مياسين رائد الفصل الاول 1 - بقلم جُكليتة 🇮🇶

#مشاهده من مياسين رائد

بقلمي #نور الشمري

Noor336

مــــشــــاهــــده (1)

-غمضت عيوني واني اذكر ذاك الماضي اللعين وذيج اليله إلى كلبت حياتي اليوم إلي لازم يكون احلا يوم بحياتي صار اتعس يوم بحياتي رجعت راسي لوره واني اذكر كلمات اخويه إلي ترن باذني

- لج عار اليوم اذبحها والله ولج حقيره ويامن لاعبه من وراناا احجييييي اليوم اغسل عارج انتي والعار إلي طينتي راسنا علموده يا حيوانه احجيي

جان يضرب ويدفر ببطني ويصيح ويغلط ويفشر اخوي الي جان لازم يكون سند الاخيته صار عدو الاخيته اليوم جنت حاضنه نفسي وابجي واحجي بعلو صوتي كذااب والله ما مسويه شي والله ما مطينه راسكم والله

- نجبي لج حيوووانه امشييي قندره سا*** طينتي سمعتنا ونزلتي روسنا بعد وين نكدر نرفع راسنا ونمشي بديره كلبه

حجاها ودفرني ببطني هنا حسيت من صدك راح اموت وحسيت امعائي كلها طلعت او كلها راحت جان يحجي ويصيح اباوع عليهم كلهم واكفين بس ابوي ابوي حزام ضهري سندي وهلي وناسي جنتي جان يباوع عليه وهم مستلمين بيه ضرب

كل ساعه واحد يتناوبون عليه بضرب رفعت راسي واني احجي بعيوني اتوسل اله يسمعني هم حته محد سمعني صدكو كلامه الحقير صدكو كلامه بدون اي إثبات وبدون أي دليل باوعت ع اخوي الثاني الي جان واكف بالباب ويباوعلي بشمئزاز وحجه خل نغسل عارها ونطمها وبعدين ندور العار ذاك ونطمه هم وياها

باوعتله واني ارجف ابتعد عني وهو يحجي

- اني هم اكول هيج بويه اقتلها؟

باوعت ع عمامي الواكفين يباوعون عليه ومحد رف كلبه عليه لو كال خطيه محد تقدم وكال خل نسمع من عدها ع الاقل رأسا حكمو عليه الإعدام وخلص تقدم ابن عمي سليم وهو يباوع لي بغضب عيونه دم همس وهو يباوع لي من فوك لجوه ويحجي

- عمي اني أخذها واغسل عارها بس وين اقتلها

- سليم اقتلها وادفنها بالبستان إلى وره الشط محد يوصل لهناك خليها يم عمتها طالعه ع عمتها نزلت راسنا وطينت شرفنا ثنينهم من نفس الطينه السا**

هزيت راسي لالا والله بابا مو نفس عمه اني والله كذاب ما

بعدني ممكمله كلامي جان تجيني دفره ع ضهري باوعت عمي صاح نجبييي لج وفوكاها بكل عين صلفه تحجي وترادد سليم أخذها ادفنها هي وعايشه وخلصنا منها ومن عارها قبل لا الناس تسمع

- حاضر بويه

جرني سليم من شعري وشمر عليه عبايه وجرني سحل جنت اتمنه اشوف امي اختي مشفت احد وكلها ضدي جانت جرني من الصاله للطرمه للسياره دفعني وهو بدون ما يحجي كلمه وحده اجه اخوي وائل يركض

- اوووكف سليم اجي وياك اريد اشوفها من تموت حته ما انقهر عليها هاي العار

ركب وائل وسليم جان طول الطريق يخزر بيه وكل ماريد احجي يضربني وائل ع حلكي ويسكتني ويصيح ولا حرررف نفسس ما اسمع الج

انتبهت ع سليم اول ما صف السياره طلع المسدس مالته بيده ونزل هنا حسيت خلاص هذهو لهنا واني أودع هذا الدنيا واروح مظلومه بدون مااحد يصدك بيه واصير حالي حال عمتي ..... يتبع

مــــشــــاهــــده(2)

- رفعت راسي خايفه بلعت ريكي واني اباوع عليه تقدم ثنه رجليه وكعد ركبه ونص جكارته بحلكه طلعها ونفخ الدخان بوجهي ورجع شعري لوره اذاني

جانت اكو شبهه ابتسامه ع شفايفه ذب الجكاره من ايده وهمس بصوت يرعب وهو يباوع عليه بنضرات وصخه

- شنوو مستحيه ههه إلى تعيش بدوله اوربيا وحدها وتشتغل بفندق بي أشكال ألوان وحدها تستحي من ابن بلدهااا لالا ما مقبوله منج مياس

باوعتله ورجعت همست بخوف واني اباوع ع ملامحه احاول احفظهن حته من اطلع اشتكي عليه الشفقه جانت ع راسه نزعها وحطها بحضنه و رجع شعره لوره وهو يباوع لي و اني همست بصوت ناصي مبحوح من الصياح اسمي مياسين مو مياس واني حره مو انت الي تقرر استحي او لااا

ابتسم وهو يحط ايده ع راسي انتبهت ع ايده وشم مال ذيب ابتسم وهز راسه والسانج طولان هم مياستي راح اطلع وارجع بعد ساعتين الكاج جاااهزه واذا رفضتي يكون مصيرج مثل الي شفتيها تمام...... يتبع

مــــشــــاهــــده(3)

- باوعت عليه بغضب وصحت كااافي كااافي اعتقني وخلصني منك ومن حبك الي استوطن كلبي وعذبني كافي شتريدددد مني اخذت كلشي حلوو مني انت مثلهم مثل اهلييي هم وحش وهم لابس قنااع

رائد كافي احلفك بداعت كل عزيز عدك عوفني انساك واعيش حياتيي وانت روح روح الحياتك لا اني الي جنت تريدها موو هذا كلامك انت هم بوجهين خدعتي باسم الحب وكذبت عليه وكسرتني عوفنيييي لا تتقرب لا اصيح والله حجيتها بغضب واني ارجع لوره عنه اباوع عليه بخوف

اتمنى هلمره أنجح و ما أضعف كدامه واتحرر من قيوده أتقدم وهو عيونه حمر جرني من شعري وصار وجههي مقابل وجهه همس بصوت ناصي بس بغضب وهو صاك ع سنونه

- بأحلامج تتحررين مني انتي مياسين الرائد وبس محد ياخذج منييي اضلين هنااا طول عمرج واسمج ما يرتبط غير باسمي خليها ترجيه باذنج مياسين رائد وبس انتي فاهمه يا...... يتبع

قصه جديده كلش حلوه ومشوقه أحداثها صدكوني مليانه اكشن ورومنسيه ثبتوها عدكم لحد ما اكدر ابلش بيها ان شاءالله

تتحدث عن فتاة تتزوج بابن عمتها وبليلة الزفاف يقول العريس بأنها ليست عذراء لينقلب جميع سكان المنزل إلى وحوش مقنعه إلى وحوش بشريه تفترسها وباسم العادات والتقاليد يقررون قتلها وغسل عارها كما يقال لكن للقدر رأي آخر فيدفنونها وهي حيه ومن هنا تبدأ حكايه جديده حكايه غربه لتسكن في أرض غريبه أرض اوربيه بعيده عن وطنها وأهلها وناسها ولتذق مرارة الحب والخداع من جديد ...
و لتكون مياسين الرائد ..

#نور الشمري