رواية متمردة عشقت مجنونا الفصل التاسع عشر 19 - بقلم ruqaya H algurtani

مرات نتعب تعب وبهفوة منا نضيع كل شي..
طبعا ..السنة هاي سنة التخرج..
ومن بدايتها ركض ..ريم بالتواسيل..
سجلتها..روضة..ويوم داوم وعشر مااداوم
وبيوم الي داوم تشبع يجي..وامير يزعل علية..
رشا رجعت..لعمان..وطبعا ظلت عبالك ورقة تهديد..كل فترة تجي ع اختها ويرجعلي الشك..
امير التهى بالشغل..
خلصت الكلية..
كعدت البيت مزعجة..
امير ..بدا ..يلتهي ويفصل ما افهم منة شي..
اكرم ..قرر يفتح شركة مال مقاولات..واهنا جتني الفرصة اشتغل والتهي...
بعدت شوي عن بتي ريم..
والتهي و يا بالشغل..واحاول أوفق..
امير ..حيل مضايق..من شغلي ..
عبالك بعدنا عن بعض..وحتة اذا تقاربنا..هيج إسقاط فرض لااكبر لاحاس بية ولاحاسة بي...
اكثر  شي يضوجة انو اتعامل ويا مستثمرين..واتابعهم..مرات حتة يدكون علية بالبيت..
كل ميحجي نتعارك ويسكت..
ويمشي..بس يبينلي مو راضي..
واسكت طول الوقت..
بالفترة ..صارت عندي اعراض دوخة وتعب.. وراهة اكتشفت انو حامل..
ضجت حيل..حسيت مو وكتة..
هسة بلشت ابدي الحياة الي اريدها..
وانجح بشغلي..
لذا قررت انزلة..
وعرفت امير مرح يقبل..انزلة..
سالت نغم..
هالي" مااريدة نغم..هسة اخذت نفس..لاطلعة ولاطبة..مو وكتة ابد..
نغم: هالي ..حرام تنزلي..بعدين الشغل مرح يطير..وريم كبرت ..يحتاجلها  اخ..
هالي: نغم..هي ريم ومكرع راسي من وراهة..
نوب طفل ثاني..مرح يخليني اشتغل..
نغم: لج شسوين بالشغل..
اهم شي عائلتك هالي..
شوفيني ..عفت شغلي..وكعدت. وكل..شي يجي العندي..بلة تعب ولابهذلة..
هالي: اني مو مثلج..نغم..
ترة امير ..صح يحبني..بس طول الوقت حاستة مو من كلبة يطلع الحجي..ولايفكر يوم يطلعني..
جكد..وعدني..وعود لحد هسة ..مسوى شي..
حياتة عبارة عن شغل تعبان ..نام..
وبيوم العطلة..
يشوف شنو يلهي روحة بي.

واني بصراحة كلش مكتأبة وما اريد احجي..
اريد اشتغل..
ع الاقل مااحس روحي مدفونة بالبيت..
تعرفين ذاك اليوم كتلة اريد اروح اشوف اهلي مقبل اسافر وحدي كال خليهة ع السنة الجاية..
تعبت... نغم..تعبت..الاحساس نعمة وهو ميحس..
بطل يحس..
بطل يحبني...
نغم: لاتكولين هيج..ترة امير يحبج..
لما انتي موصل بالمرحلة وهو مينسى هالشي..الج..
هالي: هو ..هذا..امير حاسبة فضل علي..سويتة اني..
مو حب..
هالي: كافي نغم..عفية اني جيتك بشنو وانتي جبتيني..
اني اريد انزلة..اريد اسالج والحبوب اخذ..عمود ينزل..
نغم..ترة اكرم يستحرم يكول روح متنكتل..
هالي: سالت ..والله كالو مو حرام قبل الاربعين مابي نبض..
نغم..جكد تلحين ..ولج فكري..
هالي...كتبيهن..خل اروح اجيبه وابلعهم..قبل لا يجي امير..واذا سألني اكلة دورة..
هالي..رحت جبت حبوب..
وبلعتهم..
لليل واحس مغص قوي..لزمني..
ونزل دم..بس الالم لا يحتمل..
اخذت موبايلي..وفتت للحمام..خابرت نغم..
هالي: نغم..وجع مو طبيعي..رح اموت..
نغم..مو كتلج..ياهالي مسمعين كلام..
اخذي مسكن  بلكي للصبح يهود..
هالي ..ماشي.
غسلت..فتحت الباب..امير بوجهي..
هالي..شبيج..مو على بعضك وجهج اصفر..
عندي مغص ..يمكن استبراد..
امير ..نوديج للمستشفى ..اخابر اكرم..
هالي:لا ميحتاج..
هسة اخذ مسكن ..واصير زينة..
هالي: ظليت للصبح مثل السمجة الوب من الالم...
الصبح..امير كالي...وضعج..مو تمام..
مرح اطلع..
هالي: رووح امير لايظل بالك..
امير: متاكدة..
هالي: اي ..متاكدة..
ورا ساعتين ..صار عندي..نزف..
حسيتة قوي..

محسيت الا اخربت..
شافتني ..فاطمة..نقلوني للمستشفى ..وسوولي  كورتاج..
نزل الطفل..بس حسيت بوجع مو طبيعي..
جتي نغم يمي..
نغم: هااا..ولج..شونج..عضت أصابعها وكالتلي اوووف منج..
جكد كتلج صبري..حرامات ..حرام عليج ..بالعافية عمود لاتكرريهة.
مرة ثانية اخذي مانع..
اذا متريدين جهال..
دخل امير واعصابة نار..
هااالي..يعني انتي اخذتي حبوب عمود لايصير  عندج طفل مني..ليش..
هالي..أمير..اسمع..مني...اني..
امير ..شااسمع منج..
شتريدين اسمع..
حرامات خوفي عليج..
هالي..طلع امير ..مشفتة الا. ثاني يوم ..من طلعني..
اكرم هم زعل من نغم..
وحجة علية..
ظليت بالبيت..امير هجرني..
ظليت شهرين هيج..
ينام يم ريم..يحجي وياي عالكد..
واني ..عاندت ويا مصالحتة..حتة من راح طبيب مكالي..
ظليت اقنع نفسي..
كل الي سويتة الة..
وع غلطة هيج يوم ويايا..
منكعد سوا ابد ..
وحتة اذا حجيت..
ميجاوب..
كامت تجي سيارة تاخذني الصبح والتهي بالشغل..
وصلنا مرحلة ايام منحجي سوا..
ايام مينام بغرفتي ينام يم ريم..
بيوم..جانة ولد هو وزوجتة ..للشركة..ظليت اباوع عليهم..
وهو يتوسل يزوجهة تقبل ..وهي زعلانة..
مااعرف ليش ضجت..
مذكرت يووم خليت أمير يتوسل بية عمود ارضى كل غلطة يغلط يغلطها بحقي..
مااذكر سويت بي هيج..
صار جكد مزوجين دائما يغلط واسامح..
ظليت مختنكة ..كلت فايق يروح ويا اكرم اني عندي شغلة ..
فايق: اوصلج اني..
هالي: رووح ..فايق..اني شغلتي طويلة..

ردت ..اخذلي فرة احسن ماارجع للبيت واختنك .
رحت للسوق...تسوقت.كم شغلة..
ظليت افتر..
نسيت اني مماكلة من الصبح.
فجاة اسودت الدنيا بعيني..مااحس الاوكعت والناس ساعدوني ودوني طوارئ وخابرت نغم كتلهة..
اجة اكرم..ويا امير..شدولي مغذي ..من كملت طلعنا..
ظلينا طول الطريق ساكتين..
الا ان قاطع صمتنا حجي اكرم..انتو شبيكم..
هالي: اني ..بس واحد يطخني ابجي..
ممكن تحجولي جرالكم..
هالي حسيت دموعي نزلت بلا مااحس..
و امير اشر لااكرم يااجل الحجي..
لان جنت تعبانة...
اول موصلنا البيت..
مدلي ايدة عمود يكومني..
دفعتة ..كتلة ماكو داعي..
بعدني دايخة ..فقر دم..
شدولي كانولة.
تلكتني فاطمة وشايلة ريم..كمزت بحضني..
وج لا حبيبتي ماما مريضة ..
حجية فاطمة: اوووف منج..يمة ..ولاتاكلين لحد ما وكعتي..
هالي : فتت لغرفتي ومددت..
تعبانة ..تعبانة نفسيتي..الكل يشوف سبب تافه.
بس مليت اني..
سكتت ع مواضيع مينسكت عنهة..
بس ..طفح الكيل..صارو ٦اشهر ع غلطة ماتقربلي.. لعد جكد ماعندي كرامة وهو كل دكة واسامح..
انجطلت بهدومي..
حتة حذائي تعاجزت انزعهة..
حاسة الدنيا كلها تفتر..
بية..
ضاقت بية..
اجة امير..كعد يمي..
حجة وياي بثقل..
هااالي..هاالي..انتي كاعدة..
سويت روحي ما اسمعة..
كل سوا نزعني حذائي غطاني وطلع..
اعيوني نافورة انفتحت ماوكفت دموعي..
مقهورة ع روحي..
وين لهفة وين حبة الي..
اي حب..
امير.. عمرة محبني..
تعبت وغفيت..
كعدت..جان مو جود ويبدل...
رفعت راسي..
احس بثقل..مو طبيعي..
حجية فاطمة..
امير : ها ..هالي..رايدة شي..
هااالي..اريد فاطمة..
ساعدني...اكوم..
تعاي اني اساعدك..
باعي وين وصلج شغلج حتة صحتج رح تخسريهة..
هالي:اذا عالخسارة...فأني خسرت من زمان..
اني صدكت انت تحبني...
امير: من ايدج ..الله يزيدج..
هالي: شكرا..
ساعدتني لهنا كافي..
امير: هالي..انتي تعبانة لانتناقش غلطج شنو .. ونتعصب..
رح اعوفج ترتاحين واطلع..
هااالي: امير ..اريدك تطلكني..
جان امير طالع وقبل لإيوصل الباب..تبسمر..من سمعني..
امير..هاالي..شكلتي...
هالي..دموع فركت عيني...
كتلك اني اريدك طلكني...بعد مااتحمل..
لج..هااالي.. انتي تعبانة..
رح اعوفج وبعدين نحجي..
اذا رجعت متلاكيني..
امير...روحي نغم..احسن ارتاحي اذا عاجبك..
هااالي:بس..اني مرح اروح لنغم..
كتلك..اني..مااريدك بعد..
اامير: تقدم..خطوات..
هااالي: لاتحجين حجي تتندمين علي..
حط ايدة على ايدي..
وخرت ايدي..
اني متاكدة من قراري مليت وخلص...
امير: هالي..انتي نفسيتك تعبانة..
والكل بالبيت مضغوطين..بلة متكأبين  روحج..
أمير..اني تعبت ..وخلص...خلص نفسي وياك..
تعرف اليوم ..عرفت روحي جكد ماعندي كرامة ولا معزة عندك..سالت روحي اسئلة..هواي..
هو اني هيج ..كل سويتة متستاهل تجي ع نفسك مرة سامحني..ياما سامحتك.. ٦أشهر  شنو انت..
امير: هااالي بس ردت افهمج الي سويتي مو سهل..
هالي:بدون منتناقش..
اني ..رح اطلع..وعايفتك..لان بعد متحتاجني انت..
امير: هالي..شتحجين انتي..
تعرفين جكد مهمة انتي...
هالي: شفت ..وعرفت ..
فتحت الكنتور..
ودا اطلع بهدومي..
اطلع..ويرجعهم جوا..
هاالي: عوفني ..امير..عوووفني..
امير: كاااافي ..سكتي..غبية..
اني احبج..
احبج..هواي..
شون كلبج ينطيج..تعوفيني...
هالي: مثل ماكلبك اطاك..وعفتني..
طول ٦اشهر..
امير: لهذا رحت للطبيب..
هااالي: هديت...
شنووو....
امير: هالي..الحالة القديمة رجعتلي..
هالي: يعني ..شنو..
امير..افتهمي..مو صوجج..صوجي اني..
لك اني بدونج شنو اصلا اني مالي حياة..بس من سمعتج نزلتي  ابنا..كلش ضجت..
هااالي..احتمال مصيرلي فرصة اخلف مرة ثانية..
عرفتي..ليش ضجت..
امير..لاتطلعين من بيتج..
اني اطلع..
مشى خطوات..
وضعفت..
ااامييير ...لاتروح...لاتعوفني وحدي..ركضت وحطيت روحي بحضنة..
للقصة بقية...
🏵🏵🏵🏵
للقصة بقية..
لاتنسون تصوتون عالبارت فضلا وليس إمرا..ولاتنسون تعليقاتكم وارائكم تهمني البارت الجاي بداية النهاية...