مرارة الحب الفصل الخامس عشر 15 - بقلم بنين الزبيدي

- " أدري بيكم "
أدري بيكم نجمّة تضوي
أدري بيكم شمس ماخذها الغرور
وشته وصيف بگلبي تچوي ،
آخ مني شگد أحبكم !
ويه روحيّ .. شگد أسولفلي عليكم
هواي أچذب .. من أگلكم شلي بيكم ؟
بَعد آخر نفس منكم جوه ضلعي
وبَعد آخر خيّط لَف روحه أعله نحري
وساعة هو ، وساعة دمعي
وبَعده آخر ليّل منكم طافي بية
وغير دمعة شعنده شمعي ؟
♧♧♧♧♧♧♧♧♧

بنين..ضليت صافنه ودموعي تجري اجاني اشعار رساله من التلفون فتحت جانت ندى نشاره فديو كاعده بلسياره ومرتضى خال ايده على بطنها ويغني الها اخر لفيديو صاح اويلي ام بنيتي ماعرف شوصف احساسي ندك الباب مسحت دموعي ادخل دخلت امي وبيدها صينيه اكل لين اني مأكلت كعدت بصفينزلت راسي عبالي راح ترزلني خلت ايدها على راسي ومسحت على راسي

ام عباس..يوم جايه احجي وياج

بنين..هزيت راسي

ام عباس..يمه انتي كبرتي وهسه صارت عمرج22سنه يابنتي العمر ديركض ركض بينه ذاك اليوم جان عمرج سنه ومتخبلين عليج اخوانج وهسه كبرتي يابنيتي كدامج صار الحجي الرجال مناقصه شي كامل مكمل واهله يحبوج وبنت اخو تصير صديقتج ومديرج هم اخو وانتي ويا نفس الشغل بنو اني صديقتج مو امج لتستحين مني شتكولين عندج وكت مفتوح منا لحد يوم الجمعه فكري زين امي ماشي

بنين..ضليت ساكته محجيت شي وكلتني بس اني مالي نفس لزمت ايدها بعد ماريد يوم باستني من راسي ونزلت رجعت اعيد بلفيديو الحد منمت من البجي مرت الايام والاسبوع يركض ركض واني افكر اليل كله اسهر وافكر مستقبلي شنو ويا اذا هوا مرافك نسوان ومرتضى وحبي اله ليوم خميس جيت من الشغل سلمت على امي وصعدت فوك اسمع امي تحجي

ام عباس..يمه شبيج هيج جسد بلا روح ربيي رايدتها منك رجعلي بنيتي بنين دخليك يارب

بنين..سبحت وبدلت وتمددت اندزلي فديو هم من ندى فتحته وهم نفس الشي يغنون وبنتها تلعب ابطنها نزلت دموعي ربي ليش اني مكتوبلي العذاب بحياتي والله اني عمري مأذيت احد العالم تأذيني واني اسكت لحد العصر نزلت اكلت شويه وكعدت يمهم امي فتحت الموضوع كدامهم مادري ستحيت حيل ومقهوره وكلبي يحركني طلعت للمطبخ لحكتني

ام عباس..يوم اليوم خميس حبيبتي باجر جمعه شكلتي فكرتي زين ابويه

بنين..هزيت راسي اي

ام عباس..يالله نشالله خير قرارج امي

بنين..هاهيه ماما موافقه

ام عباس..كلللللللوووووشششش بلمبارك يوم يافرحتي بيج حبيبتي

بنين..نزلت راسي راح تكلهم واني صعدت فوك خابرت رانيه جاوبتني رأسا

رانيه..الللففففف الصلااااااة والسلاااام عليكككك يا حبيبب الللللله محمدددد كللللللوووووووووش

بنين..وجع طرشتي اذني اريدج تجين يمي

رانيه..والله عرفت دتبجين جايتج امي انتي

بنين..سديته منها نص ساعه اجتي رانيه يمي حضنتها وكمت ابجي وهيه تبجي لبجيتي

رانيه..اشش حبيبتي بنين

بنين..رانيه اني ليش مكتوبلي العذاب والله اني ممسويه شي غلط بحياتي

رانيه..باعيني تذكرين من جنت تكوليلي بس تنخطبين تنسيت رائد واني مشيت وراكم وطلع كذب وخطه منكم بس صدكيني هسه بنين اذا تنخطبين تنسين مرتضى باعيني والله عايش حياته ويا زوجته وكذب اذت كلج اريدج بل دائره يموت عليها وعلى التراب لتمشي عليه ولله العضيم انتي دافنه نفسج من ورا بنين العمر ديمشي بيج وانتي تحبي بس خلص حبيبتي راح بعد اسس حياة جديده ولازم انتي هم تأسسين بناتي حبيبتي والله تنسي وكولي رانيه كالت

بنين..رانيه شاهين عنده سوالف مكسره وحتى يجنه بنات للمكتب يكضي ايام وليالي وياهن

رانيه..انتي اتوبي منهن بنين ماكو رجال ماعنده هل سوالف انتي اتوبي صدكيني سمي بسم الله وابدي حياة جديده شمدريج جوز رب العالمين دزلج شاهين ينقذج ويطلعج من حطامج وجوز رب العالمين دزج اله حتى اتوبي من هل سوالف حبيبتي هذا نصيبج من الدنيا انتي حلوه وبعدج شبابه كولي يالله وابدي

بنين..ضلت يمي رانيه باتت خطيه بيومها حتى ويا سلام محجت ليل كله تحجي ويايه نوعاً ما ارتاحيت الحجيها ثاني يوم جمعه كعدت متأخر لين اصلا اني نمت الصبح من التفكير والبجي كعدت ساعه بـ2:30سبحت وبدلت ونزلت جانت رانيه سابقتني كعدت على الميز وصافنه اجتي رانيه باستني من راسي وسوتلي اكل اكلت لكمتين وكمت عزلت وغسلت اماعين بـ5:00اجوي اهل العميد عامر وياهم شاهين سلمت عليهم وبيبي هديه تبوس بيه من خدي ومن راسي سلمت على الكل وكعدت ورانيه وطيبه بصفي طيبه لزمت ايدي وعصرتها قوي ابتسمت الها

شاهين..بيوم الخطبه رجعت للبيت هما رجعو اني رحت لهبه هيه من شافتني كيفت دخلت شربت كضيت ليل يمها تخيلتها بنين وضربتها كامت تصرخ وتبجي بدلت ملابسي وجريت الجزام الضربتها بي وطلعت رجعت للبيت الفجر سبحت وبدلت وجيت نمت مر اسبوع يوميه اني اراقبها من بعيد بشغلها اباوعلها دائما تصفن حتى من تطلع تمشي وهيه صافنه راجعت وضعي اضلمها ويايه اذا اخذها وهيه هيج هيج مراح توافق اني وياها مي ونار بيوم الخميس رجعت من الشغل تعبان وحاير نمت لحد ليل نزلت شفت طيبه كاعده زعلانه مني حضنتها وهيه حضنتني وبجت

طيبه..عمو ليش تكرهه بنين هيه حبابه

شاهين..بعد عمج ماكرهه بس مملتزمه

طيبه..ههه عمو هيه راح تجي تعيش يمنه قبلت بنين قبلت تزوجك

شاهين..ضليت صافن وهما فرحانين وافقت شلون واني وياها عراك ومشاكل شلون وافقت وهيه تدري عندي علاقات بقيت افكر شلون قبلت ثاني يوم ابويه اصر اروح وياهم لبيتهم ابوي معلمنه منخاف حتى منه بس كحترام اله ماكدر اكسر كلمه مو بس اني عامر عميد باقيله اقل من سنه ويترقه لواء يتحرم قراراة ابوي وميكسر كلمه المهم رحنالهم للبيت دخلت هيه سلمت على الكل وكعدت باوعت عليها عيونها حمره وارمه

بنين..باوعت عليه جان يباوع عليه ملامحه الرجوليه وعصبيته طاغيه عليه وشواربه الشكره وعيونها وحتى عضلاته وطوله وصوته الخشن كلشي حلو بي من الخارج احس عنده حجي يحجي بعيونه اتفقو الاحد المهر جدو سلمان عندي طلب

جدو سلمان..طلبي بويه

بنين..اني شغلي ماعوفه كلت هيج وهوا خزرني وكور ايده حيل

جدو سلمان..بويه بنين شاهين يمج احجي ويا

شاهين..شسوي بشغلج

بنين..اني درست وتعبت ماريد اعوفه بهل سهوله

شاهين..وشلون راح نداوم اني وياج بنفس المكان

بنين..اني مو وياك اني بغير دائره وانت هم

شاهين..كتاب نقلج البارحه توقع وراح ترجعين بدائرتنه

بنين..اي حتى لو اني بحد وانت بحد

شاهين..عوفي شغلج

بنين..وانت تكمل شغلك عادي نسينه نفسنه وجادلنه اني ويا بنص اهلنه صفه الراي انو اكمل شغل واخذت كلمه منه يخليني اكمل قرو الفاتحه كومتني رانيه وطيبه وامي سوينه عشه وعباس جاب من برا كباب وتكه ودجاجتين شوي مدينه السفر وكلنه كعدنه تعشينه اني اكلت شويه بس ضليت كاعده يم طيبه همه هم خلصو شلنه السفره وغسلنه اماعين ورانيه سوت جاي قدمت اللكل ضلو يحجون بسالفه المهر محسيت غير نركعت بل چكليت والهلاهل وطيبه ورانيه تهوس ولكل يضحك اله اني عبالك عندي عزه وهوا كذالك راحو وبقينه اني ورانيه عزلنه البيت واني شامرتها على الصامت خلصت وصعدت الغرفتي ادعي الله ينطيني القوه والصبر ضليت كاعده وصافنه لحد منمت بيوم السبت مصار شي غير انو يرتبون البيت ويسوو الكوشه اخذتني زينه وطيبه هوا ناطي الطيبه فلوس يجهزون رحنه للفساتين جان مو مهم حتى لو لبس تراك عادي عندي طيبه ورانيه يفترون ويسئلوني واني كلمه وحده بلساني بكيفكم اخذت فستان ماروني وبي تطريز ماروني وبنفسجي طوخ يعني البنفسجي مبين ماروني من بعيد ولبدله منفوشه بس نفشها بسيط حيل مو هوايه مو هوسه وحتى ردنها لحد العكس مال ايدي ويا حذاء كعب ماروني وروب مكتوب عليه عروسة شاهين وشاح مكتوب {انا فتحنا لك فتحاً مبيننا} بلذهبي وبي هاي ام سبع عيون وقل اعوذ برب الفلق مادري شعدهن علساس عن حب حتى يحسدونه اني ويا واحد مطايق الثاني طلعن موصيات عليه بي اسمي واسم شاهين شغله حلو مرتب حجزولي بيبي هديه حاجزه الصالون كله النه رجعت للبيت تعبانه تلكتني امي وخالاتي وبيبي هديه وام طيبه سلمت عليهم وكعدت مالي خلك واريد ابجي

بيبي هديه..ها يمه حضري كلشي تحتاجي

بنين..اي بيبي

خالتي ام رانيه..بنين يوم الحجيه راح تصير عمتج لازم اصيحيلها عمه

بيبي هديه..لا يمه خليها براحتها شتريد تصيحلي تصيحلي هاي حتصير مريت الصغير شاهين حياتي

بنين..ابتسمت الها شويه وترخصت منهم صعدت سبحت وبدلت ونمت من التعب على العشه منزلت ثاني يوم من الصبح اخذني طيبه ورانيه للصالون اول مكعدت كتلها لتسوين شي بوجهي

ام الصالون..البنات مختارات مكياج يرادله حواجب ولازم شويه احفهم الج وجهج هم

بنين..داحجي طيبه حجت حفتلي واني ضايجه وروحي طالعه وكل شويه دموعي نازله خلصت مباوعت على روحي شيسون خلي يسون لبست الفستان سوتلي المكياج وتسريحه شالته كله سوته ذيل حصان وبف عالي ونزلتلي خصل ومن الاطراف نازل شويه مرتب خلصت لبستني طيبه ورانيه الحذاء لين مااكدر ادنك باوعت على نفسي وضليت صافنه تمنيت هذا كله صح بس ويا مرتضى نزلت دموعي وطيبه مسحتهن وام الصالون رتبتلي المكياج من جديد رانيه لبستني الوشاح وشدته من يم ركبتي ولبستني الكبوس ونطتني المسكه مال ورد وطيبه ورانيه لبسن فسان سمائي ومكياجهن سمائي حلو وخلن شعرهن مفتوح لزمتني طيبه

طيبه..يله بنونتي شاهين بلباب

بنين..طلعنه صعدت اني كدام وطيبه ورانيه ورا كعدن الطريق كله طيبه بكيفه اطلع ويهوسن هيه ورانيه وخرت الوشاح عن وجهي ختنكت باوعت عليه باوع عليه وصارت عيني بعينه

شاهين..طيبه خابرتني ارجعهن من الصالون اني عندي شغل طيبه

طيبه..عمو حباب حباب تعال بعدين عروستك طالعه تجنن

شاهين..شغل تفتهمين شنو شغل

طيبه..يله حبيبي عمو راح انتضرك بعدين ترا بنين متدري اني مخابرتك عبالها عباس اخوها يجي بس اني اريدك تشوفها شلون طالعه تجنن ضحكت وسديته

شاهين..كمت اذا الزمج يا طيبه اجنزج على هل سالفه رحتلهن للصالون بله هسه اني وهل سوالف شجا مرحبه دكيت على طيبه طلعت لازمتها صعدن ورا وهيه كدام الطريق كله ساكته وذني الورده لعبن جوله رفعت الغشوه عنها باوعت عليه وباوعت عليها ماعرف شوصفها ملاك ونازل بهيئة بشر من جمال شايلته نزلت راسها باوعت على طيبه بلمرايه تغمز اني اعلمج طيبه

طيبه..حبيبي عمي

بنين..اريد بس اوصل للبيت ضجت حيل واريد ابجي وصلنه للبيت نزلت لزمتني طيبه ودخلت نفشخت بل جكليت كعدت على الكوشه وجان شغل لكوشه حيل حلو ميز جبير وبي ستاند وعليه قران بيجي بلون الكوشه وصينيه بيها شغلات اسمها صينيه البخت وقفل ومفتاح مطرزات واكو كتابات خاليها بأطار ذهبي اول وحده مكتوب بيها{ ياصايغين الذهب حبيت ادلعها شوفولي خاتم حلو يستاهل اصبعها} قريتها عيوني دمعت تصدكون باقيلي اقل من ساعه واصير على ذمة شخص ثاني واني افكر بمرتضى ميروح من بالي ابد بلكوشه اكو مخده مكتوب عليها مدالله وخاتون واكو مرايه هم باوعت نفسي مشفت بنين البريئه الي جانت تخاف من خيالها شفت وحده ثانيه وحده مخذوله ومتعرف شتريد نص ساعه وسمعت صوت مزيقه احس دكات كلبي زادت اخذتني طيبه للغرفه الثانيه جان اكو كرسي ذهبي وكدامي طاسه ذهبيه وبيها مي ورد وشي اخضر اجتي بيبي هديه وفتحت القران وخلته على راسي مرتين اخذتني امي وبيبي هديه امي نطتني سيت ابيض رفضت البسه بعدين جبرتني البسه لبسته جان ابيض وصلوخ وقصير لبسوني فوكا الوّشاح والروب طلعت كعدت والمي بارد وهيه الدنيا بارده احس رجلي جمدت فتحو قران بحضي جانت ايه الفتح وبأصابيع ايدي خلولي هيل بده الشيخ يقرا ايات جان بالي مو يم الشيخ اقره بأية الفتح ودموعي تجري حسيت على كرصه باوعت رانيه كرصتني وجان الشيخ يحجي بدون مافتهم شي كتله قبلت انت وكيلي اسمع الهلاهل والچكليت صار طشار عليه سمعت موافقه شاهين امي اخذت الهيل من ايدي شلت القران بسته وخليته على راسي وعلى كلبي دعيت من رب العالمين يبرد نار كلبي رجعت للغرفه بدلت لبست الفستان والوشاح والروب ضمنه هنه رانيه عدلت المكياج كل هذا واني بس صافنه واكفه وطيبه تعدل لفستان وكفن كبالي

طيبه..بنين اليوم مهرج شويه ضحكي ادري بيج والله تعبانه بفراك هذا الحقير بس هاي الدنيا يا حبيبتي

رانيه..والله حجيت وياها بنين انتي هسه صرتي بنين تابعه الشاهين وبس انسي مرتضى اذا تفكرين بي مجرد تفكير يعتبر خيانه يروحي انتي مهنايه يارب بحق الحبيب محمد تعيشين بسعاده ويا شاهين

بنين..هزيت راسي ونزلت دموعي مسحتهن طيبه وطلعنه شفته كاعد جان لابس بنطرون اسود وقميص بيجي وهوا طويل وعضلات لايكله غضيت البصر عنه مادري كلبي وبالي كله هناك يم مرتضى كعدت بصفه واشوف لكل يركصون وفرحانين ورا نص ساعه اجتي بيبي هديه باستني من راسي والبستني بتوت بأيدي اليسار 6بتوت بأيدي اليمين هم 6 بستها من خدها

بيبي هديه..يمه هاي مني الج وهسه عريسنه مناوي تلبس عروستك الذهب

بنين..فتحت بيبي هديه علبتين وخلتهن على الميز وعلبه صغيره بيها لحلقات اخذ الحلقه والزم ايدي لبسنياها جانت من الجوانب بيها لمع ومن النص صافيه والثانيه بيها فص واكو حلقه ثانيه ساده يعني حلقتين جايبلي نسطرت بل هلاهل اخذت الحلقه الفضيه لبسته اله جانت ايده حاره واني ايدي ثلج لبسني كلايد ثنين وحده عباره عن فص عنب والثانيه اسمي واسمه ولبسني بأيدي سوار واربع ملاوي وتراجي لبستني بيبي هديه طيبه هوا ميعرف لبسني 3محابس ضجت احس نفسي ثكيله من اذهب و بلعلبه بعد اكو ذهب باستني بيبي هديه من راسي بيبي هوايه جايبين ذهب

بيبي هديه..يمه انتي مريت الغالي انتي لحبيبه اخذتي اخر واحد منهم وبلعافيه عليج حبيبتي مهنايه

بنين..ابتسمت اكو غصه بداخلي مدتروح باسني هوا من راسي مخله احد يصور بس طيبه ورانيه جابو كيكه جانت طابقين وكاتبين جواها مبروك عقد قران شاهين وبنين طيبه جابت سجيت لزمني من ايدي وكصينه الكيكه وكلني هوا عينه بعيني مادري شبي وكلته وشربنه عصير خلصت مراسم عقد القران طلع هوا كمت،دابدل جرتني بيبي هديه

بيبي هديه..يمه طلعي راح تروحون تاخذو صور

بنين..بيبي ماريد

بيبي هديه..لا يمه اليوم يومكم حبيبتي روحي ويا

بنين..امي ضلت تحجي ولازم اروح البست الوشاح وطلعت بس اني ويا محد قبل يجي طلعت لكيته واكفلي بلباب صعد وصعدت الطريق كله ساكتين رحنه اخذنه صور اكو صوره من ضمن الصور واكف ورايه ومدنك يبوسني من متني جسمي قشعر خلصنه الصور وطلعنه بلطريق فتنه بطريق اضلم مابي احد فارغ وكف السياره اني ساكته ومدنك اباوع للحلقه

شاهين..ليش وافقتي

بنين..هيج

شاهين..بنين ليش وافقتي واني حاجيلج عليه

بنين..سيدي عفيه رجعني لبيتنه محسيت غير جرني من ايدي حيل صرت قريبه عليه ميفصلنه شي عيونه بعيوني جانت نار تدجح حجه وهوا صاك على سنونه

شاهين..اني هسه مو سيدج اني رجلج ليش وافقتي

بنين..اول مره دموعي تخوني وتنزل صرت ابجي حيل واشهك مادري شصار بيه اني حاصرتني البجيه من الصبح وهسه صيح عليه بجيت حاول يهديني بس ماكو جنت ابجي شويه هديت نطاني مي شربت ومسحت دموعي محجه شي رجعني للبيت نزلت من السياره بدون مااحجي ودخلت للبيت وهوا راح صعدت نزعت الفستان وفتحت شعري ودخلت اسبح كعدت جوا الدوش ابجي وادعي اموت واخلص من هذا العذاب

للحكايا بقايا😔