ناراحيدرة الفصل التاسع وأربعون 49 - بقلم Namarq

روايـة نـاراحيـدرة

بقلم /// نمارق رحيم ///

بارت 48

يَ شوگيّ ورَجوتي ودِنيتي ولونيّ
وعَذابي ولَهفِتي وشَكوّاي وضِنوني
يَخيّ عَونَك عليه وبيّك خَيعوني.

⭐⭐⭐⭐⭐

نايمة علئ الچربايه ورافعه رجلية علئ الحايط وشابكتهن بأيدية، المحتركات

و اتسائل نفسي معقولة حركني عمداً ،!!
معقولة يريد ينتقم مني ؟

اني ما مأذيته بشيء لعد ليش حاول يكتلني ؟،

يدعي هو يحبني ...بس !!
تصرفاته عكسة تماماً ..

ماكو اي حب بعيونه، ولا بأفعالة ...
مجرد كلام ينطقة
ويگلي ،،، احبچ

دخت شنو معنئ تصرفات ...حيدرة ؟

جريت نفس، يا الله
شكلي رجعت لنقطة الصفر

ماداعرف حيدرة منو هو ....؟!!

...قبل يومين ...

اصرخ و النار تلشعني ورجلية يوصلها النار
ونهاية الفستان احترك

ركض بسرعه اليه ..

..راد يحضني ويطفيني احتركن ايديه حتار شيسوي
نزع جاكيته صار ينكته بالنار ...
لحضات قليله ..
انغمئ عليه ..
من شفت روحي داتحترك
وحيدرة يحاول يطفيني ..

وكعدت بالمستشفئ ورجلية ملفوفه

داتذكر الصار و احاول انتج شيء من التفكير ...

،،، انقطعت سلسلة افكاري بخول سالار .

بحركة سريعه تچقلبت ونزلت من الجرباية

سالار : الله بالخير

- هاا

- الشاش بقئ عندج ؟

- اي

- لعد انطينياه الف بي ايدين حيدرة المحتركات
يريد ينام ومايكدر، وهم يأذنه

- الدكتور مو كال فد شهر ويطيبن

- غير كلناله دير بالك لاتلوحك مي مايصير ولازم مدري شنو
وهسه ايديه راحن حيل الجلد فحم

- اوف لو ما ايديه الطفاني بيهن، جان هسه اني ميته

- حيل تغيرت نضرتب اتجاه حيدرة عبالي جذاب بس طلع صدك يحبج وشمر روحه للموت علمود ينقذج ومااهتم اذا يتأذئ لو لا

- اي صحيح هذا الشيء
بس !!
سالار عندي اسئلة شاغله بالي حيل، وخاصتا بعد الشيء الصار

- گولي شنو ؟

- بالمستشفئ من جبتوني علمود رجلية الاحتركن
سمعت حسن يحجي ويا حيدرة
بالردهه
عبالهم نايمة ..مايدرون سمعتهم

- احجي شنو كالو ؟

- حسن يكول لحيدرة ليش حركت ناردين ليش هيج سويت،

- شنووو !!

- والله ..بقو يحجون من خلال كلامهم عرفت ان حيدرة مشغل النار
ومنتظرني اوكف بالحديقة واحترك

- شنوو ولج شلون حيدرة يحركج مامعقولة
لان بوقتها هو جان واكف يم رائد و اصدقائة
وركضلج من بعيد ...ومستحيل هو شغل النار لان هو نقدج
وحاول بكلشي حتئ يطفيج

- اي مو داكولك اني هذا المدوخني
وصارلي يومين اصفن وافكر بكلامهم
..مو معقولة حيدرة يسوي هيج بيه
اصلاً مستحييل

- لاا مو مستحيل ..مسويها قبل .

- شنووو

- هيج ماكو شيء

- لاا احجي سالار احجي
صدك عندي سؤال لخ ..وهو يتعلق بيوم عرسنه
والطلقه الضربني بيها ..وانشليت

- سدي هلموضوع رحمة لوالديج

- لا، مااسدة
سالار صح حيدرة ضربني عمداً ؟
يعني جان متقصد ؟ يصاوبني بيوم عرسنه

- لاا

- لعد ؟

- مو وقتها، يجي يوم المناسب وتعرفين

هسه انطيني الشاش خليني اروح ..

سكتت، ماردت الح عليه
فتحت الميز انطيته الشاش

طلع ورحت ورا .. وكفت بباب غرفه حيدرة

شافني و ضحك، :- هاا فرحانة احتركن ايدية

كلتلة :- غير انت حركتني عمداً

سالار :- ناااردين مو وقتجج

خزرني، :- ما حركتج انا فاااهمة ماحركتج لاتتهميني
ادري بيج فرحانة لان اتاذيت وانتي لا،

- هاي شبيك علئ شنو افرح ؟

- اطلعي بررره يلااا اطلعي

- حيدرا

صاح :- اطلعييي لافرغ المسدس براسججج

داحجي ودخل حسن،
تخبل من شاف حيدرة فقد اعصابه
بسرعه جرني من ايديه وطلعني ..

ضليت متفاجئة ..شبيه وليش بسرعه تغير
اول ماشافني ...ضحك
وهسه ليش ....عصب عليه
مو طبيعي ابــد ،

اجا وراي حسن ..وسالار طلع من غرفته،

كال هدء ونام ..

- ماشي،

حسن :- ناردين لاتعصبينه لو تضوجينه

- ما مسويتله شيء تره

- اي تغاضي عن تصرفاته معليج بي اذا تشوفينه معصب
لاتحجين وياا الا من يهدء

- خوش

- چؤؤ ناردين تعرفينه يحبج

- لاا مايحبني..جذاب اعرفه

جرني وكعدني علئ الدرج ..
- ولج يحبچ والله

- ما يحبني هو چذااااب

- ولج ماتدرين شلون دائما يفكر بيج ويحبج حيل، حتئ بالشغل اسئلي رائد كل شوي ويجيب طاريچ لو يخلي صورتج كباله يلا يشتغل والله متخبل بيج ويحبج ويعشكج

بس مشكلته مايعرف يعبر
عن مشاعرة دائما ..

مو بس بالحب ..
هو متناقض ...بكلشي

لايعرف يبرر ولا يعترف بشيء ..

- لا تقنعني حسن، لان ماراح اقتنع
اصلا حيدرة مايعرف الحب شنو

- ولج جربي تشوفي خلفية موبايله ...صورتج
وباسورد موبايله وشغله ...اسمج
و صورتج ياخدها وياه وين مايروح مخليها بمحفضته

- تريد اصدگ ؟
و شنو يعني اذا سوا هيچ
يعني هو يحبني!

- شبيچ نااارديـن!!

- مابيه شيء حسن بس تعبت منه!!

- ولج شتعبتي، يعني صارلچ
وياا سنتين باقيه علئ رغم المشاكل والمصايب الصارت ..

وهسه من كالج احبچ ويريدج وياا ...تتركي ؟؟

- ما تركته

- ناردين حيدرة محتاجج حيل ..

خاصتاً بهذه الفترة .. ابقي يمه

- علئ اي اساس ابقى يمه ؟ هو مطلگني

- هسه دروحي بـ أعتبار
انتي بنت عمه واطمني عليه ..

- غير گلت هو نايم

- لا ما نام .. روحي يلاا

- خاف سالار ما يقبل ؟

- لاا انه وسالار طالعين للمركز
نجي وره الـ 12 بليل

..راح والتفتت ورا
اطكطك اصابيعي
صليت علئ محمد

ودخلت لغرفتـة ..

متمدد بفراشه ..

كعدت بعيدة عنه بطرف الچرباية

- نايم لو كاعد

- نايم

أبتسمت .. سكتت

- ليش اجيتي شنو تردين ؟

- إذا تريد اطلع گول، حتئ اروح

- لا انچبي ابقي .. نارديـن

- هـا؟

- انـا احبـچ

سكتت ..

- احبچ ناري

- خـوش

- ليش متغيرة وما تردين تحچين وياي ؟

- لا ما متغيرة بس انت المتغير حيـدرة

عندي اهواي اسئلة ..

و اجوبتها عندك بس انتَ ..

- شششش اجلي كلشي
راسي يأذيني و الكائنات !!

مو بحمل اي سؤال!..

- لعد يمته تجاوبني

- بالوقت المناسب الي اكون بي مرتاح

- ماااشي

- وهسه عادي تجين

- وين ؟

- حضن اسلامي

- شنو

جرني من ايدي وسحبني لصدرة ..

- چؤؤ حيدرة وخرر خليني اروح لا أحد يجي

- رايدها من الله وكون سالار يجي

- علمود يگتلني فرد نوب

- شحده حتئ اموته وراچ

- انت ما منتبه تحچي كله
بالقتل وموت وهيچ ..

ضحك :
- كتلچ القتل لعبتي وشيء طبيعي

- حيـدرا !!

-ناري اسكتي بس دقايق

ضل يتنفس شعري وراسه برگبتي..

- يناري .. تدرين شكد تعبان ؟

وهموم الدنيا متراكمة كلها عليه!

ماضل عندي اي طاقة لـ تحمل ..

ابد، مابية حيـل ..

تعـبان وعـلي ..

- احچيلي شنو بيك افتحلي گلبك
وسولفلي منين تعبان ..

- شسولف و انتي سالفتي

ضحكت :- صاير شاعر آخر وكت

- شاعريچ بوية دسكتي ..
غير حفظت كم كلمة من رائد

- صدك عود

- أي والله مو گتلچ أنا فقير أنا حباب

- هههههههه أي صح كلش فقير

- وعلي ما اعرف اتغزل
لو ارد عليچ بكلام حلو ..

علئ كولتچ فالح بس
بالقتل والمسدسات

ضحكت ..

- قبل من گلت لرائد أنا احبچ،
علمني شلون ارد عليها و اتغازل بيها
..اتصوري بقئ فوگ الساعتين يعلم بيه

وبعد هو خبره تعرفين بي شمسوي
بأختچ وموگعها بحبه ..

- هههههه أكيد رائد مكيف ..

امليها رومانسيات مو مثلك

رفعلي حاجبة ..

- هاا هاا تره شسمه ما گلت شيء
علئ نياتي حچيت وداعتك

- ام جفصات، شلون وياا لسانچ

- حـيدرا شسمه يلا عفية خليني اروح
انت مو تگول انت حباب و فقير
لعد خليني اروح ..

باسني برگبتي و بعدني عنه ..

ضليت اباوعله صفح ..وهو يضحك عالي

- هاي شسويت!!

- صارلي هواي ما ضايگ

- ياا حيدرا!! والله اذا عدتهاا

- اي كملي شسوين!!

- ها .. شسمه ؟

ضل يضحك عالي ..
و اني اباوعله صفح..

دائما اجفص ..

- ناردينتي

- خيرر ؟

- گومي بدلي علئ السريع ..نطلع

- صدگ وين ؟

- معليچ .. المهم روحي بدلي

- هسه نطلع ؟

- چاا باچر، شبيچ

- و سالار ؟

- شبي هذا نعلان

هسه اخابرة معليچ بي بس بدلي نطلع

- خـوش

طلعت و گلت لنبراس، رايحه وياا حيدرة

ضحكت وگالت :
- روحي واتأخرو علئ راحتكم

لبست فستان لحتئ البس
وياا حذاء فلات وما يأذني رجلية ..

ولو ما احس بـ اي الم ولا متوجعه..

لفيت شعري كعكه .. ونزلت جوه

شافني و ابتسم، مد ايده لزمتها قوي

- ايدي بيدچ ما اتركها للأبد

سكتت ..

طلعنه من البيت ..

استغربت من شفت اثنين واكفين
بالباب ..سئلته ..

- منو هذولي ؟

- ما اگدر اعوف البنات وحدهن وحساني ورويد وسالار طالعين ..

فاا الحراس تحرس البيت
كلشي يصير أمن عليهم افضل ..

- هاا ماشي احسن

ركبت السيارة .. وحركها

- شتحبين اشغل الچ ؟

ضحكت ..

- احب اسمع ساجدة عبيد

- هههههههههه هاي لو مااريد اركص تخليني اطكك اصبع

- احسن من بقيه اذا تسمعهم
يصير بيك جفاف ..

ضحك وكال :- ليش بوية جفاف عندج انا موجود حاضر صبح وليل بالخدمة

- ههههه لاا ما اقصد هيج بس شسمه

- دسكتي ام الشسمه

شغل اغنية لشيرين ونصاها ..

طول الطريق نسمعها

تالي

صف السيارة گبال المطعم ..

- نزلي يلا

- لا ما أريد ما جوعانة ليش جبتني لمطعم

- نزلي بسرعة نتعشه ونطلع

- چؤؤ مااشي .

نزلت ولزم ايدي ودخلنه ..

گعدنه بالاخير ..

منعزل لوحدنه ..

بقينه واحد صافن بالاخ ..

و ساكتين ..

آني اطكطك بأصابيعي ..

وهو يطكطك علئ الطبلة ..

- ليش گلبچ يدگ هيج بهالشكل

- ليش عيونك تلـمع

- لـيش عيونچ تلمع

- لـيش متعرف تحچي

- لـيش خدودچ حُـمر

- لـيش تُفرك بيدك ومتوتر ؟

- شنو هالجمال الگاعد يمي

- شنو هالابتسامة ؟

- ليش عيونچ تحچي بدل شفايفچ ؟

- ليش احس كلبك رح يطلع ؟

- لأن كلبي ميت بيچ!

- و بعد ؟

- ﭑنتي أمرأةٌ لا تَتَكَرر ..

ابتسمت ... غمزلي و َ رفع حاجبه

- كافي حيـدرا

- ما متعود عليچ تخجلين

- ما خجـلت

- ممم

صاح للمـوضف ..

جابلنه القائمة .. الاكـل

ماطلبت شيء ..

- صدگ ما تشتهين ؟

- أي والله

- تدرين انا هسه شنو مشتهي ؟

- شنو مشتهي ؟

- سمچ مسگوف .....اويلي يابه

ضحكت :

- اطلب لعد، اذا مشتهي

- لا خلي على باچر، اگول لرائد
يشوي بالحديقـة ..

- كيفك .

گام و اخذ القائمة، دقائق و اجاا بيده ماعون بيهن همبرگر حجم كبير .. اثنين

- جبتلچ بالدجاج ادري بيچ ما تحبين اللحم

- حلوو تعرفني شحب

- چاا شعبالچ، حبيبتي

صفنت بوجهه بقت كلمة
( حبيبتي) ترن بأذني ..

دمعت عيوني لا ارادياً ..

لزم ايدي .. و َ باوعلي

- شبيچ يا بعد گلبي ؟

درت وجهي مسحت دمعتي
وجريت نفس ..

- مابيه شيء

بـَس !! ..حيـدرا

- عيونه لحيدرة

- تدري كلمة حبيبتي حلوة منك إلية؟
ماتصور شگد حلوة من تنطقها إليه ..

ابتسم و گال بهمس:

- حبيـبتي

ضحكت بفـرحَ :

- هاي اهواي عليه حيـدرا
مامتعودة عليك علئ هذا الكلام

- چاا اتعودي

سكتت ..مااعرف شحچي ..

قدملي الصحن اخذت همبركر ..

جابلي ببسي ..

اكلت شوي وهو كمل مالتي واكل اثنين

تالي دفع الحساب و طلعنه ..

رجعنه للسيارة .. بقئ يفتر بالمناطـق

- بعد ما نرجع لبغداد

- لا بس بوقت الشغل

- يعني راح نستقر اهنا بأربيل

- أي حبيبتي

- مشتاقة اهواي لـ هوئ بغداد .

- ان شاءالله نزورها ..

نبقئ كم يوم و نرجع..

رايد اروح للأمام الجوادين ..

- سلام الله عليه ..
حيل مشتاقة للزيارة طاگ گلبي..

مشتاقة أزور قبر بابا واحضنه ..

دمعت عيوني وبچيت
من ذكرت ابوي ..

كل ما أتذكر انسئ ان هو مات
وصارله 4 سنوات ..

وگف السيارة وتقرب مني ..
مسح دموعي ..

- لا تبچين گلبي اعتبري
أنا ابوچ لا تبچين ناري

سكتت و هزيت راسي " أي"

- مو تگولين عليه شايب اعتبريني
ابوچ وانتي بنتي ..

ابتسمت :
- چنت احلم بهذا الشيء و اتمناه

- وهسه شنو ؟

- هسه انت دا تحچيي

كرصني من خدي ..

جر ايدي و باسها ..

- احبــچ ولچ

- شكراً هههه

ضحك وباوع علئ الطريق ..

گال .. انزلي

- ويـن ؟

- البيت قريب فد شارعين هيچ ونوصل

انزلي نتمشئ ..

لحد مانوصل للبيت .. مشي

- ياا ياشارعين البيت بعيد حيل

يمكن نص ساعة يلا نوصل..إذا مشي

- أي عادي بوية ..

اكو احلئ من الـمشي و بليـل
وبس أنـا و ويـاج
و الجـو بـارد ...والقمـر فوگانـا ؟

- خوش حمستني هههه اقتنعت
لعد انزل ليش لا ..

نزلنه و قفل سيارته ..

عدل جاكيتة وگف يمي شبگ ايدي

و بدينه نمشي ..

الشارع فارغ ولا شخص طالع..

و بيوت قليله و اهواي شجر و نخلات

المنطقة حلوة ..

ماتصورت مناطق اربيل هيچ حلوة

شوارع نضيفه ..

و اهواي گلوبات مشتغلة ..

خليت ايديه بجيب جاگيت حيـدرة

- ها ناري باردة عليـچ ؟

- لا بس ايدية مدري شبيهن صارن حمر

- وين البرودة ولچ
يمكن لان اتغير عليچ الجو والمكان

- أي يمكن ..

بس عادي ..

نـارك ادفي ايديهـا بـ برودك

- نـاراحيـدرة بـعد ..

- ايي

ضلينه نمشي علئ الرصيف

وهو رافع راسة يباوع للسما ..

تالي گال لي:
- نـاري

- هاا عـيوني

- من چنت صغير عبالي القمر يمشي وياي

- أي ؟

- وهسه هو واگف يمي

أبتسمت .. وهو ضحك قوي

- گمري انتي ..گمر حيدرة

- شلون گمرك و نارك بنفس الوقت؟

- عادي بوية ..

أنا وياچ ..
"تلاگينه ثلچ وياا النار واحد مات بالثاني"

- اوي هاي شنو حيـدرا مغيرينك ؟

حيل ما دا اعرفنك ..

- الله يستر عليه رائد هههههههههه لو ما هو چان شبعتچ فشار علئ شكل غزل

- شلون يعني

- يعني مثلاً ك*** تخبلين

- عزه بعينك!!

- واكو الاقوئ منه اگوله ؟

- ياا عفية لسان صدگ عود اسكت اسكت

- سمعني اكلچ ..احبچ حقيرة وضل يغم بكصته يگلي تربيتي راحت ..

- هههههههههههه

- ناردين

- ها حدحد

- حدحد شني

- شسمه هذا دلع ..

- موحلو .. شوهتي اسمي!

- لعد بس انت ادلعني نارك

- شوفي أنا اغار من اسمچ

- شنـو !

- والله اغار ..
اسمچ اسمه ( ناردين )
و اني اغار من ( دين) منو هذا ويكمل نص اسمچ
فاا مزجت اسمي وياا بداية اسمچ
وصار ( نـاراحيدرة )

احلئ مووو ؟ .. شرايچ ؟

- لا والله كيفك هو ..تجزء اسمي وتمزج

- اي چاا إذا مو بكيفي كيف منو ؟

- خوش ..لعد اني هم اغار من اسمك

- من شنو تغارين ؟

- اسمك ( حيدرة )
و اني اغار من (ة) و اعتبرها تاء تأنيث

ضحك :- و التاء التأنيث لا محل لها من الاعراب

- حيـدرا

- يابعـد روحة و گلبـه

حچه و هو يضحك :
- تدرين أريد اسوي فد شيء جريء

أريدة يبقئ ذكره بحيث ما تنسي..

- و شنو هـو ؟

- اصبري ..

ابتعد مني وصاح بصوت عالي و رافع ايديه - ولچ احبججج القزمة ام لسان احبجج بريو* احبجج

خليت ايدي علئ حلكي بصدمة:
- عززة انفضحنه حيـدرا شهرررتنه

اسكتتتت نوب تغلط!!

بقئ يصيح ..... سگته گـوة

- انت ابو لسـان

- اتعلمت طولة لسان منچ حبيبتي

- جذاااب والله انت ابو لسان جنك دلاله

- ولج ياهو دلاله

- انت ههههه

ضحك وكملنه مشي ..

- مو كتلك رح نتأخر حتئ رجلية
طاحن من المشي ..

- وين طاحن كليلي حتئ المهن الج

- هه هه جمعوله ضحكـة

ضحك :
- تردين اشيلج كولي لاتستحين

- خوب انت ماتصدگ ..

يلا عادي يابه وذا اكمل مشي ..

- عفية عليج ....بطلي عيارة

- عزه اني عيارة حيدرا ؟

- لاا لاا رويد العيار والعباس هههههه

ضحكنه .....بقينه نمشي وساكتين

يتحارش گوة واني اخزره ..ويبقى يضحك

فجئة ......عبرت دراجة نارية
سرعتها قوية .....

خطفت من يمنه مثل ....الطيارة

راكبها واحد ملثم ......شمر ورقة علئ حيدرة وراح،

حيدرة تخبل ، و كأنه يعرف
هيچ رح يصير ويعرف هذا منو

عافني بسرعه ....راح يركض ورا
بوسط ...الشارع
ركض سريع ......ومطلع مسدسة

واني كلبي راد يوكف ...من الهبطة ونوب عافني وراح يركض ورا

رجع بسرعه ....اليه
واني ارجف ......دنك بسرعة وشال الورقة

وكفت يمه ...مكتوب بالورقة تهديد وبيها رصاصة

شكك الورقة وسحكها بحذائة وتفل عليها ...بحركة گلب

حسيته فقد اعصابه ....ضل يهز براسه ويضربه بالعمود الكهرباء

- انا الهم هلنغوله شنو معتبرين انفسهم ويهددون حيـدرة!!

ماعاش الي يهددني ..

جنت ساكت عليهم خلي ينتظرون
شنو رح اسويلهم..

يهددوني و بمنطقتي! ..

بسيطـةةة.. سهلـةةة

- حيدرة منو هذا فدوة فهمني شصار جسمي دايرجف وخايفه والله

اجا يمي وجرني من ايدي ...بسرعة
وكال ...لاا تحجين ولاا كلمةة اسكتتتتتي

رجعنه للبيت ...دخلت بسرعة
صعد لغرفته خابر رائد

دقايق وكلهم اجوو ..وكفو يمه

عاط بيهم :
- ويييييين چنتوووو ويييييييين

رائد :
- لـك شصار فهمنه!!

- قيييس الحمااار داز واحد من جماعته عليه
ورقة بيها تهديد ....وطلقة

سالار :
- لك هذا مايتوب الا ينكتل موت خلاص
مو كلناله شيل ايدك منه مااايتوب!!

- كله مني ..لو بوقتها مفرغ مسدسي براسه جان ماوصل تهديد

عفتهم يحجون ...دخلت لغرفه نبراس
كعدت يمها وسولفتلها ...عن الصار

- عزة صدك عود شنو هااي ترة خفت
والله ماينسكت عنه الي صار

دخل حسن ...فتح الكنتور

كلت اله :
- عفية كول شنو رح تسوون ؟

وهدا قيس مو علئ الاساس بعد
ما يجيلنه ولا يعترضلنه ليش يهدد

حسن :- قيس مو ضابط، چذاب
وكل القضايا مزورة ..

واحنه درينه بهذا الشي وهو شرد ..
دورنه بغداد كلها ما موجود ..
بعد عفناه والتهينه بغيره ..
بس !! ..
صارله كذا يوم جاي لأربيل
و يهدد بحيـدرة ..

- ياعزة طلع واحد چذاب!!

بس ليش ما تخابرون الشرطه ؟

- شرطيش محد يهتم!!

احنه فريق كامل انه و حيدرة
ورائد وسالار وعثمان وحمزة وعباس

كلنه نشتغل ..

وكل واحد اله شغل خاص بي

بس!!

بهاي نجمتع ...كلنه علمودة
اذا ما قبضنه عليه هذا الشهر
وزوعناه العافية شاربنا مو علينا

- اي كفو عفية اسحلو الله ياخذه

اخذ ملفات وطلع ..
طلعنه ورا نزلنه جوا ..

رائد بقى يمنه ...والكل طلع
الساعه بـ2 بليل .... رجعو

صعد حيـدرة سبح وتالي طلع
نزل جوا ..

سألته :
- شنو سويتو ؟

- جاي نشتغل علئ كيف، نحدد الموقع
تالي نصيدة ....مثل الكلب

- اي والله واحد حقير وصلف

چنت ما مرتاحتله ..

طلع صدك واحد چذاب

و كلشي وكلاشي

ضحك :

- شحلاة حچيچ!

- اعرف كلامي حلو ..وشسمه يعني

- ابوس كلامچ يصير ؟

- اي ليش لا ؟

ضحك ..

- روحي نامي وتأخر الوقت ام الشسمه

- اي تصبح علئ الاخير

- و انتي بخير حبيبتي

صعدت للغرفة ..فارغه

صارت بس إليه ..

لان البنات كلهن يم ازواجهن ..

تمددت و اتكلب يمنه و يسرة ..

ما اجاني نوم .. واني افكر بي!

يربي ....شسوي ؟

تهت ...ماگادرة استوعب و اصدگه

مااريد ارجع و اثق بي ..

تالي يخذلني و انكسر !!

من جديد ..

حتئ لو يكلي... احبچ
ما رح يتغير ... ادري بي!

وهسه هو متزوج ...وحدة

ويخابر بليلئ ...وغيرها

وماعدا طليقاته ... واني وحدة منهن

جمعت كلشي ابالي من اول ماعرفته ..

اهواي اللغار وحقائق واسئلة
وماعندي اجوبه الهن ..

ياترئ شنو سر بين ام حيدرة
الله يرحمها و عائلتي ؟

صح اني بنت عمة ؟
صح سالار مو اخوي ؟
صح هو طلكني ؟
صح امه و بنته ماتو ؟
صح هو ضابط ؟
صح هو يحبني ؟؟

لو كلشي چذبه ...و تمثيل ؟!!

ماكدرت اوصل لحل لحل و جواب ..
غمضت عيوني و نمت ..

ثاني يوم ..دخلت للمطبخ
شفت طيبـة تطبخ ...

سئلتها شنو دا تسوين

- ثواب لامي ...الله يرحمها

- منو يوزع ؟

- سالار كال اودي للجوامع

- ها .. زين

شفت الجدورة مسوية حلاوة جزر وحلاوة چگليتيه تذوقتهن وكلتلها: عاشت ايدچ طيبة على اسمچ، چان كعدتيني اساعدچ؟

حسن: علمود تخلين ملح بدال الشكر؟

-اووه اجا الغثة معليك أنت لا تتدخل.

ضحك وطلع، طلعت ورا. شفت نبراس گاعدة تباوع افلام كارتون انمي اجه حسن اخذ الريموت منها وغير القناة على الأخبار صارت تصيح وهو يضحك عليها وتعاركوا..

نبراس: جيب الريموت حساني!

حسن: تباوعين على ماروكو وعايفة الأخبار ما يصير يا عيني خل اشوف شصاير بالعراق.

-ما، انطيني الريموت!!
-انچبي يا حياتي.

طلعت من الاستقبال ضايجة وتنفخ وصعدت فوگ وهو لحگها للغرفتهم ضحكت عليهم عبالي رح يعقلون ورا الزواج ويبطلون مشاكل وعركات..

وزعونا الثواب والظهر رائد شوا سمچ وتغدينه بالحديقة جان الجو شاعري، بليل كعدنا كلنا بالصالة نقرا قرآن ونهدي ثوابه لروح خالتي.

******

مرّت ٥ أيّام.

حيدرة ما ترك موبايله ولا لحظة، حيل مشغول على سالفه التهديد وما يرتاح ولا يتنفس بهدوء. اليوم سالار كال النا يريد يروح لبغداد علمود أمي بالمستشفى تخربطتت.. چانت نور تريد تروح بس بطنها تأذيها ورائد ما قبل گال بعدين اخذچ لأمج.

قبل ما يروح گلتله أريد اروح وياك اني هم لأن مشتاقة لبغداد، وعندي ملابس بالبيت ودفاتر وألبومات أريد اجيبهن..

ما قبل شمرتلي كم دمعة يلا وافق بس بشرط كال كولي لحيدرة بالأول حتى يجي هنا يبقى يمهم. رحت بسرعة خابرته بلگوه وبعد نذورة يلا رد كلتله أريد اروح كال ممنوع.

- رجعنا لنفس اسلوبك موو!!

حيدرة: ناردين اخذي الكلام خايف عليچ روحتچ مو أمان اسمعي كلامي هذه المرّة لا تعاندين!

- ليش؟
- الوضع مو زين لا تطلعين اخذي الحچي رحمة للكائنات!!
-خـوش .

سديته وانفخ ضجت خرّب واهسي كله مو بكيفه يتحكم بيّ بدلت ملابسي ونزلت
كلتله حيدرة قبل ويدري رح اروح وياك
ما عنده مانع هزّ راسه ورحنا. طلعنا من أربيل وصلنا إلى حدود بغداد، دخلنا، أوّل شيء رحنه للمستشفى علمود يشوفها
كعدت على الكرسي وحدي، ما أريد اشوفها ما عندي نفس.

نص ساعة تالي گال امشي نروح لجامعتچ ناخذ أوراق النقل طلعنه من المستشفى وتوجهنا للكلية وبالفعل سوينا الإجراءات وتوجهنا للبيت خليت دفاتري وكل شيء بالكارتون ونقلته لصندوگ السيارة وركبت السيارة كلتله قبل ما نرجع للتربية خلي نمر على المول لو السوك نشتري ونرجع..عارض، گال لا غير مرّة لان نتأخر كلتله أنت اخذ هديه لطيبة وأني اخذ هدية لنبراس ونور؟

قنعته وگال بس نص ساعة وما نتأخر، گلتله ماشي ورحنا للسوگ صفى السيارة بالكراج رحنا لمحل الذهب اشترى سوارتين وحدة لطيبة وحدة لنبراس، أني صرت اباوعله صفح وهو ضحك كلتله لعد وأني شبيه اكرص ليش ما اشتريتلي؟

-ما شايل وياي اشتريلچ أنتِ ونور من أربيل.

-متفقين.

طلعنا ورحنا لمحل اختارينا كم لبسة النا بأثناء الطريق گال رح اروح لمحل الساعات قريب علينا أشتري ساعة وصاني بيها حساني بلكت الگاها موجودة هنا
-ماشي.

بقيت واكفة بباب المحل ولازمة العلاليك منتظرته يطلع تالي گلت أشتري اصباغ اظافر حلوة من المحل الي اگبالي عجبني.

چنت شايله 10 الالف گلت أشتري وارجع
لأن اعرف بسالار ما يقبل واذا طلع نطلع من السوك. عفت العلاليك بباب المحل ومشيت رحت أشتري مرّ وقت فوگ الربع ساعة وما محسيت جان هواي ناس بالمحل بقيت منتظرة حتى يوصل السرة مالتي ويحاسب

يا ربّي أكيد هسه سالار طلع وما لگاني، صحت للولد خوية حاسبني وخليني اروح بسرعة كال خوية جيبي خلي احسب الغراض تالي انطيته الفلوس بعد ماحسب وطلعت بسرعة رحت للمحل الساعات شفته فارغ وسالار ما موجود!

عزة العزاني راح وعافني ؟ نوب العلاليگ ماخذهن وياه وهنه وحدة منهن بيهن موبايلي الا شوي چان بچيت كدام النّاس

فوگ الساعة افتر بالسوگ وادور عليه طلعت من السوگ بعدما فقدت الأمل. وكفت بالشارع عبرت سيارة تكسي
وكفتها وكلتله عمو فدوة وصلني، ضيّعت اخوي.

گال ما حافظة رقمه؟ كلتله لا. تذكرت حيدرة حافظة رقمه بس خفت اتصل عليه لأن ما كلتله اجيت لبغداد.

السايق كال أكيد رجع للبيت اركبي سيارتي اوصلچ لبيتكم إن شاء الله ماكو شيء لا تبچين.

هزيت راسي ( اي) فتحت الباب السيارة وصعدت وره بس گلبي ما مرتاح.

**********

حيدرة

بالمركز، أثناء جلستي أمام اللابتوب لغرض الشغل، ونقاشي الطويل مع رائد وحسن، اجاني اتصال من رقم مجهول حسيت هذا قيس، أشرت باصبعي بمعنى اسكتوا، فتحت الخط، سبيكر، وكلت الو؟

- زوجتك صارت جوه ايدنا حيدرة

من سمعت بقيت ساكت بالبداية اتفاجئت وراها ربطت طلب ناردين بروحتها لبغداد بهذا الإتصال، حاولت ما ابين عصبيتي وأهدأ حتّى لا ابين نقاط ضعفي للخاطف، وتنكلب الطاولة ضدي وما أخذ معلومة منه. لذلك جاوبته بهدوء: نعم؟ أنت منو!!
جاوبني: عزرائيلك. مباشرةً سدة بوجهي، سألوني بأتفاجئ لأن سمعوا المكالمة، منو هذا؟

حيدرة: ما أدري!! والكائنات، أنا گلبي يم ناري!

حسن: لا تخاف إن شاء الله ماكو شيء خابرها شوفها وين؟ خاف ناصبين عليك!

-خابرتها قبل ساعات من البيت.
-ميخالف للحرص خابرها.
-إي أكيد رح اخابر هسه إن شاء الله ما طالعة!

جاي ادگ على رقم انبعث الي ڤيديو! فتحته بسرعة وشفت " طريق السوك وموجودة ناردين واكفة تحجي وي السايق
تالي ركبت بسيارته." وإنتهى الفيديو!! واضح إن هو تصوير موبايل اتفاجئت ناردين شجابها هي بالبيت شلون طلعت معقولة سوتها وراحت لبغداد..

رائد: لك خابر على سالار بسرعة!!

خابرت ودقايق وجاوبني: الوو ها حيدرة.

-ناردين وينها ؟؟؟

سالار: ها خالي أختي چانت وياي ضيعتها ولك بالسوگ وصارلي ساعتين ادور عليها ما لگيتها ماكو فص ملح وذاب وهي ما تندل الأماكن..

-لك شنو شجاي تتحچي!! شنو ضاعت بالسوك انتو وين بالأول؟؟

-شنو وين غير ببغداد!

-بغداد شنو يمته رحتوا؟! احترگت عشيرتكم بنار ونفط شلون تروح ليش راحت وياك رغم تحذيري الها گلتلها لا تروح ام راس اليابس بس هي مبينه تريد تخبلني رسمي.

-لاتصيح لك، هي گالتلي أنت تدري وعلى هذا الأساس أخذتها.

غلقت الإتصال هسه شنو اسوي تهت واحتاريت يا ربّي وين الگاها؟! عقل ما ظل براسي يا الله صبرك كسرت الميز وشمرت ملفات رگعت الابتوب والموبايلات حسيت بشعور أريد اخلع نفسي من نفسي.

حسن: حبيبي حيدرة هسه نلكاها لا تخاف ان شاء الله يحفظها الله من كل مكروه وترجع بخير وسلامة.

رائد: هسه نبلغ الآمن ونبدي بالإجراءات بس يا خوي أنت كول يا الله ولا تهذي وتاخذ قرارات بالعجلة.

هزيت راسي بلا أي كلمة، عفتهم واخذت مسدسي وطلعت، ركبت سيارتي، لاحظتهم طلعوا وراي، اتصلوا عليّ غلقته، سقت السيارة بأقصى سرعة خابرت على عثمان سولفتله على الوضع وانطيته التفاصيل.

عثمان: سهلة يا خوي سهلة هسه رح نجي أنا والفريق لبغداد لا تقلق حيدرة وأن كانت قضية خطف نلگاها إن شاء الله عدنا زلم كلفة، بس أنت الزم نفسك سيطر على روحك حبيبي لا ترجع لأيّام قبل.

-وحق الكون، ناردين إذا تموت قبري يصير يم قبرها بنفس اليوم تدري مو؟

عثمان: خوية بروح بنتك لا تبدي تهذي صلِ على النبي ساعات قليلة وزوجتك يمك لا تيأس أنا عندي إيمان برب العالمين ما رح يكسرك، أنت حيدرة مو يا هو الجان لا تضعف.

جريت نفس وتنهدت، غلقته، اللاحظ ايدي ترجف وأنا اسوق وجسمي يرعش فتحت دكم القميص وفتحت جام السيارة حتّى أتنفس لأن خنكة مو طبيعية حسيت بيها، الأرض ما واسعتني من الضيق.

موت حسين
موت حنين ...
موت امي ..
موت بنتي ..

كل الذّكريات اتراكمت عليّ، دعيت الله هواي بالطريق، خوفًا على ناردين ما عندي طاقة اتحمل موت شخص عزيز بعد! إذا لا سامح الله ويصير عليها أيّ مكروه فعلًا ارجع حيدرة القديم!! اشمر نفسي للهلاك بخطوات باردة.

ضربت الهورن بقوّة ضربات متتالية، أصبري حبيبتي ناري أنا جاي بالطريق ما أسمح لأحد يأذيچ طول ما أنا عايش وأجرّ الهوى، ما اكدر أتحمل خسارتج، خسارتچ حيل صعبة. فرگت راسي حسيت بثقل وصداع يمتد لعيوني.

اباوع للسّماء، وادعي الله يحفظها إلي وين ما چانت وأوصل بالوقت المناسب وما أتأخر عليها.

بهذه الأثناء، وصل إلي مقطع ثاني من غير رقم كلت لنفسي حيدرة قوّي كلبك، سميت بسم الله، فتحت الفيديو وچان أشوف نفس السيارة الي راكبتها ناردين، تمشي بتوازن بمنطقة فارغة تمامًا، لمدّة دقيقتين، وفجأة وبدون سابق انذار انفجرت.

يتبع ..

⭐️⭐️⭐️

-نمارق رحيم✍️🏻