نهوة الشيخ الفصل الخامس والعشرون 25 - بقلم زينب العبيدي

#نهوة_الشيخ

بقلم #مولاتي يازينب

البارت#٢٣

حوريه. اجتلي اختي وبيدها ورقه ضامتها بثنين ايديها وتتلفت يمنه ويسرا وخايفه كلش

حوريه. شبيج شنو هاي بيدج

البنيه. طلعت الورقه هاج هاي الشيخ دزاها الج ويكول لحد يشوفها

حوريه. اخذتها وانه ايدي كلها ترجف واتلفت شوي ودخل ابوي ذبيت الورقه بلكاع وخليت رجلي

عليها

ابو حوريه. وهو يباوع البنته الزغيره وين الخمسه

البنيه هاي هي بابا

ابو. حوريه خاف يكلج امشينه نشتري كليله ما اريد اريد اضمها

حوريه. باوعتله بنضرة اشمئزاز كلت بنفسي كبر حتى كبر كل الي يسوي وصرف الي يصرفه

عليه ماكافي لحك لبنيه ع الخمسه

ابو حوريه يله امشي كدامي

طلعت لبنيه وهي بعيونها دموع تعرف ابوها راح ياخذ لفلوس

فارس يله امشينه نشتري

البنيه طاحت دمعتها غصب لا ما اريد اريد اضمها

فارس. باوعتلها امبين مغصوبه من دموعها الله لا يوفقك بس لا اشتريلج اشتريلج اليوم وبنفس

الخمسه كلتلها بالله شو انطيني الخمسه انطتني ياها شلتها كلتلها عليمن اضمينها يهو

ضامن عمره بعد ساعه امشينه نشتري قبل الاذان

ابو حوريه ههههه لا خليها ع راحتها اخاف ماتريد

فارس. على راحتها شنو طفله ونخليها ع راحتها جا من تكبر شلون نسيطر عليها 😏اخذتها ورحت

حوريه دنكت ع الورقه اخذتها فتحتها ياربي شكون كاتب هذا وانه ماعرف اقره واكتب أ،،أ

يادوب اعرف حرف الالف هذا الواكف فوك راسه عمامه هو هذا الاف يمكن والباقي ماعرفله

رحت لختي ميساء لبنيه ام١٤ سنه

حوريه. اشرت الها تجي يمي واجت

ميساء هممم

حوريه لج خايبه تعاي هذا الشيخ الكتلج عليه هبل تعرفينه

ميساء. اي ياهبله اعرفه شبي

حوريه دازلي هذا المرسال ماعرف شكون مكتوب

ميساء شو دجيبي ام حلگ اللين

حوريه خايبه شبيج احترمي شوي انه اختج العوده

ميساء يكول حوريه اريد اشوفج باي طريقه رديلي هسه خبر

حوريه. 😱خايبه هلااا يريد يشوفني

ميساء. اي عادي خلي يشوفج يجوز عنده شي مهم يكوله

حوريه خايبه شلون

ميساء. لاتسوينها معضله حوريه دروحي وشوفي شيريد

حوريه خايبه شلون اوكف وياه واسولف اتخردل

ميساء انتي لاسولفين خلي هو يسولف وانتي كليله اي وصار

حوريه. زين شلون اشوفه وانه اكلج من هسه ابحدي ماروح نمشي انه وياج تقبلين تقبلين

ماتقبلين ماني موليه

ميساء صار بس اوكفي خل اخطط 🤔شوي لكيتها

حوريه اي غردي

ميساء شوفي تعرفين بيت المدرس الي بنهاية الشارع ناخذله ماعون شوربه ونكله لبوي انودي انه وياج

حوريه ابوج مايخلينه انطلع ابره من البيت انوب ماعون شوربه

ميساء انكله حتى يردولنه اياها من طبخهم شي احسن من الشوربه

حوريه ثاريج مو سهله حيل اتخوفين

ميساء. والله انه طبيعيه اله انتي الفطيره ومن اهل الله

وبالفعل نفذن حوريه وميساء الخطه دزن رساله الفارس بيد اختهن الصغيره الي فرحانه

بالحلويات الي ترسن العلاكه

فارس فتحت الورقه وكلبي ينبض سريع ماعرف شنو هذا الشعور الي اعتراني باوعت ع

الكلمتين المكتوبات هسه راح اطلع جن مو كلمتين جن كاتبتلي قصيدة غزل كلبي سبق خطواتي

وراح وراها كمت كلت لبو حوريه من رخصتك

ابو حوريه وين راح يئذن ماضل شي كلها نص ساعه

فارس. لا رايح اجيب عصاير للفطور كلت بنفسي اعرفك ابو فليس تسكت على هيج سوالف

ابو حوريه ماله داعي الخير هواي بس اذا انت مشتهي عصاير روح جيب

فارس اي والله انه متعلم افطر ع العصاير ولك فكني خل اروح كلت بنفسي

ابو حوريه يله ع راحتك اذا تريد اروح وياك

فارس لا عمي خليك مرتاح شصخم بيك كلت ابنفسي ورحت حتى لا يحجي بعد يئخرني جنت

امشي واسرع بخطواتي واتلفت هاي وينها اشرتلي اختها باوعت اي هذيج جانت لابسه بركع

وعبايه وخطيه طالعه ع العكاز الله لا ينطي رجل امج الكومج من فراشج رحت يمهن كلت السلام

عليكم وانه غاض نضري عنهن

ميساء طكيتها بكوعي وكلت وعليكم السلام

حوريه مو انتي كلتيلي لاتحجين بس اي وصار

ميساء عضيت اصبعي حيل اخ يالثولان العندج الولد جاي يسلم ردي عليه

حوريه ها وعليكم السلام

فارس. حوريه انتي شكومج من فراشج ترا بعدها عمليتج خضره وموزين تمشين على رجلج

حوريه. اي

ميساء الله لا يوفقج ولج ردي

فارس. انتي ردي عنها

ميساء ههههه ابوي الله يسامحه جبرها اله تكوم

فارس. حوريه ما اعرف شلون احجي وانه ماعندي لف ودوران ولا اعرف اصفط حجي ولا اشعر

وسوالف العشاگ بس وداعت صيامي حبيتج من يوم الصرتي كبال السياره ودعمتج وصرت

احمد الله على يوم الحادث الي عرفني بيج

حوريه امشينه امشينه ميساء مو اكلج هذا موش طبيعي

ميساء طكيتها بكوعي خايبه صبري احجي وانه صاكه على سنوني

فارس. شوفي حوريه الي حبيته بيج فطاريتج وطيبت كلبج وعقلج الي مال زمن اول ماعندج

تفكير هذا الوكت هلشي يخليني موبس احبج اعشق حتى تراب جدمج حوريه انه شاريج بس

عندي مشكله انه رايدج على سنه الله ورسوله بس جدي راح يعارض لان مايرضه ناخذ غرب اله

من عدنه وبينه فكري وياي حوريه فكري شسوي انه فكرت بخطت ابوج الي كلتيلي عليها

ولكيتها خوش حل حتى نجبر جدي واتزوجج وتصيرين الي

ميساء حوريه ردج

حوريه. 😱شيخ انه ما اعرف شنو الحب حسبالي هاي سوالف المسلسلات ثاري طلع موجود

على الحقيقه شيخ انت ماتتعيب وانته تسواني وتسوه طوايفي يعني انه مو من عدكم وبيكم مو

من مستواكم روح شوفلك الاحسن مني مو بس جدك المايرضا الدنيه كلها راح تعارض يعني

انه الي لا اعرف اقره ولا اكتب وكاضيه عمري اشتغل عند الوادم وكاعده بياخور طين اخذ حفيد

الشيخ سلمان مره وحده

فارس رفعت عيوني باوعت الها حوريه تدرين انه ما اهتم الهاي المستويات وما اهتم الحجي

الناس كلش انه هسه ما اسمع بس صوت كلبي وهو يدك بسمج حوريه يعني لو هذا المركب لو

مااركب لو انتي لو ما اخذ بعد غيرج

ميساء. هنيالها التاخذك شيخ واكيد حوريه محضوضه بيك بس شبسرعه كبر هذا الحب

فارس ياخويه شكلج الي مثل حوريه ماكو بهذا الزمن وانه حصلت وحده شتردين افلتها

حوريه 😳

فارس اكول حوريه روحي للبيت اذا اتضلين هيج راح افطر من وراج يمعوده احجي راح تجلطيني

حوريه كتلك الف وحده تتمناك وانه وحده منهن يله ميساء ساعديني خل نرجع من البيت

فارس شكيت الحلك ضحكه من الذان للذان واباوع عليها راحت تمشي بالكوه وحذت كلبي 🙈🙈

وياها نسيت روحي وضليت واكف بمكاني لحد ما اذن رحت اخذت عصير بسرعه ورجعت ع
البيت

ملاحضه* قد تكون نضره واحده ينضرها البشر الى الطرف الاخر لكن لايعلم خبايا واسرار
تلك النضره قد نعتبرها نضره لاكنها فلواقع اجبال من الحب والعشق والهيام هذا مانسميه حب من النضره الاولى

في نفس الوقت

جوريه حضرت الفطور وكملت

جدة فقار. خايبه العصه كعدي رجلج يتفطر

جوريه صار هسه اكعده شوي ودخلت علينه منال بيدها صينيه شكبرها متروسه اشكال الااكل

منال السلام عليكم

جوريه 😒 وعليكم ماشاء الله هذا كله المن😒

منال. هاي اشتهيتهم الفقار

جوريه هممم فطورفقار افه ياكل هذا كله

جدة فقار. اي والله مادري يجوز افه وانه مادري كلت ابنفسي يخايبين مادري ليش ما ارتاح الهاي السعلوه

منال. هههه هاي شبيكم خلو ياكل عليه بالعافيه اله هو وين

جوريه كلتلها نايم هسه اروح اكعده

منال. خليني اني اروح اكعده

جوريه لا انه بالمره اريد اصعد ابدل ملابسي كلهن طبخ

منال همممم يله كعدي اسلم عليه واروح

جوريه. صعد واني عاوجه خلقتي واقلد عليها😛😑 دخلت للغرفه جانت كلش

ضلمه ماعرف وينه اوين نايم صحت عليه فقاار 😒اكعد راح يئذن المغرب اجاني صوت من وراي

فقار هاي انه كاعد

جوريه يماااااااا 😠 انت منين طلعت

فقار اسم الله شبيج ماشفتيني من صعدتي مو كاعد اكبالج اصلي بالصاله

جوريه هاااا لا ماشفتك 😒

فقار حقج صعدتي وانتي تعيبين وكالبه خلقتج ومادري شدردمين مندمجه هواي عليمن بالله

جوريه. هاا يبووو والله فشله كلت ابنفسي كتله لا جنت اجرب حركات بوجهي بعدين انت شكو

فقار. همممم صدكتج

جوريه حجيت واني الف بكذلتي اجت شسمها هاي خطيبتك اووي وع ماعرف شنو اسمها

فقار اتبسمت اسمها منال حجيتها أبطئ

جوريه اي اي هي هاي جايبتلك اكل كووود ماعرفه يمكن حاسبتك افه

فقار لزمي اللسانج لا اكصه واخلي بيدج منو أفه

جوريه طلعت اللساني ولزمته كتله هاي لزمته

فقار. عفتها ونزلت مادري شبيها تخبلت اليوم

منال. هلا شيخ شلونك عسى ماتعبان من الصيام بس

فقار. بخير الحمد الله لا لاتفكرين الصيام حلو مايتعب التفتت ع حبوبتي ها حبوبتي شخبارج

جدة فقار والله ياوليدي انه بخير بس هاي السعلوه خطيبتك جايبتلك اكل مال عشيره

فقار انعم الله ع البنيه اكيد ما حاسبه حسابي بس وهذا من زيناتها حجيت وانه مبتسم ابوجه

منال

منال. مشكور ياشيخ انت الزين واصله

جدة فقار يله خايبه العصه تعاي تعاي جيبي اللبنات والتمرات خل نفطر اذن ماترحين البيتكم يمه لو

تفطرين ويانه ولا اكلج روحي خاف اهلج يدورونج

منال. ها لا لا اي رايحه

فقار لا بويه خليج وين رايحه

منال. لا والله اني ماكلتلهم افطر يمكم

فقار خليج هسه انه اخابر عليهم

جوريه 😒 صبيتلهم تمر ولبن وشوربه وفطرنه وبعدها صلينه وتفطرنه كل احنه

فقار. جان عندي كعدة عشاير ورا الفطور صعدت الغرفتي وصحت الجوريه

منال. باوعتله شلون صعد صاحلها اتمنيت اني ابمكانها ياربي اشوكت اصير يمك وتخلص
معاناتي

فقار جوريه حضريلي ملابسي راح ادخل اسبح

جوريه يعني شلون احضرهن هنه امحضرات من كيفهن بالكنتور اسبح والبس

فقار حجيت بصوت عالي انتي ليش ماعندج اسلوب ماتعرفين تحجين لزمت ايدها حيل ولج انه

مامتعود تنكسر حجايتي ولا احد يعلي صوته علي ولا انرفض رخيت على ايدها بعد ماجنت

قابض عليها حيل جوريه خلينه انعيش مرتاحين مثل كل ثنين مزوجين جوريه قسم انه احبج

جوريه غمضت عيوني بحركه وفتحتهن شي بداخلي يكلي رفضي ولا ادورين مصلحتج وشعور

يدور بكلبي يدك مثل دكات كلبي من يسمع هذا الحجي الحلو كتله لا مانعيش ابحلامك بس

اذا تحبني انت حر بس اني بعمري ماراح احبك

فقار جوريه متئكده اخاف عندج شعور ثاني

جوريه لاااا عينييي متئكده من شعوري

فقار هم ميخالف راح انطيج مهله بقية هذا الشهر حتى تفكرين ما اريد اتعامل وياج بسلوب

ثاني لحد ما اتئكد منج صدك ماترديني

جوريه. كافي عيني اشوفك هواي ذليت نفسك

فقار لزمتها من ايدها ولويتها ورا ضهرها ولج ماعاش ولا صار ولا كان الي يذلني بيوم صدك

حبج مله كلبي بس ما راح يذلني دفعتها بالكاع ودخلت للحمام دخلت وانه متكهرب من

حجاياتها كل مره اتسمعني حجي يغث اكثر من المره الاوله بس لاء اله اندمج جوريه وراويج

فقار على حقيقته فقار القاسي الصلب على كد ما احبج راح اندمج على كد ماعشكتج راح

ابجيج انه اذل وما انذل

شلت خشمك حبيبي عود اطخلك راس
وغلات امي حبيبي انت تتمنـــــــــــه
عندي كبرياء بكبر هذا الكـــــــــــون
الهوى لو شال خشمه يحلم اشمه