نهوة الشيخ الفصل السادس عشر 16 - بقلم زينب العبيدي

#نهوة_الشيخ

بقلم #الزينبيه

البارت#١٤

تكملت بارت١٤

سلاسل. واني احبك اكثر سديت التليفون جاي ادخل وشفت وحده دخلت علينه كصيره شوي

شايله بيدها صينيه

مروه اجيت حتى اشوف هاي الي اسمها سلاسل عابت هي هاي كلتلها مبروك سلاسل (حجيت من غير نفس )

سلاسل. الله يبارك بيج حبيبتي

مروه. اني جيرانهم وحسبت اهلهم وصديقة جوريه روح بروح

سلاسل اهلا بيج اتفضلي

مروه ولا بس جبتلكم ريوك ورايحه

سلاسل مشكوره ليش تعبتي نفسج

مروه. اله شلونه منتظر شلون شفتي

سلاسل (ببتسامه مسطنعه ) رجال والنعم منه

مروه. (درت وجهي وميلت حلكي ورجعت باوعت الها) هو وينه

سلاسل. نايم.

مروه. جا وعمي وينه

سلاسل. ماعرف بس شكله طالع

مروه يله الله وياج اذا محتاجه شي رقمي عند منتظر العفو رقم امي اتصلي عليه واجييج

سلاسل. مشكوره ماتقصرين

جوريه. كعدت لان الضوه ضارب بعيني باوعت لكيت فقار جاي يعدل غترته واكف اكبال لمرايه

وتش تش تش تش ترس روحه عطر وبعدها لبس ساعته ومحابسه

فقار. (جاي البس ساعتي) وباوعت عليها ماتعرفين تكولين صباح الخير لو ماعلموج

جوريه لا اعرف بس ماعاجبني اكول

فقار. ولج احجي عدل لا افر حلكج ويله كومي نزلي ساعدي امي وسجى مو تضلين نايمه

جوريه اتأفأفت وبهل اثناء اندك الباب

فقار منو

منال. اني

فقار فتحت الباب ها منال

جوريه( رفعت حاجب) هاي خطيبته اي والله حلوه ليش اتزوجني جا اهوو نسيت يريد يعرف

الخطفه يارب ينخطف مره ثانيه وارتاح

منال. العفو شيخ اخاف ازعجتك( حجيت بزعل). بس جدي يكول اجو ناس يشوفونك اصدقائك

فقار. اي هسه جاي انتظري لاتروحين (اخذت الموبايل والمسبحه وسديت الباب وطلعت. )شبيج يا منال

منال. شيخ اني اغار اي اغار ليش اتزوجتها

فقار منال ردينه النفس السيره مو وعدتيني ماتدخلين وبعدين مو كتلج زواج مصلحه

منال. واحنه يمتى نتزوج

فقار. قريب بس خل اعرف منو الي خطفني حتى اتصير الفرحه فرحتين ومنها اطلگ جوريه ونتزوج

منال. انت تؤمر شيخي وحبيبي

فقار. يله اشوف جدي

جوريه. (جانو يحجون يم الباب واني اذني ع الباب) ها ياربي شتكول كون يعرف الي خطفه

ويفكني من سجن بيت سلمان( سبحت لبست بدله طويله من فوك مخصره شوي ومن جوه عريضه

شوي لونها اكريمي وبيها ورد ماروني خليت بس كحل لعيوني و وردي فاتح كلش ع شفايفي

ولبست شال ماروني ونزلت واني متردده لكيت فقار كاعد يتريگ هو واخته سجى بس اما البقيه

كلهم جانو كاعدين يمهم ويسولفون اقصد امه وجدته وكل عماته وخالاته ثلاثه وفيلق مال بنات

بعمري واكبر واصغر كلهن باوسني من وره خشمهن وباركلي بس عمتي ام سجاد حسيتها

صدك تحبني ع محبت ابوي

الجده. تعاي بنيتي يمه الگمر تعالي تريگي

جوريه. كعدت اتريك

سجى. يله جوريه اتفضلي صبيت الها جاي

جوريه اكلت واني مستحيه باالكوه احط اللكمه بحلكي احس الكل يتباوع علي

فقار. الحمد الله اخذت نقالي وسويج السياره والنظاره يالله انه طالع في امان الله

جدة فقار وين رايح وليدي

فقار. رايح لديوان شوي وراها اروح على الشغل اشوي

جدة فقار ياشغل يمه اخذ استراحه مو انت معرس جديد

فقار لا حبوبتي اليوم توصل بضاعة السيارات ولازم اجيكها ابنفسي واشوف طلباتنه تدرين

من يوم يومي ما احب العمال وشغلهم

جدة فقار روح يمه اتوكل

فقار. اكول يمه كعدي فارس خل يطلع للشغل.

فارس وانه انزل من الدرج كعدت مايحتاج تكعدني شلونك ياعريس بست من خده وراسه مبروك منك المال ومنها العيال

فقار. الله يبارك بيك ويوم الالك ونفرح بيك يله مو تتأخر هاد شغلك بيد العمال

ام فقار. الله وياك وليدي الزهره ام الحسن تحرصك وتحفضك

فارس. استغفر الله والله كرهت السيارات والمعارض والعمال من وره فقار يااخي حتى على اخيه شديد الله يساعد

العمال عليه

جدة فقار والله زين يسوي بيك انت ماتنطي وجه اذا اتضل على راحتك اتصول وتجول والبيت اضلم

فارس. اي ياعجوز النار بسيطه انتي دومج صافه ويه فقار

جدة فقار ها اشتدرم انت

فارس ها حبوبتي لا اكول حجيج صح انه مو مال واحد ينطيني وجه

ام فقار. اكعد اكلك لكمه وروح الشغلك يمه

فارس يمه جا العروسه وين بس لا بعدها نايمه خوب ليش نايمات للضهاري روحي روحي

كعديها خل تكرب وتتطبخ وتنفخ نساوين تالي وكت نايمات للضهاري الله يرحم ايام زمان

ونسوان كبل اخ اخ (وانه اعض ع صابيعي) ايكعدن من الغبشه غسل وطبخ وخبز حار ويحشن

ويرعن الهوش ويزرعن ويه الفلايح الله يرحم حبوبتي شمه والله يرحم حبوبتي عليه

سجى جان واكف فوك راسي ويحجي واني اكرص برجله اكله اسكت على كيف وهو رفسني

يكلي شبيج العوبه ورجع يكمل حجيه

جدة فقار. ولك موتتني وانه عايشه يالردي وشالت العوجيه عليه

فارس . اها انتي اهنا اقصد اكول الله يخلينه حبوبتي عليه ان شاء الله

جدة ياالغراب طايح علينه درمه من الصبح تنغك البنيه مسيجينه هاي هي كاعده اهنا نزلت وي رجلها

فارس. ها اهنا ماشوفها من الفيلق مال البنات ماشاء الله وبعدين انتن فد حشاشات وماتخافن

الله طحتن ع البنيه حش وگص كله علمود نومة الصبح ماتكولن عروسه ماتخافن الله هسه لو

وحده من بناتجن تحجن عليها هيج اسغفر الله العضيم اعوذ بالله منجن كعدت سريو صبيلي جاي

جوريه باوعتله واني مبتسمه وصبيتله جاي اعوذ بالله جنه عجوز گشره

فارس. اوكفي لا انتي مو سرى سلاماً قولاً من رب رحيم جاي اتشوفون هاي لعيون لو بس انه

خايبين خاف ملاك ونازل من السمه خرب لشت شياطينك شيخ فقار حضك دوم كاعد مشرور

ويرفرف باالهوه جا مثل حضي مكوي ومطبك ومشمور باالكنتور

جدة فقار ولك اذكر محمد على السانك لايصير بااخيك ومريته شي

فارس. اللهم صل على محمد وال محمد صباحيه امباركه ياعروسه خلي ايدج على راسي خل

اخذ بركاتج بلكت اصير مثلج حلو

جوريه الله يبارك بيك حجيت واني اضحك على خفت دمه

منال. اخ ياالقهر بدل مايكولولي مبروك يكولون الهاي بنت الحرام بس شكول يافقار انت قيدتني

بشرطك واني احبك وما اكدر اشوفك وي وحده ثانيه

فارس. يالله في امان الله

الكل الله وياك

ام فقار الله يحفضك اوليدي ويبعد عنك اولاد الحرام ويحرصك من كل عين حاسده

فارس. امين يالغاليه بس شدعوه يهو يحسدني قابل انه جوريه وطلعت صعدت سيارتي جانت

الساعه١١:٠٠الضحى امشي باالسياره وانه اتمتم بلغنيه الي مشغلها جانت غنيه الساهر

صباحكي سكر دك تلفوني مديت ايدي حتى اجيبه بس اااخ صدمت وحده باالسياره خربالحض

نزلت اركض شفت وحده امدده وتصرخ جانت لابسه عبايتها شادتها وزاره (شاده العبايه ع

خصرها)ولابسه بوشي وطالعه بس عيونها وجواريب امقبطه اتقبط لازمه رجلها وتصيح

حوريه ااااخ يمه رجلي ياخايب شبيك ماتشوف من كون عمه لاولابس نضارات الملطم الاعور اخ

يمه رجلي

فارس ماعليج باس خاله ولايهمج هسه اخذج للمستشفى وانه اتلفت اريد تعبر مره بنيه ماكو

حتى تساعدها تكوم للسياره

حوريه وخلخاله تخلل اضلوعك اخ يمه رجلي

فارس اسف خويه مادري كومي خل اخذج للدكتور

حوريه مااكدر اكوم ياالفهيم كسرت رجلي

فارس يالله شسوي

فارس جنفت ارداني ياعلي وشلتها وهي طاحتلي دك عراسي و وجهي

حوريه. نزلني يالسرسري وين ماخذني عيب تكضني ماعندك خوات

فارس خليتها باالمقعد الوره وكلتلها عذريني ياخويه راح اخذج للمستشفى وما لكيت احد يشيلج

شسوي قابل اخليج باالشارع وانت خبصتينه بصريخج

حوريه لا ومارضي الافندي كسر رجلي ويكلي خبصتينه

فارس. ضحكت عليها وباوعت لعيونها باالمرايه وجانن بس هنه طالعات ولونهن اصفر مثل العسل

وكلهن ادموع وهي اتدردم وتغلط علي وصلنه للمسشفى وخليناها بالكرسي المتحرك انه والممرضه

واخذتها الممرضه وتدفع بيها وانه امشي وراها وجان فقار يتصل علي رديت

فقار الو انت وينك يعني موتدري احنه عدنه دفعه من السيارات جايه اليوم وانت اليمتى اتضل

هيج ماعندك مسؤوليه حس انت كبرت يعني شريد اصير انه منا الديوان محتاجني وقضايه العشيره على جتفي ومنا المعرض وانه افتر من واحد لثاني

فارس خويه انه جنت جايلك بس دعمت وحده باالسياره واخذتها للمستشفى

فقار ليش ماكلت هسه انت وين وبيا مستشفى وهي شلون حالتها

فارس هي اظاهر رجلها متأذيه هسه الدكتور يفحصها انت لاتشغل بالك البيك مكفيك عود اذا

احتاجيتك اخابرك

فقار بس اخلص البيدي اجيلك وطمني من اطلعون من الدكتور

فارس صار الله وياك سديت التليفون وانه اسمع الدكتور ايصيح على البنيه طلع السكرتير منو وي

البنيه حوريه كتله ام البركع كالي اي كتله انه كال تعال الدكتور يريدك دخلت للدكتور

الدكتور اخذ مريضتك واطلع براا

فارس ليش دكتور

الدكتور اريد افحصه كلبت الدنيه من الصريخ والله شنو ماتستحي ماعندك عرض شلون ترفع ملابسي تكشف رجلي

فارس ميخالف دكتور امسحها بوجهي هي شوي موصاحيه مرات تضل تخربط ورحت قنعتها

وباالكوه قنعت وفحصها الدكتور وانه داير وجهي لان كشف رجلها واسمعها ادردم بس على كيف

وحجيها ما مفهوم كال سولها اشعه سوينه وطلع عدها كسر بالعضم وكال الدكتور انسويلها عمليه

وهي سمعت وضلت اتصرخ وتبجي

حوريه ماااا يمه والله اخاف ماسوي لو تعلك لو اتطير لو توذن موكيفكم الرجل رجلي

فارس. مادري اضحك عليها مادري انقهر بس صوتها عالي فضحتنه وخزتنا باالمستشفى

خزرتها كافي صووووتج احجي واني صاك ع سنوني احسن تموتين

حوريه خفت منه ضليت ابجي باالزايد حجيت بخوف بس انه اخاف من العمليه اصلا من الابره اخاف

فارس عمليتج بسيطه هسه اخابر على اخوي يجيب اهلج حتى ايوقعون ع ورقة دخولج بس انطيني

عنوانكم ولا اتخافين الله الحافض

يتبع.......