رواية مينا الفصل السادس 6 - بقلم Chra

🌷🌼🌻

كملت تنظيف ويا عائشة حسيت طلعت من جو الكآبه وهي مرحه مثلي خيرية جتي كالتلي

مينا عيوني روحي اتحضري ولبسي جبه لو عباية راح تروحون تعقدون هسة ولبسي شال على راسج زين حبيبتي .

انكسرت رجلي دا احس نفسي مشلوله كوه داأمشي باوعت فيروز دتلبس وماكو اي تعبير بوجهها انداريت على ماما عرفت شريد اكوللها

أمي: تردون تكسرون كلمه ابوكم لو ترفعون راسه كافي المصيبة اللي أحنا بيها.

تذكرت حالتنا رأسا بدلت واتحجبت طلعنا بره ركبنا سياره جانت بيها سايق وابويه وسياره جبيرة جيب كدامنا اخر موديل يمشي مضلل ماعرف منو بي .

أحمد: ظليت طول الليل أتكلب بفراشي كمت الصبح رحت على حبوبتي هاي عادتي اكوم ساعه٦ اروح اتريك ويا اخواني وابويه نحجي ونضحك اريد اشوف مينا عبالي هسه تكعد كبالي كعدت

حجية: ياول احمد اخيرا صرت رجال تتزوج

امداج عرفتي بالسالفه وكالة انباء حضرتج

ياجلب يابعد كلبي غير ابوك حجه ويايه قبلكم ابوك يعرف بلأصول مو مثلكم تربايتي

لعد أحنا ترباية منو مو وياج بنفس البيت ليش قصرتي علينه ومربيتينا عدل😎

لا انتو جيل الله بس يعلم بي لو صدك تربايتي جان ابنك بطولك هسه

ومنو امهم شوق العوبه جرت أذاني

ولك انت شلون قبلت رأسا بدون ماتشوفها بلكت تطلع محلوة ودبدوبه وقصيرة وسودة

ههههههه ميخالف وغمزتلها

ايا لوتي والله انت شايفها مكيف عليها ياحيوان من يمتى اتبصبص على النسوان

متصير مرتي وهاي جانت النظره الشرعية لزمتني وباستني

الله يوفقك انت وخالد ياجلب واخيرا اشوفك معرس بس ها لاتخزينه اول ليله

لاتخافين اني سبع .

اي مبين عليك لو صدك جان ابنك بطولك هسة كوم اطلع بره هسة تجي لميعه وبناتها يتركون ويايه

ميصير ابقى يمج اداريج طلعت اباوع منا منا بس اريد اشوفها خيريه لاكتني

اخويه ريح نفسك بعدهم نايمين

على منو تحجين

دا احجي ويا نفسي اكول لنفسي هسة مينا نايمة

وفاتت تضحك علية طلعت للمجلس باوعت على الباب الخارجي تذكرتها اتمنى هسة تجي كدامي والله راسا اخذها لغرفتي سمعت خالد صاحني كال اتحضر شيخنا يكول بال١٠ نروح نعقد اني كيفت كلت راح اشوفها خالد روح زين لحيتك محلوه عبالك مخبل

لا ازين ولا احضر نفسي زواجي على ورق وبس اني مو مثلك

وصلنا للمحكمة شفت أحمد وابوه وشخص ثالث وياهم نزلو من سيارة عرفت هذا خالد كرصت فيروز لج باوعي هذا خالد امبين مو سبورت وقروي

انداريت شفت خالد كلبي ارتاح من ناحيته جان كلش مؤدب عيب لاتباوعين نزلي راسج المهم رجال مو مثل حيدر اشباه رجال شوفي لا شايفينه ولا يعرفونه احنا شلون وكفو ويانه يساعدونه اصلا ممجبورين بس صدك الرجوله مواقف.

عقدنا اجه الشيخ يم سيارتنا باسني اني وفيروز وخله بأيدنا ظرف ببها فلوس

شيخ جابر: الف مبروك بنياتي على البركة هاي نيشانكم ومهركم على رياجيلكم تطلعون العصر ويا خيريه من مليون للمية تحت خدمتكم

فيروز :جاوبت شيخنا احنا نشتري زلم منريد فلوس ومهرنا انت انطيتنياه البارحه لما رفعت راس ابونا ووافقت تساعدنا لا انت ولا أولادك مجبورين الله يزيدك ويبارك بيك

شيخ جابر: انتو بناتي عيني الكم صدك تربيه استاذ فاضل والنعم منكم بناتي انتو صرتو منا وبينا اللي اقدرها لبناتي انتو مثلهم لاترخصون نفسكم انتو مكانتكم عاليه عندي انداريت على احمد وخالد اذا بيوم خواتكم انظلموا من رياجليهم شتسوون بيهم كالو غير نسوي ١٠٠ وصلة ونذبه للجلاب كال عفية هاي عقوبتي الكم اذا اذيتو بناتي افتهمتوا تامر شيخنا كرامتهم من كرامتنا انشالله معززين ومقامهم عالي عدنا.

اباوع عليها هي مدنكه عجبتني جتي ساتره لو جانت جايه بلبس البارحه مجنت اخذها جنت اتمنى يكولولي أخذها هسة وروح صار مثل النار بيه اريدها مدا اتحمل كوة لازم نفسي من صافحتها وباركتلها ردت ابوسها بس خجلت من ابويه. وخالد حتى ميباوع بوجه زوجته كارهه النسوان ولا كانها موجودة خفت لايفضحنا يم الناس اول ليله امبين عليه .

شفت نظرات احمد الي كلش خفت منه اني اول مره شفته خفت بس مقويه نفسي كدام اهلي لو بيدي اعوف كل شي واروح اني شنو ذنبي اتزوج واحد اكبر مني والله امبين عليه نسوانجي كلش دا اخاف منه عكس اخوه حتى مرفع راسه يباوع لفيروز بس داباوعلها فيروز اشكالت للشيخ استغربت لان هي كلش خجوله ماعرف منين جتها الجرأة وحجت كبرت بعيني اكثر حبيبه كلبي اكثر وحدة بينا هي اتأذت ولازم تتزوج واحد ارمل وياه بنيه الله يساعدها من لزم ايدي يباركلي شوي وتموع بيده الله يعيني
.رجعنا للبيت الظهر اتغدينا سمعت هلاهل من البنات والحجيه كامت تبوس بينا وتبارك كالتلي ديربالج لحمودي مي عيني هو كتلها زين تأمرين عصر طلعنا للسوك ويا أحمد و خيريه.

أحمد: خيريه امشي كدامي انتي وفيروز اريد أبقى ويا مينا وحدنا.لزمت ايدها جرته خزرتها شبيج .

مينا: بقيت وياه لزم ايدي اني رأسا عفت أيده خزرني اشبيج بالكوه جاوبت كلت ماكو بس استغربت كلشي صار فجأة
اني زوجج هذا الحجي ميهمني هسة

رجع لزم ايدي واني ارجف وامشي وياه

شبيج مستبردة بصوت ناصي كتلها

لا عادي الجو حلو بكلبي لو بس تترك ايدي اني بخير اشترينا غراض وذهب صح غراضهم محلوة مثلنا بس هذا موجود دخلت خيرية لمحل ملابس داخلية كالت اوكف بره أحمد اني غصت بهدومي وهو يضحك عاجبه السالفة

اني اختار لمرتي انتو كملو وماعليكم بينه
باوعتلها تختار متحركت سالتها ياقياس تلبسين 👿

اني شويه ويغمى عليه من الفشلة تركت ايده كلت الله يخليك اريد ادخل وياهم استحي عفيه

شنو تستحين سمعيني اللي اكوله هو اليصير حجي زايد ماريد طبينا غير محل اشتريت جراجف وكوشات جديدة وكومة ملابس داخلية وهاي بس ساكته.

مينا: وصلنا للسيارة اني كوة لازمه اريد ابجي مداتحمل اباوع فيروز ساكته ومتحجي رجعنا للبيت نزلنا اني راسا سلمت عليهم طبيت للغرفة بجيت طلعت حسرت الايام كلها ابجي ورا ساعه دخلت فيروز

شبيج تبجين

والله هذا أحمد نسوانجي وادبسز وميستحي شفتي اشسوى بيا .

عادي بس انتي يمكن متريديه علمود هاي اخذتي الموضوع بحساسية

ولج سألني يا قياس تلبسين مجاوبته باوع على جسمي وجاب قياسي

متت من الضحك متحملت كعدت صدوك

اي وابجي دخلت خيريه شبيج مينا ماكو مشتاقه لمصطفى

خيرية: اعرف ضجتي من تصرفات احمد المفروض تتونسين زوجج يجي وياج للسوك وهو يختارلج الغراض ترى احنا ماعدنا هذ الشي بس لان احمد يسافر اهوايه صاير منفتح.

فيروز : أحمد كلش جريئ وهي تخاف عيني هاي دلوعتنا

هههههه تدرين ليش جيت هسة

مينا: لا

خيريه : أحمد يريد يشوفج يمكن يريد تجربين ثيابج

اني وكعت من طولي وارجف كتلها لا ماكدر الله يخليج كوليله ماتحمل ابوس ايدج

خيريه: عيني هو هسة زوجج بالعكس اتفاهموا ترى هاي فرصة الج اللي تردي كوليله اني ماعليه صعدي ويايه وشوفي غرفتج وانتي هم فيروز شوفي غرفتج ورتبيها.

فيروز: اي زين انداريت عليها هسة نحضر نفسنا ونجي وياج خيريه طلعت لزمت مينا من ايدها كسبي للرجال شوفي هو يريدج لاتصيرين غبية احنا ذبينا نفسنا عليهم مو همه استغلي هذا الشي وعيشي حياتج كافي دلع صيري جديه ورفعي راس بابا افتهمتي.

اخاف يسوي بيا شي ماكدر

انتي زوجته انت حدديله حدود افتهمتي شوفيني من عقدنا حتى مباوع بوجهي احتمال ميعرف اسمي بالرغم من هذا اني راضية وساكتة ماريد اكسر بأبوي امشي

صعدنا ويا خيريه دخلتني للغرفة مجان موجود سدت الباب كالت رتبي غراضج راح أخذ فيروز لغرفتها همينه مسحت دموعي باوعت للغرفة جانت حلوة ممبين مال قريه كلش حلوة ومرتبه جبيرة بيها حمام همينه واثاثها حلو راقي وبيها تلفزيون جبير وغراضه بكل مكان ريحته جان معلك صورته باوعتله جان بلبس العسكريه يموت كلش حلو بقيت اباوع على الغرفة فجأة دخل باوعلي واني ارجف

أحمد: من الظهر اريد فرصة اختلي بمينا ماكو مجال هذا يجي يبارك وهذا يروح كلت لخيرية تصعدها لغرفتي شفتها ممصدك واخيرا شونج مينا واني هم زين ضحكت

الحمدالله زينه اني خفت اتقرب مني اني ركضت ووكعت

شبيج تركضين مااكلج اريد احجي وياج كعدنا على السرير اني اريدج انتي ترتبين غرفتنا ماريد البنات يدخلون بيها تدرسين مو شويه شويه اتقربت منها لزمت ايدها رادت اوخر جريتها نزعت الشال من شعرها مديت ايدي حلو شعرج هو هيجي سرح لو انتي مسرحته.

كلما يقترب واسمع صوت انفاسه بطني توجعني من الخوف لا هو هيجي سرح وارجف اتقرب باسني بشفتي لزمني قوي ضربته راشدي وانهزمت نزلت جوا ابجي وارجف ورا ١٠ دقايق سمعته يصيح ويعيط على اخواته بجيت عرفت هذا يقصدني شفت فيروز دخلت .

فيروز: شفت غرفة خالد مرتب ونظيف بس مبيه روح مثل صاحبه حاولت أغير بيه شويه واني أتذكر اكيد مرته هيجي مرتبتها اشكد صعب بيوم وليلة أكون على سرير رجال صارلي ايام اعرفه شلون ابدي حياتي يالله أنطيني القوة والصبر نزلت مينا ترجف وتبجي اشبيج كتلها

مينا:ضربت أحمد جان رايد يبوسني

فيروز:مينا ليش هيجي تسوين .

خيريه: ولج مينا شمسويه بأحمد صاير نار ويريدج .

عوفوني ماروح لو تموتوني نمت من الخوف.