نهوة الشيخ الفصل الثالث وأربعون 43 - بقلم زينب العبيدي

السلام عليكم حبيباتي عذروني عن الانقطاع والله ضروفي الي ماسمحتلي انشاء الله مازعلانين اريدكم تتفاعلون وياي حتى منا الباجر انخلص القصه انشاء الله ❤️😘

#نهوة_الشيخ

بقلم #مولاتي يازينب

البارت# ٣٩

البنيه. خل ناخذه ونشرد شلون راح نتحمل فراكه شكلت محد راح يعرف بينه

الولد لا ولج حرام الرجال نزع اعكاله وخلا كدامي تعرفين شنو هاي يعني جاي يتوسلني ارجع

ابنه موزين نحرم الرجال من ابنه شفتي فرحت ابو وعمه بي بست الطفل ع راسه اثاريك شيخ

وابن شيوخ واحنه ماندري

فقار ورجعت ع البيت وانه افور غضب وكلت الفارس ان مايكول الاحد شي لازم احاسب كل

واحد شارك بهاي الجريمه

فقار منال خابري ع امج تجيلنه اليوم مشتاقيلها صار النه هواي ماشايفينها

منال. اشطاري عليك اليوم بس لا راح اتموت امي

فقار انشاء الله بس الضالم يموت والمايخاف من الله

منال. خابرت ع امي يمه تعالي تغدي عدنه اليوم فقار مشتاقلج يمكن امس حلمان بيج ههههه

ام منال مشتاقلي انه الله اليستر ع العموم اجيكم ماوراي شي

منال هله بيج وسديت التلفون

فقار. جنت امتاني الساعه تمشي ابفارغ الصبر حتى الديوان مارحت وكلت الحميد ياهو

اليجيني كلهم الشيخ ماموجود

وصارت الساعه ب١٢:٠٠ الضهر وبينت عمتي

فقار بعدها ماكاعده وصرخت عليها بصوت عمااااااا

ام منال بسم الله شلونك ياشيخ

فقار انه زين والحمد لله ابشرج لكيت ابني الخنكته جوريه

الكل 😳😳😳😳

العمه 😰ضليت ارجف ابمكاني

فارس😏

فقار. شبيج عمه خاف بردانه

ام منال ها اي اي ع الخير اتذكرت انه لازم اروح

فقار وين رايحه بعدج استوج اجيتي كعدي خل انسولف عن ابني وشلون لكيته الي هسه عمره

سنه ونص ومنو الي دلاني عليه ومنو الي امخطط لهاي الجريمه

ام فقار انته شتحجي يايمه شنو ابنك شنو لكيته

فقار كلت الفارس ينطيني الرساله و مررروها ابيناتكم وخل كل واحد يقراها

حوريه وصلت يمي الورقه اشرت الفارس تعال خايب ما اعرف شي

فارس اخذت منها الورقه وعبرتها للبصفها انه اسولفلج

حوريه اي احسن انته سولفلي قابل كاعدين ابمدرسه واحد يمرر لثاني ورقه

فارس طكيت كصتي صوتج لا ياكلج فقار هسه وسولفت الها

ام منال وصلت يمي الورقه قريتها وحسيت روحي جاي تطلع وانه اباوع للكل عيونه علي حجيت

اكيد انتم مالازم اتصدكونها يعني انه شعندي وي جوريه حتى اتبله عليها واكول كتلت الطفل

وارشي واتفق

فقار اول شي. ليش خصصت اسمج اذا انتي ما الج علاقه وثاني شي دوافعج هواي وباوعت

ع منال

منال اباوع الامي وانه مستغربه انه عمري ماشفت انسانه مثلج مو انتي الي كلتيلي انه مالي

دخل بموت ابن فقار حسبي الله ونعم الوكيل عليج يامره استحي جاي تعيدين ثارات قديمه

انتي هسه انتي مزوجه وعندج كومه جهال يا ابن عمج ياخطوبه يابطيخ

فقار. اكو شي تعرفينه مانعرفه يامنال

منال. اعرف كلشي بس شسوي اول شي اتضل امي وثاني شي جانت تهددني وتخوفني بأن

انته اطلكني ودور السالفه علي

فقار بستغراب كولي يامنال احجي كل الي عندج

منال بس وعدني ياشيخ اوعدني ماطلكني ترا هي جانت تهددني والله وتكلي تفر السالفه علياني مو حقيره بس جبانه واخاف

فقار احجي العندج

منال حجيت كل السوالف الجانت امي تسويها الجوريه وشلون استعانت بزوجت بشار

ام فقار الله اكبر هذا كله يطلع منج ياخيه يا ام منال واحنه اتهمنه البنيه وماجان واحد يصدكها

شتكولين الربج لو لبنيه تخبلت صدك

فقار جنت مصدوم من الي سمعته ااخ ياربي جوريتي جانت كلشي مابيها الله اكبر عليج

ياعمه شلون انطاج كلبج اتسوين هيج ببنيتي الله يساعدج ياجوريه شكد اتحملتي صعب

كلش صعب شعور لمن واحد يريد يفهم وضعه لناس والناس ماتفهمه شكد كلتي انه مابيه شي

شكد كلتي انه مو مجنونه بس ماجنه نصدك اااخ وانه الومج من عفتيني لا حقج تعوفيني

الله لا يوفقج ياعمه ضحكتي علينه كلنه باوعتله بنضرة حقد

ام منال. انه اسفه ع السويته وندمانه انه جنت خايفه ع مستقبل بنيتي

فقار 😡اششش برااااا ولاتعتبين هذا البيت الاخر يوم بحياتج انتي اصغر من ان احجي وياج او

اعاتبج وخطيت جوريه وحرمانه وكل اذيتها وحرماني انه من روحي ومن ابني بذمتج ليوم الدين

التفتت ع منال وحتى انتي يامنال مامسامحج جنتي تدرين وماكلتيلي ذنبج جبير

وما اضن يغتفر انصحج لاتراويني وجهج هاي الايام وتكفي شري انه ماراح اطلكج بحكم انج

اعترفتي بذنبج ولو فايت اوان و اذا حابه تضلين بهذا البيت تضلين حالج حال هذا الحايط مو مره الي تئذي رجلها

فارس. هدي ياخوي الحمد الله ع كل حال لاتخرب فرحتك بأبنك وجوريه نلكاها نلكاها يعني هي

بالبصره وين تريد اتروح

ورا يومين طلعت نتيجت التحليل وراح فقار استلمها وبالفعل طلع هو ابنه راح واخذ الطفل ودفع

الهم ضعف الي دفعو للقابله

اما القابله هددها ان ماتنعاد هاي الشغله وي اي بشر واذا انعادت احسابها السجن

رجع ع البيت وجايب الولد ويا طبعاً تم تغير اسمه الى زيد والكل فرح بي والحمد الله هو

ماجان من نوع الاطفال الي يستغربون ويبجون يعني اتئقلم وياهم بسرعه واحلى شي كلمت

بابا وماما من حلكه جان الكل مدللينه وجان يصيح الحوريه ماما وهي طايره بي من الفرح

وتنطي اهميه اكثر من ابنها طيبه هاي لبنيه الله يجازيها خير

اما فقار اشتغل مباحث عليه وجاي يدورني بكل مكان بس الصدفه تلعب دور واهنا اجت الصدف

سلاسل جنه رايحين اني وسجى البيت سرى اختي كعدنه سوه شويه واجه ابن اختي من

المدرسه هو بصف الثالث الابتدائي وطاكيلهم صور بالمدرسه هاي الصور الجماعيه الي

ناخذها كل احنه بالمدرسه الصف كله وياهم الاستاذاجاني يركض وهو يصيح خاله خاله

تكدرين تلكيني من بينات هذول كلهم سلاسل. اخذت الصور وطاحت عيوني على الي ماخذ

گلبي وعقلي طول هاي المده رفعت وجهي ابوجه ابن اختي واني احجي بلهفه هذا منو هذا

ابن اختي هذا معلمنه ابو الرياضيات

سلاسل وانه اباوع لصوره وارجع اباوع لبن اختي اعرف اعرف شسمه

ابن اختي استاذ منتضر خاله كلش احبه وهو يحبنه وما يطگ واحد ويضحكنه ويسولف ويانه

سلاسل. التفتت ع سرى كلتلها ابنج بأي مدرسه

سرى مدرسه،،،،،، ليش شبيج شبي معلمهم بالله خل اشوفه واخذت الصوره 😱يا عزه هذا منتضر

سلاسل. فدوه سرى فدوه كومي خلينه انروح خلينه انروح للمدرسه

سرى. انتي شتحجين ولج مو محد بالمدرسه هسه كلهم طلعو

سلاسل. لا لا المعلمين يتئخرون شوي فدوه خل انروح هسه

سري سلاسل. شبيج ضلي اليوم عدنه زوجي وماهو وباجر من الصبح انروح انودي ابني المدرسه ونشوفه

سلاسل اوي ياربي شيصبرني للصبح

وفعلاً صاري وم ثاني الصبح كعدت قبل لا يكعد ابن اختي وكومته من لفراش غسلتله وبدلتله

وسرى تباوعلي بصدمه الله يالحب

سلاسل. بلا لغي زايد سرى يله استعجلي رحت انه عدلت شكلي شويه ولبست عبايتي ورحنه

دخلنه جوه للاداره جانو المعلمين بعدهم نصهم جاين سئلت عليه بغرفة المعلمين كالو بعده لهسه

ماجاي. طلعت بره انتضره واني اباوع ع السيارات التروح وتجي شويه وصلت سياره اخر

مديل ركنها بصف المدرسه ونزل من السياره الله شكد مشتاقه الهذا الطول وهو لابس بدله

رسميه لونها ازرك ونزلت وحده جانت كاعده يمه بالمقعد الامامي لابسه عبايه سلاميه وكلش

حلوه ومرتبه اشرتله بيدها ابمعنى باي ودخلت للحضانه الي بجانب المدرسه

منتضر. اجيت ادخل من باب المدرسه اااخ هاي منو نزعت النضاره وانه اباوعلها اي هي هاي

سلاسل اشجابها اخ ياكلبي اهدء شويه شبيك شصارلكً من شفتها

سلاسل. طاحت الدمعه وي رفت عيني اجيت يمه

منتضر اتنهدت لبست نضارتي ودخلت للمدرسه

سلاسل. منتضر اوكف شوي

منتضر ولا كلمه طلعي منا ماناقصني فضايح

سلاسل. منتضر اسمعني عليك الله مره وحده اسمعني

منتضر خليت اصبعي كبال حلكي كلتلها اششش لاتفضحينه

سلاسل. لزمت ايده بصدمه وانه افر بالحلقه خاطب خاطب يامنتضر

منتضر طلعت برا المدرسه ردتها تلحكني حتى لحد يسمع حجينه

سلاسل طلعت ورا ماجاوبتني منتضر

منتضر بغضب اي خاطب يعني شنو ترديني اتانيج وبعدين انتي مره غريبه عني مالج حق

تحجين هاي لحجايه صعدت سيارتي وعفتها ورحت اخ شسوت بيه شوفتها هيجت بيه كل جرح

حاولت ادفنه

كافي تجرح كلبي روح
انته حبك بس جروح
صعب اتحمل عذابك طبعك يطلع الروح
منك ماشفت الخير شفت المذله
دنيه ابد وياك ماجتني عدله
اتمنه انسه الضيم وحبك ابدله
وانسه الجرح
شكد كتلك اريد ارتاح حس بيه مره
يمك جنت مخنوك صايرلي فتره
عندي جرح بالروح وبكلبي كسره
وانسه الجرح
انه احس بكلبي نار والعذاب هوايه صار
عوفني مرتاح بغيابك ما اريد ارجع احتار

سلاسل. ضليت ابجي اجتني سرى مسحت ادموعي

سلاسل. خاطب ياسرى خاطب يعني أأيس من عنده يعني استسلم واخلي يروح الوحده غيري

شفتي الماخذها شفتيها شلون حلوه ومرتبه

سرى انتي احلى ياسلاسل بس هو المايشوف لاتنقهرين الله يعوضج

سلاسل خل انروح انشوفها احجي واني ابجي بس اشوفها والله

سرى وشيفيدج اذا شفتيها سلاسل عوغيهم خل يشوفون طريقهم وانتي بعدج صغيره اخذتها

ورجعت للبيج كضت يومها بس تبجي وتناشغ خابرت ع اهلي كلتلهم سلاسل راح تبقى يمي

شكم يوم ع مايرجع زوجي. من السفر

منتضر رجعت للمدرسه بنص الدوام وكضيت يومي معفوسه حالي وسلاسل ماطلعت من

راسي صايره احلى من قبل ياترى شرادت تكلي بس شنو الي رادت تكوله اكيد ماراح يغير

شي من نضرتي تجاهه استئذنت من المدير وطلعت قبل نهايت الدوام بنص ساعه ااخ يابو

منتضر اشتاقيتلك محتاجك هسه حيل انته اقرب صديق الي

هيه هيج المله ابو يحس بالضياع
والله ماضايع عكب عينك متت
حاولت الكه اليشبهك بالحنان
جزعت ايامي على كد ماحاولت
انه صح عايش جسد بس ماكو حيل
راح مني الحيل يوم انته الرحت
ذله عكبك عايش وكلش ذليل
ما سمعت اسم الله بأذني من عثرت

رحت اخذت جوريه وخطيبتي علياء وصلت علياء ع بيتهم ورجعنه احنه ع بيتنه وبالطريق

جوريه شبي وجهك مغيم حبيبي منتضر

منتضر. لا ماكو شي

جوريه. عليمن هلحجي علي اني مايعبر كول ياخويه فضفض اسمعك اني مالي غيرك وانته مالك غيري

منتضر. سلاسل.

جوريه اشجاب طاريها انته هسه مو خاطب لازم تنساها

منتضر هذا الي جاي اسوي بس اليوم اجتني ع المدرسه طلع ابن اختها طالب عندي

جوريه. اي وشصار

منتضر ابد ماصار شي حاولت تحجي وياي بس انه مانطيتها فرصه ما اريد اسمع منها

شي وانجن جنونها لمن شافت الحلقه بيدي ماعرف شنو جانت تتصور

جوريه وهسه انته عليش ضايج

منتضر. لا ماضايج

جوريه. لا انته ضايج وتدري ليش لان انته بعدك تحبها وعاندت ومانطيتها فرصه اتفهمك

اعرف ابدك تسمع منها بس اتكابر

منتضر. يجوز كلامج صحيح بس ما اعتقد انه اريد اسمع منعدها

جوريه. الشي الماتعرفه يامنتضر ان سلاسل رفضت ابن عمتها حيدر بعد ما انته طلكتها

وهلشي اله تفسير واحد معناتها هي تحبك انته

منتضر بستغراب رفضته ومن يمتى هذا الحجي

جوريه مو انته مانطيتني فرصه احجيلك وكلما فتحت الموضوع وياك صرخت علي وعصبت

ولا خليتها هي تفهمك ع العموم هذا الحجي صار قبل لا اطلگ اني من فقار منتضر لاتضلم

علياء وياك لبنيه مالها ذنب تزوجها وكلبك وي سلاسل انصحك تسمع من سلاسل

منتضر. ما اكدر ياجوريه

جوريه صارح نفسك قبل لاتصارحها لازم تكون صريح وي نفسك كل الروحك ان انته تحبها

وبعد ماتحجي وي نفسك راح تتئكد من حبك الها وبعدين اتحاجيها هي حتى تسمع منها

عذرها

منتضر. تمام بس شلون راح احجي ويها اكيد ما راح اروح الها بعدني مجروح منها ياجوريه

جوريه. شوف حبيبي اذا سلاسل اجتك بعد مره فتئكد ويقن ان هي تحبك لدرجة جاي تذل نفسها

منتضر حجيت بنفسي ياربي ترجع وصلنه للبيت

سرى. كعدت الصبح حتى اكعد ابني يروح للمدرسه لكيته لابس ومخلص وجاي تريكه

سلاسل وهي بعد هم لابسه وطالعه كشخه هلمره غير شكل

سرى على وين انشاء الله

سلاسل اودي ابن اختي ع المدرسه وبالمره احجي وي منتضر

سرى. لا والله بس انتي مره غريبه وكافي تذلين نفسج المنتضر الولد خاطب ومايريدج

سلاسل. سرى اوعدج هاي اخر مره اذا ماقبل يسمع مني مارح اروحله بعد طبعا حجيت

هلحجي كله جذب مستعده اروحله العمر كله

سري انتضريني اجي وياج

سلاسل راح اتئخريني ياسرى لاتخافين علي والله ماراح اتئخر اخذت ابنها وطلعت قبل

لاتحجي حجايه ثنيه

منتضر اليوم كعدت قبل موعد كعدتي المعتاد ماعرف شلي خلاني اسوي هيج يمكن اتئمل

تجيني اليوم كعدت جوريه يله بسرعه خابرت على علياء راح اجيج اليوم ع وكت مو تئخريني

ورحت على علياء واخذتها وصلنه للمدرسه نزلن علياء وجوريه وانه بقيت اطفي بالسياره

نص الطريق التفتتلي جوريه ورجعا

جوريه مو كتلك

منتضر شنو كلتي

جوريه شوف الي واكفه هناك هسه لازم تتئكد ان هي تحبك لدرجه ان جاي تذل نفسها

منتضر. ابتسمت لا ارادياً حاولت هواي اسد حلكي بس ماكدرت تخيلو انتم واحد مبتسم من

الفرحه ويريد ايمضها شلون يصير شكله

جوريه ماله داعي ياخوي ابتسم وعيش اللحضه يله باي باي

منتضر. اتنفست بعمق وسديت الكشره ورجعت الى وجهي القاسي قربت السياره يم

المدرسه كلش

سلاسل منتضر. خلي احجي وياك فدوه اوعدك هاي اخر مره بس اسمعني

منتضر صعدي

سلاسل. ماصدكت من كلي هيج حسيت كلبي طاح ابين ايدي صعدت بسرعه بس شفت

منتضر يلتفت ورا وحرك السياره بسرعه شويه ودك تلفونه

منتضر. الو اي اي صارت عندي شغله رايح انتي شنو تردين جنطتج وين ها اي هاي هي

بس ما اكدر ارجعلج يله يله لمن ارجع اتصل عليج باوعت السلاسل وانه اسد التلفون جانن

دموعها يطيحن وتمسح بيهن

منتضر. اسمعج

سلاسل. منتضر. قبل كلشي اني احبك منتضر اني لمن حبيت حيدر ماجنت انته ابحياتي

ابن عمتي وحبيته حب طاهر والله العضيم مابي اي شي يدنسه خلي ابالك اني صنت

نفسي كلش زين ما انكر ان جنت احجي وياه من تلفون سري بس جانت علاقتنه بانينها

على الزواج الله يشهد وبعد ما اتزوجتك رفضت ان اسلمك نفسي او اعيش وياك كزوجه

وقاومت هواي بس جانت طيبتك اتقربك الكلبي لحد ما ضليت اشوف بيك ميزات مستحيل

الكاها بيوم عند حيدر بديت اتقرب الك شوي شوي واكتشفك اكثر عرفتك انته انسان

الوحيد الي راح يحبني ويصوني استسلمت الحبك وبيومها اتصلت على حيدر وكتله اني

احب منتضر وعلاقتي بيك مامنها مستقبل بهذا الوكت جان كلبي مستحيل يتنازل عن حبك

ولايبدلك بكل رجال العالم بس صار والحقير حيدر هجم علي عرفت ان شكد رخيص وصارت

الصدفه وانته شفته اكيد شفتني واني اقاومه هلشي ماكلك ان اني ما اريده واريدك انته

ومن ذاك اليوم لحد هذا اليوم واني احاول احجي وياك واكلك يامنتضر احبك وكل بنيه

تغلط وانه ماحبيته بعد زواجنه حبيته قبل لا اعرفك منتضر والله احبك هو خطبني واني

رفضته بالاضافه الى اني رفضت هواي بعده لان انته بكلبي وماردت اغلط نفس الغلط

منتضر وكفت السياره التفتت عليها

سلاسل قبل لاتحجي كلشي. اني حجيت كل الصدك الله شاهد ماجذبت ولا بحرف واحد

منتضر تدرين ليش ماسمعتج طول هذا الوكت لان نفسيتي ماتسمحلي الانسانه الي

عشگتها من كل كلبي تعشگ غيري بس مع الاسف ياسلاسل هسه انه خاطب وع العطله

الصيفيه اتزوج

سلاسل واني امسح بدموعي منتضر انه اقبل اكون زوجه ثانيه بحياتك حتلو تجيني بس

يوم واحد كل اسبوع واقبل اتضم زواجنه عن خطيبتك حتى لاتنجرح بس لاتحرمني منك للابد

منتضر تنهدت سلاسل انه طول عمري احبج والفتره الي ابتعدت عنج رغم غلطج حبج يكبر

بكلبي مرات اكعد وي علياء اتخيل صورتج كبالي سلاسل وصل حبج بيه حد المرض ماعرف

شلون اشفه منه

سلاسل. فدوه يامنتضر انطيني فرصه فرصه اخيره وخلي نعيش سوه خلي ابالك اذا

مارجعت ع ذمتك والله ماراح اتزوج طول حياتي

منتضر. سكتت فتره عشت بيها سراع بين كلبي اليصرخ بحبها وبين كبريائي بس فكرت

بعقلي وكلتلها اكيد راح انطيج فرصه هو انه اكدر بدونج

سلاسل. اطلقت ابتسامت فرح من بين الدموع والله يامنتضر

منتضر ابتسمت اكيد

سلاسل. جنت متردده احجيها بس ما انطاني كلبي اسكت وحجيتها انته تحبها

منتضر منو قصدج علياء اي احبها كلش احبها حجيت هيج حتى اشوف ردت فعلها واريد

اقهرها مثل ماقهرتني باوعت الها شفت ادموعها ع عيونها عشره عشره وهي تهز براسه

ابمعنى اي دارت وجها على جامت السياره

سلاسل. عضيت اصبعي حيل ااخ ياكلبي

منتضر شفتي شلون احترك دمج من كلمه كلتها جذب جا شحال انه الي شفت موقف شب بيه نيران الغيره

سلاسل اطلقت شهكاتي وبالكوه احجي يعني يعني

منتضر اي اي ما احبها بس هدي شوي اذا انتي ماخذه كل كلبي ماتكليلي شلون احبها

سلاسل لا شعورياً شبكته

منتضر. بعدت ايدي عنهاحتى لا اشبكها ادري ما اقاومها كلتلها وخيري يابنت الناس ترا

حرام شبكتج هاي

سلاسل. تبعدت عنه بخجل اعذرني والله من لاوعي شبكتك

منتضر يله خلي اوصلج البيتكم وارجع اودي جنطة علياء

سلاسل اني اجيت من بيت اختي سرى رجعني هناك واني ادليك وين

منتضر اوك

سلاسل منتضر عليك الله منو احلى اني لو هي

منتضر. ضحكت من كل كلبي اووف بدينه بالغيره اشو تكولين اقبل اكون زوجه ثانيه انتي

من هسه ومشتغلتني غيره اكس ومربع

سلاسل. لا مو غيره بس حبيت اعرف منك من احلى

منتضر انتي شنو تشوفين

سلاسل اكيد اني

منتضر ماطول انتي تكوليين اكيد انتي يعني اكيد انتي

سلاسل لا صدك صدك منتضر انته احجيها

منتضر. هسه صدك يعني هي حلوه ورشيقه وعيونها كبار وحلكها صغير ومرتبه وولباسه

يعني اقصد كشاخه

سلاسل هو ييحجي واني اعصر بصابعي كتله شخليت بعد الي اكيد اني دبيه ومو كشاخه وجسمي يلعب الروح

منتضر خلاص بعد ما احجي

سلاسل لا لا عفيه كمل

منتضر اي نرجع شنو كتلج

سلاسل. عددتله كل كلامه بالحرف

منتضر. اي بس انتي احلى وعيونج احلى شفايفج يجنن جسمج يخبل واي شي تلبسينه

حتلو مو حلو عليج يصير يخبل انتي هيج بعيوني

سلاسل. الله يامنتضر حجيك يجنن

منتضر. يله وصلنه

سلاسل نزلت واني اباوع بعيونه وكفت لحضه اباب السياره كتله واني عيني بعينه هواي

متغير يامنتضر زايد بجمالك وسامتك وكلشي بيك صاير احلى

منتضر قسم نفس الحجي جاي اكوله الج انتي صايره احلى من قبل ماعرف اذا هلشي

صحيح او احنه مشتاقين البعض وهيج جاي نحس

سرى طلعت بالباب واني القلق كاتلني عليها اتئخرت جنت اريد اروح للمدرسه وراها بس

شفتها كبالي وفاكه حلكها من الذان للذان صحت عليها بصوت

سرى سلاسل سلاسل وصمخ

سلاسل التفتت عليها واني ائشر الها بيدي هسه اجي

منتضر يله روحي طلعت ايدي من الجامه وصحت بصوت عالي شلونج خويه

سرى. هله بيك منتضر تفضل حياك الله

منتضر حجيت وي سلاسل بصوت ناصي شرايج اتفضل

سلاسل اي يله حجيتها بفرح

منتضر ضحكت انتي خبله اكيد جاي اضحك عليج يله بسرعه روحي دخلي حركت السياره

وهي بعدها واكفه جنت احس براحة الكون كله بداخل كلبي

سلاسل دخلت للبيت اركض شبكت سرى وابوسها احبج احبج والله احبج

سرى الحمد الله والشكر ياربي قصدج تحبينه تعالي تعالي سولفيلي شصار

سلاسل سولفتلها كلشي

سرى الحمد الله والشكر طلع هو هم يحبج وماناسيج

سلاسل. بس انه ردت اكول المنتضر عن ابن جوريه. بس خفت فقار مايرضى

سرى اي خلي نستشير فقار وخلي هذا الشي علي

يتبع،،،،،،،،،