رواية مينا الفصل الخامس عشر 15 - بقلم Chra

#مينا15

رجعنا لبيتهم حياتي تختلف هسة عن قبل اول ماجيناهم غير وهسة غير الكل لازم يشتغل ممنوع تضحكين بصوت عالي لو تحجين ممنوع ترفضين طلباتهم ممنوع تطلعين يم باب البيت وزوجج مل موجود تمنيت اخذ احمد ونرجع يم اهلي وغير سوالف شوق وأمها وكرههم اليه عيني عينك ومن احجي الحجية تحجي عليه

مينا كم مرة نبهتج من تنزلين من غرفتج تستري

باوعت على نفسي لابسة دشداشة طويلة مابيها شي عادي جاوبتها حبوبة شبي لبسي حتى اتستر

عندج عين تحجين وتجاوبين فاتحه شعرج ونازلة للمطبخ مخلية عطور اني اشمها من غرفتي وهاي لبسج لاصق بيج بعد مقصرة بشي لاخلفه لاشغل كله نايمه وبغرفتج

ردت اجاوبها ياخلفه واني مر على زواجي 3 اشهر دخلت شوق حامله صبنية بيها خبز وكيمر ولبن خلتها على الطاولة واني عيني عليها هي وبيبيتها شلون تصبح وتسلم عليها كأنما تغيضني

اي بعد كلبي هذا الفطور الزين انتي خابزه اليوم مبين يااله صبيلي جاي من ايدج الحلوة وجيبي هالاكل الطيب ابن عمج نازل للدوام خلي يفطر زين مثل العالم والناس لا كله بيض مقلي حشا النعمه نصه محروك وصمون بايت

من عيوني حبوبة هسة اصبلكم روحي كعدي ممكن مينا توخرين من يم الطباخ

اي ليش لا ست شوق مادام هيجي شاطرة وسباعية لعد امج يوميا تجي تفطر اهنا عبالك ماعدكم الاكل واخوانج الصغار يتعاركون على الصمون البايت

شبيج مينا ويايه فوك مااخذتي خطيبي مني وكسرتيني بين الناس عيني عينك تحاربيني وانتي اهنا وسط بيتنا سمعتي بيتنا

اي حقج اهواية تحلمين بهذا البيت وخصوصا غرفتي مو وأحمد زوجي وحبيبي تعرفين اشكد يحبني ويخاف عليه

شبعي بي ياساحرة يجي يوم ويرجعلي عبالج أحمد راح يكون الج وحدج فتحي عينج اذا ابوه متزوج 5 ويا امه المرحومه فهو اكيد اذا مو اثنين ثلاثة يتزوج هاي عادات وتقاليد واني من ضمن هالعادات مجبور يتزوجني وغرفتج اني اولى بيها مصيرج غرفة من غرف الضيوف اشرت على بطني وهذا البطن راح يشيلون جهال احمد لان اني أشبه امي ولادة مو مثلج ولاشي

حيوانه جريتها من شعرها لو تموتين ماأخليج توصلين لظفر احمد لا انتي ولا غيرج وخلي يسمعوني زين هذولة اللي ناويين على هالشي أحمد اليه وبس

مو بكيفج حقيرة غصبا ماعليج هذا حجي الكبار وانتي واختج مجرد دخيلات لو تموتون متصيرون منا وبينا أمهات العار

قفلت حقيبتي بعد ماحضرت غراضي حتى ارجع للدوام مينا راحت تسوي فطور رغم كتلها ماريد بالطريق اذا جعت اكل بس حسيتها ضايجه وتريد تسلي نفسها سمعت صوت صياح من بينهم صوت مينا وشوق نزلت على المطبخ الحجية صايرة بالنص وتضرب مينا ويا شوق صحت عليهم كافي الناس نايمه من هالصبح شكو

تعال عقل مرتك الممتربية تضرب بنت عمك وخطيبتك لان جايبتلنا فطور بدل ماتشكرها

حسيت طابوكه وكعت على راسي واني اباوع على وجه مينا من كالت خطيبتك يعني هالسالفة ممنتهية مثل ماظنيت حبوبة من بعد اذنج اخذ مرتي ونتفاهم بيناتنا وهي متربية ماعليها قصور وانتي شوق روحي لبيتكم عيب تطلعين وحدج

صعدنا لغرفتنا زعلان مني مو أحمد

لا حبي اعرفها أكيد هي السبب

حضنته فديتك حبيبي كلش قهرتني تريد تاخذك مني حتى محضرة نفسها تجيبلك جهال

مينا لخاطري عوفي شوق بحالها هي وأمها انت اكثر وحدة تدرين ماكو بكلبي اشرتلها غيرج تحجي اللي تريده اني ألج بس  زين  عندي شغل لازم اروح

واني

شبيج

لاتعوفني

شتريدين ضحكت شاربة شي باوعلتلها

حضنته وبسته  والله احبك وانت تاج راسي وحياتي وملكي وكل شي

جريتها متندمين على حبي

باوعت بعينه لا اموت عليك اللي سويته الي ولأهلي بحياتي مراح انسى انت اعظم رجال شفته بحياتي

حب امتنان يعني

لا عشك رجولي احب رجولتك وشخصيتك و انت زوجي وحبيبي

هسه اروح بعدين نكمل كلامنا روحي تطلع من اعوفج بس شنسوي ودعتها ورحت

رحت يم غرفة فيروز اكيد خالد هم برا هسة مسحت دموعي ودكيت الباب فتحتهاجانت حيل فرحانة بس اني كلبي مقبوض.

مينا هم زين جيتي خلي نروح للسوك  اريد اشتري ملابس الي ولزهرة انتي متريدين تشترين شي

اني أخذت اهواية غراض تكفيني سنتين فيروز اريد اكولج معرف شلون ابدي الحجية ناوية عليه تريد تزوج شوق لأحمد

منين جبتي هالحجي البايخ هي متحبج من ورا تصرفاتج

يعني أصير خدامه جوا ايدها يالله اعجبها احمد ميخليني انزل اشتغل اهواية

اني اختج اعرفج تتعاجزين واحمد حجه حبيبتي انتي تعبي روحج شوية راح تشوفين شلون تحبج وتريد رضاتج مثلي والله خجلانه كل ماتكولي وين مينا اكول نايمه

انطيني تليفونج احجي ويا فينوس شوية نفسيتي صفر بلكي ارتاح

كلما تخابرني وتحجي ويايه مينا اسجل المكالمات وادزه لحيدر حتى لايفضحني كوة اجاوبها واني العبرة خانكتني مو قصدي اخونها الظروف هي السبب.