تحميل رواية مشاكسة قلبي بقلم سلسبيل احمد pdf

رواية مشاكسة قلبي من الفصل الاول للاخير

- انتي اي دخلك هنا؟

= جاية اسألك مش بتخليني اتمرن مع زياد ليه!

- والله دي وجهه نظري! مالهم البنات الى بتتمرني معاهم

= مالهمش بس مش عاجبني التمرين معاهم ضُعاف!

و وجهه نظرك غلط!

- متيجي تمرني مكاني احسن؟؟

= وايه المشكلة لما اتمرن مع زياد برضو !!

- ده ولد.. وانتي بنت.

= ولد؟؟ ده يبقي اخويا!!

- وهي الناس تعرف انوه اخوكي؟ ولا لما يتفرجوا وانتي بتلعبي قصاد ولد هيقولوا ايه؟

= انا مش مهتمه بكلام حد يا يوسف وانت عارف

بص لعينيها بعند: انا بقا مهتم..

"بصتله بتركيز واستغربت لهجته"

كمل كلامه وهو بيشيل عينه من عليها: و كمان زياد قوته البدنيه اعلي منك

= ده اصغر مني بتلت سنين !!

- ملهاش علاقه تكوينك كا بنت ضعيف هو اقوي

ويلا من هنا ، مش عايز حد يشوفنا سوا.

"بصتله بعدم إقتناع ومشيت خطوة بعدين رجعت"

بتحدي: و انا هطلب من كابتن جلال يخليني اتمرن مع اي مدرب غيرك من أساسه

= طب ابقي اعمليها وانا هقعدك خالص

بصتله بتعجب: نعم؟؟

= متحاوليش تتحديني!

- وانت متحاولش تتحكم فيا!؟!!

>>>>>>>>>>>>>>>>>>>>>>>>>>>>>>>>

" فوقت على صْربة قوية من اميرة صحبتي "

- جرا اي يا ليان؟؟ بقالي ساعه بكلمك سرحانه في ايه ؟ اوعي يكون الى في بالي عارفه والله لو بتـ

= ايييييه بطلي رغي قطعتي افكاري منك لله!

- طب الكابتن قال الماتش بكره الساعه 7 وكان عاوزك انا هسبق انا عشان ماما كلمتني

"مشيت وانا سرحت مره تانيه و عيني راحت ناحيه المكان الى كان يوسف بيقف فيه.. ودايما كنت بتكلم فيه معاه.. بعدين فوقت على صوت "

- لياااان بقالي ساعه بكلمك

= مروان.. معلش مش واخده بالي

- بقولك ايدك تمام؟؟ حاسس ان الوقعه كانت قوية

= متفردش نفسك انا تمام و الوقعه عاديه بالنسبالي انت وشك تمام من البونيه؟

ابتسم بغلب: هتفضي كده؟ مش بفرد نفسي والله فعلا بطمن عليكي

- متقلقش يا مروان انا رايحه للكابتن بيشاور لي

"روحت لعنده بسرعه"

- ايوه .. حضرتك كنت طلبتني ؟

= اه.. بكره ماتش صعب جدًا انا عارفه انها البطولة السابعه ليكي و هتبقي فاكره الموضوع سهل.. لكن البنت الى هتنزلي قصادها مش سهله و بدنيًا اكبر شوية و اتقل

قطعت كلامه: وزنها 67 كيلو وانا 64 معتقدش هيشكل فرق كبير انا اقوي فا هلعب على الضرب في المناطق الضعيفه في الجسم

- ايوه بس

قاطعته مره تانيه: بس هي عندها مهاره عاليه بحكم انها سافرت بطولات بره و بتلعب بخبره فا بنسبة 80% هتصد صْرباتي ليها ومش هيبقي عندي فرصه لأن هي بتعرف تلعب هجوم ودفاع فا سواء هجمت او دافعت هبقي الطرف الخسران نسبيًا

بصلها بأنبهار: هو انتي لحقتي تتفرجي عليها وتحفظي طريقه لعبها؟

هزت راسها بدون تعابير: متقلقش انا عمري خسرت؟

- محصلش.. بس مفهمتش برضو انتي مستعده

= هشرفك يا كوتش.. كا العادة..

ابتسم بهدوء: عموما.. انا هبقي هنا من الصبح عشان لو محتجاني في اي حاجة ربنا معاكي يا بنتي

" سلمت عليه وبعدين دخلت غيرت لبس التمرين وخت شنطتي وخرجت عشان اروح.. "

>>>>>>>>>>>>>>>>>>>>>>>>>>>>>>>>>>

- ليان حببتي انتي جيتي ؟

= اه..

- احطلك تاكلي؟

= مش جعانه يا ماما انا هنام

" دخلت اوضتي اخيرا قفلت الباب و رميت الشنطه وروحت عند دولابي طلعت صورة مسكتها في ايدي ودخلت البلاكونه "

- اتأخرت عليك يا باشا.. كابتن جلال كالعادة فضل يسمعني في كلام كتير عشان ماتش بكره.. بس عموما بحبه و بحسه زي أبويا عارفه انوه خايف عليا بكره بس شايف؟ دي سابع بطولة ليا! ولسه هكمل.. و هحقق هدفنا يا اجمد داعم ليا.

>>>>>>>>>>>>>>>>>>>>>>>>>>>>>>>>>>

" صحيت تاني يوم على صوت مزعج في الصاله بره وانا مفيش اي مصدر ازعاج في حياتي الا اميرة "

" خرجت من اوضتي لاقيتها قاعده مع ماما "

- ارحميني سيباكي مكملتش 9 ساعات اديني فرصه اريح من صداعك ده

اميرة بمرح راحت حطت ايدها على كتفها: قولي زي ما تقولي براحتك كدا كدا بتحبيني ومتقدريش تعيشي من غيري مش صح يا طنط وفاء ؟

وفاء بضحكه: اه صح طبعا انتوا اخوات

شلت ايدها من عليها بضيق: انا هدخل اللبس و ننزل

- اليوم يومك يا لينو !!

كملت بصوت عالي وتشجيع: لينو لينو لينو

بصتلها بأنزعاج: اسكتي بقا! صوتك عالي عالصبح

اميره بصوت واطي: لينو لينو لينو

" ليان قلبت عينها بملل ودخلت تغير.. "

>>>>>>>>>>>>>>>>>>>>>>>>>>>>>>>>>>

|| وقت البطوله | في الساحه ||

" منافسة ليان كانت من المغرب وصلت و الاتنين بدأو يطلعوا ناحيه الحلبة لكن جلال وقف قصاد ليان بهدوء"

- حافظي على تركيزك من وقت ما جيتي مش عجباني.

" ليان معلقتش ودخلت الحلبة و الماتش بدأ البنت واخده وضع الدفاع و راميه الكوره في ملعب ليان عشان متعرفش لعبها هيبقي ازاي فا عاوزاها تكشف نفسها ولكن في نفس الوقت بتوترها بكذا طريقه فا ليان قربت عشان تسدد لكمه ولكن البنت صدت بمنتهي السهوله وقربت في جزء من الثانيه و لكمت ليان في وشها "

" ليان جزت على نفسها و حاولت تردها الصْربه لما اتنرفزت ولكن البنت ابتسمت بسخريه وبدأت تهـ.ـجم على ليان بكذا لكمه ورا بعض و كمان بدأت تستخدم ركبتها وليان مكنتش مركزه و خدت صْربه تانيه.. واول جوله خلصت! "

جلال طلع لها بسرعه وبدأ يتسائل بغضب: فيه ايه مالك؟؟ ده مش مستواكي ! مسجلتيش ولا صْربه

ليان بهدوء وغضب مكتوم: لسه جولتين

- بالشكل ده مش هتكملي تاني جوله ركزي !!! مفهوم؟؟

" الجولة التانيه بدأت و ليان على نفس المستوي!! الكل بينادي بأسمها وبيشجعها مع انهم مستغربين ازاي مخلصتش الماتش!! كانت كل شوية بتاخد وضع الدفاع وسايبه البنت تهـ.ـجم عليها و وسط كل ده ليان بتلمح شخص جاي من بعيد بتتصدم و بتفضل عينها عليه وفي اللحظه دي البنت بتنتهز الفرصه و بتوقعها على الارض وقبل ما تكمل عليها و تتحسب على ليان نقطه فاقت بسرعه و زقيتها بعيد عنها ورجعت لوضع الاستعداد و خلصت الجولة التانيه بصعوبة "

" بتقف في اخر الحلبة وهي بتنهج وبترجع تبص بتتأكد لو الى شافته صح !!! لاقيته هو فعلا واقف بعيد بيتفرج وعلامات القلق علي وشه!!!"

" وفجأة بيظهر الكابتن في وشها و على ملامحه غضب شديد منها "

بنرفزه: انتي حصلك ايه ؟؟؟ مش مركزه ليه !!

" ليان كانت في عالم تاني وهو عمال يتكلم و فاقت على صوت الصفارة.. الجولة التالته و الأخيرة ! "

" رجعت قصاد البنت وبدأت تلاحظ علامات الغرور على البنت و كمان جزء من التعب كتمت ابتسامتها و بدأت تنفذ خطتها هجـ.ـمت على البنت بمنتهي الغشوميه و بقوة رهيبه لدرجه انها مكنش عندها فرصه تلحق تدافع فضلت تسدد كذا صْربة ورا بعض بقوة ومهاره عاليا و في خلال دقيقتين اتمكنت من البنت و وقعتها على الأرض وشلت حركتها تماما و الحكم بدأ يعد..1..2..3... وانتهت الجولة لصالح ليان ! "

" الكل بدأ يشجع بمنتهي الحماس وبينادوا بأسمها والبنت واقعه على الارض وبعد ثواني الحكم اعلن ليان الفايزة.. و سلمها الحزام اميرة جريت عليها بفرحه و كابتن جلال بصلها بكل فخر واتنهد براحه.."

- انا حقيقي فخور بيكي!! مع اني مش فاهم سبب عدم تركيزك لحد تاني جوله!!

" وفي اللحظات دي قرب ناحيتهم حد.. وليان كانت متبعاه بهدوء!!"

- مبروك

جلال بص بصدمه: يوسف !!

حضنه بقوة و يوسف شد على حضنه: وحشتني يا كوتش والله

- عاش من شافك يا راجل!! ايه؟؟ انت سافرت وقولت عدولي!

= اديني رجعت أهو.. وعرفت ان عندك بطولة قولت لازم اجي

- فينك كل ده و ازاي عرفت ان في بطولة!

= عيب عليك انا تلميذك برضو

" كان بيتكلم وعينه على ليان "

جلال بص ناحيه ليان: دي سابع بطولة ليان تكسبها انت أكيد فاكرها! كنت بتمرنها زمان

" بص ناحيتها بتركيز اكتر.. لسه جميلة.. ولسه باين على ملامحها العند ولكن في حاجه فيها اتغيرت مكنش قادر يفهمها "

- ازيك يا ليان.. مبروك البطولة

ليان ببرود: الله يبارك فيك يا كابتن يلا يا أميرة

" مشيت بدون ما تستني رده وجلال مكنش فاهم موقفها بس ده العادي بتاعها.. "

- تلاقيها مرهقه من الماتش بقا تعالي تعالي

ابتسم نص ابتسامه: انت اخبارك اي يا كوتش يلا بينا نشرب حاجه..

>>>>>>>>>>>>>>>>>>>>>>>>>>>>>>>>

|| في غرفة الملابس ||

- مالك يا ليان؟ تايهه كده ليه؟

= مفيش حاجه ممكن بس تسبيني

- ماشي بس هو ده يوسف يوسف؟؟ الى كنت بتحكيلي انـ..

ليان قاطعتها بنرفزه: لا! انا مش عايزه اتكلم تمام!

اميرة بتراجع: حاضر.. انا بس عايزه اطمن عليكي

" ليان سابتها ودخلت الحمام تغير و اميرة اتنهدت بتعب من طريقة ليان معاها "

كلمتها وهي جوه: ليان.. انا مش قصدي اضايقك

مردتش عليها وفضلت ثابته وبعدين خدت نفس: معلش ممكن تمشي روحي انا هروح لوحدي

- مش هنحتفل بالمكسب؟

مردتش فا أميرة اتكلمت بحزن: عموما مبروك.. باي

" سمعت خطواتها وهي ماشيه خرجت من الحمام و ضربت ايدي فالحيط بقوة من كتر غيظي و فضلت اتنفس بسرعه و عصبيه "

" فضلت واقفه في مكاني يمكن أكتر من ربع ساعه مش بتحرك واخيرا فوقت وقررت اخرج خت حاجتي و كنت في طريقي للبوابة "

- ليان!

وقفت مكاني بدون ما اللتفت لاقيته جه وقف قصادي

↚

- ليان!

"وقفت مكاني بدون ما اللتفت لاقيته جه وقف قصادي"

- انتي مروحه؟

= أيوه

- تعالي أوصلك

= نعم؟ توصلني ليه؟

- أعتقد مفروض نتكلم

بصتله بجمود: مفيش بينا كلام يا كابتن

= طيب أوصلك وبعدين نشوف موضوع ان مفيش بينا كلام ده الوقت اتأخر

- انا مش العيله ام 18 سنه خلاص انا كبرت! فا ولا محتاجه حد معايا ولا هسيب حد يضحك عليا تاني.

>>>>>>>>>>>>>>>>>>>>>>>>>>>>>>>

" سيبته ومشيت بدون تردد!!

الطريق فضل تقيل على قلبي لحد البيت لحد ما اخيرا دخلت اوضتي و قفلت الباب كنت فاكره ان الموضوع انتهي.. ولكن كل الذكريات بدأت تهاجمني فجأة..! "

فلاش باك #

||قبل تلت سنين | في النادي||

- ليان !

= نعم!!

- هو انا مش منبه عليكي مفيش تمرين قصاد اي ولد

= وحضرتك شوفتني اتمرنت مع حد؟

- هو انا عشان مجتش مفروض معرفش اي حاجه حصلت ؟ وانك لعبتي مع احمد؟!

= طيب عموما انا قولتلك قبل كده يا كابتن انا حره

- لا مش حره

= وده ليه بقا ؟ يهمك في ايه اصلا؟

لمس راسه بهدوء وهو بيحاول يفكر: انتي بتتمرني معايا و ده نظامي ومش هحب تخالفيه

- ولما حضرتك مجتش المره الى فاتت انا اتمرنت مع كابتن جلال وبعدين نزلت فايت قصاد احمد لأن ده نظامه بيمرن ولاد وبنات سوا عادي ومحصلش حاجه محدش يقدر يتكلم كلمه عني لو ده الى هامك!

جز على سنانه بنرفزه: انتي عارفه انك مش مجرد بنت بتتمرن هنا واني مش مهتم بكلام حد!!

بصتله بتعجب: لا معرفش

- يبقي تعرفي! انا لو مهتم بحاجه هيبقي بيكي اعرفي ده بقا عشان لو لمحتك تاني بتفكري بس تقفي قصاد ولد مش تتمرني مش هيحصل كويس ابقي اتمرني مع اخوكي و في البيت كمان مش هنا

ابتسمت بسخريه: طالما حضرتك متنرفز اوي كده مكنتش غيبت بقا او كنت عرفتني قبلها ان مفيش تمرين

- غصب عني ظروف و اضطريت اغيب

= ظروف ايه؟

ابتسم: وانتي مهتمه تعرفي؟

رديت بتلعثم: مهتمه؟ لا انا مش مهتمهف

↚

- عموما كانت والدتي تعبانه وفضلت معاها

= امممم.. الف سلامه عليها

- الله يسلمك جهزي نفسك بقا عشان هتتمرني معايا

= انا واحمد؟

- ليان !

كتمت ضحكتي: ده مجرد سؤال!

- تحبي امشيهولك من النادي كله؟

= متتفردش اوي كده

قرب منها واتكلم بثقه: انتي لسه متعرفنيش

ضحكت: امممم أوكيه..

باك #

"فوقت من افكاري وانا حاسه اني عايزه افـ.ـجر دماغي انا مكنتش عاوزاه يظهر ومكنتش عاوزه احس بكل ده من الأول!! انا ما صدقت نسيت! "

>>>>>>>>>>>>>>>>>>>>>>>>>>>>>>>

|| تاني يوم | قدام بيت ليان ||

" كنت مستنياها في معاد التمرين لقيتها نازله واتفاجئت بوجودي قدام بيتها "

- اميرة؟

= انا جيت عشان اطمن عليكي مع اني زعلانه

بعدت وشي عنها بتعب: انتي عارفه اني قولتلك قبل كده

قاطعتني: عارفه انتي قولتي ايه! عارفه! بس مش هبعد عنك مهما حصل يا ليان.. احنا مش صحاب احنا اخوات.. ممكن يلا بقا مضييعش وقت عشان كابتن جلال باعت على الجروب محدش يتأخر؟ ومنبه جامد

- اشمعنا؟

= مش عارفه تعالي نروح و نشوف

>>>>>>>>>>>>>>>>>>>>>>>>>>>>>>>>>>>

|| في النادي | قصاد الملعب ||

" وصلت انا و اميرة و اتفاجئت بيه موجود.. زي ما توقعت هو ناوي يتسلي عليا من تاني!! "

أميرة: مروان خد تعالي

- ايه الاخبار.. مبروك يا ليان على الفوز امبارح روحتي فين يابنتي ملحقتش ابارك لك

= هو فيه ايه متجمعين ليه؟

- بيقولوا في لجنه من بره جايه تشوف مستوي اللاعيبه

اميرة: وكابتن يوسف موجود ليه؟

- مش عارف يمكن هيمرن هو كمان

" لاقيت نظرات يوسف عليا انا و اميرة و مروان "

مروان: انتوا تعرفوا الكابتن ده؟ احمد قالي انوه كان بيمرن هنا من تلت سنين

" اميرة بصت ليان.. محدش كان موجود من الوقت ده غيرها هي و احمد و زياد "

ليان: طيب يجماعه يلا ندخل نغير عشان نجهز؟

" دخلنا لبسنا لبس التمرين وبعدين روحنا سوا الصاله شوفت يوسف واقف جمب جلال "

كابتن جلال: من النهارده كابتن يوسف هياخد مجموعه من اللاعيبه تتمرن معاه.. دلوقتي هنتقسم ونسخن بس عشان هتنزلوا فايت قصاد بعض لما اللجنه تيجي..

" ليان اتحركت ورا كابتن جلال "

- انا هتمرن مع حضرتك زي ما انا

= ماشي تعالي انتي و مروان.. اميرة انتي و الباقي مع كابتن يوسف

" وفعلا التمرين بدء و يوسف كان متنرفز جدا من موقف ليان ناحيته.. و اتعصب أكتر من فكره ان وقت الفايت هتبقي قدام مروان.. "

اميرة: لو سمحت يا كابتن

يوسف وهو عينه على ليان: ايوه

- انا مبقاليش هناك كتير فا براحه علينا شوية بقا

يوسف بصلها: انتي قريبة ليان؟

= لا احنا صحاب.. بس زي الاخوات تقدر تقول اكتر من القرايب شوية يا كابتن

" يوسف بدء يمرنهم لحد ما اللجنه وصلت وهو قاعد مش على بعضه لحد ما ليان بدأت ماتش ودي مع مروان على قد غيظه منها ومن الموقف بس كان فخور انوه ملمسهاش وبتصد كل صْرباته.. افتكر زمان لما كان بيقولها انها مش قوية وابتسم.. في اللحظه دي ليان بصت عليه و وقتها مروان صْربها بقوة بوكس وبعدين وقعها يوسف راح لعندها بسرعه "

يوسف بنرفزه: انت غبي ؟؟؟

"ليان مسحت وشها وقامت وبصتله بدهشه"

مروان: انا اسف انتي كويسة!!

ليان بثبات: انا كويسة! محصلش حاجه يا مروان! هي اول مره!!؟؟

"مروان بص ليوسف من فوق لتحت ومكنش عاجبه"

يوسف لمروان: دي مش طريقه لعب في ماتش ودي!!! ايه الغشوميه دي ؟؟

ليان بنرفزه: والله بقا دي طريقه لعبنا الى الكابتن معودنا عليها !!

يوسف قرب ناحيتها..

↚

" يوسف بدء يمرنهم لحد ما اللجنه وصلت وهو قاعد مش على بعضه لحد ما ليان بدأت ماتش ودي مع مروان على قد غيظه منها ومن الموقف بس كان فخور انوه ملمسهاش وبتصد كل صْرباته.. افتكر زمان لما كان بيقولها انها مش قوية وابتسم.. في اللحظه دي ليان بصت عليه و وقتها مروان صْربها بقوة بوكس وبعدين وقعها يوسف راح لعندها بسرعه "

يوسف بنرفزه: انت غبي ؟؟؟

"ليان مسحت وشها وقامت وبصتله بدهشه"

مروان: انا اسف انتي كويسة!!

ليان بثبات: انا كويسة! محصلش حاجه يا مروان! هي اول مره!!؟؟

"مروان بص ليوسف من فوق لتحت ومكنش عاجبه"

يوسف لمروان: دي مش طريقه لعب في ماتش ودي!!! ايه الغشوميه دي ؟؟

ليان بنرفزه: والله بقا دي طريقه لعبنا الى الكابتن معودنا عليها !!

يوسف قرب ناحيتها: مناخيرك بتجيب دم!!!

" جلال ادخل وحل الموضوع عشان اللجنه وبدء الفايت التاني بعدهم اما ليان كانت في طريقها للاوضة و يوسف كان وراها "

وقفت وهي ماسكه مناخيرها: ممكن تبعد عني !!!

قالتها بنرفزه وهو رد بنفس النبره: لما اطمن عليكي

" شالت المنديل رمته بعصبيه كأنها بتقوله انها خلاص كويسة ويسبها ويمشي "

- والله؟؟ انت شايفه ده وقت عند و البيه صْاربك ومعـ.ـورك بالشكل ده ؟؟؟

بأندفاع: ميخصكش في حاجه اصلا !!! ده زميلي و بنتمرن سوا وهي دي طريقه لعبنا

= لا يخصني ! انا عايز افهم فيه ايه؟؟

= تفهم ايه؟؟ هو انت مجنون ؟؟

" اتفاجئ من كلامها "

= انت مشيت من تلت سنين اختفيت !! وجاي دلوقتي كأنك غيبت يومين وبتتعامل ان كل شيء عادي؟؟

يوسف مسح على وشه بضيق: انا ... انا كنت...

قاطعته: مش عايزه اعرف اصلا !!! ميهمنيش !! كل الى عاوزاه انك تبعد عني نهائي

يوسف بهدوء وقف قصادها: ليان اسمعيني كويس!! كل الى اقدر اقولهولك انوه كان غصب عني و بعدين وقتها احنا كنا.. انا وانتي مكنش.. يعني

بصتله بسخريه: قولها! مكنش فيه بينا حاجه صح؟؟ كنت بتفضل تقرب مني وتوصي عليا و تخلي بالك عليا وتقولي اكلم مين وابعد عن مين وي وي وي لكن فجأة كل ده وهم!! انت صدقني مش طبيعيي وبعد كل السنين دي لسه مش طبيعي وعاوز تكرر نفس الموضوع؟؟ لا معلش انت لو فكرت مجرد تفكير تيجي ناحيتي وقتها هعرفك اني مش عيله ولا بهزر ومش بيضحك عليا

↚

" يوسف فضل ساكت مقدرش يرد على كلامها عمره ما توقع يحصل كل ده كان عارف انوه مش سهل يرجع حياتها فجأة لكن متوقعش الموضوع ياخد الشكل ده "

>>>>>>>>>>>>>>>>>>>>>>>>>>>>>>>>>>>

صلي على محمد

" اميرة دخلت اوضة اللبس لقت ليان قاعده ساكته وبتهز في رجلها بعصبيه مكنتش عارفه تقول ايه فا قعدت جمبها بصمت "

- يلا نروح يا اميرة

= انتي تمام

- اه..

" خرجنا لقيت كابتن جلال ومروان"

جلال: انتي كويسة؟

مروان: اوعي تكوني زعلتي

- لا لا انا تمام همشي بقا عشان ماما كلمتني

" ليان مشيت هي واميرة و يوسف كان متابعهم من بعيد واتنفس بتعب وبعدها عمل مكالمه "

- الو يا باشا

= انت في مكتبك يا عمر

- لا انا في *******

= طب انا جايلك

|| في مكان غير معروف | مبني كبير ||

" بيدخل يوسف وكذا حد في المكان بينتبه لدخوله "

- انت جيت يا معلم تعالي

= كل حاجه بايظه هنا..

- فيه ايه حصل جديد؟؟

= القيادة رفضه تنزلي اي عمليه لحد ما يطمنوا اني متأمن ومفيش حْطر عليا

- وانت بعد الى عملته ده عاوز تعمل اي تاني ؟ و ازاي انت مش خايف على نفسك اصلا! انت فاهم يعني اي تتكشف ؟

= عمر ونبي متفتحش الحوار ده

- لا هفتحه يا يوسف! غلطه وحصلت و اتكشفت وخلاص نخلي بالنا بقا ؟؟؟ ولا انت فاكر الموضوع هيعدي ؟

= انا فاهم صعوبة الموضوع الفكره اني مش قادر اتاقلم هنا زي ماكنت زمان.. ولا هعرف اسافر بره تاني

- واي جاب سيرة سفر دلوقتي ؟ انت مش كنت مطلوب في المكتب بتاع ال*****

= على اخر الزمن اقعد على مكتب؟

- لحد لما الأمور تتظبط.. وبعدين مش الكابتن بتاعك ده شافلك شغل معاه اتلهي فيه شوية

" يوسف فضل في ليان و عمر خد باله "

- انت فيه حاجه تاني شغلاك؟

= لاء.. مفيش.. انا هطلع على المكتب..

- طب يلا بينا

>>>>>>>>>>>>>>>>>>>>>>>>>>>>>>>>>>>

↚

" طلعوا على مـ.ـديريه الأمـ.ـن و يوسف ساب عمر و دخل مكتبة يبص على ملف معين ملقهوش فا طلب حد على الموبايل "

* طق طق طق *

- ادخل

= أمرك يا يوسف باشا

- امال فين محمد عواد

= فـ اجازة مرضي وانا عماد مع سيادتك لحد ما يرجع

- مسبش اي ملف شخصي؟

= لاء حضرتك

- طب اسمع انا عايز تحريات دقيقة جدا عن حد معين هديك اسم.. ومش عايز اي تأخير

= عاوز المعلومات امتي سيادتك

- عاوزاها امبارح يا عماد مفهوم!؟؟

= حصل ياباشا

>>>>>>>>>>>>>>>>>>>>>>>>>>>>>>>>>>>

|| في غرفه ليان | ليلا ||

" كانت قاعده وماسكه نفس الصورة "

- مش عارفه اعمل اي ؟ وانت عارفني مش هرتاح غير لما اعمل حاجه! اظن فاهمني يعني.. بس عموما انا هركز في التمرين و بعد فتره هدخل بطولة كيك بوكس حر.. انا بقالي كتير بلعب بطولات فالخفيف.. مش هقول لماما أكيد و يارب اميرة متفتنش عليا.. يلا بقا تصبح على خير.

>>>>>>>>>>>>>>>>>>>>>>>>>>>>>>>>>>>>

" فات يوم كامل و ليان مخرجتش من البيت كانت حاسه انها مضغوطه وحبت تريح لوحدها.. "

|| تاني يوم الصبح | الساعه 12 الضهر ||

- ليان.. ليان ياحببتي

= فيه ايه يا ماما

- قومي عندنا ضيوف.. قومي!

= ضيوف اي دلوقتي!!!

- قومي بقا متغلبنيش الله !!!

" فتحت عيني وبصيت بهدوء "

- الساعه 12 مين جي دلوقتي بجد!!!

= عيب كده قومي يلا !

" قومت بزهق ودخلت الحمام و حاولت افوق فضلت ربع ساعه بحاول استوعب الى بيحصل.. بعدين لبست هدومي و حسيت اني فوقت شوية وخرجت سمعت صوت راجل فالصاله فا دخلت بتعجب مين في بيتنا.. "

- والله ياحبيبي دمك زي السكر... اهي ليان صحيت اهي

" بصيت لهم بصدمه "

- تعالي سلمي على يوسف!

↚

- ليان.. ليان ياحببتي

= فيه ايه يا ماما

- قومي عندنا ضيوف.. قومي!

= ضيوف اي دلوقتي!!!

- قومي بقا متغلبنيش الله !!!

" فتحت عيني وبصيت بهدوء "

- الساعه 12 الضهر مين جي دلوقتي بجد!!!

= عيب كده قومي يلا !

" قومت بزهق ودخلت الحمام و حاولت افوق فضلت ربع ساعه بحاول استوعب الى بيحصل.. بعدين لبست هدومي و حسيت اني فوقت شوية وخرجت سمعت صوت راجل فالصاله فا دخلت بتعجب مين في بيتنا.. "

- والله ياحبيبي دمك زي السكر... اهي ليان صحيت اهي

" بصيت لهم بصدمه "

- تعالي سلمي على يوسف يا ليان

= انت ؟؟؟؟؟؟؟

وفاء: فيه ايه؟

بصتلها بأستنكار: فيه ايه؟؟ انتي نسيتي الى عمله !!

كملت بعصبيه: مفاتش سنه ونص حتي !!!

يوسف: انا مش فاهم حاجه؟ مفاتش سنه ونص على اي؟

- انت متتكلمش خالص وتطلع بره متفكرش تدخل البيت ده تاني ! مبقاش لك مكان فيه وسبق وقولتلك تبعد عني !!! انت مش قدي

وفاء بزعيق شديد: ليان !! اسكتي خالص فاهمه !!

ردت بعصبيه اكبر: لا مش هسكت !! انا مش مصدقه انتي ازاي كده !!! حقيقي مش طايقه اقعد هنا

" فتحت الباب بسرعه ونزلت "

وفاء: ليان !!! ليان !!! انتي يا بنت !!!

يوسف: اهدي يا طنط اهدي انا هشوفها واسف جدا على الى حصل ده كله

"يوسف نزل وراها لكنها اختفت دور عليها حولين البيت كتير ملقهاش فا طلع مره تانيه عند ماجده"

- انا معرفتش اللقيها ممكن راحت لصحبتها اميرة؟ معاكي رقمها؟

= ايوه معايا ثواني اكلمها

" كلمتها لكن متعرفش عنها حاجه يوسف فضل يفكر بعدين راح مكتبة.. "

>>>>>>>>>>>>>>>>>>>>>>>>>>>>>>>>>>

صلي على محمد

|| في المديرية | الممر ||

- هاتلي عماد على مكتبي حالا

" يوسف دخل المكتب بس اتفاجئ بالملف وقت دخول عماد"

- امرك يا فندم

= الملف ده كامل؟

- كامل سيادتك

= تمام اتفضل انت

" فتح الملف الى كان فيه كل حاجه عن ليان من وقت لما سافر بدء يشوف الاماكن الى كانت بتتردد عليها كان بيدور بسرعه يمكن يقدر يجمع هتبقي فين لكن وقف بعد ما لقي زياد ابتدي يختفي من التفاصيل فا رجع تاني لأول الملف بعدم فهم!! وهنا اكتشف الى حصل..! "

" زياد اتوفي بعد سفره بـ سنه ونص.. "

↚

" فضل يقلب في الملف بجنـ.ـون "

- اكيد لاء !!! اية ده ؟؟؟

" خرج من مكتبة راح عند عماد "

رفع الملف قدامه: انت متأكد من الملف ده !!!!

عماد بعدم فهم: ايوه سيادتك ليه!! فيه مشكله!! انا مراجع عليه بنفسي وكلها معلومات سليمة ميه في الميه

" مسح على وشه بضيق وهو مكنش قادر يستوعب نزل عربيته وبعدين افتكر لما وفاء غيرت الموضوع لأنه اول لما دخل سألها زياد فين.. و ليان الى قالت مفاتش سنه ونص!! ربط كل حاجه ببعض واكشفت انوه ده حقيقي زياد مبقاش موجود مقدرش يمسك نفسه و دموعه نزلت بحزن و زعل و ندم "

" افتكر انه كان موصي عمر عليهم من بعيد لبعيد و الغضب اتملك منه دور عربيته بسرعه و طلع على عنده ولما وصل مكنش شايف قدامه زق الباب ودخل لاقاه قاعد في مكتبة مع ظابط "

عمر بستغراب: اي يبني الدخله دي فيه ايه! هتقبض عليا

"يوسف قرب ناحيته وصْربه بالبوكس جامد الظابط حاول يهدي بينهم يوسف زقه جامد و عمر زعق "

- ملكش دعوة انت اطلع بره دلوقتي اطلع يا عز!!

"يوسف فضل باصص له نظرات كلها لوم و غضب "

عمر مسك وشه بألم: انا كنت هقولك على فكره

قرب ومسكه بعصبيه: كنت هتقولي امتي ؟؟؟؟ وانا بقالي ست شهور بكلمك عشان نازل ؟؟

عمر: ممكن تهدي !! بتكلمني وبتحكيلي عن مشاكل المهمه و عن حاجات مهببه حصلت لك ازاي هقولك حاجه زي دي وانت في ظروفك !!؟

بزعيق: ظرووووفي؟؟؟؟ انت بتبرر ايه !!! حاجه زي دي ملقتش فرصه تقولها كل الوقت ده ؟؟ ده انا جيتلك المكتب !! وقعدت اتكلم معاك !!

- وانا سألتك لو فيه حاجه شاغله بالك وكنت بحاول اتكلم وانت قفلت الحوار وانا معرفتش اجبها لك مره واحده !! انت مجبتش سيرتهم يا يوسف !!

"يوسف بصله بأستنكار"

- يوسف اهدي انا عارف كانوا بالنسبالك ايه وعارف زياد كان بالنسبالك ايه!

يوسف بصله بعيون مدمعه: لو تعرف... مكنتش خبيت عني انوه ما*ت وانا مش هنا..

" سابله المكتب و مشي و عمر مكنش عارف يعمل ايه "

" يوسف ركب عربيته و كان رايح مكان خمن ان ليان ممكن تبقي موجوده فيه لما قرأ الملف.. "

>>>>>>>>>>>>>>>>>>>>>>>>>>>>>>>>>

" كنت قاعده لوحدي في مكاني انا و زياد.. ببص حواليا ومفتقده وجوده.. ومتنرفزه ان يوسف رجع حياتي

و افتكرت آخر مره لما كان في بيتنا "

فلاش باك #

- بجد انا مبسوط اوي انك عرفت تيجي يا يوسف

وفاء: يوسف حاف كده يا زياد؟؟

ابتسم: زياد ده حبيبي براحته

"بصتلهم من بعيد وهو عيونه جت في عيني"

يوسف: ما تعملي لنا شاي يا ليان

بتعجب: انت لسه مخلصتش قهوتك!

- اه مانا بحب بعد القهوه شاي علطول

زياد: انا هقوم اعملك انا اصل الشاي بتاعها مش حلو

"لقيت ماما ضحكت وبصتلي"

- ماشي يا ماما

= هاروح اشوف الأكل قبل ما تاكلني

- متخافيش متقدرش..

" بصتله من فوق لتحت وبعد ما ماما قامت بصلي بتركيز"

- واضح انك مش طايقه وجودي خالص!

= كويس انك واخد بالك

- بس فوفا و زياد بيحبوني

= فوفا؟ اممم ده انت خت علينا اوي

اتكلم بغرور: هعمل نفسي مش واخد بالي إنك معجبه بس بتمـ.ـوتي فالعند..

اتلجلت في الكلام وبصتله بعدم تصديق: معجبه!!! بمين؟

- بيا أكيد..

- انت انسان متحكم ومغرور !! وعاوز تمشي الدنيا على مزاجك وانا مبسمعش كلام حد و ...!!!

و خليني ساكته عشان لغاية دلوقتي انا بتعامل انك الكابتن بتاعي مش اكتر.

بصلي بنظرات خلتني اتوتر: الكابتن مش أكتر؟ ماشي زودي في حسابك كمان.. كله هيطلع عليكي في التمرين يا لي لي

باك #

" فوقت من افكاري على صوت حد ورايا بصيت لاقيته هو!!"

اتكلمت بأندفاع: انت مين سمحلك تيجي ورايا هنا؟؟!!! وعرفت اني هنا ازاي!!!؟؟؟

"قرب وكان شكله حزين"

- ليه معرفتنيش؟؟!

" بصيت لعيونه وفهمت..!! مكنتش عاوزاه يقولها مش هقدر امسك نفسي "

"بصتله وانا مش قادره ارد"

"اتحركت خطوة وقبل ما اتحرك التانيه وقف قصادي"

- ليه مقولتليش ها؟؟؟ عرفيني قال عني ايه لما تعب ومكنتش جمبه يا ليان؟

"غمضت عيوني في محاوله اني اتماسك"

مسك كتافي: ردي عليا! قال ايه؟ كرهني عشان مشيت؟ قوليلي!!! قال انوه بيكرهني؟

"دموعي نزلت ورا بعض زي المطر"

- مقالش ! مقالش حاجه خلاص !!!؟؟؟

"اتفاجئت بدموعه الي نزلت"

بصلي بتصميم: انا عارف انوه قال اكيد قال حاجات كتير قوليلي قال ايه!

مسحت وشي وبصتله وانا بحاول اتنفس: كان عاوز يشوفك.. قال انوه قلقان عليك ومش فاهم ليه عملت كده وبعدت فجأة مكنش مش فاهم انت فين ليه سبته

↚

قال انوه انت مكنتش الكابتن بتاعه كنت صاحبه.. و اخوه الكبير وانوه بيحبك اوي

"دموعي كانت عماله تنزل وانا بمسحها وبحاول و اهدي لكن يوسف كان يعتبر منهار "

- بس قالي ان... قالي انوه عارف ان بُعدك أكيد مش اختيارك عشان واثق انك بتحبه.. ولو كنت تعرف انوه تعبان فالمستشفى كنت روحتله فا مكنش زعلان منك.. كان بس عاوز يشوفك وتبقي جمبه

" قعد ومكنش قادر يتحمل الموضوع.. كان في حاله غريبة.. عمري ما شوفته فيها مقدرتش امشي معرفش ليه.. قعدت جمبه وحاولنا نهدي احنا الاتنين لحد ما بدأ يتكلم بصوت مجروح"

- هو مدفون فين؟

" بصتله.. مكنتش فاهمه دموعه والندم الى باين عليه مكنتش فاهمه حاجه خالص هل هو كده فعلا بُعده مكنش بمزاجه؟..! ركبنا العربية و روحنا المدافن لأنه مكنش عاوز اي حاجه غير اني اوديه! و وصلنا و طلب مني اشاور له على مكان زياد وانوه عاوز يروح لوحده فا فضلت انا في العربية "

" يوسف قرب وكان قدام قبره وشايف اسمه مكتوب و التاريخ.. زياد اتوفي وهو عنده 19 سنه دموعه نزلت وبدأ ياخد نفسه وبص للقبر "

- اي يا معلم..! كده برضو تمشي وتسبني فجأة..؟ انا عارف اني مشيت وسبتك الاول.. بس والله كنت راجع لك يا زوز انت اكيد عارفني.. وعارف اني كنت هرجع اوعي تكون زعلان مني يا زياد!! اوعي تفكر لحظه واحده اني بعدت بمزاجي او كنت اعرف انك تعبان ومجتش انا لو كنت اعرف كنت هرمي كل حاجه ورايا.. مش عاوزاك تزعل مني! و انا هحكيلك كل حاجه!!

" يوسف فضل يتكلم كتير ويحكي ويبرر "

- بس كده ده كل الى حصل.. بس تعرف؟ انا مش ناسي الوصيه بتاعتك ليا يا زياد..

فلاش باك #

- ها التمرينه عجبتك ؟

= عشره على عشره يا كوتش

- هي ليان مجتش ليه انهارده؟

= واخده دور برد جامد شوية

بقلق: ايه؟ للدرجه دي؟ طب.... هو...

ابتسم وبصله: هممم عاوز تطمن عليها ؟

بصله وضحك: طول عمري بقول عليك لماح يا زوز.

- انا عاوز اقولك حاجه يا يوسف.. هو انت لسه عاوزها؟ حتي بعد ما رفضتك؟؟

= أكيد لسه فاكرني هسكت من اول مره وبعدين دي مسأله وقت وانت شرحت لي شخصيتها فا انا مش ناوي استسلم يعني لأن انا فعلا مش هلاقي زيها يا زياد

- هقولك على حاجه تانيه. انت لو قربت منها وهي اديتك فرصه مينفعش تخذلها انا وليان و ماما ملناش حد.. و ماما بتحبك اوي على فكره وانا واثق انها بتفهم في الناس..

ابتسم بأمتنان: والله انا بحبكوا.. يمكن مليش عيلة بس بعتبركم عيلتي.. هو بس لو ليان توافق..

- لو على ليان هي طيبه..! لو عرفتك بجد انا متأكد انها هتوافق انا بس عاوزك تخلي بالك عليها و ..

قاطعه: انت مش محتاج تقولي كل ده يا زياد انت اخويا الصغير.. وانا فعلا بعتبركم عيلتي وهفضل جمبكم و هفضل في ضهرك.

باك #

" يوسف مسح دموعه وبص للقبر مره اخيرة.."

- انا عند كلمتي يا زياد وهخلي بالي عليهم.. ومش هسيب ليان!

" مسح وشه و رجع عند العربية لقي ليان مستنيا بره وسانده على العربيه وسرحانه "

- يلا عشان اروحك ..

وقفت قصاده وبصتله: انا عاوزة افهم..

رفع عيونه ليها بتعب: تفهمي ايه ؟

- كل الى بتعمله ده؟ انا مش قادره احدد الشخص الى قدامي ده... هو هو نفس الشخص الى اختفي بدون سابق انذار زمان؟ طب ازاي هو نفسه الشخص الى ندمان دلوقتي؟ لو هتندم وفارق معاك اوي كده فا ليه مشيت من الاول ؟؟؟

مسحت على راسي وانا بتنفس: انا مش قادر اتكلم دلوقتي.. انا.. مصدوم! فا ده مش وقته لأن الى حصل ده تقيل عليا اوي ماشي؟ انا مش قادر اطيق نفسي عشان مكنتش هنا ! مكنتش معاه !!

" نهي كلامه بعصبيه وهي اتفاجئت و ده خلاها تتنرفز اكتر لانها مش فاهمه "

- الى حصل ده عدي عليه كتير! انت لسه فاكر !!؟؟

قرب وبصلها بغضب مكتوم: عدي عليه كتير بالنسبالك انتي !! مش بالنسبالي!!! انا مكنتش اعرف!! انا... انا كنت معزول عن كل حاجه!! انتي عمرك ما هتفهمي اصلا !!

ردت بزعيق: هفهم لو انت اتكلمت و حكيت ! لكن متعملش كده وتبين انك زعلان اوي عشانه و

يوسف قاطعها لما مسكها بقوة وقربها ناحيته: بس !! انتي متعرفيش حاجه !!

" ليان اتحْضت من طريقته و يوسف سابها وهو بيحاول يهدي.. لكن هي فاللحظه دي حست انها زودتها.. "

ليان بتراجع: انا.. انا ماشية

يوسف مسك ايدها: استني انا اسف! مكنش قصدي

"بعدت وبتصله فا كمل"

- انا هقولك.. هفهمك

من الاول.. انا شغل التمرين ده مش شغلي الأساسي ده كان مجرد غطا مش أكتر عشان شغلي مينفعش اصرح حتي عنه.. وضعي كان صعب وحساس! وفجأة اطلبت في مهمه بدون اي مقدمات كل حاجه كانت مترتبة على سفري المفاجئ لأن انا مقدم عمليات.. فا سافرت بره و كل حاجه اتقطعت.. مكنش ينفع اتواصل مع اي حد.. اخر حد لحقت اشوفه كان واحد صاحبي قولتله يخلي باله عليكم.. مكنتش عارف حتى هرجع أمتي! فاهمه موقفي كان عامل ازاي؟؟ ده مكنش بأختياري انا ممنوع اخالف اي اوامر في شغلي ده!

"بصتله بدهشه وكأني بكتشف حد جديد عليا"

- يعني اي يعني انت مين؟ و كل حاجه قولتها مكنتش حقيقية؟

- لاء.. كل حاجه كانت بجد الا اني كابتن.. كان لازم يبقي ليا شغل فالعلن ملوش علاقه بشغلي الحقيقي.. عشان.. عشان شغلي الحقيقي مفهوش تفاهم! مفهوش لا مفهوش حتي غلط في تنفيذ اوامر وبس! عشان كده استغنوا عني..

وانا بره الوضع كان بيسوء كنت لوحدي سافرت فجأة وبقيت لوحدي في حياة مش بتاعتي! فات سنه و التانيه و تالت سنه مكملتش اتكشفت في نصها يعتبر.. اتكشفت عشان مكنتش مركز كان فاض بيا! تعبت!! و.. و انتوا كنتوا واخدين تفكيري كنت عايز ارجع ومش بفكر غير اني عايز ارجع!

عقدت حواجبي: احنا!؟ الكام شهر الى قعدناهم سوا شغلوك! وبقيت تفكر فينا! وبعدين مكنتش متعود على شغلك؟

- كنت متعود حياتي مكنش فيها غير شغلي.. لكن كل ده اتغير بعد لما عرفتكم اكتشفت اني مكنتش بعمل حاجه غير الشغل ولما دخلتوا حياتي غيرتوها فا لما رجعت لوحدي مكنتش قادر افضل مستحمل حاولت!

بصتله بعدم فهم: طب و بعد لما اتكشفت هناك!؟

- اتكشف اني مقدم و في مهمه ضدهم بس مكنوش يعرفوا انا تبع انهي بلد و كل بياناتي الى ظهرت لهم كانت فيك مش حقيقه.. فا اتواصلت مع القياده هنا بعد ما نزلت على تركيا هـ.ـربان عشان يلاقوا طريقه ارجع بيها على مصر من غير ما الى كشفوني يعرفوا انا هاروح فين لأنهم خافو يكون موقعي في تركيا اتعرف ليهم لأني نزلت بعشوائية فا آمنوا كل حاجه و فضلت مختفي لحد ما اطمنوا انهم مش معاهم غير شكلي مش اكتر ومعهمش اي بيانات ليا ورجعت على مصر.. ويعتبر اتمنعت من السفر للأبد لدواعي أمنيه.. ونزلت شغل إدارة في المكتب وشغل العمليات اتوقفت فيه وكل حاجه باظت!!

" شاف نظرات الهدوء على ملامحها وانها بدأت تفهم و تستوعب الى بيحصل! ولكن ساكته ومش قادره تتكلم قرب منها "

- ليان انا كل حاجه في حياتي اتقلبت ف لحظه بس صدقيني انتوا مروحتوش عن بالي! انا كنت.. كنت دايما بفكر فيكوا.. وفيكي! كان بالنسبالي ده أملي

بعدت وبصتله بجمود: بس انت معاك حق.. كل حاجه اتقلبت.. وصعب ترجع زي الاول

- يعني ايه

= يعني الأحسن انك تفضل بعيد..

بصلها بنرفزه:.......

>>>>>>>>>>>>>>>>>>>>>>>>>>>>>>>>>>>>>

↚

- ليان انا كل حاجه في حياتي اتقلبت ف لحظه بس صدقيني انتوا مروحتوش عن بالي! انا كنت.. كنت دايما بفكر فيكوا.. وفيكي! كان بالنسبالي ده أملي

بعدت وبصتله بجمود: بس انت معاك حق.. كل حاجه اتقلبت.. وصعب ترجع زي الاول

- يعني ايه

= يعني الأحسن انك تفضل بعيد..

بصلها بنرفزه: انا مش هبعد مهما حصل اعرفي كده!

"كان ماسكها من دراعها كأنه بيوصلها انها متقدرش تبعد عنه وانه مش هيسبها.. لكن هي بعدت بهدوء"

- انا عايزه امشي

"يوسف اتنفس و هدي نفسه.. وبعدين ركبوا العربية.."

>>>>>>>>>>>>>>>>>>>>>>>>>>>>>>>>>>

|| تحت البيت ||

"وقف بالعربيه بعد لما وصلوا وقبل ما تنزل بصلها"

- صح.. متبقيش تخليها تقلق عليكي تاني

" ليان مردتش عليه وبينت عدم اهتمامها ونزلت واول ما دخلت الشقه وفتحت الباب وفاء جريت عليها "

- ليان !! انتي كويسة ؟؟

= انا كويسة يا ماما بس مش قادره اتكلم بعد اذنك

" دخلت وسبتها في محاولة هروب.. فتحت دولابي بضجر ودورت على صورة زياد مسكتها وبعدين قعدت علي الأرض بضعف بصيت لملامحه الى وحشتني! اتمنيت لو كان هنا.. عشان اخد رأيه.. معرفش كان بيفهمني ازاي! موبايلي رن فا مسحت على وشي بتعب و بصيت فيه.. وابتسمت بأنتصار لما شوفت مين متصل..!"

>>>>>>>>>>>>>>>>>>>>>>>>>>>>>>>>>>

صلي على محمد♡

|| تاني يوم الصبح | في مكتب الكابتن جلال ||

- أيوه قولت لحضرتك اتقبلت خلاص! مكنتش واثق في قدراتي يا كابتن ولا ايه!

= لا يا ليان.. الفكره كلها ان دي ماتشات حره! وانا قلقان عليكي.. ده مستوي تاني غير الى انتي متعوده عليه وكمان مش مرتاح لفكرة انك تبدأي بعد يومين حتي مش هتلحقي تتمرني كويس

- انا مش محتاجه اتمرن! انا عارفه كويس بيلعبوا ازاي

= انا من رأيي تستني.. وتخدي وقتك وانا هكلمهم نأجل الموضوع شوية و

قاطعته: لو سمحت يا كابتن.. انا عارفه بعمل ايه!

" الباب خبط و اميرة دخلت "

- ليلو! انتي هنا؟ دورت عليكي كتير!

ليان: طيب يا كابتن عاوز مني حاجه؟

رد بوجه عابس: لا اتفضلي

" ليان خرجت مع اميرة.. و جلال طلع موبايله وعمل مكالمه "

>>>>>>>>>>>>>>>>>>>>>>>>>>>>>>>>>>

|| في شقة في مكان هادي ||

- فاهمك يا كابتن أكيد.. متقلقش انا هتصرف

= الماتش الاول بعد يومين يا يوسف

- تمام فاهم.. هقفل دلوقتي عشان جرس الباب بيرن

" يوسف قفل وهو بيتنهد بتعب وراح يفتح لقاه عمر ساب الباب ودخل فا عمر خد نفس عميق وهو عارف ان يوسف صعب يتصالح دخل وراه وقفل الباب "

- بكلمك من امبارح مش بترد عليا ليه؟

" يوسف قعد يكمل القهوة بتاعته "

عمر بهدوء: تمام فهمت انك مضايق وحقك! بس حط نفسك مكاني انا مكنتش قادر اقولك حاجه عارف كويس تأثيرها عليك هيبقي عامل ازاي.. بص لنفسك دلوقتي وانت هتفهم قصدي

يوسف ساب الفنجان وقام وقف وبصله:

مالي يا عمر بيه؟ شايفني بقـ. ـطع في نفسي ؟

- متحاولش تداري يا يوسف! انت مجروح و زعلان! انا مقدر كل ده وعشان كده انا فاهم زعلك مني و هفضل جمبك.

= مش محتاج حد جمبي من رأيي ترجع وتهتم بالشغل ولا عايز تبقي زي!؟

↚

- متقلش كده القياده هتراجع تاني موضوع نقلك على فكره انت عارف انت ايه و ليك اهميه عامله ازاي و اللواء رفعت قالي ان

يوسف قاطعه: مش مهتم!! انا اصلا مش عايز اكمل و هنهي الموضوع كله بطريقتي

بصله بعدم فهم: تنهي اي بالظبط يا يوسف؟

- ما علينا دلوقتي انا مش فايق لأي حاجه روح انت شغلك ومتقلقش

= مش عايز اسيبك لوحدك

- الكلام ده تقوله لحد مكنش قاعد تلت سنين لوحده

= ورجعت.. مفروض نبقي سوا زي ما كنا زمان

- وانا لو احتجتك هقولك يا عمر!

= مش هتقولي يا يوسف عشان لسه مضايق مني. بس انت اكتر واحد عارف الاوامر.. وانا مكنش عندي صلاحيه اكلمك انقلك اي حاجه.. ياريت بس تبقي عارف ده.

>>>>>>>>>>>>>>>>>>>>>>>>>>>>>>>>

" خلصوا كلام وعمر مشي بعد لما اطمن عليه نوعا ما بعدها يوسف لبس ونزل عشان يروح النادي و يشوف موضوع ليان! "

|| في النادي | في حلبة الفايت ||

ليان: مروان براحه على اميرة عشان لما انزل فايت قدامك معجنكش

ضحك واتكلم بنكش: انتوا الاتنين اصلا مطبخ

اميرة: متخليهاش تنزل توريك مين الى مطبخ..

مروان: طب يلا يا قطه و هحاول ابقي لطيف معاكي

اميرة: دمك يلطش يا حبيبي!

" هما الاتنين بدأو فايت و ليان كانت متابعه بتركيز و في لحظه عينها جت في عين اميرة و ابتسمت وقتها اميرة عملت حركه حْدعت بيها مروان و صْربته "

مروان وقف وبصلها بدهشه: انتي ازاي عملتي كده دي مش طريقه لعبك!!

سمع ضحك ليان فا لف وبصلها: انتي؟؟ انتي الى علمتيها! صح؟

" الاتنين ضحكوا و مروان اتنرفز "

- طب يلا بقا يا ليان طالما انتي جامده كده..

" ليان لبست الجلفز بتاعها ونزلت الحلبة و بدأ الماتش وقتها كان يوسف وصل بيدور عليها ولما شافها بتلعب وقف يتفرج بعدم ارتياح "

مروان: لا بصراحه مستوي عالي

" ليان استغلت انوه بيتكلم وصْربته "

مروان: اه احنا فينا من كده

" كانت هتسدد صْربه تانيه لكن هو اخد باله "

ليان: ياريت تركز فالماتش

مروان: بس بصراحه.. مش متفائل بيكي فالبطولة

"ابتسمت و صْربته جامد لدرجه انوه وقع وهي وقفت"

ضحكت جامد: و كده ؟

"مسح وشه وبعدين قام"

- بتكلم جد عموما.. انتي مش خايفه؟

ليان بجديه: مبخفش!

- طب وليه عايزه تدخلي اصلا؟ ما حلو اللعب المحلي!

" مردتش عليه.. وهو بص حوليه ولمح يوسف "

- مش ده كابتن يوسف!

" ليان بصت ولاقته متابعها ومركز معاها نفخت بضيق و شاورت لاميره عشان يروحوا اوضة اللبس يغيروا "

" يوسف فضل مستني وماسك نفسه بالعافيه لقاها خارجه هي و اميرة فا راح ناحيتهم "

- بعد اذنك يا أميرة.. عاوز ليان شوية

اميرة: طيب.. انا هروح انا عشان ماما سلام

ليان بصتله بتعجب: انا مش مصدقه! هو انت مش بتزهق

يوسف بملامح حاده: انتي مين سمحلك تقدمي في بطولة دولية و كمان حره ؟؟

بصتله بسخريه وضحكت: نعم؟ ده بجد؟ انت مالك ؟

- و طنط تعرف بالبطولة دي ؟؟

ليان بتصله بعصبيه: هو انت معندكش شغلانه غيري ؟؟ انا مش فاهمه!! عاوز مني ايه ؟

= انتي عارفه كويس عاوز ايه.. وعارفه كويس اني مش هسمح بحاجه زي دي

- لا معلش ده مش من حقك وهقولك تاني.. مفيش حاجه هترجع زي ما كانت يا يوسف!! تقبل ده

= لا.. تقبلي انتي ان مفيش حاجه هتحصل انا مش موافق عليها.. و اني هفضل في حياتك سواء حبيتي ده او لا

- الثقه دي من عندك ؟ ولا كاسبها في كيس قلبظ ؟؟ ولا فاكرني مثلا عيله هتقدر تمنعها والجو ده؟

= لا مش همنعك.. أنتي هتسمعي كلامي بمزاجك

ضحكت: هه اسمع كلامك اه.. ليه؟؟

بص لعيونها وقال بتعب: عشان انتي عارفه اني بحبك

ليان فتحت عينيها بذهول وبصتله:...

↚

- انتي مين سمحلك تقدمي في بطولة دولية و كمان حره ؟؟

بصتله بسخريه وضحكت: نعم؟ ده بجد؟ انت مالك ؟

- و طنط تعرف بالبطولة دي ؟؟

ليان بتصله بعصبيه: هو انت معندكش شغلانه غيري ؟؟ انا مش فاهمه!! عاوز مني ايه ؟

= انتي عارفه كويس عاوز ايه.. وعارفه كويس اني مش هسمح بحاجه زي دي

- لا معلش ده مش من حقك وهقولك تاني.. مفيش حاجه هترجع زي ما كانت يا يوسف!! تقبل ده

= لا.. تقبلي انتي ان مفيش حاجه هتحصل انا مش موافق عليها.. و اني هفضل في حياتك سواء حبيتي ده او لا

- الثقه دي من عندك ؟ ولا كاسبها في كيس قلبظ ؟؟ ولا فاكرني مثلا عيله هتقدر تمنعها والجو ده؟

= لا مش همنعك.. أنتي هتسمعي كلامي بمزاجك

ضحكت: هه اسمع كلامك اه.. ليه؟؟

بص لعيونها وقال بتعب: عشان انتي عارفه اني بحبك

"ليان فتحت عينيها بذهول وبصتله"

قرب ناحيته وقال بهدوء: كفاية عناد و بُعد لحد كده! وكفاية تحاولي تصديني وتبعديني عنك انتي عارفه كويس يا ليان

بصتله بعيون بتلمع: عارفه؟ عارفه ايه!

- عارفه ان كل ده مش هيخليني ابعد لسه مفهمتيش؟ انتوا كنتوا عيلتي! ومازلتو انا فضلت سنين لوحدي وخلاص مش عايز ارجع لحياتي دي تاني

= وانا مالي!!

- لو مكنتش سافرت وسبتك! كنتي هتوافقي؟

بصتله: معرفش.. الى اعرفه اني مش عاوزاك

يوسف بصلها بعدم تقبل لكلامها: انتي كدابة ! عشان انتي كمان بتحبيني ! بس خايفه تسيبي نفسك و تستسلمي لده

ابتسمت بسخريه: عاوزني احط ثقتي في شخص اختفي بدون اي مبرر تلت سنين؟ انت دخلت بيتنا كلت معانا و زي ما بتقول كنا عيلتك ومكناش نعرف حتي حقيقتك دي ؟ معرفناش انت مين! وجاي دلوقتي عاوز كل حاجه ترجع زي ما كانت

- هو انتي ليه مش قادره تنسي ده حاجه فاتت وقولتلك! مكنش بمزاجي! انا كنت اكتر واحد مضايق و

قاطعته بزعيق: لا !!!! لا مكنتش اكتر واحد مضايق !!!!! زياد هو الى كان اكتر واحد مضايق !!

يوسف بص للأرض فا ليان قربت و صْربته في صدره وهي بتزقه: كان فاكرك صاحبه واخوه !! اوعي تتكلم عن الحزن طالما مشوفتش كان عامل ازاي عشان بس عاوزك و عاوز يطمن عليك

رفع وشه وبصلها: طب اهدي انا اسف !

صْربته مره تانيه بكل قوة: مش ههدي !!! ومش عاوزاك مش عاوزه اشوفك سامع !!

" قرب وهي بعدته عنها بمنتهي العصبيه فا مسك ايدها وهي فضلت تعافر عشان يسيبها لكن كان أقوي منها بمراحل ومعرفتش تخليه يبعد "

- سيب ايدي!!!

= مش هسيبك غير لما تفهمي انا شغلي ده سبته عشان الى حصل ميتكررش!! عشان مش عايز ابعد تاني!! مش هقدر ابعد انا وعدت زياد !! مش هقدر

"ليان اتنفست بهدوء بعد ما سابها وبصتله ودموعها نازله"

- وعدته بـ ايه؟

يوسف وهو بيحاول يمسك نفسه: وعدته احاول عشانك هو اول واحد عرف اني بحبك.. وبعدها كلمت طنط و رحبت بالموضوع بس انتي مكنتيش طيقاني.. لما كانت بتعزمني وبنقعد لوحدنا كانت بتقولي انك طيبه.. بس عنيده حبتين اما انا و زياد بقا فا كنا علطول بنتكلم عن المستقبل..

دموعه نزلت: قالي انوه هيبقي مبسوط لو انتي قبلتي نتجوز وبقيت جوز اخته.. اخر حاجه كانت بينا لما انتي اخدتي جمب ساعتها كان خايف استسلم وابعد او ازهق.. بس قولتله اني بحبك وكده كده مش هبعد..

" ليان وقتها استسلمت للدموع و الانهيار كانت ماسكه نفسها مده طويلة اوي.. لكن ده كله اتهد لما سمعت كلام يوسف قرب ناحيتها وطبطب عليها "

- صدقيني مشاعري ناحيتك كلها حقيقة وكل كلمه انا قولتها عارف كويس اني هنفذها وعمري ما هسيبك تاني

بصتله وهي بتمسح دموعها: وانا و زياد اتفقنا نلعب حر.. هو اتحداني قالي هنشوف مين هيقدر يخش الأول انا مكنتش عايزه ادخل.. انا كنت موافقه عشان احمسه هو.. كان عاوز ياخد الميداليه الذهبية.. فا اتمرنت.. و اتقبلت في الماتش وهاخد الميداليه

مسح خدها بهدوء: انا فاهمك.. فاهم بتفكري ازاي.. بس مش معني انك اتقبلتي يبقي هتقدري تكملي.. البطولة اربع ماتشات و اول ماتش بعد يومين!

رفعت راسها ناحيته: مرني!

بصلها بتعجب: نعم؟

>>>>>>>>>>>>>>>>>>>>>>>>>>>>>>>>>>>

" صلي على محمد "

↚

" وفعلا حصل.. سمحت ليوسف يرجع حياتي تاني.. بس مكنتش مركزه غير على البطولة و اتمرنت معاه يوم كامل واول ماتش كان في مصر استعديت كويس.. ماما و اميرة كانوا معايا و الكوتش جلال.. وطبعا يوسف! "

جلال: متأكده انك مش متوتره؟ انتي قدها! يوسف قالي ان مستواكي كان حلو فالتدريبات و دي مجرد واحده تركيه يعني و

قاطعته: ياكوتش متقلقش! انا زي الفل! هتشوف دلوقتي

- ربنا معاكي

خرج من الأوضة واميرة بدأت تبصلي بقلق: متأكده انك تمام

" هزيت راسي ب اه فا ابتسمت وبصتلي "

- مروان بره.. وكذا حد من النادي وكمان من بره جم يشجعوكي يا ليلو!

= اهم حد هو انتي يا اميرة شكرا انك في حياتي.

" يوسف قاطعنا و دخل وكان متوتر "

- يلا هيبدأو جاهزه؟

= ايوه.

" خرجت و شكل الناس كان يحْض لكن في نفس الوقت كان مُحمس..! استنيت دقايق وبعدين دخلت الحلبة بصيت للبنت.. الى كالعاده كنت عارفه كويس هي ومين ومستواها ايه.. الماتش بدأ وهي كانت بتستعرض كتير وبتهوش عشان أخاف! فكراني مبتدئة.. بدأت اخد بالي و اثبت و بعدين اسدد صْربات خفيفه وابعد لأنها في لحظه ممكن توقعني و اخسر! حركتها المميزة..! بعد مده معرفش قد اي حسيت اني بدأت انهج و مخي بيحصله تشوش الحكم صفر و الماتش وقف وكل واحد راح ف ركن يهدا "

يوسف: انتي كويسة!

= كويسه..

- لازم تخلصي الماتش!! كده بترهقي نفسك !! انتي مش بتهـ.ـجمي ليه!! تقدري تعملي ده وتخلصيه بكل سهوله جاتلك كذا فرصه و متقدمتيش؟؟؟

= عشان لو عملت اي حركه وانا مش متأكده هتخسرني

- ليان بصيلي هنا!! بصيلي انتي تقدري تكسبي انا فاهم توترك لان ده اول ماتش حر ليكي.. بس صدقيني انتي احسن منها بكتير افتكري التمرينات خشي خلصي الماتش ده فاهمه ؟؟

" رجعنا تاني بعد الصفاره.. لاحظت انها بدأت تاخد وضع الدفاع مكنتش فاهمه ليه.. كنت خايفه! ايوه خوفت انا لو خسرت كل حاجه هتروح! انا لازم اكسب..!! كلام يوسف رن فودني.. وبدأت احس انها فعلا اقل مني فالمستوي انا الى موقفني خوفي!! اتنفست بقوة و قربت عليها و فضلت اسدد كذا صْربه لحد ما وقعت و قدرت اتمكن منها و امسكها!! وكسبت !!! "

" الكل صرخ بحماس .. كله صرخ بأسمي !! "

" الحكم اعلن اني الفايزه وبعدها نزلت وجريت عليهم و ماما حضنتني بفرحه هي وأميرة! "

>>>>>>>>>>>>>>>>>>>>>>>>>>>>>>>>>>>>

|| تحت بين ليان ||

" يوسف وصلنا انا وماما.. وبعد ما طلعت نزل من العربية و بصلي فا عرفت هيتكلم ف ايه "

يوسف بأبتسامه: مبروك!! كنت عارف انك هتعمليها و دلوقتي فاضل اسبوع بحاله على الماتش الجي لازم تستعدي كويس.. ولازم تعرفي طنط انوه هيبقي في المغرب

- هقولها يا يوسف!

= ما علينا.. احنا لازم نزود ساعات التمرين انتي عرفتي هتلاعبي مين؟

- عارفه

بصلي بستغراب: عرفتي ازاي

ابتسمت: شوفت الماتش الى لعبته المغربية مع البنت التونسية... وتوقعت ان المغربية الى هتكسب.. و كسبت صح ؟

= اه كسبت.. و دي ليفل تاني على فكره!

- متقلقش يا يوسف

اتنفس بعمق وبصلي: انا فخور بيكي بس مش هعرف مبقاش قلقان يا لينو

ضحكت: لينو؟ لسه فاكره؟

ضحك: امممم مش كان بيضايقك

كنت بضحك وساكته وفجأه بصلي بجديه: هو ايه حكاية مروان ده بقا؟ وجاي الماتش وبتاع و بيشجع

- قبل ما تكمل بس

= هاه ؟

- مروان بيحب اميرة.. وهي بعْله مش واخده بالها

= اه زي واحده صحبتنا كده يعني

- احممم.. انا هطلع عشان ماما باي

"دخلت البيت وسمعت صوته من بره"

- متتأخريش عالتمرين

" ابتسمت وطلعت لقيت ماما مستنياني "

↚

- خير يا فوفا مغيرتيش ليه

= انا سمعت ناس بتتكلم فالماتش و بتقول اكيد البنت دي هتكسب فالمغرب و مفهمتش

قعدت قصادها وخت نفس: الماتش الجي هناك

- هو انتي بتعملي اي بالظبط يا ليان؟ ليه بقا في سفر؟ و فيه حاجه اتغيرت انا مش فهماها

بصتله وانا بحاول اهدي: فيه اني بحقق الى حلمنا بيه انا و زياد يا ماما

بصتلي بدهشه: انتي دخلتي ماتشات دوليه؟

"هزيت رآسي بالايجاب وبعدها بدأت خناقه مكانتش قوية لأني كنت فاهمه خوفها عليا.. مرضتش اكبر الموضوع و كنت الطرف الهادي لأول مره.. وطبعا انتهي الكلام بزعلها وانها مش هتسبني أسافر.. فا دخلت اوضتي بصمت بس كده كده كنت واخده قراري للأسف"

>>>>>>>>>>>>>>>>>>>>>>>>>>>>>>>>>>

|| تاني يوم | في النادي | ساحه التمرين ||

- وعملتي ايه بقا معاها ؟

= هعمل اي يعني يا يوسف! مش بتكلمني

- متزعليش انتي عارفه انها خايفه عليكي و مع الوقت هتلين لسه فاضل ست ايام.. لو مش قادره بلاش تمرين انهارده

= لا.. مفيش وقت!

- ده كدا كدا هيبقي تمرين فالهادي عشان بكره مش هتنزلي و هتريحي بلاش ترهقي نفسك

= طيب يلا نبدأ

" بدأنا و وسط التمرين كنت بمسك جمبي بأستمرار وبحاول مخليش يوسف يلاحظ بس للأسف "

- انتي في اصابة ف جمبك ؟؟؟

= لا مفيش حاجه انا تمام

" ضغط عليه فا اتوجعت وبصلي بعدها بغضب "

- انتي بتستهبلي صح !

= حطيت عليه مرهم وهيتعالج مفهوش حاجه !!! دي مجرد كدمه يا يوسف !

- ليان !!

= صدقني مجرد كدمه والله!!

" قلع القلفزات بعصبيه و رماها قربت ناحيته فا بعد "

- يوسف فيه ايه متكبرش الموضوع

= هو كبير !! ده معناه ان لو حصل اي حاجه هتخبي عليا!! انتي حتي مفكرتيش تقولي انا تعبانه هريح!

- عشان مش تعبانه.. انا كويسة

= انا بكره عنادك !

- ممكن تهدي! قولتلك مجرد كدمه انا لو تعبانه فعلا هريح ايه هيخليني ارهق نفسي

= ليان بطلي تخبي عليا لو سمحتي!

- حاضر ممكن خلاص بقا!

= مش هنكمل زفت قومي روحي بقا يلا

" بصتله وضحكت غضب عني "

- والله؟ انتي كمان بارده؟ عنديه وبارده؟

= تعالي روحني طيب!

- ابقي خلي مروان يروحك.. بتلعبي قصاده و تستفزيني ؟؟ ماشي يا ليان

ضحكت جامد: الموضوع خلص من بدري انت كل شوية هتفتكر وتتقمص! بعدين قولتلك! بيحب أميرة

= طب اتفضلي قدامي

- ممكن اقولك حاجه قبل ما نمشي؟

بصلي بزهق: ها اتفضلي خير قولي

بصتله بحب: فاكر لما قولتلي بحبك كنت عايزه اقولك وانا كمان على فكره

تنح بدهشه: وانتي ايه!

- بحبك.

>>>>>>>>>>>>>>>>>>>>>>>>>>>>>>>>>>