نهوة الشيخ الفصل الثامن عشر 18 - بقلم زينب العبيدي

بنات عذرني ع الكلمات الجمبقلازيه هههه اقصد الاخطاء الاملائيه لان جاي اكتب بسرعه وماالحك اراجع البارت

البارت الجاي ب٩ورا الفطور

#نهوة_الشيخ

بقلم #الزينبيه

البارت#١٦

منتظر. دخلت خليت الصينيه باالمطبخ ما اسمع بس صوت التلفزيون مشيت على كيف لكيت

كاعده باالصاله ومشغله تلفزيون باوعت بوجها ماشافتني باجيه هواي حتى عيونها صايرات حمر

السلام عليكم

سلاسل. مسحت دموعي ورديت عليه بس باالكوه وعليكم السلام

منتظر كعدت يمها كامت بسرعه

سلاسل اصبلك غده

منتظر جريتها من ايدها كعدتها كلتلها اوكفي شبيج يابنت الناس تراج اذيتي كلبي ليش كل

هاي الدموع معقوله الهاي الدرجه انه ما انحب ومكروه لو عندج سبب ثاني

سلاسل. كلت بنفسي اي عندي سبب ثاني بس خايفه اكلك تروح تكول لخواني وجدي ويذبحوني

منتضر. ليش ساكته ترا والله تعبان محتاجج سلاسل. محتاج وحده تحس بيه

سلاسل. سحبت ايدي من ايده اتزوج وجيبلك وحده تحس بيك منتظر اني ما افيدك لان

انغصبت عليك اني ما اريد اتزوج اصلا بس شسوي الحض الي رادني اتزوج

منظر. ولج هستوني متزوج وتكليلي اتزوج وبعدين انطي روحج فرصه وياي وشوفيني واوعدج

اذا ماحبيتيني وماتراهمنه اتزوج

سلاسل كلت بنفسي ااخ العيب مو بيك يبن العم العيب بكلبي الي هاوي غيرك شبيدي

شحطله واداوي كتله يله خل اكوم اصبلك غده وكمت للمطبخ بسرعه

منتظر. اجيت وراها كلتلها خالتي ام مروه جابت هاي الصينيه

سلاسل. ينطيها العافيه

منتظر. ارتكيت ابجانبي على باب المطبخ ومتجتف ويدي الثانيه ع لحيتي اباوع عليها وعلى

الحسن البيها وشعرها الطويل يسحرني وكل مفاتن الانوثه بيها واتحسر ع حضي ليش

تحرمني من عدها

فقار. رحت الاهل لبنيه جان بيتهم طين ومسكوف بجذوع النخل والباب عباره عن صفيحه تنك

ممزقه وحالته تعبانه دكيت الباب

طلع رجال جانت عينه رايحه. (اعور) وايده معرقه ومايحركهالابس دشداشه رصاصي تعبانه وبايده من كد اللبس جان هذا زوج امها

ونعال تكرمون مكطوع ورجليه ماكلهن التراب

زوج امها هلاشيخ اتفضل حياك

فقار زاد فضلك حجي بس اني جاي اخذك وياي

زوج امها ليش وين رايد بيه شيخ

فقار حجي من الاخير اخوي دعم بنتكم وسمعت صوت امها من ورا الباب مجرد ماخلصت

احجايتي وصرخت بصوت يمه حوريه بنيتي

زوج امها اسكتي ياحرمه استحي ولاتعلين صوتج

فقار هدي ياحجيه. ينطيج العافيه ترا بنتكم كلشي مابيها فطر بلعضم وراح يسولها عمليه

وعمليتها بسيطه كلش وشتردون رگبتي سداده

زوج امها اي شيخ ماعليك زود امشينه انشوفها

ام حوريه اروح وياكم ابو ميساء

زوج امها وين جايه وبناتج الي اهنا

فقار خل اتروح حجي هاي هم بنتها وماينطيها كلبها وبناتك هسه اخابر زوجت حامد امريه

تشتغل عدنه تجي يمهن

زوج امها ماتگصر شيخ

فقار خابرت ع حامد ونطيته العنوان كتله يجيب زوجته

فارس. جنت اسولف وي حوريه وهي نايمه ع الجربايه بس كلشي مايبين من عدها واصلاً اني

داير وجهي عنها

فارس. امج وابوج عايشين

حوريه لا ابوي انطاك عمره غرگ بلصيد وامي اتزوجت حتى تلكه واحد يعينها اني وياها بس

الي اخذته رجال اناني انوب احنه الي شلنا مو هو الي شالنه اني اشتغل من الصبح لليل

بلبيوت وامي كاعده تربي بناته عنده ثنين بنات من مرته الي مطلكها وثلاثه من امي كلهن بنات

فارس وانتي الي معيشه هاي العائله كلها

حوريه اي لان هو عينه مايشوف بيها والثانيه والثانيه نضرها ضعيف كلش وأيده معاقه

فارس. انكسر كلبي ع البنيه خطيه كلتلها وحالتكم اشلونها يعني مكفيكم شغلج

حوريه. دنكت وجهي نحمد الله عايشين ومستورين

فارس. زوج امج ليش اناني يعني شلون يتعامل وياج

حوريه اهوو زوج امي ابو فليس اذا جبتله فلوس يسكت واذا ماكو احضر جلدي للزلغه الزينه

ومو بس اني انكتل امي وياي

فارس. اجت الدكتوره

الدكتوره اشصار عليكم كوم ياعيني وقع ورقة الدخول مو من صالحا اتضل اكثر ترا جاي

نضربها مسكنات خل انسويلها العمليه وقع ورقة الدخول

فارس. هس خل اخابر ع اهلها انه ما اكدر اتصرف من كيفي شوي وشفت فقار كلتلها هذول

هم اجو

فقار السلام عليكم

فارس والدكتوره وعليكم السلام

زوج الام ابصوت اشبه بصريخ اااااخ ياحوريه بنيتي اااخ يالقهر ما اتحمل اشوفج هيج وضل

يبجي ويكل الفارس شلون انطاك كلبك اتسوي هيج ببنيتي

فقار. رفعت حاجبي ماعجبني الوضع كلش

فارس. هدي يعمي والله ما ادري مامتقصد الي صار قضاء وقدر

و ام حوريه شبكت بتها وهي تبجي وبنتها تبجي وياها

فقار. ابو حوريه احنه اسفين وانشاء الله الي تردونه يصير وبنتكم راح تتعالج وانه اتكفل

بكلشي لحد ماترجع تمشي ع رجلها وهسه ناخذها المستشفى خاص وع حسابنه هناك يدارونها زين

وفعلاً اخذو لبنيه المستشفى خاص وسولها عمايه وطبعا فقار هو الي تكفل بكلشي اقصد

وكل مصاريف العلاج والعمليه شالهن

بعد العمليه.

فقار. الحمد الله على سلامة حوريه يابو حوريه

ابو حوريه الله يسلمك ياشيخ بس ها بعدها لبنيه ماكامت على رجليها والسموحه منك انه رايد فصل

فقار. هه حجي انت ابن عشيرتي وانه شيخك يعني تفصلني

فارس هلحجي مايصير يابو حوريه

ابو حوريه جا شسوي ياشيخ احنه عايشين على الله ثم على هاي لبنيه مثل ماتشوف اني

صحتي على كدي وعيني رايحه وامها اداري لبنيات لصغار وحوريه راح تنام بلفراش يعني

شلون راح ناكل ونشرب كلت الفصل انعيش من عنده الحد ماتتعافه ابنيتي

فقار ولا يهمك يابو حوريه الفتره الي تضل حوريه بلفراش عيشتك من هاي الرگبه ولاتفكر وبس

تتعافه هم انعوضكم ونطيكم مبلغ الي تريده ترا احنه نعرف الاصول يابو حوريه

ابو حوريه ماتقصر ياشيخ كفو منك ادري بيك اصيل وبن اصول وعمرك ماقصرت ولاراح تقصر

فقار تسلم تسلم يابو حوريه وهسه ارخصني امركم ورا صلاة العشه

فارس. نتئسف منك عمي مره ثانيه الي صار قضاء وقدر ومقدره الله والحمد الله على سلامة بنتك

ابو حوريه لا ياشيخ انت معذور وهاي دنيه الله يحفضكم ويستر عليكم انشوف بيها العجايب

وطلعو فقار وفارس رجعو ع البيت وجدهم صار متصل اكثر من ٢٠ مره وراحو بسيارة فقار

زوج الام ههههههه شفتي شلون طحنه بصيده

ام حوريه شتقصد

زوج الام ولج هذول الي راح يطلعونه من الفكر

ام حوريه والله انت مادري شلون اتفكر بنيتي بعدها ماصاحيه من البنج وانت اتخطط دكول الحمد الله ماماتت

زوج الام انجبي وسدي حلكج اشو انتي مو وجه خير فكر وطول عمرج راح تضلين هيج ولا

تخافين ع بنتج مثل الاحصان مابيها شي اصحه مني

فارس والله مادري الهسه مامستوعب شلون صار الحادث بسرعه وفجئه همزين ماماتت

فقار لاتفكر ياخوي الحمد الله على سلامتك واهم شي البنيه ماصاربيها شي والله لطف بحالتها
بس هذا ابوها مارتاحيتله

فارس هذا رجل امها ابوها متوفي

فقار ع العموم خل ننزل انشوف جدي ترا ضال باله يمك

جوريه جانت الساعه ٦:٠٠العصر كل الخطار الي عدنه راحو عدا عمتي ام منال وبنتها جانو

كاعدين بلحديقه هن وام فقار وجدته وسرى وسجى. اما اني دخلت الغرفتي ما احس نفسي من
عدهم واستحي اكعد وياهم بس ،،،شوي واندك الباب

جوريه منو

منال اني منال

جوريه،،،،،،،

يتبع،،،