تحميل رواية «مزهق للإقتصاص» PDF

✦ مزهق للأقتصاص ✦

✦ بقلمي: رمش عقيل ✦

❖ تصويت لطفاً ❖

✦ ━ ✦

بين النصل والرماد.. حكاية لا تنحني

​عاتية كالإعصار..

مستبدة بكبريائها وعصيّة على الانكسار.

​في غياهب السكون الموحش

تكمن روح صقلتها النيران. تحارب في صمت وتقتات على الصبر. هي التي لا تعرف الاستسلام قبلة فالحياة عندها معركة دائمة وعقلُها ضجيج من الخططِ التي لا تهدأ.

​لكن القدر شاء أن يحيك لها ثوباً من سواد زوايا حياتها مُظلمة

وحريتها مكبلة بقيود الماضي. تسير في طريق مجهول الملامح لا تدري أهو ممر للخلاص أم هو الهاويةُ بعينها.

​هي القوية التي لا ترجف لها عين أمام هول المواجهة تخوض غمار التحدي بقلبٍ صوان ومن هنا..

تنبثق رواية لا تخضعُ لمنطق النهايات وحكاية تمردت على السطور

​فهل يبتلعها هذا الظلامُ للأبد؟

أم أن للحب سطوة تُعيدُ صياغة القدر وتكسر قيد الاقتصاص؟

ماذا تخبئ الفصول الأخيرة؟ وهل ستكون الخاتمة بَلْسماً للجروح أم ناراً تأكل ما تبقى؟

'مزهق للاقتصاص'

✦ ━ ✦

✦ ━ ✦

المـشـهـد 𝟏

✦ ━ ✦

كان الشارع كفم مفتوح

يبتلع أصوات الحياة ويشكو من صرخات الفوضى.

السماء كانت غائمة كوجه حزين،

تحمل في طياتها شبح العواصف القادمة.

البيوت كانت كحراس صامتين،

تشهد على الأحداث لكن لا تتحدث،

بينما الأضواء الساطعة كانت كنجوم ضائعة في مدينة بلا سماء،

تحاول أن تجد طريقها وسط الفوضى.

اقتربت منهِ وأنا أتسائل

::- إنت سامع شكاعد تكول؟

ضحك بخفة

::- ومتأكد

هزيت راسي وابتسمت

::- يعني تريدني أروح مؤبد  إذا مو إعدام؟

::- وإذا ما قابلة؟ تره خيرتج بين اثنين.

::- لا… قابلة.

ابتسم ابتسامة خطرة

::- هسه صرتي فريسة بيدي يبنت الطرماح

رفعت حاجبي باستخفاف

::- والله؟ لهالدرجة مرعبتكم بنت الطرماح؟

::- يلا بلا حچي زايد توكلي.

قرب وبدأ يشرح الخطة وهو يضحك

واضح مستمتع بالموقف أكثر من اللازم.

::- يمكن هاي آخر مرة أشوفج

ضحكت

::- شلون عرفت؟ يمكن صدگ!

ضحكت منتعشه وهو يباوع ويخزر خليت اصابعي الابهام والسبابه بين فمي وصفرت وهو يصيح واني منتعشه بصراخه لي طلع ويه اصوات سيارات الشرطه.

كانت ضحكتها كنسيم ربيعي يرقص بين الأزهار تملأ المكان بالحياة،

بينما كان يباوع كأن عينيه مصابيح تبحث عن مخرج في ظلام الليل.

تبحث عن الهدوء في عاصفة من الأصوات،

بينما صرخات سيارات الشرطة كانت كصرخة عصفور محبوس تتردد في أذان الجميع.

أما الهروب فكان كسراب في صحراء

يلوح بالأمل من بعيد لكن الوصول إليه مستحيل

وقال الله تعالى:

﴿إن كيدهن عظيم﴾

✦ ━ ✦

المـشـهـد 𝟐

✦ ━ ✦

طلعت وچانت ضلمة كلشي ماكو كلشي ما يبين يعني اذا طلعت راح أضيع وهالحضة أجت كل افلام الرعب الشايفتها وگعدت بالباب أبچي وأشوف دم على ملابسي ولازگ بيدي گمت أبچي بصوووت مكتوب وگمت أردد

::-بسم الله الرحمٰن الرحيم قل أعوذ برب الفلق من هالأفكاار ستغفر الله

الله صخرلي هالفرصة مو علمود اگعد ماكو فرصة تتكرر گمت بسرعة وتغلبت على كل مخاوفي واني أردد

::-حسبي الله لا إله إلا هو عليه توكلت وهو رب العرش العظيم

وبكل خطوة أردددها أجيت أغفلة عليه بس وگف بعيني لأن ماخذة تليفونه وداچته طلعت شغلت ضوة التلفون وركضت بكل سرعة أحس روحي ضايعة ومن سمعت صوت ذيب گمت أبچي من كل گلبي صوته بعيد والله لو وصلني يسويني لگمتين

::-الله لا يوفق الكان السببب حسبي الله بيكم

ركضت وما أعرف رجلية وين ماخذتني لمكان زين مو زين المهم أريد أشرد علمود ما يوصلني اذا گعد رجلي أحسها راح تنخلع ورمت من الحذاء بس تحملت وبقيت أركض شفت أشجار او بستان ما أدري رجلي أحسها راح تنخلع گعدت وراها واني أريد أذكر الدعاء المحفظته الي امي علمود يحفظني من صغري ولهسه بس راااح من بالي

::-أستغفر الله ربي

گمت أردد بسورة الكرسي

::-بسم الله الرحمن الرحيم

اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَوَاتِ وَمَا فِي الْأَرْضِ مَن ذَا الَّذِي يَشْفَعُ عِندَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ صلے وَسِعَ كُرْسِيُّهُ السَّمَوَاتِ وَالْأَرْضَ وَلَا يَئُودُهُ حِفْظُهُمَاوَهُوَ الْعَلِيُّ الْعَظِيمُ

گمت أردد بيها وگمت أمشي بتجاه الطريق الچنت أمشي بي واني الخوف يدبي بگلبي سمعت صوت قريب علية درت أتلفت من گدامي يجي الصوت رجعت أريد أشرد بس يسمعوني تجمعت الدموع بعيوني يااارب دخيلك صرت ورة شجرة شهگت واني أردد بگلبي قل اعوذ برب الفلق قل أعوذ برب الفلق ما أحس أله صار ضوة بوجهي فتحت عيوني على وسعها وبچيت ملثم ما مبين منه شي يعاين علية اني مضوية بوجها وهو مضوي علية من انتبه على ادية اليابس عليها الدم وعلى أرداني صاااح

::-اللهم صلِّ على محمد واله محمد ...

✦ ━ ✦

المـشـهـد 𝟑

✦ ━ ✦

-سحبت فوني شغلت الفلاش بديت اقترب من اضواء واصوات كصوت الأنسان حاولت بأقصى سرعة امشي علمود لا انشاف لفيت الثام عدل بعد ما تأكدت انو احد وراي بعدت عنه شوية همست

::-تسمعني

::-ويااج

::-شافوني

::-الشفرة ودخلي وسوي التفقنه عليه

::-تم

-سحبت السلاح وحطيته بالاحزام ضبطت الثام وكفت من صاح احد التفتت عليه

::-منو انتَ

::-من طرف*** الشفرة**

::-تفضلي

-دخلت مكان كان عبارة عن غرفه كبيرة مهجور وباطنها بعد غرفه.

::-حطي البيدج اهناك

رحت للمكان لي أشر عليه شبه ضوء بي مشيت متجها لشيء الگالي عليه بعدني جاي اسوي اول خطوة

::-وصلت

::-شنووو منو الوصل

::-لبنت الطالبها ريس

-حسيت هاي هيه انتهت حياتي راح اروح بيها باوع علية ورجع باوع للرجال

::-شنووو

::-هاي البنت اجتي

-باوع علية ورجع باوع عليه

::-دخلها

تجمدت اللحظة في ذهني وكأن الزمن توقف. شعرت بقلبي ينبض بقوة، وكأن كل نبضة تحكي قصة الخوف والقلق. عندما وجهت الاسلحه نحوي ونحوها كان هناك صراع داخلي

تسارعت الأفكار في رأسي كل واحدة منها تتصارع مع الأخرى أصوات الطلقات من الخارج كانت كأنها تصم الآذان، لكن في داخلي كان هناك صوت أضعف، يحذرني من العواقب.

عندما انطلقت الطلقات، شعرت بجسدي يتفاعل بشكل لا إرادي، وكأنني في حالة من اللامبالاة. الركض لم يكن مجرد حركة، بل كان هروبًا من أفعالي. وعندما رميت على رجله، كانت لحظة مثل السكون في العاصفة. تلاشت كل الأصوات، باستثناء صوت أنفاسي المتسارعة بدأت اركض الى الخارج بسرعه وشفته جاي بتجاهي سحبني وياه وركض ويضحك منتعش بالجو والهوى البارد لي يضرب وجهنا

::-رااح انموتتت اهنااا وانتَ تضحك على صخام وجهكك

::-لاا وجهج

-ركضنة والطلقات اثور والاصوات ولا اعلى نركض وما نعرف وين وهنااا صارت اصوات سيارات تقترب من عدنه وكف وهو يگولي

::-هاي هيه انتهينه رحنه بيها هالمرة

::-لاااا تكولهااا فدوة

سحبني ركضنا من غير طريق وهنااا عن حق انتهينا من شفنة بال6 ارجال قابلونه نفس لي كانو بالغرف المهجوره يرتدون ثياب سوداء.

وبينما هو كان يبتسم أدركت أنني كنت أواجه أكثر من مجرد موقف خطر كنت أواجه نفسي تلك الابتسامة كانت كالسيف تذكرني بأنني لست وحدي في هذه المعركة لكنني أيضًا لم أكن أعلم ما الذي ينتظرني بعد ذلك...

يـتـبـع …

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

༺_______༻

نسل السيوف إحنا.. يبرد الثار لو مرت سنين وطال كل يتيم شال سيفه وگلبه مشى مشعال

يربى على دمع أمه.. ويحچي بثار رجال

ما نغفر الطيحة ولا نسكت بليل

يصرخ يتيم الثار.. نكتب وصايا الموت

ونضحك على الفتنه... 👇

"نسل السيوف"

"♕♕"

"♕♕"

وآخر لحظة صاهود يسحب للأمام يتقدم نص خطوة ربع خطوة والخط النهائي گدام بصرخة وحدة من يمنه

::-فااااااازتتت

ابن العلوية نزل باوع على هيف عيونه تتلألأ بنظرة نادرة هيف نزلت من على الخيل تمشي بخطوات سريعة بس مو متسرعة بوجها خليط من الفخر والتحدي وعيونها تتبع حركة ابن العلوية وترجع شعرها ليوره

مسح على رگبت الفرناس وبعدها التفت لـ هيف

ابتسم ابتسامة خفيفة نادرة عليه

وگال بكل هدوء واحترام

::-مبروك يالخياله تستاهليها

هيف عضت شفتها من الفرح مو لأنها فازت بس لأنه گالها بكيفه وبصوته وبدون لا أحد يدفعه

گالت له

::-انته اللي علمتنه نركب الخيل شلون أفوز وما أگلك شكراً؟

ضحك هالمرة بصوت أوضح وگال وهو يرفع حاجبه

::-آني علمت بس صاهود حبچ وهواي فرق بين اللي يتعلم واللي يتنفس الخيل.

سحب شيء من جيب الدشداشة وانطاه الها محد شافه بس ايده مدتها الها بهدوء

::-خليها تظل يمچ مو كل فوز ينوصف بكلمات

راح منطينا ضهرة بس رجع اندار علينه باوع علينه وگال

::-ميليس

هيه ميليس من مساع خايفه لأن لا گالتله ولا گالت لـ زهرة بعتبارهم المسؤلين عنها

باوع عليها وبعدين على مهدي وگال

::-تعالي وياي وانتَ المهتلف اكضك اكضك واعلمك شلون من اودي عليك ما تجي او تعالن اوصلچن وانتم نضفوا الأسطبل لا اروح وگل الشدهان عليكم.

راح راحت وراه ميليس تمشي بصفه واحنه درنه على شعيب بعتباره هو لي تكفلنه وجابنه اشر براسه روحن رحنه وراه اخذنه للبيت ودخل ويانه حاچه امي گال اني طلعتهن لأن يدري بسوالفنه من نطلع بدون محد يدري بالاخر ننجلد كملنه شغلنه باليل كعدنه وحجينه ويه هيثم جابلنه تليفوناتنه...

"في أحد محافظات العراق"

::-خالو حبيبي بس هالمرّة والله بس هالمرّة

::-لا ماكو

مديت إيدي على إيده وسحبته بخفة وخليته يكعد على التخم وگلت له بهدوء

::-خالو كلشي يفدالك شبيك ليش هيچ

وفجأة گام من مكانه وصوته أول مرة أسمعه عالي بهالشكل رجفني

::-گلت متروحين يعني متروحين مفهوم؟ وإذا عاجبچ تعاندين وتكسرين كلمتي تفضلي روحي

رشمر كلامه مثل السهم وما انتظر رد دخل غرفته وسد الباببقيت واگفه عيوني على باب غرفته وگلبي يتفطر شنو اللي صاير؟

ما ردّيت علي ولا سألت أحد بس خذت بصمة السيارة وطلعت.رحت لمكاني المعتاد المكان اللي ألجأ له لمن أتعب من كلشي وگعدت وحدي ظليت لحد ما الشمس غابت والليل بلش يزحف

هواي أفكار براسي بس فجأة انتبهت إنو تلفوني اشتغل ناسيته على الصامت.

::-الو

::-خالو وين صرتي

::-هسه مسافه الطريق

::-منتضرج

سديته ومسحت وجهي ركبت السيارة ورجعت للبيت تلاگني مثل كل يوم كعدنه اني وياه جان طالب اكل اكلت ع صامت بس هوه لا جان بس يباوعلي ويريد اشاركه بأي حديث مثل كل يوم

::-خالو شبيج

رفعت اكتافي بمعنه

::-ماكو شيء

::-زعلانه لان كتلج ما تروحين روحي والله ما احجي بس المهم لا زعلين غاليتي ورحي انتِ

::-لا والله شنو هيه علمود الروحه ما خليت مكان ما رحتله داخل العراق وخارجه وهسه علمود هاي المحافظه ازعل؟

::-لعد شبي وجهج مغيم

::-تعودت على دلالك ما تعودت يجي يوم وتصيح بوجهي

::-حقج عليه يبعد خالج بس والله خايف عليچ

سكتت بس من شفته ضاج گلت بنبره شبه عاليه

::-اووووييييي اكزكزز عليكك من اصير لطيف

::-روحي انتِ

::-خالوووو

::-وجعع بگلب عدوج

::-حبيب عمريي خالو مزمزه ليمت يجي

::-ما ادري

::-هسهه كله من وراكك مو عندكك موضفين والامه كلها تشتغل عندك المن تودي اخويي هاا

::-ولجج اخوجج ابني

::-اي ولا تنسه ابنك اخوي

::-خالوو مو راح اكوم

::-هيه بقت عليكك هوه اني صايرة مكفخه ياهو الاجه وضربني

::-ياهووو ضاربجج بس كولي اشري

وغمزتلة واني اكول

::-خالوو دلال زايدد اني لي كاضه العالم مكفخه يعني تتخيل مجرد خيال واحد يمسني

::-خالوو انتِ بلاء

::-اوييي شوئرااااً ههههههههه

كمت واني اضحك لان نرفزته من هالكلمه كمت وسويت چاي حطيته ورحت شلت الاكل خليت الباقي بالثلاجه وجانت ماكو شيء للغسل كملت الجاي واخذته كعدنه نسولف

::-خالووو اريدد مزمزه

::-باجر حمزة ويوشع يمچ

::-لا بس حمزة يوشع خلي يولي ماأريده عدواني بعدد كرهتهه اكوله خل نطلعع ميقبل اكوله وديني الكذا مكان ميقبل

::-خالو التحجين عنه ابن اختي عيب خالو عيب استحي شويه

::-خالو مو جن انتَ هم صاير عدواني

اخذ الكوشه راد يشمرها وشردت اركض للغرفه خابرت حمزة ماكو مرة مرتين بالثالثه يلا

::-ليش متردد

::- السلام عليكم حمزة عنده اجتماع ويه رئساء.

قبل لا احجي سده بوجهي طاحح حضكم حتى ماعدهم احترام ومنو يكدر ياخذ الفون مالته .

رحت نمت ثاني يوم كعدت باوعت الساعه بال12 طفرت

::-عزااااااا خالوووو

وسمعت صوت حمزة

::-خالج مو اهنا

::-حممززة

ضحكت وركضت وهو يضحك فاتح ايدي الي حضني وباسني

::-يروح حمزة وگلبه انتِ

::-ليش تأخرت ومن اخابر متردد شمعنه هااا

::-انطي فنتك

::-ولييي لا تحجي وياي

سمعت الباب يندگ راح فتحه واني اخذت ملابس ودخلت الحمام سبحت طلعت دورت الابتوب ماكو اكيد اخذهه خرب بعدك مجيت استلمته طلعت اريدد اصيح شفت يوشع كاعد عفست وحهي

::-اهووو هاي الفصول التعبانه اجوو وكضو البيت جيبوو الابتوب مالتي

::-لاا همس حبيبي مالتي نسيته بروح اهلج خليني اكمل التصميم عندي كومه شغل

::-معليه مالتي ما انطي جيب

::-زين تعالي انتِ مو تعرفين اصممين تعالي هاذا اكعدي يمي واني اكلج وانتِ اسوي

::-موو اشتغل عندك حمزة بدون مشاكل انطيني لابتوب حبيبي بدون مشاكل يلا ياعمري احسن ما يعطل مثل ذاك عندكك كوم

::-خوش اخذي يوشع كوم روح للشقه مالتك جيب لابتوبك

::-كممم لكك لو تموت

::-كوم ياخي كوم

دار عليه يوشع

::-همس الملفات لي كلت الج عليهن تكمليهن كملتيهن جيبي الملفات اريدهن صارلهن سبوع يمج اكيد كملتيهن

-باوعتله واني احك بخشمي

::-ها شنو يا ملفات

::-همس افين حضج اذا تكولين ما مكملتهن

::-صدك بالله اذا اكلك حتى ما ادري بيهن والله هاذا السبوع كله چان عندي قضايا وشغل كومه ولا لحگت اشوفهن

::-ولججج همس الله يهفجج بطركاعه يهمس

::-والله نسيت

-كمت اباوع برائة بوجهة

يوشع::-شوف البرائة لي بوجها وهي تاخذ بليس دورات تعليم

::-هههههه كول والله شبيك كل هالبرائة وتكول عني اعلم بليس

::-كومي دوريهن اريدهن عندي شغل بيهن باجر

::-واالله ما ادري شبيك تعال اندورهن

::-استغفرالله هسهه اني بيه مرض اثق بيج كومي امري الله اندور اني وياجج

-بلشنهه اندور وهو عبالك ما يدرو اعليهن لا يعاركك واني اضحك من جوه الجوه

-كمت ادور بالغرفهه وصحتت

::-لكيييتت وااااحدددد

عفته ورحت ادور الباقيات لكيتهن بعد هلاك جبتهن وكعدنه نسوي بيهن اني وياه ويوشع كملت واحد وشمرته عليه بعد هلاك كملت ثلاثه اجه خالو واحنه بعدنه على نفس الكعده كمت اريد اعدل ضهري

::-اخخخ ضهريي

يوشع::-كومي انتِ سويلنه عشه

::-والله ولا اكوم خدامه عندكم؟

غمزلي وشغل الفون وكأنه حاسني گلبي شراح يشغل فيديو ل جنه مقداد "جننتوني" وگبل قدمه على مقطع

يوشع::-نحنا خوانك الاولاد وانتِ البنت الي بالبيت ما في غيرك همس طه لو في كمان بنت كنت بناديت تعالي روحي اخذي معك جيبي معكك

غمز لحمزة علمود يكملها وياه

ثنينهم::-يلاا تعاليي روحي اخذي معك جيبي معك

يأشرولي علمود اكملها وياهم واني بعد چتني طنگوره

::-خالووو

::-حمزة اشتعلت روحك على روح شويعع كومو انتو سوو اكل وانتِ خالو كومي تعالي يمي

سويتلهم على عنادكم رحت يم خالو سلمت عليه وكعدت يمه كمت اسولف

::-صدكك

::-خير

::-ليش اليوم ما كعدتني ادوام

::-كلت ل حمزة يكعدج

::-عزااا محد كعدني وراحت علية هسه ميراڤ اطيح حضي بس احسن

::-ايي مو اني اعرفها ولككك حمزة

::-ولعباس بويهه جذابه كعدتها وتكول ما عندي شي

::-والله جذابب ما اذكر خالوو

::-لعد انتَ تگعدها مرة وحده وتريدها تكعد بطران بويه انتَ واحد بطران

::-هسه خالو عوف الدوام يولي اريد اطلع

::-كومي يبعد خالج اني عندي كم ابنيه كومي جهزي نفسج

::-تطلعع وياي وبدون حمزة ما اريده خله يولي

::-حمزة يولي

ضحكتتت من گلبي من صرخخ حمزة

::-ولجج انتِ من صرتي واجيتي لحياتي ابوي كرهني

كمت جهزت نفسي لبست ابلوزة شيفون انيقه بيضه وطلعت التنورات واحتاريت بين التنورة الجوزيه والسودة والرصاصيه بعد احلى اخذت السودة لان شكلها انيق اكثر وحلو اخذت قلادة بسيطه وبسطال ابيض وطلعع يجنن ولفيت شعري ولبست الحجاب وخليت شويه مكياج عدلت نفسي وطلعنه اني وخالو وحمزة ويوشع چان رايح ماكو على حسب كلام حمزة ل خالو كال

::-خابروه وطلع مستعجل تصلت بي ماكو بقه بالي وياه حتى خابرت ماكو

سكت خالو ما يعرف شيحجي مشينه للمطعم تغدينه وخالو فتح موضوع اديان

::-ليمت ناوي ترجع مرتك

ماحجه بقه مدنگ ياكل

::-اني مو احچي وياك

همس::-خالو عوفهم على راحتهم

::-الاوين ياخالي البت راح يصير الها سنة هيه عد اهلها ما تريدها اطلگها بت خالتك اني ما ارضى عليها

گام بدون ما يحچي يريد يروح لزمته من ايده

::-اكعد حباب صار كومه ما شايفتك

رجع كعد

::-ماا تحچيي

::-شنو شحچي اذا هي ما تريدني اني شبيدي عليها عود من اكمل شغلي اروح الها ولي تريده يجرالها

::-خير ان شاءلله

غيروا الموضوع وگاموا يسولفون بتفاصيل عاديه شويه وطلعنه رحنه نمشي على نهر دجله والنوارس لي جنن والهوى والهدوء كان يجنن بعدين رحنه للمول واشتريت ما خليت شيء بنفسي واني وحمزة نضحك لان خالو ما يحجي ويدفع وهو ساكت اخر شيء

::-خالو اذا متكول كافي ترا ابقه الباجر اشتري

::-يروحلج فدوج كل مالي

همست يمه

::-موو كلكك راح استهتر واكوم ما اسمعك كلامك ساعتها تكون انتَ السبب

::-يروحلج فدوه حمزة سوي ليعجبج

اخر شيء رجعنه للبيت هلكانين وميتين تعب المغرب وكفت صليت وتمدتت اباوع بالتلفون شفت مار وقت اهواي الساعة 8رحت لغرفة خالو دكيت الباب على كيف

::-أدخلي

فتحته واني مبتسمه

::-عبالي نمت

::-بعدني كاعد

::-اسويلك عشى

::-لا راح انام وانتِ هم روحي نامي علمود باجر اداومين لأن اذا ما داومتي ميراڤ تجينه هدادة

هزيت راسي اي واني اضحك طلعت من الغرفه وشفت ماكو ميجيني نوم رحت لغرفه حمزة جفتت عليه جفت بدون ما ادك الباب لكيته نايم رحت يمه على الجربايه هزيته من كتفه

::-مزهه مزموزه

::-همم

::-كومم ويايي اريد اطلعع

ميجاوب كمت ادغ ادغ بي اريده يصحى ماكو مايقبل اخر شيء لف راسه بالبطانيه

::-وليي صوجيي اني منتضرتكك صارر اسبوعع

خابرت البنات وسولفت وياهن شويه و سديته منهن طلعت افتر بالببت فتحت الأنستا شوي ورحت انام…

"اديان"

اخذنه الخبز ورحنه اني واديان نخبز بالترك بالتنور الطين لمينه الحطب وشعلنا وخلينا يهفت وكعدنه ثنينه ندولج جو ثنين يركضون لمحناهم مهدي وسيف

::-اديان بروح اهلج جوعان

اديان::-بعدنه ما خابزين

مهدي::-جاا نموت بالله گليلي نموت

زهرة::-يا بس اخبز شمالك تموت

مهدي::-ايي يكول الشاعر

سيف::-شيكول

مهدي::-دگلي الصابنه مكتوب.. يو عان

وشسوي للدليل بساع

سيف::-يو عان

مهدي::-صرت خبزه وطحت بفچوچ یوعان

تخيل بالأكل شيصير بيه

سيف::-لككك هالله هالله ولك صاير شاعر من وراي

واني ادولج واديان تخبز ونعاين الهم

مهدي::-جا اسمع

اديان::-هاا هاا كافي كرهتني بعيشتي روح كول ل ريفان اصبلك واني هسه اطلعلك الخبز يجيبه وراك سيف

مهدي::-بت عمي العزيزه ماكو منج چا مثل اختي كالها وهو يأشر عليها

زهرة::-ضايع بيك كلشي اسوي.

مهدي::-ههههههه

راح وهو يضحك ويدزلها بوسات بالهوى.

"ريفان"

كملنه الساحه ودخلنه للحوش كعدنه على المسطبه مال الحديقه فحطانين

هيف::-اخخ خرب روحكم وروح اليكعد يمكم ادري شنو من بيت هاذا لو قصر الملك هم مو هيج يتعب.

ريفان::-اسكتي عني كلاتي كامت توجعني كومي جيبيلي مي بربج

هيف::-لو يجي ابوج وابو بوج ما اتحرك منا خاب طيري

::-خبيثهه وجلبه

اجه مهدي يأشر النه بيده

::-كومن سولي اكل جوعان

هيف::-اسويلكك سم وزقنبوت تريد

::-يسمجج كومييي لجج

هيف::-شايفف وحق كل حرف نزله ربك ما اكوم بعد

::-ريفانوو

::-خااف نعالو كممم لككك

مهدي::-وعليي ميت جوع

هيف طفرت من مكانها

هيف::-خوش واحلى اكل لأبن عمي الكبد بس شوف تغسل الحوش وهسه اسويلك احلى اكل مرتب

رفع حاجبه ما راضي

ريفان::-اييي.

اجه سيف لازم الخبز بيده

هيف::-شوووف شلون خبز حاار هالله شدكول

هز راسه واحنه رحنه انسويله اكل حسب طلبه يريد مخلمه وجاي وما ياكل اذا مو طماطه وياه سويت واجو كعدوا ياكلون

سيف::- اكو بدوي راح للبغالة علمود يشتري حليب استغرب من السعر الحاطه كاله ليش عندك الحليب غالي

كالها وسكت ياخذ كمعه من اكلاص الجاي واحنه اريده يكمل

سيف::-اي

ثلاثتنه::-ايي

سيف::-رد عليه لأنه الحليب طازج كاله البدوي اني عندي ناگه اكدر اجيب منها حليب بلاش

رجع سكت ياخذ كمعه من الجاي ويضل ساكت شويه خباثه علمود ننتبه اله

هيف::-ايييي مو فتيتتت گلبي فت احجيي وفضنييي

ريفان::-شنووو سالفتكك احجي

سيف::-غير اكل صبر ايي كاله ناگه مالتك تعرف تقرأ وتكتب رد عليه البدوي لا ليش كاله اذن حليبها ما ينفع للدراسه اني ينفع ويفتح العقل وهاي هيه

ريفان::-اييي

سيف::-اي كملت

هبف::-صخونه مال حصونه تخمدك مكانك واني صار ساعه صافنه عبالي شو شنو

ريفان::-ليش هذوله الزوج يا يوم حجوا كلمه بيها خير

كعدنه يمهم بمسافه انسوي الخضرة وهمه يسولفون

مهدي:-تدري ليش السمج ما يلعب كرة قدم

سيف::-ايي لأنه يخاف من الشبكه ههههههههه

ريفان::-تفاهاااا زايدهه خرب غيرتكم

مهدي::-تفاهاا لو تفاحااا ههههههه

ضحكوا اثنينهم حجه سيف بجديه

سيف::-اكلك

مهدي::- كول يطوايف گلبي

سيف::-ليش الغورلا ما عنده تليفون وحتى لو عنده ما يكدر يستخدمه الـ سؤال الجن هم

كالها وهو يأشر علينا

هيف::-هاي الاسئله ما يجاوبها غير التافه والاثول بس اله تنفع والدليل راح واحد بيكم يجاوبها

سيف::-لا صدكك والله

مهدي::-لأنه اصابعه كبار حيل

سيف::-صحيح ذكي

فريت ايدي وهمه مكملين تفاها بدون ملل مهدي وسيف جدر وغطا

مهدي::-لو كالولك اختر حيوان. من الحيوانات يصير وزير منو تختار

اني وهيف صافنين على اسئلتهم الطايح حضها وهمه مستمتعين

سيف::-اكيد الچلب

مهدي::-ليش اختاريت الچلب

هيف::-لأن يشبها اكيد

دار عليها خزرها وكال

سيف::-انجبي. لأنه راح يكون وزيراً وفياً ويحب الجميع

كمت واني متخبله

ريفان::-والله العضيمم اذا ابقه اهناا بعد دقيقه اتخبلل حرفيا اتخبلل مر اليوم عادي وبليل جدي جمع اخواني ولد عمي وحتى اعمامي وابوي بالمضيف....

"المضيف"

جدي چان گاعد صامت عيونه مثبّتة على الأرض وفجأة مد إيده بهدوء لجيبه وطلع ورقة ما گال شي ما فسر بس شمرها بنص المضيف

الكل تجمد بس غفار هو اللي گام عليها

مد إيده فتح الورقة وصوته ارتفع يقره بكلمات مثل السهام

::-مرتك البدايه وتليها إنتِ بعدها أولادك، وبعدها أحفادك، أو أني أبدأ باللي يعجبني.

راحت مثل الطيور المقتولة بنصل الريح،

ما يدرون إنهم نزلوا إلا لما يلكون جناحاتهم متكسرة على الأرض.

ما تجيبون السلام، ولا ينقلب الكون لصالحكم.

أنا ما آخذ أرواحكم… أنا أدمّرها.

أنهيها، مثل ما البركان ينفجر ويفترس قدامه.

تتركون سكة الموت اللي اخترتوها،

والريح ما راح توقف…

إلين ما تندثرون تحت رمادها.

لحظة، تذكرت شي…

مرتك ما ماتت عبث

أنا ما لمستها… اللي لمستها كانت نهايتها على الباشكيرة اللي كل يوم تمسح بيها.

آآه شكد غدارة الباشكيرة،

وآخر شي… مسحت بيها عمرها الأخير.

الله يعوض… وبعدك صغير

الدنيا جدامك، مليانة اللي تتمناك.

إي، وهسه ركز وياي زين…

أنا ما جاي أهدد…

جاي أكمل القصة.

والقصة ما تنتهي…

إلا وإنت آخر حرف بيها.

غفّار وگف، وعيونه تباوع على الورقه بصدمة

وهو يقلب الصفحة الأخيرة...

وكان مكتوب بنهايتها

"بنت الطُرماح"

أنا برداً وسلاماً عالمحبين... ولهيب عالناكرين.

إذا مشت يسكت الدرب

وإذا حچت تهز السقف.

"نسل السيوف"

السكوت خيم مثل غيمة سودة على مضيف شدهان وأولادة الكل يتنفس بصعوبة الورقة كأنها كانت قنبلة

بس مو تنفجر، لا… تسحب الروح شوي شوي.

جدي ظل ينظر بوجه ولده

بس شي بداخله تغير

كأنه الدم رجع يذكر

والصدر بدا يضيق

العرگ طلع من جبينه،

عيونه تگلبت مثل بحور عاصفة،

و… وقع.

جسد كبير… طايح على الأرض.

أول حفرة حفرتها "بنت الطُرماح"… نجحت..

.هاي الجمل نزلن علينه وعلى جدي مثل جمرة تطحن بمكانه وفار دمه حسيته لحظة ويطگ عرگه الكلمات دخلت بعروگه مثل سم تگلبت عيونه وما شفناه إلا وطايح بالكاع...

يتبع.... 🦋🤍

༺ــــــــــــــــــــــ༻

اححح هاي شنو...

______________________________________

حساب الأنستگرام::-

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

قُل لي كَيف تُحبِني !

- أذا مسّكَ الضُر مسَّني .

༺_______༻

"اديان"

بليل تأخروا كلهم بالمضيف وبعدين جابوا جدي ساندينه وما نعرف شكوا وشبي ثاني يوم الصبح چنه نضف ونهيّئ نفسنا للروحه لكربلاء كل واحد بينه مشدود وحاب يطلع ويخدم تعبنا المكان ورتبنا أغراضنه على أمل نمشي بس فجأة طگونه خوش بوري معدل ومحترم گالوا ما نروح جدي تعبان وما نكدر نعوفه ونسوان اعمامي هم ما يقبلن لأن بعده يجينه خطار والوضع ما يسمح.

صدگ ضجنه الفرحه انطفت بعيوننه الوجوه صارت عباله مفجوعة حتى الضحك نسيناه

سيف::-نضفن المضيف راح يجينه خطار

راحت هيف ويا ريفانه ينضفن المضيف وضلينه إحنا بالمطبخ نطبخ الغدَه وننظف الباقي بس الصدگ؟ الضيم چان واضح بعيون الكل محد بيه نفس وكأنه كلشي نسويه غصب مو لأن التعب هواي لا لأن الخيبة أكبر

چنا نحاول نشغل نفسنا بالشغل حتى ما نبچي بس كلشي بين على وجوهنا الچرح ما يندفن دخل مهدي عباله الجو عادي بس من شاف وجوهنا وكف بمكانه، وبقى ساكت يعرف، مثلنه إنو هاي السنة راحت علينا

مهدي::-يلاا ترا اني هم ما راح اروح

زهره::-الله يعوض يمكن بيها صالح

مهدي::- وين مُنتهى

::-بالصالة

::-خطيبها يجي العصر گليلها

::-ان شاءلله اذا ذكرته

راحت زهرة يمها تگول الها بس جاوبتها ملل

::-اهووو

::-شبيج اني اول مرة اشوفن واحد هيج يتحمل مثله لا تردين على تصالاته لا تردين اشوفينه من يجي

::-اسكتي لا دافعين لأبن خالج

::-ادافع؟؟ ليش اني مجذبه

::-ماا احس اريده ولج ما ادري شلون ما ادري

::-چا ليش معلگته بيج سنة كامله اذا ما تردينه فكري وگوليله اذا ما راضيه لا توافقين

::-هههههه خوش و..

چانت تريد تحچي بس ما لحگت دخلت هيف تركض وراها ريفانه وگفن يم زهرة واني رحت يمهن وهنه ينفتن بس أكثر شي صدمتني هيف وريفانه أول مرة أشوف الخوف متغلغل بعيونهن لهالحد مو بس توتر لا رعب حقيقي صمت قاتل وكأنّه السقف راح يوگع علينا

زهرة خافت على هيف لأن گلبها

::-شبيجنن شكوو هيف گلبج راح يوگف مو اگلج لا تركضين

::-ولجج اقري شوفي هاي الورقه لكيتها بالمضيف جوه الورد الي فوك التلفزيون

چانت ورقة بند بيضه چبيرة الحجم اخذتها فتحتها تقراها.. واني ومُنتهى وگفنا يمها نقرا الـ مكتوب

::-مرتك البدايه وتليها إنتِ بعدها أولادك، وبعدها أحفادك، أو أني أبدأ باللي يعجبني.

راحت مثل الطيور المقتولة بنصل الريح،

ما يدرون إنهم نزلوا إلا لما يلكون جناحاتهم متكسرة على الأرض.

ما تجيبون السلام، ولا ينقلب الكون لصالحكم.

أنا ما آخذ أرواحكم... أنا أدمّرها.

أنهيها، مثل ما البركان ينفجر ويفترس قدامه.

تتركون سكة الموت اللي اخترتوها،

والريح ما راح توقف...

إلين ما تندثرون تحت رمادها.

لحظة، تذكرت شي...

مرتك ما ماتت عبث

أنا ما لمستها... اللي لمستها كانت نهايتها على الباشكيرة اللي كل يوم تمسح بيها.

آآه شكد غدارة الباشكيرة،

وآخر شي... مسحت بيها عمرها الأخير.

الله يعوض... وبعدك صغير

الدنيا جدامك، مليانة اللي تتمناك.

إي، وهسه ركز وياي زين...

أنا ما جاي أهدد...

جاي أكمل القصة.

والقصة ما تنتهي...

إلا وإنت آخر حرف بيها.

گلبت الورقه من وره

"بنت الطُرماح"

أنا برداً وسلاماً عالمحبين... ولهيب عالناكرين.

إذا مشت يسكت الدرب

وإذا حچت تهز السقف.

"نسل السيوف"

قريتها واني ارجف ورجعت اعيدها ودموعي ينزلن مطبوعه وكلمات وراها نقاط ومسافه وبنت الطُرماح مسافه عنهن ماحسينه ونسحبت من ايد زهرة عاينت اشوفه چان هيثم وزهرة ترجف لزمت گلبها وگالت

::-شنو هاي هيه هيه لي اتخربط من وراها جدي مو؟؟

::-اشش

::-يعني جدتي نكتلت ما ماتت شتريد هاي شتريد

::-زهرة بعد اخوج مو وكت هاذا الحجي

بدون لا تنطق بكلمة راحت للغرفة سحبت عباتها بصمت لبستها بعجل وطلعت تتوجه لبيت أهلها..

"ريفان"

صعدت مترددة كل خطوة بيها صوت قلب ينبض بالخوف طرقت الباب صوته جاني من ورا الباب

:: منو

بلعت ريگي وسكت متلبكة لا لافظه حچاية ولا طالعة مني نفس بقيت واگفه، مثل اللي بلاع الموس لا اني الحاچيه ولا اني الرايحه وهو نفتح الباب طلعلي عاگد حاجبه ونظرته حاده وأنــي؟ تبلعمت ما عرفت حتى أتنفس.

::-محتاجه شيء

::-ها

::-محتاجه شيء كاعد اكلج

::-اي بس اريد احجي وياك

::-اسمع احجي

خلاني واگفه بالباب ما چان عنده نية يسمع أكثر

كال كلمته الأخيرة دخل للغرفة وأني بعدني معلّگة بمكاني هوه طلع باكيت الجكاير اخذ وحده وطلع للصالة وگف گدام الشباك الي يطل على الترك فتحه، دخّل الهوا وضل ساكت ما يدخن بس يباوع.

::-أمير

طلعن من حلكي ويه شهگة. شهگة ندم، شهگة وجع.

تقربت خطوة واني ما أعرف شلون أرتب حچي يرضيه

ضايعة بين خوفي وكسرتي رفعت عيني عليه وگلبي يعصف

::-أسفه والله وروح أخوي ما چنت أقصدها،

أعذرني أنسه أني مرات حتى أنسه روحي فدوه أروحلك لا تخلي بخاطرك أني بس ضايعة تعبانة وما أگدر..

::-خوش

گالها وراح دخل للغرفه دخلت وراه واني احجي

::-امير فدوه

::-حفيادات شدهان شتوقع منجن؟

::-والله م..

::-كافي خوش أصلاً نسيت لا ذكريني

::-ومعزت اهلي وروح اخوي مقصدت الگلته وچنت بس اريد احرك گلبك لأن ضربت و...

بعدني ممكملة وسحبني طبگني على الحايط

::-ولجج لا تعيدين نفس الحچي ما ضربتها لا تبقين تهترين من عندج

باوعت على إديه شلون لازمني من زنودي محاوطني

صارت الدنيا ضيگ وأنا أحاول أوخر طيفه من يمي دفعته دفعة بيها كل الألم والخذلان اللي حسيته

انتبه لنفسه اتراجع خطوتين دار وجهه عني شردت ما ترددت رحت لبيت أهلي دخلت غرفتي سديت الباب من جوه وانگطعت أنفاسي چنت أرجف رجفه خلت حتى چتافي تهتز....

"همس"

مر اسبوع وگال راح انروح للأمارات نغير  جو رحت للغرفة طشرت الاغراض فتحت الجنطه حطيتها على الچنطه وشمرت بيها الملابس وبقا والاحذيه الهم جنطه والتنورات والغمصان بجنطه ثانيه وجبت بعد جنطه صغيرة خليت بيها الاحذيه ومن غير لي راح اشتري اهناك خليتهم على صفحه ورحت كعدت على الكرسي گدام المرايه وسحبت ماسك اذكرت اغسل وجهي اول

::-اخخخ ياهمس صرتيي افها من رفل ههههههه

رحت جبت مي بارد من البراد وطلعت الثلج المكعبات وفركت بي وجهي بي والباقي حطيته على المي البارد ورحت للحمام اغسل بي اخذت المنشفه چففت بيها وجهي رحت حطيت ماسك رحت للكنتور وطلعت كل منضفات البشرة وبلشت غسلت الماسك وجبت جهاز تنضيف الوجه ونضفته كله رحت غسلت مي دافي وجففته مرة لخ.. اخر شيء غسلت اسناني وحطيت مرطب ورحت انام اتهيأ للسفرة ثاني يوم رحنة لهيف أول وعلمود اشوف خالتي

خالي يسوق واني بجانبه سارحه بفكاري.

::-خالي شبيج ضايجه

::-مابيه شيء

::-اشتريلج عباية

عاينت عليه

::-ليش اول تالي

::-مو كلها ولد ومنطقه شعبيه ما عدهم هيج

::-لا

::-خالو براحتج

::-ليش ما عاجبك لبسي

باوع على لبسي جنت لابسه بنطلون اسود وتشيرت ابيض وفوكه سترة سوده طويله والحجاب مدخلته بيهن

::-لا حلو وكلش زين وياه عباية احسن

::-والله العضيم خالو لو كايلي قبل جان لبست بس هسه لأن علمودهم تريدني البس مو حباً فلا البس

هز راسه

::-ليمت نوصل

::- وصلنه بس هذولي الشارعين

دخلنه منطقة مو كلش زينة شوارعها ضيقة وصوت السوق الشعبي عالي يعلك بالأعصاب كلشي بيها يفور حياة بس مو من النوع المريح فات خالي بسيارته بشارع ترابي گدرنا بصعوبة نمر من بين الناس والبسطات.وصلنه للشارع مالهم وگفنا يم بوابة چبيرة صبغها آيل يتقشر نزلنه...

چانت الساحة گدامنا واسعة، ترابية بين بيتين صفه وكدامنا باب أحمر چبير صاير مثل مدخل بستان يم الباب سياج مشبك يبين وراه بستان چبير على اليسار چانت السيارات متروسة،

طلع ولد على الباب چان يعرف خالي زين. سلم عليه بحرارة وضحكوا كأنهم من سنين متواصلين شيء اكيد غير اهل الحنينه مرة ابنه تقربت على أذنه وهمست

::-مو كافي عاد

::-شبيج

::-خالو زهكت

::- بهداي بعدنه يالله...

"اديان"

بعد ما شفنه الرسالة ظلينا تايهين عيوننا تدور على بعض وما أحد يعرف شراح يصير بعد. اجوا همس وعمي شفناهم من شباك المطبخ دخلوا سويه وهيه تمشي يمه مسافه وياه چنها ضايعة وگل شي ما يهمها غيره ما لحگنه نلملم أفكارنه إلا وهيف تركضله تحضنه وتضحك بحماس تصالف وياه وكأن الدنيا رجعت تمشي على مزاجها وهو يبوس براسها بهدوء بطريقه تبين شكد هي غالية عليه.

بس الحقيقة كلنا نعرف نعرف إنو هذا الشي حرام وإنه زوج أمها بس نعرف بعد إنو هيف شايفته أب وكم مرة توبها أمير بس ما بطلتها وشي أكبر من كل الألقاب تموت عليه ومعتبرته كلشي.

رجعت وسلمت على همس، وهمس بعدنه تشوفها بعين مختلفة بعدن ما فاهمه كل التناقضات بس كعادتهن وحده كفخت الثانيه وسحبتها من إيدها تركض ضحكت هيف رجعت تنسم بالهوا ضحكة بريئة..

ركضت وركضت همس وياها تتلفت تستحي چانت أمي واگفه فتحتلها حضنها وبوستها تبوس بيها وترجع اضمها الصدرها

::-ياا يمه يريحة الغاليه ولچ هيچ ما سألين

::-والله خاله تعذريني وعلي

نزلت على إيدها تبوسها وراسها نازل سلّمنا عليها كعدنا نتحجى ونصالف وياها وهي تريد تروح يم أبوها

وهيف اختفت شويه بس من رجعت الضحكة وياها من الأذن للأذن وهمس گبل گالت

::-راح تروحينن

::-غصباً عليج

::-يلااا بسرعة او اكلج لا جيبين اي شيء وياج.

::-ولي لجج

امي ضلت تحچي وياها تعاتبها شويه بهدوء، مثل الأم اللي گلبها محترگ

گعدت وياها تحچي وياها بصوت خافت واني اسمع شذرات الكلام تطلع بعد شويه گامت أمي. مسحت عيونها وراحت للمطبخ تحضر الأكل وسمعت صوت غفار طلعت گال

::- عمج يريد يسلم عليج

هزيت راسي بأي واني گلبي گام يخفگ اتمنه ما يفتح وياي اي شيء يربطني بأبنه بدلت ورحت ولبست الصايه فوك ملابسي اخذت الچاي ورحت وهو تلگاني عبالك بنتَ

::-السلام عليكم

::-هلاا وميه هلا بمرية ابني هلا مرة وحيدي شلونج يبعد عمج

قبلني من راسي وگعدت يمهم شويه وطلعت واني افور الحمدلله يارب هسه يلا تنفست رحت واني اذكر ذاك اليوم

چانوا كلهم طالعين والبيت هادئ إلا من صوتي وأنا أتحرك بين الغرف أرتب له حمزة يوم رجعته جهزت له الأكل فرشت السفرة وكعدت أترقبه مثل كل مرة بعيوني كل الحنين بس طال وطال الانتظار خابرته رد وهوه صوته تعبان گال

"مسافة الطريق"

رحت للغرفة حضرت ملابسه رتبتها بحنيّ عبالك أضمه من بعيد وچنت أدور بعيني شي يطمن بس إلي وصلني

ما بيه أي طمأنينة رسالة ووراها رسالة كل وحدة تعور الروح أكثر من الثانية..

"إذا تردين رجلج تعالي لهالعنوان."

"تعالي وشوفي زوجج شيلعب من وراج."

خفگ گلبي مو خوف، هذا خوف ممزوج بقهر، بزلزال مشاعر إيديه صارت مثل الجليد رجلي فقدن التوازن

اتصلت بيه مرة، مرتين، عشرة...

بس الصدمة مو إنه ميرد

الصدمة إنه اختار ما يرد ماكو

دون أي تفكير طلعت فلوس خذيت عباتي وطلعت أركض كأني ألاحق آخر نفس لي وصلت وگفت أباوع

ما چان المكان غريب بس الغربة جوه گلبي.

دفعت الباب وچانت الغفلة تضربني بوجهي

هوه بنت وبيت وحدهم...

الحمرة الحمرة إلي علي شفايفها مو بس فضحتهم،

ذبحتني نفسها على رگبته

ما چان لازم توصل الأمور لهنا بس كل شي چان واضح مثل عين الشمس...

فزيت على صوت زهرة دخلت مسحت وجهي گالت لأمي وصلو ودخلت اني دخلت وراها

::-هلاا والله اگول منور البيت

ضحكت وكامت اسلم عليها

::-منور بأهله شلونج وين البنوتات فكرتهم يجن وياج

::-هسه يجيبهن مهدي يبااهه مشتاقيلج ليش متجينه يا ببذاته لو خالتج ولا تجين

كالت مرة عمي

::-عمه هسه چنت اكلها ابقي زورينه هيه لو ما اختها و وخالتها متوصلنه ابد

::-والله خاله تعذرينه

::-بعد عمري تفرغولنه مشتاقيلكم

اجانه صوت هيف اصيح من الغرفه مطلعه راسها

::-همس ملابسي بعدهم بالكنتور لو شمرتيهم

::-العدنه اي موجودات لا جيبين شي وياج

::-تمام

شويه ودخل الامير هستوه راجع من دوامه وهي تكهربت ما تريد بأي شكل من الاشكال تتقابل وياه گامت تطلع وهوه گال

::-الحمدلله على السلامه شلونج.

::-بخير

گالتها بدون ما تباوع الوجه عبالك عدوها مو اخوها

وطلعت وهو اخذ نفس وراح

::-هييف وينها

::-بغرفة البنات

وهمه حتى الغدا ما قبلوا يتغدون ويانه گالوا ماكلين بالطريق وراحوا وإحنا رجعنا للبيت ضوجة تعصر الگلب

الولد كلهم راحوا للخدمة والبيت فَرغ من سوالفهم وضحكتهم وركضهم وعركات هيف مرت يومين على روحتها

بس اللي بقوا ويانه بالبيت هم غفار وسيف ومهدي ومصطفى ما راحوا لأن جدي مريض وما نكدر نعوفه ...

"ريفان"

كعدنه ضايجين بالغرفه وميليس ورفل يباوعن بتليفوناتهن اديان وزهرة وفجر جوه مُنتهى متمدده سرور كاعده يمي رن التلفون وچانت هيف جاوبت.يمه من سمعت صوتها صرخت وكأن الدنيا كلها رجعت تنور وچنها غايبة سنين مو يومين

::- ولجج وينجج الدنيا ضلمه من دونج

::- أويييي خجلتوني كااافي عاد ولجج هستوهم جانوا مهدي وسيف داگين عليه يكلولي ارجعي ريفانه ما تتحاجه مطنگرة.

::-وعليي ضوجه من دونج كللش والله

ضحكت هيف ضغطت على الكاميرا وفجأة طلعت الصور

شارع طويل مرتب مبلط نظيف والجو يلمع بس مو شارع عادي عمارات وشركات حتى فنادق، كلشي بيه يصرخ هاي مو بالعراق إي والله. مو بالعراق. صرت أباوع مدهوشه، وگبالي بالكامرا شفت ولد وبنيه يمشون گدامها، وهيه صاحت عليهم وميليس ورفل بس سمعن صوتها اجن يمي يباوعن من دون صوت

::-ولكمممم تانونييي

::- عزااا! ولج هاي وين؟

ضحكت ورجعت الكاميرا على وجها والشعر متطاير من الهوا اليمها عايشة اللحظه ركضت وموبايلها يهتز بإيدها صوتها وهيه تصيح عليهم يعلو بين نسمات الهوا.

::-مووو احجيي وياج

::-ريفانه صبر. انعلللل ابوكممم ولدد الكلبب

::-عزااا انفضحنه

::-أكليي خراا انتِ

::-طابوگه خرببب اريد طابوگه

صاح عليها الولد الچان يمها وهو يضحك

::-انتِ موو بالعراق لا تفضحينه هيف

::-انجب انجب

سكتوا من دخلوا المكان وهيه انطت الكامرا لهمس ومدري وين ولت همس سلمت ودارت الكامرا علمود اشوف بس جنت اني ساده الكامرا مني بس هيه فاتحتها وموضفين كلها سلم عليها وتتحمد الها وهيه بس تتبسم

::-هاي بشركه أبوج

::-امم البارحه الصبح وصلنه للأمارات حبيت اشوفجن بس شو البنات ماكو

::-لا موجودات بس اديان وزهرة جوه كاعدات ويه امي ونسوان اعمامي ومُنتهى عود تمددت بس غفت ورفل وميليس هياتهن يسمعنج

::-چااا ليش مي..

گطعت كلامها من حچا واحد وياها

::-مساج الله بالخير حي الله من جانا من زمان عنك

::-اهلاً وسهلاً، وجودك البركة وانتَ الغالي تسلم

::-يعطيچ العافية بس حبيت أسلّم عليكِ

::-الله يعافيك ويسلمك نورت

هاي لو آني چان تجمدت بمكاني من دون رد. التفنت النه

دخلت مكتب وسندت التلفون على الرف وشمرت ثگلها على الكرسي. واجت هيف دارته علبها وهم كعدت على الكرسي الگدام وميليس صاحت على هيف

ميليس::-أدخل ويه خالج شريك نكسر الدنيا.

رفل_هيف::-طالبه سادس بـ شركة؟؟

ريفانه::-بشركة؟ عاشت رائدة الأعمال باقي بس تفتحين فرع بـاسطنبول بعد

رفل::-يلا آني أصير مصممه وتعينوني عدكم

ميليس::-بطلي أحلام العصر حلمتي هواي هيف لو ما مسنودة من اخوانها چان گعدها بالبيت.

فرت الكامرا على همس وطلعت اصيح

همس::-عزااا انفضحنه عبالك بسوكك ولجج هيف

گمنه نسولف وياها وسط سوالفنه چانت همس تباوع ورا الكامره كأن احد يحچي وياها ما فهمت شي لأن صوت التلفون چان ناصي بس هيه ابتسمت وگالت. تمام

لفت علينه وگالت.

::-أبويه ينتظرني خمس دقايق بس وراجعه خلو الخط مفتوح.

ريفانه::-لا تطولين

راحت واحنه سدينه الكامرا بقينه منتضريها شويه وأجت هيف بيدها لفه وببسي تاكل واصيح

::-من يمك سد الباب

ميليس::-اوييي اريدد اجيي

::-موو كتلجن خبيثااتت أروح تبقن على السماعة سوالفچن احبها اريدچن وياي اونسچن باللاش ومجاني

رفل::-عمي والله خوش نتونس واحنه كاعدين وانتِ غصباً عليج.

::-ههه عمي إذا إنتِ فقيرة چا ذني شنسميهن

گالتها وهيه تأشر علينه

ميليس-ريفان::-ياااا احنه شعلينه

هيف::-اوييييي ههههههههههه شوو ضجت اريد اديح

ريفان::-عميي ديحي شكووو عليجج ههههههههه

شويه وسدينا منهن رحنه نحضر العشا ويه عماتي...

"همس"

رحت لخالي سأل اذا خابرت حمزة بس گتله طلع من الصبح. سألته اذا نگدر نطلع وقبل رجعت اروح لـ هيف ولگيتها تاكل وتقلب بالتيك توك

::-اطلعين وياي

::-وين

::-للسوگ

::-خوش اغسل وأجيج

::-منتضرتچ

رحنه للمول بس زحمه چانت دخلنه وهيف لابسه نضارة شمسيّة وستايلها چانت لابسه اسود بس حلو گالت

::-أووووف شنو هالحر بس حته الشمس تخليني أبرق أكثر

::-ما شاء الله بعدج ما متواضعة؟

::-أنا التواضع عندي مثل الدايت أسمع بيه بس ما أطبقه

::-يلعن أبو الثقة.

::-ههههههههه

جربت فساتين بس ما حبيتهن مفضوحات چنهن چبت جنط وكل وحدة بيها طابعها الخاص وأكيد هيف ما نست اي وحده بالبنات وكانت جايبه فلوس عدال شهر هنا بس هيه صرفتهم نصهم بطلعه وحده واني اختاريتلهن جنط. هيف تدور عالأشياء الغريبة والجريئة

اخذت فستان أسود طويل بفتحة جانبيه كلش يجنن

هيف::-هاذا يرهم اطلع بي؟

همس::-عميي اسكتي لا ننفضح

هيف::-ههههههه والله حلو راح اخذه

گالتها وهيه تهز بكتفها

اخذنه كلشي نحتاجه وأجرنه تكسي رجعنه للشقه وبيها ثاني يوم رحنه لسوگ شعبي حلو كلش بس هيف فضحتنه وهيه متعرف بالعمله وهو يگلها

::-ثلاث دراهم

::-عمييي تضحككك عليه انت كلت درهمين و80فلس

فضحتنه

::-هاي ثلاث دراهم اسفه نيابه عن اختي

أخذتها اسحول بيهاا

::-ولججج يالغبيهه الدرهمين و80فلس اكثر من ثلاث دراهم

::-شلون

::-أنچبي انتِ شيفهمج هوه الرجال لو مو خوش ادمي چان اخذهن

::-ياااا الحمدلله چان انغطيت

::-شو امشي لجج امده لي يجيبج بعد وياه امشي

رجعنه للشقه وچان حمزة جايب اكل وياه چانت الدنيا المغرب رحنه نسبح وغسلنه ورجعنه يمهم وخالي مطمأن علينه لأن المنطقه البيها احنه امان كملنه وكعدنه نسولف شويه واجه يوشع سلم وكعد اخذ الريموت ودارة على طيور الجنه شماا يكبر هالبني ادم يرجع يصغر خالي فر ايده وگام راح لغرفته وهيف بقت صافنه وياه همه شويه وكاموا طلعوا الولد واني بقيت وجهي بالابتوب والأوراق اليمي اشتغل ويه ميراڤ وهيف تباوع بتليفونها طلعت حديقه الحيوان گمت اردد وياها من گد ما حافضتهم گالت هيف

::-اجتت بوقتها

طلعتها بتلفونها ومدري كامت شسوي نص ساعه وهيه تنعاد الغنيه وهيه طگتها بضحكه اجت شوفتني فيديو مسويته على ولد عمها الي بس ماعرفت غير مهدي وسيف وشعيب والاطفال الصغار

::- اوووه دخت شنو هاي اشرحيلي منوو هذول عايني

::-ههههههههه تمام الاسد دياب

النمر تيمور

الدب سيف

الفهد مهدي

الذئب سديم

لاما هارون

غزال شعيب

ارانب كلها جمال جهال جلال وابن نوح وبنات زهرة عرفتيهم مسويتهم كلهم بصورة وحدة

::-امم ماعرفتهم دياب مو على ساس ماكو مدري وين

::-اي بس الحچي بيني وبينچ دائماً ادز اله واسولف وياه رساله شطولها بس هوه بس يشاهدها ومن تعبانه وادزله شيء يدزلي ايه تخيلي ايه سطر تمحي كلشي بگلبي

تحچي وهيه مبتسمه

::-اممم خوش شنو تعتبرينه الج حتى هيج وهو غايب وما يرد عليج تروحين اله وليش من دون الناس هوه تروحين تشكين عنده

باوعت عليه وما جاوبتني وراحت للغرفه رحت وراها

::-ديررر بالجج انيي كاعده اسوي المستحيل الخاطرچ لا تحبين واحد منهم وتبقين اهناك انيي اريد بس اعرف منو السوة الجريمة بذاك اليوم  خاطر اخذكم ولمكم هيف اني ضيعتكم اني ذيج الأمنتها امها على الصغار ولج ولا حميت واحد بيكم عاد خل المكم خل اعرف طريقي خل ارجعكم فدوه.

نزلت دموعها

::-اني اخاف اخسر واحد بيكم اخاف يصير شيء اخاف من الي يهددون جدي يسون شيء لامير اني اخااف محد يفتهم خوفي رجفه تحتلني من اذكر الصار مرات احسد ريفان علي كاعد تنساه وتمنه اصير مثلها

::-سم الله عليج يبعد روحي.

كعدت تبچي واني أبجي على بچيها دخل حمزة يعاين النه گعد يمنا حاضنا ثنينه ويبوس بينا

هيف::-عود ليش احنه من دون الناس ليش من دون كل الاهل مطشرين

هالمرة اني لي شهگت وبچيت مو هيه صحيح كل الحچته صحيح

::- امي واخواتي الي اموت عليهم انحروا گدام اعيونه همس انتً كل واحد مكان وأمير كارهينه وتحسونه هوه المنبوذ ولي محد يحبه تيم الي مختفي ومحد داري عنه لو اختكم حمزة اختكم شنووو موضوعها وينهاا

::-ولكافل يبعد اخيچ بعدني لحد الان ادور عليها وما تغمض عيني اذا ما ابوس اصورهم وحطها على گلبي

::-وانيي محدد بيكم حااس بيه وتيم وينه ذاك الرجال الي چان يتوعد ما يخلي شيء بنفسي حتى هوه چذاب وكلاوچيي

حمرة::-عزيزة گلبي كافي

::-وخرر حتى انتَ كلاوچي لو بيك خير ما خليت اديان تبچي ليليه

::-والله هيه تفهم بخشمها ما تقبل احچيلها من نرجع اروح الها

::-زين ليش ما تحچون ويه امير

كام من يمنا

::-مالچ شغل اخوان بينه

::-مووو اني بت خالككم انتم ليش ما تعرفون تحچون كوم اطلع بره

::-ليش

::-هيچ اريد اخابر اخوي لا دخل نفسك. سوالف اخوان

احنه گمنه طلعنه وهيه خابرت....

"اديان"

مر اسبوع كلش مو حلو بدونهم وخاصه هيف هيه الي محليه البيت بعركاتها طلعت للساحه اروح انضف المضيف وصلت وأنفتحت البوابه ودخلت هيف هيه وجنطها والشفقه على راسها وحمزة يصيح عليها ويرزل بيها لأن اثگال هيه بس انتبهتلي ذبت الجنطه الصغيرة من ايدها وأجتني تركض

هيف::-افيششش يا حضن اهلي

::-يبعد كل اهلي

حضنتني بقوه واني ابوس بيها

::-مفاجئه

::-احلى مفاجئه يبعد كل روحي

::-وعلي مشتاقتلكم

ابتعدت عني وراحت تركض للبيت اجه حمزة انطاني الفون مالها وگال

::-ساعه 12:12 متانيچ بالمضيف تعالي اريدج ضروري

گال هاي الجمله وراح رجعت لبيت جدي بدون ما أنضف المضيف وبقينه لليل ويه هيف وهيه جايبه كومه شغلات جنط احذيه ملابس حرفياً جايبه الامارات كلها. واني الشاغل عقلي شيريد مني صارت بأ12ضبط ورحت منتضرته صار الوقت وأشوفه دخل من الباب الثاني مال المضيف وسد الباب وراه عضيت شفتي بالعه غصتي ما اريد ادموعي يوگعن گدامه اجه يمي يريد يلزمني بس اني ابتعدت عنه گعد على طاوله الي صايرة كدامي ونزل راسه بين ادي

::-فدوه اروحلج فتهميني افتهميني والله راح اموتت شبيجج تتوقعينن هيج شيء منيي

::-اشش لا تبرر أروحك والشفته شنو شنو احجي علمود اعرف

::- مو مثل ما تتصورين وروح اهلي

::-ولتصلتتت بيههه شنووو ماگلت لا لأهلي وگلت اصوچ مني وما طلعتك غلطان ولا بأي طريقه من الاشكال تدري ليش علمود ماخرب سمعتك كدام اخواني وانت ابن خالتهم گلت اخرب بينهم ومن اجوني حطيت الصوچ بيه وگلت اني الي تعاركت وياه واجيت

::-افهمج

::-مااا اريدد

التفتت امشي جراني بقوه ضامني لصدرة ودموعي تنزل

حمزة::-انيي عاشگج ولجج حسي بيه وحده چذابه شلون گدرتي صدگيها وما اصدگيني

::-شفت بعيوني

::-چذب والله تعالي اسولف الچ وحالف بروح عزيز روحي اذا ما صدگتي هساع وبهل دقايق اطلگج

وخرت عنه اباوع علي هز راسه علمود اقبل سمعنه طگطكه دار وجها ورجع عاين عليه يحچي گال

"قبل سبع اشهر"

وانا اسوق طريقي للبيت دگ تلفوني من شفت اسمها ابتسمت فتحته قبل لا سلم گالت

::-ليمت توصل

::-مسافه الطريق

::-ترااا كلش اتأخرت

::-جايج يروحي

سديته منها وستعجلت بس دگ مرة ثانيه چان صديقي رديت بس چان صوت بنت تبچي

::- فدوة ساعدني احمد وگع فاقد ما ادري شبي ما ادري

::-شنوو

::-فدوه اروحلك وحدي بالبيت ما ادري شسوي ما ادري تعال فدوه

بدون أي كلام زايد فريت السيارة واتجهت على بيتهم مثل ما گالت وما دريت بالعواقب ولا فكرت بشيء غير صديقي محتاجني وصلت دگيت الباب فتحت وگالت واشرت جوه

::-جوه بالغرفه

دخلت گبل على الغرفه الاشرت عليها وأول ما دخلت اتلفت ماكو احد بس انغفلت الغرفه عليه من بره فتحت اعيوني على وسعها مصدوم بالصار دگيت الباب واني اصيح بس ما فتحت دورت تليفوني بس نسيته بالسيارة شويه ورجعت وهيه لابسه ملابس حرام اذا هيه ملابس مشلحه خزي درت وجهي عنها

::-خويههه شنووو هااي

::-كاافييي لا تگوليي خويه

اريد اطلع بس ما خلتني لزمتني من وره سحبت الغميص دفعتها عني بس ما چنت اعرف منين او شسوي ماهتمت وقبلتني برگبتي صرخت بيها وهلمرة ما خفت وصدگ دفعتها بكل قوتي وكعت بالگاع تتلوه مشيت اريد اطلع من البيت كله واول ما فتحت الباب صارت بوجهي عزيزة روحي مالت راسها ودموعها على وجها

::-حبيبي ابقه تعال لا تتأخر اليوم كلش تونسنه

باوعت وراي واني باقي بعيونها ودموعها اريد انطق اريد ابرر الها وگعت على ركبها ركضت اسندها صرخت بيه

::-عوفنيييي خاايننن زاانييي ولكككك نكسس تعرفف شنوو انتَ السويته

::-شجابچ

باوعت وهيه تبچي

::-هاذا الهمك

لزمت وجها واني اتوسل بيها

::-وابو فاضل مو البالچ

::-هههههه الحمرة حلوه على رگبتك چنت تگول حرام وحده تكون بحضني غيرچ

::-ولحد الان على وعدي وياج گتلچ لگطع نفس اني وياچ

::-حبيتك

::-واني عشكتچ ولچ والله العضيممم چذببب اجيتت علمودد اخوهااا

::-ايي واني هم فكرتت هيجج ومن راسلت اخوها مسافر من البارحه

::-ما ادري وداعت العشرة نغشيت

::-وديني لأهلي

شلتها احطها بالسيارة وهيه بعدها بنفس الجملة

::-وديني كاعد اگلك

::-والله تأمرين بس خليي احچيلچ

::-انيي موو اكول وديني لهلي ودينيي ورقه طلاگي وراي ولا تخاف ما اريد حتى غايب

چانت بالگوه تحچي

::-مااكووو روحه اذا ما افهمج

::-واخوو زينب اذا ما اخذتنيي لليل اني روحي بذمتك

چنت مقدر وضعها وأريد احچي من حچت هالجمله خلتني بالگوه اشوف طريقي اني العاقل خلتني انجن

::-ولججج افتهمييييي احچيلچ اجيتت لأن...

::-اسكتتتتت وديني او اگول نزلنيي نزلنييي اهنااا بسرعه اني اخابر اخواني

::-شبيچ تسودنتيي

اباوع عليها وهيه تمسح بوجها وترجف رجيف اريد افهمها بس ماكو ماتفهمني ما تقبل حتى تسعني

::-ودمعة زينب هسه اشمر نفسي

فتحت الباب خلتني صرخت وشخطت السيارة وگمت اصيح عليها وهيه ما هامها شيء اباوع عليها رجفت اديها ودموعها الي ما گادرة اصيطر عليهن.

::-اذا عندك ذره احترام للأيام العشناها سوه وديني

بعد ما حچيت أي كلمه وصدك طلعت بيها گبل لأهلها...

::-وروح اخوتي الراحو نحر ما مچذب عليچ بكلمه

سكت يباوع بعيوني حضني واني دموعي اصب وهو ضامني بصدرة التفتنه على الضوه الي اجه فجاه وريحه نار شاعله حول المضيف وشعلت داير المضيف كله شهكت وهو يعاين حوله مصدوم ونار بلشت تلتهم المضيف كله...

يتبع...🦋🤍

꧁ــــــــــــــــــــــــ꧂

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــــــ꧂

على المِيت جوادر تنصب الناس؟

وانا الميت عليك شرَاح تنصبني؟

انصبلك جوَادر داخل الرُوح

ياروح تشوفك وانتَ جَادرها

꧁ــــــــــــــــــــــ꧂

النار تلهب بكل زاوية من المضيف أصوات تداخلت،

صراخ، هرج، ركض بس ما گدرنا نحچي صوتنا ختنگت من الـ دخان هو ركض فتح الباب بكل قوته بس الگدامه چان كله محترگ عبارة عن نار ما بيه ممر ما بيه أمل

طلع الفون ماله يتصل وصوته يرجف ركض يدور مكان ما بيه نار بس ماكو ماكو غير اللهب صوت الولد بعيد يحچون وحـمزة يصيح وكلشي يدوي مثل طبول القيامة

أنـي ختنكت الدخان دخل بروحي ما بقى هوهاء اجه

لفني بجاكيت ماله. قماش صار بيني وبين الموت

سند راسي على صدره وصدره يدگ.

::-اديان عيني حبيبتي فدوه اروحلج تحملي

اديان::-راح انموت

::-ولكمممم يلاااا احفااد شدهاان كل خيرر ما بيكم

غفار::-ابن الكلب اجابك بنصاص اليالي تتختل

::-نعال على حلكك يلا ولكك راحح تموتت

أبتسمت وكتله

::-لو ادري ما جايتك

::-هوه اني حضي اغبر الاولى شهر وطحتلي بتهمه تكسر الضهر وهاي المره الثانيه احترك المضيف بينه

::-انتَ فگر حمزه

::-ههههه

نزل راسه يحچي بأذني

::-أحبچ من أول نضرة شفتچ بيها ومستحيل اضيعج

::-ههههه مبين كلشش

ماكدرت اكمل كلمتي الاخيرة وفقدت ما ادري شصار بعد...

"ريفان"

ما توقعنه يصير هيچ ولا توقعنه بنت الطُرماح توفي بكل كلمة بس الي يكتل عنده عادي يحرگ وهيچ صار

لا الولد موجودين كلهم ولا أعمامي بس الي بقوا يحاولون يطفون بس الگاع مشمورة بانزين مو نفط حرگ المكان كله ما ندري إنو أكو أحد جوه المضيف لحد ما إحنا نركض ونحاول نطفي إجا اتصال من الولد بعدها تراكضوا ومن عرفنه إنو أديان وزوجها الي جوه

وگعت على ركبي الرجفه حتلت جسمي صارت صرخات عماتي وامي تهز المكان تفتت گلوبنا وإحنا نبچي والنار شاعه عبرت حتى على بيت عمي صالح خواني باد حيلهم ظلوا يطفون لحد ما فتحوا الباب وطلع حمزة شايل أديان بإيده لافها بجاكيته وهيه مغمي عليها وهوه محترگه إيده ركض بيها عالمستشفى

الدخان خانگها وهيف وزهرة وعماتي وراهم

بس ما خلوهم يطلعون كعدنه تايهين وما خلينه أحد ما دگينه عليه وهمه ماكو.

مُنتهى::-هيف بالله تصلي على اخوج

::-ما يردد ماكو

أمي ونسوان عمامي يلهجن بالدعاء وإحنا نرجف نفتر بالبيت جدي واگف يباوع للمضيف ساكت بس عيناه تحچي هواي الناس گامت تجي ويجيبهم جدي للديوانية

واني مختنگةو دمعتي واصله گلبي واندعي ترجع بخير وسلامه..

فجأة طفرنا على صوت الولد جابوها ركضت أبچي

أباوعلهم دخلها حمزة ومصطفى كعد مصطفى يم راسها

صوته هادي يسألها بس هيه بالكَوة تحچي كل حرف منها بيه وجع گام يريد يطلع، بس حسنا هوه بعده ما يرتاح همست

::-روحي راحت يبعد روحي

::-يبعد گلبي

سمعنه اصياح بالحوش زهرة صاحت خايفه

::-مهدي تعارك ويه حمزة

رحنه أنشوف وصدگ لگينا مهدي لازمه من خوانيگه ويصيح مصطفى كاعد وحاط راسه بين ادي وسيف وغفار بس يردون يلزمون مهدي بس الأجنبي بعد شيلزمه

::-ولكفل زينب احطك اهنا واذبحك اذا حجيت ما ترجع الكك غلطه وصارت انطيناها الك خوش وهسه فارك

::-مرتيييي هيههه بيكيفكك باقيه اهنا على ما يرجعون اخوتك وعمامك وانشوف

ما شفنا اله ونزل بوكس بنص وجها طلعت هيف تركض الهم والولد بنصهم وما كادرين الهم هيف ركض تفز قلبها وتدفعهم الولد بالنص وما حد كادر يلمه

هيف::-مهديييي كاافيي شبلاااكك بهليل

مهدي::-ولحسينن لي احنه بذكرة اربعينه على هايي سوايتكك وچان مااتت لو تموت ما ترجع وان صاار غيررر هاذا الحچي انعل ابو اخواتي يابو حتى ولد عمي الساني ميخاطب السانهم طول العمر

طلع جدي وخرنه كلنه من طريقه وراح يصيح عليهم

مهدي::-هوههه هسههه يلااا ستذكر عنده مرة ويريدهاا ما اجه بيوم الجتنه ماا اجه عليهاا والله العضيم ماا طلع هوه السبب اگص ايدي

::-ولككك مهديي اني مو بگدك اوزن كلامكك واعرف شتحجي ولا ضل بس تهتر

صاح جدي

::-لااااا هااك بعدد اذابحوااا علمودد مرههه اذاابحوو شكباركم اصيرون

::-هااي المرة بت عمييي

دار جدي على مهدي وطگه راشدي

::-عوزكك بعدد بس تمد ايدك عليه لاااا صيحح لا صيح خوش

جدي دار علينه

::-يلااااا عدنهه مسرحيهه للبيت

رحنه نتراكض دخلنه وزهرة تلوب بس كاضتها امي راحت لـ اديان يمها رحت وراها اشوفها چانت نايمه رحت طلعت وكفت بالحوش منتضره هيف طلعت من الدوانيه بس بدون لا تعاين على شيء دخلت جوه جابت مي بارد ورجعت دخلت شويه واجت يمي خلت راسها على كتفي وگالت

::-تعبانه

::-حقج جايه من السفر لازم استقبال حلو بس تلگيناج بالمفاجئات على گولتج هههههههه

::-احفاد شدهان بيش تتلگوني قابل بالاحتفالات

::-مو بالله

::-اي والله

اجه مهدي دخل باوع علينه ودخل

هيف::-مهدي الكلب

رفعت كتفي السانده راسها عليه

::-انچبي هيفووو

::-ولييي لعد ليش طگ اخوي حترگ گلبي والله

::-عذري هو هم خاف والله اني اجيت اموت.

::-هوه هاذا الخلاني ما افشخه بطابوگه

::-تهون يبعدي كومي ارتاحي

نزلنا جوه شفنا ميليس متمددة يم زهرة وتباوع بالفون مالها وزهرة حاطة إيدها على عيونها سديت الباب وردت أرجع شفت أديان نايمة يم مُنتهى رحت اطمأنيت عليها وصعدت ويا هيف لغرفتها.

مرّ يومين الوضع طبيعي الحمدلله المضيف الولد كاموا يعدلون بي وجبنا كاميرات علگناهم بكل مكان بالحوش، بالساحة، بالبستان، بالترك، بالشارع، بالقطعة، بكل زاوية ممكن توصل احد النه.

الخطار ما خفوا بهاليومين بس عمتي خابرت جدي تتعذر إنها ما جت وكالت: أجيكم ويه رجعة اخواني

يعني تقصد أعمامي وأبوي من الزيارة

كنا مفكرين نروح نزور بس ما صارت فرصة وهاي السنة راحت الزيارة والخدمة وهيف زعلانه على مهدي فد مرة.

بخامس يوم من زعلهم كعدنا الصبح نتريگ

مهدي يمازحها ويحش عليها وهيه بعد اجتها الطنگورة مالته "شدهان" على گولة أمي.

رحنا واليوم جيه الولد وأعمامي إن شاء الله،

والعصر تجي عمتي

گمنه نركض نسابق ياهي تكمل قبل وتروح تبدل أديان

الحمدلله صارت زينة رحنا للسطح نغسله وننظف غرف الولد جونا صار كله حركة وحچيات ومَي وضحك بينا

زهرة::-شوفن اني مابيه حيل كلساع انزل واصعد فراح اشمر المي الوصخ من الستارة وحده بيچن توگف جوه ومتخلي واحد يفوت من باب الصاله خلي يفوتون من باب المطبخ

مُنتهى::-خوب من باب المطبخ احسن

هيف::-لا بالله علمود ينكسر ضهري بي شيطلعه للترك تعالي ريفان احنه نوگف وانتن نضفاً

مَنتهى::-وانتن شنو شغلجن يبعدي

::-نوگف الي يريد يدخل الهويه والشهادة

بدون ما نسمع ردهن طلعنه نركض سدينه باب االصاله. وكعدنه بالحديقه اني وهيف نگرز حب وامي وعماتي عليهن الطبخ والخبز اجه مهدي هوه وسيف داخلين وذيج الكشخه يسولفون ما منتبهين اجيت اصيح عليهم لا يدخلون

هيف::-محلفتج بالعباس لا تكولين

وصلوا للمكان الي يشمرن بي البنات مكان مخنوگ ريحته خايسة تراب وكأن الزمن واگف وهيف أول وحدة صاحت بصوتها القوي

::- أكلك سيف

سيف وكف داير وجهه عليها ومهدي وكف وياه عيونه حادة ينتظروها تحچي وهي تگطع نفسها بالحچاية وأول ما فتحت حلگها اريد تحچي بلحظة قذارة سطل مي نازل من فوگ مي وصخ ريحته تخنگ بحيث سود عيشتهم وحياتهم مو بس ملابسهم حتى نظرة بعضهم البعض تغيرت.

::- إي هاي حياتكم ما تملكون غير الوسخ

عيون مهدي تلبدت وچان باقي شعرة يفقد أعصابه،

ريفان::-عزااااا

هيف::-يمهه

مهدي::-اشتعللللل ابوكممم واحد واحدد ولكممممم ما شوفون ناااس جاايهه ولچننن غيررر تعاينن يلا اشمرنن المااي

على صياحه اجن نسوان اعمامي وامي

::-ياا يمه هاي شني

سيف::-يمه يمه راحت كشخه ابنج يمه

هيف::-ههههههههه يلا تكبرون وتنسوها

مهدي::-بالحسننن ابن الحسين كل البلا منجج انتِ ام راس

::-انچب كلشي وذبيته براسي اني شليي شغل لوو هيهه هيتهه هيف هيف ياهو الاجه وگال الصوچ بهيف هيف حايط أنصيص

كامت اصيح وكأنها صدك مو هيه وراحت دخلت جوه وشفت البنات بالصاله

مُنتهى::-احنهه مو گلنه گولن

ريفان::-چا شمدريني نسيت

::-امداج ومده ذيج الثوله سوتلها زعله عود ما ندري بخباثتچن احنه

رحت يم عماتي بالمطبخ اسولف وياهن من كملن ورحنه نغسل الحوش اني وهيف ونصنف عليهم

هيف::-هههههههه يمه عبالچن زعلت لا والله رحت للسطح گصيتلهم صورة من فوك ودرت من المطبخ طلعت بالدربونه وكصيت صورة الهم

::-ياااااا

::-اي والله ههههههه واذا ما سويتها استوري وثبتتها وبعدين هسه شويه وادزها بالگروب لا اهم شيء شعيب وسديم خاصه هارون هوه اكثر واحد متحمستله خربب ليمت يجونن حماس

::-عزاااا يموتوچ

::-لااا هسه من يوصل امير علمود احتمي بي چا ما رايده روحي هوه غير بوكس منه تفقدين الوعي سبوع

::-هههههههه يلا بسرعه خل نكمل

كملنه ورحنه نركض نبدل بس هيه رجعت

هيف::-باوعي البسي الفستان البوهيمي الاسود

ريفان::-لااا ما اريده

هيف::-أنچبي

راحت واني ظلتت طلع مني كلشي بس مدري شلون عجبني رأيها الخايس سبحت، ولبست نص ساعة ما حسيت بيها وگبل لا يدخلون هيف ركضت للساحة تباوع عالكاميرات مستعجلة،وبين صاحت علي لأن الكل التفت عليها هوه ضحك، راح لها حضنها من كتفها دخلها للساحة بعدين حاضنها حيل، وباسها هيه حضنته وقبلته بنحره وكأنها مضيعته من سنين.

الولد جايين بتجاه البيت واليسع وياهم

دخلواوامي ونسوان عمي كأن مفارگيهم سنة. واني شعيب لزمني حاضني عصرني عصر يبوس بوجهي ما يقبل يهدني اريده يهدني ماكو

::- ولججج وعلي مشتاقلج

من شاف مرت عمي وخر راح يسلم مصطفى، مهدي، سوالف ما عرفت على منو أسلم لفيت، شفت أبوي سلمت

عمامي من بعيد وصلت لأمير سلمت بس هز راسه

عكس سديم، هارون، واليسع ما خلو شي ما سألو عليه وسولفوا بس هو روحه بخشمه

دخلوا يسلمون على جدي وهيف يم شعيب، ومصطفى وهارون وگاموا يضحكون من جوه لجوه اخر شيء طگوها ضحكه عاليه

سديم::-ضحكونه وياكم

بس هيف بعفويتها ضحكت وشوفته شلون الطين الخيس حقهم بوكتها صدگ الموقف يضحك

ومهدي كأنه حس ركض يشوف وهيف راحت ضامه روحها بظهر أخوها واليسع، ملتهي بزهرة وبناتها شايلهن يبوس بيهن ميليس؟ تدلع وتغار منهن

بس من سمع صياح مهدي عاف الكل وگام يباوعلهم.

اليسع::-شمالك اصيح

مهدي::-گول الها تمسح الصورة العدها

اليسع::-يا صورة شمالك

هيف::-هااك الگف بس بربك لا تنطي التلفون اعذرني ما اگدر اجي بس اجي انكتل

سيف::-صلاافهه والله عمي صلافه زايدة منج شلون لحكتي موو زعلاانه

وهيه شمرت الفون وراح على يمين ايد اليسع ويه صرختها هوه لزم الفون

هيف::-يمهه گلبي طاح

صاحت مرة عمي عليهم

::-يلا زوارنه تبقون بالباب

واليسع شاف الفيديو وضحك

::-الگفي

كالها وهو يشمرة خلانه صافنين بس هيه لگفته وهو گال

اليسع::-هم خياله وهم صادود زين

هيف::-اعجبك ههههههه

مهدي::-وهممم صلافففه تعجبك

هوه راح لبيتهم حتى يسبح ويرجع واحنا دخلنا نحرر الأكل، نحضر المواعين نرتب السفرة على ما يكمّلون وسيف ومهدي كملوا واجوا يغنون على هيف

مهدي::-شيطانه شيطانه ومسويه زعلانه

سيف::-تقولي روح ابعد وهي لي ولهانه

هيف::-طيرر لككك

وهو يفور يريد بس يلزمها ويعض بيده وهي وره امي واكفه الخوافه رحنه نريد نودي جدي رفع صوته وگال

::- كلكم سفرة وحدة أريدها سفرة وحدة اليوم.

فرشناها بالصالة وإحنا نكتم توترنا لأن نعرف، إذا گعدنه عالسفرة سوا حتى اكل ما نگدر ناكل يبقى إحساس العزل يتغلغل بينا چنه نفضل ننعزل احنه البنات وحد

بس هالمرة شدوها أمر "وقار" تطير بالهوا واصيح وتتأمر على الرايح والجاي حتى ماكو مجال نصب أو ننقل وآخر شي راحت تتعارك ويه سديم كعادتها بينما "نقاء" كعدت بحضن اليسع تحچي وياه بصوت هادي بعكس اختها الشيطانة اللي ما تهدى..

كعدنا جهه من السفرة إحنا والولد بجهه

ونهايتها اعمامي وجدي والحظ الزفت وخلاني أگعد مقابيل أمير..

امير::-هيف وينها

زهرة::-هسه بس تلف شعرها وتجي

اجت لافه شعرها ولابسه كب.

مهدي::-حضري روحچ

گالها واجته كفخه من ابوي

::-اكل وسد حلكك عود بعدين

هيف::-حيلللل

كعدت تاكل وكل ساع ترفع راسها تضحك بوجهه وهو محترگ دمه يباوعها بنظرة لو يكدر يكضها چان كضها

ويكتلها ويخلص بس هي؟ ولا كأنها سادرة بضحكتها تتفنن باستفزازه تگابلت ويه شعيب على ماعون التمن

وإيديهم خربت كل شي.

غفار::- خرب بيكم اي والله لعبتوا نفسي

وهي عليها صلافة لو توزع للعراق كله تبقى منها شويه

والمشكلة محد يگدر يحچي لا عمي ولا أبوي

بس "وقار"، بعدهه تحچي وسديم گام من السفرة، شويه ورجع إجه حط شال على راسها وفرشه على متونها

::-شلون اكل

::-امه محمد كلها تاكل بشال اله انتِ

خلاها كلها انشحطت

جلال::-احترم نفسكك ولك

وميليس وهيف بعد شيسكتهم گامن يشهكن وهيف من كثر الضحك انشحطت اشرب بيها ماي واديان دگت على ضهرها

::- هااا اشربي زين لتختنگين حتى الضحك عدج عنف

تلوح بإيدها وتضحك

::- يمهههه دخيلج دگيني مره لو مرتين خل أصحى

وقار::-عمهه حييل حيل

هيف::-ترد..

ورجعت انشحطت من الكحه گام أمير سريع يمها وگومها وياه يمسح بحلكها وهي عينها راح تطبگ من الكحه واني يمها ألف مثل الدايخه بس أريدها تشرب نقطة مي كلشي تخربط أمي گامت تصيح عليها تريدها تسكت علمود تتنفس وهيه دموعها اصب وجدي وعمي وهي ولا چنها

::-تـنفسي يمه بس تـنفسي

أول ما وكفت وصارت احسن جرتها بضحكة طالعه من كل گلبها.

وسديم ما قصر كفخها على راسها وهو يضحك ورجع ياكل

رجعنه كعدنه وهيف تمسح دموع الضحك وتگول

::- يعني چنت راح أموت بس بموقف يضحك خوش موته والله.

وامي صاحتها يمها لأن ما دام مهدي مقابيلها يضلون هيچ

::-كله من وره الاجنبي وهاذا سالوفه

سيف::-موو اجي احط راسج بنص السفرة.

صاح بيهم عمي.

::-كاافييي.

هيف::-الأجنبي كافي عاد

مهدي::-ويگولون ليش اطيح حضها

ميليس::-امير لحد هسه اني ساكت ومتحمل

كلها التفتت الامير وهو يباوع عليها ساكت ورجع ياكل

انوب سديم ما لگه غير السمائي طلعت تچدح سكتوا وكملوا اكل واني همست

::-هيف هسه تنحسدين

::-ليش

::-كلها تعاينلج منا لبعد اشوي مخطوبه مخطوبه

::-هههههههههههه

ضحكت ضحكتها الرنانه خلتها كلها تعاين جدي خزرها

جلال::-راح اگوم هيف راح اگوم

::-اسفهه بس اذكرت سيف اصبح

سيف::-اي مو سيف مهرج

گالت مرة عمي

::-ماما لا تغصين حبيبتي اكلي لا تتعاركين وياهم بعدين

سكتنه بعد الضحك وكملنه الأكل بهدوء شلنه السفرة وحده وحده وزهرة سوت الچاي وأحنا غرگنا بالمواعين والضحك بعده ما خلص مال الولد يسولفون بالصاله

بس شويه راحوا للديوانية وإحنا، كل وحده بيدها شغله

هاي تمسح، هاي تنشف، وهاي ترتب. كملت لي بيدي وطلعنه اني وهيف نروح لغرفه امي لكينه غفار گاعد يم أمي، يسولف بهدوء هيف بسرعة لزمتني

::- لا تدخلين

::-هااا شبيج

::- ششش خلي نسمع خلي نسمع شيحچي

وگفنه بالباب نسمع مثل التماثيل صايرين نص فضول ونص خوف ونتمنى بس ما يلتفتلنه

::-يمه اخذها لـ دكتور خاف بيها شيء

::-عمه ما ترضى عناد شيء ما ادري بس ما ترضى هاي من التحق بابا گومي اوديج يم اهلي هم تتونسين ويه البنات وتباتين لاا ابقه بالبيت ازين بنت السگط منو يبقه يمج ما اخاف ابقه عادي وهاي اليل كله اني فاتح اتصال وياها والكامرات على البيت

::-خاف تستحي من عدنه وديها لعمامها

::-عمه دخيل الزهرة يا عمامها هذوله الچلاب

::-چااا يمهه مخليها بوحيدتها غير يصير بيها شي اخذ البنات يمها خاف تستحي

::-حيرتني وحرت وياها تليفونها هسه منوو تقبل زوجها يراقب تليفونها هيه رابطه تليفونها عندي تگول كلشي يصير ومحلفتني اذا ما كل يوميه ادخل علي

::-اسم الله هاي اضنها صايرة بيها خوفه لا سامح الله خاف احد حاچي وياها

فتحت الباب هيف على كيف نباوع علي حاط ادي على وجها

::-روحي احچي وياها انتِ شوفيها خاف بيها شيء والله موتتني.

::-اني هسه اروحلها

گامت امي طلع عباتها واحنه ركضنه نگعد يم البنات على ساس ماكو شيء

هيف::-راح اروح للبستان منو تروح وياي شو ضجت

::-ولج تحمس حمس يا بستان هاذا بهالضهريه

::-ما تروحين انتِ الخسرانه

گامت هيف تريد تطلع صاحت عليها زهرة

::-هيف اخذي وياج ملابس اليسع قبل لا يطلع وديهم اله واذا رايح وديهم وسفطيهم فدوه اروحلج ما بيه حيل اروح

::-بعيوني. بس وينهن

::-بالغرفه بالكنتور مالتي

::-تعالي ريفو

گمت وراها وهي تمشي گدامي لحكتها راحت جابت الملابس واجت طلعنه للحوش راحت بدون انذار للدوانيه دخلت عليهم بس گالت ماكو

::-چا راح البيتهم

رحت جبت عباتي واجيت اركض رحنه طلعنه والدنيا الضهر هستوها بال3تحمس حمس رادت ادگ الباب

ريفان::-خطيه خاف نايم

هيف::-چا شلون

ريفان::-اندري

انطتني الملابس وصعدت فوك الباب وطفرت وهو صاح منو اجه فتحتلي الباب دخلت وهو طلع يباوع باوع علينه ونوب على الباب اشر على الباب وگال

::-منو بيچن فتحت الباب

هيف::-شعليك

غميت نفسي ولچ غير داخلين بيتهم هوه شنو الشعليك يبوو انوب هو يباوعلها وهيه ضحكت گالت

::-اممم اني

گال تفضلن دخل واحنه وراه گعد وگدامه الحاسبه ويمه قوري الچاي وأكلاص

::-اي هذول الملابس وين اوديهن

::-حطيهم يمج

هيف::-ريفانه روحي وديهم لغرفته وسفطيهم وياج

باوع عليها

::-ريفان بعد اخوج عوفيهم

::-ريفانه وديهم

باوعت عليهم ثنينهم انوب اريد اروح بس ناسيه حتى وين غرفته ناسيه تفاصيل لبيت بس الحوش مذكرته ومستحيه اكول اني ما اذكر راسي احسه صدع اجت اخذتهم من ايدي سفطتهم وقبل لا تروح گالت

::-ريفان مي

وراحت ودتهم ورجعت وكفت بالباب التفتت عليه

::-موو گتلچ مي

::-وانتِ متروحين مكسرة

هوه گام بكل احترام چابلها مي واجه عزاا بعينج ان شاءلله

::-رحم الله والديك

::-والديچ.

انوب اني المستحيه همه عدهم عادي اويلي خرب يومج هيف

طلعنه وهو طلع ويانه وهيه تگمز ما تمشي

::-بعد لا تجن بوحدچن

وصلنه للباب ورجع اول ما فتحنه الباب ندخل شفنه..

يتبع...🦋🫣

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــ꧂

أعلمك عَ. رمي وإنطيكّ. مِني سلاح

وأول ماتجرب بيه ترميني؟

اجيتك شارد من الوجع مُرني هَواي

مارايد تهِد بس ردت تحميني

تسلمَني بأيديك لغُرفة التعذيب ؟

وتوصيهُم عليَ. وين اليأذيني .

꧁ــــــــــــــــــــــ꧂

وصلنه للباب ورجع اول ما فتحنه الباب ندخل شفنه..

مهدي يلبس بنعاله باوع علينه وگال

::-اجيتي والله جابج

شال شحاطه عمي من الكاع وركض وراها وهيه صرخت

::-اليسعععع

وهو اجه دفعني وركض وراها رجال شكبرة شكده عقله بعقلها التفتت عليهم وهيه لابده بضهر اليسع وتعيب علي وهو يريد يلزمها

::- الاجنبيي تكفى شريي احسلكك

::-ولجج الهفههه

::-انجبب الاجنبي المبيوكك والله خطيه

دار اليسع عليها خازرها

::-بضهري وتغلطين مالي شغل بيجچ روحي

::-ايي حقك غير اخوك ولوو احنه المنبوذين وخر وانتَ تعال طگني ولا هالذله هاي

وخرت عنه تريد تروح وهاذا مهدي هم مدري شلونه شو چنه صدك راحت يم الباب وصاحت

::-خااب الاجنبيي القشمررر تبقه قشمرر

وهو ركض وراها دخلو وهيه راحت على باب الصاله وهو هف النعال وچان يجي بطن عمي فتحت اعيوني على وسعها عزاااا

::-يا يابه

ونوب مهدي سحل هيف من ايدها وشرد هو وياها وهيف سحلتني وياها اني شلي شغل ما ادري لاگانه اليسع بعده بالساحه طلعنا نركض دخلنه للبيت وسدينه الباب ومهدي وهيف كعدوا ميتين من الضحك وهو يگول الها

::-انتِ من سحلتچ ريفانه چانت متجمدة بمكانها عبالها حرب عالمية ثالثة.ههههههههههه

::-بالله عليكم اني شعليااا شعلياااا

هيف::- انتي خطية بس چنتِ أقرب جثة فهفيناچ ويانه حرام تبقين وتنكتلين تالي صير ذمه بنص ههههههههههه مهدي الله ياخذك

صاح اليسع من برة

::- افتحوللليييي

::-لا تفتحن خليه يعيش لحظة التفكير بقرارات حياته لان اذا فتحنه راح ينطينه درس بالدين والاحترام

هيف::-اخووك اكبر كلاوﺟي وجذاب

::-انجبي لجج خرب لو مخليج مكتوله وشارد وحدي

رجعت وگعدت من الضحك ودموع الضحك بعينها واني رحت فتحت الباب صار بوجهي امير واليسع دخلوا وهيف كامت گبل لأخوها

هيف::-تدري اجوا يكتلوني الاجنبي واخو بس شردت ركض وراي الاجنبي شمر النعال و.. اجه...

ما كملت ورجعت النفس الضحكه هيه ومهدي واليسع صافن عليها شلون تتهمه وهيه ضاربتهم بعرض الحايط

::-اششش كاافيي

وهيه سكتت بالگوه مسويه شفايفها تريد تضحك بس مدري شلون باوع عليهم وفر ايده دخل واليسع يباوع عليهم

اليسع::-شلوون بالله وانتَ شوكت اصيررر رجاال موو كافي مشاكل

هيف عاضه شفتها ومهدي يتلفت گال

::-البيت مو يرادله صبغ واثاث جديد

واهنا تلاثتنه وگعنه من الضحك اجتنه صرخه من امير خلانه كلنه نتلفت وامير چي اخته ويانه ما يحچي كلشي ولا العزيزة تزعل يموت عضيت شفتي ساكته وهيف راحت يم الامير

::-ارجع امان لو انكتل

::-اكسره اليمسچ

::-واني

::-تاكل نعل

هيف::-يلا اني اروح باي وشكراً كلش كلش المجاهدتكم ويانه ندري تعبناكم بس يلا المهم باي سحبتني من ايدي وطلعنه الامير يمشي ورانه دخلنه واشوف بالباب مال المطبخ موجودات احذيه وشحاطات غير مالات مساع عاينت على هيف معفسه وجها گالت

::-اشم ريحه اعفونه

::-منو

::-عمتچ وبناتها يععع يعنيي هسه لازم انسلم

::-شيء اكيد

::- ترا غثه

::-چا شنسوي

دخلنه وشفناهن كاعدين وهيف الچذابه

::-ياا أهلاً وسهلاً اگول البيت منور يمهه عمتي عدنه ياهلا ومية هلا

كامن البنات يسلمن من وره خشمهاً وهيف وگعت بوس لعمتي

::-مشتاقيلچ شهالغيبه هايي

صرنه على صفحه وگرصتها

::-كافي چذب

::-دخل نحچي يااا وين نسوان عمامي عود ذني المعزبات كلشي ما جايبات

اياس::-ميته علينه انتِ

صاحتت بيها امهاا

::- خايبه هاي بنيت الغالي يمااه على ابوها

وگعدت تنوعي

::-يمههه يابو امير ياخويه ولچن چنت من اجي يمدلي السفرة مناك ليغاد هاذا العزيز يمه

افنان::-شوف شلون ذكرتيها بالمرحوم گومي يمه فدوه

عفناهن ويه نسوان اعمامي وامي يمهن ورحنه للمطبخ كعدنه على طاوله وجبنه فستق وحب هم حطينا گدامنه وصعدت هيف جابت التلفونات واجت كعدنه وهيه دخلت على الگروب چان بي 11عضو

واسمع البصمات وهمه ميتين من الضحك على الصور شويه واجت افنان وأختها مهرة كعدن كدامنه وهيف ما هتمت كملت البصمات واحد يگول الها

::-بروح القوالي هيف كثريلنه من هاي الصور الحلوه

وهيه ضهكت وگالت

::-تدللون وعلي ليمت ما تملون اني ادزلكم

وهنه كاعدات يسمعن بس هيف ما مهتمه الهن دز واحد عرفته من صوته مهدي

::-ولحسينن جايچ اله اموتچ

::-هههههههه خوش منتضرتك

سدت الفون وطفرت والتفتت عليه

::-وينه بس لا اجه

::-چذاب يريد يخوفج

::-ملعونن

افنان::-شنو الصور

هيف::-صوري دزيتهن الصحباني عندچ اعتراض

أفنان::-يووو يوو عليچن والله ما تنگدرن وجدي ميحچي وياچن

دخلت اديان وسمعتها

اديان::-لا حبيبتي تشاقه وياچ ويه ولد عمها

أفنان::-لو ما صدگ مصاحيه ما حچت بكل برود وثقه

اديان::-عيب ماما شبيچن انتن خطار يوم ورايحات خليچن حبايب

أفنان::-بس شوفت عينچ ما مسوين شيء سألناها وهيه هيچ جاوبت

اديان::-هيه طبعها هيج ما تتوالم ويه اي واحد اعذريها

مهرة::-والله علمودچ اديان ما راح ارد عليهن

ابتسمت اديان ودارت علينه

::-حبابات لا سون مشاكل بروح كل غالي عدچن الحچي الج هيف لا تغلسين

هيف ولا يمها مغلسه وتباوع بالفون وأتصل عليها واحد گبل ردت عرفته حمزة گامت اسولف وياه اديان هزت ايدها وراحت ومهرة وافنان مدري شيردن يحچن من سدت الفون وأفنان گبل گالت

::-امممم ريفان شنو مصرتي زينه بعدچ تذكرينه لا

جاوبتها هيف برود

::-ليش ما تذكرچن تذكر عين النبي تحرسها كلشي مبيها

ماهتمت الها وگالتلي 

::-چا شمالج چنت اني اكثر وحده عزيزة عليج شو هسه لا

::-لا تخافين اذكر كلشي

همست بيني وبينها

::-زين تذكرين اخوي

::-شنوو

::-كم يوم واصيرين اله فحضري نفسچ

هيف::-هيووووو شكووو عينيي مو هيه هيته بكيفچ السالفه تجين وتحللين من كيفچ

افنان::-اممم فوگ ما مريضه وبنص عقل ما اخذيها حتى اطفال متگدر اجيب

گامت هيف وگالت

::-تاااكليننن خره بگد شعر راسچ ياكلبه

ومهرة چانت حبابة بس من شافت اختها شلون تحچي گلبت وياها

مهرة::- بس كسرت خاطري لاا لا تغلطين احسلچ

::-تستهزئين حضرتچ

كلنه التفتنا على صوت مهدي بس ما چان مبين بسبب الكاونتر واكف وراه دخل يغسل هيف ضحكت وگامت متحضرة

مهدي ما أهتم وراح كعد يمها وهمس بأذنها شيء

وهيه دارت مصدومه عليه

مهدي::-والله مهرة اذا خطبتچ تقبلين

مهرة::-شنو

::-يعني ريفانن مريضه اريد منج اطفال الها يعني فد خمسه

هيف::-يعععع

::-ولچ تراا مناسيچ وعلي

::-كول واحد علمود تتحمله خمسه ويطلع سماني مثل امه شدو روسكم

مهرة::-كافيي عادد شهالتصرفات هاي وانت منو سمحلك تحچي وياي هيچ

مهدي::-اني سمحت النفسي عندچ أعتراض

گام وهو يحچي وياها بعصبيه

::-هالمرة بس حچي حچيت وياچ دير بالچ تحچين هيچ حچي ويه بنات عمي او اخواتي كانه من تكن خوش وريفان ولچ مطلعين اضفررر من رجليها جايه ابيتهاااا وتحچين عليهااا ولحسين هااي الخاطر عمتي راح اعديها وما احجي ثاني مرة لا تلومن الى نفسچن

طلع وهو يحچي

::-والله اني ما عليه بس الخطار بيتنه ويمسلت

مهرة الدمع يلالي بعينها گامت واختها وراها

هيف::-ههههههههههه في منتصف الجبه هههههههههههه

طگتها ضحكه وحده اعلى من الثانيه دخلت ميليس اخذت من الثلاجه مي وكعدت يمنه

ميليس::-ادوم الضحكه.

وهاي ميليس ولا چنها ذيج گاضي عليها السادس مأجله متحانين وراح نص حيلها عليهن يمه من تخلص شيلزمها على گولت امي خوفكم من سكوتها هاذا ما قبل العاصفه يعني من تكمل الله اليستر

وهيف كامت وكالت

::-رايحه لـ مهدي حتى لو يكضني ويكتلني ويدفني بالحديقه قابله.

راحت تركض ادورة وهو مساع من ركض اخذها وياه خاف عمي يضربها يموتون ولا احد يمسهن كون بس همه وكون واحد اجاهم وادخل بينهم ثنينهم يصفون سويه على الگاللهم ليش تعاركتم...

مرت ايام واجت فرحه الزهرة الولد وعمامي وأبوي وجدي عدهم شغل طالعين وأحنه كاعدين بالصاله شويه ودخلوا مهدي وسيف وهارون الثلاثي لي ما يفترق دخلوا ومهدي راح طلع الديجي

مهدي::-هم فرحه الزهرة وهم كاعدين وساكتين يلاااا ولعوها

ربطها على الفون ماله وشغل مولاتي يا مولاتي

وبلش يگول وياها

::-هي هي فاطمه هي هي مولاتي يا مولاتي

وبلش يغني وياها فرحان ويضحك هوه وسيف وراهم شيء مو خالين سطرونه سطر

::-مولاتي يا مولاتي يا مولاتي انتِ كل شعوري وذاتي يلا سيف هارون وياي

::-انتِ كياني

سيف::-فاطمه

::-صومي وأذاني

::-فاطمه

::-انتِ كياني

::- فاطمه

::-صومي وأذاني

::-فاطمه

::-مولاتي يا مولاتي يامولاتي

::-حگه الگلب يهواچ ما لوم الگلب من عللم

::-من عالم الغربي اسمچ منكتب

ويكررون بي صاحت عليهم مرة عمي

::-يمه شبيككم نصوا حتى ناس فزعت علينه

::-عمه خلينه فرحانين

::-يمه افرحوا بس نصوا شويه

همه وين يفيد وياهم حچي وصلو عذريني وصاحو بصوت واحد

::-عذريني عذريني عذريني منج التمس هذا العذر مجبور اروح لحضرتج كتبة شعر أصبر وضوگ المر حلو بهاذا الصبر

ويكررون بيها لحد مطب سديم وياهم على الخط وغيرها وطلعو "بالحدود" طلع اول شعر وبعدين بدوا ويا

سديم::-بالحدود بالحدود وجدك دگ مراجيحه كملوها وهمه يدبجون

امي گالت

::-يمه الولد استهتروا بعد مينلزمون ابد

كامت هيه ونسوان عمامي دخلن جوه واحنه گمنه كل وحده لغرفتها اجو عمامي المغرب واحنه گمنه نسوي عشى وهيف تفتر ساعه تتعارك ويه مهدي ساعه ويه هارون نوب تروح لـ سديم ولا واحد بيهم مخليته بحاله نوب هيه وقار

سديم::-كافي عاد انچلبتن

وقار::-شبيك عمو متشاقه

::-عمو هوه هاذا شقه ادور منا دمغني وحده منا شنو سالفچن

زهرة::-وقار ونقاء كومن نضفن الثلاجه هيف عزلي المسواك

گامن يركضن نقاء وقار يتعاركن كل وحده تريد هيه تنضفها تعارك اثنينهن واديان صاحت

اديان::-راح اگوم ادفرها اطلعها گبل على جبار

هارون::-يااا متدرين يگولون جبار شال

هيف::-بس لا چذب

كملنه شغل بليل اجت مرة جلال هيه وجهالها وسديم ومهدي تولوهم كتل كتل معنو هيه چانت زعلانة منه چي يكتل بيهم وما تجي

حوراء::-والله سديم راح اخذهم وأرجع

سديم::-ترا اني الاحبه اكتله شمالچ

حوارء::-استغفر الله سديم كافي

سديم::-غير فروخ اخوي معليچ

حوراء::-ياااا

نص ساعه ما خلاها تگعد واخذتهم ورجعت فات سبوع بسلام بس چانت توصل رسائل تهديد تخلي. جدي بالغرفه نهار كله كاعد يراجع احساباته والولد شاطو منو هاي بنت الطُرماح ونسل السيوف لهيچ خايف منهم جدي وشنو يعرفون عنه ورادو بس يحچيلهم لأن يمكن يگدرون يحلونها لأن وهيثم غفار ضباط الأمير اليسع محامين ومن غير الباقي...

بس مگال ومرن الايام وصارت ديرة سنة مال جدتي والتهينه بالعزيمه والزيارة والبنات كلها اجت يمنه الاقارب كاعدين نحضر وزهرة وحوراء مرة جلال ومرة نوح اقاربنا واديان ومرة هيثم عبالك فراشات يشتغلن فدد شاطرات طايرات اخر شيء صاحت بينه حوراء

حوراء::-كومن ولن اطلعن بره فااهيات ما منچن فايده عمه هذني مقتنعه بيهن لو منچ اشمرهن بالتقاطع احصل بيهن كم فلس بدال هاي كعددهن

فتحنه اعيونه على وسعهن بس امي ما حچت شيء وبقت تشتغل تفتر وترزل بينه امي مو هيچ مرزلتنه انوب عمتها گدامها وهيف صاحت على مرة عمي صالح

هيف::- خالههه الزميي چنتجج لا اغطط راسها بالجدر احنه مخدنگين وهيه اصيح

::-عمه هاي هيه گدامچ اسحليها كسريها مالي شغل بيها منچ الها الي خلگجن اني

::-والله حقچ

ماهتمت الكلامنه تركض واسوي هاي وتركض على هاي  شافت بنات عمتي كاعدات يحشن سوالف ويه بنات الاقارب بس مهرة واكفه يمنه ومنعسه چنها احنة وحچت الكلام الي بنفسي

حوراء::-عمه بناتچ غاثتني بكعدتهن هيه غير هم جدتهن

وعمتي راحت اصيح بيهن وخلتهن اخذن الخبز وهنه راحن يخبزنه بالساحه اجه مهدي من باب المطبخ حوراء صاحت

حوراء::-مهديي جهاليي اذا جستهم انتَ لو سديم او غيرة اليوم اشيلكم ما خليكم بداكم

مهدي::-اخلاقي ولعباس لحترامچ وحده منچن ترد

حوراء::-جهالي مهدي

مهدي::-اذااا ما اجيبهم مزورگين

شويه وسمعنه جهال يبچون

حوراء::-سواها ابن الاوادم اخخخ

راحت وهيه عاضه ايدها شويه ورجعت گالت

::- كاتل جهال رهف عباله مثلي تسكت راحت بنص الزلم تلعلع چنها دلاله بودي اكضها واكفشهاا.

وصدگ شويه واجت رهف تريد تلم غراضها وتغلط واسب واحنه ساكتين حتى مرة عمي متحجي معنو كاعده هيه تحچي على سديم وهارون ومهدي

رهف::-مااااصارليي ساعتينن من اجيت ساعتينن وكضوهم تكفخ

وصيح وتغلط صرخت هيف عليها

::-ولحسننننن اجيجج الهه اشكك حلككجج لااا تغلطين احس....

سدت حلكها عمتيام هيثم وحوراء كملتها

حوراء::-هييي خااب مسكتينن الزلم مناا والنسوان مناا ما تستحين على وجهج تلعلعين هذوله ولدي كاضينهم تكفخ يوم حچيت گلت شو انتِ مدري شلونچ

رهف::-هوهه بس احنه مو هذني بنات زهرة ما يكلوهن لو چي بنت العلويه هاي وانتِ هيفف اني الچ شلووون تغلطين

حوراء::-حلووو فرتهاا على زهرة

صاحت بيهن عمتي

::-كافيي يمه هسه هوه سوالهم

::-يمههه المررة الفاتت شكو راسه ومحچيت وهسه يطگو شنو معناها

هيف::-كافييي تراا روسنه يوجعنه جدوووو

طلعت من البيت وهيه صيح ورهف نخلست

حوراء::-بس هاي تعجبني

شويّة ورجعت هيف غمزت لحوراء من بعيد وهي ابتسمت وردت الغمزة بهدوء وراه بفترة قصيرة. إجا جدي وگعد يحچي عن بنات عمتي كأنه جايب ويا الحچي نبرة صوته مشبعة بهم

وما طولنا إلا واجوا السادة أخوال زهرة واهل سما  سلموا علينا ودخلوا للصالة وجوههم هيبة ووقار وسما تلگتهم تبوس بيد امها وترجع تسلم على نسوان اخوتها

لابسة صاية بسيطة وحجابها ملفوف ليورة ملامحها ناعمة وابتسامتها ما تنزل وجها بشوش نسوان اخوانها ثنين هم راحن سلمن ورجعن حطن ايدهن ويانه

ويحچي ويانه  بين سوالف أديان ومُنتهى رحت يم هيف تحضر المواعين

وأني أساعد أغسل الصحون والچاي گدامي يفوح بريحة هيل

فجأة اندگ باب المطبخ

رحت أفتح وصار أمير گدامي داير وجها بإيده بنت جلال الصغيره وجهه تعبان همس وهو داير وجها

::-صيحي مرة جلال او سما

التفتت على سما

::-رجلج يريدج

هزت راسها وراحت يم الباب انطاها سدر بيدها رحت يمها وهمست

::-زوجج غثه تعرفين وكلششش مكروه لو شما يسويلي ابقه اكره والله لو ما هيف

سما::-عفيه عليج احترمتي هيف واني جايه كدامي وتحچين على زوجي مو عيب

هيف::-ولحسسيننن اجييي اكص السانج تروحيله فدوه على فدوه يلخايسه

فتحت اعيوني على وسعها

::-شلون سمعتي

::-هاذا الهمج وانتِ الهدوئه مو تحچي على رجلج

::-واني شسوي المهم هوه اخوج وانتِ اولى بي

::-معتبه اذا اخلي يوصلچ بعد

::-عشتوا ميته علي اخذي

::-اييي كلشش سماااويي عيني لا تحمين هوه احنه المطبخ محترگ بينه شمالچ

::-انطيني هاي الحلوه يماااه

اخذت سدر من ايدها وهيه شم بيها

::-الله ياخذج احويره ليش حارمتنا منها يمووو هاي خلوها عندي بروح اعزازكم

اخذتها وراحت واحنه كملنه كلشي

وبالليل طلعوا كلهم للزيارة بس إحنا ما رحنا

اني، وهيف، وميليس، ورفل، وأمير، وسديم، وهيثم، وغفار، واليسع… ضلينا.

ومرت الأيام بهدوء وسلام ما چنا نعرف إن الهدوء أحياناً يكون مجرد الهدنة اللي تسبق الإعصار

يتبع....

مزهق للإقتصاص.

بقلمي::رمش عقيل

تصويت لطفاً.التعليق بين الفقرات.🤍

꧁ـــــــــــــــــــ꧂

يا حَبيبي وصاحَبي وحَزن القصيده

أنتِ اول ضيم يـجويني واريدهَ

꧁ـــــــــــــــــــ꧂

بعد مرور شهر ...

بيوم، چنه هستونه مكمّلين الشغل صعدت شويه ونزلت نكمل تحضيرات الغدا وسرور بالصالة متمددة ومُنتهى تفرك براسها تعبانة ما جان أكو شي غريب لحد ما دخل آخر شخص كنت أتوقعه شيث

دخوله گلب الجو خلى الكل بحالة صدمة

الهدوء خيم مُنتهى ما عرفت شلون تتصرف تريد تگوم بس أدموعها سبقتها

رفل ركضت له وهو ضمها بحضنه وكأنه الزمن رجع

رجع كل شي.

::-ياروحه انتن يابعد كل حيله

سحبها من حضنه ودخل لمُنتهى اللي چانت تغطي وجهها بأديها وتشهك حيل تحاول تضم دموعها

بس دمعتها فضحتها ما گدرت تتحكم بصوتها ولا برجفتها تقرب منها باس راسها وحضنها وهيه صرخت بي ما تريده

::-رووححح روحح ارجعع منينن ماا اجيتت

::-خل اشوفچ يبعد كل روحي واهلي

::-ولييي

::-ههههههه

::-اييي اضحكك اضحكك وخرررر شيثث ارجعع ارجعع منين ما اجيتت

::-بت الكلب خل اشوفچ باوعيلي

::-صااارلكك شكثرر خلصت دراستك ليش ما رجعت ليشش عاااجبكك تبقه دايح

::-يول دستي بطني خل احجي

گومها يبوس بديها وراسها سحبها بحضنه وهيه دفعته

::-عساج لا رضيتي شو وخري

وخرها ورجع سلم علينا وحده وحدة راح اتجه لـ عماتي بعدهن واگفات مكانهن مدري مصدومات لو بعدهم ما مستوعبين كعد وياهن ظل يحچي ويضحك شويه كأنه شي ما صار

دخل سديم وشعيب وراهم غفار سلّموا علي وكل واحد چان وجهه يحچي قبل لسانه وراهم دخل أمير وهيثم أول ما لمح شيث گام شيث من يم عماتي بسرعه يريد يشرد ما يباوع لا على واحد ولا حتى على المكان

امير::-انيي كتلك لا تجي لو لا

::-السلام عليكم عمي

::-ابن الكلب اليوم انعل حتى ابو عمك الزموه الي

::-مووو گداام البنات اميرر

هيثم::-بعد ايدي الداايح ابو النسوان حلتلك الكعده مووو

شيث::-خل افهمكم

أمير ما سكت جر الحزام وسفطه على ظهر شيث شيث ركض شاردو بس شعيب لزمه ورجعه ما لحگ يوگف رجع أمير وضربه مرة ثانية

رفل گامت تبچي بصريخ صوتها ملأ المكان وهوه عافهم وركض إلها حضنها وهيه چلبت بـ رگبته تبچي وهو مدنّگ عليها ويهدي بيها وهيه ابد

مُنتـهى شافتهم سكتت ما گدرت تحچي

زعلت وراحت ضايجة بس من اللي شافته واللي حست بيه اختنگت بالمكان وگام والله حقها بكلشي صار وما الومها من تزعل ابد.

::-اشش

رفل::-بعد ما احبك

::-افف ليش

::-ما اريدك نهو گامت تبچي من وراك

دار يريد يروح للغرفه بس قبل لا يدخل گال

::-احد يمها بالغرفه

::-اي هيف نايمه وسرور هم كاعده يمها

رجع وگال رفل صيحيلها خلي تجي لغرفتي

هوه گالها والولد ضحكوا

غفار::-والله قديم هيهه بقت غرفه تبرعنا بيها لهارون

::-گمم لكك غرفتي ترجع

راح صعد فوك ومُنتهى لا راحت ولا حچت وهو هم ما نزل للضهر من صبينا الغده نزل راح للمضيف سلم على جدي وعمامي وبعدها رجعوا كلهم فرشنا السفرة بالصالة حتى يتغدون واني رحت للبيت أشوف ريفان صارلها أسبوع تعبانة ونايمة بالفراش

گلت لأمي إنو شيث إجه بس ريفان ولا تذكرت منو شيث أصلاً تنسى هواي حتى ما گامت تاكل وأمي گاعدة يمها تحاول تهديها والتعب واضح بعيونها

ما طولت كلش مقهورة عليها رتبت البيت ونظفته ورجعت لبيت جدي لأن جدي ما يقبل نبقى هناك إلا وقت النوم بعكس باقي اعمامي حتى وقت النوم ما يتواجدون ماعدا احنا لأن مطبوك.

من رجعت لگيت البنات بالصالة وهيف ترجف من العصبية وتصيح على سما الجو متوتر والهدوء ثگيل كأنه شي كبير صار واني بعدني ما أعرفه.

::-سمااا خليي يجي هسه والله امووت والله

سما تحاول تخابر زهرة تهدي بيها مُنتهى تريد تنطيها ماي وهيه ولا همها بس تريد امير يرد عليها لحد ما دخل البيت سحبها وصعدوا فوگ

::-شبيها

سما::-ما ادري صعدت فوك نزلت متخربطه كل اوضاعها سودنتني خاابري خابري.

كعدنه نتغدى احنا وعماتي بالمطبخ والولد گعدوا بالصالة يشربون چاي أما عمامي وجدي راحوا للديوانية

هيف نزلت تركض شكلها تريد تطلع بس سديم ومهدي كَاموا يمنعوها مو بالقوة بس يحاولون يهدّوها أعاين على إيدها ترجف دخلت أمي باوعت عليها وهيه تسودنت گامت تتفحص بيها وتصيح وتغلط وبدت تسب على أمير بصوت عالي

وأمير واگف عالدرج ساكت وشيث واگف ورا المحجر مكتف إيديه يتابع عبالك  ما صاير شي يتفرج على مسرحية

الوضع ثگيل شوية سديم أخذ هيف وطلعوا والباقي رجعوا يكملون الغدا وأمير ما نطق بحرف

حتى سما ما صعدت يمه ظلت بالمطبخ لحد العصر

الولد راحوا طلعوا وهيف وسديم لحد الآن لا حس ولا خبر من سألنا گالوا گاعدين ببيت جلال

صارت الساعة بال9 لا شيث لا أمير ما نعرف وينهم

وهيف هم بعد ما رجعت وسما بقت تلف وتدور حايرة

ما حد گدر يهديها

"سما"

الساعة صارت 12 واني بعدني آخذ الحوش، وأرده

وهو ماكو.

التلفون بيدي قرب يطفى الساعة صارت بال2

مليت ضاك صدري وهو بعده ما رجع أفتر بالبيت عبالك مخبلة البيت كله صامت رجلي توديني أكعد الولد بس أستهدي بالرحمن واكول هسه يجي

رحت توضيت كعدت أصلي صلاة الليل

كل ركعة بيها دعوة دعيت ربي يرجعه بالسلامة

ويطمن گلبي

أندك الباب گلبي طفر دخلت هيف

عاينت عالچرباية ورجعت باوعت علي

وأني بعدني بالسجادة أكمل صلاتي وكلّي أمل إنو دعائي راح يوصل قبل الفجر همست

::-امير وينه

كملت صلاة وجاوبتها

::-هستوه خابروه وطلع

ماحبيت اخوفها وهيه مريضه

::-وين

::-ما ادري

اعيونها حمر ومبينه ما نايمه

::-شبيچ

::-ما ادري

اجت تمددت يمي وحطت راسها بحضني قلبت راسها صار بجه بطني گالت

::-ريحتج طيبه

::-ريحه الچادر مال الصلاة

::-والله اجنن حتى انتِ من ذبينه تبقه هيچ احب عطرچ

نزلت راسي بستها من راسها غمضت اعيونها تريد اتنام گالت

::-امير ليش ما اجاني

::-ما اجه ابد؟

::-اجه يم جلال بس ما اجاني اول مرة هيچ وهو يدري ماعندي غيره ولا اكدر انام بدونه ماعرف اله اشوفه يلا تغمض عيني

::-هسه يجي نتعارك وياه ثنينه

::-بعد ما احچي ويااه شايف روحه عبالك بس هوه امير والله ما تلام ريفان بي بعد ولا ادافعله

::-ههههههه خوش واني هم اطبگ وياج

::-گومي نامي على الچربايه وعلاجج شربتي

::-اي

گامت حطت راسها على الچربايه مثل الي اذكرت شيء عاينت عليه

::-وامير من يجي

::-ينام بره مالچ شغل بي

غفت هيف شويه وأنـي بقيت عيني ما تغمض أنتظر والتلفون گدامي قرب يطفى بي ٤٪ أذن الفجر

گمت توضيت صليت بس صدگ بچيت مو دموع شهگات مكتومه أخاف تگعد هيف ما متحملة وأنا بعد گلبي تعب فوگ كل التعب والضيم ما أريد أزيد عليها

سهران ومتونس ناسي إنو أحد ينتضره لو مو ناسي يمكن صايرله شي بس ليش ما يرد هو من ليمت يبقى لهالساعة لا لا اسم الله عليه يمكن عنده شغل يمكن انشغل يمكن التليفون طفى وما گدر يرد بس تعبت تعبت من يمكن.

نزلت حتى الجادر ما ذبيته كعدت جوه حطيت راسي على رجليه انتضرة بس هو ماكو ...

"مُنتهى"

دگ تلفوني رفعته اشوفه طلع شيث رديت گال

::-اني وأمير بالباب افتحي النه مغفول

رجعت اريد اغفه وگال

::-ولچ لااا تنامين

::-اجيت.

سديت التليفون وطلعت من الغرفة على خفيف

فتحت الباب شوي شوي ما أريد أحد يحس

مشيت صوب الباب الرئيسي وهم فتحته واني بعدني واگفة وره الباب همس شيث

::-هاي منو النايمه اهنا

التفتت على الجهه الثانيه شفت وحده من البنات

لابسه جادر الصلاة كاعدة على المصطبة مال الحديقة

الدنيا بعدها ما ضوت الفجر توه مأذن والهوا يبرد شويه أول ما سلقيت الباب رفعت راسها عيونها حمر ابتسمت چانت سما !

صرخ شيث

::-يماااه ربييي ان شاءلله مرة مثلها

گالها هو وبعدها بثواني وصلت رفسة من أمير

رجعته ليوره وگال بعصبية

::-شبّيك هسه اني شگلت

بس ما چان يشاقه أمير مبيّن عليه الغيض

هو سحبها من إيدها ودخلو سوا وإحنا دخلنا وراهم

::-جوعان؟

::-لا اكلت برا وانتِ مو زعلانه ولي كملي زعلتج

::-اهه ميته عليك اراضيك دولي والله بطران

"سما"

كعدت على صوت الباب شلت راسي بثگل ولمحت وجهه لحظة حسيت روحي رجعتلي

ما حچه شي اجه سحبني من إيدي بلطافه واني مشيت وياه خطواتي ثگيلة وعيني بالكوة مفتوحة

::-شعندچ باقيه گاعده

::-الك عين تسأل مو اخابرك ليش مترد واصلاً هيف الي خلتني گالت من يجي گعديني

::- وينها

::-بالغرفه

::-ماا أدري تلفوني خرب

مبين كلش تعبان بالگوه علي جاوبني من النعاس حتى مگتله تريد شيء دخل شاف هيف نايمه

::-ليمت اجت

::-مساع حتى اعيونها حمر ليش هيچ وياها

راح يمها باس خدها وضم إيدها بحنية أخذ ملابسه وطلع للحمام

واني فرشت فراش على الگاع وتمددت عيني سدت بدون ما أحس وغفيت بس شوي فتحت عيوني صارت على الچربايه ماكو هيف راحت بس أمير بعده نايم

گمت بالگوة احس روحي متكسرة خطواتي بطيئة

رحت أشوفها دخلت غرفتها لگيتها نايمة على الچربايه

وسرور يمها وميليس بالگاع عفية بنات كل دقيقة بغرفة

ما تعرفين وين تلگيهم

سديت الباب بهدوء وشفت نقاء طالعة من غرفة زهرة

تمسح بعيونها مبينة ضايجة رحت يمها شلتها حضنتها

::-شبيج ليش كاعده

::-وقار دفرتني بس ادفر حتى بطني گامت توجعني

::-خليها تولي تعالي انام بغرفتي تجين

هزّت راسها بـ اي بستها بهدوء ورجعت دخلت للغرفة.

نقاء طبگتها حيل صوت الباب چان عالي خلى أمير يفز من نومه باوع علينه وعلى طول چان نظره للساعه

كأنه يحاول يفهم ورجع نضره عليه

::-مو هستوچ نمتي شكعدچ

::-شفت اختك واجيت

::-وانتِ نقوه

::-اريد انام يمك عمو

::-تعالي

راحت اله واني رجعت بفراشي

::-سمااي اهنا يمنه

باوعت علي ورجعت عليها

::-لا هنا اني وياج تعالي عوفي عمو

::-ما

::-وقتي تليفونج بال10 وتعالي اهنا

گمت وقته وهو بي1 أريد أوديه للشحن بس ما بيه حيل نقاء نايمة بنصنه سحبتها بحضني حطيتها بحنية وظليت يمها بس چنت تعبانه عيوني وگبل غفيت ...

"اديان"

إجه شيث دخل بهدوء وكعد يم سديم، مهدي، وسيف،

مُنتهى صبتله چاي كعد يتريگ وياهم لا صوت لا نفس

دخلت هيف شعرها واگف عبالك طاگ بي عبه غسلت وجهها وكعدت يمهم فلتت الشكّالة وصاحت

::- مهنو سوي الي

راحت الها مُنتهى ربطته الها رتبته وعاينت عليهم كلهم ثبتت نضرها على شيث وگالت

::-شلونك شبح أوبرا شلون چانت ليلتك عدنه حلو لو لا

::-لاا

::-الاجنبي شبيك مفلس

::-ما بيه شيء

::-وانتَ سدوم

::-اعيونه

::-بس انتَ تفتح الگلب

كعدنه نتريگ والضحك والگصة شغالة كلها تحچي وكل شي طبيعي بس هيف عينها چانت تراقب وانتبهت إلها

وجها مشخوط الأحمر مغطي خدها وعيونه؟ مو نفسهن

متغيرات مطفية

::-هيف باوعي

غلست

::-شبيچ هاي منو هيچ مخرمشچ

::-سدر لعبت وياها وهيچ صار

::-اعيونچ شبيها

::-تحقيق خو ما تحقيق شسالفه

خلت وگامت مهدي گال

::-شاخطه

::-لا والله شبيها

::-تولي

گمنه نضف كملنه كلشي وحضرنه الغده وأمير وسما ما نزلوا گلت الـ هيف تگعدهم بس گالت هستوهم ناموا عوفيهم

"سما"

غفيت بحضن چنت كل يوم أتمناه عايشة على أمل إنه يصير يوم إلي وصار بس كعدت واني نايمه على أيده وصايرة يم صدرة نقاء ماكو وهو نايم بعمق نفساته هادئة ووجهه يمه گلبي احسه حلم

صفنت بيه عيوني تسبح بتفاصيله واني أتجرأ شوي شوي أقرب بس قبل لا ألمسه، قبل لا أبوسه شفت الساعه 12 ونص! شهكت

::-عزاااا

اله شويه طحت من الچربايه وهو طفر گال

::-شصار يمعوده خو ما بيج شي؟

دمعت اعيوني لأن والله راح يرعد رعد ياارب دخيلك بس ما سويت شي وگلت

::-مووو دگ المنبه عبالي رحت شو بعدك؟

::-شنيي

عاين على الساعه وطفر چنه مخبل

::-خرب مو گتلج كعديني

::-اندري اني هم منايمه لأن انعس واخذتني النومه

::-اششش اسكتييي

دولي لبست صايه خليجيه لونها بني على ملابسي خاف الولد موجودين وعدلت حجابي وطلعت نزلت وهيف صاحت

::-شرفوا العرسان

رحت للمطبخ غسلت وچهي وشربت ماي بارد حطيت چاي على النار قررت أسويله لأن لو يموت هو ما ينزل يتغدى لازم اول شي يتريك

رتبت الصينية بهدوء الكلاص، الاستكانات، شكر، والجبن والگيمر كلشي لازم يكون بمكانه عبالك تقديم ملك

وبين ما يخدر الچاي سمعت خطوات التفت. رفل جايه تركض وعيونها تلمع

::-أمير يصيح گلب الغرفه گلاب ويگول صيحيها بسرعه

رحت واني بعدني مشدوهه من كلام رفل دخلت الغرفه واشوفه سابح والكنتور مفلش الگاع متروسه هدومه چنها حرب مو تبديل ملابس

چان كلشي بداخلي يبرد البارحه صفطته قطعة قطعة عبالي ارتاح اليوم واذا بيه كل شغلي رايح اله شويه دمعتي نزلت مو بس على الكنتور على التعب.

::-يااا ليشش

::-الغثرة والدشداشه الجديده وينهن

وگفت يم الباب نظرتله وگلت بصوت هادي بس بي نغمة عصبية ما تحتاج توضيح

::-الغثرة مكويه ومعطره ويه الغثر بالباب الثاني وبعدين انتَ مو اهنا تحط دشاديشك مالاتك بالميز مال المرايه هم مكويه

راح اخذهم يبدل واني باقيه باب الغرفه صاح

::-شبيچ

مدري اجاني احساس انو لازم اذكره سديت الباب وگلت

::-ترا اني مو مرتك حتى تصيح عادي وتفلش ومو هامك

::-اممم ومنو النايم بحضني توه ابوي

::-مرتك بس اتفاق ليش انتَ نسيت مرتك؟

::-مالچ شغل شيء ميخصچ ومرتي مدام على ذمتي مرتي انتِ

::-بسس من چنت اگول چان يختلف الحچي وتگول مالي شغل بيچ بس انكمل الاتفاق اروح

::-ماا لازمچ

گالها وراح يطلع ضحكت فرحانة أن بده يلين شوي مو مثل قبل وتقده چنه أحن سديت الباب ورجعت أرتب الغرفة وذكرت الچاي رحت أشوفه لگيته كاعد على الكرسي وتلفونه بإيده ما عرفت منين جابه جبتله الچاي چان خادر ومدري منو مطفي الطباخ اجيت اصبله انطيته صبيت ما حسيت اله وضرب الگلاص بالگاع وصرخ بيه رجعت ليورة فازه

::-هاااذاااا چااااييي

::-شنو شبي اسويلك غيرة

::-ثاااانيي مرة لا اسوينن هاچ انتِ اسممي بي

بهدوء دخلن نسوان عمامه واني بعدني محتفظة بصمتي بس گلبي يغلي وهو بعده يغلط ولا كأن شي صار ما حسيت بأي ذرة احترام لا إلي ولا لحچايه گدام الناس طلعت من المطبخ ورحت للغرفه وسديتها باوعت على الغرفه گالبها گلاب الملابس الي طاشهن لميتهن بخربطه ورجعت طشيت الباب الاول والثاني والثالث ملابسه كلهن وبعدها شمرتهن من جديد داخل الكنتور

وگفت گدام المراية صفنت بنفسي چنت أريد أشوف "مرت أمير" شلون ممكن تطلع إذا حبت تنتقم بطريقتها مو بالكلام اني العاشگتك هسه بس راح اخليك تعض اديك ندم لأن راح تحبني لبست صاية مخططة رصاصي وبيجي وشال بنفس اللون رصاصي لفيته عدل وطلعت نزلت أدور عليه ما لگيته

رحت للمطبخ لگيت خالته وعماته حتى الگلاص الي انكسر لامينه صبينه الغده وكعدنه نتغدى وكلشي طبيعي كأنه ما صار شي لـ 3 تقريبًا اجت عمتهم وبناتها سلمنه عليها وهيه تباوع ياهي النستها واحنه متنه من الضحك گالت يعمه والله ناسيتچن

::-هااا يمه منو نسيتها

هيف::-عمهه انااا

::-اكليي تبن انتِ مرتين سلمت عليچ هلكتيني اني ما اعول اكملچن وانتِ كلساع لازمتني بوسيني

اديان::-معوزه حنان عمه بوسيها بعد

هيف::-اي عمه

رجعت باستها

وهيه كعدت وجبنه ماي الها شربت وگالت

::-لزموني مهدي وسيف يمه اني رايحه روحي وهاذا كسر رگبتي

ام هيثم::-ههههههه يحبونچ تعاليلنه دائماً نشتاگلج

كعدنه نسولف وياها هيه والبنات وكل وحده لاهي بضحكتها وسوالفها البنات كعدن يسولفن ويه زهرة واديان وفجر ومُنتهى جابت صينية الحلويات وكعدت بينهم تضحك الجو كلش هادي ولطيف لا هيف، ولا سرور، ولا ريفان، يحبون يگعدون ويه بنات عمتهن راحن اعتزلن وحدهن

بقينا نسولف لحد العصر رجع أمير دخل وسلم عليهم وصعد للغرفة ما طول شويه وسمعت صوته يصيح بأسمي وگمت ما اريد احد يلاحضني اني زعلانه او شيء واني ميته قهر منه

::-تعالي رجعي صفطيهن مثل ما خربتيهن

::-مالي شغل

::-سماا مالي خلگ العب الزعاطيط فضينيي

::-ولعباااس ولااا الي شغل خوش اتفاق انتَ مو گلت اتفاق شغيرك انتَ موگلت ما اريد شي منچ

::-وانتِ المفروض توفين مثل ما قنعت اخوچ يتعالج

::-لا اني گلت صح بس شگلت كلت ازوج وانتَ كلت هالحجي لا تحاول تستغلني بشي

::-علوية وحگ جدج رسول الله اذا الزمچ اله اگضي بيچ التوبه

ذبيت الصايه والشال وگعدت هلكانه من الحر عليت السبلت وگعدت أتهوى شويه بعدها گمت أخذت ملابس ودخلت أسبح طلعت ورجعت للغرفه عاينت عليه بس طنشته وهو بعده واگف يدور بالكنتور.

فليت شعري وصافن مشطت ولفيته وردت آخذ صايه حتى أنزل بس بعده واگف كدام الكنتور.

::-شويه

ما وخر ولا عبرني

::-شبيكك اريد انزل

::-منو لازمج ما تنزلين

::-مو انتَ..

رفع حاجبه وگال

::-هذاك الباب واني اهنا

::-تمام اني طالعه هيج بس اذا صار واحد گدامي من الولد الحرام عليك

خزرني رحت أريد اطلع وهو جراني رفع راسي أبتسمت اله ورفعت رجلي اصير يمه همست

::-اطلع؟

وهو همس بنفس الطريقه

::-اكلي تبن

ميلت راسي ورفعت عيوني اله چان واگف گدامي بخطوات صافن بعيوني بنظره ما بيها غضب بس شي غريب شي ما متعوده عليه من عنده قرب وجهه شوي واني خازرته مثل ما هوه خازرني

بهدوء حط راسه يم رگبتي شمها وكأن ريحتي تهمه كأنه أول مرة يحس بيه وهاي چانت أول مرة يتقرب أول خطوة يخطيها باتجاهي مو بالعصبية مو بالغرور الشايله چانت بيها حنية مخفية بس ما لحگنا نكمل اللحظة.

سمعنا صوت بنت تصرخ بدون تفكير ركضنه اثنينه بس هوه أسرع مني تلاحگنا الخطوات ولمن وصلنه على نص الدرج شفنه ريفان لازمه ايدها وتصرخ وجهها مصفر

دموعها تغسل وجهها وخوفها گلوبنا طاحت من مكانها

::-شبيج شكوو

وهيه تصرخ لزمها وهيه صرخت نزلت الها اركض اريد اشوفها وزلگت اني هم لزمني أمير بيده رجعني علي كعدت يمه

::-على كيفججج انتِ الثانيه

::-عباية

لفها بيها شالها وركض نزل هارون وراه وراهم سديم وسيف كلهم صايرين بصف واحد بس فجأة وهم نازلين صارت رجلي على السيراميك طلع بيه صابون أو شامبو زلگوا اثنين من عدهم وگعوا على الدرج

ركضت للغرفة چبت مي ورجعت أركض چبيت على الدرج حتى اشوف وصار صدك وقف وفجر إجت يمي نبرتها كلها توتر

::-شكو؟

::-شانبو مدري صابون بالگاع

اجت لزمت الگاع

::-منين اجه

::-الله اعلم جيبي سطله مي وصله خل انغسله گبل لا يجون الجهال لو عماتي يصعن

راحت بسرعه جابت ماي وصلة المسح ومسحت المكان كله وباقي يطلع وقف كملت ورجعت غسلت الدرج مرة ثانية ونشفته بحذر

وصرخت سرور بيهن

::-احنههه يمسلسل هنديي لخاطرر الحسين وحتى لو طاايح منچن چان مسحتنه

كملت اصيح واني رحت يم عمتي ام هيثم اشوفها واديان وجهها مخطوف لونه عماتي يم عمتي يهدنها

شويه ورجعت وهي تعبانة باين عليها الضيم من كلشي إيدها مكسورة مچبسيها وهيه ساكتة ما تحچي دخل وياها هيثم وسيف هشربت المسكن وتمددت حتى صوتها ما سمعنا كأن ما إلها خلق تحچي أو تشرح شصار.

ضلّينا نباوع عليها ساكتين نحس بيها بس ما نعرف شلون نواسيها نامت وهي موجوعة.

رحنه نسوي عشى للليل وكلنه گعدنه سويه سوالف وضحك خفيف يعبّي الجو ريفان كعدت هيف وسرور اخذوها وياهم وطلعوا يتمشن بالحوش احنه بقينه والبنات كل وحده متوزعة بالغرفه سوالف هادئة، بس فجأة سمعت صوت امير يصيح بصوت عالي گالت فجر

::- روحيي عيني العشك ما يگدر يبتعد عنچ

::-ايي كلشش هسه اترزل وارجع

طلعت اركض واني اضحك على سوالفهن دخلت وهو غادي نار يريد ينفجر بعدني ما حاچيه وحط التلفون بوجهي صوت ولد يتغزل بأسمي واني على ساس كاتبه كتابه وغزل وحب وغراميات كلها بهاي المحادثه احس گلبي طاح حسيت بالهحضه نهايتي أدموعي طاحت اشرتله لا وهو بعده يباوعلي بعين ما شفت بيها رحمة صوت النفس بصدري ينگطع كلشي بدا يعتم بوجهي من ...

"سرور"

نتشمه بالحوش بس هيف دگت بينه الناقصه وطلعتنه نتختل للبستان طلعنه وهيف گالت نلعب غميضان

اني قبلت بس ريفان ما قبلت بقت بالترك كاعده

حسبنه طلعت اني وهيه الي تغمّض گلت.

::-بنت امج وابوج تعالي الگيني

مشيت أركض علمود ألبد تلفتت على مكان زين

رحت أركض درت من باب البستان الثاني على الكراج

شفت شيث ويا ابنيه ملثمه وكفت صرت بالزاويه وهو يگلها

::-شجاابچ

::-بس حط الرساله يم مكان زين

::-الكامرة يول

::-طفت

بالحضه عرفتها نفسها بنت الطُرماح صحت

::-شيث

التفتوا عليه اثنينهم هوه بالحضه رفع السلاح بوجهي

وحط إصبعه على حلگه يكلي اش وكل شي بعده انقلب بثواني

::-اشش ولا كلمه لا افجر راسج

انصدمت فتحت عيوني على وسعهن شلون؟ شصار؟ شلون وصلت لهنا؟ درت بصدمة أريد أركض بس رجليه ما طاوعتني كأن الزمن تجمد وهوه بعده واگف سلاحه بيده وصوته ساكت بس عيونه تحچي ألف تهديد ابن عمي ضدنه شيث هوه نفسه الي هددنه والي راد يكتل اختنه بت عمه اديان ما فكر حتى بيه الي اتفق وخان

درت أريد أركض أريد أروح أريد أصرخ بأعلى صوتي أخبر الكل عليه بس بلحظة ...

"هيف"

كملت العد وگلت بصوت عالي

::-لاابد ما لابد معليي

ودرت أضحك طلعت أركض أدور ركضت أول شي على الترك لگيت ريفان بعدها بمكانها بستها على خدها وأنا أضحك وگتلها.

::-غششيني

::-ما ادري

عفت ريفان وركضت بس گلبي گام يوجعني نوب خفت تدخل للبستان وتحي رجعت أدور عدل عيوني تدور بين الخضار والثيل بنص ركضتي دوت طلقات!

وحده وبعدها ثانيه حسيتهن چن أخذن روحي وياهن

التفتت عالصريخ صوت ريفان ينشگ الروح

ركضت بسرعه بتجاها وشفت سرور طايحه عالأرض وريفان يمها منهارة تصيح وتحضنها ...

يتبع ...

مزهق للإقتصاص.

بقلمي::رمش عقيل

تصويت لطفاً.التعليق بين الفقرات.🤍

꧁ـــــــــــــــــــــــ꧂

‏لو غلطه جان تهون لاچن كسر

عود كلشي اسمه صحبه وياك

من كاعه مردود ...!

꧁ـــــــــــــــــــــــ꧂

"سما"

طلعت اركض واني اضحك على سوالفهن دخلت وهو غادي نار يريد ينفجر بعدني ما حاچيه وحط التلفون بوجهي صوت ولد يتغزل بأسمي واني على ساس كاتبه كتابه وغزل وحب وغراميات كلها بهاي المحادثه احس گلبي طاح حسيت بالهحضه نهايتي أدموعي طاحت اشرتله لا وهو بعده يباوعلي بعين ما شفت بيها رحمة صوت النفس بصدري ينگطع كلشي بدا يعتم بوجهي من گال

::-بيتيييي وبنص غرفتييي وهااذاا حچيجج

يأشر على التلفون يحچي بكلمات سريعه مو مفهومه من الخوف اهز راسي "لا لا والله ما أعرف ما أدري" شهگت من لزمني من فوگ الحجاب أيده غاصت بشعري سحبني واني أحس جلدة راسي راح تطلع وياه أعصابه تلفانه عيونه تطشر نار صرخت بس هو ما سمع چنت أبعد نفسي أدفعه بس كلشي ما نفع انهارت دموعي صوتي مختنگ

::-مووو انييي لأسويي هيچ دير بالكك تتهمني بأشياء مالي شغل بيها

ارجف واحس گلبي راح يطلع من مكانه الرجفه احتلتني سيطرت على كل جزء بيه إيدي تعرگ جسمي كله ينفض

عيني ما تلحگ تركز أحس روحي تطلع شوية شوية

نفسي ثگيل كلشي بدا يعتم

::-ليش؟ جاوبيني بس ليش؟!

::- لا والله لاوالله ما أعرفه ما أحچي وياه ما أدري منو صدگني هاي مو إلي وروح عزيز روحي وروح هاجرر

دفعني عنه

::-ولجج شنووو لااااا غيررر هاي گدامج شنوو هااي

گعدت على الچربايه اتنفس وأحچي واني أشهگ

::-چذب كلشي چذب والله ما اسويها اني اخاف اذكر غير اسمك ولك صح اتفاق بس ما اسويها اني ويه ابن عمتي بنفس البيت وما احچي وياه بس سلام والله العضيم

دگ تليفونه رد بدون ما يحجي ولا كلمه بس عيونه كانت تحچي ألف كلمة سد التليفون وياه سكتة ثقيلة

طلع وسد الباب وگبل لا أستوعب حتى اللي صار

انفجرت بچيت بصوت عالي بصوت ما ينوصف

رجفة جسمي صارت مثل زلزلةوكلشي يوجع دموعي تنزل حارة حارة مثل الحگرة.

ما صدگني وهو يدري يدري اخاف يلمح اضفر مني شخص غريب أخاف حتى من ظلي وهو أكثر واحد يعرف شلون أذوب من الوجع إذا أحد شك بيه وهو زوجي اني على ذمته شلون اسوي هيج لو اموت

صرخت مو صرخة صوت لا صرخة روح

صرخة بگت جدران الغرفة صرخة وجع وخذلان

صارله سنة بس ما يعرفني هوه چذب لو أني اللي چنت مخدوعة طول هالوقت

أمسح على صدري أحاول أهدي النفس اللي تنهار

وأفتر بالغرفة مثل مجنونة، رسايل؟، منين؟

شلون؟، ليش؟، منو جابها؟ وچذبها چذب كلشي چذب

انهرت انهرت لحد ما گعدت وره الباب أحس روحي تطلع

انفتح الباب على البطيئ گبل گمت وهو دخل خطواته كانت باردة مثل ليل كانون عاين عليه بس ما گال شي

لزم وجهي بيده. واني غطيت وجهي بثنين إديه

ما أريده يشوف دموعي ما أريده يشوف نهياري صرخت بي

::-مااا اسويهااا رجعنييي لأهليي ماا صدگنسيي بس همه يعرفونيي يعرفون بتهم ما اسويهاا

گعدت بالگاع امسح على صدري.

::-اششش

عاينت علي وهو صافن بوجهي ثنه ركبته وگعد يمي

::-اعرف والحسن بس تلفون الي دزالي هاذا الفيديو موجود اهناا

باوعت بعيونه ودموعي على خدي واني اشهك بالگوه اتنفس

::-منو اله نيه هيچ يسوي؟ وانتَ شلون صدگت شلووون

::-الله شاهد ما ادري بس اعرف افين حضه الچ ما صدگت من كل عقلج؟ روحي ارجعي يم البنات

::-شردت مني بس هاي ترزلني وترجعني

::-اريد اوهمها وخليها تفرح انو راح اعاقبچ وهاي هيه سديم عرف منيه

::-منوو والله ماعندي مشكله ويه بنات عمك ولا حتى اختك ابد ولعباس حاسبتهم مثل اخواتي وهاي چنه نسولف

::-مو أي واحد ضحك بوجهج معنا يحبچ روحي سما رجعي منين ما اجيتي

شهگت مكممه حلگي

::-هااي ثاني غدرة وتطلع من العزاز الأولى خطفت حلمي وهاي الثانيه تتمهني بشرفي وياخوفك يطلعن اخواتها اني اموت والله ما بقه اهنا

::-منو الاولى؟

هزيت راسي بلا گمت امسح بعيوني وأبچي رحت للحمام وگمت أشهگ ليششش؟ ليشش؟ شنوو سويت؟ الجنن! رحت شگيت الجن حتى أشيلن من همي شويه بس إنتن شلون بالمقاابل؟ الغدر؟ هاجر شگيتلها وكأنها أختي شاركتها سري وحب حياتي شاركتها كلشي حلو وتالي شنو؟ الغدر أخذت أمير أنا الجنت كلشي أسولف الها بحسبه ما عندي أخوات چانت هي بالنسبة إلي كلشي من تجي يمي أحسها آچت الدنيا والفرحة كلها اني الچنت احبه اني الچنت كل ما ما يجي اوكف يم ذاك الشباك لخاطر اكحل اعيوني بشوفته واجي احچيلها كلشي بس شنو بالمقابل خلت أمير يعشقها ويموت بيها وكل ما يجي على أخوي أروح للشباك أركض أشوفه وحفظت كلشي بيه بحيث أموت عليه تالي صار إلها وبكل عين صلفه اجت عزمتني وگالت ما چنت اقصد والله جاوبنها واني أبتسم

::-خنتيني مرتين مرة كصديقه ومره كأخت أمنتها على دمي

ومن ماتت سُودنته ما خلوا دكتور إله لأن جان مهوس بيها وأنا اللي صدمني صدمة عمري بيه وما عرفت شلون؟ كيف؟ شلون يعني؟ شلون سويتي هيچ؟ شلون؟ ولو ما تعاركت خالته وياها و سنة هي تتوسل بيه بس جان عوض ربي كبير ورجع لي نفسيته العشگته صرت اله بس مو الي من اجت خالته خطبتني إله وأعرف من بعد هوسه وعشقه ما راح ينساه. بس شنو صار؟ اخذت مرض أخوي حجه وچانت ذيج الفاهية تريد تخلي يحبها بس شنو؟ صار سنة وإحنا على نفس الشي ونفس كلشي ما تغير الفرق واحد هوه احنه نفس الغرفه ومن چنه بيته كل واحد بغرفة يا گلبي تعبت والله تعبت تعبت وأنا بودي أكسر الحواجز اللي بينه الخاطرة هو وبس وما يعرف معاناتي وياه وأنا أجي المهم يسولف وغلطات يغلط باسمي وكانت النية كلها أنسي هاجر بس صار العكس وگام يصيحلي باسم هاجر ...

::- سماا

گمت أعض طرف شفايفي أدوس على گلبي وأكتل شهگاتي بصدر مخنوك ما أريد يدرى اني أبچي ولا أريد صوتي يفضحني جسمي كله يرجف بس ساكته، خانني دموعي من مسحتهن ورجعن نزلن بدون إذن تنزل على كيف تخاف تفضحني أكثر

رد صاح.

::-سمااا

مسحت وجهي واخفي بصوت الشهگات رديت بصوت مبحوح

::-ها

::-بيچ شيء

::-لاا

::-تعالي اريدج

غسلت وجهي حيل بمي بارد چانت عيوني محمرة ومالحة چنها كل دم گلبي متجمع بيهن مسحت ولدمعة ترگض تلحگ الثاني ما تگطع مسحت بالصايه وعدلت الشال رفعت راسي عالغصب چان لازم أمثل حتى لو داخلي مدمر حتى لو كل نفس بيه شهگه مخنوگه

طلعت من الحمام واني ما بيه نفس بس أتصنع أسوي روحي هادئة طبيعية بس شنو؟ لگيته ساند ضهره على الحايط الگدام الحمام وعيونه عليه بقت نظراته عليه وما گال شي بس عيونه تحچيزچانت خطواتي مترددة بس مشيت مريت يمه واني ما حط عيني بعينه بس أسئل

::-رايد شي اسويلك شي

نزل راسـه ما يباوع بس مد إيده مسح وجهي بجفوفه بهدوء وكأنه دا يحچي من غير ولا كلمة حيل مسح كل دمعة كل أثر شهگة چنه يريد يهدّي بركان گلبي واني كل فكري بودي ابوس ايده

حط اصابعه بين اصابع إيدي چنت أرجف بس لمسته چانت طمأنينة مو مجرد لمس چانت ستر وسكتنه صوت النفس اخذنه نمشي بتجاه الغرفه صارت گدامنه مهرة بت عمته

::-وينچ چنت جايه الج البنات يصيحوچ

امير::-ما شوفينها يمي

هزت راسها بأي وراحت دخلنه للغرفه وهو طبگ الباب گال

::-تعودي على الغدر صار شيء عادي ولا تأمنين سرج حتى عد روحچ سماا انتِ يجوز من صديقه او بنت عم بنت خال اني ما ادري بس اني من اخو من دمج ولحمچ ابن امج وابوج اني اخوتي غدروا بيه

ميلت راسي ابچي وشهگ ما بيه الزمهن عد قصتهم كل ما اذكر او تذكرها هيف اموت وهو رجع ذكرها كعدت ابچي

::-انتِ بس گليلي علمود منو تبﺟين منو اليستاهل هاا؟

::-مو علمود احد بس بساطه كل ما انطي الروحي فرصه واگول هاذا احسن يجي واحد يخرب كلشي

::-خليهم يولون

::-يولون وانتَ اصيرلي بير اسرار؟

ابتسم

::-اصيرلج واني الممنون

همست

::-جعل محد غيرك يصير

رجع على عگده حاجبه والخزره

::-لاا تتمولسين

::-حاضر

راح تمدد على الچربايه يباوع بتلفون جديد اشتراه مدري منين جابه طلعت افراش من الكنتور وفرشت بالگاع حتى أنام ذبيت الشال والصايه وتمددت...

"سرور"

انصدمت فتحت أعيوني على وسعها شلون؟ درت، أريد أركض، اشرد، اروح، بس قبل لا أخطي شفتهم ثنين ملثمين صايرين وراي سدوا علي الطريق صاح واحد بيهم بصوت خشن

::- لا تتحركين!

وصاح الثاني

::-اخذها

صرخت

::-والله احچي كلشي الجدو انتَ وياهم شيث دير بالككك عوفني

رزخ المسدس بعقلي وگال

::-بالله عليچ

::-والله العضيم

::-هييي لاا تهددين

::-شيييث ولككك حرگت اديان رادت تموتها وموتت جدتي وداافع الهاا منين تعرفها

اجه سحبني علي ولوه ايدي ليوره

::-تعرفين واحد اسمه تيمور؟

شهگت

::-شييث لااا تلعببب

::-اي حس منج يروح بالرجلين

طاحت دموعي وهزيت راسي بلا

::-اي انتِ وحضج كلمه وحده مقابيلها اخوج اي وحضري روحج اعقد عليچ لا عبالج علمود اتيهچ واضيعين الاول وتالي لو تموتين

::-شيثث انتَ ويه مجرمهه

::-لاااااا مالچ شغل كتلچ اني

التفتنه على صوت مشي مدري منو واحد منهم رمى بالجو وما لحگت أفتهم شيث ضربني بالسلاح على راسي ضربه قويّة صرخت أو يمكن حتى ما لحگت أصرخ كلشي صاير ضباب وصوت طگة راسي بالگاع بعده يرن بأذني من طحت...

"هيف"

اركض وچان اشوف سرور طايحه بالگاع وريفان يمها منهارة رحت اركض بكل حيلي شلتها اصرخ وادك على وجهاا والبيت كله طلع على أثر الطلق يتراكضون وشيث اجه اخذها من ايدي بس چان ما بيها شيء بس مضروبه

شالها ودخل بيها للبيت واني بقيت كاعده مكاني ارجف اجت سما سحبتني عليها گومتني اني وريفان دخلنه وريفان صارت تصرخ وتضرب على راسها اجت مرة عمي انطتنا مي اثنينه شربنا وريفان راحت لبيتهم واني رحت انام ...

"سما"

كل واحد رجع لمكانه بعد ما تطمنا عليها وما بقت نفس الشدة والضجة الصارت صار هدوء غريب رجعنا للغرف

بس رجفة جسمي ما راحت الولد وعمامي وجدي راحوا للمضيف ظليت أتگلب بفراشي منا منا ارجع اعيد مشهدها من طايحه والطلقه وابقه اتنقل بمكاني وهو

رجع بدل ولا گال ولا حرف رجع لفراشه ونام وكأنه ما صار شي عجيب عليهم والله عجيب

::-شكوو شصار

::-ماكو شي

درت وجهي واني اعيب علي اريد انام وكلساع اگلب على صفحه لحد ما صاح بيه

::-اگوملج سماا والله اگوم ناامييي

::-لااا اصيح ترا اني هم اعرف اصيح

دار وجها علي

::-لا بالله عليج

::-والله

::-شو بالله صيحي

::-لا عيب انتَ اكبر مني

::-تصيحين على الي بگدج؟

::-لا اخلي عقلي اكبر منهم وما اصيح عليه

::-چااا على اصغر منچ

::-لاا شنوو اني زعطوطه وخلي اعقلي ويه الجهال

::-الا اله الا الله

::-كملهااا

::-شنوو

::-الشّهادة

::-سمااا مالييي خلگج

::-المحادثه المن والرجال منو؟

::-مالچ شغل

::-أميرررر

::-هاااا يااغضبب هااا

::-شبيك هسه من تگول سما مو اگلك ها عيوني؟

راد يگوم واني غطيت راسي بالبطانيه مدري من خجل مدري من خوف بس من شفت ما اجه رجعت شوي شوي فتحت الغطه شفته واگف جاب باكيت الجكاير

رجع ساند ضهره على تاج الچربايه چنت عبالي راح يطلع بس بقى

اني هم گمت لفيت نفسي بالبطانيه وسندت ضهري على الحايط الوراي عاينت عليه شفت عيونه مشغوله بشي

مبين الدنيا كلها محتله راسه بقى ساكت واني صايره صافنه بوجهه شعره منكسر وجهه تعبان لحيته صايرة طويله شويه وعگده حاجبه كأنه ما ناوي يحلها بس من صارت عينه عليه صفن وهز راسه بمعنى شكو رفعت اكتافي

::-ماكو شي

::-المن گعدتي

::-ما اكدر انام

هز راسه بأي

::-سؤال

عاين عليه وهز راسه هزه خفيفه عضيت شفتي حسيت جسمي ثگيل قبل لا اسأله كأن قشعريره گامت تدگ بأطرافي تسري تكسر تخليني أضيع گلبي علت دگاته مو خوف لا بس ذاك الإحساس المر من تحس تعرف الجواب بس تتمنى تكون غلطان

::- بعدك تحبها

زادت عگده حاجبه وگال بحسرة

::- ليش اكو واحد ينسى اهله

اختنگت واني اگله

::-هالگد؟

::-ما ادري شلون اصارحچ بس اعتبرتها كلشي الي

هزيت راسي بـ أي

::-شلون چانت علاقتچ بيها؟

::-مثل علاقتنه اني وزهرة هسه

راسه بأي دگ تليفونه كام طلع واني تمددت مكاني وغمضت عيوني بودي أموت شسويت بنفسي؟ شسويت؟ عضيت إيدي أكتم شهكتي ودموعي بدت تسابق على خدي غمضت اعيوني اخفي شهگاتي من دخل طفه الضوه وتمدد مكانه.

بالليل فجأة فزينه على صوت أصياح عاينت شفت أمير نزل من الچربايه يركض واني أخذت شالي وركضت وراه البيت چان مگلوب البنات يبچن بجها وعمتي طايحة يمها نسوان عمامي والولد كلها تتراكض ماكو هدوء

هارون يعيد بالكاميرات يحاول يستوعب وشصاير التفت وما أدري شنو صار رحت يمه واني گلبي احسه ممرود ودعي ماكو شي ...

::-شكو شصاير

::-ريفان ماكو

::-شنوو هو الماكو

::-ماكو بس بالكامرات طالعه من طلعت من البيت بس ماكو مالگيناها

::-دورتوا الاسطبل البستان البيت

::- من الثنتين ماكو وهسه بالخمسه راح اصير

::-لعدد وينن راحت االبت

هو يخابر ما ادري منو لـ8الصبح احنه على فرد كعده والولد يفترون من كان الى اخر وماكو أي خبر منهم اجه أمير يركض صعد للغرفه رحت وراه وهو فتح الكنتور الوسطاني وشال الجنط الي جوه وشمرهن

::-شدوورر

ما حچه شيء بس نزل يم مربع صغير صاير ومدگوكه علي خشبه

::-سمااا الچااكوك بسرعه

صعدت اركض للطابق الثالث جبته ورجعت شلعها وگام يطلع بالسلاح منهن وشواجير وصرخ بيه

::-وينننن ولدد الچلاااب

::-منو شنو

::-صيحي هارون والولد خل يصعدون

صحت هارون وأجو وراه مهدي وجلال

اخذوهم منه وعلاكه مال طلق هم اخذها وراهم رجع عليه يركض

::-سما عايني

::-ها

::-ارجعي سدي هاي الفتحه واخفيها ودير بالج احد يعرفها اياج تمام

::-ان شاءلله

راح يركض واني هم جبت خشبة وبسامير وسديت الغرفةوگعدت أدگهم وكملت گمت بس يبين صعدت أركض جبت كارتونة فرشتها على طول الكنتور وجلّدت الغرفة وغفلتها نزلت للضهر دخلوا الولد يركضون وجلال يصيح من برة والولد يصيحون أنخطفت أمها فقدت وإحنا رايحين نخطفت روحنا وياها ...

"ريفان"

ما حسيت واني اطلع من فراشي و الغرفه ولا حتى حسيت من طلعت من البيت وصلت الشارع العام واني استوعبت وين اني بس بقيت امشي ما اعرف وين ماخذتني رجليه من استوعبت اني وين الدموع اتجمعت بعيني وأريد ارجع ناسيه منين الطريق اصلاً ناسيه كلشي اني وين ما ادري كلش عجزت من شفت روحي بعدت كعدت اشوف روحي كلشي بيه يوجعني وخاصه ايدي موتتني

اباوع ماكو شيء بس شجرر ماكو غير شيء مشيت واني اتذكر ارجع بس شلون كمت امشي ما وصلت ابيوت وما اعرف ياشارع ادخل بي دخلت بشارع چان منا بزل ومنا شارع وچان كل ثلاث ابيوت اكو شوارع مشيت كعدت ارجف خوف يارب دخيلك يارب شيء رجعت امشي من شفت سيارة تمشي ركضت بغير طريق لبدت رجعت امشي ما أحس غير سيارة تطبگ وتحط على وجهي وتحط شي وبعد ما ادري شصار..

كعدتت ع اغاني وصوت زلم وراسي يوجعني اجت وحده انطتني ابره بكتفي رجع اغمى عليه نمت وچان بالغرفه اربع بنات واني خامستهن وصوت الزلم بره ورگص والضحك واني بس على كد اكعد اكل وروح الحمام وارجع مر يوم واني وياهن

::-يلاا ولجننن تاخرنا هسه فطم وجماعتها ياخذن الزبائن

همست

::-مي اريد مي

::-جيبيلها مي وانتِ حضري روحج من باجر اطلعين ويانه.

جاوبتها الثانيه

::-والله لو كايله لريس جان ولا ستخطاها ومطلعها اول ما باعوها اله

::-لا ولجج خطيه كاعده اني اضمضم عليها كمت اكله كاعده تشتغل

راحت جابت مي انطتني نص لفه اكلت شويه كعدت احطيت راسي على رجلي وبقيت على حالتي اجت وحده اخذتني المطبخ وياها گالت

::-ما مستفادين منچ بشي عاد سويلنه شي

::-شنو شسوي

چابت الجاي والقوري

::-بس سوي چاي ورجعي

سويت نفس مكالتلي اجت اشيل الچاي وگلبته على ايدي وهو يفور شاقت روحي وصرخت يمكن كل الهنا فزو على صوتي واني بس اعيط وهيه بس تريد اسكتني وروحي احسها تحترگ ويه حرگته كمت اصرخ واهفي عليها ركضت على الثلاجه فتحت الفريز وخليت ايدي بي واني اصرخ

::-والله ما ادري باوعيلي

لحد ما اجه رجال وسط

::-شصاير

::-ريس انگلب الچاي عليها

::-شجابها اني مو گلت ما تطلع

::-علمود تاكل

همه يسولفون واني إيدي تلفت وجلد انسحب أني نفسي راح تصعد متت متت حسيت بروحي تطلع چنت أگول هاي نهايتي لأن ما چان مجرد حرگ لا چان موت موت ببطء ياكلني شوي شوي

سحبتني لبنت للغرفة ظلت تحط عصارة تحچيلي علاج بس بالنسبة إلي چانت نار تحرگني أكثر

بچيت آهفي عليها أترجاها تبطل بس صوتي ضايع بين أنين الحرگ وإيدي المكسورة موتتني والثانية چنت أحاول أنام بألف يا علي بألف تنهيدة يلا غقيت

كعدت الكل نايم طلعت من الغرفة مشيت شويه شفت صالة جبيرة وبيها كراسي موزعة وعصاير منتهية جوها چنه حفلة خلصانة بس كأن مو طبيعيه

كلشي بيه هدوء مخيف أريد شي بارد أريد شي أحط إيدي بيه إيدي المحروگة تحرگني.

مشيت فتحت باب وأنا أتمنى ألاگا ثلاجة بس شفت شي ثاني شي ما أريده. بنت وزلمة بوضع مو طبيعي بوضع يخليني أختنگ من الخوفورجعت بسرعة سديت الباب ركضت أدور أدور على الغرفة اللي چنت بيها بس ماكو ماعرف وينها.

أكو درج بالممر نزلت مشيت أدور على الباب الخارجي بس صوت فتح الباب وره ضهري رجفني طلعت من غرفة قريبة چنت أريد أرجع بس رجلي ما تسمحلي رجلي جامدة.

وهوه واگف واني وسط الممر ما بيه أرجع ولا أگدر أكمّل

ركضت بس هوه چان أسرع سحلني من حجابي اخذه شمره گعني بالگاع وكال بصوت خشن.

::-وين رايحة شفتيني وشردتي

نظراته لعيوني ييها شي شيطاني بديت أصرخ بس صرختي طلعت خافتة صوتي مبحوح.

::-هوه اني اجيت اخذ وحده همزين اجيتي علمود ما اتعب نفسي.

صرختت ضربني على حلكي طلع دم

::-انيي مو وياهن هنه هناك

::- لعدد انتِ جايه شسوين

سحلني للغرفة واني أصرخ صوتي تشخط ما يسمع غير وحشيته دخلني للغرفه شمرني عالفراش چنت بعدني ما لامسة الفرشة رجعت أگعد بس إيده لزمتني من جديد شمرني على الفراش شمر القميص وجاني.

جرني من شعري چنت أعجز مو بس عن الحچي

عني عن روحي عن جسمي اللي متجمد عني كله عاجز صفگني راجدي رأسي لف صرت أصرخ بعد أصرخ لعل وعسى أحد يسمع بس ماكو ماكو غير صدى صياحي يرجع الي

اجه راد يتقرب راد يمس جسمي واني أموت ألف موتة حاولت أفك بس إيدي ثگيلة نزل على رگبتي خلى أثر خلى وجع خلى علامة مستحيل تروح ...

يتبع....

كلشش اسفه على التأخير والله بوساتي اعوضكم ان شاءلله. 🕊

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــــــ꧂

بس اريد اسألك ليش خنت الثقه؟

لمفروض اشكرك لان علمتني درس

گمت المحب والعدو ما افرقــه.!

꧁ـــــــــــــــــــــــ꧂

أجه راد يتقرب راد يمس جسمي واني أموت ألف موتة حاولت أفك بس إيدي ثگيلة نزل على رگبتي خلى أثر خلى وجع خلى علامة مستحيل تروح تفلت عليه وجن جنونه ضربني راچدي ورجع ضربني بوكس بوجهي كلشي دار صوت نور حتى نفسي تلاشى

صرخت مثل المجنونة مثل آخر محاولة للحياة

ومع هالصرخة ضربته بالچبس بكل قوتي بكل قهري بكل وجعي.

ضربته بوجهه على عينه رجع ليورة واني گمت أركض ركضت بدموعي بوجعي بجسمي اللي ما عرف شلون بعده يركض.

طلعت من الغرفة وصعدت فوگ رحت على زاوية بعيده بيها ميز وغراض قديمة واكو بطانية صغيرة گعدت لملمت نفسي خنگت صوتي لفيت روحي بيها كأنها درع بس جسمي يرجف نفسي متقطع

وأنا أختنگ من الخوف أختنگ من الذكرى أختنگ من كلشي

سمعت صوته يصيح ووياه بعد جماعه هم يدورني

بس بعد ما بيه أركض ما بيه حتى أتنفس

::-وينها هاي بتت **** وينهاا

أسمع صوتهم يقرب دگات رجليهم تصير أوضح

وكل خطوة چنت أحسها وكأنها تطب على صدري

صوت البنات اللي چانن وياي بالغرفة سمعت اسمائهن سمعت صوت وحدة تصيح

::-هاي چانت يمنا يمتى طلعت؟

خنگت نفسي اضم روحي أكثر بالبطانيه نفسي ينهب

::-وينهااا ولجج اني مو عفتها يمجج

::-ريس والله جانت نايمه هسه تلكاها اهنا ملحكت تطلع اكيد لو طالعه الحرس لازميها بس اهدأ اني هسه اجيبها

::-يللا بسرعهه

كامن يدورون مخبوصين والصياح بس محد شاك إني بعدني قريبه بعدني أتنفس وياهم بنفس المكان صار الريوگ نزلوا كلهم دگات الصحون ريحة أكل چنها حياة تمشي عادي بس روحي بعده معلگه تعبانة خايفة مجروحة ودم على شفايفي وحلگي احس بطعمه

عدلت نفسي مسحت وجهي ببطرف القميص

لبست ملامحي الطبيعية حاولت أصير مثل الأغراض بس جماد بس وجه بلا صوت حتى محد يشك إني اهنا

بس بلحظة فگر بلحظة ضعف رفعت راسي شوي ونظرتي التقت بيها شافتني وحده من البنات

::-هاااي بنات تعالو شوفو

ركضوا مثل الذياب كلهم اجوا وحدة منهم سحلتني من الأرض شمرتني يم "الريس" مالهم ذاك اللي بعيونه سم بضحكته خنجر

دفرني على بطني طحت بالگاع والصرخه طلعت من روحي طلع من صدري بچيت بوجع

رجع رجع مثل الوحش اللي ما شبع ضربني راجدي راسي دار رجلي نحلت وقبل لا ألحق أتنفس جرني من شعري وگال اخذنها وطلعنها لأول واحد من ألمي من جسدي اللي بعده ينزف ما گدرت اسوي اي رده فعل

رجعني نفس المكان نفس الغرفه وگفت يم الباب ما أگدر أتحرك ما أگدر أتنفس كلهم رجعوا لكل مكانهم گعدوا مثل ما چانوا گعدوا ساعتين ساعتين طولها كأنه عمر والجو الهدوء اللي يقتل ماكو كلمة ماكو ضحكة بس كلها تنتظر شي.

وأني أنين من الوجع انتضر شيء ما يجي انتضر روحي يدوروني انتضرهم يجوني راسي يرعش

عيوني تدمع والدموع تنزل بدون أمر مني صير أترنح أبچي واهمس

يارب يارب والله ما چنت بوعيي لا تتركني لا تتركني يارب انتَ اعرف بالحال الچنت بي.

حضنت رجلي اللي صار كلشي بيها كأنه نار بچيت وكل رجفة تدخل روحي وتكسرها أكثر دموعي ما وگفت وجعي بأيدي بيدي المكسورة اللي ما تخلص من الألم وروحي اللي تشعر هي تنهار

نمت أخيراً بس النوم ما چان راحة چان عذاب

وجع ياكل روحي مثل النار تحت الجلد گعدت على صوت وحدة من البنات.

::-هيييي كومي يلا الريس يريدچ جهزي نفسچ

::-مااا لوو تموتون ما يصير الي بالكم عسى ما هسى تكتلوني

دخلت اخذتني تسحل بيه لحد ما شمرتني بغرفه واني اصرخ

::-ولچچ كلبهههه تعالييي طلعينيي

رحت چبت دولكة مال مي گزاز اريد الزمها عدل ما اگدر ما أكدر ألزمها مثل ما أريد چنت ألزمها بيها مثل غصن واهن ما يريد ينكسر لزمتها عدل ثبتها على إيدي الجبس وجهي صار نار اريد أخلص روحي.

فتحوا الباب فجأة دخل واحد دفعته بكل قوتي

چنت أريد أضربه لزمت إيدي على الدولكة بكل ما بي من قوة بس ماكو عضيته بيده رجعت أحاول ضربه بنفس الطريقه اللي ضربت بيها ذاك الولد بس ما گدرت عثرت وگعت الدولكة ونكسرت.

ضغط على إيدي المحروگه خلاني أصرخ من الألم

كتفني ضهري صار بصدره يضغط علي يريد يسيطر عليه بس ما چنت خلي اي فرصه اله حتى يسيطر

::-اشش لچ كافي

دفعني على الفراش بقوه

::-باوعي اني من طرف اخوتج فأي حركة مو من صالحچ ولكفل زينب أعوفچ وارجع خوش

گالها وعيونه مثل السم يحاول يخوفني

::- چذاب كلب وخررر

صرخت بكل القهر مو لأني خايفة بس لأن الوجع خلاني أطيح من طولي راسي يصدع كأنه طبول تضرب جوه مخي ورجليه ترجف ما بيهم قوة إيديه ثنينهم ما يستقرن ما أعرف شلون أوصفه بس إحساسي الوحيد روحي ده تطلع شوي شوي أموت وأنا واعية مو موت جسد موت إحساس موت أمل موت كلشي كنت أتمسك بيه بس مچان حاس بيه

مد إيده أخذ الشماغ وشده على حلگي خنكني

چنت أرجف بس فجأة خابر واحد حطه على إذني

وصوت سديم وصلني بچيت انفجرت دمعتي من صوته هوه وخر الشماغ

::-سديم فدوه سديم تعال ما أدري شلون طلعت والله

::-جايج وعلي لنعل ابهاتهم

::-لاا تجي راح اطلعها

::-شلووون طلعهااا هيه غيرر كله عصابات ابو الجود لا تلعب من كيفك اختي أن صارلها شيء اخلع راسك لااا تلعب من كيفك

::-دكل خره

رجع شد الشماغ مالته على حلكي

اعيوني توجعني احس بشي غريب يحاوطني وكأن شي غريب جسمي يحتاجه وصداع يضرب جها وحده من راسي وشي ثگيل على صدري حطيت ضهر ايدي على صدري اريد اتنفس مخنوگه

::-هسه اطلعچ ما بقه شيء

گمت اريد اسوي اي شيء حتى يروح الألم.

رجعت اگعد لأن ماكو شي اسوي بچيت من حرگت گلبي اريد اصرخ بس ما اكدر اهز براسي اريد الشماغ يوگع اريد اگول ايدي تحركني راسي راح ينفجر موتتني حطيت راسي على رجلي وأيدي مووتتني

گام اجه يمي وگال كومي ما گمت اجه سحبني دفعني علمود اكعد على الكرسي

::-ولچ اكعدييي

هزيت راسي لا دفعني بقوه لناحيه الكرسي وسحگت على الگزاز الكسرته فتحت اعيوني وصرخت بونين

::-شصارر

واني رجلي ما احس بيها صرخت ابجي وهو يباوع لوجهي ونزل عيونه على رجلي فتح اعيونه والدم بالگاع من رجلي وخر الشماغ وكعدني على الكرسي ونزل يشوفها واني اجتني من الله اريد اصرخ اريد اطلع وجع روحي كله

::-حقيررر واحدد حقير انتَ وكلب خبيثثث انتَ منو ويأمنون بيك ويدزونكك الي منوو

ملتهي برجلي يريد يطلعها واني اصرخ بس اريده يهدها

::-كااافييي اسكتييييي

::-توجعع عوفنييي

هداني وگام

::-كلمه كفيلچ العباس راشدي واحد مترة بوادي السلام

راح للباب يطلع واني رجف گلبي واذكرت مساع اسوو بيه.

::-لاا تعوفني هاي بعد ما احچي

دار عليه

::-ما اعوفچ بس اجيب شيء علمود اضمد رجلج

وراح طلع مرة دقايق ورجع بس ما بيده شيء اجه يمي شال شماغ مالته ولفه عليه يضم بشعري بي ما ينضم

::-هففففف شلووون يصير.

واني گلبي يرجف واشهگ بس اريده اهدأ عاين عليه وگال

::-شبيج ترجفين بيچ شيء

كلني اهتز هزيت راسي بلا وگتله

::-ما يحتاج اضمه بعد كلها شافته خله يولي

::-ليييشش منووو السبب لاا تشكين

صرخت واني ابچي

::-اييي اني السببب مالك شغل بيه وهااذااا حچيكك وهاذاا الي راح يصيير كلهااا تلومم ومحد يعرف شنو البيه

والرجفه والوجع موتني ماهتم الحچيي ورجع

دار من وره فل البكله ورجع شده من جديد ضبه حيل

::-اخخخخ

::-وجعت اهلي الراحو وما ردو الي

::-شسويلهم توجع

فله ورجع شده من جديد

::-هااااا

::-تمام

لف الشماغ زين على راسي ورتبه على رگبتي علمود ما تطلع

كعد شويه وندك الباب ودخل ولد سلم علي ودار عليه اشر بيده هلو ورجع اندار

::-هاك هذول و اول ما تطفه الكهرباء انتَ اطلع امنت كلشي

:-الله وياك تسلم مو تتأخر

::-خوش

مشه طلع وهو اجه يمي طلع السبيرتو والفاف وسحب رجلي يعقمها

::-بس اسحبيها اكسرها الچ

سكتت وهو من سحب الكزازه خلاني شاقت روحي وبس ابچي اريد اسحبهت بس مثبتها حيل كمل لفها الي وجاب عصارة يدهن ايدي واني صافنه بوجها ما يدري اني جسمي رجفتي راسي كلشي بيه يوجعني عباله هاي الرجفه كلها من هذولي

::-اعيونچ ابززهن

اخذ ايدي راد يحط عليها سحبتها

::-والله توجعع

::-متحسين بوجع بس اول شيء

::- لاا ما اريد

بجيت اصرخخ بكتمه وهو على كيفه بكل حذر بس توجع يباوع عليه ويرجع على كيفه لحد ما كمل.

::-ايدج المكسورة عود بعدين انچبسها الج هاذا لاطمه بيه

چاب مي غسل حلكي وجاب اكل هم يوكلني ويباوع لتلفون كملت طلع من جيبه كلتس مسح حلكي وطلع مي شربني.

::-اريد للحمام

باوع عليه وگال

::-اعتقد انتِ الي چنتي اهنا مو اني وتندلين كل زين فگومي روحي وذا صارلچ شيء ما مسؤول عنچ بأي شيء

::-ما اندل چانت بنيه تاخذني هوه اني طلعت من الغرفه تيهتها

::-مالي شغل اني موديني اطلعچ منا مو اونسج

يدور بالي اتفل بوجها بس الخوف مصيطر عليه كعدت ساكته لحد ما دگ تلفونه وگام يشوف ورجع ماطول وطفت الكهرباء فتح الباب واجه شالني وسمعت صوتهم والي يفشر ولي يغلط

::-سديي اذنچ لا على عينچ

::-شلووووننن

::-لااا صيحينن

طلع يمشي بيه من سمعت صوت طلق ضميت راسي بصدرة رجع ضوه البيت وچانت منطقه شبه مهجورة ركض بيه صار بزويه نزلني حاضني يسحب بسلاحه وصوت يمنه طلع تلفونه انطانيا ودفعني وره حيل نحشكت بالحايط وگال

::-راسلي گليله اخذ ليمنه

::-بس

::-يلااااا

كتبت نفس مگال بالگوه بطراف اصابعي ودزيتها شويه واجت سيارة شالني وصعدنه ثنينه وره واني انفت وهو بعده حاضني رجعت راسي عنه وحطيته على الجامه الف الحمدلله والشكر بس محد چان لا من ولد عمي ولا حتى اخواني

::-اخواني وين

::-بقوا يتكاتلون وياهم هسه يجون

درت فاتحه اعيوني على وسعها وبلعت ريگي

::-الطلق عليهم

ما جاوبني واني بس أبچي

::-مدااام رااح يصيير هيچ المنن نقذتونيي

لزمني من حنكي وگال

::-وحق سيد الشهداء احطچ اهنا وادوسچ وانعل ابو اصلچ يابو حتى العرفني عليكم يا چلاب يا ولد الجلاب

::-رجعنييي.

::-ازعجناچ ستت مبين عجبج الوضع اهناك رجعهاااا سنددد لف ورجعهاا منين ما جبناهاا وانعل ابو العشرره يابو ولد عمهاا رجعهااا

::-هذول وراك همه علمود يفجرون السيارة بينه المره الجايه فكر بيها من اول مرة

::-جاا نزلها اهناا ما تحملهاا ثانيه بعد والله اشمرها

وصدك صف السيارة وصف ورانه واحد نزلت واشوف واحد ما اعرفه درت علي اني گلبي يخفگ والدموع جمعت بعيوني

::-انتَ گلت اوديچ وينهمم

باوع عليه فاتح اعيونه والشاب الكدامنه مصدوم

::-عجل بت المطي هاذا منوو

::-منووو منووو ما اعرفه جذاب

درت اشوف طريق بس ماگدر حتى لو اشرد اجه يمي الولد وگال

::-دياب متعرفي

بس ذكر اسمه اذكرت هوه ابن عمي من يحچون الكل عنه حطيت ايدي على حلگي وشهكت ميلت راسي واني احچي

::-ماا اذكر شكله ماذكر بس اسمه شلون أمن

گبل ابتعد والي جابني من شاف سيارات من بعيد صعد وشخط السيارة وسفطن سيارات عده ماعرفت منهن بس صارت عيني على شعيب ما عاينت على اي واحد ورحت اركض اله

::-يااروحه

صرخت ابچي بصوت عالي وهو ضام وجه بكتفي واني اصرخ

::-كافي يروحي ولعباس بعد ما اعوفج ولا لحضه لو اموت كسرتي ضهري تعرفين اصار بيه

::-ريفانتي

التفتت على الصوت الوراي چان هيثم اجاني حاني ضهرة حضني وشهك وبصوت مبحوح گال

::-سولچ شيء عايني الوجهي ريفانتي

:-م. ما وينكم وينكم متت

اشهك واحجي وهو مايقبل يوخرني عن حضنه بچيت عبالك صار سنه ماشايفته مو يوم

::-اشش اشش كافي انسي صرتي بحضن اخوتج.

اجه سيف ومصطفى هم سلموا عليه ومصطفى كعدني اني وياه بالگاع وشهگ

::-جعلنيي ميتت جعلني لا شتميت الهوى ولچ هاي حالتچ هديتي حيلي يبعد اهلي

بعد سلام طويل وحتى ولد عمي رحت ويه شعيب والباقي ما ادري وين راحوا

::-اليوم ابقي ويانه اهنا وباچر نرجع احسن

دگ تلفونه جاوب

::-تمام خوش تسلم مقصرت

سده وگال

::-الولد الاجه دياب يگول هو صح؟

::-اي هو

::-مو مختفي؟

::-ما مختفي بس مبتعد خلي مبتعد اهواي افضله ولا تحچين لأي واحد

نزلنه يم عيادة

::-شنو وين

::-ايدج هاي انشيل الجلد الميت وهاي ايدچ انعيد التچبيسها

دخلنا أول شي إيدي المكسورة صبوها من جديد

وبعدها رحنه ومن شالت الجلد الميت شالت گلبي وياها متت من الوجع ابچي بس چنت أحاول أكتم ما أريد أحد يحس بضعفي

طلعنا نروح للشقه دخلناها چانت كلش حلوة ومرتبه ممر صغير أول ما تدخل جدامك الصالة مفروشة بيها قنفات مرتبة ومريحة وعلى يسارك غرفتين وغرفة بالصفحة الثانية والمطبخ مقابل الباب بعد الصالة دخلنا گعدنا بالصالة هو راح جابلي مي قربه من حلكي وهو يگول

::-اشربي

وصوته كله حنية شربت ودموعي بعدهن ما نشفن

::-اخذي هاي الغرفه وبيها حمام هم روحي دخلي اذا تردين اصيحلچ جيرانه اساعدج او تنتضرين ناية

::-لا اني ادخل

رحت بدون ما أسأل أحد دخلت الغرفة كانت غرفة بنت ساكنة بيها الأحذية مرتبة على جنب والملابس مشمرة على الجرباية دخلت الحمام ساعدت نفسي بأصبعين وطلعت.

فتحت الكنتور خذت شال بالگوه لفيته على شعري الألم ما زال محاوطني قاعد يضغط على راسي

گمت أبچي ما أدري على منو ولا على شنو

أصرخ وأجر بشعري وراسي المصدع يوجعني

فجأة دخل شعيب يركض وراه دياب والولد الجابني

::- شبيچ ترجفين هااا ريفااانهه اسمعينيي عايني

من ما گدر دخل دياب لزمني وياه واني صرخت

ركضت اريد اضرب راسي بالحايط لزمني حاوطني وضمني بحضنه

::-رااحح اختنگ شعيببب راح اموت

اريد اتنفس ماكو ما اگدر وايدي كلها رفع راسي واني ارجف گمت ابچي واصيح

::-رااح اموت

بچيت ونزلت اريد اضرب راسي بالحايط بقوه

صاح الولد الجابني

::-مدمنه؟؟

يتبع ...🕊

هاا گولو رمش ما مدللتنه البارحة بارت بليل وهسه بارت تدللون قلبي ...

بسم الله الرحمـٰن الرحيم

بقلم:رمش عقيل

#مزهق للإقتصلص

التصويت لطفاً....

༺ཌ༈ـــــــــــــــــــ༈ད༻

لامير::-

اليسع::-

سديم::- بس الحقيقي أسمر 👇

مهدي::-

دياب::-

الحسن::-

شيث::-

هيف::-

سرور::-

ريفان::-

همس::-

سما::- حسيت هاي اقرب من هذيج بنات 👇

ميراڤ::-

مُنتهى::-

هذوله كل الأشباه اللي حصلتهن وبالنسبة للباقي خصوصًا أديان وزوجها ما رادت هي خطيب مُنتهى فما لگيت إلها شبيه ينفع حتى أنشره أما ميليس ورفل إلهم دور بالقصة بس هم بعد ما لگيت شكل يشبههن وإن شاء الله أكمل وأحصل باقي الأشباه عن قريب.

والي ما ذكرته او نسيته انتم ذكروني والما لگيت اله شبيه وما ذكرته 👆انشاءلله انشره ...

مشاهده ممتعه +بعد ترا الي طالعين ما ناشرتهم لأن ما لگيت

البارت عن قريب

بقلمي: رمش عقيل

يتبع...

مزهق للإقتصاص.

بقلمي::رمش عقيل

تصويت لطفاً.التعليق بين الفقرات.🤍

꧁ـــــــــــــــــــــــ꧂

‏لهسه صواب زعلك حار بينه

وطبيب الطيب السل حار بينه

عفتنه واحنه لجلك حاربينه

اهلنه ولا كلت فشله وخطيه …!

꧁ـــــــــــــــــــــــ꧂

"ريفان"

::-مدمنه؟؟

كلمه بس مو كأي كلمة عبالك صوابه ودخلت الگلوب وانشگ بيها شي ما يلتئم والسكوت انكسر مثل الزجاج بس فجأة صرخ بي شعيب بصوت عالي رجعني للواقع

شعيب::-انتَ شكااعدد تحجي شبيككك صدگ چذب

::-انتبههه انتَ تصرفااتهااا مو تصرفاات واحد عادي اختككك مدمنه والگداامكك مو فيترچيي حتى ما افتهم

رجف گلبي حسيت برجفه مو عاديه شهگة أخوي طلعت من صدره وهو يباوع بعيوني بنظره ترجف الروح گام يحط إيده على راسه كأنه شي ثگيل دگ يتذكره شي يوجع يذبح واني جسمي نزل بيه العرگ وبرجفه ما اگدر أسيطر عليها كل نفسيه بيه بودي تنفجر بودي أموت من الخوف والترقب كلشي بداخلي ينهار.

طلع تليفونه بسرعة ما مصدك حچيهم أصابعه تكتب شي ما لحگت أشوفه نظراته متخربطه غايص بذاكرتة كلشي بيه يوجع تقرب من عندي لازمني من راسي حسيت أصابعه حاره جسمي كله رجف واني متخشبه ما اگدر أتحرك

صرخ بيه بصوت هزني

::-گولييي شنوو شنو السالفه منيننن جبتيهمم

صوته گطع نفسي دموعي نزلن وصرت أرجف أكثر عبالك ما عايشه عبالك بدون روح

إيدي الي ما مجبسه غطيت وجهي بيها أحاول أحمي نفسي من صوته ومن نظرته گلشي يوجعني

فجأة حسيت بخطوات سريعة دياب إجه ووگف گدامي كاسر المسافه بيني وبينه وصوته مبحوح

::-منين جبتيهن

::-ماا ادري والله ما ادري

دفع دياب بقوة من گدامه صوته عله وهو يجر أنفاسه بسرعه بعدين مد إيده وخطفني بلمحه سحبني گدامه گبل لا ألحگ أستوعب گعد گدامي عيونة متروسه نار وحمر بنفس اللحظه إيدي ثگلت على وجهي ماسكني من خدودي يريد يثبتني

جاوبيني شنو ضامته شنو الي ديذبحج وتريدين تگولين وما تگولين شنو التهذين بي من تنامين من ينطيج منو يجبرج

صوته انكسر ويا آخر كلمه اني جسمي كله رجف عيوني غصن دموع وهو  لازم وجهي حابسني بين إيديه وكلامه.

شعيب::- ياروحي انتِ احچيلي گولي

ميلت راسي دموعي تنزل مثل مطر ماكو شي يسكتهن نفسيتي متحطمة وصوت شهگاتي يفضحني همست

::-ما ادري شعيب

گام فجأة دفر الميز بكل قوته صوته دوى بالغرفه يصيح

چنت بعدني ما ملحگه أتنفس من رجفتي صاحوا عليه الولد مفزوعين يركضون نفسيته متحطمه اجه نفس الولد سحب إيدي بقوة عبالك يريد يگطعها جاب سرنجه جديدة فتحها رفع الردن أصابعه تتحسس الشريان عروگي تبين من رجفتي وخوفي ضغط من فوك بإيده ومن بين لحظة سحب سرنجه كاملة

خله گطنه وضغط عليها بإيده ثبتها بدون ما نظر النه طلع

::-چااا منوووو اليدرييي منووو شمصخمهه اكثرر من هيچ شمصخمهه موو گتلجج اخذجج دكتورر بتتت الكلب انعلل أبوچ يابو حتى اهلچ خابر اديان هيه تعرف خابرها خلي احد يجيبها

دار دياب صاح على الولد

دياب::-سديم اهنا مو

::-اي

::-چا منو يجيبها ابوي

طلعو وهمه يحچون بصوت هامس ما أسمع غير كلمات متقطعة شعيب بقى ساند ضهره على الميز نفسه متگطع إيده بعده ترتعش وهو يحاول يسيطر على روحه.

اني بعدني أرجف حسيت الغرفة خنگه ما ظل بيها نفس أتنفسه گمت خطواتي ثگيلة كل خطوة أحسها تصيح من الوجع ورحت وراهم

::- دياب فدوه راسي موتني

وصاحبه صرخ بيه

::-ايييي روحيي منين امنتي الجرعات جيبي هسه الشيطاانه شيطانه مثلچ ما شفت

دياب::-مالك شغل انتَ

::-خل يطلع البالي هم والحسن والحسن الي اسمي على اسمه لو مو عشرة عمر احرگم واحرك الـ شدهان كلها

راح يطلع وهو يغلي بس أول ما طلع صارت بنت گدامه صرخ بيها يصيح  وهي متفاجئة عينها متوسعة من الخوف.

::- واانتِ وييين چننتتيي داايححه

::-ويه اختك شبيك

دفعها من گدامه وطلع وهيه اشرت وراه وگالت

::-شبي هاذا

أشر دياب على راسه بثنين ادي بمعنى مخبل هزت راسها بأي بأسف وهيه هم رجعت أشرتله بنفس الطريقة ونوب مدت إيدها للسماء بمعنى طار عقله هوه ظل يباوع وبعدين ابتسم غصب وضحك

::-الحمدلله والشكر ولا عاشرت واحد براسه حض

عاينت علية رفعت إيدها وأشرت هلو بابتسامة صغيرة ابتسمن الها اني هم راحت للغرفة الي چنه بيها ودياب انسحب للمطبخ ما طولت ورجعت راحت وراه وبعد شوية رجعوا ثنينهم يحچون بينهم هيه گالت

::-فتحي حلگج.

عاينت عليها ما فاهمه وجانت لازمه حبه بالغلاف مالها فاتحتها من فوك فتحته بدون ما أسئل مدت إيدها حطت بحلگي وجابت گلاص ماي شربته وبعدها بقت اسولف گال

::-روحي نامي ارتاحي

رحت وياريتني ما نمت وگعدت مفزوعه واصرخ ماكو احد يسمعني ركضت للصالة أصرخ وأبچي صوتي مبحوح والدموع تغطي وجهي أريد أطلع أريد اشرد من كلشي قبل لا أوصل للباب حسيت إيد ثگيله لزمتني من ذراعي چنت ألهث وأتلفت بخوف شفتها نفس البنيه وگفت بوجهي

::-وين تردين؟ شبيچ

لزمتني بقوه ضاغطه علية صرخت بيهاا

::-عوفينييي رااح يكتل اخوانيي

هيه ما گادرة اسيطر علي وهيه صاحت

::-حسننن ولككك الحسنن

::-سطرچن الحسسسن

طلع من الحمام واني ارجف بس من شاف وضعي عاين عليها ورجع عاين عليه

::-شبلاج

حاولت أفلت يديها من يدي ما گادرة طحت وصرخت بصوت مبحوح

::-مااات ذبحهه راح يذبحهم كلهم امييي امييي ويننن

لزمني سيطر علي واشر لـ ناية

::-لاااااااا ماااا ماا انسه والله خل اكول قبل لا يموتهم تيممم ورمشش ريااان ماتممم كتلوهمم رااحوووا راحواا.

بحيث من صريخي وحچي انصدم وگعدني

::-شسولجج اسمعيني ريفاان عايني منوو همه منوو

يشيل براسي يريدني اكمل واني همست اخير حرفين وطحت بين ايده مو داريه

::-ر. ا...

"سما"

مر يوم كامل وماكو أي روح أم ريفان متخربطة والبنات حالهن مو أحسن گلبي نار أفتر بينهم هيف  گلبها گام يوجعها بنات عمتهم يفترون وياي بينهم  نصبر بأم ريفان الي انتهت لحد الساعة 2:30 بالليل واحنه رافعين ادينه بالدعاء.

طلع الفجر وماكو أحد غير أعمامي وجدي اجوا دخلوا المضيف والناس اليمهم رجعوا حوالي الساعة 7 چنت بالحمام وأسمع أصوات  وعمتهم تهلهل نزلت أركض الشال على راسي ما چنت لابسة الصايه وباوعت من المحجر وأشوف جلال وهارون مهدي، سيف، هيثم، غفار، بس الباقي ماكو  وهيف تسأل بيهم وما أدري شنو يحجون وياها رجعت لبست الصايه ونزلت سلمت عليهم وسألت هيف

::-اخوج وينه

::-اندري سألتهم گال بقه اهناك علمود ريفان

::-خوش اتصلتي بي

::-اتصلت رد عليه اليسع يگول بالحمام من يطلع اخلي يخابرج

::-تمام من يخابرج گولي الي

::-ان شاءلله

رحت أحضر ويه مُنتهى وزهرة والريوك اجت أفنان يمنه على أساس أساعد بقت هيه بس تفتر، وآخر شيء گالت

::-انطنيي شي اسوي راح تجي امي وتگوم اصيح علية

زهرة::-شنطيج

::-اي شي

::-حضري الصينيه وحطي بيها الماعين

::-خوش

سوت مثل ما گالت شويه واجت فجر تفتر يمنه نوب كعدت على الكرسي يم الطاوله وهيه تاكل بضافرها درت عليها اشرتلها براسي بمعنى شبيچ هزت راسها بلا وهي تلوب من يمي توترت رحت يمها وهمست

::-شبيج

::-تعالي

رحت وراي رحنه بنص الصاله وگفنه

::-شبيج

::-شبيج منتضرة افنان تروح علمود احجي

::-شكو

::-اضن اني حامل

ضحكت

::-بالمبارك يارب عليش خايفه

عضت شفتها وگالت

::- ولچ يمهه اخاف اني ما مربيه نفسي لاا كلشي ولا هاي

::-انچبي عندج هاذا التحليل المنزلي

::-لا

::-روحي لغرفتج اروح اجيبلج واحد من حوراء اضن مره گالت عندي

::-يباااه

::- اسكتي

رحت لأم هيثم خالة أمير باعتبارها بدل أمه وهيه حتى مو بحالي وبعدها ركضت لحوراء وجبت منها ثنين لأنها بنت عمي اول وحده فكرت بيها اما مرة مصطفى ومرة غفار ما اعرف عنهن جبت ورجعت ركض ولاگاني هارون وغفار بالباب مال الحوش ابتسمت لهم واستحيت لأن شافوني دخلت وسلمت عليهم انطيتها وصعدنا للحمام الفوك وبقيت واگفة يم الباب.

::-هاا

::-انچبي

::-شبيج مختنگه

طلعت وبيدها النتيجه اثنيهم اخضر ضحكت فرحانه الها حضنتها گالت

::-لا تگولين

::-ليش

::-احسن

::-يااا

::-بربج خل اسوي بعد تحليل دم علمود اتأكد ما ادري ليش شاكه بي

::-براحتج اني نازله

ذبتهم بالسله وگالت

::-اني اوياج

نزلنا أنا وياها صبينا الريوك بالصالة نزلوا يگعدون يتريكون شويه وسمعت صوت أمير جاي من برة حسيت روحي رجعت الي ركضت اله هيف وهو ضحك وحضنها همس بأذنها كلمة خلتها ترجع تحضنه وتضحك سلم عليه من بعي ابتسمت له وراح دخل يم خالته شويه وصعد فوگ شويه وصعدت وراه لگيته هستوه طالع من الحمام صافن بالكنتور الوسطاني اللي أنا مسويته عاين عليه ورجع عاين بالكنتور مره ثانية ظل ساكت للحظة وبعدين همس

::-بالحسين داهيه انتن داهيه

::-شنو

ابتسم إلي وراح ينشف شعره على المراية وبخطوة هادئة تقرب مني باسني من راسي وربدني على كتفي مثل صاحب يواسي صاحبه خلاني أضل وگفهة مكاني أستوعب الموقف.

::-عفيه عليج

::-يااا كتفي امير

لزمت كتفي اتلوه

راح طفه الاضائه وتمدد

::-اخخ يابويه يلا ادعبلي

::-شنو

باوع عليه خازرني

::-والله حچيك ما مفهوم هسه شنو ادعبلي يعني شلون تريدني ادعبل

فرّ إيده وغطى وجهه رحت أنا والبنات وكضيناها ننظف ونغسل أنوب الشهرية أجتني وبطني فرد نوب وبعدها سلملي على گولت مهدي وراح أكوم أتوحم على الحلو والحامض مر يوم عادي وباليوم الثاني گال أبوچ عازمنه اليوم

::-صدك شو البارحه چنت اخابرهم مگال

::-هسه اني گلت

::-تمام

طلعت للحمام أتأكد إذا فارغ رجعت اخذ ملابسي وطلعت وهو بعده گاعد على الچربايه عيونه على التلفون بس احسه يراقبني كملت وطلعت رحت وهو بعده كاعد مكانه

::- ليمت انروح

::-بال10 اجي اخذج

عاينت على الساعه هستوها بال8

::-والدوام هم راح يبدي اريد اروح اسوك للجامعه اهواي عندي شغلات اريدها

وگفت گدام المرآية الف بشعري وأراقبه من خلالها وهو يراسل رفعت حاجبي ضايجه جاوبني وهو بعده عينه بتلفون

::- بعدين تردين اني اخذج لو بعدين تروحين ويه البنات

::-بكيفك

::-خوش خليج ويه البنات من ترجعين

::-تمام.

نزلت لگيت البنات مكملات الريوك گالت سرور

::-هلا بالعروس عيني ماشرفتي سويتي الريوك ويانه

::-شمالجن هوه ريوك

خزرتني

::-ههههههه چنها ابن عمها

::-هيه بعد اخوج احفاد شدهان كلها على هل الخزره

كعد على الطاوله ورخه جسمه عليها منزل راسه وسرور تعاين علي بغضب اجت فجر كعدت هم على طاوله ويه شيث

سرور::-شرفت الخانم الثانيه

دارت عليها

::-شكووو من الصباحيات

دخل سيف وغفار وهيثم كعدوا واني طلعت لاگتني  هيف، شعرها ملتف على وجها ووجها ما مغسول، وصرت أنظر لها بنفس الطريقة رحت منا أجت وياي صرت هيچ هم اجت وياي

هيف::-ياااابه شنيه

سماا::-شبيج

وخرت منها وهيه دارت الي وانطتني الشكاله مالتها وگالت

::-شدي بس عدل

وكفت اشده الها وهيه گالت

::-مو هيج

::-شلون لعد

::-رفعي حيل وشدي

سويت مثل ما تريد ودرتها عليه اعدل گدلتها نزل امير باوعت علي وگالت

::-صباح الخيراات اموري

ابتسم وجاوبها

::-صباح النور ياروحه

::-ليمت نروح

::-باجر الصبح

أشارت له بيدها بمعنى "أوكي" ودخلت للمطبخ وهو دخل وراهاگعد يمها تريك وطلع وراهم الولد وعمامي وجدي هم نزلوا تريكوا وطلعوا. بعدين إحنا كعدنا أنا وعماتي والبنات ناكل وگمت أفتر يمهنأريد ليمون لأنه مشتهيه بس ما لگيته كملنا ونظفنا وعمتي خابرت ريفان سولف وياها ويه شعيب على جيتهم ادمجنه بالشغل والسوالف وسمعت صوت أمير يصيحني التفت عليه وصارت عيني بعينه باوع من فوگ ليجوه

::-هاي شنو؟

خلاني خفت گبل نزلت اعيوني خاف بيهن شي

::-انييي مو كتلج اجي بال10 اخذج

يمه اذكرت عزااا عاينت على الساعه بال10:30

::-نسيت

::-امشييي ركضي ربع ساعه مزروعه يمي

راح للدوانية وأنا ركضت للغرفة بدلت ملابسي وتعطرت ورطبت يدي ووجهي بدون مكياج وشفايفي بس مرطب اجت مُنتهى دخلت.

::-امير يگول استعجلي

::-بس ثواني البس حجابي

::-تمام

::-مُنتهى عايني شنوو البس ويه العبايه حذاء لو كعب

::-لااا ولج لا تلبسين عبايه ام الراس

::-لعد؟

::-العبايات مالاتج الخليجيه او صايه حلوات وكلش يجنن خاصه الي تلبسيهن دائمن

::-عزاا لا

::-ولج هوه غير لأهلج يعني وين من الباب للباب

لفيت الشال وهيه فتحت الكنتور تختارلي دخلت سرور

::-وينج يلا

::-انطي صبر يختي شسالفه

دخلت ومُنتهى شمرت العبايه لونها موف غامض على الچربايه وطلعت كعب مغلف من گدام وجنطه بلونه بيجي فاتح ونوب الشال ميجي بلونهن ذبيته واخذت ثاني بلون العباية لبستهم كملت وهاذا كله سويت ب20دقيقه طلعن البنات غفلت الغرفه لأن ينحرني لو نسيتها اخذت الكعب بيدي ونزلت لاگاني على الدرج يريد يصعد عاين عليه

::-ويننن صرتيي

::-انطي صبر فحطت ميصير هيج

كعدت على بدايه الدرج لبست الكعب ورحت سلمت على اهله وطلعت واجاني شعور تليفوني ماكو

::-امير تليفوني

::-امشي يلا بسرعه رحمه الدينج يااا محمد

انطيته الجنطه ومشيت واني لأن لابسه كعب ما اكدر امشي بسرعه

::-باوع البرنسيسه شلون تمشي يلاااااا ولجج يلااا

ذبيته من رجلي ورحت اركض جبته وتأكدت من الغرفه مقفوله ونزلت اركض وخالته اصيح

::-سودنهاا عمت عينك

أبتسمت الها لاگاني غفار بالباب

::-على كيفج خويه

طلعت، لبست الكعب وهو بعده منتظرني، نضارته الشمسية صعدنا أخيراً وأبتسمت وگلبي انتعش من گال

::-توكلنا على الله

صعدنه انوب الرجال مو يمي يربي شويه يلا انتبه وعاين عليه وهو عاگد حاجبه ذيج العگده يسوق ويستغفر يااارب دخيلك اني شلون حبيت هاي الشكول شلون اقتنعت بي اصلاً هوه من ناحيه جمال وحلو امانة الله هو حلو وخلقه واخلاق بس عصبي روحه بخشمه بس كلشي بي يخطف اذكرت اغنية مرة مشغلتها فجر

شوصلني يم گلبك

شسويت انا بروحي

تلعب على گلبي

ترگص على جروحي.

شوصلني يم گلبك

شسويت انا بروحي

تلعب على گلبي

ترقص على جروحي..

استغفرالله استغفرالله طااح حضج فجر على هاي الاغاني البايخه وين اكو علوية تغني اخذت الطريق كله استغفرنوب ما تريكت وصارت عيني على اسواق عاينت علي يدخن

::-امير

::-همم

::-جوعانه

::-مابقه شيء ونوصل

::-مشتهيه حلويات

::-مابيه اوكفها كلساع علمود حضرة جنابج

درت وجهي عنه شويه وكفنه يم محل ما خلاني انزل راح ومن اجه جايب علاگتين حلويات انطاني وحده والثانيه شمرها ورانه واني الطريق كله اكل كضيتها

::-بعد شلون تتغدين حتى بطنج تخبط

::-من الصبح بنفسي الككو وشي حلو وهسه جبتهم انتَ

::-ثاني مره گولي.

::-ان شاءلله

انطيته قوطيه الببسي علمود يلزمها اطلعله اله ياكل وياي

::-هاك هاي الك

::-ما اريد

::-ليش

::-سما طولت خلك اهواي اليوم بما فيه الكفايه

سكتت عنه وهو كل شويه گايل راح تتبده ولازمها هو

::-شايفه اذا تبددت علكشن ياويلج

::-خوش

::-لملمي حبشكلاتج وصلنه

لميت كلشي بالعلاكه وشمرتها وره خزرني وكز على سنونه وگال

::- ياااصبررر أيوبب لااا صيريلي سرور الثانيه ديري عدل ورجعي شيليهن وين ما شمرتيهن

::-وين احطهن شبيك

عض ايده يستغفر

::-لازم تحمد ربك من وراي

عاين خازرني وگلت

::-من گد ما تستغفر راح تدخل الجنه

::-لا والله غير انتن من وراچن جهنم ادخلها وبأصرار هم

هزيت راسي وحطيت الببسي كدام يم المرايه اخذت تليفوني محطوط يم تليفونه باوعت بي رتبت حجابي ورجعته، وصلنه السيطرة الي وراها بشارعين بيت اهلي يمااه بگلبي اشتياق وروح انطاه الباج مالته واني دايره وجهي عنهم گاله

::-تفضل استاذ توصل بالسلامة.

سلم وطلعنه دخلنه شارعنه اول ما صف السيارة نزلت رنيت جرس البيت نزل هوه واني گمت ادك بالباب فتح الباب علاوي ابن صادق شلته ابوس بي عفته من طلع مسلم رحت اسلم علي واني احچي

::-صدك جذب مخلين خطاركم بالباب والله عيب ساعه اندك بي

امير::-لا تحمين

گالها وهو يسلم على مسلم طلع وراه ابوي

::-هلاا هلاا

عفت مسلم ورحت اله اركض ضمني جوه البشت مالته وهو يبوس براسي

::-عزيزه روحي منتضريكم

واني باقيه حاضنته وابوس بصدره وراسه

::-يلا زلمتج باقي بالباب عيب

وخرت عنه ودرت على صوت طاهر وهو يگول.

::-سمااوي

درت علي وگلت

::-اعيونها وگلبها

ضحكت واجاني باسني وابوي ومسلم راحوا دخلوا امير

::-جذاب تجي اهناك ومكلف نفسك اسلم عليه

::-من جنتي بيتج مو اجي هسه عيب عود انتِ تعاليلي للمضيف

عاينت اريد ادخل للبيت وشفت امير باب الاستقبال شايل جنطتي والتلفون رحت اخذتهم منه والتفتت ادخل ادور امي اول ما دخلت للصاله صارت بوجهي رحت الها بستها من راسها ورجعت ايدها بستها وحضنتها

::-يمااه مشتاقتلج

::-يبعد روحي ليش ما تجين اله كل شهر لو احنه نوصي عليج لو احنه نجيج

رحت اسلم على نسوان اخوتي وأگلها

::-نسيبج ما يتحاجه وعلي روحي احجي وياه وشوفي ومن اگوله مو اجو كذا يوم هذوله اخوانج وامج اجت بعد منو تشوفينه ابوج اجه كومي سلمي اي سارة شلونج شخبارج اي وهاذا كله

::-فلك طرج اسكتي ام السان

::-ولعباس اهناك افقر وحده بالبيت بس عدكم ام السان

لارا::-كافي ابتلت حجت وياج

كعدنه انسولف وامي راحت اسلم على امير شويه وسارة ولارا گامن يصبن الاكل وامي اجت كعدت وياي اسولف گامت يم البنات واني سولفت الهن شلون اجيت ركض

سارة::-ههههههه لا جايه تريد بس شويه وتشرد

لارا::-اي ماا تتحمل ولج حتى من دخلت شايل الها الجنطه والتلفون خوش مربيته

گالتها وهيه تغمز

سما::-ايي عمت عيني فدوه الله صارن امي الثانيه

سارة::-احسج ضالمته

سما::-ايي هههههههه كلش

دخل طاهر باسني

::-مشتاقيلج

فتحت ايدي

::-وانيي هيججج مشتاقه اريد اسولف وياكم شويه وعوفوا وتعالوا نهار كله يمه شسالفه

::-انجبي

::-اي هاذا العزيز ولي مزاعلتك

نقل الاكل هوه ومسلم وصادق واركان ماكو طلع امير يغسل اخذت المنشفه ورحت وراه انطيتها اله نشف ودخل واني هم غسلت ودخلت وراه كعدنه واني رحت كعدت بصف ابوي يسولف شويه وياي وشويه وياه واني ما اكلت لأن هستوني ماكله حلويات بعد مكدرت كعدت اشاهدهم كملنه وكمنه اخذناهم اني ومسلم وطاهر وامير يسولفون بالحوش وديناهم ورجعت حسيت معدتي گامت تگلب وبيها حرارة ركضت للحمام وامير يم المغسلة هو وطاهر عنه مسافه يم باب الاستقبال ويسولف وياه صاح ها شكو دخلت وگبل گمت اتقيء ...

يتبع ...

صح ﺟان بي اختصار بس گامن اعيوني يوجعني اعذرني والتأخير هم مو بأيدي بعد فتره ارجع اكملها ان شاءلله وبأصرار على گولت أمير 😂😂😉