رواية ميزان القلب الفصل الأول 1 - بقلم ريهام زيدان

حكمت المحكمه حضوريًا علي المتهم شريف اسماعيل ابو المجد بالاشغال الشاقه المؤبده
قومت مفزوعه من نومي علي صوت فوني ياربي كل يوم نفس الحلم
مسكت الفون ورديت علي مها صحبتي : انتي فين ي امل فاضل نص ساعه علي الجلسه
اتنفضت من ع السرير بسرعه ودخلت غسلت وشي ولبست suit لونها اسود ورفعت شعري بكلبس واخدت الشنطه ونزلت جري عشان الحق الجلسه خلصت الجلسه وقابلت صاحب المكتب اللي بنشتغل فيه انا ومها
ابتسم لي *ايه الاخبار ي امل
ـ كله تمام حضرتك وكسبنا القضيه
بصلي بفخر * انا كنت متاكد وواثق من نجاحك
ـ شكرا ي فندم بعد اذنك
الا مافي مره تكافئني ب خمسين جنيه حتى كله كلام وبس
*بتكلم نفسك ي لوزه طبعا مانتي كسبتي القضيه ولعبت
بصتلها بغيظ ـ اخرسي مهو قرك دا اللي جايبني ورا
ضحكت *كدا برضه ي لولو، المهم اسيبك بقا عشان الحق اجهز عشان احمد جاي بليل يقابل بابا
ـ امم حظك ي بنت المحظوظه وقعتي ف الواد اللي بيحب علي نفسه لكن أنا مقعش غير ف متهم ف جريمة قتل
* تعيشي وتاخدى غيرها ي افوكاتو
ـ يعني الف علي اقسام مصر كلها ولا ظابط ولا حتي وكيل نيابه يلفت نظري وتيجي انت ي عم شريف تخليني ماشيه اغني ظلموه
باك من 3شهور
كنت ف النيابه مع متهم وقاعده براجع ورق قضيه
راجل كبير قرب مني
~لو سمحتي ي استاذه ممكن كلمتين
رفعت عيوني له ـ اؤمر ي حج
~العسكري اللي هناك دا قال إن حضرتك محاميه ممكن تحضري مع ابني عرض النيابه
ـ والله ي حج انا مع متهم وقضيته مش سهله هو فين محامي ابن حضرتك ؟
~ف الحقيقه المحامي بتاعه اعتذر ومجاش وملحقتش اجيب محامي وانا مش عارف اعمل ايه
حاولت الاقي مخرج بس الراجل كان شكله مهموم اوى وتعبان
*مهو اكيد ورق القضيه مع المحامي وانا…
قاطعني وهو بيحط الورق ادامي ~لا هو بعتلي الورق من شويه مع واحد بيشتغل معاه
*بداية مُبشره بالتفاؤل ي حج
مسكت الورق وفتحته لحسن حظه كان فاضل وقت على دخول الموكل بتاعي
شريف اسماعيل ابو المجد
كانت قضية قتل ومليانه تفاصيل قعدت ربع ساعه اقرأ دماغي وجعتني ومفهمتش حاجه
رفعت عيوني من الورق ـ الحقيقه ب حج هي القضيـ…
قاطعني لما قام بسرعه وحضن شاب العسكري ماسكه استنتجت أنه ابنه
~اهي ي بني الاستاذه دي هتجبلك البراءه باذن الله انا متفائل اوى
الشاب بصلي وابتسم وانا عنيا طلعت قلوب لا مايا بسكر بقا ليا عشان انا اتخطفت
~ها ايه الاخبار ي بنتي ؟!
رديت وانا ببص لشريف ـ فرح باذن الله ي حج
~اييه؟!
ـ قصدي براءه بعون الله