مرارة الحب الفصل الحادي وستون 61 - بقلم بنين الزبيدي

كلش يهمني من احس روحي اهمك
وحيل اتشجع آنه بخوفك علية
نظرة عيونك امان يحيط بية
///////////////////////////////////////
شاهين..شبي فهميني

بنين..يكول حموت ماعرف شنو من هل حجي وخاله بنته وامه امانة يمي ويمك

شاهين..وانتي على هاي دتبجين

بنين..اي خطيه شنو الي صاير ويا

شاهين..مصاير ويا بنتي مهددي

بنين..شهكت وهسه يعني حيموت

شاهين..ههههههههه موتي بعده عايش ابوبه

بنين..مسح دموعي وباسني من راسي

شاهين..كافي ترافتي ماريد اشوف ادموعج

بنين..خله ايده على بطني حسيت بحركه بطني فتحت عيوني على وسعهن شاهين

شاهين..ههههههههههه هاي شنو

بنين..طفلي صار يتحرك ابطني واني وشاهين نضحك باسني من راسي وتقرب باسني من شفتي

شاهين..يحفضكم الي بنتي

بنين..حضنته شاهين احمي مرتضى خطيه الخاطر امه وبنته

شاهين..وداعتج بنتي حتى حمايه خاله مراقبه البيته

بنين..ضليت حضنته تذكرت من غاب عني 9اشهر وكالو استشهد ونزلت دموعي اني اذا صارلك شي ماعيش

شاهين..اويلي ترافتي لتخافين بنتي

بنين..بيومها حتى الدوام مكملته طلعني شاهين للبيت صعدت سبحت وبدلت وطلعت مشطت شعري باوعت بطني كبرانه حيل صاير شكلي بطه اني كصيره وحامل واكفه وصافنه بلمرايه حسيت حضني من ورا وراسه بركبتي

شاهين..وليدي بعده خايف

بنين..نداريت عليه وهزيت راسي بـ اي باسني من شفتي وحجه

شاهين..ابويه والله مابيها خوف مرتضى الي مهدد

بنين..انت ويا النفس مالتي مستعده اضحي بكلشي الخاطر عيونك حبيب عيوني ونفسي

شاهين.. زين تجين……….. وراها نتفاهم

بنين..لاااا

شاهين.. خالج….……… هسه وداعتج

بنين..يااااااااا منحرف عيب وخر مني وخر

شاهين..هههههههههه دتعالي

بنين..جرني وتقربلي شاهين مااكدر اوصفه عباره عن كتلة عصبيه حنيه حب اهتمام رومانسيه هيبه سند اب اخ حبيب صديق كلشي اشوفه بي فعلا اني صبرت ونلت وربي جازاني بشاهين باسني من راسي ونام بصفي وجرني الحضنه احبك

شاهين..عاشكج ترافتي

بنين..تحجيلي منو مهدد مرتضى

شاهين..هههههه انتي شكد فضوليه

بنين..مو اني ضابط شغلي الفضول

شاهين..شوفي مرتضى صارله شهرين ونص يتابع قضيه مخدرات ومدخل بهل قضيه ناس ايدها واصله من واصل الخبر الهم مساومي يترك القضيه او يغلقها مرتضى رافض هددو مهتم وره فتره شامريله طلقه ومهتم بس وصلت بيهم رمو بيته ومهتم الحد البارحه بسيارته ورمو حياته بخطر وفرتله حمايه العائلته واله

بنين..يعني انت تدري بهل قضيه

شاهين..اي واذا رفضها اني استلمها واكملها

بنين..لا لا متاخذها انطيها الحسام

شاهين..هههههه والله ملازمي من حبلتي تخبلتي عليه

بنين..شاهين تخيل ويايه راح يصير عدنه طفل ويترس حياتنه بهوسته وملابسه وعطوراته وغراضه ويخبصنه اذا صار جوعان وبليل مينام الحد الفجر وراها يصير يمشي واول خطوه انت تخطيهيا وراها يصير يحجي بس اول كلمه يكولها ماما وراها يصير بلروضه وبعدها بلمدرسه والبنات يصيرن كتل عليه لين ابني حلو مثل ابو وراها متوسطه واعداديه وكليه ويتخرج ضابط ويحب ويتحب ويزوج ويكون اسره ويصير عدنه احفاد يصيحولنه بيبي وجدو شكد حلو جنت احجي وهوا ساكت رفعت راسي عليه جان يباوع عليه ويبتسم شبيك

شاهين..بس اني رايد بنيه تشبه امها

بنين..ابتسمت وامها تحبك

شاهين..وابوها عاشكج

بنين..اليوم عندي موعد ويا الدكتوره ترا

شاهين..اي يفزة عيوني انتي

بنين..تجي ويايه

شاهين..صار

بنين..وتدخل ويايه

شاهين..لا

بنين..اييي ميصير ترفضلي طلب اني حامل

شاهين..خوش دروب هاي

بنين..هههههه نمت بحضنه الحد العصريه كعدت سبحت وبدلت بيومها لبست بنطرون اسود وقميص مال حوامل ابيض ثخين وبي ركبه لين بارده وبي حزام اسود وحجاب ابيض وجنطه سوده كعدت نهتانه من التعب وشاهين يبدل ويضحك عليه اي اضحك انت متتعب بس اني طفلك خبلني

شاهين..فزة عيوني انتي مالج خلك ابنه ماله دخل

بنين..هههههه خوش دروب خلص تبديله ومشط شعره دنكت داسوي حذائي بس مااكدر كعد كبالي شاهين ركبه ونص سوالي حذائي شكد احبه لهل شخص واحمد ربي عليه ليش سويت هيج

شاهين..ترافتي متكدرين تسوي

بنين..كمت وكفت على اصابع رجلي وبسته من شفته بس بطني جان جبير صار حاجز بيني وبينه لزمني من ايدي ونزلنه جانت خاله ام عامر وبيبي سعاده مخلصتت صلاة وكاعدات يقران قران بيبي سعاده من يوم صارت مال انبار بقت يمنه وهيه وجودها كلش حلو تنصح وتسولف وتضحك وتصنف شافتنه اني وشاهين ابتسمت

بيبي سعاده..ها يمه رايحين

بنين..اي بيببي تجين ويانه

بيبي سعاده..لا يمه مالي خلك

شاهين..ها حجيه

بيبي سعاده..يهيبتي

شاهين..محتاجين شي

بيبي سعاده..سلامتك يبعد طولي

بنين..باوعت عليه حتى من بيبي سعاده غرت

خاله ام عامر..ههههههههه يمه بنين ديري بالج على نفسج وعلى حفيدي

بنين..ابتسمت ادللي طلعنه سيارته عاليه مااكدر اصعد ساعدني اصعد وصعد بلطريق باوعت عليه تحب بيبي سعاده

شاهين..هاي الحجيه

بنين..اهاا

شاهين..بس انت النفس ملازمي

بنين.. ابتسمت وصلنه للدكتوره واصريت عليه يصعد ويايه الدكتوره عيادتها فوك يعني لازم نصعد درج نهتت يله وصلنه حاجزه من قبل فا انتضرت شويه ودخلت وهم خليته يدخل ويايه

الدكتوره..هله بنو

بنين..هله بيج دكتوره

الدكتوره..اهلا وسهلا استاذ

شاهين..هله بيج خويه

الدكتوره..شلونج ويا النونو

بنين..زينه بس داتعب هوايه

الدكتوره..كومي نشوفه بلسونر

بنين..كمت وياها نمت على السديه يم السونر صحت شاهين وكفت يم راسي الدكتوره خلت مثل الجلي على بطني وخلت جهاز السونر على بطني وصارت تأشرلنه على مكان الطفل وشلون نايم

الكتوره..نسمع نبضه

بنين..سمعتنه نبضه دموعي نزلت باوعت على شاهين عيونه دمعت لزمت ايده باوع عليه وابتسمت كملت طلع شاهين كمت مسحت بطني وعدلت ملابسي وطلعت كعدت واجتي الدكتوره كعدت

الدكتوره..راح انطيج فيتامينات جديده واتركي القديم

بنين..دكتوره اني داتعب هوايه بحيث امشي خطوتين اتعب

الدكتوره..اي حبيبي انتي ضهرج ميتحمل ثكل وطفلج دبدوب راح انيطج ابر تلاثه ضروري تاخذيهن

شاهين..اكو خطر على حياتها

الدكتور..لا بلعكس اي خطر صدك انتي متريدين تعرفين النونو ولد او بنت

بنين..لاا ماريد دكتوره اهمشي صحته زينه

الدكتوره..ههههه اول مره تجيني بنوته متريد تعرف جنس طفلها

بنين..اي اني اريد اخليها الوكتها

الدكتوره..هههههه حبيبي اني حاسبتلج بعدلج يومين ادخلين شهر السابع هذا الشهر شويه بي خطوره ديري بالج على نفسج وحاولي تخففين الحركه ولتشيلين شي ثكيل وافضل لو تركين شغلج بهل 3اشهر

بنين..لا دكتوره كولي غيرها هذا دوامي

الدكتوره..حبيبتي ادري بس هاي الاشهر خطره تحمليهن

بنين..محجيت شي كتبتلي الدوه وطلعت صعدت بلسياره شاهين جابهن من الصيدليه وصعدت

شاهين..من باجر ماكو دوام ملازمي

بنين..لا شاهين حباب

شاهين..ونضر عيني وداعتج لحد متخلص هل الاشهر تحلمين اداومين

بنين..بس اني ماعرف اكعد بلبيت بدون ماشتغل

شاهين..اي اكعدي بلغرفه والملفات ادزهن بيد صبا

بنين..وبدلتي العسكريه

شاهين..عود لبسيها بلغرفه وكعدي دققي الملفات من تخلصين ذبيها

بنين..لا والله

شاهين..اي وداعتج

بنين..شاهين والله ماتعب اصلا اني ماتعب نهار كله كاعده

شاهين..ماكو

بنين..سكتنه لو احجي ويا منا الباجر ميفيد ماطول كال ماكو معناتها ماكو خلص ضلينه نفتر وتعشينه برا لحد ساعه 10:30 بليل رجعنه دخلنه لازمته من عكس ايده دخلنه للصاله جانو مرتضى وامه وبنته يمنه وكلهم كاعدين والعميد عامر يخابر وعمو سلمان هم والبيت مثبور باوعت على مرتضى باوع عليه وعلى شاهين وركز عينه على ايدي من لازمته باوعت على شاهين ابتسم سئلته شكو

شاهين..تهديد مره ثانيه مو ابو الشباب

مرتضى..اي سيدي

شاهين..مرتضى ليش متسافر

مرتضى..صدك جذب سيدي قابل يهزوني هل خنثات

بنين..تعبت من الوكفه كعدت على الكرسي وشاهين كعد بصفي وضلو يسولفون بهل موضوع

شاهين..شدزولك هل مره

مرتضى..سيدي هل مره تهديدهم يختلف هل مره دزولي صوره عشق

بنين..عزاا حتى على الطفله هاي اجوي

شاهين..اي ابقه هنا هل فتره

مرتضى لا سيدي مشكور

بنين..بطني صارت تأذيني وبده سالفه التقلصات لزمت ايد شاهين ندار عليه وهمس

شاهين..شبيج حبيبي

بنين..بطني

شاهين..صعدي ارتاحي ابويه

بنين..ترخصت منهم وصعدت سبحت وبدلت مشطت شعري خابرتني امي جاوبتها ها ماما

ام عباس..ها يمه شلونج

بنين..بخير يوم وانتي شلونج بابا واخواني شلونهم

ام عباس..كلنه بخير ابويه بشري شكالت الدكتوره شلون الطفل

بنين..كالت زين وصحته زينه ومبين دبدوب

ام عباس..يمه صدقه فدوه حبيب بيبيته

بنين..ها انست بنين

ام عباس..نجبي ولج انتي روحي يوم كلتيلها على التعب

بنين..اي كالت ضهري ميتحمل ثكل والطفل دبدوب وديتعبني وكالت هل اشهر شويه خطره ولازم ماداوم وشاهين حلف هل 3اشهر ماداوم

ام عباس..كلش زين يسوي شعندج مداومه

بنين..صدك تحجي يوم شلون ماداوم هذا شغلي

ام عباس..وصحتج وصحت ابنج اهم اخذيلج اجازه هل اشهر بعدين يمه شاهين هسه لو تحجين ويا منا للسنه الجايه ميخليج اداومين بعد

بنين..اي شسوي شلونها طيبه

ام عباس..والله يمه خابرتج اكلج اليوم ساعه 3بليل ولادتها

بنين..بس بعد وكت

ام عباس..لا يمه مبقالها شي وتخلص شهرها وهيه بعدها مجايبه الدكتوره كالت الها منا الحد ساعه 3بليل اذا مصارت عندج طلوكه لازم عمليه وهيه سوده عليه خايفه مصارلها ساعه من طلعت من الدكتوره

بنين..يمكن اخلي شاهين يجيبني

ام عباس..لا يمه وين انتي تعبانه

بنين..بس يوم اني ماعوف طيبه هيه بأشد ايامي ضلت ويايه

ام عباس..الله يسهل ابويه انتي

بنين..ترخصت من امي ولبست شال ونزلت شفت خاله ام طيبه واكفه تحضر غراض خاله

خاله ام طيبه..ها ابويه

بنين..طيبه ترا تولد

خاله ام طيبه..اي يمه داحضر الغراض رايحتلها

بنين..خلي اشوف شاهين واجي وياج

خاله ام طيبه..بنو انتي هم تعبانه حبيبي

بنين..لا خاله هاي طبطبي دخلت للصاله شاهين ممكن دقيقه طلع للمطبخ ودخلت ورا وكف يشرب مي

شاهين..ها حبيبي

بنين..طيبه راح تولد اخذني

شاهين..شوكت تولد

بنين..ساعه 3بليل ماما كالت

شاهين..وانتي رايحه من هسه شسوين

بنين..اروح يمها حباب اخذني

شاهين..بنين بنتي شحجت الدكتوره

بنين..والله اعرف واني اخاف واحافظ على الطفل بس اخذني حباب

شاهين..صعدي بدلي

بنين..رحت بسته بخده احبك

شاهين..عاشكج

بنين..صعدت بدلت لبست جبه وحجاب ونزلت لكيت خاله مكمله ها خاله نروح

خاله ام طيبه..يله ابويه

بنين..دخلنه للصاله شافتنه خاله ام عامر وحجت

خاله ام عامر..يمه احنه الفجر نلحكم

خاله ام طيبه..ماشي يمه

خاله ام عامر..ديرن بالجن على نفسجن وعلى طيبه ابويه

خاله ام طيبه..ماشي يمه يله مع السلامه

بنين..داطلع صاحتني خاله ام عامر ها خاله

خاله ام عامر..ابويه ديري بالج على نفسج والتعبين

بنين..ماشي خاله انتو تجون هم مو

خاله ام عامر..اي يمه هسه مااكدر ام مرتضى يمنه فشله اعوفها

بنين..هزيت راسي طلعت صعدت ويا شاهين وصلنه البيت اهلي قبل مانزل نطاني فلوس خاف احتاج كتله مراح تجي انت

شاهين..لا ابويه اجي الفجر

بنين..شاهين

شاهين..دنيته

بنين..دير بالك على نفسك

شاهين..وانتي هم ترافتي

بنين..بسته بخده ونزلت البيت اهلي دخلنه سلمت عليهم جانت طيبه كاعده شويه تضحك وشويه تبجي وعباس مبين الخوف بعيونه عليها وعلى ابنه ورانه بنص ساعه اجتي رانيه وراها صبا وصابرين ولتمينه كلنه بغرفتي الي بيت اهلي رانيه نيمت ابنها واجتي يمنه كعدت

رانيه..تذكرون من جنتن تصيحلي بطه وهسه من وصار بطات

بنين..ههههههه هم انتي

طيبه..هههه اني اخر يوم الي بهل كروش باجر اذا الله راد ابني بحضني

رانيه..انسالله ابويه انتي

بنين..رانيه ليش متسوين اخ اليوسف

رانيه..سلام يريد

طيبه..يمعوده انتي اذا كل طفل تجيبي لازم يصير عمر 3سنوات ياه تفكرين تسوين شيبقه بلعمر خيه

رانيه..ههههه دافكر دافكر بلموضوع ولجن

بنين..مر الوقت وبدت علامات الوجع والطلوكه على طيبه ساعه 2:30ونص صارت تصرخ من الوجع وتبجي ولبيت نخبص بيها محمد وحسين ثنينهم يشغلون السياره ادوره نسو من الخبصه

حسين..لك ابني هيج فر الستيرن

محمد..يااا غبيي الستيرن مقفول انزل انزل اني اشغلها

عباس.. ساق…….. فضونيييييييي

محمد..يله يله اشتغلت كول يالله

بنين..اخذي نفس حبيبي تنفسي

طيبه..يمه راحححح اموتت

بنين..اسم الله امي اهدي شويه اهدي طلعنه من بيت اهلي سيارتين سياره بيها حسين بلصدر وامي يم طيبه واني وخاله ام طيبه وسياره محمد بيها صبا وصابرين ورانيه وحسين عباس سوا الطريق دقيقتين بس هيه مكامت تتحمل الوجع ملابسها صارت كلها مي

طيبه..لكككككك عبااااااسسسسسس حقيررررررررر

بنين..عباس ميجاوبها بس يهدي بيها لحد موصلنه عباس شالها ودخل احنه اخذوها كبل بدلو ملابسها ولبسوها مال عمليات وضربوها ابر ماعرف مال شنو هيه عدها وجع ولاده بس ميكدرون يجيبوها اله تصير بـ3 الدكتوره اقترحت تمشي شويه بيدها الكانونه وتمشي وعباس لازمها من ايدها والايد الثانيه لازم بيها المغذي طيبه انتهت مكدرت بعد دخلوها عمليه عباس روح ويرجع ويدعي خاله ام عامر وشاهين وبيبي سعاده اجوي عمو عامر وجدو سلمان ومرتضى وامه كلهم اجوي صفنت المستشفى نترست عالم اني كاعده ادعي تطلعي صديقه عمري من جوا بسلامه صار شاهين كبالي وخله ايده على خدي ميلت راسي على ايده وابتسمت

شاهين..تعبانه بنتي

بنين..لا بس اريد طيبه تطلع سالمه

شاهين..تطلع ابويه طيبه سباعيه

بنين..يارب كعد بصفي خليت راسي على متنه مر وقت طويل يله سمعنه صوت طفل يبجي وراها بساعه طلعت الدكتوره بيدها ابن عباس

الدكتوره..مبروك

بنين..نطت الطفل العباس اخذه وحتى قبل ميشوفه سئل على طيبه

عباس..طيبه

الدكتوره..لا الحمدالله بخير صح ولادتها صعبه بس هما الاثنين بخير

عباس..الحمدالله

بنين..باس ابنه من راسه ولكل اخذو وشافو وباركو العباس وصل يمي

عباس..عمته متشوفي

بنين..عمري نطانيا اجه شاهين صار بضهري يعني ضهري صار على صدره بسته من راسه حبيب عمته شنو هل خلقه الحلوا

شاهين..مبروك ابو الشباب يتربه بعزك

عباس..خويه الله يبارك بيك

بنين..ابن عباس حلو ابيض وعيونه عسلي مبينه حيل وحلكه صغيروني ويمطك بي جوعان بسته من راسه وبسته من شفته حتى يطلع على عمته قوي

شاهين..لا بنتي انتي هنا سكتي احسن

بنين..ها لكل ضحكو اخذو للخدج وطلعو طيبه بغرفه خاصه الها حجزلها عباس لحد الضهر كعدت دخلنه يمها هستوها تفتح بعيونها بستها من راسها مبروك حبيبي

طيبه..الله يبارك بيج بناتي شفتي حلو

بنين..يخبل كلهم باركولها والعميد عامر باسها من راسها ونزلت دمعته وامها هم كفت بصف شاهين وهمست بأذنه شاهين راح اوكع من التعب

شاهين..شحجت بس جيب التسمع كلام

بنين..ترخصت منهم اخذني للبيت كبل صعدت سبحت ونمت من التعب……..

للحكايا بقايا……

احبكم💋