تحميل رواية «مريضة التوحد والدكتور المغرور» PDF

رواية مريضة التوحد والدكتور المغرور الفصل الاول

ناديه اللي عندها 45 سنه واقفه معاه جوزها في الصاله وبتقول ليه

ناديه

يعني ايه عايز تطلقني ازاي عايز تسيبني ب3 عيال لوحدي حرام عليك هما مش عيالك زي ما هما عيالي

احمد

ايوه عيالي بس خلاص اعصابي بقت تعباني ومش بقيت قادر أن اكمل حياتي طول ما بنتك امنيه هنا في البيت صويت وزعيق وانا لو فضلت كده هموتها

وبعدها سكت شويه وقال

احمد

انا عندي حل علشان افضل في البيت ومش اطلقك نوديها ملجأ اي مكان

ناديه

حرام عليك دي بنتك ازاي عايز تعمل فيها كده انا مش خايف اي حاجه تحصل ليها

احمد

لا مش خايف وده اخرج كلام عندي شوفي عايزه تعملي اي وانا معاكي فيه

وبعدها سابها ومشي وناديه اقعدت في الارض عامله تعيط وبعدين قالت

نادية

يا رب أعمل إيه دلوقتي أنا بقيت لوحدي ومش عارفة أتصرف ولا أنقذ بيتي ولا أحمي بنتي من الدنيا ومن نفسها

وبعدها سمعت صوت البنات عامله تعيط ودخلت جري وشافت امنيه ماسكه السكينه وبتقول لاختها هايدي

أمنية

أنا هعورك مين قالك تاكلي الشيكولاتة بتاعتي أنا قولت محدش يلمس حاجتي وأنا مش هسيبك بعد اللي عملتيه

هايدي

الحقني يا ماما ارجوكي

والله يا ماما أنا ماكنتش أعرف إنها بتاعتها وأنا أخدت واحدة بس ومش هعمل كده تاني أرجوكي خليها تبعد عني

نادية

حرام عليكي أنا تعبت ومبقتش قادرة أستحمل أكتر من كده كل يوم مشاكل وخوف بسببك وأنا خلاص مبقتش عارفة أعيش حياتي بالشكل ده

امنيه

عيالك اللي بيعملوا معايا كده خليهم ملهمش دعوه بيا

ناديه

اعمل اي علشان تبطلي اللي بتعملي ده انا زهقت ومش بقيت عايزكي في حياتي انا لازم احبسك

أمنية

خلاص يا ماما سيبيني وأنا آسفة خليها تاكل الشيكولاتة كلها أنا مش عايزاها بس أرجوكي متزعقيش فيا ومتحبسنيش أنا بخاف أكون لوحدي

وبعدها اخدتها وحبستها وفضلت قاعده قدام الاوضه عامله تعيط وقالت

نادية

أنا مبقتش عارفة أعمل إيه معاكي ولا إزاي أساعدك وكل اللي حواليا سابوني لوحدي في أصعب وقت

أمنية

أنا بحبك يا ماما ومش قصدي أزعلك والله أنا بس بزعل لما حد ياخد حاجتي من غير ما يقولي

وفي شقة أميرة الباب خبط وراحت فتحت وكان احمد وبعدين اميره حبيبته اول لما شافته قالت

أميرة

أنا ماكنتش متخيلة إنك هتنفذ كلامك وتسيب بيتك وتيجي عندي بجد أنت متعرفش أنا كنت مستنياك قد إيه واتصلت بالمأذون علشان نبدأ حياتنا الجديدة

أحمد

أنا مش قادر دلوقتي أتكلم في أي حاجة يا أميرة لأن دماغي مليانة مشاكل وضغوط وعايز يومين بس أرتب أفكاري وبعدها هنشوف هنعمل إيه

أميرة

هو أنا هفضل أستنى وأتحايل عليك علشان نتجوز ولو مش عايز تكمل معايا قولها بصراحة لأن أنا تعبت من الانتظار

أحمد

أنا محتاج وقت لأن حياتي كلها اتقلبت ومش قادر أخد أي قرار دلوقتي

أميرة

يبقى اسمعني كويس لأن أنا مش هقدر أفضل ساكتة أكتر من كده وبالنسبة للحمل اللي في بطني أنا كنت عند الدكتور النهاردة وقال لي إني حامل في ولد ولازم تعرف هتعمل إيه لأن أنا مش هربي ابني لوحدي

أحمد

إنتي بتقولي إيه حامل في ولد ب وفي الوقت ده أنا حاسس إن الدنيا كلها بتقع فوق دماغي ومش عارف أتصرف في أي حاجة بتحصل حواليا

اميره

ايوه هو انا مش ناويه اشيل مسؤوليته لوحدي ولو كده انا هنزله

احمد

اي الكلام الفارغ اللي بتقولي عليه ده ازاي يعني عايزه تنزلي انتي عارفه ومتاكده كويس اوي ان كان نفسي اخلف واد والله

اميره بعياط

ما هو انا عارفه الكلام ده بس انا غلطانه ان انا سلمتك نفسي قبل الجواز لو عايز فعلا ان انا اكمل حمل ده هتنزل تجيبي الماذون ومش هتتدخل في اي حاجه انا هعملها

احمد

مش فاهم كلامك يعني قصدك ايه يا اميره بالكلام ده

اميره

بعدين هتفهم كل حاجه يا حبيبي كل اللي انا عايزه

انك تكون فرحان بالمولود الجديد بس

وبعدها فعلا احمد نزل جاب الماذون وتاني يوم راحت اميره بيت ناديه اللي كانت قاعده في الارض عامله تعيط وبعدها الباب خبط وفتحت وكانت اميره

نادية

اتفضلي يا أميرة ادخلي

وبعدها اميره ودخلت شافت منظر الشقه وبعدين قالت

اميره

اي يا بنتي منظر الشقه عامل ليه كده

ناديه

قاعدة من الصبح مش قادرة أتحرك من مكاني ولا عندي نفس أعمل أي حاجة بعد اللي حصل في حياتي

أميرة

يا خبر يا بنتي أنا أول ما شفتك بالشكل ده اتخضيت عليكي هو إنتي مش جاهزة علشان تروحي الشغل ولا إيه

نادية

أنا مش قادرة أعمل أي حاجة في حياتي بجد حياتي كلها اتدمرت وأحمد خلاص سابني ومش عارفة أتصرف إزاي ولا أواجه اللي جاي ومليش أي مزاج أروح الشغل أو أشوف حد الله يخليكي

حاولي إنتي تروحي الشغل وتظبطي الدنيا ارجوكي

أميرة

بصراحة أنا كمان مش هينفع أروح الشغل علشان أنا جاية أطلب منك تعمليلي إجازة لأن جوزي مش عايزني أخرج من البيت طول ما أنا حامل

نادية

حامل إزاي يا بنتي هو انتي اتجوزتي وإحنا ما عرفناش أي حاجة عن جوازك

أميرة

أيوة اتجوزت وأنا حامل في ولد وجوزي كان نفسه من زمان يخلف ولد وكان فرحان جدا بالخبر ده

نادية

أنا مش فاهمة إيه موضوع الولد اللي كل الرجالة بقت متمسكة بيه بالشكل ده بس يا بنتي ليه ما عرفتيناش إنك اتجوزتي

أميرة

جوزي كان رافض يعرف حد لأنه كان خايف على مشاعر مراته لكن دلوقتي هو سابها ومبقاش فارق معاه أي حاجة

نادية

بجد يا أميرة إزاي هان عليكي تاخدي راجل من مراته وتبني سعادتك على حساب خراب بيت واحدة تانية

أميرة

معلش بقى أصل أحمد ما كانش مبسوط معاكي وشاف سعادته معايا وحب يعيش الحياة اللي كان نفسه فيها من زمان

نادية

أحمد مين اللي إنت بتتكلمي عنه أنا مش فاهمة منك حاجة ولا مستوعبة اللي بتقوليه ده

أميرة

إيه ده هو إنت لسه ما عرفتيش إن أنا اتجوزت أحمد جوزك لأنه ما كانش مرتاح في حياته معاكي ومش كفاية إن كل خلفتك بنات كمان مخلفه بنت تعبانه وهو زهق من مسؤولية بنتكم اللي محتاجة رعاية خاصة

نادية

إنت بتقولي إيه مستحيل أحمد يعمل فيا كده بعد العمر ده كله ويخون العشرة بالطريقة دي

أميرة

دي الحقيقة سواء عجبك الكلام أو لا وأنا دلوقتي مراته وحامل في ابنه اللي كان بيحلم بيه طول عمره

نادية

خربتي بيتي الله يخرب بيتك كان يوم أسود يوم ما دخلتك بيتي وعرفتك على حياتي وثقت فيكي وعاملتك زي أختي

أميرة

نزلي إيدك من عليا أنا حامل ولو جرالي أي حاجة إنت اللي هتتحملي مسؤوليتها كلها

نادية

إنت أخدتي جوزي ودمرتي حياتي وجاية تقوليلي الكلام ده بكل برود وكأنك ما عملتيش حاجة

أميرة

أنا جيت بس علشان أقولك الحقيقة بنفسي وأفرحك بالخبر قبل ما تسمعيه من أي حد تاني

وبعدها خرجت أميرة من البيت وسابت نادية واقفة مكانها وهي مش قادرة تستوعب الصدمة وانهارت على الأرض وهي تبكي بحرقة

نادية

يا رب أنا أعمل إيه دلوقتي وإزاي هكمل حياتي بعد ما خسرت جوزي وبيتي وكل حاجة كنت معتمدة عليها

فلاش باك

كان جرس الباب بيرن و أحمد فتح الباب الأول بص للبنت الواقفة قدامه باستغراب

أحمد

خير يا مدام حضرتك عايزة مين

أميرة

هي دي شقة نادية

في اللحظة دي خرجت نادية من المطبخ وأول ما شافت أميرة قالت بفرحه

نادية

إيه ده أميرة معقول انتي تعالي بسرعة وحشتيني قوي فينك كل الفترة دي أنا ما كنتش عارفة عنك أي حاجة

اميره

انا اسفه والله ان انا جايه من غير ميعاد كده

وبعدها ناديه شافت الضرب اللي في وشها وقالت ليها بيضربني

نادية

يا نهار أبيض إيه اللي في وشك ده انتي حد ضربك ولا إيه

أميرة

أبويا الله يسامحه جوزني واحد أكبر مني بعشر سنين وكان كل يوم يضربني ويهيني وأنا أخيرا قدرت أخلص منه بس اضطريت أمضي تنازل عن القايمة وعن كل حقوقي ومش عارفة أعمل إيه دلوقتي وخايفة أرجع لأبويا بعد اللي عملته

نادية

أنا مش فاهمة إزاي أبوكي عمل فيكي كده وهو كل اللي بيفكر فيه الفلوس وبس بس متخافيش يا حبيبتي إنت دلوقتي مش لوحدك وأنا جنبك

أميرة

إنتي عارفة إني ما كملتش تعليمي بسبب أبويا ومش عارفة أشتغل ولا أعتمد على نفسي ومش لاقية مكان أروحله

نادية

متشغليش بالك بأي حاجة أنا هساعدك وهجيبلك شغل معايا في الشركة وكمان هندورلك على شقة تقدري تعيشي فيها وتبدأي حياتك من جديد

أميرة

طول عمرك جدعة وواقفة جنبي وأنا ما غلطتش لما فكرت أجي لك وربنا يخليكي ليا يا أحسن إنسانة في الدنيا

ناديه

عيب يا بنتي الكلام اللي بتقوليه ده احنا اخوات ومن بكره باذن الله هكلم مديري في شغل واعرفه ان انت عايزه تنزلي الشركه

و نادية نزلت أميرة معاها الشركة وعرفتها على الناس وساعدتها تشتغل وبعدها أجرت لها شقة وفضلت تدفع إيجارها لحد ما بدأت أميرة تقبض مرتبها

وفي يوم كان أحمد قاعد في الصالة وعامل يبص ل ناديه وبعدين فال

أحمد

بجد أنا زهقت من الموضوع ده لأن اللي بتعمليه مع أميرة زيادة عن اللزوم ولو كانت أختك ما كنتيش هتعملي معاها كل ده وتشيلي مسؤوليتها بالشكل ده

نادية

أميرة أكتر من أخت بالنسبة ليا وأنا بحبها جدا وبعدين إحنا بنعمل خير علشان ربنا يقف جنبنا ويحفظ بناتنا من أي سوء

أحمد

وبمناسبة بناتنا إنتي مش ناوية تروحي للدكتور وتشوفي موضوع الحمل مرة تانية يمكن المرة دي ربنا يرزقنا بولد

نادية

يا أحمد بجد أنا زهقت من الكلام ده وربنا كرمني بثلاث بنات ومش ناوية أفكر في الحمل تاني

أحمد

بس أنا نفسي في ولد يكون سند لأخواته البنات ويحمل اسمي بعدي

نادية

ارضى بنصيبك يا أحمد وشيل الفكرة دي من دماغك لأن أنا مش هغير رأيي ومش هفكر في الموضوع ده تاني

أحمد

إنت مش حاسة باللي جوايا ولا فاهمة أنا نفسي في إيه

نادية

وأنا نفسي تعيش راضي باللي ربنا قسمهولك لأن البنات نعمة كبيرة ومش أقل من الولد في أي حاجة

ومن يومها نادية قفلت نهائيا موضوع الحمل وكانت كل حياتها واهتمامها لبناتها وخاصة أمنية اللي كانت محتاجة منها اهتمام ورعاية أكبر

باك

وبعدها قامت من مكانها وراحت الشغل وكانت هدي زملتها واقفه

هدي

ايه يا بنتي فينك ولا انت ولا اميره جيت النهارده ده انا عمال اتصل بيكي من بدري عشان في اجتماع مهم ولازم تكونوا موجودين

ناديه

اللي اسمها اميره دي هتتفصل من الشركه انا براجع الورق بتاعها طلع معهاش مؤهل ما ينفعش ان هي تكون موجوده معانا في الشركه

هدي

هو انتي بتهزري ولا بتتكلمي بجد يا ناديه ما انت عارفه الكلام ده من الاول ووافقتي انها تشتغل هو ايه اللي حصل

ناديه

بس شغل دلوقتي ما ينفعش ان هي تكون موجوده معانا بقولك اي انا مش عايزه اتكلم في الحوار ده خالص ارجوكي

هدي

هو انتي كويسه انا حاسه ان فيكي حاجه طمنيني عليكي يا بنتي

ناديه

اه يا حبيبتي كويسه بس بقى لي فتره مش بعرف انام كويس فتلاقيني كده مش مظبطه يعني

هدي

طب انا كنت عايزه اتكلم معاكي في حاجه وخايفه بصراحه انا النهارده لازم امشي بدري ساعتين وبكره مش هينفع اجي اخويا رجع من امريكا ولازم اكون معاه

ناديه

هو انتي اكيد بتهزري يا هدى يعني انا لسه بقول لك ما فيش حد في الشغل هيكون موجود وانت بتقولي عايزه اجازه لا طبعا ما فيش الكلام اللي انت بتقولي عليه ده

هدي

انا طول عمري عارفه انك جدع ينادي وهتقدري تشيلي الشغل مكاني بس بالله عليك مش هينفع ان انا اسيبه ده انا بقالي اكتر من اربع سنين ما شفتوش

ناديه

على العموم يا ستي ما فيش مشكله اشيل الشغل مكانك صحيح هو اخوك ده انت قلتي ان هو دكتور بس لحد دلوقتي معرفش هو دكتور اي

هدي

دكتور امراض نفسيه يا ستي وعصبيه وناوي يفتح عياده هنا وناوي بقى يصحيني معاه وانا مش عارفه اتصرف ازاي

ناديه

مش فاهمه كلامك هو ناوي يرجع من غير مراته يعني ولا ايه

هدي

مازن اخويا مش متجوز اصلا يا ناديه حابب حيات العزوبيه جدا

ناديه

اللي انا اعرفه ان اخوك ده اكبر منك على العموم لو عايزه شقه تاجريها انا ما عنديش مشكله بس الشعر بالظبط وهكون عندك

هدي

طول عمري بقول عليك جدع يا ناديه والله مش عارفه اشكرك ازاي على اللي انتي بتعمليه معايا ده

وبعدها سابتها ودخلت جوه وفي الوقت ده كانت اميره في شقتها والباب خبط وفتحت وكان منعم صاحب العماره

منعم

هو ايه ده مدام اميره انتي لسه ما فضتيش الشقه لحد دلوقتي ولا ايه المفروض المشتري الجديد هيجي يشوفها بكره

اميره

ايه الكلام الفارغ اللي انت بتقول عليه ده هو انت مين قال لك اصلا ان انا هسيب العماره انت مش ايجارك بيجي لك في ميعاده

منعم

ايوه يا ستي ايجاري في ميعاده بس الست اللي ماجره الشقه كلمتني النهارده وقالت لي ان هي خلاص ما بقتش عايزاها

اميره

ايه الكلام العبيط اللي انت بتقول عليه ده وست مين اللي انت بتتكلم عنها

منعم

اللهم طولك يا روحي المدام اللي كانت على طول بتجيلك هنا مدام ناديه صاحبه الشقه هو انت ناسيه ان العقد باسمها

رواية مريضة التوحد والدكتور المغرور الفصل الثاني

اميره

ناديه اللى قالتلك تعمل كدا طب ايه رأيك تقولها انك خليتني امشي من هنا وانا هحليلك بوقك

منعم

بقولك ايه انا لحم كتافي من خير مدام ناديه اخلصي لمى حاجتك واطلعى من هنا

احمد طلع على الصوت وبص على اميره اللى واقفه مع منعم وقال

احمد

فى ايه يا منعم انت واقف على الباب زى القضا المستعجل كدا ليه هو انت مش واخد ايجارك

منعم

ايجار ايه يا أستاذ أحمد يلا انت والمدام من غير مطرود

الشقة دي باسم مدام نادية وورقها عندي وانا واخد تعليمات انكو تطلعو من هنا

أحمد

تعليمات ايه يا عم منعم انت اتجننت دي مراتي وام ابني اللي في بطنها وبعدين نادية كانت ماجره لينا الشقه بس انما ملهاش حاجه هنا

منعم

وانا قولت اللي عندي يلا كله من غير مطرود

أميرة

يعني ايه يا منعم الكلام ده انا دافعة ايجار شهرين مقدم وتقوم تطردنا بالطريقه دى كده

منعم

ايجار ايه يا مدام الست نادية كلمتني قالتلي مش عايزة حد فى الشقة خلاص وانتي ملكيش صفة تقعدي فيها

ولو مخرجتوش هطلبلكم البوليس دلوقتي

أميرة

بوليس ايه يا منعم انت بتخوفنا انا حامل وفي شهور تعب حرام عليك تبهدلني في الشارع

منعم

اتبهدلي ولا متتبهدليش مش شغلتي انا بنفذ كلام صاحبة الشقة وبس يلا عشان انزل اقفل البوابة وراكم

أحمد

ننزل نروح فين يا منعم الساعة داخلة على اتناشر بالليل

وهي تعبانة ومش قادرة تقف

منعم

تروحوا عند امك عند اختك ماليش دعوة

تروحو عند الجن الازرق المهم الشقة دي تتقفل دلوقتي وانا هنزل استناكم تحت خمس دقايق

وبعدها سابهم ونزل واميره دخلت واقعدت وقالت

أميرة

خمس دقايق ايه انا مش قادرة اتحرك وبعدين انت وعدتني يا احمد اننا هنعيش هنا دلوقتي هترميني في الشارع يعني

أحمد

هرميكي فين يا اميرة اهدي انا مصدوم زيك بالظبط والله مكنتش اعرف ان نادية لسه سايبة الشقة باسمها

أميرة

مكنتش تعرف ايه انت طول عمرك اهبل اديها لبستك العمة وطلعتك انت الخسران وانا اللي صدقتك وسيبت اهلي عشانك

أحمد

اهبل ايه يا اميرة لمي لسانك انا سايب بيتي وعيالي عشانك وفي الاخر بتقولي عليا اهبل

أميرة

ايوه اهبل عشان مفكرتش صح قلتلك نكتب الشقة باسمي وانت قلت لا دلوقتي هنبات فين انا والواد اللي في بطني

أحمد

الواد اللي في بطنك ابني وانا مش هسيبه هنروح نقعد عند امي اليومين دول لحد ما اشوف هتصرف ازاي واجيب شقة

أميرة

عند امك فين إن شاء الله عايزني اروح اتذل عندها وانا حامل انت مش حاسس بيا ولا باللي انا فيه

أحمد

اتذل ايه يا اميرة دي امي في الاول والاخر وبعدين انتي اللي استعجلتي وقولتي نتجوز انا قلتلك نستنى شوية وانتي صممتي

أميرة

صممت عشان كنت بحبك يا احمد وكنت فاكرة انك راجل وهتشيلني بس طلعت زيك زي غيرك كلام وبس

أحمد

كلام ايه انا سايب مراتي وتلات بنات عشانك وعشان الواد اللي جاي وبعد ده كله تقولي عليا كلام وبس

أميرة

سايب مراتك عشان نفسك مش عشاني عشان زهقت من بنتك المريضة وعشان كان نفسك في ولد وخلاص

أحمد

مريضة مش مريضة دي بنتي وانا غلطت لما مشيت ورا كلامك نادية كانت مستحملاني وانا اللي بعتها

أميرة

بعتها عشان انا احلى منها واصغر دلوقتي لما اتزنقت جاي تفتكرها طب روحلها خليها ترجعك بيتك

أحمد

ارجعلها ايه بعد ما خربت بيتي بايدي خلاص يا اميرة الكلام ملوش لازمة لمي حاجتك عشان ننزل قبل ما منعم يطلع تاني

فى المكتب عند ناديه كانت اميره بتتكلم بس ناديه مش سمعاها

ناديه

بتقولى حاجه يا هدى معلش مخدتش بالى كنتى عاوزه ايه

هدى

يا نادية انتي بقالك ساعة سرحانة في المكتب فيكي ايه يا بنتي قلقتيني عليكي وامنية عاملة ايه دلوقتي طمنيني

نادية

امنية هتجنني يا هدى خلاص امبارح قفلت على نفسها الاوضة 4 ساعات وانا واقفة ورا الباب بعيط ومش عارفة ادخلها ورفعت السكينه على أختها عشان كلت حتة شوكولاته

هدى

ينهار ابيض سكينة ايه يا نادية انتي سكتي ليه

البنت كده محتاجة دكتور حالاً مش بكرة اخويا مازن لسه راجع من امريكا وهيفيدها

نادية

مازن اخوكي ده بتاع نفسية مش كده انا وديتها لناس كتير وقالوا توحد وخلاص ويدوني مهدئات والبت بتنطفى قدامي

هدى

يا بنتي مازن مش زيهم والله العظيم ده متخصص توحد اطفال واخدها من بره وبيعرف يدخل قلب العيال دي بطريقته دا معاه دكتوراه في التوحد

نادية

طريقته ايه بس يا هدى انا تعبت تجارب كل مرة اقول يمكن ده المختلف واطلع غلطانة وبنتي هي اللي بتدفع التمن في الاخر

هدى

طب اديله فرصة واحدة يا نادية هو اصلا بيعمل اول جلسة تعارف مجاناً عشان يشوف الحالة ويشوف هيرتاحوله ولا لا

نادية

تعارف ايه انا مش عايزة عيادة وكراسي

لو هقابله يبقى مقابلة مختلفة خالص عايزة اشوفه هيتعامل ازاي مع بنتي بجد

هدى

مختلفة ازاي يعني مش فاهمة قصدك هو دكتور يا نادية مش ساحر هيقابلك في العيادة زي كل الناس

نادية

لا مش زي كل الناس انا عندي شرط

عايزة اقابله في البيت في اوضة امنية عايزة اشوف رد فعله لما يدخل عالمها

هدى

في البيت مرة واحدة كده يا نادية طب هو بيوافق على الزيارات دي عادي بس لازم يكون في سبب قوي يعني

نادية

السبب ان بنتى بتضيع منى عاوزه اختبره قبل ما اسلمه بنتي عايزة اشوف هيخاف من صوتها ولا هيحتويها

عايزة اشوفه راجل ولا دكتور شهادات وبس

هدى

راجل ايه يا نادية ده دكتور بس فكرتك جامدة وعجبتني بصراحة هو اصلا بيحب يشوف البيئة بتاعة الطفل

نادية

طيب حلو يبقى اتفقنا على المقابلة

بس الشقة اللي هنتقابل فيها فاضية دلوقتي أصل أنا مشيت الناس اللى كانو فيها ونضفتها من الزباله

هدى

سابوها بجد يعني فاضية دلوقتي طب ما تأجريها لمازن اخويا احسن هو بيدور على شقة قريبة من العيادة

نادية

أجرها لاخوكي ازاي يا هدى دي شقة كلها وجع وذكريات سودا انا قفلاها ومش طايقة مفتاحها

هدى

يا ستي اعتبريها وش جديد ورزق جديد وبدل ما هي مقفولة مازن هيعمرها وهيدفعلك ايجار كويس والله

نادية

ايجار ايه انا مش عايزة فلوس دلوقتي انا عايزة المقابلة دي تتم صح لو وافق يجي البيت يبقى هو ده اللي بدور عليه

هدى

هيوافق يا نادية متقلقيش انا عارفاه هو بيحب التحدي وبيحب الحالات الصعبة هكلمه دلوقتي واقوله على فكرتك

نادية

استنى بس الراجل لسه جاى من السفر هروح اقرفه مره واحده مش لما يشم نفسه الاول

هدى

طب ايه رأيك انتى اللى تيجي تسليمه مفتاح الشقه وانا هحاول افتح موضوع امنيه والكلام هيجيب بعضه

نادية

مش عاوزه افرض عليه امنيه بنتى ولا عوزاه يفتكر انى عشان أجرته الشقه يبقي ملزم يقبل البنت انا عاوزه دكتور بقلب اب مش دكتور على الورق

هدى

قلب اي ايه يا نادية ده اعزب اصلا بس والله العظيم قلبه ابيض وهيحب امنية انا واثقة انه هيفرق مع امنيه ها هنتقابل امتى عشان تفتحي الشقه

ناديه

بكرا الساعه 8 بالليل هقابلك انا مش هاخد ايجار يا هدى كفايه عندى أنه يساعد امنيه دى تشيل دى

هدى

طب ايه رأيك تجيبي امنيه معاكى وهو أكيد أول ما يشوفها هيعمل رد فعل وانتى لاحظى عشان تطمنى

ناديه

ماشي فكره حلوه انا هجيب امنيه واقابلك بكرا الساعه 8 إن شاء الله عارفه العنوان ولا ابعتلك حد يجيبك

هدى

على فكره انا عارفه ان الشقه كانت اميره ساكنه فيها وانتى قولتى انك مشيتي السكان إلى فيها انا هحترم انك مش حابه تتكلمى بس وقت ما تعوزى تتكلمى انا موجوده وافتكرى أن انا هدى مش اميره ومش تقلقي عارفه مكان الشقه وسابتها ومشيت

ناديه

عاوزانى أقولك ايه بس اقولك أن اميره عضت الايد اللى اتمدت ليها وخانت العيش والملح وفضلت ورا جوزى لحد ما وقعته وخربت بيتي يلا منها لله انا هقوم أروح بقا اشوف امنيه واطمن على العيال

عند أحمد خد اميره ووصل بيت أمه اللى أول ما شافت اميره قالت

اعتماد

أخيرا مراتك اللى خلفتها معاقين رضيت وجابتلى خدامه تخدمنى بقالى فترة بقولك العضمه كبرت عاوزه حد يخدمني وانت لوح مش عارف تسيطر على مراتك يا أبو رياله

احمد

ماما دا استقبالك ليا هو انا بايت فى حضنك وبعدين دى مش خدامه

إعتماد

ولما هى مش خدامه جايبها عندى تعمل ايه ليكونش ياض حراميه وانت مش واخد بالك

اميره

ولا خدامه ولا حراميه انا مراته وحطت ايديها على بطنها وام إبنه اللى جاى فى السكه أن شاء الله ليكي شوق فى حاجه يا حماتى انا عاوزه ارتاح بقا أصل بعيد عنك الواد بيرفص جوا ومبهدلنى

اعتماد

مرات مين وبصت على أحمد انت اتجوزت على مراتك اللى انت بتصرف من خيرها بكرا تندم وتحط طين على راسك وساعتها متجيش تعيط خشي يا عروسه خشي قدمك قدم نحس

احمد كان هيرد بس موبايله رن وكان منعم

احمد

في حاجه تانيه يا منعم ايه عاوز الهدوم اللى عليا بالمره ىبتتصل ليه خير

منعم

الو يااحمد ازيك يا بيه معلش بتصل فى وقت مش مناسب بس في كلام مهم لازم اقولهولك حالاً

أحمد

كلام ايه يا منعم انا دماغي مصدعة ومش ناقصك

قول عايز ايه وخلصني بسرعة

منعم

الونش جه يا بيه وخد العربية من قدام البيت ولما سألته قالى مدام ناديه اللى طلبت منه وطلعلى ورق يثبت أن العربية اصلاً باسم مدام نادية من يوم ما اشتريتوها

أحمد

باسمها ازاي يعني انا اللي كنت راكبها دي كانت معايا بقالها سنتين يا منعم نادية دي اتجننت ولا ايه اللي حصلها

أحمد

انا كنت عارف انها بتحبني وهتسيبلي كل حاجة

مكنتش عامل حساب اليوم ده يجي

أقفل يا منعم أما اشوف المصيبه اللى وقعت على دماغي دى

منعم

الا هو انت كنت سايب العربيه ليه مش خلاص كنت مشيت من غير ما تاخدها

أحمد

غور من وشي وقفل الموبايل وشد شعره بغيظ وقال ايه انا كنت بستغلها كنت عارف انها هبلة وبتحبني وعمري ما تخيلت انها هتعمل كده فيا هو اللى كنت بعمله اتقلب مره واحده كدا ليه

اميره

كان لازم العجله تنام وتنسيب العجله هناك

احمد

مش وقته بقي الكلام ده كانت خساره كبيره أن سببتها

اعتماد

كنت مستنى تنيمك ننه يا موكوس يبن الموكوسه اهى ادتك زومبا طيرتك للمريخ لا مبروك يا عروسه قدمك قدم نحس

احمد

ما خلاص يا ماما انتى عماله تندبي كدا ليه دى واحده بياعه ما صدقت

اعتماد

ما انت اللي سيبتها الاول ياحلوف وجريت ورا السنيوره دلوقتي بتقول كانت مراتي وام عيالي اهى السنيورة اللى واقفه تتدلع دى سبب الخراب كله

أميرة

خربت ايه يا احمد ما تلم نفسك انت وامك صوتك جايب اخر الشارع من بدري هو دا إلى هتعيشني فى دلع

أحمد

دلع ايه بقا ما خلاص بقينا شحاتين يا هانم ناديةسحبت العربية وقفلت البنك وسابتنا بنشحت انا وانتي واللي في بطنك

أميرة

نادية مين اللي تسحب وتقفل مش انت قلتلي كل حاجة بتاعتك وقلتلي هي متقدرش تعمل حاجة خالص

أحمد

بتاعتي ايه يا غبية افهمي بقى انا طول عمري باخد منها عشان كنت ضامن انها بتحبني لكن كل حاجه بتاعتها هي

أميرة

بتاخد منها يعنى انت مش حيلتك حاجه طب واللى فى بطنى دا هينزل يسرح فى الإشارة يبيع مناديل

أحمد

فيها ايه يعني ما كل الرجالة بتعمل كده دلوقتي

مكنتش اعرف انها هتفوق وتربيني مكنتش اعرف أنها ذكيه كدا

أميرة

تربيك وتستاهل اكتر من كده كمان يعني انت استغليت ظروفي وغلطت معايا وحملت منك وفي الاخر تطلع مفلس وممعكش جنيه

أحمد

مفلس بسببك انتي يا وش الفقر زنّيتي على وداني لحد ما طلقتها واديكي قاعدة في اوضة عند امي

أميرة

امك اللى بتقول عليا من أول دقيقه خدامه وخرابة بيوت انت هتسيبني كدا مش خايف على اللى فى بطنى دا ابنك

أحمد

خرابة بيوت فعلاً عندها حق امي ما انتي اللي خربتي بيتي بايدك ولبستيني في حيطة سد يا اميرة

أميرة

لبستك ايه ما انت اللي جريت ورايا وقلتلي بحبك وعايز اتجوزك واخلف ولد دلوقتي لما فلست جاي ترمي بلاك عليا

احمد

أمشي من قدامى دلوقتي مش قولتى انك تعبانه وعاوزه ترتاحى تعالى ادخلك اوضتي وسيبيني اشوف حل للمصيبه دى أنا مش ناقص وجع دماغ وخدها ودخلها اوضته

تانى يوم اميره صحيت بدرى وطلعت من الاوضه على طراطيف صوابعها ودخلت الأوضه إلى جنب اوضتها ولقت حد شدها

محمود

مش عيب تدخلى اوضة اخو جوزك ولا ايه انتى عاوزه تعملى مشاكل وخلاص

اميره مسكت ايد محمود وحطتها على بطنها وقالت

اميره

اخو جوزى بس ايه انت ناسي أن دا ابنك يا محمود ولا هتتبري منه

محمود

يووه مش هنخلص من ام الاسطوانة السودا دى ما انا قولتلك اللى فيها

رواية مريضة التوحد والدكتور المغرور الفصل الثالث

اميره

هو ايه قولت اللى فيها ما انت غلطت زى ما انا غلطت انت كنت بتضحك عليا لما قولت أنك بتحبني يا محمود

محمود

يبنتى انتى ليه مش فاهمة انى مش قد المسؤولية اومال انا زقيتك ليه فى سكة احمد اخويا وبيفتكر اتفاقهم مع بعض

فلااااش بااااك

محمود واقف معاه اميره

محمود

حمل ايه اللى حملتيه انتى بتتكلمى بجد حملتى امتى وازاى

اميره

هو ايه اللى حملت امتى وازاى هو انت مش جوزى ولا انا جبت فلاشه وحملته من عليها

محمود

بس انا مش جاهز انتى ازاى مخدتيش احتياطك انا مش اتفقت على خلفه انا مش عارف اصرف على نفسي أصلا

اميره

لا يا حبيبي دا انا أروح فيك فى داهيه انت لو فاكرنى قطه مغمضه تبقي غلطان انا حامل عارف يعني ايه حامل ومحدش قرب منى قبلك

محمود

طب بصي ناديه مرات أخويا تبقي صاحبتك ربنا مديها من وسع ومعيشه اخويا فى نعيم

اميره

أيوه والمطلوب ايه من المقدمه دى كلها مش فاهمه اروح اسرقها ولا أعمل ايه

محمود

انتى هتسرقيها فعلا بس هتسرقي احمد جوزها وبطريقتك بقا تقنعيه أن اللى فى بطنك دا ابنه هو هيموت على الولد أصلا

اميره

انت طلعت ندل للدرجه دى اومال ايه كل الوعود اللى وعدتهالى دى

محمود

يا بيبي وعود ايه بس مفيش بنزين نحرك العربيه ومش قدامنا غير الحل دا أهو تبقي معايا واخويا ينفذ كل طلباتك انا موجود للدلع بس

اميره

طلعت شرير خالص يا محمود للدرجه دى بتحب اخوك

محمود

انا مبحبش غيرك يا جميل ما تيجي نتكلم جوا أحسن ضهرى قافش عليا

بااااك

اميره

كل اللى انت خططتله طلع فى البلوشي كل حاجه بإسم ناديه هانم ونازله سحب لحد ما خلتنا على الحديده

محمود

طب اطلعى برا عشان لو حد شافك هنا الحديده دى هناخد بيها على راسي انا وانتى

اميره

مش هطلع يا محمود وأعلى ما فى خيلك اركبه انت أبو ابني اللى فى بطنى وانا مش هنزله يا محمود

محمود

يا بنت الناس مش وقت عند انتى عاوزه ايه دلوقتي اديكي شايفه قاعد زى المطلقين فى البيت لا لاقي شغل ولا يحزنون هصرف عليه ازاى بس

اميره

وانا فين حقى انت مش واخدنى حامل يا ننوس عين امك انا كنت غزال وانت جيت ونهبتها

محمود

ما تطلعي تتكلمى فى الشباك أحسن ابقي تعالى انهارده الشقه اللى اتقابلنا فيها الساعه ٨ نقعد ونتكلم براحتنا

اميره

وماله أما نتكلم ومدت ايديها فى جيبه وخدت الفلوس اللى معاه وقالت معلش اصل الواد نفسه فى كيوي وسابته ومشيت

محمود

انا ايه اللى هببته دا ملقتش غير دى دا أحمد لو عرف هيوأدنى إيه الوقعه المربربه دى أنا لازم الاقي حل للموضوع دا دى شكلها مش ناويه تجيبها لبر

عند ناديه كانت وصلت الشقه وقابلت هدى إلى قالت

هدى

يالا يا نادية ادخلي متخافيش مازن اخويا جوة مستنيكي من بدري وانا قلتله على كل حاجة عن امنية

نادية

انتى بتتكلمى ليه مش قولتلك تديني فرصه اتعامل مستعجله ليه

مازن

اتفضلي يا مدام نادية نورتينا وهدى حكتلي عن امنية بصراحة وانا متحمس اشوفها واتعرف عليها

نادية

متحمس ايه يا دكتور دي حالة صعبة البنت عصبية وبتتعصب على اتفه سبب امبارح كانت هتضرب اختها بالسكينة

مازن

سكينة مرة واحدة كده الموضوع كبير بس متقلقيش انا دارس الحالات دي كويس فين امنية دلوقتي عايز اشوفها

أمنية

انا هنا يا ماما مين ده واقف معاكي هو انتي جبتي راجل غريب البيت انا قلت محدش يدخل اوضتي خالص

نادية

اهدي يا امنية يا حبيبتي ده دكتور جاي عشان يساعدنا انا وانتي عايز يتكلم معاكي شوية بس

مازن

ازيك يا امنية انا عمو مازن اختي هدى بتحبك اوي على فكرة وجابتلك شيكولاتة معايا اهو

أمنية

شيكولاتة ايه انا مش عايزة منك حاجة اطلع بره انت وهو دي اوضتي انا محدش يقرب من لعبي فاهمين

هدى

يا امنية عيب كده يا حبيبتي عمو مازن جاي عشانك انتي مش عايز منك حاجة خالص

مازن

سيبيها براحتها يا هدى شوية انا ملاحظ انها متوترة من وجودي وده طبيعي في اول مقابلة

نادية

شايف يا دكتور ادي اللي بقولك عليه رافضة اي حد يقرب منها خالص وانا تعبت ومبقتش عارفة اتصرف

أمنية

بتقولي عليه ايه يا ماما انتي بتشتكيني للراجل الغريب ده انا مسمعتش حاجة وطلعت السكينة من وراها

هدى

يا نهار اسود سكينة ايه يا امنية انتي جبتيها منين دي يا بنتي نزليها بسرعة عشان خاطري

نادية

امنية يا بنتي حطي السكينة دي انتي وعدتيني مش هتمسكيها تاني عايزة تخضي ماما وعمو ليه كده

مازن

اهدوا انتوا الاتنين لو سمحتوا امنية ممكن تكلميني من غير سكينة انا مش خايف منك على فكرة خالص

أمنية

مش خايف ازاي وكلهم بيخافوا مني حتى ماما بتحبسني في الاوضة انت بتكدب عليا زيهم صح

مازن

لا مش بكدب يا امنية صدقيني انا عايز افهم انتي زعلانة من ايه ليه ماسكة السكينة وبتخوفينا بيها

نادية

قوليله يا امنية قوليله مالك احنا عايزين نساعدك يا حبيبتي مش عايزين نحبسك ولا نزعقلك

أمنية

زعلانة عشان محدش بيحبني اخواتي بياخدوا حاجتي من غير اذن وماما بتفضلهم عليا دايماً وبابا مش معترف بيا أصلا بيفضل يعاير ماما بيا

هدى

يا حبيبتي محدش بيفضل حد عليكي ماما بتحبك اكتر واحدة في الدنيا بس انتي بتخوفيها بالسكينة دي

مازن

طب ايه رأيك يا امنية نعمل اتفاق تسيبي السكينة دي وانا اوعدك محدش هياخد حاجتك تاني ابداً

أمنية

اتفاق ايه واوعدك ايه يعني كلهم بيوعدوني وبيكدبوا عليا انت هتطلع زيهم برضه في الاخر

نادية

لا يا امنية عمو مازن مش زيهم هو دكتور وهيعرف يساعدك بجد اديله فرصة واحدة بس يا بنتي

مازن

بصي يا امنية هقولك سر بيني وبينك انا وانا صغير كنت زيك كده بالظبط كنت بخاف وبتعصب وامسك حاجات

أمنية

كنت زيي بجد يعني مكنتش بتكدب طب وبعدين عملت ايه لما كبرت حد ضربك ولا حبسوك برضه

مازن

لا مضربونيش ولا حبسوني خالص لقيت حد فهمني وعلمني اتكلم بدل ما امسك سكينة واخوف الناس

نادية

سامعة يا امنية الدكتور بيقول ايه عايز يعلمك تتكلمي زي ما هو اتعلم مش عايزك تفضلي خايفة كده

هدى

ايوه يا امنية عمو مازن شاطر وهيخليكي اشطر بنت في الدنيا بس انتي سيبي السكينة الاول

أمنية

طب لو سيبتها هتفضل معايا مش هتمشي وتسيبني زي بابا وهتخليني احتفظ بلعبي كلها

مازن

هفضل معاكي يا امنية اوعدك ولعبك كلها بتاعتك محدش هيقربلها ها اتفقنا بقى ولا لسه خايفة

أمنية

اتفقنا بس بشرط واحد كمان ماما متزعقليش تاني ابداً وانت تعلمني ازاي مزعلش بسرعة

نادية

مش هزعقلك تاني يا نور عيني انا اسفة على كل مرة زعقتلك فيها المهم عندي انك تبقي كويسة

مازن

خلاص يبقى اتفقنا يا ست البنات هاتي السكينة بقى عشان نبدأ وصدقيني هتبقي احسن من الاول

أمنية

خد اهي السكينة مش عايزاها بس اوعى تكدب عليا يا عمو عشان انا بصدقك انت دلوقتي ووقفت قدامه انت مش بتضحك عليا صح

مازن

لا والله ما بضحك عليكي وحضنها بحب وقال أنا حبيتك اوى يا امنيه هنلعب مع بعض كتير اوى الفتره اللى جايه

امنيه

كان نفسي بابا يحضنى زيك كدا بس هو مش بيحبني

ناديه دموعها نزلت غصب عنها وقالت

ناديه

بابا قرر يبعد عننا يا حبيبتي انا معاكى انا ماما وبابا مع بعض انا اللى هبقي ليكي كل حاجه

امنيه

انتى مش هتسيبيني زى بابا وتمشي انتى مش بتكرهي امنيه يا ماما صح

ناديه

لا ياقلبي مش هسيبك وانا بحب امنيه اوى انتى نور حياتى يا قلبي

مازن

طب ايه نبطل دراما بقا تعالو ننزل نفسح امنيه شويه ايه رأيك يا امنيه

امنيه

انا بحبك اوى يا عمو انت احسن من بابا امنيه حاسه انك بتحبها

ناديه دموعها نزلت وبهمس قالت

ناديه

منك لله يا احمد انت واميره إن شاء الله ربنا يقل راحتكم زى ما عملتو فيا يمهل ولا يهمل

عند أحمد كان صحي من النوم قام لبس هدومه نزل كان هيطلع بس سمع صوت أمه بتقول

إعتماد

برضو مش هترجع ل ناديه اديك طلعت من المولد بلا حمص

احمد

هو انتى ياما بتتمزجى لما بتنكدى عليا فى الرابحه والجايه ما تسيبيني فى حالى وسابها ومشي

اعتماد

والله اخرتها يا تتحبس يا البيضه اللى بتبيض دهب حد تانى ياخدها منك

احمد

قصدك ايه يا ماما أنا مش فاهم حاجه وانتى مش بتلقحى بالكلام غير ما تكونى شايفه حاجه

اعتماد

السنيوره مراتك شيفاها الصبح وهى داخله اوضة اخوك وقعدت حبه حلوين جوا وبعدين طلعت تفتكر ليه

احمد

محمود هو هنا طب ليه مش ظهر من امبارح انا مش شوفته

اعتماد

شوف الواد أقوله طور يقول احلبوه كل واحد يخلى باله من معزته مش عاوزه

احمد

انا سيبها لك وماشي وسابها ومشي

اعتماد

هتفضل موكوس طول عمرك يا جلنف انت اتبترت على النعمه لحد ما زالت من وشك

عند مازن خد امنيه وهدى وناديه وقعدو فى كافيه على النيل

ناديه

انت جايبنا هنا عشان امنيه تصوت وتفضحنا انا أصلا مش بطلعها من البيت

هدى

حرام عليكي يا ناديه مش بتطلعيها ليه بصي كدا عليها دى زى ما يكون كانت فى سجن وخرجت

مازن

مين قال إن مريض التوحد مش إنسان تفتكرى لما تحبسيها أو تربطيها فى السرير حل يعنى بالطريقه دى هتتعالج

ناديه

انت ليه محسسنى انى ظلمتها انا بحميها من الناس عشان محدش يتكلم عنها

امنيه

بس ليه مش حميتيني من بابا هو كان اكتر واحد بيتريق عليا عشان كدا سابنا

مازن

لو فاكره أنها مش حاسه باللى بيحصل حواليها تبقي غلطانه مريض التوحد ذكى جدا على فكره

هدى

لو حابه تطلعى اللى جواكى يا ناديه يمكن ترتاحى هتفضلي شايله الهم كتير

ناديه شدت امنيه وقامت وقالت

ناديه

الوقت أتأخر عن إذنكم يلا يا امنيه وخدتها ومشيت

مازن

هى صحبتك دى منفصلة يا هدى ولا ايه

هدى

اشمعنا قولت كدا

مازن

اصلى لاحظت انها مش لابسه دبله فى ايديها وكمان كل ما امنيه تجيب سيرة والدها تعيط

هدى

وانت مركز أوى معاها كدا ليه دى معاها بنتين غير امنيه وجوزها احمد دا واحد لبش واخد بالك يا مازن

مازن

اركنى انتى ملكيش دعوه انا مش صغير وبعدين كان سؤال عابر كبرتي الموضوع ليه

هدى

عابر قولتلى طب يلا يا حبيبي عشان عندى شغل الصبح والوقت أتأخر

عند أحمد كان قاعد فى كافيه اتفاجأ ب محمود واميره حط الجورنال على وشه وقرب منهم يسمع كلامهم

اميره

وبعدين بقا يا محمود انت مش كنت قايل أن ناديه كاتبه كل حاجه بإسم اخوك دى ادتنا زومبا

محمود

نزلى إلى فى بطنك يا اميره انا مش قد المسؤولية وبعدين احمد لو عرف أنه ابنى انا مش ابنه هيروح فينا كلنا فى داهيه

اميره

انزل ايه يا محمود دا انا ما صدقت حملت منك انت عاوز تحرمنى منك ليه

محمود

بقولك ايه فكك من الجو دا اخويا قرب منك هو كمان انا مش بحب المشاركه

اميره

بس انت إلى قولتلى عشان نلبسه فى الحمل خصوصا أنه ملهوف على ولد

احمد من وراهم قال

احمد

مكنتش اعرف انك بالوساخه دى يا محمود دا انا حتى اخوك الكبير عاوز تشيلني شيله مش شيلتى

محمود

احمد انت هنا ازاى وامتى انا مليش دعوه هي اللى عملت كل دا لوحدها

اميره

اه يا كداب حتى فى الموقف دا عاوز تتهرب انت شيطان والله يا احمد متجوزنى عرفي وحملت منه

احمد

انتو أقذر اتنين شوفتهم خربتو بيتي زى الدبابير وطلع مسدس من جيبه وقال أنا كنت رايح انتقم من اعتماد بس انتو الاتنين يستحيل تعيشو

محمود

اعقل يا احمد انا غلطت اه بس مش لدرجه انك تقتلنى

اميره

ابوس ايدك يا أحمد انا حامل وعاوزه اعيش بص انت طلقنى وانا والله ما هوريك وشي بس مش تقتلنى

احمد

مصدقتش ماما لما قالتلى انك كنتي فى اوضة نوم اخويا وكان معاها حق لما قالتلى اللى عنده معزه يلمها بس انا هضحي بالمعزه مش هلمها بس وضرب عليهم نار هما الاتنين ومشي ببرود وهو سامع صويت الناس حواليه

تانى يوم عند ناديه كانت نازله الشغل اتفاجأت بيه قدامها بصت فى الساعه وباستغراب قالت

ناديه

مش بدرى اوى 8 الصبح دى انك تزور حد يا دكتور ولا ايه

مازن

بس انا مش جايلك انا جاى لأمنيه انتى بتروحى الشغل تقعدى وقت كبير اعتبرينى البيبي ستر بتاعتها

امنيه جريت أول ما سمعت صوته وحضنته وقالت

امنيه

انا بحبك اوى يا بابا عشان هتقعد معايا

ناديه

بابا مين يا حبيبتي دا دكتور مازن

امنيه

انا هقوله يا بابا عشان هو بيحبني اكتر من جوزك إلى صورته نازله على النت وقتل اخوه ومراته

ناديه

نت ايه وقتل مين انتى بتقولى ايه ولسه هتتكلم لقت إعتماد قدامها

رواية مريضة التوحد والدكتور المغرور الفصل الرابع والاخير

ناديه

منوره يا حماتى دا انتى عمرك ما غلطتى وجيتي هنا تزوري بنات ابنك ولا جايه تلبسيني تهمه عشان ابنك القاتل

اعتماد

هو انتي عرفتي باللي حصل ل ابني ازاي

ناديه

ابنك صورته منوره في الجرنال

إعتماد

ابوس ايدك يبنتى تشوفى محامى وتطلعى احمد دا مهما كان جوزك ابو عيالك معقول يهون عليكي العيش والملح

وبعدها بصت للدكتور وقالت

ناديه

كنت عاوز تسمع حكايتي مش كدا اسمع يا دكتور دى حماتى ام جوزى اللى خانى مع صاحبتي اللى فتحت ليها بيتي عشان مش بخلف ولاد

مازن

خلاص يا مدام ناديه امنيه واقفه والكلام دا مش ينفع يتقال قدامها

امنيه

على فكره انا مكنتش بحب أميره دى وقولت لبابا قبل كدا بس هو ضربني بالقلم انا مش بحب بابا كمان

اعتماد

انتى لحقتى تعلمى البنت تكره أبوها دا انا هوديكي فى داهيه ومش بعيد تكونى مخططه مع صاحبتك إلى دخلتيها البيت دى أنها توقع بين ولادى الاتنين

ناديه

ولادك الاتنين مين انا مالى هو انا اللى قولت ل احمد يروح يرمرم ويدور على واحده تخلفله ولد انتى عمرك ما هتعترفى بغلط ابنك

إعتماد

مش احمد اللى غلط معاها فى الاول دا محمود وبعدين لما حملت راحت على احمد ولما احمد عرف قتلهم ومسكت ايدها ابوس ايدك تطلعى احمد مبقاش عندى غيره

ناديه

روحى واسي إبنك يا حماتى انا خلاص مسحته باستيكه اللى باعنى بالرخيص عمرى ما اشتريه يلا يا امنيه

مازن

خساره والله يا حجه اللى ابنك عمله ضيع بيته وضيع نفسه كل دا عشان مش رضي بالملايكه اللى ربنا رزقه بيهم روحى لابنك وربنا يعوضك وسابها ومشي

عند أحمد كان قاعد فى السجن حاطط ايده على راسه ودموعه نازله ومش مصدق اللى حياته وصلت ليه

احمد

كانت بتتمنالى الرضا ارضي انا ايه اللى هببته دا انا بقيت قاتل

الشاويش من وراه قال

الشاويش

قوم يا متهم عندك زياره وخده لأوضة الزيارات وكانت اعتماد قاعده مستنياه واول ما شافته قالت

اعتماد

كدا يا احمد تحرمنى منك ومن اخوك مره واحده اومال هسند على مين

احمد

هى ناديه مجتش معاكى ليه هي زعلانة منى ليه مش هي السبب هي اللى جابت الحيه دى البيت هى السبب فى خراب البيت مش انا

اعتماد

اخرس يا حيوان انت اللى قتلت وفاتح صدرك اوى وبتقول هى السبب اتفو عليك ضيعت شقايا وتعبي عليك انت واخوك روح منك لله

احمد

لا والله هو انتي كمان جايه تقولي ليا الكلام ده دلوقتي مش انتي اللي كل شويه تفضلي تتكلمي معايا وتقولي خلفتها معوقه

اعتماد

العيب مني انا دلوقتي والله انا لو انسان كويس مكنتش سمعت كلام حد وكنت عشت معاه مراتك

احمد قرب منها وخنقها بايديه وبجنون قال

احمد

مش هموت لوحدى انا انتى كمان تموتى مش دى تربيتك الوسخه لابنك اللى لف على رقبتي حبل المشنقه زى التعبان

اعتماد

يا شاويش الحقني يا شاويش هيموتنى يا حكومه فى مكانكم

الشاويش دخل بسرعه على الصوت واتفاجأ بيه بيخنق أمه جرى عليه بسرعه

الشاويش

ليلة أهلك سودا يعنى جاى فى جريمة قتل وكمان بتقتل امك دا انت قلبك ميت تعالى عشماوى مستنيك وخده

إعتماد قعدت على الأرض بتنهج وقالت

اعتماد

منك لله يا ناديه يخربيتك ويخربيت معارفك الهباب وديتو الواد اللى باقيلي المشنقه يجيب ويحط عليكى يا بنت الجذمه اه يا مرارى يانى

عند ناديه كانت قاعده فى المكتب سرحانه دخلت عليها هدى وقالت

هدى

تعالى بصي كدا وفتحت موبايلها امنيه بتزقطط وفيديو كمان أهو علشان تطمنى أنها كويسه

ناديه

غريبه اوى الدنيا دى الاب يقسي على بنته إلى من لحمه ودمه وييجي واحد غريب ينور وشها كدا

هدى

ما انا قولتلك إن مازن شاطر انتى اللى على طول بتتشائمي

ناديه

حساكى متوتره ومخبيه عليا حاجه دخلتك بفيديو امنيه دا مش داخل دماغى

هدى

احمد جوزك اتحكم عليه بالاعدام كان بيحاول يخنق امه فى القسم وأمه نازله عليكي دعاوى

ناديه

صفحه وقفلتها يا هدى كل واحد خد جزاءه خلاص وانا ربنا يعوضني بقا

هدى

انتى مش ناويه تتجوزى انتى ألف مين يتمنى انك تكونى مراته

ناديه

اتجوز ايه بس مين هيرضي بواحده جوزها معدوم وبنتها عندها توحد بقولك ايه يا هدى انتى جايه تقلبي عليا المواجع خلاص انا كدا زى الفل

عدى شهر على الأحداث دى وامنيه ملازمه مازن اللى نقلها مركز تأهيل وفى يوم مازن كان قاعد مع امنيه فى الجنينة دخلت عليهم ناديه و هدى

مازن

الحمدلله الجلسة عدت كويسة يا مدام نادية أمنية استجابت معايا أحسن ما توقعت بس لسه المشوار طويل قدامنا

نادية

طويل ايه يا دكتور انا راضية بأي تحسن كفاية انها قعدت معاك نص ساعة كاملة دي كانت بتصرخ لو حد غريب قرب منها

هدى

اخويا مازن عنده صبر أيوب يا نادية هو دارس توحد وفاهم دماغهم كويس متقلقيش بنتك في ايد امينة

مازن

بعد اذنك طبعاً يا مدام نادية ممكن نتمشى في الجنينة شوية عايز اشوف رد فعل أمنية في مكان مفتوح

أمنية

ماما هو الراجل ده هيجي تاني انا عايزاه يلعب معايا بالكورة هو الوحيد اللي مبيزعقش فيا

نادية

هيجي يا حبيبتي متخافيش الدكتور مازن هيبقى صاحبك الجديد بس لازم تسمعي كلامه كويس

امنيه

انا بحبه أوى يا ماما بس هو مش صاحبي انا بحس معاه بالأمان هو بابا الجديد مش الدكتور

هدى

مشيها بابا لأجل عيون امنيه ها يستى مبسوطه

ناديه

اصبري يا هدى انتى بتثبتي ايه فى دماغها انتى كمان امنيه لو اتعلقت بحاجه مش بتنساها

مازن

انتى مشكلتك أنها تناديني بابا ولا أنها لو اتعلقت فى حاجة مش بتنسي

ناديه

الوقت أتأخر يا دكتور عن اذنك يلا يا امنيه نروح البيت عملالك البشاميل اللى بتحبيه

امنيه

وبابا مازن كمان بيحبه انا هاكل معاه هو اكلنى معاه انهارده الاكل اللى بحبه

هدى

بصي يا امنيه روحى مع ماما دلوقتى وانا اوعدك إن أنا ومازن هنيجي نشرب شاى مع ماما

امنيه

انتي بتضحكي عليا عشان امشي مع ماما ليه عاوزين تاخدو منى كل حاجه بحبها

مازن

مش انتى بتثقي فيا وبتحبيني انا أهو أوعدك انى هجيلك البيت بس روحى مع ماما دلوقتى

امنيه

تعالى وصلنى انا مش هسيبك ومسكت أيده وزعقت مش همشي من غيره

ناديه

معلش يا دكتور امنيه مش هتمشي غير بيك انا معايا عربيتى مككن اسيبلك مفتاحها لبكرا عشان ترجع

بعد نص ساعه مازن ركن تحت بيت ناديه وقال

مازن

وصلنا اهو يا مدام نادية الحمدلله أمنية نامت من التعب في العربية اتفضلي شيليها براحة عشان متصحاش

نادية

شكراً يا دكتور تعبتك معانا النهاردة لولاك مكنتش هعرف اروحها لوحدي هي لما بتتعصب مبعرفش اتصرف

هدى

يابنتي متقوليش شكراً اخويا ده واجبه وبعدين هو مبسوط انه بيساعد أمنية صح يا مازن ولا انا غلطانة

مازن

صح طبعاً يا هدى ده شغلي بس أمنية حالة خاصة بالنسبالي فيها حاجة شدتني من أول ما شوفتها

نادية

ربنا يخليك يا دكتور ويكتر من امثالك انا كنت فاقدة الأمل في كل الدكاترة بس انت غيرهم كلهم حقيقي

أمنية

ماما عمو لسه هنا مش هيمشي قوليله يطلع يشرب شاي معانا انا مش عايزاه يروح دلوقتي

ناديه

يلا يا امنيه بطلى دلع عشان مش امنعك تشوفيه خالص هبقي اكلمك على الموبايل يا هدى يلا مع السلامه وخدت امنيه وطلعت

هدى

قولى يا دكتره انت مالك كدا احوالك مش عجبانى اليومين دول شكلك وقعت ولا الهوا سمى عليك

مازن

مش عارف بس واحده فى مكانها والدنيا عماله تخبط فيها يمين وشمال كانت انهارت بس هي لا مش عارف دا تعاطف معاها ولا حاجه تانيه

هدى

هو شكلنا فعلا هنشرب بس مش شاي دا شربات وقعت يا دكتور والله بس قولى انت حاسس انك متعاطف عشان امنيه

مازن

مش هنكر أن امنيه حاله خاصه وبتعامل معاها بقلبي بس تصدقي بالله انا واخد امنيه ستاره عشان أتكلم مع ناديه تفتكرى دا حب

هدى

افتكر ايه بس دا انت واقع من الدور العشرين أصلا مفيش اجدع من ناديه ايه رايك امهدلك الطريق

مازن

طريق ايه اللى تمهديه إذا كان هي مش قابله اى كائن حى يقرب منها

هدى

يا عم سوق وملكش دعوه دا انا وصلت للقاعه وشويه وهشيل عيالك

تانى يوم مازن وهدى راحو عند ناديه اللى قالت

نادية

اتفضل يا دكتور البيت بيتك معلش الشقة مكركبة شوية ملحقتش اروقها قبل ما تيجي

مازن

لا مكركبة ولا حاجة بالعكس البيت دافي وفيه راحة نفسية اهم حاجة أمنية تبقى مرتاحة فيه

هدى

شفت يا مازن قلتلك بيت نادية يريح مش زي عيادتك اللي كلها كتب وورق هنا تحس انك في بيتك بجد

مازن

فعلاً يا هدى عندك حق اول مرة ادخل بيت واحس كده شكراً يا مدام نادية على الشاي

أمنية

عمو مازن انت هتيجي بكرة تاني عشان انا رسمتلك رسمة حلوة وعايزاك تشوفها قبل ما اروح الجلسة

مازن

هاجي طبعاً يا أمنية كل يوم لو عايزة بس بشرط توعديني تسمعي كلام ماما عشان هي بتتعب عشانك اوي

نادية

بتتعب ايه يا دكتور ده واجبي كفاية انك مدينا امل من جديد انا مش عارفة ارد جميلك ده ازاي

مازن

مترديش حاجة يا مدام نادية انا اللي مبسوط اني بتعامل معاكم وان شاء الله أمنية هتبقى زي الفل

هدى

يلا يا مازن اتأخرنا على العيادة نسيب نادية ترتاح شوية بقى ونتفق على ميعاد الجلسة الجاية

ناديه قربت من هدى وهمست

ناديه

انهارده عيد ميلاد امنيه عاوزه اعملها حاجه تفرح بيها

مازن

انا اسف بس انا سمعت اللى قولتيه سبيلي الموضوع دا عليا اوعدك أخلى امنيه طايره من الفرحة يلا يا هدى

بعد ساعه ناديه وامنيه وصلو مركز التأهيل ودخلو على الجنينه زى ما مازن قالهم

مازن

كل سنة وانتي طيبة يا أحلى أمنية في الدنيا النهاردة تميتي 8 سنين وبقيتي شاطرة أوي ايه رأيك في المفاجأة دي عجبتك ولا لأ

أمنية

عمو مازن انت احلى مفاجأة في حياتي كلها انا عمري ما حد عملي عيد ميلاد قبل كده بابا كان بيقولي انتي عيلة غبية مبتفهمش

نادية

يا حبيبتي متجيبيش سيرة اللي فات خلاص احنا النهاردة بنحتفل بيكي انتي وبس وكفاية ان الدكتور مازن تعب وعملك مفاجأة عيد ميلادك

هدى

لا دا كمان جاب التورتة اللي عليها رسمة فراشة عشان عارف ان أمنية بتحب الفراشات

مازن

دي أقل حاجة أعملها للبطلة بتاعتي البنت دي علمتني يعني ايه صبر ويعني ايه حب انا اللي اتعلمت منها مش هي اللي اتعلمت مني

نادية

انت بتدينا اكتر من حقنا يا دكتور والله من يوم ما دخلت حياتنا وانت شايلنا كلنا انا وأمنية مكناش هنكمل من غيرك

أمنية

ماما هو عمو مازن ليه مش بيبات عندنا كل العيال عندهم بابا في البيت اشمعنى انا عمو بييجي ويمشي كل يوم

هدى

يا لهوي على السؤال يا أمنية انتي جبتيها من الاخر خالص اخويا اتزنق يا نادية ردي انتي بقى

مازن

مفيش زنقة ولا حاجة يا هدى انا كنت مستني اللحظة المناسبة بس وشكل أمنية قررت ان النهاردة هو المناسب

نادية

لحظة ايه يا دكتور انا مش فاهمة انت بتتكلم جد ولا بتهزر مع البنت اصل أمنية بتاخد الكلام حرفي اوي

مازن

لا يا مدام نادية انا بتكلم جد جداً انا مش عايز ابقى عمو مازن بتاع الجلسات انا عايز ابقى بابا مازن بتاع كل يوم

أمنية

بابا مازن الله الكلمة دي حلوة اوي قولي موافقة يا ماما بسرعة بقى عشان نقطع التورتة وكلنا ناكل سوا

نادية

يا حبيبتي الجواز مش لعبة يا أمنية في حاجات كتير لازم نفكر فيها وانا خايفة اظلم الدكتور معايا

مازن

تظلميني في ايه بس يا نادية انتي بتديني هدية مش بتظلميني انتي بتديني فرصة ابقى اب لأجمل بنت في الدنيا

هدى

قولي اه يا نادية وفرحي البنت ده اخويا مبيحبش بسهولة كده وانا عمري ما شوفته متمسك بحد زيكم

أمنية

ماما انتي عارفة انا ليه بحب عمو مازن عشان هو الوحيد اللي فهمني صح انا مش عيانة يا ماما انا مختلفة بس

نادية

مختلفة ازاي يا حبيبة قلبي فهميني انتي قصدك ايه بالظبط عشان انا نفسي افهمك اكتر

أمنية

يعني مخي بيشوف الدنيا بطريقة تانية زي ما في ناس بتكتب باليمين وناس بالشمال انا بحس بالحاجات زيادة عن اللزوم

مازن

الله على كلامك يا أمنية انتي لخصتي معنى التوحد في جملتين مش مرض ده طريقة تانية للحياة

أمنية

ايوه يا عمو انا مش عايزة اتعالج انا عايزة الناس تفهمني وتحبني زي مانا وانت اول واحد حبني من غير ما يطلب مني اتغير

نادية

وانا بحبك يا روح ماما زي مانتي وبوعدك عمري ما هخلي حد يأذيكي تاني ولا هخلي حد يقول عليكي كلمة وحشة

مازن

وانا بوعدك يا أمنية قدام مامتك اني هفضل احميكي واحبك طول عمري وهفضل افهمك من غير ما تتكلمي حتى

أمنية

خلاص بقى يا ماما قولي موافقة عشان انا عايزة بابا مازن يعيش معانا وعايزة اقوله بابا من غير كلمة عمو

هدى

يا نادية البنت بتتكلم بقلبها والتوحد ميزتهم انهم مبيعرفوش يكدبوا دي مشاعرها الحقيقية مش تمثيل

نادية

عارفة يا هدى وعارفة يا دكتور مازن عارفة انكم هديتي من ربنا ليا انا وبنتي بس خايفة مقدرش اسعدك زي ما تستاهل

مازن

السعادة مش انتي اللي هتديهالي يا نادية السعادة اني اصحى كل يوم الاقيكم جنبي انتي وأمنية بقيتوا عيلتي اللي اخترتها بقلبي

أمنية

ماما انا عايزة اقول حاجة مهمة اوي التوحد مش بيمنع الحب ولا بيمنع الفرحة بالعكس احنا بنحب بزيادة اوي اوي

مازن

سمعتي يا نادية رسالة بنتك البنت دي هتعلمنا كلنا يعني ايه انسانية وانا اتشرف اني ابقى جوز امها وابوها

نادية

خلاص يا دكتور قصدى يا مازن انا موافقة بس بشرط واحد بس تفضل تحب أمنية اكتر مني

مازن

ده مش شرط يا نادية ده وعد أمنية دي بنتي قبل ما تكون بنتك وانتي شريكة عمري اللي ربنا عوضني بيها

أمنية

هيييييه انا بقى عندي بابا وماما واحلى عيد ميلاد في الدنيا كلها يلا بقى نقطع التورتة ونتصور كلنا

هدى

واخيراً يا مازن لقيت اللي تستاهلك ولقيت نادية الراجل اللي يحافظ عليها وانا هبقى العمة اللي هتدلع أمنية

مازن

يلا يا أمنية اطفي الشمع وقولي امنية بس انا امنيتي خلاص اتحققت النهاردة اني بقيت جزء من العيلة دي رسمي

أمنية

امنيتي ان كل الناس تفهم ان احنا عاديين بنحب وبنفرح وبنزعل زي اي حد بس محتاجين حد يسمعنا بقلبه مش بودانه

نادية

ط

انا فخورة بيكي يا اجمل بنت في الدنيا

مازن

يلا نقول كلنا مع بعض عيد ميلاد سعيد يا أمنية ويا بداية جديدة لينا النهاردة اول يوم في باقي حياتنا سوا

ناديه

بدايه جديده كلها نور مش شوك صح يا مازن

مازن

كلها نور عشان خاطر امنيه وكلها حب عشانك انتى اوعدك انى امسح كل الندوب اللى الحياه حطتها فى طريقك

هدى

هييييح يخربيت الجواز وسنينه ما تراعو أنى عزول فى النص

مازن مسك ايد امنيه وايد ناديه وقال

مازن

كدا الصورة كملت وحياتى كملت بوجودكم