ناراحيدرة الفصل الخامس والعشرون 25 - بقلم Namarq

رواية ..'ناراحيدرة'🔥💔،

بارت _24

عندما أصابتني الرصّاصة لم أمُت ، و لكنني متّ عندما رأيتُ مُطلقها ..💔

⭐⭐⭐⭐⭐⭐⭐

حيدرة

واگف بمكاني مصدوم من الي صار طاحت گبال عيني شمرت المسدس وركضت إلها بسرعةٍ وكل شيء بيه يرجف حتى گلبي ! .

خليت راسها بحضني وايديه الإثنين على ظهرها إلي كله دم وأضرب على خدها، نطقت بصعوبة بنبرة إنكسار: ناري يابة!.

اصيح وأسمع ضحكات لؤي مستمرة ترن بأذني كأنو سكران، جريت نفس وهو موجه مسدسه عليّ قبل ما يضغط، اخذت مسدسي وگمت وعيوني نار من العصبية بدون تفكير ضربته طلقة بصدرة صوت الصدئ عالي بقى واگف صامد يقاوم الآلم والرصاصة لحظات قليلة وطاح بالگاع رجعت لناردين شلتها وهي مغمي عليها ببدلتها إلي صارت حمرة خليتها بسيارتي واتصلت على رائد بلغته وشمرت الجهاز، أسوق وايدي الثانية على گلبها
-يالله الأ ناردين ما اريد أخسرها .
ضربت هورنات ضربات متتالية بعصبية، أنا الي سمحت بهذا الشيء يصير، أنا الضربتها انا الي كتلتها بيدي بسببي بطلقتي ومن مسدسي الله ياخذك يا حيدررة لك شسووويت شسووويت .

سقت اقسى درجة وصلت للمستشفى نقلتها على السدية دخلوها لغرفة العمليات الطوارئ .

حيدرة: دكتور سوي كل شي بأستطاعتك عسى تاخذ روحي وتنطيها إلها بس تعيش قاابل انه

الدكتور: إن شاءالله العملية تنجح تدري شگد مسوي عمليات الك خطيرة ونجحت اطمئن..

حيدرة: بس هاي ناري ما تتحمل العملية القوية جسمها ضعيييف!! تبقئ بنيه وانا رجال وأتحمل وجسمي يتحمل حتى بدون تخدير..

الدكتور: وقع على الاوراق ورح نباشر بالعملية لايظل بالك تطلع بخير..

شمرت الموبايل والسويچ گعدت وايدي على راسي إذا ماتت ما اغفر الخطأ لنفسي.. دخلو مجموعة حماية وشرطة وضباط.. وگفت وانه افتح دگم قميصي..

رائد: هاا حيدرة الله يساعدك! .
-هله .
رائد: شمسوي أنت مخبل؟ گالوا كتلت زوجتك بيدگ .
-اسكت رائد كلمة ثانية وعلي اخذ المسدس وأكتل نفسي أسكت أفضل لا اطلع حرگه گلبي بيك .
رائد: اهدئ انت تدري لؤي مات ؟؟ واهله اجوا اخذوا جثته، هو مجرم وقاتل أرواح ما تنعد وسالب وناهب بسبب المخدرات، وشگد ضاحك على ولد بعمر الورد راحت شبابها بسببه . اليوم انسدت قضيته انقتل دفاعاً عن النفس وخلصنا منه .
حيدرة: ههه لو تدري گلبي شلون محروگ..

رائد: سلامته عضيدي ادري بيك قوي..

حيدرة: أنا قوي من يوم يومي لكن اليوم يختلف گلبي نار يچوي على ناري..

رائد: تتشافئ بس لخاطر الله لا تضعف هي محتاجتك هسه..

حيدرة: لك اااخ انا والضعف ما نتلاگه بس اليوم كل شيء نگلب وتغير والقوة تناثرت!! ناردين لو تموت انا أموت بعدها تدري هي شنو بالنسبة إليه؟!..

رائد: لا تتفاول على البنيه گول يا الله إن شاءالله تعدي علئ خير وبالسلامة الدكاترة موجودين ما يتركوها..

حيدرة: والنعم بالله..

رائد: جثة لؤي رح نسلمها الهم..

حيدرة: احررگ جثته ما يستاهل يندفن الأرض هواي بحقه! الموت جان ارحم اله متندم لان كتلته المفروض اعذبه واخلي يتمنى الموت..

رائد: مو گلنه أهدئ وگول يا الله حيدرة..

حيدرة: لك رااائد راااحت مني طاحت گدام عيوني خليتها بحضني وهي كلها دم لك شسووويت انه شسووويت..

رائد: قدر الله هذا ان شاءالله تطلع وكلشي مابيها وتعدي سلامات ياخوي..

حيدرة: يا سلامااات برررربك.. لك الطلقة بظهرها والمكان خطير اذا گدرو يطلعون الرصاصة هاي بمعجزة طبعا فأكيد راح تنضر! وچؤؤؤ يا اااالله صبررك..

رائد: كافي اسكت لاتكمل ماتشوف حالتك شلونها..

الگادر مختص واقوئ دكاترة موجودة عدنه أكيد ينقذونها بس السؤال وهو أنت شلوون ضربتها شلوون ما دافتهم ؟!

حيدرة: لؤي الكـلببببب دفعها بوجهي وصارت الطلقة بيها..

رائد: عسى بجهنم الحمرة زين واهلها وأخوانها درو لا ؟

-حيدرة: لا هو انا خلي اتذكر أسمي تالي اتذكرهم ما فاهم حتئ روحي ما اتصلت..

رائد: راح اتصل اني والحماية راح تبقئ واحنه نروح ..

-تمام..

نص ساعة ودخلو سالار ومصطفئ وحسن وعمامها سالار اجه يركض إتجاهي والخوف باين بعيونه الحُمر

سالار: لك اختي وينهاا شصاير بيهاا ؟ لك حيدرررة بروح ابوووي احچي !!..

-بالعمليات..

-شلوون لك عقل ما ضل براسي أختي شلون تصاووبت ؟

-أنا ضربتها !!
-شلووووون ؟؟!!
-بالغلط ولحسين بالغلططط..

ضربني راشـدي ..باوعتله بهدوء ..داتشاقة أنت مووو؟ امنتك عليها وصيتك تحافظ عليها هيچ النتيجة!! تكتلها بيوم عرسها ويييين صاااررت فهمني رحمة للعزاززز..

حيدرة: يلعن العرس جاي اگلك بالغلـط بالغلط يا عااالم صاررت بوجهي نبي أنااا وما اغلط والكائنات بدوووون قصد

-المفرض الطلقة بيك مو بيها!..

-هاك هذا المسدس اخذه اضربني گدامك!..

-اسمع قسسم بيمن احلف إذا اختي يصير بيها شيء من طلقتك ما اخليك يوم عايش..

-بدون ماتعب نفسك انا اكتل نفسي بهذيچ الساعة..

گعد علئ الكرسي سكت وگفت بالباب العمليات
منتچي رجليه علئ الحايط ولازم راسي

ساعتين ننتظر ..تالي طلع الدكتور وگفنه گلنه گباله سألته انا وسالار..

-بشر دكتور شلونها ؟ نجحت العملية ؟؟ هية بخير ؟

الدكتور :- صلو علئ محمد علئ كيفكم اهدو الحمدلله كدرنه انا والدكتورات المتفوقات نطلع الرصاصه النارية من ظهرها ونجحت العملية

بس سمعته سجدت على الأرض وحمدت الله وشكرته ناري عاشت..

سـالار: الحمدلله الف الحمدلله والشكر الك يالله.. دكتور فهمني يعني اگدر ادخل الها هسه؟ شلونها هيه ؟؟

الدكتور: لا طبعاً رح ننقلها للغرفة ترتاح..

لان العملية جداً قوية وصعبة بس الحمدلله نجحت.. لازم تبقئ اقل شيء ٤ ساعات
نايمة ترتاح وتگعد ..

حتئ نسويلها مسحة ضوئية وتحاليل واشعه وكثير اشياء ..ارتاحوو انتو.. گعدنه ننتظر ساعات گعدت وسوا الها اشعة ..

طلع من الغرفة.. شنو تبين عندك من التحاليل؟؟

باوعلنا وسكت ونزل راسه..

حيدرة: ليش ما تجاوب؟ ناردين ما بيهاا شيء موو؟؟

سالار:احچي دكتور اختي بيها شيء؟

الدكتور: انت اخوها مو؟

سالار: آي اخوها الجبير وهذا زوجها..

الدكتور: ادري السيد حيدرة زوجها .. تگدرون بعد شوي تجون لمكتبي حتئ احچي وياكم على انفراد احسن من خبصه المستشفى..

حيدرة: لا هسه تحچي شبيها؟؟..

الدكتور: تمام لعد تعالوا لمكتبي..

رحنه ودخلنه جاب اوراق وتحاليل وارانا اشعة سواها إلها ..

الدكتور:- شوفو بالموضح بالاشعه ،الحبل الشوكي متضرر حيل بسبب الطلقة صايرة بالوسط

حيدرة: ما فهمت شنو يعني؟..

:- للأسف رح تنشل كلياً .

تخبلت وحجيت بأنكسار وبنبرة مصدومة ..شنو قصدك بتنشل ؟ ..

الدكتور: سويت كل الاگدر عليه لكن للأسف..

سالار: يعني اختي بعد ما تگدر تمشي !!

الدكتور: للأسف اي مثل ما گلتلكم العمود الفقري متضرر لذلك انشلت ماتگدر تحرك جسمها وطبعاً تگدرون تسوون الها عملية وترجع..

حيدرة: وشنووو منتظر سوووي الها هسه

الدكتور: ما تگدر هسه توها طلعت من عملية وجسمها ضعيف ما تتحمل عملية ثانية

سالار: لا تخبلنة فدوا اروحلك ساعة تگدرون
وساعة ما تگدرون شهالقصة؟!

الدكتور: ما انصحكم تسوون عملية هنا لان تعرف هيچ عمليات قوية نسبة كبيرة ماتنجح ما عدنا كل الاجهزة لذلك طلعوها وسفروها خارج العراق احسن واضمن برأيي.. بس اكو شي ثاني لازم انطيكم علم بي

سالار: شنو هو؟

الدكتور: اذا تسوي العملية احتمال 50% رح تتضرر!!

حيدرة: شنو قصدك بتتضرر؟..

:- الطلقه بالعمود الفقري واسفل الحيض ،اذا تسوي العملية رح يتضرر الرحم وماراح تصير ام بحياتها .

حيدرة: لاااا ياااالله گوول غيرها دكتورر !!!!

گـعدت ايدي علئ وجهي وأجر النفس گووه باوعلي سالار اجه وگف يمي..

سالار: كلشي صار بسببك..

انطاني بطل مـاي.. شربت وفتحت قميصي..

سالار: هسه شـنو الحل دكتور فهمنه ؟؟

الدكتور: الحل سفروها لبيروت او ٲي دولة علاج فيزيائي..

-وشكد يطول هل علاج ؟

-اكيد ما رح ترجع تمشي بهاي السهولة يعني بحدود لـ3 أشهر أو اكثر حسب بعد.. ما اگدر احدد..

سالار: ويمتئ نگدر نطلعها للخارج؟؟

-فترة شهرين يلا تسافر ،لازم ترتاح..

-بس هواي صح!

- لصحتها واحسن..

حيدرة

طلعت رحت للغرفة شفتها متمدده نايمة
نومتها عصرت گلبي..

وبدأ ضميري يأنبني شوي شوي..

ما دخلت وطلعت من المستشفئ .. گعدت بالحديقـة أدخن واجه وراي سالار ..

سالار: حيدرة..

-ها بويه..

سالار: شلون رح انگول الها انتي انشليتي ؟ ادري بيها رح تتخبل ما تتحمل الصدمة! ..

-احنا وياها لاتخاف..

-ترا اني مافهمت الي صار؟.. شنو المفروض الطلقه بـ لؤي ليش شجابه هل عار والنذل؟؟

-سولفتله..

-تحجي صدگ! ومات ؟

-اي!

-بروح العزاز!

-اي والكائنات..

-يستاهل وعلي عقاب اكثر من الموت.. بس انت منيلك حماية؟..

-من الله

-لا بلا شقـة منيلك.. شلون قتلته ومحد حاسبك؟

-بعدين اجل كلشي سالار رايح عندي شغل اسوي وارجع اذا كعدت ناردين خابرني مو تنسئ..

-توكل الله وياك..

رجعت لبيتي ما حسبالي الكل موجود حسبالي فارغ..

نبراس :- حيدرة وكفتوو گلوبنه حرام عليكم
ناردين وينهاا وشبيهاا ؟؟ شنو صااار

طيبة :- ليش قميصك بي تگع حمره
شنو هذا دم ؟ جارح نفسك ؟؟

- شششش رحمـة لدينگم! بعدين مو هسه صاعد لغرفتي

عفتهم ورحت فوگ فتحت الباب ..

اعاين الچرباية مزينة بالورد واضاءة ومعطرة .. ومحظرينها الليلة النه گعدت اخذت گلاص ماي وصافن ..اتذكرت كلامها من گالت إلية

( وياك ابقى بأمان )

ليش ناردين ثقيتي بيه الصوچ منچ ما أدري مني..

گلتلچ ادخلي للسيارة انتي جبرتيني هيچ أسـووي!!..

كل الصار بسببي ورطتها بحياتي ومتاهتها..

لـؤي چـان البداية..

گلت الها رح تـتأذين وتضحين هواي
ليش قبلتي بيه مع كل هذا!!

واليوم من صارت زوجتي بٲسمي خسرت رجليها وانشلت كلياً ..متٲكد رح تكرهني !

بس بعديش ؟! عگب من صارت بٲسمي وزوجتي ؟ شگد كلت الها ما افيدچ انسيني!
انسي حيدرة ..

" رح تبچين هــواي بكل ليلة وينكسر گلبچ وتــتٲذين!" وهذا كلامي الي گلته قبل فترة صار اليوم..

رح تعانين معاناة صعبة وادري بيچ ماتتحملين وتنجنين..

بعد ما صرتي الي هيهات اعوفچ گتلچ مليون مرة لا تتعلقين وتحبيني

ما حسيت بـ الكلاص مكسور والكزاز داخل بٲيدي وحافرها والدم متلف الأرض ..

اتنهدت وأبتسمت يمكن هلدم جاي ٲعوضه
بالدم الخسرتي اليوم.. ولو جزء بسيط

رن موبايلي عاينت المتصل.. ( سـالار )

رديت..ها سـالار ؟

سالار: حيدرة تعال گعدت ناردين وتريدك..

-الحمدلله .. جاي هسه فد نص ساعة..

غلقته رحت سبحت بدلت ملابسي وطلعت وما رديت علئ اسئلتهن بس طمنتهن بخير هيه..

وصلت للمستشفئ دخلت للغرفة متمددة وسالار وحسن واكفين يمها وهيه مدنگه تبچي..

-ها ناري الحمدلله علئ سلامتچ يابويه..

ناردين: الله يسلمك حيدرا وين جنت..

كعدت يمها لزمت ايديها وبست راسها..

-هنا جنت يمج يمج لاتخافين مااعوفج رح ابقى حاضن ايدچ ما اهدها..

ناردين: حيدرا ليش هيچ صار؟؟..

بچت جريتها بسرعة لحضني وطلعو من الغرفة..

-شششش لا تبچين ناري..

-حيدرا ليش عود ضربتني ..؟

-بالغلطط وحق الله كون ايدي مكسورة ولا ضاغط على المسدس عليچ..

-حيدرا علئ اساس اليوم عرسنة حتئ مافرحت بهل يوم الأحلئ بحياتي.. بسبب لؤي!

-العرس يتعوض وكلشي يتعوض بس انتي ما تتعوضين گومي بالسلامة وأنسوي عرس جديد

-ان شاءالله اريد اطلع رجعني للبيت.. حيدراا..

-ها يبعد عيونه..

-رجلية حيدرا ما احس بيهن وما اكدر احركهن وايدي ثگيله..

كلامها مثل السجاجين بگلبي ابتسمت بهدوء بست خدها اطمنها..

-لا تقلقين وتخافين هاي بسبب العملية ارتاحي
ونامي يناري هسه يرجعون مابيهن شيء..

-زين لا تعوفني..

-يمچ انه العمر كله ما اعوفچ..

رايح للدكتور شوي واجي..

طلعت ورحت للدكتور سئلته..

-يمته اگدر اطلعها ؟

- بعد يومين بس علئ مسؤوليتك!

- أكيـد واسمعني زيـن لا تگولها انشليتي أنا اكلها بس مو هسـة لازم امهد الها الموضوع حتئ ما تنصدم

-تمام عيوني براحتك..

رن موبايلي المتصل (حسن اخوي)

بعدت عنه ورديت :- الو ها حسن..

- حيدرة شلون صارت ناردين ؟

-الحمـد لله احسن

- اكلك الدكتور المسؤول عن امي اتصل عليه وگال طلعوها..

- اي احنه مو جبناها لبغداد والمستشفئ قريبة روح انت جيبها

- وين اجيبلها ؟

- يعني وين ؟؟ لـبيتي لا تصير حمار

- لحظه يعني وافقت وقبلت نجيبها تعيش ويانا ؟

- لأجل صحتها مو زينه وبالبصرة ماعدها احد لا زوج ولا اب ولا عائلة خل تجي بس ماتعيش ويانه عيشه دائميه يعني مؤقته سمعت ؟

- والله زين خوش انت معدل معدل ذهب

- اكل تبن مو بحالك انا

- زين رايح اجيبه

- اي ، الله وياك

وكفت گبال الحماية ..

-احمد تعال ..اخذ هلورقة روح للصيدلية جيب الأدوية المكتوبة منتظرك هنا..

-حاضر سيدي

رجعت گعدت علئ كرسي ما اعرف اعوفها لو لا اتصل عليه (رائـد) يا طلابه الاتصالات إلي ماتخلص

-الو هاا خير ؟

-دتعال وين طامس محتاجينك ضروري

-شنو صاير تره ما ناقصني البيه مكفيني

-دتعال وجيب الجهاز والملفات مو تنسى

-اي موجودات بسيارتي

-تعال حيدرة ولك استعجل انريد الجهاز الشغل اليوم

-يابة جاي جاي لا تلح

غلقته ،سالار بقى يمها .. طلعت من المستشفى وصلت للساحة فتحت الباب السيـارة طلعت الملفات والجهاز

نزعت مناظري.. خير شكو ؟

رائد: وينك يابة وينك

-غير بالمستشفئ قابل چنت العب ؟

-البارحة كلشي خططناه اله فشل بسببك وبسبب عرسك

-انت ليش ما تاكل تبن ؟ ،شدخلك بعرسي انت المعرس لو انا ؟ ونوب شلون عرس خايس حاسدني عليه

-كلنا گنالك اني والشباب لا تخطي هيج خطوة وتزوج وتالي نبتلي احنه

-دنچب حبيبي هاك هاي الملفات وهذا الجهاز

-اي وأنت وين رايح ؟

-لجهنم لأسفل درگ تجي وياي ؟

-اگولك بلا هلحچي شنو يعني تعوف الشغل المهم لأجل زوجتك

-اي طبعا

-صدگ تحجي؟ الواضح واگع وگعه ومحد مسمي عليك..

-الشغل هذا شغلي قبل مايكون شغلك وزوجتي محتاجتني هسه اكثر منكم

وبعد ما أريد اخطط وياكم بعد السوو التردو انا ارجع لشغلي الاصلي الجهاز والابتوب وهاهيه بويه جانت زياده مني اساعدكم بشغلكم ومن اليوم رح التزم بشغلي وبس

-حيدرة هذا الشغل مو لعب وتدري شغلنه خطير ونحرص محد يعرفنه من نريد نطلع لأي مكان

-اي وشلون يعني اخلص حياتي هيچ ؟

-انت الردت هذا الشيء ،المهم عوف هلموضوع حيدرة عيادتك سويت الگلنالك عليه

- اي يابه رجعت العيادة لصاحبها بعد خلصت من هلمهمه الشلعت گلبي وخيسته وطيحت حظ حظي .

- لا تخلي زوجتك او عائلتك يشكون .. تدري بالنتائج شنو.. من عرفو راشد ولؤي ..اثنينهم انقتلو بنفس الاسبوع ،وماتو

- ترا انا اعرف كلش زين لاتعلمني مو زعطوط گدامك ولا انا جديد علئ هالأمور

- اي زين وامك ؟؟

- شبيها رحمة لربك ، بــ بيتي موجودة

-لا هاهية ربحنه ،انت مخبل ليش رجعت عائلتك تريد توگعهم بمصيية جديدة ترة خطر يبقون حواليك كتلك لاتروح ،و اهلك من سنتين عفتهم لأجل الشغل الداتشتغله لاتخرب الاول والتالي والمخطط

- اعرف نفسي بالجاي اسوي

- حيدرة

- اسكت رائد

دك موبايلي..

- يا يابه يابويه مو موبايل مايهدئ من الاتصالات ادري شهلقضية!

اعاين المتصل (كاظم)

اشرتلهم (ششش) اسكتو لا تحچون ورديت..

-الوو ها كاظم شلونك

- هلاا كشكول زين انت شلونك؟

- والله موزين يخويه

- اگول ليش مااجيت اليوم للكوفي

- مريض بعد اخوك ماكدرت اجي تدري بيه ايدي مكسورة ورجليه ملتويه وهسه معدتي محمضه

- اها سلامات سلامات

- اي والبارحة تعبت وانا ادور شغل انهد حيلي

- ان شاءالله تلكئ يكشكول خوش رجال انت ،

- ونعم منك يخوي اشكرك

-اگولك كشكول ،محسن الگلتلي عليه اخطفه شتريد منه مبين رجال فقير

همست بصوت خافت " لا رجال كو* *

- شنو ماسمعت

- لا هيج مو يمك تعرفني اصفن واخربط بالحجي كمل كمل شنوو يعني هسه هو عندك اقصد هو يمك

- اي من امس

- صدك ؟،چاا زين عفية عليك اي هذا واحد حرامي جنت بالبيت اجه وباگ القنينه الغاز رحت اركض ورا بنعالي العتيگ ومالحكته عبن ركب علئ الحمار مالته وشرد

- ها وانت كلتلي اخطفة لان باگ القنينه

- اي وداعتك قابل اجذب انه تعرفني افقر خلگ الله ، ولله المستعان

- اي والله اعرفك من اشهر ومامجذب عليه خوش رجال اي الله يشافيك مابيك غير العافية

- تسلم تسلم بعد چبدي

- اي لعد جايك اني للبيت ازورك واطمئن على صحتك

-اي اي ، هااا شنووو لاااا لااا تجي

-ليش لا ، جاي لبيتك .

-لا تجي وينك الوو جاي تسمعني ***

أنقطع الاتصال..

-ها شبيك حيدرة هذا كاظم ؟ شنو صار

- هذا الحمار جاي لبيتي ومالي خلك اروح اتنكر ،من صدك تعبان رائد

- عادي يابه روح ساعه وارجع لزوجتك لا تخلي يشك بيك

- زين رايح

- الله وياك

رحت لبــيتي الثالث الموجود بمنطقة شبه تعبانه ومنهدمة دخلت بسرعه بقئ شوي ويجي

بسرعة غيرت ملابسي بقيت بالفانيله والبجامه المشككه لفيت ايدي وچبستها اصطناعي وعلئ خدي البلاستر ولويت رجلي ،خربت المكان وطشرت الغراض ،ضميت السويچ وسويت الموبايل صامت ،

مثل كل مره وگعدت انتظره يجي ..

كل يوم اتنكر بشكل وشخصيه ثانية ومختلفة واسماء عديدة

ربما (حيــدرة ،،،ال ٲسد ،،،كشكول ....)

وكل اسم اله قصتة وحياتة وبيئتة واسلوبة ولهجتة وعملة

لحفاظ علئ شغلي ولحتئ محد يشك بيه ،وبــمنو انا !
...

نارديـن

فتحت عيوني بغشاوه سالار گاعد يمي ولازم موبايله، همست :- سالار

اجه يمي :- ها يروحي گعدتي شلون صرتي

- راسي يوجعني حيل مثل الاضظرابات ما اعرف شنو

- هسه اصيح للدكتورة ابقي بمكانج

راح ودقايق ودخلت الدكتورة ..

گالت لسالار :- ممكن تتطلع اريد اضربها ابرة

هز راسه "اي" وطلع ضربتني واحس راح اموت من الوجع ظهري وراسي موتوني

سئلتها :- دكتورة ليش رجلية مااحس بيهن عبالك متخدرات ومااكدر احركهن، وايدي ثكيله كلش خاصتاً اليسره بصعوبه احركها كلش داتٲذيني

جاوبتني :- شيء طبيعي هذا الالم ،لان انشليتي فــ تحسين هيچ ،وما تگدرين تحركيهن ،لذلك تحسيهم اثگال

صفنت بوجهه مافهمت الي گالته ..

- شنو قصدچ دكتورة شنو يعني انشليت ما فهمت ؟!

- ليش حبيبتي ماتدرين ما كالولچ ؟،بسب الرصاصه التعرضتيها بظهرچ اثرت علئ حبل الشوكي وانشليتي كلياً ما عدا ايديچ بس رح اتگدرين تحركين ايد وحدة ولكن بصعوبة تامهٌ

جاوبتها بدهشهٌ وبصدمة:- شنووو انشليت!! يعني ما اگدر احرك جسمي أو اوگف ؟؟

ويين سالااار ؟ سالااررر سالارررر

صرت اصرخ بأسمه وأحاول اگوم ورجليه عبالك مربوطات مايتحركن اصبع واحد اريد اگوم ما اگدر ،حسيت بروحي عاجزة

دخل مفزوع اجه يمي :- شكو شبيچ ناردين ليش تصيحين ؟؟

- صدك انشليت سالار بعد مااكدر اگوم و اوگف علئ رجلية ؟! احچي

سالار :- منو الي گالچ منو

عيوني صارت علئ الدكتورة ..

سالار :- انتي گلتي الها ؟؟

هزت راسها بتوتــر "ٲي"

باوعلها وخزرها بعصبية مباشرةً طلعت بسرعة

حضني من راسي واني ابچي

گعد يمي گلت اله..

-احچي الي شنو صار ؟

- "سولفلي"

- لؤي مات صدگ ؟

- اي حيدرة گال الي مات

- شلون ضربه وما اعتقلته الشرطة وما حبسو؟

- ما ادري وهو هذا السؤال الشاغل بالي واتهرب من الجواب وما اهتميت للسالفة هو يحلها گالي لا تتدخل

- بسبب حيدرا صار بيه هيچ ؟

- حبيبتي قابل متعمد بس بعد صارت وهذا قدر ربچ مانگدر نغيرة

- والنعم بالله

سكتت دمعت عيوني واني اشوف رجلية

- لا تبچين ولچ دموعچ غالية عليه عبالچ مرتاح وعادي والله متأذي اكثر منچ انتي بس اصبري شهرين ونسفرچ خارج العراق

وتتعالجين واطيبين وإن شاءالله ترجعين توكفين علئ حيلچ مثل قبل

- روح منا اريد انام

- شلون اعوفچ

- اطلع سالار اريد انام عوفني وحدي

هز راسه "اي" طفئ الضوه وطلع وسد الباب ورا ..

تغطيت بالچرچف الابيض واني ابچي تذكرت البدلة المفروض عروسة مو مريضة

شگد تمنيت هذا اليوم يوم عرسنه چنت حيل فرحانة ليش انقلب العرس فجأة وتصاوبت ليش ياربي!!

"بــسببه" صرت عاجزة كُلياً

لا فرحت بيوم عرسي ولا ارتاحيت ما ردت شيء ردت بس حيدرة يصير الي ونعيش سوه تحت سقف واحد

بسبب طلقة من مسدس الأنسان الحبيته بحياتي انشليت

واكيد هو "ما مهتم" لو مهتم چان ما عافني چان الگا يمي گاعد وما تركني لحظة وحدة

ﺎبـاو؏ علئ رجلية كرهت نفسي وكرهت الكُل تمنيت لو الرصاصة قاتلتني نهائيًا ولا صرت مشلوله وعاجزة

...

حيـدرة

الصبح رجعت للمستشفئ الردهات لعبان نفس وخنگه وكل شوي تجي حاله اسعاف من الفيلق

قررت اطلع ناردين اوديها لبـيتي، شلون تتحمل يومين اهنا

فتحت الباب الغرفه شفتها متمددة لوحدها وصامته ودموعها علئ خدها

دخلت وقفلت الباب گعدت يمها ..

- ها صباح الخير ناري ليش تبچين گليلي متأذيه ومتوجعه من شيء ؟

مسحت دموعها وباوعت لي ..

- آي متأيه وحيل

- من شنو ؟

- منك

- انا ؟

- بسببك وبسبب طلقتك انشليت صرت عاجزة

- منو الحيوان إلي گالچ ؟؟

- الدكتورة

- خر* * بيها نوهت عليهم مايحچون اعتبربهم منفصلين كلهم

- سوي التريدة مالي دخل بيك وبدكاترك گوم مني مااريد تگعد يمي

سكتت تقربت منها اكثر ولزمت خدها

- ما تريدين قربي ؟

هزت راسها "اي"

- ناري

باوعيلي ؟

- ما اريد اشوف وجهك

- مو بكيفچ هو، اشو بـاوعي اگلچ شيء

باوعت و جرت نفس وگالت..

- لاتحچي شيء حيدرا گوم منا گلت الك ما اريدك ولا اريد اشوفك ولا اسمع صوتك ابعد مني ما اريد منك شيء

- متأكدة ؟

دارت وجها لغير جهه وسكتت ..

- تريديني أروح ؟

- اي گله منك بسببك تگرمت وانشليت انهدمت احلامي وكلشي حلو بسببك عاجبك وضعي ايدي بصعوبه اكدر احركها ورجلية وظهري يٲذوني والبارحة چان من المفروض عرسنه ،كلشي خرب وتحطم منك ..مااريدك مااريد اشووفك روووح مناا حيدررة روووح

سكتت بقهِر أدري نفسيتها مُتدمرة بسبب إلي صار ولو بيدي اخفِف الألم منها

-ما عندي اي كلمة اگدر اخفف بيها عنج الألم ناردين..

بس !!! ... انا ٲسسف .

- ما يفيد اعتذارك واسفك حيدرة ولا رح يصلح شيء ولا رح يرجع اليه رجليه وصحتي

أنت ما تحس بشعوري البارحة كلهُ ما نمت وماغمضت إلي عين بسبب جسمي يوجعني اون منه وعيوني انتهن واني ابچي لا أخت يمي ولا حنية أم ولا شخص يواسيني ويگدر يخِفف الألم عني، لك بعدني ما مستوعبة وبعدني بدوامه الصدمة، روووح ما اريدك ما اريد اشووفك أبعد عني اترجاك رووح

" بضــلوعي
شبـت
نــار
مــن
فاركتنـي ..💔"

يتبـع..

#لاتـنسون التصويت..