تحميل رواية مشاعر مبعثره بقلم إيمان شلبي pdf

انا هتجوز نوح يعني هتجوزه ومحدش هيقدر يمنعني

مش هتتجوزيه يا كيان ولو حكمت اني اجوزك صبي من صبياني هعمل كده ،اهو علي الاقل احسن من الصاي*ع الضايع اللي عايزه تروحي تتجوزيه من غير رضانا!

-يا بابا افهمني يابابا نوح مش وح*ش والله العظيم مش وح*ش هو قالي انا هتغير عشانك قالي أنه بيحبني وهيعمل اي حاجه عشان يبقي معايا

-هه قصدك بيحب فلوسك

-فلوس ايه يابابا نوح مش محتاج فلوس ده أبوه ملياردير!

-دول كلمتين ياحبيبتي بيتمنظر عليكي بيهم ،انا سألت علي ابوه بنفسى وعرفت أنه على باب الله وشغال سواق باليوميه

-سواق!

-تحبي تعرفي كمان

نوح بيه بتاعك ده مش في كليه تجاره زي ما هو مفهمك ،البيه خرج من المدرسه من وهو في ابتدائي يعني ميعرفش يكتب أ ب حتي ،واقولك بقي الكبيره امه ابوه مطلقها وشغاله رقا*ص"ه ،اقولك تاني هو نفسه شغال في الكبار*يه بتاع امه و.....

-بس بسسس كفايه انا مش قادره اصدق ولا كلمه من اللي قولتها ،نوح مش كذاب ،انت بتقولي كده عشان تخليني أكره*ه واصرف نظر عن موضوع جوازنا بس لا انا هتجوزه يابابا مهما حصل مش هتخلي عن الشخص اللي بحبه ،ومش هبقي تحت رحمتك ولا هتجوز المُق"رف اللي عايز تجوزهولي

رد بصرامه وحده:

-هتتجوزي عثمان برضاكي أو غصب عنك

ص*رخ*ت بجن*ون وهي بتكسر كل حاجه حوليها

-لا لا لاااااا مش هتجوز عثمان مش بطيقه مش عايزاه انا بحب نوح وهتجوزه لو حصل ايه و.......

ش"دها من شع*رها بكل قوته لدرجه كان هيتخلع من راسها!

-مش حته بت زيك هتمشي كلامها عليا أنا قسماً عظماً ياكيان لو عثمان وصله اي كلمه من اللي قولتيها دلوقتي هتبقي ايامك اللي جايه كلها هلااااك

قرب من ودنها وابتسم ابتسامه شيط*انيه وهو بيهمسلها :

يلا ياحبيبتي حالاً تغيري هدومك وتنزلي عشان عثمان جاي يزورنا ويطلب ايدك مني

قال جملته الاخيره وزق*ها جامد لدرجه اتخ*بطت في الدولاب وأيديها اتجرحت

قعدت علي الارض وهي بتعيط بح*رقه وجس*مها كله بيتنفض من الخوف

مسكت الفون وطلعت رقم نوح وضغطت عليه لكن مردش عليها بعد اكتر من عشر مكالمات!!

بعتتله فويس نوت وهي بتعيط وبصوت مهزوز بتستنجد بيه جايز يقدر يتصرف

-ن نوح الحق ...ني في ف في عريس متقدملي وبابا موافق عليه

نوح اعمل اي حاجه ارجوك انا ا انا بحبك وعمري ما هقدر اتخيل حياتي مع حد غيرك ارجوك يانوح ا ارجوك اتصرف

شاف الماسدج فوراً والغريبه واللي عمرها ما كانت تتوقعه أنه بعتلها ماسدج بيقول:

انا اسف ياكيان مش هقدر اعمل حاجه طول ما باباكي بيكره*ني ورافضني ...متوقفيش حياتك عليا ووافقي علي العريس وربنا يسعدك ويوفقك في حياتك واكيد في يوم هتنسيني واه صحيح انا كذبت عليكي في حاجات كتير انا ولا في كليه تجاره ولا عندي أملاك ولا عندي شركه ولا ابويا ملياردير ولا حتي ماما وبابا بيحبوا بعض ،انا مجرد شخص عادي خرجت من ثانويه عامه عشان ظروف ماديه وشغال ميكانيكي وبابا شغال سواق وعايشين في حاره و ماما وبابا انفصلوا من زمان اوي ،انا كذبت عليكي في كل حاجه إلا أني بحبك فعلاً ،انا اسف ياكيان مكنتش اتمني تبقي دي النهايه لكن للاسف انا اللي حلمت حلم كبير اوي مكنتش قده ولا عمري هكون

عارفين ايه اصعب شعور

الخذلان

لما تبقي حاطط أملك في شخص ومأمن علي نفسك وقلبك وحياتك

لما تبقي عارف أنه استحاله يستغني عنك

لما تبقي واثق فيه ثق*ه عمياء لدرجه انه لو طلب منك ترمي نفسك في الن*ار ومش هتتحرق هتعمل كده لانك واثق أنه عمره ما يأذيك!!

هو ده الشعور اللي كان مسيطر على كيان وقت ما شافت الماسدج بجانب مشاعر كتير متتوصفش لكنها مفيش ابش*ع منها علي الاطلاق

استحضرني قول محمود درويش لما قال

"كنتُ أود إخبَارك بأن الجَميع قد خَذلني إلا أنت ، لكنَك خَذلتنِي قبل أن أُخبرك"

★★★★★★★★★★★★★★★★★★

في مكان تاني وخاصه في شقه صغيره كان قاعد هو في البلكونه حاطط الهاند فري وبيبص قدامه بشرود

كان في عالم تاني

عالم بعيد كل البُعد عن العالم الصعب اللي عايشين جواه

-نوح نووووح

فاق من شروده وبص لمصدر الصوت :

-ايوه يابابا

حط أيده علي كتفه بحنان :

-مالك يابني قاعد سرحان ليه انت كويس؟

شال الهاند فري وبصله وسكت لحظه بعدها سأله بحيره

-بابا هو لو حد بيحب حد اوي بس طلع بيكذب عليه هل ممكن الشخص ده يسامح!

-والله علي حسب الكذبه كبيره ولا صغيره

-يعني ايه مش فاهم ؟

-يعني لو كذبه ممكن تعدي هيزعل يوم او اتنين وخلاص

انما كذبه كبيره ممكن حد يبني عليها طموحه وأحلامه صعب أنه يسامح وحقه لأن قلوب الناس مش لعبه

-بس احنا اوقات بنضطر نلجأ للكذب

-اوقات لكن بنأذي غيرنا

-قصدك تقول اني أذيت كيان

رد بأستغراب:

-كيان مين؟

اخد نفس عميق وقام وقف وسند أيده علي سور البلكونه

-البنت اللي بحبها يابابا كذب*ت عليها وخذل"تها وخيبت كل أملها فيا

-ليه يانوح ليه يابني عملت كده!!!

-عشان بحبها يابابا

رد بحده :

-وهو اللي بيحب حد يأذيه؟

لف وبصله بحزن :

-غصب عني صدقني انا فعلا بحبها اوي

-كذبت ع عليها في ايه يا نوح ؟

-كل حاجه يابابا كذبت في كل حاجه قولتلها اني عندي أملاك وفلوس تكفي بلد ،قولتلها اني في كليه تجاره ،قولتلها أن انت وماما بتحبوا بعض اوي وأننا عيله مترابطه ،الحاجه الوحيده اللي كنت صادق فيها اني بحبها

-ليه كذبت يانوح انت مستعر مننا ومن عيشيتنا

هز رأسه بنفي :

-لا صدقني لا بس كيان غنيه اوي اوي واستحالة لو كنت عرفتها الحقيقه من البدايه كانت هتفكر تبصلي حتي

انا فعلا كنت اناني وحقير بس انا عملت كده عشان بحبها ومكنتش قادر اتخيل انها تحب حد غيري أو تبقي لحد غيري

بس تعرف يابابا انا حلمت حلم كبير اووووي مش علي قدي ،حلمت تحبني وأحبها وأبوها يوافق علي جوازنا وللاسف كان مجرد حلم سخيف فوقت منه علي واقع أسخف منه!

-مين البنت ديه يا نوح تعرفها منين ؟

ابتسم ابتسامه كلها سخريه:

-في الكليه

رد باستغراب :

-كليه مين يابني انت مش في كليه اصلا!!

رد بحزن:

-واحد صاحبي في كليه تجاره مره دخلني معاه لأن الأمن يبقي باباه وحضرت محاضره وشوفتها هناك واتكلمنا واخدت رقمها واتعرفنا علي بعض

-وبعدين؟

-لما عرفت أن هي غنيه لقيت نفسي بضحك عليها وبقولها حاجات مش عندي!

-كنت خايف تجرح مشاعرك لو عرفت حقيقتك ولا كنت خايف تبعد عنك

-هتصدقني لو قولتلك أن مشاعري مكانتش فارقه معايا قد ما فارقالي هي ووجودها في حياتي

-للدرجه دي بتحبها؟!

-بحبها اوي

-وهي؟؟

-هي كمان بتحبني اوي بس للاسف باباها مش طايقني

رد باستغراب:

-وانت شوفت باباها فين

-في حفله عيد ميلادها كانت عازمه كل أصحابها وعزمتني وعرفتني عليه

-وبعدين ؟؟

-وبعدين انا في اخر الحفله قولتله اني بحبها وعايز اجيب والدي و اتقدملها وعرفته كل ظروفي بس هو رفض وطردني

-وهي عرفت ؟

-اكيد وبتحاول توصلي باي طريقه بس انا رافض اتكلم لاني عارف انها هتعاتبني اني كذبت عليها

بصله بعتاب :

-وتفتكر أن ده الصح

انك تهرب من المواجهه يدل انك جبان وانا مربتكش علي انك تكون جبان

-غصب عني يابابا صدقني

مش هقدر استحمل اشوفها وهي مكس*وره بسببي بس اعترفتلها خلاص

انا حتي قولتلها توافق علي العريس وتنسانني

-هي متقدملها عريس؟

-للأسف وأبوها موافق

شده من أيده :

-قوم معايا بسرعه

رد بذهول :

-علي فين

-علي بيتها طبعا مش انت بتحبها

-ايوه بس

-هششش قوم معايا وانا هتصرف

★★★★★★★★★★★★★★★★★★

اوقات كتير بنغلط في حق نفسنا لما نثق في شخص اكتر من اللازم ،لما نستهلك مشاعرنا بزياده ،لما نهمل روحنا وحياتنا ومستقبلنا ونيجي علي نفسنا عشان المركب تعدي لكن بنيجي في الآخر ونكتشف أن كل ده كان غلط

بنكتشف اننا مكانش لازم ندي كل المشاعر وكل الوقت وكل الاهتمام إلا لنفسنا لانها الباقيه

بنكتشف أن كل الاشخاص اللي كانوا في حياتنا عابرين ،مؤقتين ،مجرد فترات وبيجي غيرهم!

لكن للأسف كل يوم وكل دقيقه وكل ثانيه بتمر علينا بتخسرنا كتير وبتستنزف روحنا ومشاعرنا وقلوبنا لكنها بتكون كافيه عشان نكون ناضجين اكتر وقادرين نفكر الف مره قبل ما نخوض تجارب فاشله زي اللي فاتوا🖤

ده الكلام اللي كانت بتحاول تقنع "كيان" نفسها بيه وهي قاعده مع عثمان وبتتعرف عليه

-ا احم سرحانه في ايه

فاقت من شرودها علي صوته وبصيتله بتوتر وهي بتفرك فى ايديها :

-م مفيش مش سرحانه ولا حاجه

ابتسم ابتسامه لطيفه ورد بهدوء :

-طب تحبي تسألي عن حاجه

-اه

-اتفضلي

-انت كنت متجوز قبل كده صح

اتنهد تنهيده طويله وهو بيهز رأسه :

-للأسف

-تسمحلي أسألك ليه انفصلتوا

كان لسه هيرد عليها بسبب الباب خبط

فتحت الخدامه ودخل "نوح" و"صلاح" اللي اول ما شافتهم اتنفضت من مكانها

-انت؟؟؟

صلاح :

-السلام عليكم ازيك يابنتي

عثمان باستغراب :

- انتوا مين

نوح اتجاهل كلامه وبصلها بحزن :

-كيان ا ارجوكي اسمعيني والله انا بحبك بس...

"ايه ده ايه ده مين اللي سمع للاشكال ديه تدخل البيت"

صلاح:

-بعد اذنك يا ابو كيان انا عايز اتكلم مع حضرتك كلمتين مش اكتر

خالد بعصبيه:

-ولا كلمه برااااااا

نوح والدموع بتلمع في عينه :

-خالد بيه ارجوك انا....

قرب منه خالد وش*ده من قميصه :

-انت تطلع برا انت والجربوع ابوك وإلا قسماً عظماً هطلب البوليس والبسكم قضيه

نوح وهو بيبص لكيان :

-كيان انا بحبك والله ارجوكي خلي خالد بيه يسمعني و....

كيان وهي بتبصله بغرور :

-وانا مش بحبك

قربت من عثمان ومسكت في دراعه وهي بتكمل كلامها بابتسامه كلها شر وانتقام :

-اتمني تنساني وتعيش حياتك وربنا يوفقك

وااه انا كمان ضحكت عليك وارتبطت بيك عشان انت كنت مجرد رهان بيني وبين صاحبتي

رفعت اكتافها ببرود ولا مبالاه :

واهو كسبت الرهان وخليتك تحبني وخلاص اللعبه خلصت ،يلا يا نوح ياحبيبي اتفضل خد ابوك واطلع برا

ااااه صحيح انا كتب كتابي يوم الخميس اللي جاي متبقاش تنسي تيجي وتجيب معاك كيسه سودا تاخد فيها جاتوه امممم اصل انا عارفه انك اكيد مش بتشوف الحاجات دي في بيتكم

يتبع

انا مش كداب

وقت اما رميت الدنيا ف ضهري

وجيت عندك وقفلت الباب

كان قصدى ساعتها نلم دموعنا ونتبسم مش قصدى عتاب

انا جيت لك وانا كل ما فيا

بيقول انك كل ما فيا

ومشيت بما فيش💔

فات اسبوع علي اخر مقابله المقابله اللي اتقال فيها كلام في قمه القسوه اللي في العالم!

لكن بالنسبه لنوح كأنه يوم

مش قادر يتخطي ولا ينسي

في جرح معلم جواه بفعل اعترافها بمشاعرها المنافيه لمشاعر الحب اللي كانت بتظهر في كل أفعالها وحتي في لمعه عيونها لما تشوفه

صحيح هو كمان كان غلطان وكذب كذبه لا يمكن تتغفر لكنه كان صادق في مشاعره نحيتها

في النهايه

هما الاتنين في نظر بعض غلطانين و مؤذيين لكن بطرق مختلفه

-مش كفايه بقي يانوح

اتنهد بضيق ولف وشه:

-لو سمحت يابابا سيبني لوحدي

-لا مش هسيبك لوحدك ما خلاص حصل ايه يعني لكل ده!

ابتسم بسخرية:

-لا محصلش حاجه خالص

-نوح متنساش أن انت كمان كذبت عليها

رد بعصبيه :

-بس حبيتها بجد لكن هي كذبت عليا كذبه اكبر وقالت كلام مكانش لازم يتقال علي الاقل لأن كان في ما بينا مشاعر في يوم!

-المجروح بيقول اي كلام وهو مش حاسس يابني اكيد مكانش قصدها تجرح مشاعرك بالشكل ده

-لا يابابا كان قصدها

اتنهد وطبطب علي كتفه بحنان :

-انسي يانوح خلاص مش هنوقف حياتنا عشان قصه حب فاشله من البدايه

كان لسه هيرد عليه بس الفون بتاعه رن برقم "كيان"

اخد دقيقه بيحاول يستوعب أن ده رقمها مش رقم تاني!

رد وحطه علي ودنه من غير ما ينطق حرف

سكت لحظه وهي كمان سكتت

مكانش في صوت غير صوت نفس عالي ممزوج بعياط

-ك كيان

اخدت نفس عميق وردت بصوت مبحوح :

-ا انا مش بكلمك عشان نرجع ولا الكلام اللي جه في بالك

ا أنا بكلمك عشان اعرفك اني لما قولتلك انك كنت رهان كنت بكذب عليك، ي يعني ك كلام كنت بحاول اقوله يمكن اريح قلبي اللي اتج*رح ،م مش حابه تفتكر انك الظالم والمظلوم في نفس الوقت لا يانوح ا انت الظ*الم والأناني والحق*ير

سكتت لحظه بعدها كملت كلامها بنبره كلها دموع :

انا فعلا حبيتك أنا بس كان عندي سؤال

ليه؟؟

ليه كذبت عليا انا اذيتك في ايه عشان تعمل كده

سكت وغمض عيونه بقوه وهو بيحاول يسيطر علي أعصابه ومشاعره وبالرغم من أنه كان عنده كلام كتير لكن كل الكلام اتبخر اول ما سمع صوتها

ابتسمت بسخرية :

-طبعا معندكش اجابه مش كده

عموماً مش مهم أنا بس حبيت اكلمك لأخر مره لاني خلاص ساعه وهيتكتب كتابي

-كيان اسمعيني انا.....

قاطعته بحزن :

-ك كان نفسي اقولك كرهتك يانوح بس للاسف بالرغم من كل اللي حصل لسه بحبك لكن تعرف؟!

اكيد ربنا شايلي الاحسن ،ا اكيد عثمان هينسيني ويبقي زوج حنين ويعوضني عن التع*ب اللي شوفته في حياتي من وانا صغيره

-كيان ا.....

قفلت في وشه من غير ما تسيبه ينطق حرف زياده أو يدافع عن نفسه ،حكمت عليه من قبل ما تسمع أسبابه في حين أنه سامحها ونسي كل كلمه قالتها بمجرد ما سمع صوتها!

كل شئ انتهي في لمح البصر

المشاعر ،الوعود ،التفاصيل

الشئ الوحيد اللي باقي هو الذكريات اللي هتفضل ملازماه فين ما راح!

★★★★★★★★★★★★★★★★★★★★★

بعد مرور سنه

كل حاجه اتغيرت في حياه ابطالنا

نوح عاش حياته واتأقلم

اشتغل وقدر يبقي احسن في مجاله

شخصيته اتبدلت ميه وتمنين درجه

بقي اهدي وانضج وافضل عن زمان بكتير

كيان كذلك حاولت تتأقلم علي حياتها

لكن للأسف مقدرتش لأن عثمان مكانش مساعدها علي ده

اتبدل حالها للأسوء

الشئ الوحيد اللي فضل زي ما هو مشاعرهم لبعض

لا كيان قدرت تنسي نوح وتحب عثمان

ولا نوح قدر ينسي كيان ويعيش حياته ويتجوز!

-مساء الخير انت نوح؟

خرج من تحت العربيه اللي كان بيصلح فيها ورفع عيونه باستغراب

-ايوه انا مين حضرتك؟

ابتسمت برقه :

-ا احم ازيك يا نوح ا انا مريم

قام وقف وابتسم بمجامله :

-اهلا بحضرتك يلزم اي خدمه؟

هزت راسها وردت بهدوء :

-ممكن اخد من وقتك خمس دقايق بس

-اكيد اتفضلي

قالها وهو بيسحب كرسي وبيشاورلها تقعد

-ميرسي

سحب هو كمان كرسي وقعد قدامها :

-تحبي تشربي ايه

-لا لا شكراً مفيش داعي

انا بس كنت جايه اتكلم معاك خمس دقائق وهمشي علي طول

-سامعك اتفضلي

-انا الدكتور مريم احم دكتوره نفسيه

و وفي حد كان بيتعالج عندي من فتره انت تعرفه

قفل عينه نص قفله باستغراب :

-حد مين

-حد عزيز عليك

ابتسم بحزن ورد وهو بيبص قدامه:

-مفيش حد عزيز عليا غير ابويا

-وكيان؟

-كيان!!

اول ما سمع اسمها قلبه مبقاش في مكانه

الزمن رجع بيه لورا

افتكر اول مره شافها واول مره قلبه دق في وجودها

كل مشاعره رجعتله من تاني بعد ما كان بيحاول يخبيها جواه!

-ايوه يانوح كيان انا جيالك النهارده عشان كيان ،نوح كيان لسه بتحبك و..

شاورلها بحده :

-ارجوكي الموضوع ده انا قفلته من زمان ومش حابب اتكلم فيه

-حتي لو قولتلك أن كيان محتاجالك وان وجودك مهم في حالتها

بصلها بقلق حاول يخفيه لكن مقدرش:

-حاله ايه

-كيان عندها كان*سر يانوح

رد بصدمه وذهول :

-ك كانسر!!

-هي بتتعالج لكن العلاج لوحده مش كفايه

الشئ الوحيد اللي هيفرق هو وجود حد بتحبه

وانت اكتر شخص هي بتحبه

كيان حكيتلي عنك كتير جدا

دائماً في كل جلسه كانت بتحكيلي عن قد ايه انت واحشها وعن قد ايه كان نفسها تكمل معاك لولا كذبتك ولولا ضغط والدها عليها انها تتجوز عثمان

بالرغم انها مقهوره منك بس بتحبك وبالتقريب مسامحاك

واظن انك لسه بتحبها زي ما بتحبك مش كده؟!

عيونه لمعت بالدموع ورد بصوت مبحوح :

-عمري ما حبيت غيرها

ردت برجاء وتوسل:

-يبقي ارجوك تيجي معايا دلوقتي وتروحلها

-ايوه بس....

-لو علي عثمان فهو مسافر من حوالي شهر وكيان حقيقي مش بتكره قده ونفسها تخلص منه لكن مش قادره

ولو علي خالد بيه فمتقلقش فهو دايماً مشغول عنها وبيزورها كل فين وفين

ها هتيجي معايا ؟

-طبعاً طبعاً هاجي معاكي

★★★★★★★★★★★★★★★★★★★★★

ركب عربيه مريم وساق نوح وكأنه بيسابق الرياح عشان يوصلها

طول الطريق كان جواه مشاعر كتير متلغبطه وعكس بعض تماماً

اشتياق ،حزن ،فرح ،خ*وف

اخيرا بعد سنه غياب هيقدر يشوفها ويتكلم معاها

لكن ياتري هتكون دي اخر مقابله؟!

ياتري الموت هيخطفها منه

ياتري الدنيا بعد كل ده هتجمعهم من تاني ولا هي مصممه تعاند وتقس*ي وتفرق قلوب بيحبوا بعض!

وأخيراً وصلوا بعد وقت مش طويل لكنه كان بالنسبه لنوح سنين

وصل قدام الاوضه بتاعتها وكانوا لسه هيدخلوا سمعوا صوت حد بيصرخ

بصوا لبعض بقلق ووقتها نوح اتسمر مكانه

عضلات جسمه اتشنجت وعيونه تلقائي دمعت

وقلبه يكاد هيقف من كتر ما هو بيدق

خرج الدكتور من الاوضه وبصلهم باستغراب :

-انتوا مين

مريم وهي بتعيط :

-ك كيان ك كيان ما"تت يادكتور؟

هز رأسه بحزن وشفقه:

-والدها في العنايه المركزه والمدام كيان لما عرفت حالتها بدأت تتدهور ارجوكم لازم تكونوا معاها وخاصه الأستاذ نوح أنا معرفش مين هو لكن طول ما هي نايمه وتعبانه مش بتنادي غير بأسمه

كان لسه نوح هيرد بس حد قاطعه :

-حضرتك أستاذ نوح

لف لمصدر الصوت وبيان باستغراب :

-ايوه انا مين حضرتك

انا سكرتير استاذ خالد

لو سمحت تيجي معايا استاذ خالد عايز يتكلم معاك فى موضوع ضروري

-نعم هو مش في العنايه؟؟

-ايوه لكن فاق وحالته صعبه جدا ومحتاج يتكلم معاك ارجوك لو سمحت تيجي معايا

بص لمريم وهي كمان بصيتله بحيره

سكت لحظه بعدها هز رأسه بموافقه

اتفضل هاجي معاك

يتبع

اوقات بنفضل نعافر بكل طاقتنا عشان موضوع معين يكمل لكنه بكل أسف مبيحصلش بل بالعكس ده كل الطرق بتتقفل في وشنا وكأن الدنيا عدونا اللدود اللي رافضه تخلينا نعيش اللي بنتمناه من غير تعب ومعافره ودموع!

بيجي علينا لحظه بنتعب فيها من كتر الجري ونقف في نص الطريق لا مننا قادرين نرجع ولا مننا قادرين نكمل

لحظه بنفقد فيها طاقتنا ،شغفنا ،احلامنا ،نفسنا

لكن للاسف مضطرين نكمل طريقنا

الشئ الوحيد اللي ممكن يهون علي البني آدم هو اليقين والثقه بالله

لما يبقي جواك يقين أن حتي لو كل الطرق اتقفلت اكيد ربنا هيفتح طريق مكنش علي البال ولا النيه

اكيد ربنا ليه حكمه في كل اللي بيحصل

حكمه في التعب

حكمه في الفشل

حكمه في النصيب

مش بنبقي قادرين نفهمها ولا نعرف اي هي إلا في النهايه

واكيد بعد كل التعب والمعافره والفشل والدموع وكسره النفس والقلب هيعوضنا بشئ مكانش متوقع

اما هنحصل علي اللي طول عمرنا بندور عليه

او هيحصل عكس ده وهنحصل علي اللي ربنا كاتبهولنا والاحسن وألطف بكتير من اختيارنا

-سرحان في ايه ياحبيبي؟!

لف وعلي ملامحه القلق :

-انتي ايه اللي قومك من علي السرير بس مش الدكتور قال نرتاح شويه

ردت بضيق طفولي :

-زهقت يانوح وبعدين انا الحمد لله بقيت كويسه

مدلها ايده بابتسامه:

-طب تعالي اقعدي علي الكرسي وانا هروح احضرلك حاجه تاكليها

مسكت أيده وهي بتهز رأسها بنفي :

-متتعبش نفسك ياحبيبي مش جعانه

رد بأصرار:

-كيان أنتي لازم تأكلي عشان اللي في بطنك وعشان صحتك

-بس.....

-مفيش بس هناكل سوا

-امممم إذا كان كده ماشي

اتنهد وباس راسها بحب وحنان :

- خمس دقائق والأكل يكون جاهز

بعد مرور ربع ساعه

كيان وهي بتبصله بحب وامتنان:

-ربنا يخليك ليا يانوح انا اسفه تعباك معايا اوي

مسك ايديها وباسها برقه :

-مستعد اتعب العمر كله في سبيل راحتك يا كيان

- انا بحبك اوي

-وانا بحبك اوي ومش قادر لحد اللحظه ديه اصدق انك معايا

عيونها لمعت بالدموع وهي بترد بنبره مهزوزه:

-كل ما افتكر الايام اللي عيشت فيها مع عثمان قلبي يتقبض وبخاف

ضغط علي ايديها بلهفه :

-اوعي اوعي تخافي طول مانا موجود

سندت رأسها علي صدره وهي بتاخد نفس عميق وبتقوله :

-ربنا يسامحه بابا هو السبب في كل اللي حصل ده

-باباكي الله يرحمه كان بيحبك وعايز مصلحتك زي اي اب

-بس غصبني يا نوح وانا مكنتش متقبله عثمان

حاوط وشها ومسح دموعها برقه :

-اللي حصل حصل خلاص انتي معايا دلوقتي وفي حضني ده مش كفيل ينسيكي اللي فات!

حاوطت رقبته وهي بتغمض عينيها براحه وامان:

-كنت بتوحشني اوي يانوح وعمري ما نسيتك ولا لحظه

حاوطها بكل قوته وغمض عيونه وهو بيتنهد تنهيده طويله :

-كنت طول الوقت بلوم نفسي اني كذبت عليكي وكان نفسي لو اقابلك حتي لو صدفه واحكيلك كل اللي جوايا لكن كل الظروف كانت معنداني

كيان انتي مكرهتنيش صح؟

-عمري يا نوح أنا مستعده اكره كل العالم إلا أنت

نوح أنا ا انا حسيت معاك بمشاعر عمري ما قدرت احسها مع حد تاني ،ا انا كنت ببقي علي طبيعتي معاك ،بعمل اي حاجه وبقول اي كلمه من غير ما اخاف انك تفهمني غلط،تعرف أن بالرغم اني اتجوزت عثمان لكن كان جوايا يقين اننا نبقي مع بعض في يوم

-اول ما عرفت انك مريضه روحي خرجت من مكانها

وقتها الدنيا وقفت ،حواسي وقفت ،كل حاجه اتعطلت

مكنتش قادر اتخيل حياتي من غير وجودك

حتي لو مش مع بعض بس كنت عارف أنك عايشه ويمكن يجي يوم واشوفك ولو صدفه!

دعيت ليل مع نهار انك تبقي بخير

بكيت لربنا لدرجه طلبت منه ياخد تعبك ويجيبه فيا

مكنتش قادر استحمل صوتك وانتي بتتوجعي

ولا قادر اشوف دموعك وانتي بتتحسري علي شعرك اللي وقع

انا عمري ما كنت اتخيل اني احب حد بالشكل ده

انا اصلا كنت حالف ما احب ولا اتجوز ولا اكرر تجربه امي وابويا واظلم معايا اطفال صغيره واحطهم في اختيار يبقوا معايا أو مع مامتهم

لكن لما شوفتك كل حاجه اتغيرت

كل قرار ،كل كلمه ،كل مشاعري اتغيرت علشانك انتي

بعدت عنه وعيونه بتلمع بالدموع :

-نوح اوعي في يوم تبعد عني

-انتي اللي اوعي تبعدي عني لاني من غيرك ولا حاجه

غمضت عينيها بتعب وسكتت شويه وملامحها باين عليها الوجع

-كيان مالك ؟

ردت بتعب وصعوبه :

-ب بطني يا نوح و وجعاني اوي

رد بغباء :

-من ايه طيب انزل اجبلك مُسكن؟!

-م مُسكن ايه ااااه انا شكلي بولد يانوح

-بتولدي!!!

نهار اسود ط طب وانا اعمل ايه ا اتصرف ازاي ا اروح فين

اروح اسخن مايه؟!

ردت بتعب وعصبيه :

-مايه ايه اللي تسختها يخربيييتك اتصل بالاسعاف

قام وقف وهو بيدور على الفون بتوتر ولهفه

-التيلفون فين التيلفون

صرخت بوجع ودموع :

-ااااه نوح بسرعه مش قاااادره

مسك الفون وضغط علي الإسعاف

-الو ل لو سمحت ا أنا بولد و ومحتاج عربيه دلوقتي الله يخليك

-بتولد!!!

خبط علي دماغه بغيظ :

-ياختاااااي ا انا اسف ا انا اقصد يعني مراتي بتولد و وانا مش عارف اعمل ايه لو سمحتوا ابعتولي اسعاف دلوقتي

-تمام يافندم قول العنوان بسرعه

-عنوان ايه ؟

-عنوان حضرتك يافندم!

-اه اه ا العنوان *******

-ااااااه بولد الحقونااااااي

قرب منها بلهفه وقلق ومسك ايديها :

-حبيبتي معلش استحملي بس خمس دقائق الإسعاف جايه في الطررريق

ردت بعياط وهي بتضغط علي أيده :

-اااااه مش قادره يانوح مش قاااادره شيلني ووديني المستشفي

-اشيل مين؟

صرخ*ت في وشه بعصبيه:

-شيلني

-ياحبيبتي اشيلك اايه بس هو انا قادر أشيل نفسي؟

-طلقني يانوح طلقنااااااااااي انت السبب منك لله انت السبب في اللي انا فيه دلوقتي

رد بذهول :

-الله وانا مالي ما هو بمزاجك!!

-عاااااااا طلقني طلقني بولد بولد بولد بولد

-ياحبيبتي والله خلاص الشارع اللي جنب اللي جنبنا عرف انك بتولدي مش محتاجه تأكدي المعلومه

-يابااااااارد ياتلاااااااجه

-مقبوله منك ياروح قلبي

كانت لسه هترد عليه بس الباب خبطت والإسعاف كانت وصلت

-اااااه منك لله كشفت راسي ودعيت عليك طلقني

-حاضر قومي انتي بالسلامه وانا هطلقك

قالها وهو بيجري وراها علي السلم وهي علي نقاله وبتدعي عليه

ردت بغيظ وتعب:

-طلقه في دماغك عايز تطلقني يا نوح؟

بص للممرض بذهول :

-الله مش هي اللي بتقول طلقني؟

مسكت أيده وعضتها وهي بتصرخ جامد

أصبح الوضع كالاتي

نوح بيحاول يفك أيده وبيصرخ بوجع وكيان رافضه تسيبه وبتصرخ بوجع اكبر!!

الحمد لله ولدت بالسلامه بعد مرور ساعه عدت علي نوح كأنها سنه

-حمدلله علي سلامتك ياروحي

ابتسمت وردت بتعب :

-الله يسلمك ياحبيبي

البيبي حلو

رد بغرور مصطنع :

-طبعا قمر زي ابوه

ابو نوح وهو بيضربه في كتفه وبيقرب من كيان عشان تشيله:

-انت هتحور لا طبعا هو قمر زي مامته

اخدته منه بابتسامه :

-حبيبي يابابا ربنا يخليك لينا يارب

نوح وهو بيبص للبيبي بحب ومشاعر كتير متلغبطه:

-جميل اوي ياكيان

-اوي بس تعرف هو فعلا جميل زيك

-مُراد

بصيتله باستغراب فابتسم وهو بيمسك ايديها :

-هنسميه مُراد علي اسم اخوكي الله يرحمه

ابو نوح باستغراب :

-انتي كان ليكي اخ

ردت بحزن :

-الله يرحمه كان توأمي وم*ات واحنا عندنا عشر سنين

-الله يرحمه ياحبيبتي

اتنهد "نوح" وهو بيبص قدامه وبيفتكر اللي حصل من سنتين

فلاش باااك

-الف سلامه علي حضرتك ياخالد بيه

كان "خالد" نايم فوق السرير وجسمه متحاوط بأجهزه ومتعلق له محاليل وحاطط نفس

كانت حالته خطيره بشكل يخض وكأنه بيودع الحياه

شال النفس ورد بتعب:

-ا الله يسلمك يابني

-حضرتك طلبت تقابلني خير

-ق ق قبل اي حاجه ا انا اسف يانوح يابني

نوح بسخريه:

-اسف؟؟

بعد ايه ياخالد بيه

حضرتك متأخر اوي

هز رأسه وهو بينهج بتعب اكبر:

- ع عارف ع عارف انه متأخر اوي لكن حط نفسك مكاني

ا ا اي اب مكاني هيبص لمصلحه بنته و.....

قاطعه بقسوه وشراسه:

-مصلحه بنتك كانت معايا مش مع عثمان

حتي لو كنت بكذب عليها في كل حاجه بس كنت بحبها وكنت مستعد اعمل اي حاجه عشان ابقي مناسب ليها

-م م مش وقته الكلام ده يانوح ا انا عارف اني كنت غلطان و وندمت علي اختياري لعثمان و وبدفع تمن غلطتي دلوقتي

-حضرتك عايز توصل لايه دلوقتي ؟

-ا انا بوصيك ت تخلي بالك من كيان لو جرالي حاجه

ابتسم بسخرية ووجع :

-وجوزها ده كيس لب يعني

-جوزها طلقها يانوح ،ط طلقها بعد ما سرق كل أملاكها وهرب ب بس انا داريت علي الموضوع لان مش وقته هي تعبانه

-يعني ايه يعني هي متعرفش أنه طلقها؟؟

هز رأسه بنفي :

-ب بعتلها ورقه طلاقها علي البيت

-امتي الكلام ده؟

-النهارده ا انا موجود هنا بسبب ازمه قلبيه من اللي حصل

ا انا مش فارق معايا اي فلوس ا المهم دلوقتي كيان

ه هي بتحبك و و وجودك ه هو الشئ الوحيد اللي ممكن يهون تعبها ويساعدها في مرحله العلاج

خ خليك معاها يانوح و ولو ربنا شفاها مش هعترض ابدا انكم تتجوزوا وتعيشوا اللي باقي من عمركم و و كح كح كح

نوح بقلق وهو بيحط النفس علي بوقه :

-ارجوك كفايه كلام انت تعبان

اوعدك كيان في عيني وفي قلبي ومش هبعد عنها مره تانيه مهما حصل

مشي من عند "خالد" وراح نحيه اوضتها

اول ما دخل كانت مريم قاعده علي الكنبه اللي في الأوضه وعيونها مليانه دموع

-تعالي يانووح اتفضل

قرب منها وهو بيبتسم ابتسامه باهته :

-انتي مش دكتوره نفسيه مش كده

هزت راسها بأحراج :

-انا بنت عمها و وعمي خالد هو اللي طلب مني اروحلك لحد عندك واكذب عليك يمكن قلبك يحن وتيجي

هز رأسه من غير ما ينطق ولا حرف وبص نحيه السرير

كانت نايمه ودموعها علي خدها وبتهزي بأسمه كالعاده

سحب كرسي وقعد قدام السرير وسحب ايديها وباسها برقه وهو بيهمس:

-كيان حبيبتي انا هنا متخافيش انا مش هسيبك تاني ابداً

فتحت عيونها بتعب اول ما سمعت صوته وكان في اعتقادها أنها بتحلم

-نوح

-عيون نوح

-ا انت ا انت هنا ولا انا بحلم

-انا موجود ياحبيبتي مش بتحلمي

فجأه اتنفضت من مكانها بصدمه :

-نوح

-وحشتيني

بصت علي الباب برعب :

-ن نوح ا انت ايه اللي جابك هنا امشي بسرعه ا امشي عثمان لو عرف ا انك هنا هيأذيك ا ا امشي ارجوك ...

-هشششش اهدي متخافيش عثمان مش هيقدر يجي لانه هرب

-هرب!

-بعد ما سرق كل أملاكك وبعتلك ورقه طلاقك

-ي يعني هو طلقني و و....

-انتي زعلانه؟!

هزت راسها بنفي وهستريه:

-لا لا طبعا ا انا مبسوطه م مبسوطه اوي ا انا مش بكره في حياتي قده يانوح ا انا عيشت معاه اسوء ايام حياتي

-انسي كل اللي فات خلينا في اللي جاي

ا انا اسف على كل حاجه

انا جاي النهارده عشان ابقي معاكي في كل خطوه

وجاي اقولك وحشتيني اوي وان حياتي من غيرك صعبه اوي

بالرغم أنه فات سنه لكن لا حبيت ولا هحب حد زي ما حبيتك ياكيان

عيونها لمعت بالدموع وهي بتضغط علي أيده :

-ا انت كمان وحشتيني اوي يانوح

ب بس ياتري هنقدر نعيش حياتنا زي ما رسمنا قبل كده ولا الموت هيخطفني منك

-بعد الشر عنك متقوليش كده انتي هتبقي كويسه وهنتجوز ونعيش حياه مستقره ونجيب اطفال يملوا علينا الدنيا وهنفضل نحب بعض لحد اخر نفس

-تفتكر؟

-افتكر اوي خليكي واثقه في ربنا اللي جمعنا بالرغم من كل الظروف ديه

بااااك

-نوح نووووح

-هه ن نعم ياحبيبتي

-بقولك مالك ياحبيبي

مسك ايديها وباسها برقه :

-بفتكر اللي حصل من سنتين

فاكره يا كيان لما قولتلك

"اننا هنتجوز ونعيش حياه مستقره ونجيب اطفال يملوا علينا الدنيا "

-وانك هتفضل تحبني لحد اخر نفس في عمرك

حضنها وهو بيتنهد براحه :

-الحمد لله انا اسعد واحد في العالم

-انت احن واجمل راجل في العالم

عمري ما هخاف انك تتغير في يوم

او حبك يقل لو شكلي اتغير أو وزني زاد أو حصلي اي مشكله

هفضل واثقه انك هتحبني زي مانا وهتتقبلني بكل عيوبي لانك لما كان عندي المرض وشعري ورموشي وقعوا كنت كل مره تشوفني تقولي اني جميله

لكن في الحقيقه انا مش جميله إلا بعيونك انت

‏في جمله أتقالت في فيلم "The Fault in our Stars "

‏بتقول :"من يُحبنا ونحن في اسوا حالاتنا ، هم من يستحقون أن يبقوا في قلوبنا إلي الأبد " !