نهوة الشيخ الفصل الرابع عشر 14 - بقلم زينب العبيدي

هذا الي لحكت اكتبه اريد اروح الف كبه 😂

#نهوة_الشيخ

بقلم #الزينبيه

البارت #١٣

جوريه ارتاحيت لمن سوه هيج وفه ابوعده ماتقربلي وره خمس دقايق رجع وعيونه بكصته

فقار شوفي الناس عرفت بينه متزوجين باالفعل مو بس باالحجي يعني ديري بالج يعرفون بلي

سويته ترى اذبحج بليل مابي گمر

جوريه جان شكله يخوف هزيت راسي بمعنى اي شفته نزع دشداشته وعلكها ونزع حذائه

وضل بس بصروال طويل ابيض جان لابسه جوه الدشداشه وفانيله كيموني بيضه طلع نقاله

من دشداته خلا على الميز ونزع ساعته وخلاها ع الميز ومسبحته الجوزيه نزع محابسه الي جانن بيده واني كاعده

اباوع علي ضل يفرك بشعره بيدي الثنينه( حركة تعب مو كمل 😉😂) اجه ع الجربايه اتمدد وتغطه ع الجها

الثانيه وحجه بصوت بي تعب طفي الضوه

جوريه كمت اخذت لحاف ثاني شفته من جنت ارتب ملابسي باالكنتور طفيت الضوه وتغطيت

فقار حسيت بيها نامت اخ شي يتحرك ابداخلي ردت ادور واتقرب منها واحضنها وانه اتخيل

جمالها وترافتها هاي شبيك فقار مو عساس زواج مصلحه وماتتشرف ابوحده مثلها يمكن هاي

رغبت واحد محروم وماشايف لا اكثر ولا اقل انت وعدتها دير بالك وانت عمرك ماتخلف وعد

سلاسل. ضليت كاعده باالغرفه للساعه ب١١:٠٠ جابتلي ام مروه اكل وما اكلت

ام مروه جا وين زوجج يمه

سلاسل مادري كلتها من غير نفس

ام. مروه طلعت شفت ابو منتظر ستوه داخل للبيت كتله جا وين منتظر اشو مو يم زوجته

علي. شنو جا وينه كلتلها هسه اخابر علي مشكوره خويه

ام مروه. الله وياكم وتدللون خويه ابو منتظر ماكو شي من مقامكم

علي. اتصلت ع منتظر

منتظر الو.

علي. وين انت يا بابا

منتظر. بويه انه باالشارع شفتك توه دخلت

علي. تعال. بويه اريد احاجيك

منتظر جايك. سديت التليفون وشلت الستره مالتي جنت ذابها باالكاع ودخلت للبيت ورحت يم ابوي

علي. وين جنت بويه وشبيك ضايج وانت عريس وهذا يومك

منتظر. هه عريس ضحكتني

علي. بويه روح لمريتك واكلك لكمه وتفاهم وياها ودير بالك ع بنت الناس وتحملها تراها صغيره

منتظر. بويه ليش كلبك بارد. جوريه ماتفكر بجوريه شلون راح تعيش وي هذوليج الناس

علي. بابا منتظر جوريه هي واسطت الخير وبنتي جوريه مو بنيه عاديه وراح تشوف والناس

الي راحتلهم مو وحوش ترى راح يحبونها وتحبهم شيل جوريه من بالك اشوي وروح عيش يومك

وي مريتك وضربته ع جتفه روح وليدي سبع مو تنزل راسي

منتظر. رحت. فتحت الباب شفتها كاعده ع الجربايه خاله ايدها ع خدها اف هاي سلاسل

تكتل.

سلاسل. رفعت عيوني باوعتله بحقد

منتظر طلعتلي ملابس من الكنتور ورحت اسبح وكملت ورجعت للغرقه لكيتها على نفس كعدتها

شنو صنم كعدت اكل

منتظر. تعاي اتعشي

سلاسل. ان شاء الله سم ابطنك كلت بكلبي كتله ماريد

منتظر. كمت من العشه وكعدت يمها شوفي يابنت عمي انه ماجان الي نيه اخذج بس اخوج

الي بده وماعلينه هسه انه صرت زوجج لازم تتقبليني وتأقلمين حياتج وياي

سلاسل. تحلم. اصير زوجه الك انت شنو واصير زوجتك شنوا أقلم روحي هو انتو ينعاش وياكم

منتظر. شديت ع قبضات ايدي حيل راح اعتبر ماسمعت شي شوفي يابنت الناس انه مارايد

ائذيج ولا اريد اضلمج امشي وياي عدل حتى امشي وياج انه احسن

سلاسل. ههههه اتكول تضلمني انت ضلمتني وخلاص

منتظر. ان شاء الله راح تتعودين علي بس انطيني فرصه لزمت ايدها

سلاسل سحبت ايدي من ايده لاتلمسني

منتظر. بس انت حلالي

سلاسل. ضليت ابجي انه مو حلالك ولا اريد اصير

منتظر مسحت ادموعها ليش سلاسل انه شنو سويت جاي اكلج انطيني فرصه

سلاسل منتظر اذا تريد اتصير خسيس اجبرني لان ابرضاتي ما اخليك

منتظر بس انه مو خسيس ولا اكون خسيس سواء اذا اخذت حقي باالغصب او برضاتج الشرع

والدين وياي

سلاسل ضليت ابجي. زين انطيني فرصه اني ماجاهزه حجيت بكلبي يربي شلون ويا هذا

شلون ادبرها واخلي مايجيسني

منتظر. انه وياج للصبح هاي مهلتج وهسه من رخصتج اذا ماعندج شي طفي الضوه اريد ارتاح شوي

سلاسل عمه بعينك ان شاء الله تنام وماتكعد طلعتلي دشداشه قصيره وين ابدل فتحت الباب

وطلعت وانه اتلفت يمنه ويسرى ضليت ادور ورحت للحمام نزعت بدلتي وبدلت ولبست

دشداشتي اخ ياربي شلون راح اعيش اهنا رجعت للغرفه لكيت الضوه مطفي بس ضوه

التيبلام مشتغل جان اكو هواي كوشايات (( مخاد اصغار )) ع الجربايه خليتهن كلهن بنص

الجربايه ونمت من الجهه الثانيه

منتظر ياخبيثه حجيت بكلبي هسه بالله انه صبرت طول عمري بلا زواج ولمن ازوج اطيح بهيج

وحده لفيت راسي ونمت

الصبح الساعه بعد اذان الفجر

منتظر كعدت اتوضيت وشفت ابوي يصلي بلصاله اجيت اصلي يمه فرشت السجاده وصليت

علي تقبل الله

منتظر منا ومنك صالح الاعمال

علي ها وليدي اشو شكلك مافرحان ليش

منتظر لا بويه لاتكدر خاطرك مابيه شي وتبسمت بلجذب

علي لاوليدي لاتحاول تضم حزنك بهاي الابتسامه المسطنعه انه اعرفك ولك هاي ايدي ربتك كول

وليدي خل اساعدك انه مو غريب انه ابوك وامك وصديقك

منتضر اتحسرت بويه شوكت ارتاح عمري ٢٩سنه

يتبع....