رواية مزهق للإقتصاص الفصل السابع عشر 17 - بقلم رمش عقيل

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــ꧂

صاير ما تحَن ؟

كلش هالأيّام وحيّل تغَيرت
بيك المُوده
تچر گَلبي وتحَبسة بطَرف الرمُوش
لا عَين التشُبگه ولا تهِده !
ترِد گلمن يحبك
چنحَه مَكسور،

꧁ـــــــــــــــــــ꧂

"ميليس"

بليل اجتنة عمتي ومهرة گعدت يمي تگلي

::-ولعبااس بعدها الخوفه بيه

ميليس::-زهررررة ايدي

زهرة::-ولچننننن عوفنهااا هاي المنقولية المگروصه

ميليس::-زهررة اني منقولية

مهرة::-هههههههة زهرة بربج هاي منقولية

::-من اجت وليجاي كل شويه وصرخت

زعلت وگمت ظليت أمشي بالغرفة گعدت وحدي. بعد دقايق إجت رفل سكاتة وما حچت بس حطت التلفون بإيدي وگعدت هادئة بصفي ظليت أگلب بالتلفون واني ساكتة.

وراها بدقايق دخلت مهرة جايبة صحن بيه فواكه وعلاگه حلويات گعدت يمي وباشرت تحچي سوالف خفيفة وتضحك وأسولف بحماس تحاول تلهيني وتغير مزاجي شالت قطعة من الصحن ومدت إيديها ألي وبعدها سولف قاطعتنه رفل وهيه تگول

رفل::-بنات ادخلاً على گروب مال القسم

دخلت والطلاب كلها تسأل عني رفل گالت

::-مبرررووك الشهرة

ميليس::-عزاااا يمه ولجج منين يعرفون اسمي

رفل::-شوفي اول الدكاترة اول سائلة عليج ونوب الطلاب

مهرة::-هههههه والله حلو

ميليس::-عوفن الحلو عيب ما رد شكتب

أخذت التلفون مني مهرة واني ورفل حطينه راسنه وياها كتبت

::- الله يسلمكم شكراً الحمدالله صارت ايدي زينة

وشمرتة علية گالت

::-هوه اني ما أعرف اسلم مو نوب انتِ

::-گبر دزيها حلوة

رجعت اخذتة هيه دزتها ورجعت كتبت

::-وما أنسه مارتن شكراً لا أنتَ ولا عدنان الله يحفظكم ودكتور مهند ودكتور عباس

::-لاااااا لا دزين

دزتها واني صرخت مرة من الألم ومرة من الكتبته گمت أنعل بيها

مهرة::-عيب أستحي الولد نقذج واني ما شكرت واحد حتى تستحين

ميليس::-بس هوه لااا ما أريد هسه حتى أگوب استحي منه

رفل::-أول وتالي تستحين عيب تتعاركين وياه وهو ناقذج أستحي شويه

ميليس::-اخخخ يمهه ايدي

رفل::-انچبي ترا شربتي مسكن ونوب الأصلي

رجعت تمددت على الچرباية ورفل ومهرة يمي ياكلن ويسولفن وبنفس الوقت فاتحات كتبهن يدرسن ويشرحن إلي بس أني عقلي ما يريد كل همي ما أريد أداوم ولا أريد أسمع هنه ظلات يقنعن بيه ويهيئن الجنطة حتى رفل حضرت المسكن وحطته ومهرة جابت وحضرت الملابس حتى ما يصير عندي عذر.

هواي حسيت بضوجه گلت بخاطري ليش يلحون؟ بس من شفت اهتمامهن گلت هاي هيه خوش

وراها أم مهرة صاحت عليها گالتلها يلا يرحون رحت سلمت عليها وعلى البنات ورجعت گعدت وحدي تالي فتحت الگروب "نبض گلبي" أول ما شفتهم كلهم مجاوبين اله هوة حسيت رعدة وخوف وضجت سديت التلفون وشمرت عالچرباية بعصبية طفرت گاعدة عدل ليش ضجت اكلييي خرا ميليس وأنچبي ادبسزز ...

"همس"

حسيت روحي راحت على ما فوتهم حمدت ربي حسيت وگفت السيارة ونزلوا رفعت راسي على كيف دايخه وأحس بدوران راسي يفتر گمت بسرعة قبل لا يعوفوني ومدري شبيه وشلون شطح عقلي وجيت وياهم غمضت عيوني 

::-يارب

عاينت لگيتهم يلفون بالثامهم بس سديم ولحسن بقت بس عيونهم طالعة گاموا يتلفتون رجعت المكاني خايفة أخذت الشماغ من الجنطة ولفيته على وجهي بعدين نزلت أمشي بحذر شديد كل خطوة تخوفني والخرابة حوالي مليانة ظلام وأصوات غريبة بين الزور والحشيش حاولت أمشي على أثرهم بلا ما يلاحظوني گلبي يدگ بسرعة وكل عصب جسمي متوتر بعد حوالي ربع ساعة وصلوا لبيوت مهجورة وكل بيت مشتغل عليه اضوية چنت واگفة ورا شجرة أراقبهم أحاول أعرف شنو داخل البيت وشنو يسون

يم الشجرة وكل نفس يگطع صدري الضوة من البيت يهر ويعكس على وراق الأشجار والهوى يشيل ريحة الزور والحشيش گلت يا ربي وعدلت الثام ما بقيت ألا لون عيوني الدنيا غيم وحركاتهم تروح وتجي.

امشي على أثرهم بخطى نصف مكسورة الأحذية تغرز بالطين وصوت گدام البيت زلم واگفين والحسن وسديم يراقبون وسديم يتلفت يمين ويسار ينتظر إشارة.

من منور النافذة شفت ظلين يتحركون بسرعة  واحد گاعد والثاني واگف وما واضح وجهه حسيت راسي يبرد كل العضلات تتصلب

گعدت وره الشجرة

گعدت أخاف أتحرك بعد دقيقة شفت حمزة ووياه واحد وراه بشوية هم هناك بيدة شي يلمع سلاح ما أكدر أميز مضبوط بس وگفته ثابتة.

بقيت بين الشجيرات كل لحظة أتأمل حركة منهم و البيت يلمع وأصواتهم تتلاشى وأنا على آخر نفس منتضرة وشفت الأمير وبعد واحد وياه بيدهم سلاح وگاعد يتلثمون سديت حلكي بيدي خنگوا واحد من الحراس وأشر الواحد من بعيد چان ضوا جاي من البيت يبينون حسيت أسلاح نحط براسي شهگت ودرت بسرعة أريد أشوف ملامحة

::-ولاا كلمة

::-منو انتِ

::-اشش

التفتنه اثنينه فازين على الطلق وگالت

::-نكشفوا أركضي

سحلتني وراها أركض

::-اخواني اخواني جوة

::-اخوتي وياهم هم جوه

شهگت گام يدوي الطلق دوي رجعتني حاميتني بضهرها وگامت ترمي وياهم

::-لا تصوبينهم

ركضت بسرعة وما أخذتني وراها وطاح الثام من وجهي وهيه نحل شعرها يتلاشى بالهوة فجأة تلاگينة وية ثنين ملثمين صرخت بصوت عالي من الخوف حسيت الوقت وگف وما أدري شنو يصير بقيت لازمتها بخوف

::-شجااابجنننن

::-دياب مو وكتك

سحلنه الاثنين وهم يركضون بينه حسيت قلبي يوگف من الخوف صار كلشي صاير گدامنا وهيه ترمي بأيدها بالهواء ودخلنا ورا بيت مهجور ومدري شنو سحگ علي صرخت بصوت عالي وهو حط إيده على حلگي فجأة واحد يصيح من ورانا ومن شافنا انصدم. 

الحسن::-هااي شنو

::-بس خل افهمك

بعدها ماحچيه وصرخ بيه انا هم

::-وانتِ شجاااابججج

همس::-مالك دخل

أجه جر اليمي عاصر فكها بيدة وگالها

::-اني من أگلج لا طلعين ليش تعاندين

::-ريلاكس حبيبي

درت اتلفت

::-اخواني وين

شفنه ناس جاية علينة من بعيد سحلنه وحطنه بحجر صاير كأنه غرفه اني اتلثمت بسرعة گاله الحسن

::-دياب بمانتك ثنينهن

ركض واني ما أعرف شنو نهايتي أهنا أريد اگوم أطلع
بس سبقتني البنية من حطت السلاح براسي

::-شوف تخليني أطلع لاهسه خليها تودع وأخوي خلاها بأمانتك

صرخ بيها وأجه حتى ما خاف علية تضربني لزمها من شعرها وأخذ منها السلاح وهيه دفعته وطلعت تركض من ركض وراها اني طلعت أركض بتجاه البيت ولزمت من ايدي عاينت چان سديم فتح عيونة مصدوم سحلني وراه يركض واسلاحة بيدة
وگفت گلبي يوجعني

::-اخواني وين

::-أركضيي راح نتكتل

عاين يدور من شاف الحسن شمرني عليه وركض والحسن يعاين علية وصرخ بية

::-المن طلعتيييي

::-اخواني وين فدوه

::-أشتعلت روحهم

گعدنة مكان مضلم وهوه ينفت ويعبي طلق التفت علية بسرعة چنه اذكر شي

::-وينها اختي

::-شردت

::-ودياب؟

::-ركض وراها ونساني

::-وانتِ هم شردتي

::-لعد ابقه يكتلوني

ركضنه ندورهم وضيعنة

::-تذكرين منين اجينه

::-لا

أفتر يدور على صوت الطلق اليدوي نوب حتى تليفونات ماكو أخذني بيدة يمشي واني أتعثر

::-تعبت

::-شلوووننن اجيتي منو جابج

::-وياكم اجيت

::-ويانة؟

::-اي صرت بصندوگ السيارة

چنت واگفة بالظلمة كلشي أسود وماكو أي ضوء بس هوه يشوف واضح  عبالك عنده نهار من سمع صوت خطوات تقرب مني ركضني بسرعة دخلنا بنفق ضيگ وبارد حاولت أصرخ حايفه بس هو حاط إيده على حلگي صرخت بصوت عالي وبديت أبچي أحس بشي يمشي على رجلي من فوگ الحذاء كل شعور يخوفني بقيت أترنح وما أعرف وين أروح وهو بالگوة لازمني وما أگدر أتحرك من اختفى الصوت واني الظلام والهدوء حواليني يخوفوني أكثر.

::-شبيج

::-شي على رجلي

::-عجل اني گرصتني عگرب هستوها وما حچيت اسكتي

اخذني يمشي بيه وما يعرف وين ما اخذني لحد ما سمعنه صوت جايه من الصفحة الثانية دياب

::-ادوركم

::-ضيعنا الطريق

::-تعال منا وين رايح مناك بعد وين نلگاكم

بعدة لازمني واني أتعثر وعلى ياساعة اطيح لو ما لزمت الحسن

::-اختي وينها

::-بالگبور

::-خفه وجهك

::-ولككك انتَ غير مخلي يمي زلم ركضت وره هذيج جبتها رجعت ما لگيت هاي

::-عبنك مو رجال مخليلك كل وحده براسها صوابة وجايبهن الي

::-ابقه اشتم الهوى اذا صدگ؟

::-قبل لا ينگطع نفس بيهن انتَ وياهن وقبل لا يندفن انتَ تندفن

ضربه وهاذا طلع سلاحة يريد يرمي

الحسن::-وين الباقي

::-باقين هناك منتضرينة

::-تگدرين تركضين

::-اي

سحبني نركض

دياب::-ترا محاصرين

الحسن::-يلا هيه موته

لا ويحچيها مفكر عنده سبع أرواح وصلنه للغرفة وگلت اله

::-اخواني أهنا

دياب::-مو گلت محاصرين شني يهفون اخوانج اي موجودين

همس::-ما أدخل

الحسن::-ذب الثامك انطي الها

دياب::-واني غير اصير مشبوه

::-وصير طبك مرض

أخذه منه خاوه انطاني ألفه ونتر بيه الحسن

::-صيري نجرة

لفاها الي ودخلنه مشغلين ضوة التلفون ومخلينه على تجاه السگف عاينت أمير گاعد وسلاحة يما وحمزة وتيمور من الصفحة الثانية وبعد ولد ما عرفته والبنية تتعارك تريد تطلع وسديم وتيمور لازميها بالگوه والأمير على عصابه گاعد وتيمور من شافه لزمها ودفعها عليه

الحسن::-سم الله شمالك هيه هيچ

الامير::-أول ما يردون يكتلونة اول وحدة اشمرها الة هيه عمي موتتنة

الحسن::-انچب

گاملة الأمير يريد يلزمة والبنية گالت

::-أمسحها بشارب دياب

دياب::-الزمج الگرطه

واني دخلت وتيمور گال

::-وهاي منين جبتها

::-من ابوك

انتبهولي كلهم وهو يريد يوخر نضرتهم عني گال

::-البنية خرسة ولگيتها هم ضايعة وجبتها

شو هاذا طفر وخله السلاح براسي

::-منو دازج علينة

حمزة::-عمي فتشها لا نوب عدها مفخخات وطشرنة

الأمير صافن بوجهي واني بالگوة مطلعة بس عيوني خفت يعرفوني گرصت دياب لأن چان اقرب الي باوع علية وأشرتلة عليه

دياب::-والله عيب عليك مااا عندكك أخوات وتتمعن بعيونها مو مزوج وكم يوم يصير عندك جهال

نزل عيونة گلت الحمدلله بس لا گام ودياب طفر عباله راح يجي بس هوة سحبني والحسن صار گدامي

::-ملثمة؟ ملثمة عبالها ما أعرفها ولچ أعرفج من بين المليون همس شجااابچ همسس

شهگت وحمزة گام وگف مصدوم والحسن ودياب صاروا گدامي

::-خفت عليكم والله

صرخ بوجهي يرزل بية وحمزة هم يحچي نكسر خاطري رغم هم خايفين علية وعلمودي بس أنكسر گلبي طلعت أريد أروح وبالگوة لازمة دموعي
سحبني عليه ضميت وجهي بصدرة وگلت

::-أميررر لا صيح

سحبني حمزة مگعدني يما والبنية بقت تخوزر وتتلفت لحد ما گامت وضربت تيمور راشدي وراحت تركض لـلحسن

::-يماااه

الحسن::-اگعدييي

الأمير::-ليمت يجوون ويفضونه

حمزة::-الصبر مفتاااح الفرج

دياب::-يجي من وجهك من وجه اخوك الفرج من وجه هاي

گالها وهو يأشر على البنية بقينه نرجف وكلنه بنفس الغرفه بس بعيد عليهم والأمير شمر غمصلتة رجعت شمرتها عليه وهو خزرني أخذت البنية وگالت

::-صار ساعة أريد اخوي يحس بيه ولا عنده ذره احساس

أخذتها لبستها والحسن أخذها يما وكلساع يحاچيها وهيه ساكته مددت رجليها

الأمير::-شلون ورطه اليوم دخيلك ياعلي استرنه انعل أبوك سديم اذا ما تخابرهم وأشوفهم وين وصلوا

صفنه وأشوف بريعضي يمشي يمها أشرت الها واني بالگوة أحچي

::-بريعصي بريعصي يمج

::-وينه

دارت دور عليه ومن شافته سحبت طرف الغمصلة وشالته وشمرته عليه صرخت بصوت والأمير طفر ساد حلكي ودفرها واني أنگز واصيح بخوف وهيه تنعل بي وتگل للحسن

::-ولككك اختكك كسروا ضهرها

::-اختي لو ادميه محد گرب يمها

خلت وگامت گعدت بصف دياب

::-شفت

::-اي

::-كسر ضهري

الأمير::-رحمه دينن محمد ما سكتهااا ولكك من اجت وليجاي بس تهذي

گام سحب اخته وشمرها على الأمير

الحسن::-اخذها ولحسن ما أحچي

سديم وحمزة ضارربيها صامت لحد ما دگ التلفون وگفوا كلهم حچه سديم سده وگال

::-گاعد يدورون علينة اليسع يگول طشروا لا تبقون مكان واحد

الحسن::-لااا وين

الأمير::-كلنه سويه لو اگول طلعوا واني أراقب وراكم

الحسن::-عجل شعندي انا هم باقي وياك سديم أخذ اختي وياك

::-ابقه يمك

أحتاروا لا يقبلون يطشرون كل واحد بجه ولا يقبلون يعوفون واحد وراهم واحنه متوترين والخوف مصيطر علينة گالت البنية

::-ترا حلوة امشوا مغامرة وياكم طالبة نقيب بجهاز مكافحة الإرهاب

دار الأمير وغم الحسن بنص گصتة

الأمير::- ما گدرت تلزمها وطيح حضها

الحسن::-على ساس انتَ مسويها فيافه الزم العندك أول

ضبطوا الثامهم طلعنه دار الحسن وأشر بعيونة على اخته هزيت راسي بقبول ولزمتها والحسن مدري شراح يحچي ويه سديم هز راسة الأمير دار على تيمور وأشرله عليهم وگاله

::-راح يتيهونه بس لا تخليهم

الحسن::-أختي بأمانتك

الأمير::-منوو ألزم اختك انتَ

لزمت بأيد حمزة حيل والأمير لزم أخت الحسن يريدها تلزمه حيل لحد ما دارلها وطگها راشدي

الحسن::-ليييش

راحت اله وهو أجه خلاها بأيد دياب

الحسن::-اخذ البنات انتَ وياهم

الولد حدد النه الطريق وصاح

::-مناااا

ركضنه كلنه بنص الطريق صار رمي سمعوا خطواتنه

الأمير::-حمزة الزم اختك دياااب الزم العندك

الدنيا ضلمه چلبت بأيد حمزة حيل ومن صار الرمي عالي تيهنه ما عرفت وما دريت اني بيد منو اله

دياب::-أركضييي

همس::-دياااب

بقه يركض بيه وصااح

::-شجاابج انتِ خرب

::-مااا أدري عبالي حمزة.

لبدنه وره شجرة ننفت نفسه يضرب بيه حيل بس همه قريبين من عدنه حيل أخذني يركض بيه ومدري لزمته حيل وأحس شي يسيل على ايدي صرخت مفزوعه وهو سد حلگي

دياب::- ما صوبتني شخطت مني

::-أيدكك ايدكك

وزواط صار من يمنه گمت أصرخ وهو ملبدني بسدة وسد أبلوكات مدري شي مفلش گعدنه ثنينه ننفت أجيت أذب الثام

::-عوفيي تنعرفين

::-مالك هوه

::-اي عادي عوفي

::-انتَ نعرفت بس دمك راح يخلص منو يرجعني لأخوتي أضيع بينهم

ذبيته وتلمس بالجرح وأيدي ترجف شاله أيدي وحطها يم الجرح مسحتها وشديتها حيل

::-هيج المرة الفاتت هم هيچ صار

::-هاي اشوه

بعدنه نحچي وحسينه ضوة قريب علينة وهمس

::-راح أطلع وانتِ أبقي شويه وطلعي شردي

::-لا

يريد يطلع علمود يلزمونه ويلتهون عني أختفه الصوت وصار بعيد صوت الرمي استندت عليه گال

::-عوفيني وروحي

::-لا

::-مو تكرهيني ما أريدچ

::-سبق وحميتني

أول گمنه لاگونا ثنين فتحت عيوني مصدومة وهو هم سحبني مخليني وراه رفع سلاحة يهددهم.

::-اووووه هذول حبيبين انا الي البنت وانتَ الك البيها

سحبني حاط السلاح براسي وگال

::-اكتلج أحسن ما خليچ تروحين وياهم ويستفردون بيچ

رعبت والخوف اكل گلبي.

منووو يصدك منو يصدك لو رجعت وحچيت الواحد كل هاذا الرعب عشته ما لحگت أصفاً وثارت الطلقات من ورانا طاحوا ثنينهم مصوبين دياب اخذ الأسلحة

الحسن::-أركض

لزمني وركضني وراه لحد ما وصلنه سيارتين بس اخواني ماكو واني اتلفت سمعت صوت الأمير يركض ولازم بطنه هيتت أيد دياب مني وركضت اله أحس مو كم خطوة صارت لحد ما وصلته وحضنته

الأمير::-يبعد چبدي.

همس::-بطنك شبيها

::-ما بيها شي صعدي

تلفتت ادور الثاني

::-اخوك اخووك وينه

حمزة::-اهناا الخوثه

التفتت صاير وره السيارة رحتله صعدنه احنه والحسن واخته. وهيه تصيح وتحچي وتحچي ولحسن هوه يسوق والأمير يمة واني بالنص وحمزة من صفحة واخته من صفحة دار الأمير علينة وصرخ

::-رحممهه للملائكههه رحميني الله يرحمچ رحميني ولچ سكتي من خرس

::-أييي اسكتتت شنوو انتَ وترزل بية شنو

دار بنص الطريق يريد يلزمها وهيه دفعتني عليه وصارت وراي وهوه من حرگته طگ الحسن

الحسن::-ومرض انا ياهي مالتي

الأمير::-اختك مو أختكك سكتها رحمه لدينك

::-مااا أسكت شعليكك ياخي شحارك دمك

الأمير::-نزلنيي أطبگ نزلنيي

همس::-وين ابقه يمنه لا تروح

دار علية لزمني من حنكي

الأمير::- وچف العباس اذاا سويتيها مرة ثانية أعدمجج العاافية

دفعة حمزة مني وحضني

الأمير::-وانتَ مووو طلعت من بيت الخلفك المن بعد مخليها أهناك اخذها وياك

سكتنه منه وحتى البنية سكتت وبقه يرزل بينه وصلنه لبيت حمزة وراحوا دخلنه وهو نهد علينة حتى اديان رزلها ويانة لأن باقيه وحدها ما قابلة تروح اهناك أساعة بال2 دخلت للحمام سبحت وفركت جسمي فرك وكل ما أذكر شنو الصعد علية تكش روحي أمير شويه أرتاح وخابر البنات علمود هيف

زهرة::-والله خويه هستوها يلا نامت

گمت منه أروح أشوف اديان غسل وگام يريد يروح

همس::-عاد بس أكل

::-ما أگدر خويه

بالگوة خليتة نام ساعتين وگعدة حمزة لأن گال نص ساعة وأحنا عفناه ساعتين رجع رزلنا مرة ثانية باسني وسلم على حمزة واديان وطلع ...

"سما"

من وره ما راح تخربطت مرة وبالمرة الثانية من اخذوني علگولي مقذي وأمي چانت متأكدة أعراض حمل لحد ما سوت تحليل وطلع صدك حضنتها أبچي

سما::-ماا أريد يمه شنو ذنبة بينه لو يعيش بين خلافاتنه لو على ساعة يعيش يتيم

::-سم الله يمه شمالچ مفاولة ألف عركه أصير وأصير وترجعون عادي

::-بس اني ما أريد

::-رزقق ربجج هاذا حرااام حراام

من دخل أبوي کعد يمي واني غطيت وجهي

::-بابا

::-عيون أبوچ وروحه

حتضن وجهي ومسح دموعي

::-خلي يولي خلي يتندم لأن نزل دموعچ

::-ما أجه

::-ماكو لا هوه ولا ولد عمامه وطاهر راح وراهم

شوية وطلعنه وبقيت لليل أخابر لا طاهر يرد ولا هوه لحد ما فرفح گلبي نسوان اخوتي يمي يسولفن واني مو يمهن اجو خواني گعدوا يمي لحد ما أتصل طاهر بال1 گال لـ صادق

::-جاي جاي خبصتني

أخذته منه ورحت للغرفه واني احچي وياه

::-وصاحبك

::-هاذا وياي

::-ليمت ترجعون

::-هوة راح يروح لبيت اخو اني راجع

::-خوش

سديته منه شويه توضيت ودخلت للغرفه فتحت القرآن وگعدت اقرأ وصلت أيه احسها لامست گلبي وروحي

::-يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ

شويه وسديتة حطيت أيدي على بطني تحسسه وگلت

::-يااويلك تطلع مثل أبوك

حطيت القرآن على بطني ومسحت عليها

::-يحفضك الي انتَ وأبوك الي يركض ورة الموت مو الموت يركض وراه

گمت نمت وحسيت بفرحة من حطيت أيدي على بطني تحسسه وضحكت غمضت عيوني أنام ولأول مرة أحس شي حلو بداخلي نمت ما گعدت اله على صوت سوالفهم وريحة الچاي الي داخله للغرفه گمت صبحت عليهم وگام طاهر فاتح أيده الي سلم عليه واني توضيت صليت ورحت يمهم گعدت نسولف ...

"ميليس"

من گعدت الصبح توجعني أيدي ورفل تريدني أروح وياها بس ما گدرت وراحت بس هيه شويه وخابرت مهرة ترزل بية سديته منها ورحت يم اليسع للبيت گعدنه نسولف شويه وراد يطلع طلعنة اني وياه وصار گدامنه سيف هستوه داخل للساحة وگفني انطاني غمصلة

سيف::-هاي مالت أمير عود من يجي وديها اله

انطانياها واليسع وصلني للبيت وراح واني خذت العلاگه من أيدة ودخلت گلت الهن گالت مُنتهى

::-شوفيها وصخه لو نضيفه علمود نغسلها ويه الملابس

گلبتهاا بيد وحدة على الكرسي طاحت وياها ورقه عفت الغمصلة على صفحة وأخذت الورقة أفتحها أقراها أباوع على البنات كونهن شافني أخذتها ورحت اقراها بالصالة مكتوب

::-ها عيني أمير ما أنساها دفترك بس يلا علمود الغمصلة شكراً دفيت بيها " أخت الحسن".

بقيت مصدومه رحت أخذت العلاگه والغمصلة من الصدمة نسيت وجع أيدي صورت أول الورقه وصورت الغمصلة وشميتها چان عطر نسائي

::-يمههه عزاا بعيني ان شاءلله خوش والله اني تضربني أذا ما فضحتك

أخذتهن رجعتهن لعلاگتهن ودزيتها الـ سما ما مرت ثواني ودگت علية

::-هااي شنو؟

::-ولعبااس ما مچذبه عليچ وهاي كلهن هستوه جابهن سيف وها بيها ريحة عطر نسائي

::-شوفي راح يمر بيچ واحد من الولد وديها ألي

"سما"

حسيت روحي راحت أعيد بالكتابة شاركت الصورة لطاهر كتبت اله "هاي الغمصلة الابسها البارحة أمير" أنتضرت شويه ورد كاتب"أي" حسيت گلبي أحترگ خابرته

::-هلا بعيني ونضرها شلونج سما روحي

::-وينك

::-بطريقي راجع لـ بغداد

::-شعندككك؟؟؟

::-شغل

::-شنووو خلص الشغل ورايح لـ بغداد

::-شكوو سما شبيج

::-البارحة مو بغداد شعنددك الييوووم هسهه تجي هسه تجي گلت والله العضيم أطر العمارة وأجيك أني

حچيت مفرفحة وسديته حتى بعدة ما مجاوب خابرت أركان وبالتواسيل يلا قبل يروح الهم ورجعت رحت لأمي گتلها بيش وصل طاهر

::-بال5ونص لو بال6

هزيت راسي وخابرت ميليس تتأكد بيش أجاهم أمير

::-تگول عمتي أم هيثم والبنات بال9

سديته حاطه أيدي على گلبي صرت يم البنات أريد التهي ما طولت ربع ساعة ورجعت للغرفة خابرته

::-وينكك وينكك

الأمير::-غضب الله على أميررر كلسااع وحدة مخابرته جااايججج جااايجج شصير حتى بعشر دقايق اوصلچ

::- شبيكك شبيكك منوو منو الگاعد تخابرك وياي منوو

::-منوو يعني منو هيف اكو غيرها

::-لا معروف انتَ شنو أكو بحياتك غيري وغير اخواتك شسالفه

::-شو انتِ ما تعرفين تحچين جاايج أنتضري راااجع لا دگن بعد

سديته مراً ساعتين وأركان جاب علاگه شمرها علية أخذتها للغرفة فتحتها ريحة عطر نسائي أخذت الورقه أقراها أباوع مصدومه ما طول ساعة وگالوا أجه أخذت العلاگه وطلعت وأخذت سچينة من المطبخ ولزمتني سارة

::-نعلي شيطان

::-الله ينعلك أمير

طلعت اله چان أركان يمه ومن دخلت طلع گام حضني يشم بشعري باسني فوگه

::-ها يروحه

دفعته عني وگتله

::-وين چنت البارحه من رجعتوا رجعتوا بالوحدة لا چذبب وين رحت بعدها

::-بعدني ترا ما حاجي

::-المهم

::-رحت لبيت أخوي

::-أخوك أسمه أخت الحسن

::-منين تعرفيها

هو گالها واني نهديت

::-سطركك الحسن أن شاءلله ولككك ولكك أميرررر

شمرت العلاگه عليه باوعلي مصدوم مني أشرت عليها واني أيدي ترجف وأحس عيوني راح تطلع

::-افتحهااا

فتحها شمر الغمصله وقرا الورقه حس وجه وعاين علية.

::-أولاً ما مچذب عليچ ثانياً چانت هيه ويانه ومن أنطيتها الـ همس هيه أخذتها وثالث شي ديرر بالچ تعيديهااا

::-أييي كلششش شعدهن وياكم همس شكووو ويااكم

::-لاااا صيحيين ولچ لا أصيحين خربب

::-أضررببب أضرببب بس هااي بقت يلاااا

دخلت أمي على صياحنا بعبايتها

::-شمالچ يمه مزين عليچ

::-خاابر أختك خل أتأكد

ما گال لا طلع تليفونه يخابر وأمي تهدي بينه وهو ما عنده غير كلمة سهلة يسد أيده ويعصرها ويرجع يفتحها.

::-ما ترد

::-أنطيني

گعدت أني أدگ وهيه ما ترد أمي سولفت وياه وأني گمت أفتر بالستقبال چني خبله

::-يمه أبنچ

::-منوو أبو شيطللع

ولأن هوه ما يدري بحملي من حچت أمي صدمته

::-شنو؟

::-يمه ما حاچيتله

هزيت راسي لا عاين علية واني بعدني أدگ عليها

::-مااكوو

طلعت أمي وهو گام يمي يتلمس بطني دفعت أيده مني وگلت

::-وخررر عنيي لااا تجي يمي أحچيي الصدگ أحچي

الأمير::-دخيلكك ياربي

حضني يبوسني وأني ما أريدة صرخت بصوت عالي وگتله

::-احچي أحچي بروح أخوتك

بچيت حضني يهديني باسني شويه وجاب لچاي أركان وگعدت يمه بالگوة علية وهوة سولفلي كلشي وضحك وگال

::-لزمت البريعصي وشمرته على همس گمت ودفرتها

::-اييي ليشش تضحك فوك ما ضاربهاا

حضني يضحك

::-ليش ما تگليلي

::-البارحة عرفت

::-چان خابرتيني

::-مو بحالك

سندت راسي على كتفه وهو حضني فرحان

::-خل ترتاح خالتك لا تنسى تگول الها

شويه ودگ تليفونه عاين لگاه همس أشرتله رد رد عليها سلم گال

::-هاي سما يمي تريد تعرف البارحة شنو صار.

::-امم ليش؟

سألتها وحچت وچانت تحچي بذمه وضمير وتگول

همس::-عبالكك مسلسل أكشن نوب هاذا رجلج مدري شلون ملثمه ما مخليه شي وربج لحد الان أحچي بي

گلتلها على حملي وهيه من الفرحة ما تعرف شسوي ضحكت

الأمير::-على كيفچ لا طيرين

همس::-شراايحلي لو طرت خبر يجننن

شوية وسديته منها وگلت

::-صدك والله هيچ

ما جاوبني سحبني عليه گال

::-أرجعي وياي

دفعته مني ضغط حيل مثبتني دنگ باسني ملت راسي عليه

سما::-أمير

سحب شعري يشتمه وهو ما يجاوبني رجع باسني

::-إمير أهلي لا يدخلون

الأمير::-عيونه وگلبه للأمير

دفعته عني أعدل بروحي وهو باقي صافن گعد يمي حط أيدة على بطني وگال

::-تجي بت أبوها وساعتها أني عرف شلون خليچ تتندمين

::-ولد

::-أنشوف

::-صدك تريدها بنت

::-رزق ربي يا محلاه

شويه سولفت وياه نسيت حتى زعلنة

::-گوم طلع برا

::-شمالج

::-گوم أطلع برا أمير

گمت رحت گبل للغرفة وگلت لأمي

::-طردي يمه طردي

راحت أمي گعدت يمه هيه وأركان شويه وراح ...

"ميليس"

مراً ثلاث أيام وبل رابع داومت وچان عندي متحانين مأجلات وأمتحان لا وأحتاريت شلون أكتب وصلنه للجامعة ودخل ويانه يحچي ويه رئيس القسم واني أحس روحي أريد گله أرجع من راد يطلع رحت وراه

::-رجعنيي وياك ما أگدر شلون

::-أوووف منچ أنتِ ما تردين بعد شهالملحة الزايدة؟

::-فدوه خل أرجع حتى أيدي گامت توجعني

::-رفل أخذيها

سحبتني رفل وياها نزلت راسي

::-بس سيارته تطلع أشرد وأروح لأخوالي

::-يمه ستري علينة

::-شلون أجاوب چا

ألتفتت على صوت مهرة

::-ميلووو

قابلتها بابتسامة بس هيه چانت الضحكة شاگه حلگها حضنتني ودخلنه لأول متحان بس صارت عركه بين مهرة لي تريد تكتبلي وبين الدكتورة الي مقابلة

::-شلوون يعني غير شوفت عينچ أيدها مخيطه

گامت تحچي والدكتورة سحبت ورقتها وكتبت عليها غش وگالت

::-طلعي برا

گام واحد من الطلاب وگال

::-مدامج ما راضيه أنتِ أكتبيلها

گمت ويه مهرة

::-عليمن حارگه گلبچ

::-ولچ خبيثه خبيثه مو الدكاترة والدكتورات البقيه قبلوا ليش هيهه لاا ليش

تحچي مفرفحة أنطيتها الورقه گالت

::-أسمچ

گلت الها أسمي كتبته هيه والطلاب كلها ما قابلة على تصرفها گالها مارتن

::-انتِ شنو اختلافچ عن الكل حتى ما تقبلين ما ينسكت الها هاي وراح أقدم شكوى لـ رئيس القسم وأذا ما نحل الموضوع ساعتها أوصلها للعميد وأوصلها رئاسة الجامعة هم طالعين أحنه

سلم الورقه فارغه هوه وصاحبه وبنت يمنه همه وباقي الطلاب لا كملوا أمتحانهم وأني ورفل ومهرة طلعنه برا أني ضجت من روحي گعدت أريد أحد يجيني دزيت التلفون كتبت

::-مهدي أذا تگدر تعالي بسرعة

وطفيته أمتحنه الأمتحان الثاني ومهرة أجت گعدت يمي تكتب وسلمت الورقه گالت الدكتورة

::-خو ما غششتيها

::-وداعت عيونچ لا

::-صدگتج

::-أروحلچ فدوه لو كلها مثلچ چان الدنيا بخير

طلعنه إنراجع لأن عدنه متحان أنحطت گدامي ورقة أخذت اقراها چان مكتوب السيد عميد كلية *** المحترم طلب مساعدة بسبب ظرف صحي ...

قريتها ورفعت راسي عليه ومهرة سحبت الورقه وأنطتها اله

::-اي قابلة

سمع جواب مهرة وأخذها گال

مارتن::-ما أجيت أخذ رأيها بس أشوفها

أخذها وراح ومهرة راحت وراه وهيه تگول

مهرة::-أيييي راح تعلگ

ميليس::-هم بسببهم أجيت أموت وهم ما يقبلون

رحنه للقاعة لگال عليها گعدنه أحنه السته لأن چانت مهرة ويانه أول ما دخل سلم گال

دكتور مهند::-بيل شلون صارت أيدج

صفنت بوجه ما مستوعبه وأنتبهت لـ مارتن مبتسم ومهرة ضحكت وهو گال

::-العفو ميليس

::-الحمدلله

::-وانتِ بابا شكو

::-اكتبها

أشر على الباب وگال

::-لا روحي الي يكمل من الطلاب يكتبها

خزرته وگامت تطلع وربدت على كتفي

::-بالتوفيق بييل

رفع عينه عليها وهيه بتسمت وطلعت بلشوا الطلاب يمتحنون كل واحد أسئلتة گدامه خلص مارتن أنطاه وراح للباب يطلع صاح عليه الدكتور

::-مارتن كتبها

خرب بالحض الي خلاني اتعارك وياك وغلطت عليك طلع أخلاق وأدب واني شنو بالمقابل رجع عليه فر الكرسي وگعد واني أحچي وهو يكتب لحد ما گلت كلمه كتب غيرها

::-ليش

::-غلط تردين أرجعها

اكو سؤال بقيت بي وتأخرت رفع راسة علية عاينت بعيونة أذكر وهو صفن بوجهي نزلت عيني عنه وهو هم نزل راسة و گالي أول كلمه وأني نطلقت بيه

::-عفيه

راجع أجوبتي وياي وگام سلم الورقه گتله

::-أسمي

::-مكتوب

طلعت وره شويه دخلنه للمحاضرة القبل الأخيرة اجه واحد للقاعة مدري شحچه ويه دكتور

::-ميليس طراد

دارت علية مهرة

::-شكو

هزيت راسي كلشي ماكو طلعت لگيت مهدي گدامي ضهرة علية

::-مهدي

::-ها يروحة

أبتسمت

::-البنات كملن

::-لا

::-تعالي نطلع للمطعم ناكل

أخذني التفتت على صيحة مهرة

::-ليش طلعتي

::-خفت طلبچ العميد وطلعت اني

مهدي::-رفل وينها

دارت تحچي وياي ما مهتمه أله

::-مو احچي وياج

مهرة::-أني رايحة لأن بعد ما يدخلني الدكتور

عاين عليها رافع حاجبه بالطلعة من رجعنه خابر أبوها وگاله بتك أني أرجعها خلاها صافنه

مهرة::-شلككك شغلل انتَ

ما حچه شي صعدت اني گدام وسرور ورفل وره وهيه ما تقبل رجع خابر على أبوها وأنطاه الها تحچي وياه وصلنه لبيتنه ورجع يوصلها ...

"مهرة"

أخذني يرجعني بنص الطريق صفط بطريق مقطوع ما بي ناس يادوب السيارات التفوت نزل فتح الورة وکعد يمي فتحت عيوني راجعة ليورة لزگت روحي بالباب خفت

مهدي::-احچي ما جاوبيني شنو معناها؟؟

مهرة::-گوم رجعني وخليك گد الأمانة

مهدي::-أحچييي؟؟

همست وأني ضاغطة بالگوة على أعصابي

::-رجعنيي گلت رجعني

سحب أيدي يتلمسهاا وسحب وصعد أيدة الراسي وأني صرخت منهاارة أبچي بصريخ أبتعد يمسح بوجها

مهدي::-ما سويتلچ

مهرة::-غذررر واحد غذرر انتَ ترضه أحد يلمس أخواتك هيچ ترضههه شيء أكيد لا بس بنات العالم أي عادي

دفعته وضربته بقوة على وجها ونزلت أركض ما هتميت لأي واحد بالشارع وركضت بكل قوة أسويها ألك عشاير لو ما أخواته واگفات بعيني ومن شارع لشارع من دربونه لدربونة ضعت التفتت لگيته بعدة يركض شلت طابوگه وضربتة بيها

::-ما سويلج شي

::-خابر أبوي

::-مااا أخابر

مهرة::-خوش أنتَ الردتها

::-شنو

::-ياااااا نااس ياا عالم الحگونييي

ركضت واني أصيح لزمني وسد حلگي بيدة يباوع علية وخرها وأخذني يركض للسيارة لأن تأخرنا

مهرة::-أسويهااا عشاير اذا ما گلت لأبوي شوف

واني أيدي ضامتها ترجف وگول بگلبي مو مثله مهدي مو مثلة لحد ما وصلني للبيت ركضت للغرفة غفلتها وصرخت أبجي حسيت گلبي گام يوجعني ...

"همس"

مر كم يوم بعد هذاك اليوم الشئيم الي خلاني أعيدة على ميراڤ وأمها ألف مرة چنه طالعين راجعين للبيت حاصرنة سيارتين درت أرجع ما عرفت أصرف أبد وصرخت ميراڤ نزلوا مأشرين أسلاحهم علينة ما لحگنه نحچي أي شي ومد أيدة حطها على وجهي خانگني بشي بأيدة وبعدها ما حسيت اله من گعدت بعد وقت كلش طويل وچانت ضلمة كلشي ماكو ما عرفت غير من أنفتح الباب وضهر ضوة دخلوا ثلاث رجال ملثمين ووياهم دياب مدمه شمروا يمي صرخت بصوت عالي من الخوف والدهشه ...

يتبع ...

راح يصير تأخير بالبارتات بسبب الدوام أرجوا المعذرة وأحتمال تتوقف