نهوة الشيخ الفصل الأربعون 40 - بقلم زينب العبيدي

وهذا بعد بارت تدللن وانتضرني ورا الفطور الساعه٩ببارت جديد

نهوة_الشيخ

بقلم #مولاتي يازينب

البارت# ٣٦

فارس كالعاده جنت كاعد تالي الليل بشارع الي يصير بي بيت بشار بهل اثناء سمعت صوت

صريخ مره ورجال وانفتح الباب مالتهم وانه اشوف حوريتي تصرخ وبشار الكلب مامهت الها

حوريه الحكني الحكني بطني راح اولد الحك علييييي

بشار حجيت بكل برود صبري من عسى موت الخذاج خل اشوفلي تكسي بهذا الليل وين احصل مالكيتي اله

تجيبين هسه

فارس. اااخ لا ياكلبي حوريتك تتوجع نزلت من السياره ماتحملت ورحت البشار

بشار فارس اقصد شيخ فارس شتسوي هنا

فارس ابلا مبالاة وبخوف ع حوريه كتله عادي جنت مار منا محتاجين شي

بشار لا لاشيخ مامحتاجين شي تكدر اتروح

فقار لزمته من ياقته وانه اصرخ بوجهه صار مثل الجريذي بيدي هو كصيرون وانه ضخم

اشلووون مامحتاجين شي😡ومرتك اتريد تولد وماكو سياره بهل ليل دفعته بالكاع امشي اخذكم

يله حوريه صعدي لسياره

بشار جنك كلت اسمها

فارس لا لا ماكلت يتراولك انته تهلوس من الخوف اصعد يله

حوريه ضحكت وانه بنص وجعي ياحلاة سوالفك يافارس وشحلات طولك صعدوني السياره

وانه اصرخ وشتد بيه الوجع صرخت بصوت اااااااخ فاااارس اللحكني

بشار فتحت اعيوني ع كبرهن

فارس. صرخت وياها هاااااا قصدتج بشار ياخويه

حوريه اي اي ااااااخ بطني

فارس التفتت ع بشار اعذرها ترا اسمي واسمك بيهن تشابه وهي ماتميز من الوجع طبعاً هو

مامقتنع ابد لان يدري انه جنت احبها وهي تحبني بس هو جبان كلش اعرف شلون اهدده وما

اخلي يحجي بس خل اوصل حوريه للمستشفى وصلنه للمستشفى وبعده خابرت ع حميد

يجيب امي او منال حتى تساعدها لان ماويها مره وبالفعل اجت امي ودخلت وياها بقسم الولاده

ولزمت بشارمن ياقته شوف ولك انه ادري بهاي حوريه وهاي حبيبتي الخطفتها مني

بشار انه لا لا شيخ انه ماخطبت والله ماخطفت بس جدك زوجني ايها بس هسه هي حرمتي

كدام الله ورسوله

فارس. ادري مع الاسف على هذا الشي وانه هسه مابكلبي شي هي هسه مره متزوجه بس خلي ابالك اذا

اذيتها او حاولت اتئلف حجي من يمك ايبااااخ صدك تحله كتلتك اتفنن اللعب اتمرس بكتلتك

واذا مامصدك جرب خل اراويك

بشار وانه ابلع بريقي اي اي حاضر حاضر

فارس اهم شي سمعتج ياحوريه اهم شي انتي ماتنضرين بحجايه الله يطلعج بالسلامه

اتمنيت الي ابطنج ابني ونفرح بي سوه

حوريه ورا فتره من الوكت جبت ولد بس جان كلش صغير ولونه ازرگ ومختنك جان تعبان كلش

وهذا نتيجت التعب الي تعبته من شغل وتنضيف من بداية حملي لحد اخر ساعه قبل ولادتي

انه اكرف وانضف واطبخ واغسل واشيل اشياء ثكيله كلش واصعد درج وانزل يعني تعبي كله

طاح بهذا المسكين خلو بالخدج لان جانت حالته تعبانه كلش

منتضر. جانت الساعه ب ٢:٠٠بالليل جنت كلش مريض بداية شته وبروده فصار بيه فلاونز

جنت محتاج احد يمي امي اختي ابوي حبيبتي الي ماطلعت من كلبي حبيبتي الي خانتني

وتركت ابمكانها جرح ماينراف ابد بهل اثناء دك تلفون باوعت ع الرقم غريب منو يتصل بيه
بهلوكت

منتضر الو
الو ماترد انكطع الخط ماجان احد يحجي بس كائني سمعت شهكات وصوت بجي رجع اتصل بيه نفس الرقم

منتضر الو انتضرت محد يحجي بس جنت اسمع صوت شهكاته مخنوكه مكبوته هاي الشهكات

مو غريبه رف كلبي من سمعتهن

منتضر. الو بسيطه مانوي تحجي راح اطفي الجهاز واغلقه مابيه حيل ازعاج وخلو شويه ماي بوجهكم وعيب هل سوالف

سلاسل حجيت بالكوه منتضر اني اني سلاسل

منتضر اي توقعتها هي وألج عين تتصلين شرايده

سلاسل منتضر شبي صوتك انته مريض

منتضر هلشي مايخصج وسدي التلفون واستحي شويه الضاهر متعلمه ع التلفونات بتوالي

الليل

سلاسل. زاد البجي منتضر والله انته مافاهمني غلط خليني افهمك ولو لحضه وبعدها ماراح

اسمعك صوتي ابد

متضر سدي التلفون واستحي شوي ماطول عرفتي رقمي هذا السيم كارت راح اكسره خلي

ابالج انه نسيتج ولعبت نفسي منج ولاتفكرين لحضه دقيقه او ثانيه ان تراجع واستسلم الحبج

لاحبج مات بكلبي وسديت التلفون

سلاسل. اخ يامنتضر ياحسرتي ويا ندمي عليك اغلى واثمن انسان شلون فرطت بيك ما ادري

شلون حبيت واحد مايسوه ضفرك ليش ماطلعت بحياتي قبل لا اعرف حيدر ليش ماجنت اعرف

ان عندي ابن عم يعادل ١٠٠ رجال مثل حيدر ياريتك لو تفهمني لو تسامحني والله اعوضك عن

كل يوم حسيت بتعب بي بس فات الاوان وانته مو راضي تنطيني فرصه بس ما راح ايئس منك

تدري ليش لان مستحيل الكه انسان مثلك يحبني بكدك

فارس رجعنه من المستشفى انه وامي حوريه ضلت يم ابنها بالمستشفى طبعا انه ماردت اروح

بس امي كلتلي شعندك يايمه انته رجال غريب واحنه بالطريق كلت الامي سمعيني ام فقار

باجر ترحين للبنيه وتضلين يمه خطيه مالها احد

ام فقار. وانته منو كلك ما الها احد

فارس ها لا بس واضح هلشي

ام فقار لا يمه بشار عنده خوات وعنده ام ما اتصور ماالها احد

فارس يمه هذول حقراء مئذينها انتي ماتدرين مستعبدينها هذول

ام فقار اصخام ابوجهي وانته وين تدري كل هلسوالف جاوبني فارس

فارس. ها اخ ياربي شضليت احجي كله من قهرتي على حوريه

فارس لايمه لا انه اعرف ابوها وهو جان يسولفلي عنهم وعن بيت بشار

ام فقار ماصدكت حجيه كتله زين وين ابوها ليش ما أجه يشوف بنته

فارس. وانه اشدراني اكيد مايدرون

ام فقار هممم دير بالك ياولدي لاتغلط وانته ابن شيوخ

فارس. ليش يايمه انه شمسوي لاتكوليلي هذا الحجي ابنج يعرف كلش زين

جوريه مرت فتره من الزمن صرت انه بشهري التاسع واترقب يوم ولادتي يوم من الايام جنت

نايمه كالعاده اخذ هذا المهدء وانام كعدت ع صوت فقار

فقار هاي شمسويه جوريه الله اكبر

جوريه كعدت وانه اشوف لفراش كله دم وادور ع مصدر الدم وانه مخترعه واشوف يمي حمامه بيضه

ومكطوع راسها واباوع على ايدي كلهن دم

فقار خليت ايدي على عيوني ورفعت راسي ليفوك

جوريه ها فقار وانه اضحك اكيد اكيد انته عبالك اني الي كتلت فقار اني شلون اكتل اني

اخاف اكتلي حشره

فقار عضيت على اصبعي اخ ياجوريه شلي صار بيج

جوريه واني ابجي واصرخ لاااا فقار صدكني لو مره وحده انتم راح تخبلوني بهاي سوالفكم

والله اني مابيه شي

فقار. صحت الامي لان بعد ما اتحمل اشوفها بهل وضع كلت لمي غسليلها وغيري ملابسها

جوريه اكيد انتي عمه مامصدكتهم اكيد انه مابيه شي وانتي تدرين هذا الشي

ام فقار بقهر وبحسره اي يايمه اي انتي مابيج شي واحنه جاي نتوهم

جوريه لاتحجين وياي هيج لاثبتيلي ان اني مجنونه كليلي اني وين لكيت الحمامه وشلون جبتها

حتى اذبحها

ام فقار. يمه هاي فقار جابها كله الدكتور خلو يمها طيور ورد. وزرع هاي ايغير من حالتها

النفسيه شويه ولمن جابها انتي جنتي نايمه عافها الج بالغرفه وطلع

جوريه. عمه اني اكرهكم انه ماريدكم بعد عمه خلي فقار يطلكني فدوه ماريده عمه ماريده

اكرها تعرفون شنو اكرها يعني اكرهكم كلكم

ام فقار غسلتلها وغيرت ملابسها

منال. لمن دريت بالي صار خابرت ع امي ليش يايمه راح تخبلين لبنيه صدك كفي عن هاي

سوالفج حرام عليج ترا راح اكل الفقر ان انتي ورا هاي السوالف كلها

ام منال وتضحين بمج الي تحاول تنقذ زواجج علمود وحده مخبله ومريضه

منال يمه ما اريد عساني ماتهنيت بهذا الزواج

ام منال انجبيييي ولج والله يامنيل اذا فتحتي حلكج بشي ادور الشغله كلها عليج وتعرفيني

اكدر اسويها

منال الله اكبر انتي مو أم

ام منال ولا انتي بنت يعني انه جاي اسوي كل هذا علمودج وبالتالي انتي تردين ا تكولين الفقار
ولج مثل هاي مثل ابوها وامها حقيرا ورضعت منهم حقاره علي اخوي والي هو اخوي من دمي ولحمي

غدر بيه بذاك الزمان

منال وشلي دخل خالي علي الله يرحمه وشلي بينج وبينه

ام منال اخ يامنيل انتي تعرفين ابوج كلش زين مو نصيبي وتدرين خالج علي جان خاطب بنت

عمي وابن عمي الي هو اخوها خاطبني يعني راس براس ياخذون مره وينطون مره وبعد

ما خالج سوه سوايته السوده وتزوج هاي بنت الحرام ابن عمي فصخ الخطوبه وعافني ابن

عمي الي عشت طول عمري احلم بي يكون ابو الجهالي مثقف واعي احسن من ابوج الف مره

والاهم من هذا جان عيشني بخير وعز احسن من عيشت ابوج هاي

منال اهااا وضحت الصوره يايمه انتي جاي تنتقمين منها ع الي سوا ابوها مو علمودي

ام منال انجبي ولج انتي المستفاده الاولى من الي جاي اسوي وسديت التلفون ورحت اكمل

باقي خطتي طبعا جانت اكو يم بيت ابوي بيت الحجي سلمان قابله هاي القابله استاذه بتوليد

النسوان واحنه كله نولد عدها يعني متعودين هي مره كلش جبيره وحالتها كلش فقيره رحت

الها من بعد ماعرفت من ام فقار ان هم راح يودون جوريه الها بولادتها رشيت القابله بعد

محاولات رفض هواي من عدها الى ان لمن شافت لفلوس هواي الي نطيتها الها وبحكم فقر

حالها وان عدها ايتام وبناتها ثنين ارامل وماعدهن والي ومعتمدات على امهن بهاي شغلتها

اتفقت وياها على ان اتجيبلي طفل ميت من المستشفى ادبره عن طريق معارفها اهناك

بالمستشفى ولمن يجيبولها جوريه اتكلهم هي كتلت ابنها وابنها تاخذه وتنطي ال اي ناس غربه

او تبيعه وتاخذ فلوسه

جوريه وصار وبالفعل يوم الولاده جان الصبح الساعه ١٠:٠٠ اجاني الطلق ضليت اصرخ

واني كاعده ابحدي بالغرفه سمعتني منال واجتني تركض

منال ها جوريه شخيرج

جوريه منال لحكيلي منال عندي ولاده

منال. رحت اركض اكل لعمتي ام فقار

ام فقار اي يالله خل اكول الحميد يصيح للشيخ ياخذنه البيت القابله وبالفعل كلت الحميد واجه الشيخ

فقار اخذنه جوريه البيت القابله

القابله رجأً انه ما احب واحد يوكف فوك راسي طلعي

ام فقار طلعت

القابله اتصلت ابسرعه ع وحده اعرفها كتلها الطفل الي كتلج عليه جاهز ابنيه او ولد ميخالف

البنيه اي جاهز شوكت تردينه

القابله هسه اريده وتجيبينه الي من نفس المكان الي كتلج عليه يعني موتجيلي من الباب

البنيه اي حاضر

وبالفعل اجت لبنيه ونطتني الطفل عن طريق الشباج مال الغرفه الي كاعده بيها اني وجوريه

اخذته منها بالخفيه وكلتلها انتضريني انطيج الطفل خلي تولد وبلفعل ور ماولده لفلفت الطفل ابطانيه حتى لاتشوفه ونطيته للمره

جانت جوريه ملتهيه بروحه وبوجعها
جوريه وين وديتي ابني

القابل هذا هو بيدي يايمه
جوريه ها الحمد الله

القابله لفلفته عدل حتى لاتشوفه وخليته بصفها وطلعت اركض واصرخ لحكيني شيخه ام فقار

هاي شبيها جنتكم وطلعت بالشارع اركض

ام فقار ضليت اركض وراها تعالي ياخيه تعالي شبيها

القابله خنكت الولد وموتته خنكته بيديها ثنيناتهن احجي وانه كلي هلع وخوف

فقار انصدمت وانه اسمع حجيهن نزلت وصحت بالقابله هدي شووووووي شبيج😡

القابله وانه ارجف شيخ جوريه خنكت الولد بيديها الثنين

جوريه جنت اصيح عليهم محد يسمعني لان هما برا

ام فقار دخلت عليها وانه ابجي ليش يايمه ليش خنكتي الطفل يايمه ليش مو هذا ثمرة تعبج

جوريه ياطفل الخنكته انه ماخنكت طفل بس هو مادري شبي ماجاي يتنفس ولا يتحرك شبيها

صرخت المره وليش طلعت تركض

ام فقار وانه الطم ع رجلي يالمخبله يالمجنونه كتلتي الواد وتكولين مادري شبي مايتحرك

جوريه لاااااااء اشلون اكتل ابني هي جابته يمي مايتحرك فدوه عمه اله هاي لاتكلولي ياها

انه ماكتلت ابني وهسه اريده😭

ام فقار شتردين منه وهو جثه مابيها نفس ولج زوجج راح يموت تعبتي خربصتي حياته

جوريه. اخذيني للبيت عمه اخذيني اخذيني للبيت كتلجججججج اخذيننننننني للبيت

ام فقار اخذناها للبيت وهي بس تصرخ وتبجي

منال لازم امي الها ايد بهل شي خابرت عليها وكلتلها بالي صار شنو علاقتها بي

ام منال معقوله الي صار يمه ربي دخيلك لا يمه انه صدك سويت كل هاي السوالف بس

ماتوصل بيه المواصيل اسويهيج وبعدين شلي دخلني مو هي القابله الي جيبتها لا يمه منال

صدكيني انه بهاي مالي دخل

منال. معقوله يايمه معقوله تكون هي هيج سوت خطيه تخبلت لبنيه

ام منال مو كتلج يايمه هي مخبله انتي الماصدكتيني وطلعتيني جذابه

جوريه يومين واني ماشفت فقار تعبت حالتي كلش حسيت نفسي صدك مجنونه طلبت من عمتي كلتلها اريد اشوف فقار

فقار كلتلي امي جوريه طلبتني وماجان الي عين اشوفها ما ابدي اشوفها بهلحاله بنيتي

اتسودنت كلش لدرجه كتلت الشغله الحلوه الوحيده الي جنه ننتضرها انه وياها رحت بناء على

طلبها وياريتني ماشفتها جان شكلها كلش تعبان واضح عليها التعب

جوريه اتفضل ياشيخ لاتخاف ما اكتلك ولا اخنكك ولا عندي سجين

فقار جوريتي لاتعبين روحج ولاتحجين انه مصدكج

جوريه جذاب انته مامصدكني فقار طلكني

فقار انشاء الله انشاء الله اهم شي انتي تصيرين زينه

جوريه صرخت عليه اني جاي احجي من عقلي طلكني يافقار كرهتك وبعد. ما اكدر اعيش

وياك لاتئذيني انته مو ادور راحتي راحتي اكون بعيده عنك وبعيده عن هذا البيت احجي واني منفعله واحرك بئيدي

فقار انتي شتحجين انتي بنيتي انتي حاضري ومستقبلي والماضي انتي بسمتي ودمعتي وانه

ما اكدر استغنى عن هذن كلهن شلون اطلكج معناها فقار يموت ياجوريه اذا اطلكج

جوريه الله👏🏻 شكد اناني انته تفكر بنفسك تموت اذا اطلكني ومافكرت بيه اني اموت اذا ضليت

وياك بعد فقار لاتعدمني الحياة انطيني فرصتي اريد اعيش بعيد عنكم اريد انساك اريد

انسه همي ولي يعافيك فقار طلكني

فقار ،،،،،

يتبع،،،،،