رواية متمردة عشقت مجنونا الفصل الخامس عشر 15 - بقلم ruqaya H algurtani

اسوء شي بالحياة متخليج تاخذين
الدرس الا تعيشي انتي..
اسوء دروس حياتي
لمن شفت الفرق بين حارث و امير..
عمود اعرف..بالرغم انو متاكدة امير يحبني..
بس.. مو كادر يكون ويايا..
جنت شايفة اهلي مو كد المقام..
ومحد وكفلي وساعدني..غير اهلي..
دخلت بكاابة مابعد الحمل.. كلش كا رهة روحي ومختنكة..
رجعت بيت اهلي..
مرة اخوية وعمتي مقصرو..
وداروني ودارو ريم..
بس امير حتة مشال تلفون سال علية صار ١٠ايام..
اخر شي دكيت علي..
شالة..
صوتة تعبان..
هالي: هلو ..امير..
امير: هلو ..هالي..
هالي: شبي صوتك..
امير : مابية شي افلاونزا..وتعبان شوية..
هالي: دتاخذ علاج..
امير: اطمني ..دا اخذة.. مطلعن عصافيري بعد..
هالي: اقصد دوا للافلاونزا..مبين كلش تعبان..
امير: زين ..لحد هسة تحسين بية.. ومقهورة..
هالي: اذا انقهر لازم انقهر ع روحي..واني وصلت الموت واني وحدي..
اخر شي..خابرت علي..
امير: واجة المنقذ حارث..وداكم..
هالي: انت.. ليش تحب تسرق ادوار..
امير: شنوووو..
هالي: دائما تسبقني...
اذا كلت تعبانة.. تكول اني تعبان..
زعلانة ..اني زعلان عليج..
مريضة ..اني مريض..
اامير....ترة اني تعبانة..وانت زيدتهة علية..كافي اشوف تساؤلات
العالم..وين زوجج..خابر عليج يسال ع بنتة..شنو القصة.ع فكرة شسميتها..
سميتها ريم...
هالي: نعمة... ع كلن..اني باجر اروح افتح الخيط..كلت اطيك علم..
لاتكلي..مكتيلي..
يلة مع السلامة...
امير: اوكفي هيج ناشفة..
اكلتيني وشربتيني..
حتة مانطيتي للزعلة حقها..
هالي: ليش ..عشتو ..انت زعلان..
امير : كللللش..زعلان..لان مجنت وياج..بالعملية..
وضجت من شفت غيري شايل بنتي..
ودمرت..لمن ابوج دفع فلوس..
عبالك مالي لازمة..
تعرفين ظليت..انتظر ..والنار تكليني..عليج..من فتت..وكلتلي فاطمة..
لما خلص جواد واجاني وجيتج..
والله لو اكرم موجود..جان ماعفتج لحظة..
هالي:وبعدين امير رح ظل ..حاط هذا الحاجز ..اني هم تعبت..اجذب ع اهلي ..واكللهم اسباب..
وحجي اكرم عده حياتة..
بنفسي اعيش وياك ..وانت شايلني..مو شايلتك..
زوجي وسندي..
رح..اروح..ريم ..دتبجي..
امير: حبيبتي..خلي السماعة ع اذنها..
هالي: جوعانة هي..
امير : ميخالف..
خ ..تسمع صوتي..
هالي: ظل يحجي وياها هواي..
حجي حبيتة ..دمعت عيني ...وهم دعيتلة..يارب افرجها..
دخل ابوية وهو يسمع صوت امير...
ارتبكت..بس..هو كلي..حبيبتي ميبعدني عنكم الا القوي.. اذا محتاجة شي بس دكيلي ادزة...
سديت سماعة الخا رجية..
اوكي امير..هذا ابوية ..يسلم عليك..
امير: مستحي منة سلميلي علي..
هالي" ماشي .مع السلامة دير بالك ع رووحك..
وانتي همين..
دير بالج..ع روحج..
طارق:زين زوجج..حباب..
هالي: الحمدلله يابة..
طارق: ليش ميجي..يكعد ..يسلم..
اسمه مستعجل..
هالي: يابة ..ترة ابو لاامير مركزة حساس.. ويخاف ع ولدة..
ومنطقتنا تخوف..لهذا ..ميجي..
هالي:سكتت..ابوية ..وقنعتة..
ثاني..يوم ..اجة حجي اكرم ونغم هم حامل خطية وتعبانة..
جاب طليان اثنين ذبحوهم باب اهلي ع سلامتي وسلامة الصغيرة..
عمتي ..واخواني فرحو.. كدام العالم..
بيومهة حجي اكرم حلف الا ارجع
وقنع..ابوية..
ورجعت..
وجنو مشترين جهاز كاملل ...
المهم كدام اهلي ..
رجعنا للبيت وطول الطريق يحمد بية ..
وكالي ..امير..من جبتي مطلع من الغرفة..
ليش..مدا ياخذ دوا...
يكول اخذة..بس مااصدكة..
هالي:ذكرتة من يكلي ..من تبتعدين عني كل شي..يتغير بية..حتة اخلاقي...
عفت ريم..يم نغم واكرم حبوهاجه وتعلقو بيهة..
صعدت فتحت الباب عللى كيفي التلفزيون مشتغل طفيتة..
تقربت علي...صحتة ع كيفي..همس..
أمييير..
أميييير...
هاااا حبيبتي وينج..
هياتني ..يمك..
لزمت ايدة ..فز...
هااالي.. هاي شوكت جيتي..
منو ..جابج..
هااالي: ارجع...
امير: وين ترجعيين..تعالي حبيبتي...
حمدالله ع سلامتج...
حضني...
اااامير..ليش حابس ..رووحك..
مو كتلك..
لاتبقى وحدك.. اطلع..
اول مطلعت... انتي وكعتي..
ضجت...
لاتربط شي بشي..
دتاخذ علاجك..
امير..
دااخذة..
لك ليش هيج ..كوووم..
خل افتح شبابيك..
وانت كوم اغسل واحلق..وبدل ملابسك ..دتشوف ..ريم..
امير: اي تستاهل ..ريومة ..البس واتانق هي وامهة..
ديلة ...ارفع ايدك.. خل انزعك تيشرتك..
هاي الفترة..استسلمت ..امير ...مو رجال جبير ..طفل...تعلم ع دلال..والي يريدة يحصلة وبعدني بس متعجبة ..اني شنو مخليني اسكت..
اكيد حابة امييير درجة..جبيرة..
درجة عالية اعتبرة بمعزة ريم..وحبي الهة...
درجة انسى زلاتة لان مريض..مو باايدة..
كملنا ..كلت زهراء تنظف غرفتنا..
وتشيل الجراجف ..وتتنظف زين عمود ريم..
كملنا..ونزلنا..ست ريم..
ومن هاي اللحظة بنتي كامت تتنقل بالايدي الكل مدللهة ويحبهة..اكبر حفيدة بعد .
اجة عمي طار بيهة..
يكلي حفظيها وشبعيها وعوفيهة يمي..
بدت تكبر ..ريم وتكبر همومه وياهة ..كل ماروح لااهلي تكضيها بجي وتتمرض.. كمت مااروح لااهلي من وراها..
كبرت..وابوهة ابد ميكللهة لا..
بس عمي جان ويايا..
ودائما يوصيني اهم شي صلة الرحم ضرورية..
واروحلهم..
بس..بنتي متقبل مجلبة باابوهة شكلهة رح تطلع متكبرة ..
هنا كل شي..معاجبها بيت جدهة..وابوهة يشجعها ويكلي. ماافرض عليهة..وحدة من الاخطاء سويتهة كملت دراستي وعفتهة للمربيات  ..
قوت عينها بالزايد..
توفى عمي.
بس محسيت امير مقهور كلش..
المهم ..
حسيت اطباعة رجعت تغيرت وصار ميهمة ابتعد عني.. بس من اكلة اروووح لااهلي ضجت يكابلني ويكعد....

سالت طبيبة كالي عادي هاي تاثير الادوية..لاتخافين..
عما يتعود جسمة...
كام حتة ميتقرب مني..
كلش اكتابت..
بيوم خابروني اهلي
...اخو حارث..واخوية مرتضى مكتولين.. وعم الحزن ..اهلي ..وبيت خالي سعيد سافرو للاردن..
واهلي هم خافو ع علي لان صار عندة ٣جهال..
وبقيت وحدي مرة ثانية..
رجعت نور تسكن ويانا..
وبدت ..مشاكل جديدة نور طلعتها لان اكرم ملتهي بس ويا نغم..وامير طمس بالشغل..
ونساني.. او اكو موضوع شاغل بالة..
عرفت رشا طلكت ورجعت لااهلهة ومنا..كمت اشك..وتعبت منة..
للقصة بقية..
❤❤❤❤
لاتنسون تصوتون عالقصة فضلا وليس امرا