رواية متمرد و قاسي الفصل الثاني 2 - بقلم Nasma Aliraq

صدمة تلو اخرى ،،، الحظ السئ ام الصدفة المشئومة هي من جعلتني التق بك للمره الثانية

جوري
عدت واتكأت على الكرسي وانت تنظر لي بتلك القساوة التي سأعهدها منك دائما ،، كنت تنظر لي من قدمي الى راسي كأنك تتفحص جسدي حتى اني شعرت اني اقف عارية وانا تحت تاثير تلك النظرات الساخطة المشمئزة
جوري :انت هنا
زيد :انتي لاحكتني لو شنو قصتك
جوري :لاحكتك شنو !!!! اعرفك تعرفني اني هنا علمود طلب الوظيفه
زيد :وانتي !!!وهو ياشر بيديه على طولي واكمل
راح تكدرين تشتغلين هالشغله
جوري :اي اكدر اشايفني عرجه عميه
زيد :بس الطلب جان من شروطه بنيه ملتزمه ومحترمة
تقدمت نحوك بسرعه وانا امد اصبعي تجاهك
جوري : احترم !!!!!! اني محترمه واخلاقي عاليه
زيد :بس لسانح طويل
جوري :على الناس الظالمه على الخطأ على الحرام
زيد :اها يعني اني ظالم
جوري :الحمد لله تعرف نفسك
وهو يضرب الطاوله مره اخرى
زيد :لسانج تره !!!! اني ما ارحم احد وميهمني احد
جوري :شنو وظيفتك وماريدها ورميت الطلب امامه على المكتب بقووه واستدرت لاخرج
اوقفني صوته وهو ينادي بصوت عالي
زيد : انتي جبانة تعرفين
استدرت وعدت اقترب من المكتب
جوري : الجبانه ميواجه الظالم ويوكف بوجهه
نظر لي بتلك النظرات القاسيه بطارف عينيه
زيد :راح انطيج فرصه تعرفين الوظيفه شنو
جوري :كتلك ماريد وظيقتك
زيد : بس اذا عرفتي المن راح تقبلين اكيد
جوري :مفهمت
زيد : الوظيفه اريدها ممرضه ومساعده لامي الي شفتيها ويايه
تذكرت تلك المراه التي كانت معه في اللقاء الاول
جوري : .......
زيد :ميحتاج تصفنين انتي مو تحبين تسوين الخير
راح انطيج فرصه تشوفين الخير وتتقربين منه
جوري :والراتب ؟؟
زيد : الراتب زين لتخافين بس المهم تتحملين ومتنهزمين ثاني يوم حالج حال الي قبلج
جوري :وليش انهزم
زيد :الحجيه مو سهله يرادلها تعب
جوري :اني متعلمه شوكت تريد ابدي حاضره
زيد :تمام اتفقنا
سلمني ورقه صغيره واكمل
هذا العنوان باجر الصبح تكدرين تباشرينً
جوري :اوك

خرجت من المكتب وانا اتنفس الصعداء ،،، كانت مواجهة عنيفه بيني وبينه ذلك القاسي
جوري :اوووف شون حتححمله لهذا الغثيث ،،،
اتجهت للميتم وانا اشعر بالسعاده لاول مره سأعمل بعملي الخاص الذي ساجني منه نقود بتعبي
جوري : ماما ماما ماما باركيلي حصلت على الوظيفه
ام جوري :اوووف بنتي بعدج مصره عالشغل برا الميتم
جوري :ماما خليني فرحانه من باجر راح اباشر
ام جوري :بنتي خاف تتندمين والله خايفه عليج
جوري : اي يا ماما مو كتلج بنتج ميتخاف عليها
ام حوري :الله يوفقج بنيتي شريد اكوول

صحوت مبكرا ارتديت تلك التنوره ذاتها وتشرت ابيض ورفعت شعري كالعاده نظرت للورقه التي اعطاها اياي ذلك المتعجرف
وصلت للمكان النشود كانت عباره عن منزل كبير يبدو عليه الثراء في الخارج يوجد كرفان ورجال امن ،،،
اقتربت من البوابه الكبيره
جوري :بلا زحمه اخويه اني عندي موعد ويه الاستاذ زيد
اتصل رجل الامن بهاتفه الخلوي في المنزل
ثم اشار لي بالدخول
كانت الحديقه كبيرة جدا تحتوي العديد من النافورات الصغيره
جوري : ياربي شنو هالجمال شون عايشين هاي الناس
وصلت الى بوابه المنزل الداخليه الكبيره جدا كانت هناك امراءه كبيرة بانتظاري يبدو انها احدى الخادمات في المنزل هذا مافهمته من ملابسها
خولة : مرحبا انسه تفضلي
جوري :شكرا اني المربيه الي راح اهتم ب الحجية
خولة :تشرفنا اني خولة المسئولة عن البيت هنا
جوري :الي الشرف اني جوري

كان المنزل ولا في الروايات الخياليه الجدران المزخرفة واللوحات الجميله والستائر بروعة اشكالها
جوري :شنو كم شخص عايشين هنا هذا البيت يكفي الي بالميتم كلهم
جلست في المطبخ الكبير وانا انتظر خولة التي ذهبت لاخبار صاحب المنزل
كنت انظر للصحون وطريقة ترتيبها رجعت خولة وطلبت مني ان اتبعها الى غرفه المكتب
كانت الغرفة كبيره جدا تتوسط مكتب ضخم وخلقه صوره لرجل كبير في السن
خوله :انتظري هنا هسه يجي الاستاذ
جوري :ماشي
لا انكر اني خفت الجلوس على الكنبات كي لا ادمرها بملابسي القديمة ،،جلست على حافه الاريكة وانا انظر لما حولي بانبهار
فتح الباب ودخل ذلك المستبد المغرور
زيد : انسه جوري
جوري :مرحبا استاذ
زيد :تعرفين اني احب المواعيد المظبوطه واعتقد البارحه كتلج ساعه ٨ انتي هنا
نطرت لساعتي كانت الساعه تشير الى الثامنه والثلث
جوري :اي استاذ بس الطريق والباص
زيد:كتلج ما احب الاعذار اهم شي عندي الوقت
جوري :اسفه ان شاء الله متتكرر
زيد :راح تشوفين الحجيه هيه شويه صعبه بس حاولي تتاقلمين وياها والي تريده انفذي الها عدا طبعا بعض الامور الممنوعه
جوري :ممنوعه
زيد :اي مثل الجكاير الي حضرتج جبتي الها
جوري : راح نعيد
زيد :سمعيني جكاير مشروبات غازيه دوا غير الي راح اخلي يمج ممنوع تنطي الها
جوري :اوك
زيد :تعالي ويايه ادليج غرفتها ،،وطبعا ممنوع عليج دخول غير غرفتها والمطبخ والحمام الي تابع للمطبخ مال الخدم
جوري وانا اهمس :عشتو خايف نوصخ حمامه
زيد :اكو شي تكولي
جوري :لادا اكول فهمت
كانت الغرفه في الطابق الثاني تقع بنهاية الممر
طرق الباب فنادت من الداخل
الحجيه :منو
زيد :اني زيد
فتح الباب ودخلنا كانت غرفتها كبيره جدا لم ارى مثلها في حياتي لاني لم اعتد مثل هذا الاثاث فغرقتي ووالذتي لاتحوي سوى سريرين صغيرين وخزانه ذات بابين
الحجيه :منو هاي وياك
زيد :هاي جوري البنيه الي راح تهتم بيج وتكون جوه ايدج اي شي تحتاجي طلبي منها
الحجيه :كتلك ماريد احد انت غبي
زيد :استغفر الله انتي الظاهر تردين
وهو يتقدم نحوها
جوري : استاذ ممكن ابقه وياها لوحدنه اني اتفاهم وياها
نظر لي ثم خرج ،،،

جوري : خاله متذكرتيني
الحجيه : انتي منو ،، وهي ترتدي نظارتها الطبية
جوري : اني الي شفتج قبل اسبوع يم الصيدليه
الحجيه : اي اي تذكرتج تعال يمي ،،، تكدرين تحيبيلي جكاير
جوري : لا خاله هذا استاذ زيد يذبحني غير
الحجيه :محد يدري بيني وبينج انتي من تجين جيبيلي وياج
جوري :خاله عفيه لتورطيني
الحجيه :شوفي اذا متسوين الي اريده تره اطردج حالج حال القبلج سمعتيني

نهضت وذهبت لاقرأ الورقه المكتوبه على المراه كانت تحتوي جدول ومواعيد الدواء
حوري :ياربي شون بيه هاي مبينه صعبه راح تخليهم يطردوني من اول يوم
الحجيه :انتي اني جوعانه جيبيلي ريوك
جوري :صار خاله
اتجهت للمطبخ وانا ادخل كان الخدم يجتمعون صفا واخدا ويقف امامهم ذلك المتغرطس بانفه العالي
زيد :خربطه بالشغل ماريد الاكل بلغت خوله اليوم عدنه ظيووف اريد كل شي جاهز ثم التفت الي وكنت لازلت اقف عند الباب
زيد :وانتي ماريد تطلعين كدامهم ابقي بغرفة الحجيه
ماشي اريد كل شي تمام اليوم
ثم حمل حقيبته وخرج

ايعقل ان يكون قد استعر مني ومن ملابسي هذا ما فكرت به حقا وهو يطلب مني البقاء في الغرفة
حملت الفطور الى غرفة المرأه الكبيره
الحجيه : شنو هذا الاكل ماريده اريد بيض مسلوك ماريد هذا يلا روحي بدلي
جوري :حاضر
افففف صدوك هاي متنجرع بس شسىي اتحملها وامري لالله

عند الظهيره عاد السيد زيد مع عدد من الاشخاص كنت استمع لاصواتهم في الصاله الكبيره ولكني لم اكن لاجرؤ ان انزل فقد حذرني السيد صباحا
الحجيه :افففف طفي الضوه اريد انام
جوري :حاضر حجيه
الحجيه :شنو هاي طلعي منا من اريدج اصيحجً
جوري :بس اكو ناس جوه وماحدر اطلع هسه استاذ ...
الحجيه :داكلج طلعي هسه يلا يلا برا
جوري :راح اطلع خلص

خرجت من غرفتها وانا لا اعرف الى اين اتجه بقيت اتمشى في المممر وانا استمه لاصوات الضحكات العاليه والكؤوس وهي تضرب ببعضها
جوري :ياربي وين اروح هاي العجوز طردتني وهذا عبسي جوه ميخليني انزل بس صدوك يلوكله عبسي خرررب بس معبس وشايف روحه
وانا اكلم نغسي لمحت في بدايه المر ممرا اخرا يطل على غرفة واحده لا اعرف لما شعرت بالفضول لرؤية مابالداخل خلف تلك الباب الكبيرة ،،
فتحت الباب ببطئ مي لا تصدر صوتا ودخلت كانت غرفه اشبه بالخيال سرير كبيرا ذو نقشات ملكية وخزانه كبيرة جدا ولوحات لنساء شبه عاريات ،،، كانت هناك طاوله دائرية وكرسيان ذهبيان في احدى الزوايا
جوري :ياربي شنو هاي معقوله هاي الناس عايشه بهيج عز
وانا شارده في تلك التحفيات التي لم ارى مثلها في حياتي سمعت صوت احد قادم تجاه الغرفه
جوري :صخام مدري منو اجه وين اروح
وانا ابحث عن مكان لاختبئ فيه سمعت صوت ذلك المغرور وهو يقترب من الغرفه
جوري :عزه هذا هو جاي هنا ياربي اذا شافني يموتني
نظرت حولي كانت الستائر طويله جدا وضخمه فاختبأت خلفها وانا الصق بجسمي على النافذه قدر المستطاع
لم يكن لوحده بل كان هناك صوت فتاة معه وهو يدخل الغرفه
صوفيا :واخيرا بقينا لوحدنا
زيد : لازم اشتاقيتيلي
لم استطع رؤيتهم ولكني كنت استطيع تخيل شكله وهو بتلك النظره الغاضبه المتمرده القاسيه
صوفيا : انت شتكول اشتاقيتلك لو لا ها
زيد : طبعا اشتاقيتيلي اني ما اطلع من القلب بسرعه
كان يتكلم بثقه كبيره لم اكن استطيع رويتهم سحبت الستاره قليلا ففتحت لي مكان صغير استطيع ان اراه من خلالها
كان يجلس على السرير وهي تقف امامه ويحاوطها من خصرها بذراعيه ،،،
كان يتلمس خصرها بطريقه مغريه
زيد : جسمج صاير يخبل ،،، لازم جنتي بتركيا كل هاي الفتره تحضرين نفسج الي تعرفين احب ال ،،،،،،
وهو يؤشر اعلى خصرها وينزل
صوفيا وهي تنزل براسها باتجاه راسه وتجلس على ساقيه
صوفيا : كل يوم جنت احلم باللحظه الي راح نكون بيها سوه
دفعها زيد على السرير بحركه واحده واصبح فوقها وقبلها من شفتيها وبدأ يحاول خلع ثيابها عنها
لا اعرف لما شعرت بالتوتر والاشمئزاز فلم يسبق لي ان جربت ما رأيت امامي ،،، فاقفلت الستاره بسرعه كي لا ارو ما قد يحصل بعد الان ،، كانت اصوات همساتهم تخترقني فاغلقت اذني كي لا اسمع شيئا وبعد لحظات قليله شعرت بان المكان اصبح هادئا ييدو انهم خرجو
ابعدت الستاره قليلا كانو حقا قد خرجو بالفعل
جوري :هاي وينهم توني سديت اذني مصار دقيقتين يمكن راسا طلعووو يلا الحمد لله محد شافني
خرجت بسرعه واقفلت الباب خلفي وعدت الى غرفه المرأه المسنة
وانا اضع يدي على صدري

بعد انتهاء الحفله في البيت بعث السيد بطلبي فذهبت لغرفة المكتب طرقت الباب ودخلت ،،كان ظهره لي وهو ينظر للنافذه
جوري :نعم استاذ
زيد :وهو يستدير باتجاهي ويجلس على المكتب
شونه يومج الاول
جوري :تمام استاذ
زيد : بس اكو مشكله ؟،
حوري :خير بدر مني شي
زيد : لا بس امي محتاجه احد يسهر وياها هم يعني طول الوقت تكدرين على هالشي
جوري :مافهمت يعني اجي باليل
زيد :متجين اصلا
جوري : يعني مراح تقبلني
زيد : لا اريد تبقين هنا واني اوفرلج غرفه خاصه الج وطبعا واتب ضعف
جوري : بس كان الطلب على اساس بالنهار
زيد : اي هسه صار عندي شغل بالليل ولازم احد يبقه يمها فكري بالموضوع واذا وافقتي باجر جيبي ملابسج وتعالي واكدرين تروحين اجازه كل نهايه اسبوع لاهلج
جوري : تمام افكر واردلك الخبر اكدر اروح اليوم راح تصير دنيا الليل
زيد : روحي

خرجت من المنزل وانا افكر بذلك العرض المغري الذي قدمه لي ذلك المتعجرف ،،
في المساء اخبرت والدتي عن ذلك العرض
ام جوري : بنتي شكتلج هذا مو راحه اكيد
جوري : ماما اصلا هو شايف روحه شوفه يعني تتصورين راخ يباوع لوحده مثلي
ام جوري : حبيبتي ذولي مثل الذياب ميهمهم شنو الفريسه كبالهم المهم يحصلون الي يريدوو
جوري : لا هذا يختلف وثاني شي عنده حبيبه هو
ام جوري : بنتي ستري علينا وكعدي يمي هنا منا لمن تحي قسمتج ،،
نهضت من على السرير وانا اشعر بالعصبيه
جوري :ماما كافي نضحك ع رواحنه منو يتقدملي هنا واني خاتله بين هالحياطين ،،، كافي اريد اشوف العالم ،،اريد اعيش حياتي برا هالمكان ،، ماما اني قررت اشتغل هالشغله وراح ابقة هناك واجيج كل اسبوع
ام جوري : عناديه راح يجي وتندمين بي
جوري :على شنو اندم مبقيت هنا حالي حال الموجودين لاحول ولاقوة،، ماما اوثقي بيه وراح تشوفين بنتج يجي يوم وتطلعج من هاي الزنزانهً

كان قراري الاخير ان اخرج لذلك العالم الذي حرمت منه منذ طفولتي اكملت تجهيز حقيبتيالصغيره لكوني لا املك الكثير من الملابس ،،،
قرار واحد وخطأ واحد هو من القى بي هاوية عشقك المستحيل ،،،،

زيد
كنت قد دعيت البعض من رجال الاعمال على الغداء في البيت كانت صوفيا من المدعوين ،،صوفيا هي صديقتي من سنين تعارفنا في تركيا حيث كانت تعيش واصبحت بعد قتره تعمل لدي ومندوبه لفرع شركتنا في تركيا ،، كانت علاقتنا جنسية اكثر مما هي علاقه غراميه ،، اشرت لها بعيني ان نصعد للغرفه
سبقتها واتت بعدي كي لايشعر احد باختفائنا التقينا في الممر
حاوطتني بذراعيها وهي تقبلني
صوفيا : عبالي نسيتني مراح تشوفني لوحدنا
زيد : تعالي صار كم يوم مشايفج
فتحت الباب الغرفه ودخلنا بدأنا بتقبيل بعضنا ثم جلست على السرير وهي تقف امامي ،،،
حاوطت خصرها بذراعي
زيد :اشتاقيتيلي
صوفيا :انت شتكول اشتاقيتلك لو لا
اقتربت صوفيا مني وهي تقبلني فسحبتهل بخطوه سريعه للسرير واصبحت فوقها كنت اقبلها بشده ،،
بدأت بفتح ازرار قميصها فانتبهت لحركه مفاجئه خلف الستاره
اشرت لصوفيا باصبعي
زيد :اشششششش
اقتربت بخفة من الستاره ابعدتها قليلا حتى رأيت تلك الخادمه الجديده وهي تختبئ خلف الستاره وقد اغمضت عينيها وكانت تضع يديها على اذنها ،،، اعدت الستاره وطلبت من صوفيا الخروج
صوفيا :حبيبي منو هنا
زيد:ماكو شي حبيبي بس تعرفيني نحس حسيت بشي وخاف احد مسويلنه كمين تعالي هسه وبالليل اجيج للشقه
صوفيا :انتظرك حياتي
بعد رحيل الضيوف دخلت غرفه المكتب وانا في قمة الغضب
زيد :يعني حذرتها لتدخلين اي غرفه وقايته لغرفتي الله واعلم شجانت تسوي وفوكاها تتجسس عليه اني علمج انسه جوري
طلبت من خوله ان تنادي لي جوري
وضعت خطه في راسي سأحاسبها فيها على مافعلت ،،،
طلبت منها البقاء يوميا في بيتي للعنايه ب امي
زيد :الا اخليج تتندمين على اليوم الي ذخلتي بي غرفتي !!!!

كانت البدايه فقط ،،، نضع الخطوات الاولى ونحرص على ان نمشي بطريق لا يحيد عن مسارنا ولكننا لا نعلم اي عثره ستسقط بنا ،،

يتبع ،،،،،