاهين..رجعت للبيت مطايق احد حتى نفسي مطايقها بدلت وطلعت مادري وين اروح جبتلي مصيبه النفسي اويلي يابه شسويت بيه رحت للجسر اشرب وجانت اغنيه طالعه على السمجل عليكم كذب الكال اني مرتاح اذكر شكلها من جانت تبجي شلون شلون اعيش وياها شلون اني وين وهيه وين ضليت اشرب لحد الفجر يله رجعت للبيت
بنين..كعدت ثاني يوم الصبح بدلت لبست العسكري مالتي باوعت على الحلقه وتنهدت باوعت على نفسي بلمرايه متغيره هوايه من الحف مال بارحه المهم اخذت السلاح بلكرب ونزلت صبحت عليهم تريكت وعباس وصلني للدائره رجعت الدوامي وياهم والي الحلو صابرين وصفا ويايه نقلو هيه صارت فتره تنقلات من يمنه مواضفان ثنين راح الدائره الجوازات ومنهم صفا وصابرين اجوي المهم دخلت للدائره ولكل تبارك من بعيد اجتي ندى وبطنها صايره بخشمها كوه تمشي وكفت كبالي
ندى..مبروك حبيبتي يوم نشالله الولد الصالح هسه صرتي على ذمه رجال عوفي رجلي
بنين..مادري محسيت بنفسي غير ضاربتها راشدي ورفعت اصبعي السبابه باعي ندى اني اول يوم اداوم هنا جفيني شرج احسلج ترا متوكف بعيني هاي بطنج ولعباس اسحلج هنا كافي تحملت منج بما فيه الكفايه عفتها ورحت للمكتب مالتي جان نفسه بصف غرفه شاهين كعدت وجانت كبالي ملفات ثنين تابعه للاحوال ضليت ادقق بيهن مرتين عدتهن كل مره اغلط لو اصفن كملتهن رحت لغرفته دكيت الباب دوخلت جانت هاي لبنيه يمه اني من شفتها ضجت هيه جانت تبجي من شافتني اجتي وكفت كبالي وتأشر عليه
هبه..بشنو احسن مني هاي حتى تاخذها
بنين..لزمتها من اصبعها وطكيته الها اني اشرف منج واسمي الملازم بنين شوفي نفسج وين وشوفيني وين امشي طلعي برا هيه محجت شي اخذت غراضها وطلعت وهوا جان صافن
شاهين..ليش سويتي هيج ست بنين
بنين..شعدها جايتك لهنا
شاهين..هههههه شنو بس لا تغارين اذكري لا اني اطيق ولا انتي زين حبابه
بنين..صحيت على نفسي شبيه اليوم اني ياهو اليطلع كبالي اضربه قدمته الملفات سيدي خلصتهم
شاهين..ماشي طلعي
بنين..درت ضهري واني ادردم عليه بهمس ابد ماكو احترام اسلوبه استفزازي مليق مغرور شكول شكول وصلت للباب وصاحني
شاهين..تعاي تعاي شجنتي تلغين
بنين..عن اذنك سيدي عفته وطلعت دخلت لغرفتي جان مرتضى كاعد على الكرسي من شفته فزيت اجه وكف كبالي وجر ايدي باوع للحلقه وباوع بعيني عيونه جانت مدمعه وكلها اعصاب
مرتضى..ليش؟
بنين..شنو ليش
مرتضى..هيج عندج بكل سهوله تنخطبين وتصيرين الغيري
بنين..مثل ما سهل عندك اسست حياة جديده ويا ندى
مرتضى..بنين فسخي واني اخذج وحق كل حرف بلقران
بنين..اعتذر مااكدر باوع عليه وطلع بدون ميحجي رحت كعدت على الكرسي وضليت اشتغل لهيت نفسي بلشغل هوايه ملفات جانت اخر ملف جان تابع لضباط الحدث وقعته وختمته واخذته للشاهين وقعه وختمه وصعدت للعميد عامر دكيت الباب ودخلت سيدي هذا ملف الضباط الحدث وقعتنه وقعه العقيد شاهين هم خلصته
العميد عامر..ههههه رجعت بنين ورجعت الدائره منوره مبروك عليج مره الثانيه بنيتي
بنين..ابتسمت تسلم سيدي الله يبارك بيك نطيته الملف وطلعت خلص الدوام طلعت داصعد ويا رانيه طيبه جرتني من ايدي وصعدتني بسياره شاهين ومدت راسها من الجامه
طيبه..سيدي شنهاي مرتك جايه ويانه ميصير روحو طلعو انتو كمخطوبين وكذا
بنين..طيبههه
طيبه..مححح بيبااييي هههه
بنين..الطريق كله ساكتين عبالي راح يرجعني للبيت شو هذا اخذني للمطعم الي يم النهر باوعت عليه نزل واجه لزمني من ايدي قوي ايدي توجعني شبيك
شاهين..تعلمي من هسه عليه وعلى اذيتي وراج عرس
بنين..باوعت عليه شكد مكروهه دخلنه كعدت وكعد كدامي هم وصه اكل كومه وبصراحه اني جوعانه هم جنت
شاهين..انتي جبروج عليه
بنين..باوعت عليه لا محد جبرني
شاهين..لعد ليش قبلتي
بنين..سيدي اكو سيد هسه بـ5دقايق يطلكنه اذا متريد اني كلت شو هذا دمرات ركبته كلها بينت وريد كصته نط
شاهين..انتي ليش السانج متبري منج
بنين..لا بلعكس اني صريحه
شاهين..لعد بطليها للصراحه زين حبابه
بنين..حجيت بكلبي مليق مو بيدك اجه الاكل اكلت اني حتى مهتميت اله باوعت يباوع عليه وياكل من بعيد شفت ندى ومرتضى دخلو النفس المطعم صارت عيني بعين مرتضى خزرني درت وجهي اجوي وسلمو وكعدو بطاوله كدامنه ضلت عينه علينه واني اتحاشه النضر عنه حتى الاكل عفته وضليت صافنه على النهر
شاهين..يله كومي
بنين..كمت من دامشي تعثرت لزمني من ايدي
شاهين..الله الله شبيج
بنين..مابيه دخت لزمني من ايدي حاسب وطلعنه وصلني البيتنه كتله شكرا ونزلت دخلت لبيتنه بوست امي وحجيتلها جنت ويا
ام عباس..يمه هوا هسه رجلج ابويه
بنين..صعدت سبحت ونزلت جانو اخواني هستوهم جايين سلمت عليهم وهنا بوسوني
عباس..مبروك بنيت اخوها حبيبتي البارحه مشفتج ابويه
محمد..مبروك حبيبتي بنون
حسين..الف مبروك سيدي
بنين..الله يبارك بيكم يوم الالكم نشالله صبيت ويا امي الغده وكعدو يتغدون اني شبعانه خلصو غسلت اماعين وسويت جاي صبيت وقدمت الهم وغسلت الاماعين وصعدت لغرفتي تمددت على الچربايه تعبانه دك تلفوني باوعت مرتضى نطيته رفض دز رساله
مرتضى..{ولعباس اذا مجاوبتي هسه اجي البيتكم واصيحج كدام الكل}
بنين..دك جاوبت خير خير
مرتضى..بنين تعبان بدونج حسي بيه
بنين..ليش انت حسيت بيه؟
مرتضى..غبي جنت غبي وكمت احس بقيمتج هسه رجعيلي فسخي واني اخذج وحق الله اسويلج عرس كلها تحجي بي
بنين..رحم الله والديك سيدي اخذت قرار وماتراجع عنه بدون ميحجي سديته بوجهه الفيديو مالته من يغني الندى ويصيحله ام بنيتي يريدني انذل من جديد مر شهر بجي ونوح وعلاقتنه اني وشاهين توم جيري بس نتناكر لحد هسه احسه شخص غريب عليه ماحبه بسبب اسلوبه ويايه ومنا حب مرتضى الي نهاني نهي هبه من طردتها مجتي بعد ضليت ملتزمه بلعسكري بس اليوم خميس خالفت عناد بي لبست بنطرون صحراوي وقميص اسود وبي حزام صحراوي البست برجلي الكرب وخلي بي السلاج والهويه مالتي سويت شعري ذيل حصان نزلت صبحت عليهم تريكت وصلني عباس للدائره دخلت ورحت لمكتبه دكيت الباب سمحلي ادخل جان يكتب رفع راسه عليه وخزرني
شاهين..مر شهر خاطب هل مصيبه هاي لصبح كله اشوفها وبليل اروح لهبه اتخايلها بكل تفاصيلها بنين اكتلها واطلع مادري ليش اسوي هيج شهر اني وياها مناكر لا اني الي داحبها ولا داخليها تحبني جنت بلمكتب دكت الباب ودخلت رفعت راسي عليها جانت مخالفه باوعت عليها من فوك اليجوه وكمت بدون ماحجي وياها شي
بنين..يمه شو هذا كام يتقرب عليه واني ارجع ورا واحجي جان عنده بلغرفه قنفه وكعت عليها صار فوكايه ماحس اله خله شفايفه على شفايفي صرت جماد ماعرف اول مره واحد يبوسني من شفتي احسه صار ياكلها الشفتي مو يبوسني واني مابديت اي رد فعل اختنكت ضليت ادفع بي مص شفتي الفوك ورجع اخذ الجوه وعضني من الساني وخر مني عيوني دمعت دنك همس بأذني
شاهين..كل متخالفين العقاب يصير اشد واقسه زين ياحلوه
بنين..اريد يوخر مني ماكو اخر شي ندك الباب وخر عدل ملابسه واني كمت ركض للمكتب مالتي نزلت دموعي غير ميستحي على نفسه فاسق فاسد مليق حقير والله حقير يارب يموت رحت للحمامات غسلت باوعت شفتي وارمه ويطلع منها دم غسلت وخليت عليها كلينس طلعت صار هوا كبالي غمزلي وفات حجيت بهمس شكد خبيث ومسموم رجعت للمكتب ضليت ابجي والله احس داخون مرتضى بساعتها تندمت لين وافقت فزيت من صفنتي على صوت صرخه طلعت طلعت ست ندى دجيب باوعت لمرتضى خايف عليها ويبوس براسها ويهديها وهيه تبجي وتصرخ لتمو الموضفين عليها نزل العميد عامر وصفا وصابرين ورانيه وطيبه وطلع شاهين من غرفته ولكل تسئل شكو ومرتضى واكف بمكانه وميعرف شيسوي
العميد عامر..مرتضى انت غبي ابني اخذها للمستشفى
مرتضى..اي ايي صح يله يله للمستشفى
العميد عامر..بنين صابرين رانيه روحو وياها
بنين..بس سيدي
شاهين..روحي
بنين..طلعت اني ورانيه رحنه وياها رانيه كعدت ورا يمها من اليمين واني من اليسار هيه لزمت ايدي وعصرتها حيل وتصرخ
ندى..كلهااا من ورااااككك مرتضى الللللههه يااااخذكككككك
مرتضى..حبيبتي بس اهدي ندى ابويه انتي اهدي
بنين..باوعت عليه وباوعت على رانيه وصلنه للمستشفى شالها ودخلوها رأسا للعمليات كعد بلكاع يم صالة الولاده واني وكفت غاد ورانيه بصفي صريخ ندى جوا وهيه تغلط وتسب بمرتضى شويه وسمعنه صوت طفل صغير من سمعت الصوت عيوني دمعت طلعت الدكتوره وبيده بنت مرتضى نطتها اله باوعت عليه وكعت دموعه على خدها وفرحان طلعو ندى خلوها بغرفه خاصه ترتاح نامت اجوي اهلها واهل مرتضى والعميد عامر وطييه وشاهين وصفا وصابرين كلهم دخلو يم ندى اجتي صفا جرتني من ايدي ودخلتني جانت هيه كاعده وبيدها بنتها وهوا بصفها كاعد وصافنين عليها
العميد عامر..شسميتها نقيبي السبع
مرتضى..عشق
لكل..عشق؟
مرتضى..اي عشق اختاريتلها الاسم قبل متجي للدنيا هاي ثمره حبي وتعبي وعشقي وهوسي الندى احمدالله بنتي وزوجتي طلعولي سالمين
بنين..اسمع كلامه وكلبي يحركني عمره ماعنده كلمه وميوفي بحجايه يتغزل بندى ويجي يتوسل بيه ارجعله نطه بنته للعميد عامر كبر بأذنها وسماها عشق العميد عامر اجه وخلاها بأيدي باوعت عليها الطفله حلوه سمره على ابوها تشبه مرتضى بكلبي كلت هاي بنتك اليوم شلتها تمنيتها مني يله الحمدالله بستها من راسها حسيت احد وكف ورايه باوعت شاهين كتله باوعها شكد حلوه دنك عليها باسها من راسها
شاهين..تتربه بعز امها وابوها
بنين..خله ايده فوك ايدي اول مره هيج يسوي
طيبه..عليكم لحسين ضلو هيج اخذلكم صوره
بنين..داوخر جرني من خصري عليه صرت لازكه بصدره وطيبه مكيفه تاخذ صور كوه حلني رجعت الطفله الحضن امها وباركت الهم وطلعت سديت الباب ورايه سديت باب مرتضى للأبد بعد صار عنده عائله ونشالله ويا الايام انسه كل ايامه وحجيه وسوالفه طلعو كلهم من المستشفى ورجعنه لبيتنه وصلني شاهين دانزل جرني من ايدي شاهين شبيك ويايه جانت اول مره اصيحله شاهين ورا منخطبنه كله اصيحله سيدي
شاهين..حضري نفسج ياسباعيه العرس اسبوع الجاي
بنين..شنو
شاهين..سمعتي
بنين..نزلت تحلم شنو اسبوع الجاي
شاهين..نشوف ست بنين
بنين..دخلت ضايجه سبوع الجاي واني لحد قبل ربع ساعه ابجي على ماضي تعيس دخلت سلمت وصعدت الغرفتي سبحت وبدلت وجيت جبت ورقه وقلم كتبت اكرهك مرتضى ترستها ترس وحركتها اباوع عليها عبالك كلبي يحترك مو الورقه خلصت صارت رماد اخذت نفس انطوت صفحه مرتضى من حياتي بس بعد ما كرهني بلحب وخلاني ماطيق احد شسوي هاي هيج مكتوبلي اعيش تمددت على الچربايه فتحت التلفون دخلت على صفحة شاهين ضليت اشوف صوره هيبته وشهامته وحاجبه المطبوك ابد ميضحك كل الصور معصب بيها تحسه مغصوب يصور طلعت من الصور دخلت للستوديو باوعت صور خطوبتنه شلون جان يباوع بعيني ويباوعلي شنو لي شفته بمرتضى ومشفته بيك ضليت اشوف صوره وطلعت البوم الصور مال مهرنه وهم ضليت اتفرج لحد منمت
طيبه..دخل شاهين ودك رجل العرس اسبوع الجاي
جدو سلمان..ولك بويه سبوع الجاي شنلحك
شاهين..تلحكون بويه يمه ابدو جهزو من اليوم اسبوع الجاي الاحد على الثنين العرس
طيبه..عمو فدوه تهده شنو السالفه
شاهين..اني كلت العندي بويه مو خطبتلي وتريدني ازوج وهاي هسه قدمتلك العرس طيبه تخابرين ذيج ام خشم اليابس تكليلها العقد مال محكمه الاحد
طيبه..عافنه وصعد واحنه صافنين عليه خابرت بنين يدك بس متشيله اخر شي صار مغلق عرفتها نايمه قصتهم تضحك توم جيري بنين نايمه وشاهين يتخبل علينه من بين الهوسه ضحكت
بيبي هديه..شبيج ولج تتمضحكين
طيبه..بيبي بنين نايمه وابنج صار بي سكر وضغط من وراها ههههه
بيبي هديه..نجبييي الج فال الله والا فالج بعدين لبنيه تعبانه شلون متنام وشاهين من يوم يومه مخبل علينه
طيبه..ههههه بليل خابرت بنين وحجيتلها وهنا كبت بين بنين وبين شاهين صارت ركع جدوره
شاهين..تحترمين القرار الاكبر منج
بنين..تحترم قراري اني لي راح ازوج
شاهين..واني ابيع خضره بعرسج لج باعي الاحد يعني الاحد موضوع منتهي
بنين..هيه بكيفك تبدي نقاش وتنهي ها اني هم الي راي والي قرار اريد العرس بعد سنه
شاهين..بنين لتختبرين اعصابي اجيج البيتكم اسحلج من شعرج
بنين..تصدك مو صوجك صوجي اني الداحجي وياك روح شسوي سوي ماعقد محكمه الاحد سديت التلفون وخليته ضوجني وقهرني ابد ماعنده سلوب بلحجي واذا كال كلمه تتنغذ غصبا عن الكل بغرفتي واسمع صوت جوا نزلت من الدراج شفته شاهين واهله جان يغسل الحمام صاير بصف المطبخ واكو فاصل بين المطبخ والصاله من شافني نازله من الدرج اجه لزمني من ايدي وطبكني على الحايط لزمني من ركبتي خنكني وباسني من شفتي ضليت ادفع بي ختنكت حيل حموت وخر مني وكعت بلكاع اكح ولازمه ركبتي
شاهين..مرة الثانيه اسوي بيج الاكثر فتهمتي تحترمين ومتسدين الجهاز بوجهي وانعل لشته المرتضى الدربج هيج تدريب فاشل
بنين..راح بيومها من الخنكه مكدرت حتى احجي امي سوتلي جاي وحليب مفاد حبابي مفاد مي وزيت مفاد اخر شي عفتها باوعت على شاهين شفته يسولف ويا عباس شكد سماني ضلو يحجون
جدو سلمان..بويه جيناكم اليوم نحدد موعد العرس شاهين يريده سبوع الجاي بنين شوكت تريده
بنين..باوعت عليه ورفعت حاجبي جدو اريده بعد 6اشهر
بيبي هديه..لا يمه بعيد حبيبه قريب شويه
جدو سلمان..بنين بنيتي قربي
بنين..تدلل جد اربع شهور زين
شاهين..يابه سبوع الجاي هاهيه اني وياها اتفقنه اليوم قبل شويه
بنين..كال قبل شويه وخزرني والله يالله عباله اخاف منه لا جدو متفقنه تعاركنه
ابو عباس..توم جيري اهدو شويه وفهمونه
بنين..بابا اني اريد العرس بعد اربع شهور وهوا يريد لاسبوع الجاي وعقد المحكمه لاحد
ام عباس..زين وليدي شاهين بعد اسبوع شنحلك
شاهين..حجيه تلحكون هيه حنه وعرس
بنين..دكيت رجل العرس بعد اربع شهور وهوا يريد اسبوع الجاي تعاركنه بنص اهلنه نسينه الدنيا كلها
شاهين..يابه بلعباس العرس اسبوع الجاي
بنين..والله العرس بعد 4شهور الخاطر جدو سلمان
شاهين..نشوف
بنين..الله كريم سكتنه بس نضراتنه جانت قاتله دار الحجي وحجو غير موضوع طلعنه برا تعشينه
طيبه..تلبسين نفنوف
بنين..حلي عني البس نفنوف
طيبه..هههههه ولج شنو هاي هسه شاهين يطلع خباله عليج
بنين..علساس ممطلعهن اكلج تدرين شنو اليوم حركت اسم مرتضى
عباس..وليش حركتي
لكل حكايا بقايا♥️♥️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!