رواية مينا الفصل الثامن 8 - بقلم Chra

🌻🌼🌷

#مينا7

أبويا من عرف ضربت شوق وأمها عاتبني اهواية اني محبيت اوصل وياهم للضرب بس تعبت منهم ردت اوكفهم عند حدهم مينا جانت مخترعه محجيت شي وياها طلعت وعفتهم خليت ايدي على الفراش وبديت اتلمسها باجر راح نكون اني وياج على هالمكان شلون بأيام كدرتي تعلقيني بيج سحر لو اني ارغبلج مكدرت انام طلعت اتمشى برا البيت سمعت صوت ناصي تقربت

احس نفسي مخنوكه تركت فيروز وامي وطلعت برا ماكو احد كلهم نايمين علمود باجر العرس ومثل ماسمعت منهم تصير هوسة خابرت فينوس حجيتلها اللي صار ويانا

كولي غيرها شلون باجر زواجج راح اتخبل مينا اني احلم لو صدك احجي وياج

لا صدك لعد اني شكول اذا انتي سمعتي وانصدمتي ادعيلي اموت واخلص

انجبي لاتكولين هيجي شسوي من غيرج ايام منايمه من التفكير بيكم حتى ايهم خطية مبقى احد ميسأل عليكم

ادري حبيبتي شنسوي لو ما مصطفى هاي مو حالتنا

تدرين اكثر شخص مقهورة عليه هو ضيع نفسه وضيعكم ميستاهل اتورط ويا هالحقيرة انشالله حوبته تطلع بيهم مصطفى خوش انسان بس الدلال الزايد خربه

فينوس بعدج تحبي

مينا أعترفلج بشي من عرفته يحب زينب مسحته من حياتي الله يحفظه ألكم ردت اكولج شي ولو مستحيه بس ماعندي غيرج

الحمدالله جنت شايل همج اهواية الله يعوضج بأحسن منه تستاهلين

تعرفت على شخص بالتليفون متتصورين بهالايام شلون خلاني اتعلق بي انسان كلش محترم واسلوبه حلو ماعرف اوصفه اكثر ياريتج موجودة يمي

فينوس حبيبتي ديربالج على نفسج لاتحاولين تعوضين حبج لمصطفى وتتعلقين بشخص عرفتي من التليفون الله يعلم هو شنو

لاتخافين هو حريص اكثر مني حجيتله سالفتكم كال لو مرايحين من بيتهم اساعدهم ابوه مسؤول كلش انقهر عليكم

فاضحتنا يم الولد ياخبلة الله يهنيج انشالله على الاقل انتي تشوفين خير بحياتج حسيت بهمسة يم اذني من الخوف وكعت الموبايل ودست عليها واني اركض للداخل واسمع احمد يصيحني مانداريت وصلت للغرفة وقفلت الباب حسبي الله عليك سويت بيا فلم رعب بعد شوية شفت شي من جوا الباب جان يدخل الموبايل اخذته بدون ماافتح الباب الشاشة مكسورة اوف هسة وكتج

محبيت تصرفها تخابر بنص الليل حتى لو صديقتها فكرت لو احد شايفها غيري يتوقع غير اشياء انغريت بشكلها وهي كل دقيقة تنزل شعرها وتشيله يم اذنها متحملت تقربت منها بهدوء ردت ابوس ركبتها هي شهكت وركضت خافت حتى من صحتها مااندارت شفت موبايلها واكع اخذته ورحت يم غرفتهم دخلتها من جوا الباب تمنيت تفتحها واخذها بحضني

صعب بايام اتزوج شخص ماعرف عنه اي شي والله صعب ياربي موتني اليوم باوعت فيروز هادية ترتب فساتين عرسنا اللي جابته خيريه لو ظروفنا مو هيجي مستحيل جنت البسه ابد ميعجبني موديل قديم متروس فصوص وكرستالات ابد مو ناعمه يمكن زمن بيبتي لابسيها

خيرية: اجيبلكم حفافة وام صالون تمكيجلكم شغلها حلو ومرتب.

فيروز :تسلمين حبيبتي احنا نرتب نفسنا من المكياج اللي مشتريها .

خيرية : حضرتلكم هالريوك بيدي اريدكم تاكلون كلها لان تتعبون منا لحد الليل

فيروز : شلونها نظامكم يعني شيصير من نلبس فساتينا

مسوين حفله جبيره غدا وعشا للرياجيل والنسوان واحنا نكعد ويا نسوان لحد الليل وبعدين نصعدكم لغرفتكم وغمزتلها ديربالكم على اخواني ترى ميعرفون شي خطية

جاوبتها واني اهز بأيدي اي خطية وخصوصا احمد لو بيده هسة يكمل الزفه

هههههه والله نيتج صافية هسة كالي صيحيها يمي يريدج فوك

صدك تحجين لاتجلطيني

لا تخافين اتشاقى وياج من الصبح همه يستقبلون الضيوف اعوفكم ترتبون نفسكم

خليت ايدي على ظهر فيروز شفتها تبجي بجيت وياها أشبيج ولج مشبعتي من البجي هذا مصيرنا مراح يتغير شي .

أعرف راضية والله بس بعد يومين مصطفى راح يطلع

صدك شلون عرفتي .

ماما كالتلي أحمد والشيخ أدخلو بالسالفه وفضوها ودزوا جماعة على بيت زينب مسكتيهم بالسلاح وهمه ساحبين الشكوى على مصطفى وراح يرجعون سيارتنا بس الفلوس والذهب راحت أخذوها الهم

ضحكت بالله أحمد النسوانجي مد يتحرك من البيت لازكلي لزكة أشلون كدر يخلص الموضوع بساطة هيج

دلوعه زوجج واصل والواسطات هسة بكل مكان الفلوس كلشي تسوي بالدنيا وعدهم معارف من كل مكان اشبيج انتي فاهية هذوله شيوخ وهيجي مسأله عشائريا تنحل.

مادام انحلت ليش نتزوجهم خلي نرجع لبيتنا ومنتزوجهم وراح نشكرهم بس يصير عندي فلوس أرجعله فلوس البدله والغراض وراح ارجع اعيش حياتي .

انتي غبية لو شنو اني وانتي خلص موضوعنا ابوج انطانه اياهم هم المسؤولين علينا هسة لو تموتين ابوية مراح يرجعج وياه انتي صرتي مرت احمد شرعا وقانونا وهو مسؤول عليج تدرين ليش ابجي من الفرحة لان اهلنا كسروا ظهرنا والاغراب وكفو ويانه لو اموت مراح انسى وكفتهم شفتي الدنيا شلون صيري عاقلة ودير بالج من رجلج طيعيه زين حبيبتي عرفت من خيريه مو راضي عليج .

اوف والله مدا اتحمله كلش جريء واني اخاف

ميخالف حبيبتي خجلي وخافي بس بحدود اذا زدتي غير تفكير يفكر بيج ديربالج راح يشك بيج.

دخلت ماما للغرفة شفتها فرحانه اكيد شبلها المبجل راح يطلع ماما فرحينا وياج سمعتها دتدعي لبيت الشيخ ولأحمد

والله أحمد درة نادرة مينا دير بالج عليه إذا سمعت مضوجته او ممريحته والله اموتج بيدي

مخلصنا من مصطفى اجى أحمد أفندي

وخالد وياهم الله يطول بعمرهم وانتي عوبة ام لسان موتي حره كعدت فيروز تعاي انتي هم مينا اتقربو مني بستهم من راسهم كبرتو واليوم عرسكم اريدكم ترفعون راسنا اني وابوكم شفتو بيت عمكم اشسوو بينا رفعو راسنا افتهمتي مينا حركات جهال ودلع ماريد اريدكم نسوان معدلة وفيروز خالد ظروفه يختلف اعرفج سباعية وراح ترفعين راسي بيج .

والله العظيم راح تشوفون شلون أرفع راسكم وتفتخرون بيا

امي حجتلنا على ليلة الدخله وجهنا ينطي الوان استحينا وخفنا اهوايه

لج ام لسان مو جنتي تتسمعين لاخوج صرتي خبره لويش خايفه هسة خجلتي ماما هاي سنه الحياة .

ضحكوا عليه هي وفيروز