رواية ميلادي أنتي الفصل الخامس 5 - بقلم ميلاد الجنابي

ياسر: شوفي ميلاد اني سالت عنكم و كالو انتي خوش ابنيه بس مع الاسف خالتج عدها شغل بالحرام وانتي صرتي على ذمتي لذلك العرس اريده يصير بعد 3 ايام دبري امورج شلون ما جان اهم شي ماتبقين اهنا
.
ميلاد: شنو قصدك شغل مو زين
.
ياسر: ماعليج بهاي سوالف المهم العرس بعد 3 دبري امورج شلون ماجان
.
ميلاد: بس اني ماكدر بهل سرعه
.
ياسر: ماعليج والله اعيشج ملكه انسيج القضى و المضى
.
ميلاد: امم
.
ياسر: تمام حبيبي الله يسهل انطيني الكلينس من يمج لان ملعوب بخلقتي
.
ميلاد: ههه اخذ
.
ياسر: يصير اخذ غير شي عادي
.
ميلاد: شتاخذ
.
ياسر: اخذ طيييييبت قلبج حبيبي
.
ميلاد: راح اروح
.
ياسر : ولك حبيبي اذا ناوي تروح ابي افهم وين اروح والله تنطبق عليه هاي الاغنيه اذا رحتي مني
.
ميلاد: شبسرعه حبيتني
.
ياسر: مو اني
.
ام رهاب: يلا يمه امشينا بقينا بس احنه
.
ياسر: ما باركتيلنا حجيه
.
أم رهاب: شماخذ هل عليها العين عميه
.
ياسر: احم حجيه اامشو صعدوا كدامي (بحده)
.
ياسر: ميلاد عذريها مراه جبيره و ماتعرفج صدكي من تتعرفين عليها ماكو اطيب منها
.
ميلاد : تمام ان شاء الله ( خانكتني العبره
.
ياسر: يلا باي حبيبي
.
ميلاد: باي
.
ميلاد
من كال على خالتي هيج كولش ضجت اني اعرف بيها بس ساكته و غلست كدامه استحي اكوله اعرف وامه من حجت اجيت اشكها نصين بس هوه نتر بيهم و اني سكتت بدلت و كعدت ضليت افكر بحقاره علي و همزين قبلت اخذ ياسر جان صدك صارت فشله شكبرها و هوه المستفاد مادري يجوز مايحب ياسر وراد يفشله معقوله اي ميلاد انتي الي تحلمين تعيشين قصه حب عشتي قصه اكلان خرا الحقير اني اعلمك على هاي فعلتك و الله لخليك تبجي دم الساقط فتحت موبايلي لكيت 30 مكالمه لم يرد عليها عار الك عين ادك كمت و حضرته
.
نهى : اكولج هذا العريس مو يختلف
ميلاد: اش انجبي كومي خلي انام
.
نهى: عاد لاتتفيكين عود مخطوبه و مالج خلك
ميلاد: نهى كومي عاد من فراشي
نهى: عابت فوك ما احجي وياج
ميلاد: ايييي نننننن ولي من يمي
نهى: كبر لهل حلك العوج
ميلاد: ضربتها بالشبشب و راحت حطيت راسي ونمت
..
ياسر
رجعت للبيت ماخليت اصيح على امي و سناء لان كلامهن ماعاجبني ابد
ام رهاب:هاي بعدنا اسم الله لعد اذا اجت شسوي
ياسر: رحمه للكعبه ماعليج بيها
بهاي الاثناء دخل علي سكران و يصيح الي هيه كواد ليش اخذتها
لزمته طلعت بيه نار كلبي
سناء : الله لاينطيج يم عيون شسوت بوليدي
أم رهاب: خنكة الولد ولك اسودنت
ياسر : تركته و كتلهم شوفوووا صارت مرتيي والله ثم والله الي اسمعهه جايب طاريها اشكه نصين
ابو رهاب: شصاير ولكم صوتكم
ياسر: ابويه عنده قلب طبعا وعلى ساعه يتخربط ماردت اتعارك وياه بسرته سحبت اسويج سيارتي و مشيت البيت عمي حاولت اخابر شكد رهاب ومايرد اخر شي حضرني صرت ادزله رسائل اني اموت عليه بس ماحب تحكمه بالعائله ب ١١ رجعت للبيت سبحت و مددت ١٢ دكيت عليها جاوبتني بصوت مال واحد ستوه كاعد من النوم كالت
ميلاد: اممم منو الو منو
.
ياسر: شعلتيني وين اولي هسه
.
ميلاد: شنو شبيك منو انته
.
ياسر: اخ يابه اني ابو الجهال
.
ميلاد: يا جهال عزاا
.
ياسر : جهالج
.
ميلاد : انجب عاد احجي بسرعه منو انته و اذا شخص من ذوله الساقطين اتفضل بلوك
.
ياسر: هوب ولج هوب اني ياسر شبيج
.
ميلاد: شنو منوو اني
.
ياسر: بعرتيها بعد مشكوره
.
ياسر: ميلاد ميلاد حبيبي وينج شبيج
.
ميلاد: مادري شكولك جد اسفه
.
ياسر: اسامحج بشرط
.
ميلاد: شنو
.
ياسر: اطلعينه
.
ميلاد : قاطعته والله انته متستحي شنو هل كلام الزم السانك ترا ما اقبل هل كلام
.
ياسر: هوب هوب شبيج دودودو انطي مجال اطلعينه الوجهج ليش نيتج فاسده ........ ميلاد سكتت تبعرها وتسكت
.
ميلاد ضلينا نجهز للعرس لان راح يصير بسرعه واني ابو علي نسيته طلع مو حب مجرد احتاجيت اهتمام و هوه اهتم بيه شويه وكعت جفي اني عار لحد مامرت الايام و اليوم العرس رحنا من الصبح للصالون وصلت و جان اشوف الشي الي ابد ماردته يصير ...
.....
للروايه بقايا♥️

حساب الانستا الي يحب يحجي قصته
mi_itss5