رواية مرج البحرين يلتقيان الفصل الرابع 4 - بقلم ★الكَاتِبَة غَيَاهِبُ★

السلام عليكم

طبعا اسفه سحبت سحبه قويه المهمممم محد مهتملي😂😂

قناتي التلي: الكاتبة رقيه☕

الانستا: ruqayaha_33

التيك توك: ruqayaha_33

┏━•❃°•°❀°•°❃•━┓

كربلاء حي العباس الساعة 8:00

تمشي بهدوء و هي لابسه عبايتها الطويله لازمه حذائها بيدها و تتلفت فجاة وكفت على صوت امها

سناء: وين رايحها؟

نرجس: احم احم رايحه ازور

سناء: اممم روحي بس مو تتاخرين على دوامج ماريدج تتاخرين روحي بسرعه و رجعي لمدرستج

نرجس و هي تبوس راسها: تمام ماما ما اطول ازورهم و اطلع على المدرسه اشوف النتيجه ما اطول

طلعت لبست حذائها و هي تدعي بحق العباس ابو فاضل تنجح

مشت بسرعه و وصلت من ظهر ابو فاضل نزلت دمعتها و هي تكول: لا تفشلني ابو فاضل نخيتك
مشت سريع و دخلت للضريح وكفت يم الشباك و بدات تدعي

نرجس: دخيلك يابو فاضل بس اني و امي و انت كفيلنا من صغري انتَ متكفل بيه كون هسه اروح و اجيب النتيجة ناجحه

ماقرت الزيارة لان جانت مستعجله و اتعذرت من ابو فاضل و استأذنت تروح للامام الحسين و فعلا سرعت مشيتها و دخلت للامام الحسين (عليه السلام) و دعت و حلفته بامه الزهراء تطلع ناجحه و تجي اطش جكليت بين الحرمين

طلعت و هي تكول

نرجس: شما كبرت الشده الكافل يحلها

لبست حذائها و توكلت للمدرسه جابت الورقه و طلع معدلها جدا عالي 98.8 رجعت لابو فاضل و شترت جكليت و وكفت بين الحرمين و بداءة اطش الجكليت بفرحها و هي تتشكر منهم و تحمد الله بانو هي نجحت و كفت تبجي و الناس تاخذ الجكليت من ايدها و تدعيلها بالتوفيق اجتي بنين صغيرونه و سحبت عبايتها علمود ادنك الها

نرجس: ها حبيبي؟

الابنيه: عادي تنطيني جكليته اكلها؟

نرجس: هاج هذا الجكليت بقى شويه

ابتسمت الابنيه و باست خدها و راحت لامها

كعدت قرت الزيارة و صلت ركعتين الزيارة صلت صلاة الظهر و رجعت لبيتهم دخلت على امهم و هيا تكول: هلهلي يمه بتج نجحت

سناء: يمه الف مبارك يوم تخرجج و اشوفج احسن محاميه

ابتسمت نرجس و كالت بس المديره كلتلي انقبلتي بجامعة بغداد

باوعتلها سناء و كالت: ميخالف يمه نروح نكعد بغداد المهم تكملين دراستج

باوعت نرجس بحزن وكالت: و كربلاء؟ يمه روحي هنا ماكدر اعوفها

سناء: اني كل جمعة نرجع هنا ميخالف المهم دراستج

ابتسمت نرجس و راحت تلم اغراضها و امها لمت الاوراق المهمة قفلن البيبان و طلعن وكفت سناء و كالت

سناء: يارب هل بيت امانه عندك و عند ابو فاضل

طلعن لمكان جان بي مثل السيارات توصل لبغداد صعدن و توكلن على الله و بعد ساعات اخيرا طب الحدود مال بغداد وصلهم للكاظم (عليه السلام) و هما منا و يركبون بعد لان كل الناس الموجودين اتفقو يذبهم يم الكاظم (عليه السلام)
طبن و صلن للتفتيش فتشوهن و رادت تطلع كضتها المفتشه و كلتلها: حاطه حمره؟

نرجس: لا والله ليش؟

المفتشه: شنو لا؟ مو هاي شفتج حمره

طلعت نرجس كلنكس و مسحت شفته بقوه كدامها و كلتلها: اعتبر من زوار الكاظم:(عليه السلام) و احط حمر؟

عافتها المفتشه و اعتذرت منها دخلت نرجس بهدوء للائمه و قالت: اسلام على حجج الله في ارضه

بعدين كعدت و هي ضايجه من المفتشه و امها كلتلها: دخيلج علويه انتِ هسه يصير بالمره شي

نرجس: لا ماما ما ضايجه
__
بغداد الساعه : 8:30 ليلا حسينية المجتبى (عليه السلام)

شخص: ملا اقرانا الطور النجفي

صادق: عمي الطور النجفي مو مالتي

شخص ثاني: ملا اقرانا الطور النجفي حتى لو جزء بسيط

صادق: خادمكم من عيني

شرب مي و وكف بهدوء استعان بالزهراء و بداءة يحجي
اعذرني خويه عالنهر مذبوح عفتك
ما رحت أودعك بالكمر ساعة
دفنتك يا راس عباس الوفي
نادتك اختك ما قصرت وياي
ابد انا عذرتك
للخوه وفاي ماتقصر وياي
ومن اليضلمون ما ضلت امتون
__
توقف عن القراءة و بداء يبجي بحركه و ضج المجلس بالبكاء

صادق: كلمات بسيطة و خلتنا نبجي لو نشوف الواقعه بعيونه شيصير
يا ابا عبدالله يا حسين لن نتركك يا مولاي حتى و ان بكينا بدل الدموع دما
و بعد فتره من صار هدوء مسح جف ايده و رفعا للسما و دعاء

صادق: يارب بحق هذا الدموع ان تهب لي فتاة تسعى لرضاك و تنفر من معصيتك يا الله

انتهى المجلس و اكو طفل جان يبجي نزل صادق من المنبر و باس راسه و كله و هو ينطي جكليته

صادق: ادعيلي وليدي ادعيلي

باس راسه و طلع مشى بزقاق ضلمه شاف بنات ماشيات دنك راسه و هو يكتم نفسه علمود لا يشم ريحتهن و ينحسب الهن ذنب سرع مشيته علمود يتخطاهن استغفر الله و كمل طريقه بهدوء و هو يصلي على محمد لان جان يمشي بزقاق وحده و اظلم اتذكر وحشة القبر و نزلت دمعته تذكر مرته شلون جانت صغيرونه 20سنه بس و راحت من ايده رجلي ما شالته كعد بالكاع و بداء يبجي بحركه ما سكت حتى صارت عيونه حمر كام و حس بدوخه عرف نفسه ارتفع الضغط سرع مشيته بس يريد يوصل للشارع يركب سيارته فعلا وصل سيارة بطلوع الروح ركبها و مشه بيها بسرعه معقوله شاف صيدليه نزل جاب علاجه و شربه من حس نفسه تحسن حمد ربه و كمل طريقه وصل للبيت فتح الباب و دخل شافهم نايمين عافهم و صعد سبح و كعد يقراء قران بهدوء خلص جزء و صعد ينام على الجربايه بهدوء
تحلم بمرته و هي تكله ينساها و يتزوج و هي راح تاني بالحنه باوعلها و نزلت دمعته

صادق: شلون انساج؟

فاطمة ببتسامه: راح تجي يلي تنسيك حزنك و همك انتظرك بالجنه انتَ وياها و ابنه و اختك زينب

فز من احلم على صوت ابنه

علي: بابا بابا يلا اكعد نتريك

صادق: لا بابا ماريد عندي شغل اروح و ارجع

علي: وين؟ عادي اجي وياك؟

صادق: لا بابا اروح وحدي بسرعه و ارجع

كام صادق بدل لبس دشداشه و حط الشماغ على كتفه و نزل
ركب سيارته و توجه للكاظم(عليه السلام)

وكف كبال الامام ما دخل و بداء يحجي و هو رافع ايده

صادق: جيتك يامولاي طالب منك حاجه تكضيها لو اشتكيك يم امك الزهراء؟ دخيلك رايد منك مره تساعدني بتربية علي سميته علي على اسمك جدك قالع باب خيبر اختي ما اطول وياي سنه سنتين و تزوج منو يضل يمي؟

بقى يم الامام فترة چبيره تقريبا 5 ساعات نسى العالم و شنو بي فجاة اجتي مره عحوز و كعدت بصفه و طبطبت على كتفه و هي تكول

الحجيه: ربك كريم يوليدي

صادق: و النعم بالله حجيه

الحجيه: هاك هاي جكليته بنتي جانت ناذره اطش جكليت اذا خلفت و عقبال عندك جابت ولدي مثل الگمر

صادق: الله يحفظه الكم حجيه

الحجيه: اني سمعت شنو طلبت من الامام و اني احلفلك مايردك هذا ابو الرضا كريم مايرد احد خايب

صادق: الله كريم الله كريم

كامت الحجيه وهيا تتجي عليه وكف و ساعدها مشت الحجيه اختفت من عينه استغرب انوب نزل عينه بسرعه و طلع من الامام جان الجو ليل راد يروح للكراج بس حس بايد واحد ويا التف لكه رجال جبير ابتسمت و كال

صادق: ها حجي؟

الحجي: لاتخف الله معك و ان عاداك الانس و الجن فا رب العزه معك

كاله و تركه و مشى بحال سبيله استغرب صادق و سرت رعشه بجسمه كله خطر الامام المهدي(عجل الله فرجه الشريف) و اجدامه ما شالته كعد بالكاع و حط ايده اليمنه على كلبه و سلم على الامام مرت خمس دقايق و هو ماستوعب شي بعدين تذكر اخته و ابنه كام سرع خطوته للكراج و ركب سيارته و اتوجه للمنصور تحديدا بيته بعد مدة وصل

فتح الباب و دخل لكه ابنه علي الدُر نايم على القنفه شاله و صعد ويا للغرفه و نام تحلم مره ثانيه بنفس الحجي و الحجيه و جان بمكان كله خضار و زوجته وياهم مبتسمه ابتسمت و نزلت دمعته هما بدو يمشون و هوَ راد يمشي وراهم بس كضه واحد نوراين باوعله صادق

صادق: عوفني اريد اروح وياهم

الشخص: و علي الدُر و زينب؟ منو الهم؟ تريد تعوفهم؟ يلا امشي

صاح هذا الشخص بقوه و هو يكول

الشخص: يلا امشي يلا روح وره مرتك و عوف ابنك يتيم الام و الاب يلا

فز صادق مرعوب استغفر ربه و سحب علي الدُر بحضنه و كام يبجي بسكته

صادق: ماعوفك اذا ما اشوفك زلمه مشورب ما اعوفك

باس راسه و كعد علي الدُر ابتسم لابوه و هو يكول

علي الدُر: بابا ليش تاخرت البارحه؟

صادق: اعذرني وليدي التهيت

ابتسمت علي و حضن ابوه بقوه اجتي زينب و كالت

زينب: ها خوش عبالي بعدكم نايمين يلا تعالو سويت الريوك

نزل صادق و علي و زينب قبلهم نزلت

كملو اكل و زينب كالت

زينب: صادق

صادق: ها باباتي؟

زينب: اليوم اداوم؟

صادق: اي ليش؟

زينب: خايفه ماريد اداوم

صادق: عليمن هل خوف اني يمج بس اريد اكلج شي مو اي وحده تصادقينها تحجيله كلشي مفهوم؟

زينب: تمام ان شاء الله

صادق: يلا كومي بدلي

زينب: حاضر

كامت بدلت و بدلت لعلي الدُر همين صعدو بالسياره و توجهو للجامعه

صادق: زينب مثل ماكتلج و علي مو اي بنيه تكلك تعال حبيبي تروح صير ثگيل

علي الدُر: بابا النسوان حلوه

صادق: انچب اني هيج ربيتك؟

علي الدُر: اسف ماعيدها

ضحكت زينب و باست خده و كالت

زينب: ولعباس انتَ اكثر واحد نسونجي عليمن طالع محد يعرف

علي الدُر: هاي تربيتي اما هذا الزلمه لمشورب رباني خوش تربيه تربية زلم بس اني مو خوش

ضحكو كلهم عليه نزلت زينب و بيدها علي نزل صادق و كللها

صادق: يلا تعاي وياي

وداها صادق للعميد و العميد رحب بيها و انطاها الجدول و كل المحاضرات

راح زينب للقسم مالتها بهدوء و الكل استغربها لان لابسه عبايه تمر الايام و بيوم صادق كللهم

صادق: نروح لكربلاء؟

علي الدُر: اي اي

زينب: اي ماطول بعدني بداية السنه و هم ازور اقلامي

صادق: لعد يلا حضرو نفسكم الفجريه نطلع

كعدت زينب ادرس علي بهدوء و صادق يلعب بموبايله

صادق: زينب باباتي

زينب: ها؟

صادق: بس الدشداشه يمكن وصخه جيبيه الي

راحت زينب تجيب الدشداشه و اخذها صادق و بداءة بفحصها و كال

صادق: لا نظيفه بس اكويها

كام صادق و كوه الدشداشه بهدوء و اجتي الساعه 11و علي الدُر تعب اخذته زينب للغرفه و خلته ينام غطته و نزلت لغرفتها

خلص صادق و صعد ينام همين
__
الفجريه

صادق: يلا عيني فضوها

زينب: اني خاصت

علي الدُر: اني همين زينب

زينب: ها؟

علي: جبتي حلوياتي؟

زينب: اي يلا امشي لا يعيط صادق بينا

صعدو متوجهين لكربلاء

طلع صادق دعاء السفر و بعدين عاشوراء و دعاء كميل و مناجاة الشاكرين لحد ما خلص الطريق و هما يسمعو ادعيه و قصائد
__
بعد 4 ساعات كربلاء/حي العباس(عليه السلام)

مشى صادق و بيدن الجنط و علي الدُر

صادق: زينب باباتي روحي انتِ منا و اني و علي راح نفوت منا

زينب: ماشي

دخلت و كملت تفتيش بقت واكفه على صفحه علمود اخوها مارفعت راسها و سمعت صوته رفعت راسها ببتسامه

كملو الطريق لحد ما وصلو للباب دخلو و كلمن راح بطريقه للامام

صادق: السلام عليك يا ابا الفضل العباس سلام الله عليك يا قمر بني هاشم يا كافل الخدر

كمل زياره و طلع بعد شويه اجتي زينب و صارو بين الحرمين و فلت علي الدُر من ايد صادق جانت الدنيا هوسه و داخ صادق بداءة يباوع بعيونه مالكه علي الدُر اتخبل زينب سبقتى للامام الحسين بداء يدور عليه بكل مكان مالكه بلع ريگه بخوف على ابنه بدا يصيح عليه

صادق: باباتي علي، علي الدُر، علي بويه

تمر ساعه و هو يدور عليه مالكه طلعت زينب و تلكاها و هو يكول

صادق: زينب علي ماجاي الكه

زينب: شنو؟ بس اهداء شكو شنو صار

صادق: جنت واكف و علي بيدي صارت ازدحام و اختفه من يدي شنو اسوي زينب؟

زينب: اهداء هسه نشوفه وين

التفت صادق على الامام العباس و بدا يحجي

صادق: دخيلك مولاي امشي عليك زينب الحوراء كون هسه الكه ابني

نزلت دمعته بحركه على ابنه خاف علي كلش هواي
__
جنت جاي اصلي ولفت انتباهي صوت طفل درت وجهي و لكيته ولد صغير كلش حلو رحت اله و كلت

نرجس: السلام عليكم؟

علي الدُر: وعليكم السلام

نرجس: ليش يبجي الگمر؟

علي الدُر: ضيعت بابا

نرجس: تتعال نروح للاذاعه

مشى وياها و هو كاض ايدها بقوه

وصلت للاذاعه و كلتله بهدوء

نرجس: شنو اسمك؟

علي الدُر: علي الدُر صادق مهدي

نرجس: الله شنو هل اسم الحلو
_
سكت شويه و سمعو صوت الاذاعه

الاذاعه: عثر على طفل بالغ من العمر 8سنوات، علي الدُر صادق مهدي الرجاء التوجه لقسم المفقودين

رفع راسه صادق و شكر ابو فاضل كض زينب بيده بقوه و راحو للاذاعه

دخل صادق و هو يكول بصوت مخنوگ

صادق: ابني علي الدُر صادق مهدي وين؟

شخص: اي هذا يم ذيج الابنيه

صادق: متشكر خويه

راح صادق و حضن ابنه بدا يبجي بحركه و هو حاضنه

صادق: ليش تخلي كلبي يحترك عليك؟ مو كتلك لاتعوف ايدي؟

علي الدُر: اسف

بدا صادق يبوسه بكل مكان بوجهه ابتسمت و شم ريحته بقوه

زينب: شكرا حبيبتي

نرجس: لا عادي مو مشكله بس اتمنى متعوفي انتِ امه شلون عفتي هيج وحده؟ ماخفتي عليه؟

ابتسمت زينب و كالت: لا اني عمته مو امه

نرجس: اوه اعتذر عبالي امه المهم انتبهي عليه مره ثانيه

صادق: والله ماعرف شلون اشكرج اني كلش ممنون منج

حجت نرجس ويا زينب متجاهله صادق

نرجس: حبيبتي اني اترخص

حضنن بعض و طلعت نرجسباوعت زينب لصادق و ضحكت كالت

زينب: الله دزلك وحده مثلك

صادق: اي انتبهت

ضحكو و شال علي الدُر و طلعو زارو الامام الحسين و دخلو على مطعم وراها

صادق: شنو تردين؟

زينب: اردي كباب و لبن

صادق: و انتَ؟

علي الدُر: اني هم اريد كباب و لبن

صادق: نمام اكعد هنا يم زينب اروح اوصي و اجي

راح صادق طلب الاكل و رجع كعد وياهم اجه الاكل بدو ياكلون بهدوء و من كملو راحت زينب تغسل كعدت هيا على الطاولة و راح صادق و علي الدُر يغسلون

كلعو من المطعم هي و علي الدُر و صادق دفع الحساب

زينب: ها شكد صار؟

صادق: تقريبا 30الف ليش؟

زينب: لا هيج اسئل

هز رايه صادق و شال الجنط من ايدها و اتوجنو للكراج راجعين لبغداد

┗━•❃°•°❀°•°❃•━┛

╔══ஓ๑♡๑ஓ══╗
الكاتبه: رقيه
الروايه: مرج البحرين يلتقيان
╚══ஓ๑♡๑ஓ══╝

════ ⋆★⋆ ════
الحمدلله"3"
استغفرالله"3"
لا اله الا الله"3"
الشكر لله"3"
اللهم صل على محمد و ال محمد"3"
════ ⋆★⋆ ════