رواية متمرد و قاسي الفصل الرابع 4 - بقلم Nasma Aliraq

جوري
كم كنت قاسي الملامح ،،، ايعقل ان اعشقك وانت ذلك المغتطرس الذي لايهتم لمشاعر احد سواه ،،،
جلست في الحديقه مع الحجيه قليلا قبل ان يحضر الضيوف فقد طلبت مني الخروج قليلا ،،،كنت اجلس بجانبها وهي تاكل فواكه من الصحن المقابل لها كانت تاكل وترمي بالقشر على الارض
جوري :حجيه خلي الكشور هنا بالصينيه فدووه تعبت الم من الكاع
الحجيه :لعد انتي ليش تشتغلين هنا يلا كومي
جوري :ربي صبرني
نهضت وانا انضف الارض من القشور المرميه فتحت البوابة الخارجيه ودخلت سياره الاستاذ زيد
جوري :اهوووو انوب عبسي عليه هسه يكون يحجي
طلبت من الحجيه النهوض للعوده للغرفه ولكنها لم تكن تستمع لي
نزل من السياره السيد زيد وتلك الفتاة التي شاهدتها معه في الغرفه ،،، والتي يبدو ان اسمها صوفيا تلك التي كلمها امامي وطلب منها الحضور لاشباع رغباته ،،،
كنت لازلت على الارض انظف تقدما نحونا
زيد :هاي شنو الهوسه هنا اني شنو وصيتج اليوم
جوري : استاذ كتلها بس هيه متسمع ورادت تنزل
زيد :وانتي شنو شغلج اني ليش موظفج
جوري :بس ...
وقبل ان اكمل تدخلت تلك القتاه
صوفيا :زيووود حبيبي عوفها راح تمضي وكتك كله يم الخدامه تعال نصعد فوك
زيد :اخذيها وصعديها بسرعه للغرفه والا
رفع اصبعه باتجاهي بنبرة التهديد
امسك الفتاه من خصرها ودخلا معا الى البيت

اقنعت الحاجه بالدخول وبعد عده محاولات اقتنعت بالدخول
اوصلتها للغرفه طلبت مني ان احضر لها الغداء
نزلت واحضرت لها صينيه الغداء
جوري :تفضلي اكدر انزل اني هسه وقت الغده بالمطبخ
الحجيه :روحي من اكمل اصيحج
نزلت للمطبخ كان الخدم يستعدون للغذاء قبل حضور الضيووف
جلست على الطاوله وانا اشعر بالتعب
خوله :خيرج جوري اليوم مو على بعضج
جوري :شويه تعبانه والحجيه مترحم طوول الوقت شغل لازم
خوله :اي والله صعبه هيه متنجرع
رن هاتف المطبخ
خوله :نعم استاذ .،،حاضر استاذ
لا استاذ بس الكل مشغولين هسه راح يجتمعون عالغده وراها مباشر بالتحضيرات
زيد :،،،،،،،،
خوله :بس جوري
ماشي استاذ
لم اكن اسمع للطرف الاخر ولكن يبدو انه السيد زيد
بعد ان اقفلت خوله الهاتف طلبت مني ان احمل صينيه الفواكه مع الشراب لغرفه السيد
جوري :بس اني مو شغلي هذا
خوله :اي حبي الكل ملتهين بالصاله وهو كال خلي جوري تجيبها من كتله محد بالمطبخ بس انتي
حملت الصينيه وانا اتذمر بداخلي
جوري :يعني استاذ عبسي يريد اشتغل عنده هم ممكفيني امه

طرقت البباب وانا احمل الصينيه
سمعت صوته من الداخل
زيد :تفضلي
دخلت الى الغرفه وانا انظر للداخل كان السيد زيد في الفانيله والشورت يجلس على الكرسي الموجود قرب الطاوله في زاويه الغرفه ،،،نظرت للسرير وتذكرت الليله السابقه ولكني طردت تلك الافكار بسرعه
جوري :استاذ وين اخلي الصينيه
زيد :جيبيها يمي هنا
تقدمت نحوه وانا اضعها على الطاوله خرجت تلك الفتاه من الحمام وهي ترتدي المنشفه القصيره فقط حول جسدها
لم استطع النظر استدرت لاخرج ولكن صوته اوقفني
زيد :اوكفي دقيقه
جوري :نعم استاذ
وانا ارض للارض
زيد :تعالي صبيلي الشرب بالكاسين وخلي بي ثلج
عدت الى الطاوله وانا ارتجف لا اعلم ان كنت ارتجف خوفا ام غيضا ،، ايعقل لرجل ان يقضي يوم واحد بحضن امرأتين اي رجل انت ،،،تلعب بمشاعر الاخرين ،،، لايهمك سوى اشباع غرائزك ،،، وانا احضر الكؤوس تقدمت تلك الفتاه منك فجذبتها لتجلس على رجليك ،،بدأت تقبلها امامي من رقبتها وانت تنظر لي ،،،لم افهم مالذي تحاول فعله ،،، كم شعرت بالاشمئزاز منك
كيف لقلبي ان ينبض لرجل مثلك
اكملت ما بيدي وطلبت منك اذنا بالخروج ،، خرجت من غرفته وانا اتصبب عرقا واشعر بالاختناق لم انزل للاسفل بل صعدت لغرقتي واستلقيت بسريري ابكي
جوري :ياربي ليش هيج ديصير بيه يمكن امي جانت صادكه بحجيها واني مسمعتها هذا العالم مو عالمي مو الي اني وحده بسيطه فقيره منو راح يحبني ،، بس اني حبيته البارحه واني بين ايديه حسيت بدقات قلبي تدق لاول مره ،،
لم اشعر بنفسي يبدو اني غفوت قليلا نطرت للساعه كانت مرت نصف ساعه تقريبا
جوري :اوووف فاتني موعد الغدا وماكدر انزل هسه عبسي ميقبل ،،،عدت الى غرفة الحجية طرقت الباب ودخلت
كانت نائمه جلست على كرسي بجانبها وانا انظر للوقت حضر الضيووف كانت الاصوات تاتي من الصاله الكبيره لم استطع النزول وقد بدأ راسي بالصداع فلم اتناول شيئا اليوم ،،،
بعد استيقاظها من النوم طلبت مني ان اخرج ملابسها من الخزانه كي اغسلها لها
جوري :يعني الا اليوم واني تعبانه وبلا اكل اففففف ياربي شون بيه
كانت غرفه الغسيل في الطابق الثالث اكملت غسل الملابس كان الضيوف قد غادرو تقريبا استأذنت من الحجيه ونزلت للمطبخ
جوري :اففف ياربي وينهم كلهم راحو منا جوعانه
فتحت الثلاجه وانا انظر مابداخلها وقبل ان امسك باي شي جائني صوته كملك الموت على غفله ،،
زيد :شدسووين هنا
فززت فضرب راسي بالثلاجه بقووه :ااااااخ
زيد :انتي شنو مو كتلج لتنزلين
جوري :بس الضيوف راحوو كلهم
زيد :بس ضيفتي بعدها موجوده واني كلت ماريد اشووفج
جوري : اسفه حصعد لغرفتي
زيد :وين رايحه اليوم جنتي بالحديقه ويه الحجيه وقبل شويه شفت وصاخه طلعي نظفي الحديقه
جوري : هسه وانا انظر باستغراب
زيد :اي هسه الححجيه ونامت شعندج
جوري :بس اني مماكل
وقبل ان اكمل صرخت بي
زيد :يلا بسرعه
استدار ليعود ادراجه اما انا قكنت قد اغلقت الثلاحه بقووه
جوري :ياربي غير افتهم شيريد مني هذا وليش هيج ديسوي بيه
خرجت للحديقه كان الليل قد حل ،، كانت الرياح قويه تلك الليله
بدات بالتنظيف وانا انظف الاوراق المتساقطه وراسي يؤلمني من الصداع لا اعلم كم مر من الوقت قبل ان تبدا بالمطر فوق راسي
كنت انظف وخرجت تلك الفتاة من البيت
جوري : ناس وين عايشه وناس وين
وانا انظر لنفسي والمكنسه بيدي

زيد
لا اعلم لما كنت اشعر بالرضا عند جعلي تلك القتاه تتئذى نفسيا وجسديا كأنني كنت اعاقبها على ما بدر مني انا ليله امس
ارسلتها لتنظف الحديقه وعدت الى غرفتي ،،،
كانت صوفيا تجلس على السرير وقد ارتدت ملابسها لتذهب لبيتها
صوفيا :حبيبي باجر نتغده سوا
زيد :اي كبد بكيفج بس خابريني حته نتفق
صوفيا :تماموش وهي تقبلني من شفاهي
يلا اروح اني هسه امي لوحدها بالبيت
خرجت من الغرفه بعد ان اتصلت بالسائق ليوصلها لمنزلها
استلقيت على سريري وانا اضع الهتفون باذني كنت اسمع اغاني وائل جسار فانا اعشقه تماما
مرت ساعه ولازلت مستلق في سريري استمع للاغاني واتصفح بمواقع التواصل ،،، سمعت صوت ضرب عالي
نهضت من مكاني بسرعه ونظرت خارج النافذه ييدو انه صوت الرعد فقد بدأت الدنيا تمطر ،،،
عدت واستلقيت على سريري ،،، ولكن صوت الرعد ومنظر البرق وصوت زخات المطر اجبرني ان افتح النافذه فانا اعشق المطر منذ طفولتي ،،،
نظرت للاعلى وانا ارفع يدي لاتمسك بتلك القطرات التي تنزل بغزاره ،،،
يقولون عند المطر تمنى بقلبك فتتحقق تلك الامنيات ،، لا اعلم ولكن كانت امنيتي غريبه لم افهم لما تمنيتها وانا اتخيلك بين ذراعي ،،، عدت لوعيي فلم افهم ذلك الذي يجعلك تاتين بافكاري
وانا اعود للوراء نظرت للاسفل لمحت عيني شخصا ممدا تحت المطر ،،،
زيد :شنو هاي منو بالحديقة ؟؟
وفجاءه تذكرتك وانا اجبرك على الخروج لتنظيف الحديقه بمثل هذا الوقت ،،، عدت مسرعا ونزلت وانا اركض
فتحت البوابه واتجهت للحديقه كنتي انتي تستلقين هناك كأنك قطعه من الجمر تحت تلك القطرات فاقده الوعي

كنت اضربها على خدها ولكنها كانت لاتستجيب لي حملتها بسرعه ودخلت الى البيت كان الخدم جميعهم قد انهو اعمالهم وخرجو ومنهم من عاد لغرفته ،،، حملتها ودخلت بها غرفتي وضعتها على السرير كانت حرارتها مرتفعه جدا
زيد :ياربي هاي مصخنه كلش
اتصلت بصديقي الطبيب الذي يعيش بالقرب من بيتي
زيد :الووو همام
همام :هلا زيوود نورت
زيد :همام تكدر تجيني ضروري فدوه وحيب العده وياك
همام :صار حبيبي
بعد ربع ساعه تقريبا دخل همام الى غرقتي وهو يحمل حقيبته
نطر لجوري وهي ممده على السرير
همام :شبيها البنيه
زيد :ما اعرف جانت داتنظف بالحديقه ودنيا مطر لكيتها فاقده الوعي وحرارتها مرتفعه
همام :بهالجو تنظف الحديقه شنو الي جابرها

نظرت اليه نعم شعرت بالذنب ،،فانا من اجبرتها على الخروج في مثل هذا الوقت لتعمل ،،، لا اعرف لما ولكني احسسن بالذنب تجاه هذه الفتاة ،،،شي ما يشدني اليها تلك العينان ،،،الشفتان ،،، كل شي فيها يجذبني بشده ولكن غروري يمنعني من ان اتنازل عن مكانتي لخادمة

همام :لتخاف نطيتها ابره فد ساعه وتنزل حرارتها
زيد : زين شوكت تصحى
همام : احتمال الصبح واحتمال نص الليل بس البنيه كلش تعبانه شنو تشتغل هنا هيه
زيد :اي يم الحجيه
همام :تدري اني اول مدخلت عبالي حبيبتك شفتها نايمه بفراشك

شكرت همام الذي رحل بعد ان تركني وسط افكاري غارقا لا اعلم ان كنت انا من وقع في غيبوبه بسببك ،، ام غروري ،،،

كانت ترتجف بعد ان بدات حرارتها بالانخفاض ،،،جلبت غطاءا اضافيا ولكنه لم ينقع ،،، تمددت قربها واحتظنتها بجسمي لعلي اجلب لها الدفئ لا اعلم كم مر من الوقت وهي بين احظاني تلك الانفاس التي تعلو فوق صدري ،،،، جعلتني افقد كل شي بلحظه واحده ،،، وضعت يدي تحت راسها كي تشعر بالراحه اكثر ولكن تلك القراصه التي تضعها بشعرها كانت تضايقها باستمرار وتحاول ان تبعد وجهها عنها
مددت يدي وانتزعتها من راسها ،،، لينساب ذلك الشعر الحريري الطويل على اكتافي
زيد : كل هذا الشعر وين جنتي ضامته ،،،
اقتربت منها اكثر حتى اصبحنا جسدا واحدا كانت قد بدات تشعر بالدفئ لم اشعر بنفسي الا وانا استسلمت للنوم ،،!!!

الحجيه
كنت استلقي في سريري وانا اشعر بالعطش فلم يعد لدي ماء قربي
اتصلت على هاتف المطبخ لم يجبني اخدا ،،،خرجت من الغرفه ابحث عن تلك الخادمه الصغيره
الحجيه :وين رحتي لعد ليش انطيج راتب اني الا اخصم منج
ذهبت لغرفتها ولكنها لم تكن هناك ،،، بحثت في غرف الخدم لم تكن هناك ايضا
عدت الو الطابق الثاني ومررت بحانب غرفة زيد فتحت الباب لاراه هنا ام خرج مع صوفيا علني اجد الجواز ،،،
دخلت للغرفه بهدوء كان زيد يستلقي على السرير وبجانبه فتاه شعرها طويل وبني كانو يحتظنون بعضا بقووه وهم نائمون
اقتربت من السرير لانصدم من تلك الفتاة التي تنام بجانبه
الحجيه :هاي جوررري
شعرت بالغضب وعدت الى غرفتي وانا استشيط غضبا
الخجيه :هاي شسوي بغرفته ونايمه وياه يعني عدهم علاقه بالسر اي اكيد هاي راح تخرب كل شغلي
رفعت سماعه هاتفي واتصلت بصوفيا
الخجيه :صوفيا
صوفيا :هلو خاله خيرج خو ماكو شي بنص الليل داكه
الحجيه :انتي ايش رحتي وعفتي زيد
صوفيا :خاله امي مريضه وماكدرت اعوفها لوحدها
الحجيه :بس اني فهمتج اكثر من مره اريدج تخبلي توكعي حت لو تبقين عايشه بالبيت هنا المهم اريده يتزوجج
صوفيا :اي خاله هالشي كله حيصير هو اصلا واكع بغرامي
الحجيه :ياغرام هذا الي هسه مخلي حاظن الخدامه مالتي ونايم وياها
صوفيا :شنوووووو زيد ويه الخدامه لا مستحيل
الحجيه :اكلج هسه شفتهم سوا بالغرفه نايمين
صوفيا :بس زيد ميقترب من الخدم واصلا هو داء العظمه بي ميباوع على الي اقل منه
الحجيه : اني كتلج دبري حالج قبل ما اغير رأيي واشوف غيرج وكل الصرف والفلوس تروح عليج
صوفيا :تمام خاله

كان هناك عائق واحد في حياتي وهو انت !!!!
زيد منذ صغرك وانت تسبب لي المشاكل !!!

كنت قد وضعت خطتي باتقان وقربت صوفيا منك لتاخذ كل ماتملك وتعيده لي رسميا ،،،تلك الثروه والمنزل والشركة ،،،كل شي سيعود لي يوما ما

يتبع ...