نهوة الشيخ الفصل التاسع 9 - بقلم زينب العبيدي

حبات كلبي البارت القادم باجر الساع ب٩:٠٠ ورا الفطور

#نهوة_الشيخ

بقلم #الزينبيه

البارت #٨

فقار نزعت حذائي حتى لايصير صوت المشي واضح ولفيت الدشداشه ع خصري وشلت

ابأيدي خشبه شوي جبيره وضليت امشي ع اطراف اصابعي ،،،،

الشخص٢هاا وينك

فقار استغليته وهو يحجي وطلعتله فجأه ورفست السلاح من ايده وطار بلهوا وضربته ع راسه

باالخشبه ونقضيت علي مثل الاسد خليت ايدي ورا ضهره وجتفته باالحبل

فقار متدرب فنون القتال بالسلاح وباليد من عمر ١٢ سنه على ايد اقارب امه الي جان ضابط جبير بالجيش العراقي)

وبينما انه اشد الحبل

اجت طلقه براسه طاااخ وطاح باالكاع ودمه يسيل كمت مصدوم واتلفت يمنه ويسرى ما شفت اله

واحد شخط بسيارته حاولت الحكه بس مالحكته اجيت رجعت للولد رفعت اللثام من وجها شكله

غريب وما اعرفه بس هو بعده اصغير عمره ب ٢٠ سنه لزمت ايده اشوف بي نبض لو لا بس

ماكو اي صوت نبض لان الطلقه جانت بكصته وطلعت من راسه ضليت محتار طلعت النقال من

جيب الولد مع الاسف جان بي رمز وما عرفت اشلون افتحه خليته بجيبي حاولت ادور عن هويه

اي شي بجيبه مالكيت رحت الاقرب سيطره بلغتهم بالي صار وهم كلولي روح اشتكي عند

المركز اخذت تليفون من واحد من الشرطه واتصلت ع جدي

فقار. الو

حجي. سلمان. الو منو انت فقار

فقار. اي حجي انه فقار

حجي. سلمان كمت من مكاني محتار شسوي بين الفرحان وبين الخايف ضليت امشي بلا

وعي واكله كلي يوليدي انت وين وشلونكً

فقار. بعدين اسولفلك كلشي حجي تعال انه يم افلان سيطره

حجي. سلمان اي يبوك جايك يله فارس يله عيدان مشينه لكينه فقار

الشخص ١بعد ما خابرلي الولد الي جان وياي شفت من كلماته ان بيهن خوف وكلت هذا صغير

وماراح يدبرها فريت السياره ورجعت بس اتفاجأت من شفت فقار يربط بيدين الولد اكيد هذا

راح يعترف عني من اول سلخة راشدي فضربت طلقه مايهمني اذا تجي ابفقار يموت وارتاح

منه او اجت باالولد بهيج ماراح يعترف علي وصدك مثل ماكلت من قبل فقار بسبع ارواح اجت

باالولد ومات بس ابد ما اهتميت شخطت السياره ورحت بس وانه بسياره اتذكرت تلفونه وشلون

اذا لكا فقار اكيد راح يفتحه بأاي طريقه

بعد مرور عشر ساعات من روحه ورجعه للمركز وي فقار الي جان هو وتقريبا كل بني عمومته

وتحقيق والجنايات والادله وروحه للمكان الي

انخطف بي والمكان الي انكتل بي الولد طلع فقار برائه من دم الولد وجاري البحث عن الشخص المفقود

فقار انه ما احب احد ياخذلي حقي انه دائماً اخذ حقي باايدي هاي مديت ايدي ع جيبي حتى

اشوف الدليل الوحيد بس الي استغربت الجيب مالتي مكصوص ماكو لا تلفون بجيبي ولا اي

شي انصعقت ومحد جان موجود غير كل اقاربي محاوطيني معقوله اندس ابيناتنه بينما احنه

جنه مشغولين باالتحقيقات بس يمتى وشلون ما حسيت من مد ايده وكص دشداشتي ضليت اتلفت

واباوع باالوجوه منو ياترى هذوله كلهم اهلي وعزوتي ومحد يكرهني بيهم

حجي سلمان هاشيخ عليش صافن

فقار شيخ انه جان بجيبي تليفون الولد المكتول بس ،،،بس ماادري منو كص الثوب مالي وخذا

ورغم كل الموجودين هم اهلي

زوج عمتي. ااخاف من البدايه جيبك مشكوك ياشيخ

فقار شنو السالفه عمي انه البس ثوب مشكوك وبعدين شوف شلون امبين مكصوص وبفعل فاعل

زوج عمتي لا ماقصد ياشيخ بس يجوز من عذبوك انشك الثوب

فقار لا انه متاكد الجيب مابي شي من خليت التلفون

حيدر اكول شيخ احنه من جنه باالمركز هواي ناس مو بس احنه اخاف هاالناس من ضمنهم واحد

من العصابه الي خطففوك وشكو ثوبك حتى يتخلصون من الدليل

حجي سلمان. فدوه الك يا شيخ اهم شي سلامتك والي سواه ماراح ينهزم بفعلته بس اصبر

هسه انت روح لميمتك (امك) خل اتشوفك راح تتخبل عليك واسبح وغير ملابسك واكلك لكمه

وبعدين نحجي بالي صار

فقار. اي هو هيج

ورجع فقار للبيت وشافته امه وخواته يبجن

ام فقار. سوده علي يايمه هاي ليش وجهك متروس دم تنشل الايد الي انمدت عليك عسى بمك

ولا بيك وليدي ياحيلي ياوليدي وضلت تبجي

فقار. مسحت ادموعها بس يايمه كافي دموع راح تنعيني واني واكف اكبالج بس لاتبجين

ادموعج يأذني وانتن ياخويه بسجن ترى انه بخير

سرى. وهل دم البيك ياخويه اكيد اتوجعت حيل وهم يضربونك خلي ناخذك للمستشفى شتكول

فقار. افااا اخوج ذيب ماتوكعه طكات الزعاطيط ومايحتاج مستشفى هههه

فقار. منال هاي شبيج عليش البجي

منال. عسى الصار بيه ولابيك

فقار. شنو. غير اكلب الدنيه عليهم يمدون ايدهم على حرم الشيخ فقار عاد سكتي خليهم

ايدكون بيه سنه ولا يمدون ايدهم عليج لحظه

سلاسل. وهي تمسح ادموعها اويلي شهل حجي هذا

جدة فقار ( ام امه) تعال اوليدي اسم الله عليك خايبات شبيجن تتبجبجن والولد كلشي مابي

اسم الله عليك يا يمه

فقار رحت بستها كليلهن حجيه مابيه بس العافيه وهسه من رخصتكم رايح اسبح

جدة فقار. روح يمه مرخوص

منال لحكته بسرعه

الجده راحت السعلوه

ام فقار ههههه

فقار دخلت غرفتي . ودخلت للحمام. سبحت واني جروحي يلجمهن الماي وراسي

مشكوك وضهري مزلغ ومن راح الدم اليابس ضلن اينزفن من جديد اخذت الخاولي نشفت

وصار كله دم اخذت خاولي ثاني ولفيت ع خصري طلعت لكيت منال كاعده اتانيني باوعتلي

ونزلت اعيونها من شافتني

فقار شبيج تبجين

منال. اتخيل لو صاير بيك شي شراح ايصير بيه تصدك فقار من يوم الكلولي لحد هسه

احس روح مابيه ودمعي مانشف

فقار. انه مابيه شي. ودموعج ماريدهن ع خدج مايهون علي اشوفهن

منال مسحت ادموعي ورفعت راسي انت تؤمر شيخ (ولطمت على اخدودي)يا يمه هاي شصاير بيك باع الدم شيخ

تارس راسك

فقار. اي عادي لاتهتمين كومي جيبيلي كطن وبلاستر ومطهر

منال. رحت ركض جبت الاسعافات الاوليه واجيت ضليت اضمد اجروحه وخليتله بلاستر وكطن

بضهره وع راسه

فقار لزمت ايديها وبستهن شكراً يامريتي الحلوه هسه اريد لكمه اكلها من جوه هاي اليدين

الترفه

منال. حضنت وجهه بيدي وهو لازمهن ثواني واحضرلك كل الي تحبه

وجابت منال الاكل الفقار واكلته بيدها وجانو عايشين جو من الحب

(ابيتنه)
علي. وهو يحجي بلتيلفون اي الحمد الله ،، اي والله الله ماقصر،، رده الامه والبيته ،، اي وين لكو وشلون،،،، ها وهسه ماعرفتو منو،،،، الله كريم ،،، انشاء الله يلزمونه

جوريه. ابوي يحجي بشارع واني جنت كاعده وي مروه بطارمه

جوريه. عزه شوفي شكلهم لكو فقار

مروه. يووو يعني الله ماسمع دعوتج

جوريه. اسكتي بس اني الله بس كاتبلي اتعذب وبس

مروه استغفري ربج

جوريه شلحل مروه شسوي اخاف يتزوجني

مروه. الله يعينج يعني هذا جدج ماينحمل ونوب فقار امربي جده يعني مثل جده كلش متخلف

وهمجي وكله نهوه وفصول وكتل ودم عشاير وراح اتروحين انتي بيهه وهذوله الي يصيرون هيج

يصيرون ماعدهم دم ولايفكرون ابمره ولاتخدعج المظاهر حتى لو اغنياء وعدهم خير بس

نفسيتهم متخلفه. شفتي جدج بعد انتي اشسوه وي ابوج وامج

جوريه اي والله كل حجيج صحيح اذا خطبني راح ارفضه وما اتزوجه

مروه. ياعوبه هو نهه عليج يعني اتضلين طول عمرج امعلكه وتموتين وانتي مامتزوجه وبعدين

هو يتزوج ويخلف وانتي يا حسرتي عليج عمي علي وما دايملج ومنتظر مانعرف راح ياخذ منو

خاف تطلع كشره وتفر راسه عليج وتضلين امعلكه طول عمرج ماترتاحين

جوريه. والحل مروه والحل (حجيت واني عيوني مغوركه بالدموع)

مروه. الحل اذا خطبج اتزوجي بلكت يتغير واله اكلج كرهيي ابحياته اذي ومللي عيشته وراح يطلكج وهج تكدرين تزوجين غيره

جوريه (بعد تفكير طول ثواني) اي اله هيج

(بيت الحجي سلمان)
الساعه ب ٧:٠٠ بليل بعد صلاة المغرب بالديون

جانو كاعدين فقار والجد وفارس وعمه عيدان وعمه الثاني الي اجه من بغداد الي هو رحمن

ولده حارث وقسام

شيخ سلمان واضحه مثل عين الشمس يعني هو جاي يكلك اعتق بنت عمك وتنازل عن الهنوه

يعني من غير ابو سراج و ولده وره السالفه لو نسيت ياوليدي همه رايدين يخطبونها بيوم الي انت

نهيت عليها

فقار. لا حجي اني شاك ابمنتظر انت شفته شلون ضايج واجه يهدد اهنا ولا يخايف

رحمن. فقار. ابوي انت ماعندك عداوات ؟يعني مو شرط باالعشيره باالشغل بس هم لثنين يعني اعدائك

فقار. عمي. هو جان يكول اتنازل عن بنت عمك لو اخوها لو مثل ماكال جدي ابو سراج واولاده

حجي سلمان وشلحل يا بوك يعني انضل انشك وما تاخذ حگك

- [ ] فقار. الحل عندي
- [ ]

يتبع....

توقعاتجن شنو الحل بشنو يفكر بي فقار