نهوة الشيخ الفصل العاشر 10 - بقلم زينب العبيدي

وهذا بارت مفاجئ وهديه لكل متابعيني الحلوين بس هاا صوتو وعلقو حتى ع طول ادللكم هيج 😘❤️

وعلى فكره بنات هواي سألوني القصه حقيقيه لولا اي حقيقيه كلهااا وصاحبة القصه متابعه ويانه وعن قريب انزللكم رابط الوتباد مالتها طبعا اذا وافقة

#نهوة_الشيخ

بقلم #الزينبيه

البارت #٩

فقار. الحل عندي ما دام الي ما رضا على النهوه اكيد ماراح يرضا على الزواج والتفتت ع عمي

عيدان امشينه عمي خل نخطبها ونعقد

حجي. سلمان. بس. انت يا فقار مو،،،

فقار مايهمني ياجدي اهم شي اعرف منو وره هاي السالفه وارد حگي مربع

رحمن. حجي. خلي يعقد ويزوجه بلكن ايصفي لگلوب

حجي. سلمان. يا كلوب الي تصفه انت تعرف اعليوي اشسوه وموت عمه من القهر وموت اخوابو فقار.

عيدان. يله امشينه شيخ فقار

فارس انه جاي وياكم

رحمن. بس الساعه ب٨ هسه خليها الباجر

فقار. لا هسه ياعمي كلبي اموجر ولازم اطفي ناره مو فقار الي ينطك وينهان ويكعد ويسكت

و اجو البيتنه فقار وعيدان عم بابا وفارس وجنه جاي نتعشه واندك الباب

منتظر. انه رايح افتح الباب ورحت ع الباب فتحته وباوعت باالوجوه ماعرفهم بس شفت وجه صدمني هذا شيريد

عيدان. السلام عليكم

منتظر وعليكم السلام ها امر خدمه

فارس. يعني ما راح اتكول اتفضلو يعني انت مو معزب

منتظر وانه عيني بعين فقار اتفضلو حياكم الله وفتحت الهم باب الديوانيه مالتنه ورحت

دخلت ع ابوي وجوريه كومي سوي جاي

علي منو جاينه

منتظر. بويه هذا الزفت فقار ويا زلم ما اعرفهم

جوريه اني گلبي انقبض ليش اشعدهم

منتظر. بنرفزه اندري استوهم اجو هسه نعرف

علي. كمت من العشه ان شاء الله خير دخلت الديوانيه ااااخ عمي عيدان السلام عليكم اشلونك عمي

عيدان. هله هله ابو منتظر( حجاها باالكوه )

علي.( كتله بخيبه )حياكم الله

فارس شلونك ياعمي انه فارس ابن عقيل وبسته وصافحته

علي هله هله عمي هله بريحه الغالي

دخل منتظر وهو شايل صينيه الشاي وقدم الهم

واني واكفه وره الباب واتسمع حجيهم على شنو جاين

وسمعت بابا يكول الاخوي منتظر

علي هذا عمي عيدان ابو احمد

منتظر (كتله من غير نفس) شلونك عمي

عيدان هله بيك

علي وهذا فارس ابن عمك عقيل الله يرحمه

منتظر (بنفس النبره) هلابيك

فارس وبيك اكثر

علي شلونك يابوي يا فقارشلي صار وياك ماعرفتو الي خطفك ومالزمتو

فقار عن قريب نعرفه وانه عيني بعين منتظر وراح الاكي وابجي دم

علي ان شاء الله

عيدان شوف يابو منتظر احنه جاين نخطب بنتك لشيخ فقار

منتظر( انتفضت وكمت مثل الملدوغ صحت بعصبيه) لاا تحلم

علي (صاح )عيب منتظر اكعد

منتظر لاا والف لاا ومااكعد و،،

علي قاطعته جاي اكلك اكعد منتظر

فقارجان يباوعله صفح وماعاجبه

عيدان انت تعرف ابن عمها ونهى عليها يعني لو تاخذه لو ماتاخذ غيره

جوريه سمعت حجيهم وجنت واكفه ع الحايط يم الباب سرحت وكعدت ودموعي ضلت تنزل

وتنزل بللت وجهي ياربي جنت احلم اتزوج واحد غير كلش غير عن هذا فار مادري فقار

ياربي ساعدني

علي انه ماعندي مانع بس اذا ناوي ايأذيها حاط الله عليه هو يحاسبه

فقار (حجيت ببرود )لا مو فقار لي أذي حرمه ضعيفه

عيدان يعني نتوكل ونجيب السيد يعقد

منتظر لااا اوكف عندي شرط (رفعت حاجبي وانه احجي) السيد قبل مايعقد الفقار يعقدلي

على بنت عمي

فقار شديت ع قبضاتي وردت اكوم اخرب وجهه بس ايد عمي عيدان لزمتني وهو يطبط ع ايدي

عيدان اي ميخالف شرطك مقبول روح فارس جيب اختك سلاسل وجيب السيد ولاتنسه جنسيه

اختك وهمست الفقار هدي وليدي شبيك ترى حقه اذا بطلت من هذا الزواج انت هو يبطل واذابطلت عمرك ما

راح تعرف منو الي سوه هيج وياك

منتظر عفت المجلس وطلعت انافخ شفت جوريه تبجي كومتها وشبكتها

منتظر. مسحي دموعج يا خيتي لاتبجين اخوج انشل ومايكدر ينقذج انت بين نارين اذا ما

تزوجتي راح اتضلين طول عمرج وحيده واذا اتزوجتي ما اضمنلج حياتج وياه هذا لان كلش ما

مرتاحله

جوريه. لاتلوم روحك ياخويه ولا تخاف علي اني اعرف اشلون اخلي يكرهني

منتظر اخ ياخيتي الله يعينج بس خليت راسها ع صدري شبكتها

فارس. رجعت للبيت كلت الجدي ع شرطهم

حجي. سلمان بلا موبالات خلي يتزوجها اهم شي فقار يرد حگه وروح اخذ اختك الهم

فارس. رحت صحت السلاسل

حجي. سلمان اطلع انت يا فارس وخلي اختك يمي

فارس. طلعت وضلت سلاسل وي جدي

حجي. سلمان يله بنيتي لبسي عباتج ابن عليوي راح يعقد عليج

سلاسل( بسرعه بجيت اخ ياربي صعقني منكال هيج ركضت يم رجلي اتشبجت بيهن) جدي

فدوه لا فدوه ماريده

حجي. سلمان. رفستها مو كيفج غصبن عنج واذا حاولتي وكلتي للسيد ما موافقه اذبحج

واخلص منج اكيد معيوبه ورافضه ترى الشيخ سلمان مايحجي بس حجي انت تعرفيني زين

ها وديري بالج تبجين ترى اذا ماتم العقد ماترجعين للبيت اله وانتي اجنازه وما ادفنج اذب

جثتج للجلاب واخوانج ماتكليلهم

شي وتخليهم يبدلون رأيهم يعني كأنما اموافقه ترى اخوج بحاجة هذا الزواج حتى مايضيع حگه

سلاسل مسحت ادموعي واني ادري جدي ايسويها وبكلب بارد رحت امشي واناشغ بس بدون صوت

فارس. ترى انه ادري بيج مقهوره لان زواجج صار بهل الطريقه بس منتظر خوش زلمه صدكيني

وعمي رغم كل الي صار وياه بس بعده وجهه سمح ويانه

سلاسل. ردت احجي واكله لا اني ما اريده واتذكرت حجي جدي وتهديده وصوته القاسي وهو

يفتر ويضرب جدران عقلي لبست عبايتي ورحت وي فارس وباالطريق اخذ السيد رحنه

ع بيت عمي

علي. دخلي يابنيتي دخلي منا تلكين جوريه جوه

سلاسل دخلت من باب المطبخ مطبخ ازغيرون ومن عنده للصاله وهماتين الصاله صغيره

وبسيطه شفت وحده كاعده تبجي باوعت علي بدهشه وعكدت حواجبها

جوريه انتي منو

سلاسل اني سلاسل احجي واني ابجي

جوريه ضلت تبجي واني ابجي وحده كاعده بعيد عن الثانيه ولاهي حجت شي ولا اني

علي بويه فقار شنو نيتك من هل زواج خوب ماتأذي بنيتي الوحيده

فقار ابو منتظر كتلك موفقار الي يأذي حرمه ضعيفه واذا شاك بيه روح واسأل منو شيخ فقار

وشنهي افعاله

علي والنعم منك ياابن الغالي

السيد ها نبدي نسمي باالله

منتظرر اي اعقدلي انه بالاول

السيد على بركة الله

صيحلي العروسه

علي. كمت دخلت.

سلاسل شفت الرجال الي دخل يشبه بابا اهواي مسحت ادموعي

جوريه واني مسحت ادموعي حتى لا بابا يشوفني ويتكدر خاطره علي

علي. اللهم صلي على محمد وال محمد شهل الجمال ابنيتي سلاسل انه عمج علي اخو ابوج

وابو زوجج ان شاء الله

سلاسل. اخ شكبرها علي من كال ابو. زوجج ياربي اخذني بهاي اللحظه ولاتخليني اتزوج واحد غير حيدر

علي. بستها ع راسها يله بعد ابوج تعالي

سلاسل. دخلت واني لابسه العبايه ومدنكه وجهي بلكاع كلش امشي وكأنما ماشيه الحبل

المشنقه الي راح تنتهي بي حياتي

السيد وينه شاهد العروسه وشاهد العريس

عيدان اني شاهد العروسه

علي واني شاهد العريس

السيد قبل كلشي اكو احد غاصبج بشي هذا زواجج بنيتي لازم اتكونين اموافقه

سلاسل كتله لا محد غاصبني واني بداخلي صوت مجبوره والله مجبوره كمل وعقد السيد

واني غيمت الدنيه بعيوني

السيد الف مبروك

علي الله يبارك بيك اخذت سلاسل ودخلتهاجوه وصحت على جوريه شفت ابتسامه بوجها اي

طمنتني عليها

جوريه. لبست الحجاب وصلته الحد اعيوني والعبايه فوكا مغطيه بيها حلكي وخشمي بلكت

ايشوفني بهذا المنظر ويغير رأيه مشيت وي ابوي اني اتمنى الطريق ايطول ومانوصل بس

خاب ضني وصلنه للديوانيه بااقل من الثانيه ومر كدامي مستقبلي وكل ايامي الي راح اعيشها وكل عذاب

والضلم وي هذا المتخلف الرجعي اخ ياكلبي هو انت جديده عليك مو انت اشبعت حرمان

السيد. نفس الشهود صح

علي. اي بس هل مره انه شاهد العروسه وعمي شاهد العريس

فارس. وانه اهمس بأذن فقار اكلك هاي مشايفه حجاب موصلته الخشمها

فقار باوعتله بعين ونص كانما اكله مو وكت سفاهتك

السيد بنيتي جوريه احد جابرج ضاغطين عليج

جوريه كتله لا مادري شلون طلعت من حلكي واني اريد اكله اي

عقد السيد وكملنه وبارك النه استلم ابوي مهري وسلمهم مهر بتهم انحكم علينه اثنينه بعيشه

مو هي الي حلمنه بيها

فقار. كمت احنه نترخص وعكب باجر اجي اخذها يا ابو منتظر

علي. على خير وليدي بس عندي طلب بنيتي طالبه وتحب الدراسه لاتحرمها منها

فقار صار

يتبع،،،،،

ولقصتنه مشوار طويل