رواية مرومة وجو بقلم مارينا صمويل | كاملة

حصريا كنت قاعدة في كافيه بقرأ كتاب وبدندن مع عبدالحليم ،مرة واحدة لقيت حد قعد وبيكمل الأغنية... -يارميني بسحر عيناك الاتنين ما تقولي واخدني ورايح فين =أفندم؟!!! -أزيك يا مريومه عاملة ايه ؟ =مريومه؟مين أنت أصلاً ؟! -أنا يوسف =واحشني يا چو محدش بيشوفك ليه يا جدع. -ايه ده أنتِ تعرفيني؟! =طب كويس إنك عارف إني معرفكش،داخل ليه بقى بكل العشم ده؟ لأ وكمان بتقولي مريومه ،دنيا غريبة يا جدع. (يوسف بيضحك) -أنا بلا فخر العريس المرفوض من حضرتك مرتين تلاته كده. =آه ...وبعدين؟! -أنا عايز أعرف بترفض ليه من غير ما تقابليني حتي!!! =بُص يا أستاذ يوسف أنا معرفكش ومش مهتمة بصراحة ،كل الفكرة إني مُعقدة ،ومبحبش الناس أوي عامةً،مليش فيهم يعني،بس وعندي شوية ترومات كده، متشغلش بالك أنت، وأكيد قالولك لما سألت عني. -أيوا قالولي =ايه اللي ايوا ...أنت قصدك إني مُعقدة؟ -يا مريم أنتِ اللي بتقولي الله =أنا أقول أنت لأ -ماشي =ماشي ايه...أتفضل خلاص مش عرفت...