تحميل رواية «مريم وجون» PDF

ا

_أنا بكرهك!!

وهوب لقيت قلم نزل علي وشي من قوته وقعت علي الأرض

بصيت لبابا وعيني كلها دموع

_بتضربني؟!!

=وأكسر دماغك أنا اللي عندي قولته هتتجوزي غصب عن عين اللي خلفتك وبعدين ده ظابط يا روح أمك أنتِ تطولي

العريس وأهله هيجو علي ٧ عارفه لو مجهزتيش وفردتي وشك هعمل فيكي ايه

بصيتله بقهر وحزن ودخلت أوضتي

أنا مريم دكتورة عندي ٢٥سنه أمي توفت وهي بتولدني!

طب أنا زنبي ايه؟!ده نصيبها!

بس إزاي بابا مشيلني ذنبها

_مهي ما**تت بسببك لو مكنتيش جيتي مكنتش ما**تت

عايشه بقالي ٢٥ سنه في ذل وإهانة محدش من العيله كان بيقدر عليه بس هقول ايه!

أنا مسامحاه مهما كان ده والدي

كانت الساعه ٥ونص قومت أخدت شاور وبدأت أجهز لبست دريس بيبي بلو وعملت شعري ويڤي وحطيت ميكب خفيف وداريت أثار الدموع والتعب

عدي وقت ولقيت صوت برا ففهمت أن العريس وصل

حبه ولقيت بابا دخلي الأوضه

_أطلعي قدمي حاجه ساقعه وتقعدي مع العريس راسك في الأرض ومتتكلميش نص كلمه عشان واللي خلقك لو موافقتيش لهرميكي في الشارع

قال كلامه وخرج

بصتله والدموع نزلت

أنا مش فاهمة بجد أنا عملت ايه عشان يحصلي كدا!

روحت علي المطبخ وأخدت عصير وطلعت قدمته

كان في ست كبيرة باين عليها الطيبة والود وراجل كبير بشوش وشاب صغير بس مبصتلوش

مامت العريس أتكلمت_يا روحي ماشاء الله زي القمر حته من القمر

بصيتلها وابتسمت بصعوبه_شكرا يا طنط

يلا نسيب العرسان لوحدهم شوية

كنت قاعدة جسد بلا روح مكنتش حاسه بأي حاجة باصه في الأرض وساكته

_احم لو السجاد عاجبك هجيبلك زيه

رفعت وشي عشان أشوفه وووبسم الله ما شاء الله ايه القمر ده ده قمر أوي

_ممكن سؤال

=أتفضل

_هو أنتِ مغصوبه عليا

=ليه بتقول كدا

_حاسس بكدا

اتنهدت

كنت لسه هتكلم لقيتهم دخلو

لقيت بابا بيتكلم بثقه_يلا البسو الدبل

بصيتله بصدمه وبعدين بصيت للعريس اللي معرفش حته اسمه ايه بس هو عرف مقاس صوباعي إزاي طب

مهتمتش

كله كان باصصلي عشان أتكلم

أتكلمت بابتسامه مصطنعة _تمام

حسيت ساعتها احساس وحش أوي وكأني مجرد بضاعه اتباعت

لبسني الدبلة وأنا لبستهاله كنت بحاول أبتسم علي قد مقدر عشان ميعملش فيا حاجه بعد م يمشو!

فضلو أهلنا يتكلمو شوية وفجأة لقيته قام وكلم بابا

_عمي لو سمحت ممكن ننزل نتمشي شوية

=طبعا يا حبيبي بس متتأخروش عشان مريم دي نور عيني مقدرش أقعد من غيرها

بصيت له بصدمه وضحكت بسخريه حاولت أداريها

مشيت بدون ولا كلمه

نزلنا تحت لقيته بيفتحلي باب عربيته

_أتفضلي

ركبت بدون ولا كلمة

كان في صمت رهيب بينا حاول يلطف الجو وشغل أغنية قديمة لعبد الحليم

بعد مرور وقت لقيت نفسي قدام البحر

أكتر مكان لما ببقي مخنوقه بحب أروحله

أبتسمت تلقائيا ونزلت من العربيه وقعدت بهدوء

راح جاب آيس كريم وجالي عطاني آيس كريم مانجا بالفراولة

بصيتله بأستغراب

هو إزاي عرف طعمي المفضل! حصل خيرر مهتمتش

_أنا حبيت أبعد عن هناك عشان تتكلمي براحتك

بصيتله بأستغراب فكمل

_حاسس أن في حاجه أنتِ مخبياها أحكي أنا سامعك

مش عارفه ليه وإزاي بس حسيت نفسي مرتاحه

_أنتِ مغصوبه علي الجوازة

=مش فكرة مغصوبه بس مقداميش حل تاني

_يعني ايه مش فاهم

=لو الرفض جيه من عندك هيبقي أفضل

_نعم؟

اتنهدت بحزن ودموعي بدأت تنزل مش عارفه إزاي بس أنا عمري معيطت قدام حد!

=أنا مجبورة علي المقابلة دي والجوازة ذات نفسها بمعني إني لو رفضتك أنا اللي هتأذي!!

بصلي بصدمه_يعني ايه هتتأذي وليه أصلا

عيطت_عشان هو مش عايزني أفضل معاه في البيت بس أنا مش ذنبي كل اللي حصل مش ذنبي أن ماما ما**تت وهي بتولدني مش ذنبي أن المو*ت خطفها منه!!

ده قدرها ليه أنا بدفع تمنه كل ده بقي!!!!

كان باصصلي وساكت فكملت

والمفروض إني لو رفضت العريس بتاع انهاردة ممكن مباتش في البيت تاني واترمي في الشارع وللأسف مش هعرف أوصل لحد من أهلي لأنهم في بلد تاني برا مصر كمان

كان مصدوم من كل كلمه بقولها فكملت

_وأنتَ ملكش أي ذنب تبقي مع شخص زيِّ مش مجبور خالص

كملت برجاء_فلو سمحت الرفض يجي من عندك أنتَ

بصيتله مفهمتش حاجه من تعابير وشه اتنهدت وبصيت للبحر اللي قدامي بحزن وكسره

_بس أنا مش هعمل كدا

بصيت له بأستغراب_يعني ايه

_يعني أنا مش عايز أسيبك وعايز أكمل معاكي

كنت بصاله بصدمه معرفتش أتكلم

_أنا چون عندي ٢٨ سنه ظابط وأنا عارفك بقالي سنتين ونص

أول م شوفتك حسيت بحاجة مختلفه فيكي كنتي علي طول هادية وفي حالك ووو وباهته!

بس رغم حزن ملامحك كنتِ جميلة

مكنتش عارف ايه سبب حزنك بس كنت واخد عهد علي نفسي إني لو بقيت من نصيبك هخلي أيامك كلها حلوة

وأنا مش هرفض الموضوع لأني بحبك يا مريم

مين ده؟!وأنا مين؟!وإيه اللي اتقال ده؟!!ويلهوي الدنيا بقت حر كدا ليه؟!

بصيت له بصدمه مكنتش عارفه أقول إيه بس قومت بسرعه وأتكلمت بتوتر_عع...عايزة أروح

أبتسم_من عيوني يا مريوم

ركبت العربية وفتحت الشباك يلهوي بجد الجو بقي حر أوي ليه كدا

وصلت البيت ونزلت من العربيه وقبل م أطلع لقيته نده عليا فبصبتله

_أنا أخدت رقمك من بابا

أكتفيت بأني أهز راسي بالإيجاب وطلعت

طلعت ولقيت الشقه هدوء وكالعادة لما برجع متأخر بيكون نايم ومش هامه حاجه ولا حتي لو جرالي حاجه مش هيهمه

دخلت أوضتي غيرت هدومي واخدت شاور ولبست لبس مريح ولميت شعري

دخلت عشان أعمل عشا ليا فلقيت فوني بيرن

لقيته رقم غريب ففتحت

_وه وه بتردي علي أرقام غريبه

=مين

_نسيتي صوتي يا مريوم

=اه چون نعم

_لا برن بس عشان تسجلي رقمي

=ماشي

_بكرة هعدي عليكي الساعه٦ عشان أوصلك الشغل

=وده ليه أن شاء الله

_يعني اعتبريني خطيبك

لقيت نفسي ببتسم تلقائيا

=ممم..ماشي تصبح علي خير

_وأنتِ من أهلي

وطططط ده ايه طفح الفراشات اللي علي المسا حصل خير

أكلت ودخلت البلكونه قرأت رواية وبعدها دخلت نمت

صحيت علي صوت زعيق زي عاده كل يوم مخلاص أتعودت

طلعت عشان أعمل فطار والزعيق من ورايا كلام كل يوم!

_صاحيه الضهر م أنتِ ولا علي بالك حاجه وأنا طالع عين أمي

حضرت الفطار وحطيته بكل هدوء ومقولتش نص كلمه حتي مبقاش عندي طاقه أرد

دخلت أوضتي وقفلت الباب لقيت الفون رن برقم غريب فتحت

_ألو

=صباح الفل علي عيون مريوم

_مين

=والله؟!لاء والله؟!مسجلتيش رقمي

_اه چون أسفه بجد

=مقبوله منك أروحي

_متبطل محن بقي علي الصبح

=يما ايه الصوت ده

ضحكت_لا متاخدش في بالك

=عموماً أنا حبيت أطمن عليكي

_تسلم

=تسلم؟!أقفلي يا مريم أقفلي

هو زعل؟!طب أعمل ايه مهو ممحون علي الصبح!!

سجلت رقمه

وفضلت أروق في الشقه وعملت غدا كانت الساعه ٥ قومت جهزت عشان أروح الشغل

نزلت ٦ وعشرة لقيته واقف قدام العربيه

أول م شافني أتكلم بضيق مصطنع_عشر دقايق تأخير بحالهم

=معلش

_حياتي بقيت أحسن بكتير

ضحكت عليه وركبت العربية

_اكلتي

=اه

_الشارع اللي ورا نيني

بصيت له بقرف واتكلمت_أنتَ متأكد أنك ظابط

أتكلم بغرور_طبعا

_ده أنتَ مشوه صورتهم أصلا من ساعه مشوفتك وأنتَ مش جد

بصلي بصدمه_ايه

=ايه

_قولتي ايه

=قولت ايه

_مرييييم

=خلاص والله مقصد أنا عبيطة أصلا

لقيته ضحك بصوت عالي يخربيت جمال أمك ايه دي؟!دي غمازة

_أنا عارف إني قمر

=بصيت له بقرف وبصيت قدامي وحاولت أداري ابتسامتي

وصلنا المستشفي

_شكرا يا صديقي

=اسمها شكراً يا خطيبي

ضحكت ومردتش عليه ولسه هنزل أتكلم هو

_هتخلصي أمتي

=هخلص علي ١٢كدا

_تمام هاجي أخدك

=لا متشكرة بعرف أروح

_لا يا حبيبتي أنا مش باخد رأيك ويلا انزلي

=متزوقش طب ده أنتَ قفوش جداً

ضحك وبعدين ودعته ودخلت المستشفى

*أنا دكتوره أطفال

دخلت أوضتي لبست البالطو وبدأت أشوف شغلي

علي الساعه ١٢ حسيت إني دايخه وجسمي همداان فروحت أريح شوية وطلعت الأكل اللي كان معايا

أكلت ونزلت تحت في كافيه جنب المستشفى عشان أجيب قهوه

_مريم

بصيت لمصدر الصوت واتصدمت

=زين!!!

جريت حضنته وأتكلمت بدموع_وحشتني أوي أوي بجد كل دي غيبه

شدد علي حضني_أنتِ أكتر يا مريوم طمنيني عليكي أنتِ كويسه؟!لسه عمو مضايقك

*يا حنين

بصينا إحنا الأتنين لمصدر الصوت واللي كان چون

زين همس ليا_مين ده

كنت لسه هرد لقيت چون مسكه من هدومه وشده جامد

_أنا هعرفك أنا مين

وهوب ضربه بالبوكس الواد زين نزل الأرض مطلعش تاني

صرخت بقوة_زين

لسه هقرب منه عشان أشوفه لقيت چون مسكني جامد من دراعي

_رايحه فين!

أتكلمت بعصبية_اوعي كدا أنت أتجننت

زقيته بعنف وجريت علي زين لقيت مناخيره بتنزل د**م

أتكلمت بقلق_تعالى معايا بسرعة المستشفى

زين حاول يطمني_متقلقيش يا مريوم أنا كويس

بصيت له ودموعي نزلت وبعدين بصيت لچون اللي كانت عينه شوية وهتطلع ليزر

أتكلمت معاه بعصبية_أنتَ أتجننت!!! إزاي تضربه بالهمجية دي!!!!

بصلي وأتكلم بعصبية أول مرة أشوفها منه_عايزاني أعمل إيه لما ألاقي خطيبتي في حضن راجل تاني

أتكلمت بنرفزة_ده أخويا في الرضاعة يا متخلف

بصلي بصدمه وأنا بصتله بقرف وعصبيه ومشيت من قدامه روحت عند زين وسندته

زين أتكلم بتوتر_يلهويييي متلمسنيش ياختي عشان ميجيش ياكلني تاني

ضحكت بغلب علي شكله وهو خايف

_يعم تعالي بس أداوي مناخيرك دي اللا تكبر أكتر م هي كبيرة

بصلي بقرف_تصدقي أنا غلطان إني جتلك أوعي جاتك القرف

مشي قدامي وأنا ضحكت عليه

_أحم أحم

بصيت له بضيق ومشيت من قدامه بس وقف قدامي

=لو سمحت عايزة أطلع أكمل شغلي

بصلي بتوتر واحراج_أنا آسف

رديت ببرود_ماشي

حاول يلطف الجو وبصلي ببراءة_خلاص آسف يووه

بصيت له وضيقت عيوني ومتكلمتش

أتكلم بجدية_حقيقي آسف مكنش قصدي أكيد وهطلع أعتذر لأخوكي معاكي أهو آسف متزعليش مني بس أنا غيرت عليكي

رديت ببرود_اسف دي تقولها لبنت أختك مش أنا هااا

مشيت من قدامه وطلعت وحقيقي كنت فرحانه أوي لأن دي أول مرة حد يهتم لزعلي

طلعت مكتبي لقيت زين نايم بكل راحه

_يبني مش معقوله كدا دي مش لوكاندة طنط

=اسكتي أنتِ دلوقتي بس واحكيلي

_احكي ايه

غمزلي_مين المز اللي كان تحت ده

_خطيبي

سقف بفرحه_اوعاااا مريومه مبقتش سنجل خلاااص

حطيت ايدي علي بوقه_اخرس بقي صوتك عاليييي

وفجأة الباب خبط

_أدخل

*أحم مساء الخير

لقيت زين قام واتفجع

ضحكت علي منظره

*أنا آسف يا أستاذ زين صدقني مكنتش أعرف أنك أخوها

زين بتوتر_لل للاء يا صاحبي مفيش حاجه عادي

وفجأة لقيته مدلي أيده ببوكيه ورد أزرق كان شكله يجنن

أبتسم_انا آسف

أبتسمت وخدته منه

أتكلم زين بضيق_هاتي البتاع ده كدا أنا اللي مضروب مش أنتِ

بصيتله بضيق_ولا امشي ايه اللي جابك بس

فضلنا نهزر مع بعض شوية لغاية م وقت شغلي خلص

ونزلنا عشان نروح

_زين أنتَ هتروح فين

=أنا جيت مع تيته فهروح ابات عندها

اتكلمت بحماس_تيته جت

=اه وعزماكي علي الغداء بكرة ماشي بس تعالي من أول اليوم

_اشطا

قرب من ودني وهمس_طلع ظابط زي م أنتِ بتحلمي أهو

ضربته بضيق_امشي يلاااااا

ضحك ومشي وأنا كنت همشي بس وقفني صوته

_رايحه فين

=هرَوح يعني هرُوح فين

_اركبي ومن غير كلام

ركبت وبصيتله بضيق أوف بجد يخربيت حلاوة أمك يا شيخ

بعد وقت لقيته بصلي وغمز_عجبك الورد

=كلته

بصدمه_إيه أنتِ مجنونه ده مبيتاكلش

بصيت له بضيق_طيب كويس أنك عارف أنه مبيتاكلش جيبته ليه

بصلي بصدمه أكبر_قولت البنات بتتصالح بورد والجو ده

_لا يا حبيبي بلا ورد بلا قرف هو في أحلي من الأكل

بصلي وسكت وفجأة ضحك بعلو صوته

أتكلمت بغضب طفولي_بتضحك علي إيه يا رخم

مكنش قادر ياخد نفسه من كتير الضحك

وصلني البيت طلعت وأنا فرحانه مش عارفه ليه بس كنت مبسوطه

طلعت خدت شاور و غيرت هدومي ولبست لبس مريح وجهزت عشا وطلعت قعدت في البلكونه وفتحت أكونتي علي الفيسبوك

دخلت علي الناس اللي بعتالي أد وقعدت أقلب بينهم فلقيت چون باعتلي أد فقبلته

فضلت أقلب في الأكونت بتاعه

ايه الصور القمر دي

لاء وعضلات وبتاع وچم

شكلنا غرقنا يا عمو سامي!

أحم ايه اللي بقوله ده

وأنا في الأكونت لقيته نزلت استوري دخلت الاستوري لقيت صوره البوكيه وكاتب عليها

"أَهْدَيْتُهَا لِمَنْ أُحِبَّ"

مين ده؟!وأنا حبيته أمتي؟!وقلبي بيدق ليه؟!وفرحانه ليه؟!

كنت لسه هرد علي الأستوري بس فجأة جالي مسدچ من چون

_وه وه قبلتي الأد ده أنا هوزع شربات بقي

=ايه الأوفر ده يبني

_اسكووووتيي ده بقاله سنتين الأد ده

ضحكت علي كلامه

_بقولك ايه

=نعم

_ايه ده ايه ده اسلوبك مش عاجبني كدا

=أنجز عايز ايه

بعتلي ڤويس وعبارة عن كلمه واحده

_بحبك

سمعته واتصدمت مش عارفه ليه حسيت الدنيا حررر ومبقتش قادره قفلت الفون بسرعه ومردتش

فضلت أهدي في نفسي_يلهوي أهدي يا مريم أهدي محصلش حاجه عادي حصل خير

نمت عشان كنت تعبانه وصحيت علي رنه من رقم بابا أستغربت بس فتحت

أتكلمت بنوم_ألو

=أيوة حضرتك صاحب الفون ده عمل حادثه وهو في مستشفى*****

قومت مفزوعه مش عارفه لبست ازاي وفي خلال دقيقه كنت تحت البيت

المستشفى دي قريبه من البيت فروحت جري

دخلت المستشفى وروحت علي الاستقبال بسرعه

_لو سمحتي في راجل كبير لسه جاي هنا بسبب حادثة

*اه هو دلوقتي في العمليات في الدور التاني

جريت روحت قدام الأوضه فضلت ادعيله وأنا دموعي علي خدي

بعد وقت كبير طلع بابا من العمليات ودخل أوضه

جريت علي الدكتور

_بابا ماله حصله ايه

=للأسف والدك أتعرض لحادثه وكمان ط*عن في جنبه ونزف كتير أوي إحنا حاولنا بس ادعي ال ٢٤ ساعه الجايين يعدو علي خير واه إحنا بلغنا البوليس عشان دي محاولة قت*ل

كنت سامعه كل ده ودموعي نازله

مفوقتش غير علي صوت الممرضه وهو بتنادي عليا

_يا آنسه

=نعم

_الشخص اللي جوا عمال ينادي علي حضرتك ومش عارفين نهديه

جريت علي الأوضه

أتكلمت بدموع_بابا حبيبي متخفش كل حاجه هتبقي تمام

أتكلم بتعب_سيبيني أتكلم

أنا آسف علي كل اللي عملته آسف لأني مدتكيش حنان الأب آسف إني قسيت آسف وآسف وآسف حقك علي قلبي سامحيني يا بنتي حقك عليا

وچون راجل وهيصونك حافظي عليه

أتكلمت بعياط_بابا متخافش مسمحاك هتبقي كويس وهنروح البيت سوا

_سس سامحيني يا مريم

ساممم حيني يا بنتي

وفجأة جهاز القلب صفر فضلت أصرخ

_باباااااا لا متسبنيش لاااااا مش هعرف أكمل من غيرك لاااااا دكتووووووور

فجأة دخل الدكتور ولقيت چون داخل معاه

أتكلمت بصريخ_ألحقه أعمله أي حااااااجه

چون جري عليا حاول يهديني_مريم أهدي أهدي

أتكلمت بصريخ_الحقوو باباااااا

وفجأة الدكتور بصلي بيأس_البقاء لله

صدمه نزلت عليا مكنتش حاسه بأي حاجة محستش غير وفوني بيرن برقم أنا عارفاه كويس

رديت بتوتر_ألو

چون لاحظ توتري

=مبروك يا بت أخوي

_ععع علي ايه

=علي خطوبتك أنتِ وولدي

_نعم

=بكرة هجيلك أخدك عشان هتتخطبو وتكتبو كتاب علي طول

=أنتَ مجنون أنا مخطوبه أصلا وبعدين إبنك ده لو آخر حد في الدنيا مش هبصله

_شكلك عايز يجرالك زي مجري لأبوكي الله يرحمه

مش ما*ت برضو؟

كنت مصدومه أن هو عرف إزاي وإحنا في اسكندريه وهو في الصعيد؟!

بدأت أشك

قفلت المكالمه وچون بصلي بقلق

_مالك في إيه ومين ده اللي كان بيكلمك

حكيتله كل حاجه

_أنا حاسه أنه هو اللي عمل كدا

=ليه بتقولي كدا

_عشان هو الوحيد اللي من قرايبي مكنش بيحبني أنا وبابا وكان عاوز ياخد فلوس بابا بأي طريقة فأكيد دي حادثة مدبرة عشان يجوزني ابنه وياخد الفلوس

كملت بعياط_أنا مبقتش عارفه أعمل إيه

لقيته اتنهد ومسك ايدي

_الحل الوحيد دلوقتي إننا نكتب كتابنا دلوقتي حالا

٢

_الحل الوحيد دلوقتي إننا نكتب كتابنا دلوقتي

بصيتله بصدمة_ايه أنتَ أتجننت لا طبعاً

أتكلم بحنيه_مريم أنا عارف أنه مش الوقت المناسب وإنك لسه متعرفه عليا من يومين بس صدقيني أنا هحميكي وهخلي بالي منك كويس أوي أنتِ كنتي بالنسبالي حلم يا مريم صدقيني كنت بفضلي أدعي في صلاتي تكوني حلالي!

وبعدين ده أسلم حل عشان تبقي في حمايتي وعمك ميقدرش يلمس شعره منك!

بصيتله ومكنتش عارفه أعمل ايه

_بابا لسه متوفي مكملش نص ساعه! وأنا هتجوز دلوقتي

=هو اكيد هيبقي فرحان صدقيني إحنا بس ندفنه ونروح علي المأذون

مكنتش مصدقه كل ده كنت حاسه إني بحلم إزاي هتجوز واحد معرفهوش!بس مش عارفه ليه كنت حاسه إني مطمنه

مرت ساعات كتير ووصلنا عند المأذون

كنت خايفه!

كنت مرعوبه!

حاسه إني بعمل حاجة هندم عليها عمري كله بس چون!هو جميل

فوقت من افكاري علي صوت چون الحنين_مش عايزك تخافي وصدقيني عمرك مهتندمي وبعدين اعتبريها فترة خطوبه وحقيقي لو مش مرتاحه ممكن ننفصل بهدوء

كلامه طمني سيكا

محستش بنفسي ودخلت معاه وهوب بقيت مراته وعلي اسمه

كان باين في عيونه لمعه أول مرة أشوفها بس كل اللي أقدر أقوله أنه كان فرحان

فرحان أوي!

_بتقرب ليه

=بيقولو حضن كتب الكتاب حلو

_ولااا اس...

ملحقتش أعترض ولقيت نفسي جوا حضنه

مكنتش مضايقه!بالعكس كنت مبسوطه

_أنا مش مصدق أنك بقيتي مراتي

بصيتله وابتسمت حرفيا طفل أنا مش عارفه ده ظابط إزاي بجد

_يلا أركبي

ركبت وهو ركب وساق العربية

وصلنا عند البحر

_كنت حابب نروح مطعم وناكل بس عارف أنك مش بتحبي جو المطاعم فجينا هنا عشان تبقي علي راحتك

بصيتله وابتسمت

_ممكن سؤال

=أتفضلي

_عرفتني أمتي وإزاي

اتنهد ولقيته أبتسم_بصي يا ستي أنا في يوم كنت داخل كافيه عادي فلمحتك أه الكافيه كان زحمه بس كنتِ منورة وسط كل الناس شدتيني ليكي كنت قاعد مع صحابي بس طول القعده كنت مركز معاكي لغاية ملمحت واحد قعد معاكي علي نفس الترابيزة فكرته خطيبك أو أخوكي أو حد تعرفيه وكان بيحاول يمسك ايدك بس لقيتك اتضايقتي منه وقومتي علي طول وطلعتي تجري وهو وراكي فضولي كان كبير عشان أعرف ايه اللي حصل وطلعت جريت وراكو

فلاش باك

_مريم أستني لو سمحتي

بعصبيه_أدهم أبعد عني لو سمحت

_مريم أنا بحبك

أتكلمت بنرفزة_بتحبني اه بأماره أن أبوك اللي باعتك عشان تقرب مني وتتجوزني وتاخدو فلوس بابا

بصلي بصدمه وأنا كملت_أنا مش فاهمة ليه كل ده ليه أنتَ وعمي عايزين تكسرونا ليه؟!!!!

_مريم أسمعيني أنا..

=أنتَ تخرس خالص وصدقني لو لقيتك بتقرب مني تاني هعملك محضر

باك

ومن ساعتها وأنا كنت بروح الكافيه مخصوص عشان أشوفك مش عارف إزاي أنا چون بجلاله قدره أنتِ يا مفعوصه توقعيني في حبك ده أنا اللي رجاله بشنبات بتخاف مني بقيت سوما العاشق عشان خاطر عيونك ومن ساعتها بقي وأنا عارف كل حاجه عنك بيتك شغلك سنك صحابك قرايبك كل حاجه تخصك بتحبي ايه بتاكلي ايه

بصيتله والدموع نازله شلال

_أنا بحبك أوي

بصلي بصدمه_ايه أنتِ قولتي إيه

ضحكت عليه_هي مرة واحدة

أتكلم زي الأطفال_ عشان خاطرييييييييي

بصيتله بحب

_بحبك

وحضنته بسرعه بعد ما وشي قلب طماطم

بادلني الحضن

_أنا فرحان أوي

وبعدين بعدني عنه_أقولك علي سر

=قول

_عمك وابنه أتقبض عليهم

بصيتله بصدمه_ايه

_زي ما سمعتي أوعي تفتكري حبه التسبيل دول هينسوني حقك ولا الخوف والتهديد اللي كنتِ فيه بسببهم وغير كدا طلعو بيتاجرو في الحرام فكدا كدا هيشرفونا بقي

أكتفيت إني اهز دماغي بدون ولا كلمة

وفجأة سمعنا صوت عالي

_فكرك يا حضرة الظابط هتقدر تمسكنا وتحبسنا تبقي غلطان

لفينا لمصدر الصوت لقيت ابن عمي ماسك مس*دس ورافع علي چون

صرخت_أدهم أنتَ مجنون نزل سلاحك

_بقي ده اللي سيباني عشانه يا بت عمي واتجوزتيه ماشي أنا هرملك دلوقتي

وقبل ميدوس علي المسدس كنت زقيت چون وهوب الرصاصة جت في صدري

بدأت الدنيا تسود في وشي وچون جنبي كان بيصرخ بأسمي محستش بنفسي غير وأنا ببصله وبقوله

_چون أنا بحبك

وفقدت الوعي...

٣والأخير

چون جري علي مريم

_مريم مريم فوقي عشان خاطري

شالها بسرعة وجري علي عربيته حطها براحه وساق بسرعه البرق لدرجة كان هيتقلب بالعربيه كتير

وصل المستشفى في رقم قياسي وشالها جوا ودخل المستشفى فضل يزعق

_ترولي بسرعه تروووولي

هز المستشفى كلها والممرضين اتجمعو حواليه

حطو مريم علي ترولي وجرو بيها علي العمليات

چون كان قلقان أوي وكان بيدعلها ولأول مرة في حياته يعيط بعد موت أهله

فضلت مريم في العمليات ساعات كتير أوي وفي الأخر ممرضه خرجت وهي بتجري

چون شافها وجري عليها

_مريم فين مريم كويسه

=للاسف يا أستاذ نزفت دم كتير ومحتاجين لها دم بس فصيتلها نادرة

_أنا نفس الفصيلة خدو مني

=لازم نعملك فحص عشان نتأكد ينفع ناخد منك أو لاء عشان متتعبش

أتكلم بزعيق وعصبيه_أنتِ مالك أتعب ولا أموت خدي مني وأنتِ ساكته

خافت الممرضة من شكله وفي الآخر راحت سحبت منه ودخلت العمليات تاني

وبعد مرور وقت الدكتور طلع وهو باين عليه التعب والإرهاق

جري عليه چون

_مريم كويسه طمني

اتنهد الدكتور_ إحنا طلعنا الرصاصة بالعافية كانت جنب قلبها في مكان حساس أوي ادعيلها أنها تعدي ال ٤٨ساعه الجايين علي خير هي دلوقتي هتخرج تروح اوضه عادية لو دخلت غيبوبه هنضطر نحطها في عناية مركزة

مشي الدكتور وسابه لوحده

چون مكنش مستوعب

_يعني ايه؟!!يعني ممكن تروح مني حبيبتي؟!! أكيد لاء مش بعد كل اللي عملته عشان أوصلها!!!

وبعدين عيونه أحمرت جداً من أثر العصبية وهو بيتوعد لأدهم

دخل الأوضه اللي مريم دخلتها وفضل باصصلها بحزن علي شكلها الباهت قرب باسها من راسها وباس أيدها

_وغلاوتك عندي لهجبلك حقك يا نور عيني

في مكان تاني

_عشان غبي!!!!!!!

بتوتر_مهو أصل البت يابا اللي عملت فيها هيرو وخدت الطلجة مكانه

بعصبية_تعرف ايه اللي هيحصلنا دلوجتي لو البت جرالها حاجه!!!!

بتوتر_خلاص بجي يابا سيبنا نفكر

_يا خبتي السودة في ولدييي

عند چون

_دلوقتي الواد ده وأبوه هنروحلهم الصعيد نجيبهم انهاردة قبل بكره يا سيف!

*سيف صاحب چون وظابط برضو

_تمام يا چون

وسابه وخرج

كان فون مريم عمال يرن

*لما وقع چون خده معاه ونساه

بص لقي رقم زين اللي بيرن فرد

_ألو

=ايه يا مريوم مجتيش ليه تيته مستنياكي

_أنا چون

زين أستغرب_چون!آمال فين مريم

حكاله چون كل اللي حصل

زين بعصبيه_اه يا أدهم يا ابن ال***

_مش وقته دلوقتي المهم لو تعرف مكانهم في الصعيد قولي

=حاضر بس بص هتلقيهم دلوقتي مش في القصر تلاقيهم خايفين فهقولك مكان هما علي طول لما يعملو مصيبه بيروحو هناك

وبالفعل چون عرف المكان وطلع أمر بالقبض عليهم وأتسجنو أدهم اخد أعد**ام

وأبوه اتسجن ٢٥سنه

مر شهر بدون أحداث جديده

ومريم دخلت في غيبوبه

كان چون عند مريم قاعد جنبها

_وحشتيني يا نور عيني وحشتيني ووحشني كلامك يا حته من قلبي وحشتني عيونك اللي كانت مدوباني دي

مش هتصحي بقي مش قادر علي بعدك خلاص حياتي مش راضيه تمشي

مسك ايدها وباسها ودموعه نزلت

_يلا بقي يا مفعوصه قومي

بصوت تعبان_بس أنا مش مفعوصه

بصلي بلهفه وقرب مني بسرعه

_مريم أنتِ كويسه

أنتِ فايقه أنا م مصدق

كنت بصاله وأنا مبتسمه بتأمل فيه

بصلي بقلق_مالك مش بتردي ليه تعبانه انادي الدكتور طيب

أبتسمت وفتحت درعاتي له

_تعالي

بصلي لحظه وبعدين قرب مني بلهفه

حضنته!

كان واحشني الحضن ده بجد!

أتكلمت وأنا في حضنه_أنا كده بقيت كويسه

شدد علي حضني براحه عشان متوجعش

_صدقيني أنا اللي وحشني الحضن وصاحبه الحضن وعيونها

بعدت راسي عنه وبصتله بحب_وأنتَ وحشتني أوي

مر كام يوم والدكتور كتبلي خروج من المستشفى

_يلا وصلنا

لسه هفتح الباب لقيته فتحلي الباب

_أتفضلي يا سكرتي

أبتسمت ونزلت من العربيه

دخلنا دخله البيت اللي المفروض هنكمل باقي حياتنا فيه

كنت لسه هطلع أول درجه من السلم وهوب لقيت المشمحترم شالني

_اوعي كدا نزلني

=شششش

_وأنا دبانه هتهشني

بصلي وغمز_لا أنتِ سُكر وهاكلك

وهوب لقيت وشي قلب طماطم

بصلي وأتكلم بخبث_اللاه هو القمر بيتكسف

ضربته في صدره بخفه_اسكت

طلعنا عند الشقه

_نزلني بقي

=يبنتي اتهدي

_عندي رجلين علي فكرة

_خلاص اللي يريحك

ونزلني وفتح الباب بالمفتاح

_خشي برجلك اليمين يا عروسه

بصيتله بضيق_عروسه اه بدل م أجيلك من بيت أبويا جيالك من المستشفى

بصلي وضحك_ياختي حتي لو جايه من المريخ مش فارق معايا

بصيتله بحب وبعدين اتجهت للصالون قعدت علي الكنبه بتعب

لقيته قعد جنبي_تعالي خدي دش ونامي شوية

أتكلمت بنعاس_مش قادره أقوم خليني هنا

أتكلم بحنان_خلاص تعالي

روحت عنده وسند راسي علي رجله

_نامي هنا

غمضت عيوني من كتر التعب ونمت علي طول محستش بحاجه

كان بيلعب في شعرها بحنان وهو مبسوط أن خلاص حبيبته بقت في بيته

شالها بحنان ودخل حطها علي السرير براحه وغطاها

ودخل هو أخد شاور ولبس لبس مريح ودخل المطبخ عشان يعمل أكل

مر وقت كبير هو خلص أكل ومريم كانت لسه نايمه فراح يصحيها

_مريومه حبيبتي

=مممم

_سكرتي يلا أصحي عشان تاكلي

=مش جعانه عايزة أنام

_معلش قومي كلي لقمه أنتِ مكلتيش من أنبارح

فتحت عيوني بتعب

_أنتَ قريب كدا ليه أبعد عايزة اكسچين

=يا ساتر يارب قولي صباح الخير طب

ضحكت عليه_صباح الفل علي عيونك

ميل عليا باسني في خدي قليل الأدب

وشي أحمر وبقيت طماطم جداً سحبت الغطا علي وشي بسرعه

_أطلع برا يا قليل الأدب

ضحك ضحكه رجولية ضحكته رجت المكان_بتتكسفي يا سكرة ليه ده أنا زي جوزك يعني

أتكلمت بغضب طفولي_يووه خلاص أنا اللي طالعه

ضحك عليا ومسك ايدي بسرعه قبل م أطلع_خلاص يا سكرة متزعليش

روحي خدي دش وغيري هدومك وأطلعي ناكل سوا

_حاضر يا حبيبي

بالفعل دخلت أخدت دش و لبست لبس مريح وطلعت لقيته بيجهز السفرا

أتكلم بمرح_ايه الحلاوه دي

=حبيبي تسلم

_طب اديكي بالطبق ده في دماغك ولا ايه

=ولاااا متصدعنيش أنا جعانه

_هو حوار الرقه ده معداش عليكي خالص

=لا ويلا نااكل

ضحك عليا بغلب وقعدنا عشان ناكل

_يلا دوقي وقوليلي رأيك

كان عامل مكرونه اسباغتي وبانيه

دوقت الأكل وحقيقي كان تحفه أوي بس حبيت ارخم عليه

_ممم حلو مش بطال

بصلي بغيظ وبعدين رفع السك**ينه عليا

_قولتي ايه

=جامد طرش وأكلك مبيهزرش

ضحك بعلو صوته

_ناس تخاف متختشيش

ضحكنا وكملنا أكلنا خلصنا

وبدأت أمسك الأطباق ودخلت المطبخ عشان أغسلها

_بتعملي ايه

=هلعب كراتيه يا قلبي

_خفه

=هغسل المواعين هعمل ايه يعني

_طب هاتي دول كدا واطلعي برا

=أنتَ بتكرشني

_اه

=الشارع اللي وراه يا قلبي

بصلي بغيظ_برااااااا

=ولاااا أوعي تفكر أنك عشان مز وقمر وحليوة وشبه الواد الكوري اللي بحبه تزعقلي لاااااااا أنا مبخاااافش

_أنتِ صوتك بيعلي عليا؟

كشيت بسرعه_أنا عبيطه وبتعالج أوعي تنسي الكلمتين دول يا صاحبي

ضحك عليا وبعدين هو أصر يغسل المواعين بس كنت واقفه جنبه بعمل اتنين قهوة

خلصنا وطلعنا قعدنا البلكونه سوا كان في كرسي صغير وكرسي كبير يشيل اتنين وفي النص تربيزة صغيره

دخلت القهوة ولسه هقعد علي الكرسي الصغير لقيته بيبرقلي

_في ايه يا عم

=تعالي هنا

_لاء

=مريم

_قولت لاء!!

بصلي وغمز_شايفه الدنيا حلوة إزاي وأنتِ قاعدة في حضني

الثبات علي المبدأ ده جامد

بصيتله وابتسمت_شكرا يا اخويا

بصلي وكشر تاني_لاء يا حبيبتي جوزك مش أخوكي

ضحكت وحضنته جامد

شدد علي حضني براحه

_بحِبك

=وأنا أكتر

فضلنا علي الحال ده لغاية محسيت إني نعست

لاحظ چون أنها نعست

_يلا عشان ننام

بصيتله وهزيت رأسي بإيجاب

كنت لسه هقوم بس حسيت إني دوخت قعدت تاني

أتكلم بقلق_أنتِ كويسه

_اه متخافش بس دايخه شوية

لقيته شالني بحنان_تعالي خلاص متقوميش أنتِ

استسلمت ومقدرتش اجادله عشان كنت تعبانه فعلاً

دخلنا الأوضه وحطني علي السرير بحنان

_هروح أجيبلك مايه والعلاج قبل م تنامي

أتكلمت بتعب_تمام

راح جاب العلاج بدأت أحس بتعب جابلي العلاج خدته ونمت بتعب

وچون طفي النور ونام جنبي وخدني في حضنه وحقيقي لأول مرة أنام وأنا مطمنه

صحيت علي الفجر كدا حسيت بتعب أوي مكان الرصاصه

مسكت مكان الجرح جامد كنت بتأوه بتعب

لقيت چون قام وأتكلم بقلق_حبيبتي أنتِ كويسه

أتكلمت بتعب_الجرح تاعبني أوي هاتلي مسكن مش قادره

قام بسرعة جابلي مسكن وعطهولي فضل يطبطب علي ضهري بحنان لغاية مهديت ونمت تاني

صحيت تاني يوم كانت الساعه ١٢

صحيت ملقتش چون جنبي قومت بتعب بدور عليه في الشقه ملقتهوش

مسكت فوني عشان ارن عليه

_صباح الفل يا سكرتي

=صباح النور أنتَ فين

_أنا بس جالي شغل ضروري حقك عليا بس محبتش اصحيكي

=تمام يا حبيبي ولا يهمك

_خدي بالك من نفسك وأنا حبه وجاي وكلي وخدي علاج

_حاضر يا حبيبي خلي بالك من نفسك

قفلت معاه وفطرت وخدت العلاج

قعدت أتفرج علي الTv لقيت مسلسل كوري وايه البطل المفضل ليا فتابعت وأنا مبسوطه

فضلت قاعدة بتفرج كتير لدرجة محستش بدخول چون

كان المسلسل في آخر حته والبطل لسه هيعترف للبطله وهوب التلفزيون اتقفل

شهقت بصدمة وبصيت لچون اللي طفاه

اتكلمت بغضب طفولي_اي اللي عملته ده جاي علي أهم حته وتقفله

بصلي ورفع حاجبه_وأنا اللي قولت مستنياني علي نار وهتاخدني بالأحضان

بصتله وكشرت

لقيته بيطلع كيس من ورا ضهره

_بص يا صغنن جبتلك إيه

=يبني هو أنتَ بتكلم بنت أختك

_أنتِ بنتي أنا وبس

قرب مني بحماس وهو عمال يوريني جابلي ايه من حاجه حلوة هو متحمس وهو بيفرجني وأنا سرحانه فيه وفي فرحته

_يخربيت حلاوة أمك

بصلي بصدمه وبعدها ضحك

_مبنقولش كدا

ضحكت_بعك صح

ضحك وضمني لحضنه_أنتِ تعملي اللي أنتِ عايزه

مر كام شهر واتعافيت من الجرح

_مريم أنا تعبت

بنرفزة_چون لو سمحت إحنا أتكلمنا في الموضوع ده كتير

اتنهد_مريم أنا زهقت يا مريم بجد نفسي في حته عيل منك يا مريم

بدأت الدموع تتجمع في عيني_وأنتَ أكتر حد عارف إني خايفه قد ايه

بصلي وأتكلم بنرفزة_منا كنت طول الوقت عمال أطمنك وأنتِ برضو خايفه أعمل ايه أكتر طيب قولتلك أنسي اللي عيشتيه مع أهلك وأنتِ مصرة تعيشي دور المكتئبة!!!!

بصيتله بصدمة_صعب علي بنت زي عاشت ٢٥ سنه في الهم ده تنسي بسرعه حتي لو حاولت أنسي هفتكر يا چون!!!!

بصلي بعصبيه_وانا مش مجبر علي كل ده يا مريم أنا كل اللي عايزة هو طفل

بصيتله بزعل ودموعي نزلت

اتعصب أكتر_هو أنا كل مهكلمك تعيطي دي عيشه تقرف

نهي كلامه وهو بيخرج برا البيت وبيقفل الباب بعنف

اتنفضت من أثر الصوت ونزلت علي الأرض فضلت أعيط بحرقه لأن دي أول مرة النقاش يبقي حاد بينا ويسيب البيت!الساعه واحده!!

فضلت أعيط عيطت كتير أوي طبعاً مكنتش هعرف أنام لأني مبعرفش أنام غير في حضنه

فضلت أرن عليه مكنش بيرد وفضلت أبعتله مسدچات

_چون أنتَ فين

عشان خاطري رد

طب رد عشان خاطري أرجع ومش هزعلك تاني

هعملك كل اللي أنتَ عايزة بس أرجع

أبوس إيدك عشان خاطر مريم؟

من كتر العياط مكنتش شايفه قدامي أصلا رنيت عليه تاني فجأة رد

أتكلمت بلهفه وصوت مليان عياط_چون عشان خاطري أرجع أنتَ فين أنا خايفه

=أنا تحت يا حبيبتي متخافيش طالع أهو

قفلت معاه وكنت مستنياه بفارغ الصبر

أول ما سمعت صوت الباب بيتفتح جريت عليه وحضنته جامد وفضلت أعيط

_أنا آسفه متزعلش مني حقك عليا أنا غلطانه

طبطب علي ضهري بحنان وباسني بلطف_مش زعلان صدقيني يا سكرة وأنا كمان آسف إني عليت صوتي عليكي وسيبتك لوحدك في وقت زي ده وعارف أنك بتخافي حقك علي عيني يا نور عيني

اتنهدت بحزن_أنا عارفه إني غلط وأن تفكيري غلط بس صدقني خايفه خايفه أجيب أطفال معرفش أربيهم تربيه صالحه

مسك ايدي بحنان_طول م أنتِ خايفه من ده يحصل فأعرفي أنه مش هيحصل وأنك هتحاولي بكل جهدك عشان تربي عيالك صح

صدقيني أنتِ هتبقي أحلي وأجمل وأحن أم في الدنيا

مر شهرين واكتشفت إني حامل

_بقولك

=قولي يا سكرة

_عايزة أشتري هدوم لحموكشا

بصلي باستغراب_حموكشا مين

_حموكشا ده

وشاورت علي بطني

بصلي بصدمه وقام بسرعه قرب مني_أنتِ حامل

هزيت راسي ودموعي نزلت

حقيقي كان فرحان أوي

هو يستاهل كل خير

وحقيقي كان مستحملني بجد في فترة حملي كان إنسان حنين أوي عليا وفعلا بابا مغلطش لما أجبرني عليه كان أحلي وأعظم إجبار

ودلوقتي بعد مرور سنين قاعدين في بيتنا اللطيف أنا وچون وأطفالي التؤام وحقيقي أقدر أقول أنهم أعظم أنتصاراتي

انتهت احداث الرواية نتمني أن تكون نالت اعجابكم وبانتظار آراءكم في التعليقات