نهوة الشيخ الفصل السابع والعشرون 27 - بقلم زينب العبيدي

#نهوة_الشيخ

بقلم #مولاتي يازينب

البارت#٢٤ تكملت البارت

جوريه جنت كاعده اتباوع ع التلفزيون يم جدة فقار ع مسلسل كوميدي وسمعنه اطلاقات النار

الي حركت الجو كلبي وجعني يمه شصاير

جدة فقار يمه ولدي وضربت ع صدرها بثنين ايديها وخذت العوجيه وراحت

جوريه تبعتها واني اركض

جدة فقار حاااامد ولك يمه حامد تعال شوف عمامك وين

جوريه بس ماوصلنه اي رد لا من حامد ولا من غيره ونسمع هوسة الزلم بالشارع

جدة فقار. درت ع جوريه ولج ركضي جيبيلي عباتي

جوريه. جبتلها العبايه وجبتلي وحده

جدة فقار لا انتي ضلي هنا

جوريه لا حبوبتي فدوه خل اطلع اشوف اشصار

جده فقار بعصبيه وهي تلوح بلعوجيه كتلج ضلي وين مهبته وياي والزلم تارسه الشارع

جوريه هزيت راسي بخوف كلتلها خوش بس فدوه حبوبتي كليلي شلي صار

جدة فقار طلعت ولكيت امة الثقلين مكلوبه بره وشفت وليداتي الدم غاطيهم وياهم خمس ازلام

ضليت اصرخ وادك ع راسي حاجاني فقار وبالكوه يحجي

فقار حبوبتي دخلي جوه وديري بالج على جوريتي يحجي ويتلفض بانفاسه

جدة فقار. واني اصرخ وابجي يمه منو الي سوه بيكم هيج يمه شكل لمكم شوي وشالوهم كلهم

بسيارات وخذوهم للمستشفى

جوريه جنت اسمع صوت جدة فقار وهي تصرخ وتكول شكل لمكم بشعور لا ارادي ضليت الطم

على وجهي بكل قوه واصرخ يمااااا فقاااار لا ولك لاتموت

جدة فقار شبكتها وهي تصرخ وتبجي يمه هدي فقار حاجاني اوصاني بيج 😭مابي شي يمه

امشي روحي ادعيلهم الليله استشهاد الامام علي وانشاء الله بجاه هذا اليوم يطلعون وليداتي

سالمين

جوريه. وصاج علي واني اصرخ وادك على وجهي حبوبتي شكلج

جدة فقار واني ابجي يكلي ديري بالج على جوريتي

جوريه. زدت بالبجي وكطعت شعري يمه يحبني رغم كل الي سويته بي رحت اصلي وادعي

وابجي ياربي دخيلك طلعه الي من هاي الشده بحرمة هذا اليوم عندك ابجاه وليك وحبيبك

علي يارب هلكد اني احبه ومادري بروحي

منتضر وصلني الخبر الي صار ابفقار وفارس والاعتداء الغادر عليهم جنت خايف اشلون اكل

السلاسل بس لازم اكلها اخاف يموتون وهي ماشايفتهم

علي بويه امشينه اروح وخل ناخذها ومن نوصل للمستشفى انكلها

منتضر لا بويه وين ناخذها للمستشفى هاي تفضحنه اهناك اكيد هسه زلم تارسه المستشفى

خلي اخذها البيتهم واواصي جوريه عليها

علي يله مشينه

منتضر دخلت للبيت جانت الساعه ٢:٠٠ صحت على سلاسل

سلاسل. نعم

منتضر امشينه اوديج الاهلج باجر انه طالع للزياره انه وابوي انتي خو ماتضلين وحدج

سلاسل على راحتك بس لحضه على ما الم ملابسي

منتضر يله بس استعجلي شوي اخذتها والاهلها وجان الديوان مكتض بالزلم واصلين النهاية

الشارع

سلاسل. ضربت على صدري يمه شصاير جدي بي شي

علي. لا بويه اخوانج صوبوهم وهسه هم بالمستشفى روحي بويه روحي نزلي

سلاسل. ضليت اللطم وادك يماااا فقااار يابويه يافارس

منتضر نزلت من السياره نزلتها صوتج قضحتينه كتلج مابيهم شي بالمستشفى ماماتو يله نزلي

سلاسل نزلت ودخلت للبيت لكيت حبوبتي كاعده تصلي وتبجي طحت بحضنها واني ابجي

حوريه جنه كالعاده متجمعين انه وخواتي وامي وزوج امي برا البيت دخلت علينه الساعه

ب٣:٠٠ باليل قبل لاذان بنص ساعه تقريباً

ابو حوريه يله يا ام حوريه جا وين السحور

ام حوريه كايمه راح اصب

ابو حوريه تدرين اشصار

حوريه باوعتله بهتمام مادري ليش خايفه من اعلومه الجايبهن

ام حوريه اشصار

ابو حوريه. الشيخ فقار واخو شيخ فارس هذا الي يجينه الي دعم حوريه

حوريه بهتمام اي شبيهم

ابو حوريه اتصوبو برصاص غادر هم وخمسه من ازلامهم

حوريه. ضربت ع خدودي بقوه يمه

ميساء. كرصتها بيدي هش لاتفضحينه مسحي ادموعج

ابو حوريه وانتي عليش تبجين

ام حوريه بعد عليش تبجي اكيد نبجي على هذا الشاب الي بعمر الورد يمه اسم الله عليه وعلى

شبابه

ابو حوريه اي والله احنه اخلافه لاناكل ولانشرب واذا مات معناتها راح علينه الاكل والفلوس

والدلال

حوريه اسم الله الله لايكولها حجيتها بخوف واضح بصوتي وعيوني

ابو حوريه اشوفج حيل مهتمه ابفارس

ميساء بويه وشلون ماتهتم بعد زلمه خير وكل احنه مقهورين عليه يارب كومه بالسلامه بحق هذا

الشهر الشريف بحق مصاب علي ابن ابي طالب

حوريه بحركه امين ربي

ميساء كرصتها كلتلها هدي وكلت وراها اي والله امين يا بي حجيتها بنفس الحركه مالتها حتى

اضيع على ابوي

حوريه. حجيت كلتلهم اني بطني يوجعني وبدت ادموعي اتصب واني اجذب عليهم هاي

دموعي على فارس ولو ابجي كل ادموعي ماراح ارتاح

ابو حوريه. خايبه شبيج راح تموتين من البجي ترا مو حسبالج اخذج للمستشفى ولادينار

ابجيبي ضلي موتي بوجعج

ميساء بويه اخذها للمستشفى وبالمره روح شوف فارس وانه اضل يم حوريه بالمستشفى

ابو حوريه وشيوديني الفارس هسه بهذا الليل

ميساء بويه حتى يكول اجاني واذا الله شافاه ماراح يقصر وياك ترا هو ايده مو اله

ابو حوريه هم صحيح يله ولج لبسي عبايتج

حوريه لبست عبايتي ابسرعه وضليت امشي على رجلي بدون ما احس بالاامها احس روحي

راح تطلع على ماوصلنه للمستشفى دخلنه للمستشفى ودخلني ابوي للدكتور كتبلي الدكتور

على مغذي ومسكن ورحت الردهت النساء علك لي المغذي كلت الميساء بسرعه لحكي ابوي وين

يروح خليني اندل فارس

ميساء لحكته وشفته دخل من الجها الثانيه وتبعته بدون مايشوفني بس جانت خارج الصاله

عباره عن اكوام من الزلم ماخلو ابوي يدخل حاله حال الواكفين كلهم الي نتضرون الااخبار

ابو حوريه رجعت

ميساء رجعت قبله وانه اركض كلت الحوريه عن مكان فارس

يتبع،،،،،،،