الفصل الثامن

رواية مشوار بدور الجزء الثامن 8 بقلم سلوى عوض مشوار بدوررواية مشوار بدور الحلقة الثامنة وهنا يتذمر أبوالخير أبوالخير: ديه برده اسمها عمايل تطلع من معلم كبير ومحترم زيك يا سند؟ ليضحك المعلم سند سند: طب براحة، متحزقش أحسن البواسير تنزلك تاني. تعالي أسندك وأطلعك بيتك أبوالخير: ابعد عني، مش عايز منك حاجة، وفُض المولد ده… راجل ناقص بصحيح سند: الناقص هو اللي يضايق الولايا بنات حتته يا معلم وهنا تنزل زوبه زوجة أبوالخير

زوبه: ألف سلامة عليك يا معلم، نورت الحتة والبيت أبوالخير: طب غوري اطلعي، إيه اللي نزلك؟ زوبه: الحق عليا إني فرحانة إنك جيت بالسلامة ليصعد أبوالخير إلى شقته، ليجد زوجته مبروكه تجلس وهي تحتسي الشاي مبروكه: حمد الله على السلامة، يارب تكون اتهديت أبوالخير: قصدك إيه يا ولية إنتي؟ زوبه: مقصدهاش يا أخويا، تعالي خش ريح جوه أبوالخير: هو اللي يعرفكم يشوف راحة أبدًا… جوز حدادي، ربنا يخلصني منكم

مبروكه: خلاص وماله، شيل ده من ده يرتاح ده عن ده. رجعلي الفرن ونص البيت وبالسلامة زوبه: بس بقا يا مبروكه، الراجل تعبان مبروكه: وأنا كلمته؟ ما هو اللي داخل يقول يا شر اشتر أبوالخير: أخص عليكي يا بروكتي، ما إنتي اللي خدّتيني على مشمي ده، بدل ما تاخديني بالحضن وأنا راجع تعبان مبروكه: ما هي طفاستك هي اللي عملت فيك كده زوبه: ماتخليه ياكل في الهناء مبروكه: بس يا هبلة إنتي كمان، أنا طالعة شقتي قبل ما ضغطي يعلى.

زوبه: مالها ديه؟ ونتركهم ونذهب إلى جاسر، فكان جاسر يجلس بجوار نجيه. نجيه: إيه يا حبيبي، إنت هتفضل قاعد جنبي كده كتير؟ أنا خفيت وبقيت زي الفل، قوم بقا شوف شغلك وشوف حالك جاسر: شغل إيه بس يا حبيبتي، أهم حاجة عندي صحتك نجيه: أنا بخير والحمد لله وهنا يأتي اتصال لجاسر جاسر: عن إذنك يا أمي نجيه: خد راحتك، أنا هنام شوية جاسر: طيب يا روحي ليرد جاسر جاسر: أيوه يا تامر، عملت إيه؟ تامر: ده أنا طلعت روحي لغاية ما عثرت فيها

جاسر: ليه يعني؟ هي تايهة يعني؟ تامر: لاء يا أخويا، ساكنة في حتة اسمها الدراسة جاسر: دراسة إيه يا ابني؟ دي المحروق أبوها كان مليونير تامر بسخرية: مليونير إيه يا عم وحد الله، دي واقفة بتبيع كبدة وسجق وساكنة في بيت قديم وحالته عدم جاسر: يبقى مش هي تامر: أنا صورتها، هبعتلك صورتها… وبعدين مش هي اسمها بدور طاهر نوفل الشامي؟ جاسر: تمام ابعت الصورة كده ليرسل له تامر الصورة، لينظر جاسر إليها

جاسر: إيه… هي بشعرها الأصفر وعيونها الملونين… بس إيه اللي شقلب حالها كده؟ تامر: إنت يا ابني روحت فين؟ جاسر: ها… لاء معاك، معلش هتعبك معايا، عايزك تعرفلي إيه اللي حصل لطاهر الشامي تامر: حاضر، وعد الجمايل جاسر: اسمع بس، عايزك تشتريلي فيلا مفروشة بأي سعر، وكمان تجهزلي سواق وباقي الشغالين تامر: إنت نازل مصر ولا إيه؟ جاسر: تامر: يعني أخيرًا هشوفك جاسر: المهم عايزك كمان تدورلي على مقر للشركة عشان هصفي كل أعمالي هنا وهرجع

تامر: تمام، وأبو سمرة جاي معاك؟ جاسر: طبعًا، ده أساسي معايا تامر: طيب سلام، هبقى أكلمك أول ما ألاقي طلباتك جاسر: سلام ليغلق جاسر الهاتف مع تامر، ويجلس وهو ينظر إلى الصورة ليتذكر بدور فلاش باك بدور: خد يا جاسر جاسر: إيه ده؟ بدور: أنا قسمت السندوتشات بتاعتي بيني وبينك جاسر: تسلم إيدك بدور: ممكن تعلمني أزرع ورد معاك؟ جاسر: إنتي لسه صغيرة، لما تكبري هعلمك بدور: طب ممكن أشوفك وإنت بتزرع؟ جاسر: ممكن أوي

بدور: طب ثواني هدخل جوه وأجيلك تاني وبعد دقائق تأتي بدور ومعها كوبان من العصير بدور: اشرب بقا العصير عشان الجو حر جاسر: كتر خيرك وهنا تسمع بدور صوت كلاكس سيارة والدها بدور بخوف: أنا هدخل جوه قبل بابا ما ييجي ويزعقلي جاسر: طيب طيب، خدي الكوباية ليعود جاسر بالذاكرة، فتدمع عيناه جاسر: الله يرحمكم… وحشتوني أوي… أنا جاي مصر عشان أزوركم يطرق باب غرفة نجيه نجيه: تعالى يا جاسر، أنا صاحية جاسر: ممكن أطلب منك طلب؟ نجيه: عيوني

جاسر: عايز أنزل مصر نجيه: طب وهو إحنا لينا حد في مصر؟ جاسر: عشان خاطري، هصفي كل أعمالنا هنا ونرجع نعيش في بلدنا نجيه: ممكن أعرف ليه؟ جاسر: أبدًا… بس مصر وحشتني، وفي الأول وفي الآخر دي بلدنا. نجيه: يعني إنت عايزنا نرجع للسبب ده بس؟ جاسر محاولًا إخفاء عينيه عنها: لاء… وكمان عشان أزور أهلي في قبورهم نجيه: ربنا يرحمهم جاسر: هاه، قولتي إيه؟ نجيه: موافقة طبعًا جاسر: ربنا يخليكي ليا يا نوجتي، هروح أنا بقا الشركة عشان

بقالي كتير ما روحتش نجيه: ماشي، بس خلي بالك وسوق براحة جاسر: حاضر نجيه: وبلاش التهور اللي إنت فيه ده يا ولد، مش عارفة ليه غاوي تسوق بجنان ليضحك جاسر جاسر: طب كويس إنك حافظه الدرس كويس نجيه: طبعًا ليتركها جاسر ويستقل سيارته، وهو في طريقه إلى الشركة، ليتذكر فلاش باك نجيه: شوف بقا يا جاسر، إحنا هنقدملك في مدرسة، بس شطارتك إنك تذاكر عشان تنجح وتبقا حاجة كبيرة… هو إنت نفسك تطلع إيه؟ جاسر: مهندس… مهندس زراعي،

أصلي بحب الزرع أوي نجيه: إن شاء الله تبقا أحسن مهندس في الدنيا، وهفتحلك شركة كمان، أكبر شركة جاسر: ربنا يخليكي ليا وبالفعل دخل جاسر المدرسة، وكان طالبًا متفوقًا، وتمر السنين، واليوم هو يوم نتيجة الثانوية العامة، لينجح جاسر بتفوق، فتهديه نجيه سيارة فخمة نجيه: لسه مصمم على كلية الزراعة؟ جاسر: طبعًا ليعود جاسر بالذاكرة باك جاسر: الحمد لله على كل حال ونتركه ونذهب إلى السيدة زهيره، فكانت مستلقية على سريرها لتقول:

زهيره: الحمد لله يا رب على كرمك ونعمك ورزقك ثم تضع يديها أسفل الوسادة لتأخذ وشاحًا كان لابنتها زهيره: الله يرحمك يا نجوي لتعود زهيره بالذاكرة فلاش باك كانت زهيره تزور ابنتها في محبسها، لتجدها مصابة بإعياء شديد زهيره بخوف على ابنتها: مالك يا نجوي؟ اسم الله عليكي، فيكي إيه؟ وشك مخطوف كده ليه؟ نجوي: مافيش يا أمي، أصلي عندي برد زهيره: طب وهو البرد يعمل كده؟ نجوي: أصلي ماليش نفس آكل… ومخنوقة لتبكي نجوي

نجوي: عمري يا أما بيضيع وأنا بعيد عنكم… بنتي وحشتني أوي زهيره: ربنا يقصر أيامك هنا وتخرجي على خير ويظهر الحق. نجوي: يارب يا أمي… تفتكري ممكن أخرج وأعيش معاكم؟ زهيره: إن شاء الله يا بنتي لتعود زهيره بالذاكرة باك ونتركها وننزل إلى الحارة أحلام: بقولك إيه يا بدور، رجلي وجعتني أوي وتعبت بقا بدور: خلاص روحي إنتي ارتاحي، وأنا لما أخلص هشطب وأقفل أحلام: لاء، هشطب معاكي… بس بشرط بدور: خير؟

أحلام: إحنا الحمد لله النهارده ربنا جبر بخاطرنا أوي… عايزة آكل فراخ مشوية كده بدور: حاضر يا ستي، نخلص بس وناكل فراخ وكفتة كمان. أحلام: قلبي يا صاحبتي. لنتركهم ونذهب إلى طاهر، حيث كان يجلس ويتذكر. فلاش باك يتصل طه على طاهر. طه: تمام يا فندم، الجماعة قدامهم نص ساعة ويوصلوا عندك. طاهر: تمام. طه: عارف إن أول ما يوصلوا عندك مراتي وولادي هيرجعوا بيتهم؟ ثم يغلق طاهر الهاتف في وجهه. أيوب: إيه؟ كله تمام؟ طاهر: هيبان.

أيوب: إنت هتعمل معاهم إيه؟ طاهر: اقعد بس واتفرج. أيوب: أنا متحمس أوي. وتمر نصف ساعة، لتحضر عنايات ومعها ابنها رافت، ثم يُدخلهم أحد رجال أيوب. أيوب: أهلاً وسهلاً، اتفضلوا ارتاحوا. عنايات: حضرتك، إحنا جايين عشان نتفق مع حضرتك على شغل. وهنا يلف طاهر الكرسي ليقول: طاهر: حمدالله على السلامة. عنايات بذهول: طاهر! طاهر: آه… تخيلي. رافت بخوف: خالي! طاهر: اقعدوا، متخافوش.

عنايات: يا أخويا، أنا خوفت على فلوسك وأملاكك أحسن نجوى تاخدهم. طاهر: عارف، عارف… ومش زعلان منكم خالص، بالعكس. وكمان هنعمل شغل كتير مع بعض… بس بعد ما ترجعولي كل حاجة، وكفاية عليكم المصنع. عنايات: تحت أمرك يا أخويا. طاهر: وكمان هخليكم الموردين الوحيدين للمواد الغذائية. رافت: بجد يا خالي؟ طاهر: طبعًا، إنتوا مني. عنايات: يا حبيبي يا أخويا. طاهر: يا أيوب، حضر الأوراق المطلوبة. أيوب: أوك.

وبعد أن أحضر أيوب الأوراق، وقّعت عنايات ورافت. طاهر: مبروك عليكم. عنايات: الله يبارك فيك. طاهر: تقدروا ترجعوا مصر وتبدأوا الشغل، وهنكون دايمًا على اتصال. وبعد أن غادرت عنايات وولدها رافت… عنايات: قلبي وقع في رجليا أول ما شوفته، قولت هيموتنا. رافت: وأنا كمان قولت خلاص… روحنا. عنايات: كده بقى خلاص، مفيش خوف. أما طاهر فعاد بالذاكرة مرة أخرى. باك طاهر: آن الأوان بقى إني أرجع مصر. …..