نهوة الشيخ الفصل الثاني وثلاثون 32 - بقلم زينب العبيدي

اكول هذا بارت لعيونجن 🌹

وسوال شوكت اتنامن يعني الحك اكتبلجن بعد واحد لولا😏

#نهوة_الشيخ

بقلم #مولاتي يازينب

البارت#٢٩

جوريه. دخلت بيت ام مروه بعد مادكيت الباب واستقبلتني خالتي ام مروه احسن استقبال اجتني مروه تركض

مروه. ياهلا بجوريتي وشبكتها

جوريه لزمت ايديها بقوه وخرتها يانذله ياحقيره اتوقعت كلهم يئذوني اله انتي ولج ليش

اشسويتلج انتي مثل الثعلب مكاره وما الج صاحب

مروه شبيج جوريه ليش تحجين هذا الحجي

جوريه التفتت ع خالتي ام مروه خاله تدرين جنت اجي اكل البنتج الي هي صديقت عمري

الوحيده جنت اجيلها واكلها والله تعبت عذبني ضميري لان رجلي يحبني واني رافضته علمود

اخوي وراحته جانت اتكلي اي ضلي اتعاملي ويا ابقساوه حتى يطلكج لان اخوج وابوج

متئذين حيل لا احد ينضف الهم ولا يسويلهم اكل وحتى ملابس هم يغسلون جنت ابجي

واتحسره وهي اتشوف ادموعي وتضحك واني ازيد بقساوتي على زوجي الى ان خسرته وراح

انزوج غيري شفتي ياخاله نذالت بنتج اخوي يكلي ان مرته مامقصره وياهم كلش واني شفت

هذا الشي بعيني بيتنه نضيف ومرتب وغرفتها جنها غرفت وحده عروسه وهذا الشي دليل على

نضافتها ورتابتها ترضين ياخاله ترضين هاي الي سميتها اخت هيج اتسوي بيه بس لا التفتت

ع مروه ابذمتج كل الي سويته ابفقار وبذمتج خطيتي وعذابي ودموعي وسهر ليلي روحي الله

لايسامحج وما ابريلج الذمه للموت وطلعت من بيتهم واني افور من الغضب الله لايوفقج يامروه

خربتي حياتي ماخليتيني اعيش يوم حلو وي حبيبي

منتضر ها ارتاحيتي ذبيتي كل العندج هههه

جوريه. اخ يامنتضر لوتشوف جرح كلبي ماتصورتها اتسوي هيج ابد

منتضر حبيبتي جوريه ماتستاهل اتضوجين عليها ومسحي ادموعج وانسيها هاي حثالة البشر

اتصدكين ولا يوم ارتاحيت الها

جوريه اف حسبي الله ونعم الوكيل عليج يامروه

ام مروه لا يانذله ياحقيره ولج هيج صويحبتج وخيتج وسنين انتي وياها اطلعين للمدرسه

وترجعين وادخلين بيتهم وتاكلن سوه وشربن سوه هيج اتسوين بيها ليش بالله كليلي ليش

مروه. يمه والله ما قصدي أئذيها بس اني ما ادري ليش هيج سويت كلت ابنفسي كله منك

منتضر كله علمودك هيج سويت وانتي السبب ياجوريه انتي الي زرعتي منتضر بكلبي هسه

اجيتي اتلوميني لان اريد حبي الي كبرتي ابكلبي

ام مروه. انتي مو انسانه انتي شيطان وماقدرتتي معنى الصداقه ولا العشره ولا الخوه الي

بيناتجن هواي نزلتي من عيني يابنت بطني

جوريه. جانت الساعه ب ١٠:٣٠ وصلنه البيت شيخ سلمان جان اكو هواي زلم واكفين يم

الديوان ردت المح فقار من بينهم بس مالكيته

منتضر نزلي ودنكي راسج وغطي وجهج زين بالعبايه وصيحيلي سلاسل

جوريه اكول خويه انت ليش ما اجيت للعرس ماعزموك يعني

منتضر لا عزموني بس انه شكيت البطاقه وذبيتها بالزباله مايستاهلون انواصلهم

جوريه. على راحتك ياخويه الله وياك

منتضر ناديني سلاسل

فارس. السلام عليكم

منتضر وجوريه وعليكم السلام

فارس اشلونك ياخوي

منتضر الحمد الله انت شلونك

فارس نشكر الله بخير اله ليش ماشرفتنه انت وعمي

منتضر. مو مال نجي يافارس والكلوب حاقده علينه

فارس. لا ياخوي ياحقد التحجي عنه احنه اهل انشاء الله تعالي وين مدرعمه انتي

جوريه. ادخل للبيت

فارس تعالي ماتشوفين الزلم تارسه الباب

جوريه. هم يم باب الديوان اني ادخل للبيت

فارس لاياشيخه ماشوفينهم واصلين يم الباب تعالي اني ادخلج

جوريه. امري لله حكم القوي ع الضعيف اتانيك

منتضر. ترا جوريه بنت زلمه لاتخاف عليها اتشرف الشرف وتمشي ابين الزلم

فارس. ونعم والله بس ميخالف اني اخاف عليها وهاي وصية الشيخ فقار كل احنه اندير بالنه عليها

منتضر كفو منك يابن العم وياك نادي الحرمتي

فارس. تدلل يله تعاي انتي وراي ونزلي راسج بالكاع وحطي العبايه على حلكج

جوريه لاتوصي حريص اعرف

فارس. فديت ليعرفون والله

جوريه. دخلت للبيت ورا فارس وجان عدهم كومه نسوان سلمت عليهن

جدة فقار ها يالعصه اشوفج اجيتي

جوريه. غير هو بيتي ليش وين تردوني اروح

ام منال. تهي بهي بيتها اكول ترا الشيخ اتزوج تدرين لا

جوريه اي اعرف اتزوج بس هو ماله غنه عني والايام راح تثبتلج اله اشلونها منال طلعت حلوه

جدة فقار قابل هلسعلوه تطلع حلوه مثلج يالعصه

ام منال. عيب ياعمه تحجين على بنتي

جوريه خليت ايدي على حلكي وضحكت

جدة فقار. تعرفين بيه لبكلبي على اللساني

ام فقار لا خيه ام منال تعرفين امي تحب تمزح هواي لاتاخذين على خاطرج

جدة فقار. حجيت على كيف ماني مازحه والله

جوريه. سمعتها وفتحت عيوني على كبرهن واني اضحك والله ماتنجرعين ياعجوز النار

ام فقار روحي صعدي يمه الغرفتج ونزعي عباتج وتعاي ساعدي البنات بالمطبخ

جوريه. صار. خاله

ام فقار حجيت ابنفسي شهل ادب النازل عليها لا يكون انكسرت عينها بعد ما اتزوج رجلها

الله يديم طيبتج انشاء الله

جوريه. صعدت الغرفتي جانت غرفتهم اكبال غرفتي كلش باوعت لضوه من جوه الباب امبين

مشتغل اتحسرت شلي خلاني ما امنعك يافقار وانت ردت احجايه بس تطلع مني اي غلطت

يافقار بس والله مو ذنبي اني حبيتك وتمنيتك الي بس الي كرهوني هم الي الي ضلموني

وضيعوك من ايدي دخلت اني الغرفتي ذبيت عبايتي ولبستلي دشداشه شوي مخصره جانت

بيضه ومن جوه بيها ورد احمر ناعم خليت مكياج الاول مره بعد زواجي جان دافع الغيره الي

يخليني اسوي هيج وعدلت شعري سويته ذيل احصان نازل كلش وتعطرت وخليت شال على

امتوني جنت اسوي هيج

وكلبي محترك ليش. خليته يتزوج وهو يحبني وشراني وما راد غيري حسبي الله ونعم الوكيل

عليج يامروه غشيتيني وخدعتيني واني الغشيمه صدكتج طلعت من الغرفه وسديت باب الغرفه

حيل حتى يصير صوت وبلكت يطلع فقار وضليت امشي بخطوات بطيئه واتلفت ع باب غرفتهم

ائيست وبديت انزل الدرج

فقار جوريه

جوريه كلبي رجف من صوته والتفتت عليه بابتسامه كأنما اول مره اشوفه

فقار. ضليت صافن ابوجها ا ول مره اشوف جوريه ابهلجمال رغم هي جميله هواي بس اليوم ما

اوصف جمالها فرحت كلش من شفتها لان جنت طول اليوم بالي يمها كلتلها انتي شلي جابج

جوريه صعدت وصرت يمه كتله واني اعصر بصابعي منتضر جابني اجه يريد ياخذ زوجته

وكلي اوديج واني كتله اي

فقار اي هذا هو درت وجهي ورحت للغرفه واني لارجله ولا كلبي مطاوعاتني اسوي هيج بس

لازم اكسره الخشمج اليابس واذلج مثل ما وعدتج

جوريه. نزلن دموعي واني اشوفه متوجه للغرفه وعايفني حقك يافقار مالومك اني سويت بيك هذ

الموقف هواي مسحت ادموعي ونزلت

جدة فقار اللهم صل على محمد وال محمد خايبين هاي العروسه لو جوريه

جوريه ابتسمت الها ☺️

جدة فقار همست الها صدك الخوف يعدل الشوف

جوريه اي والله ياحبوبتي من خسرته اله حسيت بقيمته

جده فقار لا خسرتي ولا شي الشيخ ميت عليج والدليل اليوم حتى ماضحك بعرسه

ام فقار اخذت جوريه وجريتها للمطبخ ولج يمه هاي شمسويه بروحج ولج خاف يطكونج عين

جوريه شسالفه ياخاله

ام فقار نزعت اكلاده من ركبتي جانت ناعمه كلش بيها كف اصغير وبيها عين وشذره زركه مال

حسد هاج يمه خلي هاي بركبتك انشاء الله الزهره ام الحسن تحفضج

جوريه اخذت لكلاده وبستها ع راسها سامحيني ياخاله سامحيني اذا فد يوم اتجاوزت عليج

او عليت صوتي اعتبريني طفله وخطئت وادري ان كلبج جبير

ام فقار. مسامحتج يايمه اصلاً انه اكدر ازعل عليج ووليدي روحه بيج

جوريه. جانت كل احجايه الي يذكرون بيها حب فقارالي اتندم ابكد انفاس الخلايق واعض

صابيعي واتحسر علي ادري بي مو سهل وما راح يسامحني بسرعه رحت يم سرى وسجى

ومرة حامد اساعدهن ونسوي جاي وماي وعصير وهي السوالف وفجئه وسمعنه صوت الهلاهل

والهوسات وحزت بكلبي هوسه وهمه يكولون (( هاي الرادها وهاي التمناها بنت الشبخ لبن

الشيخ جبناها)) جنت ابدي اصرخ واكلهم لا لا رادها ولا تمناها رادني الي اتمناني اني طلعت

من المطبخ حتى اشوفه شفته طالع من باب الصاله وهو رايح للديوان وسمعنه اصوات

الهوسات والائهازيج ولاطلاقات الناريه كلهم فرحانين بس اني ياربي اتمنى بهذ اليوم اموت

شويه وصعدت ام منال جابت بنتها واجت

جدة فقار أههه ولويت حلكي اجت السعلوه الخضره ام الليف ويهد الهل جهره

جوريه جنت اباوع الها من فوك ليجوه اكيد فرحانه هي ما الها ذنب بس اني جنت كارهتاها

بينت الضوجه بعيوني كلش بحيث الكل انتبهلي

يوم ثاني

جوريه كعدنه من الصبح جانوالناس يجرون شي تدخل وشي تطلع بعد شيوخ ومعروفين

والزلم كلساع جاين هوسات من غير العشاير يهنون الشيخ فقار ام النسوان يدخلن علينه

بالهلاهل وردات الاعراس جانت منال لابسه ملابس كلش حلوه وكاشخه ع الاخير وابتسامتها

شاكه وجها هنيالج ع فقار وهنيالج ع هلفرحه اذا هذا هلشي يسعدك يافقار الله يديمه ماشفت

فقار اله الساعه ب ٣:٠٠الضهر

فقار دخلت وعيوني ادور جوريه ليش كلبي وياج ليش روحي تريدج شبيها منال اشناقصها

حلوه وجميله وطويله وشعرها حريري وطويل بس ليش كلبي وعقلي ودمي ورحي كلها تريدج

ياجوريه

جوريه. شفته صعد الدرج وقبل لاتصعد منال رحت ورا

جوريه. مبروك فقار

فقار التفتت هاي انتي هنا

جوريه ليش جنت ادورني يعني

فقار لا بس ماشفتج ع العموم الله يبارك بيج تكدرين اتصيحيلي منال

جوريه فقار كافي

فقار كافي من شنو

جوريه كافي يعني اليوم انت يمي

فقار فقار باوعتلها بتعجب ورافع حاجبي وبداخلي فرحان واضحك ماجن كلتلي هاي احجايه

جن امتلكت الدنيه كلها كلتلها بس انه عريس وهي عروسه جديده يعني اقل شي اضل يمه ثلاث ايام

جوريه فتحت عيوني ع كبرهن ثلاث ايام بس وين العدل بهذا الشي مو حرام عليك الله يكول لازم تعدل

فقار جنت لازم الابتسامه بالكوه حتى لاتنرسم على وجهي كلتلها بس انه جنت ايام هواي يمج

ماجان يهمج هذا الشي

جوريه فقار خل اشرحلك موقفي والله اني اسفه

فقار كاطعتها صيحيلي منال

جوريه. انطيني مجال احجي وياك فقار

فقار كتلج صيحيلي منال

جوريه. ابزعل ما اصبح وما اصيح روح صيحلها انت والله خوش صيحيلي ست الحسن تجي

تنام يمي من كون انشاء الله الدرج اتفلش كبل لاتصعد هي وعفته وصعدت الغرفتي بسرعه

فقار واخيراً اطلقت العنان الضحكتي والفرحتي حل تستاهلين وبعد وبعد اذا ما اتوبج صعدت

فوك ولا همني منال ولا غيرها كافي الي سمعته من جوريه يخليني انتعش وافرح

منال. جنت واكفه اتانيهم يخلصون حجيهم ولمن عافته وصعدت بزعل فرح كلش اصلاً اول

مره اشوفه يضحك بهاي الطريقه اخ لو اكدر اخذ مكانج بكلبه هنيالج لج من عيونه تبين ان يعشق حتى انفاسج

حوريه ولج ميساء مو علساس ابوج اليوم يروح البيت الشيخ اشو ما راح

ميساء واني شيدريني ليش ماراح اخاف ناسي خل اروح اذكره ولو هو ماينسه شي بي فلوس

ميساء. بويه اشو مارحت البيت الشيخ علمود شغلت حوريه

ابو حوريه اتاني الرجال يجيبلي تقارير مزوره وهو وعدني العصر يجيني وهو جايبهن

ميساء اها حسبالي نسيت كلت اذكرك

ابو حوريه والله يابويه اتمنيتج انتي المدعومه حتى تاخذين هذا الشيخ مو الهاي الخايسه حوريه

ميساء. يله بويه كلشي بالقسمه والنصيب اهم شي انت تستفاد من وراهم

ابو حوريه اي على كولتج

سلاسل منتضر.

منتض واني ستوني اريد اناام همممم

سلاسل. اريد اروح الاهلي امس ماخليتني اشبع منهم يعني عرس اخوي معقوله اجيت من العشره واخذتني

منتضر شسوي. ماعرف انام اله وانتي يمي

سلاسل. اوكي اروح هسه واجي بالليل

منتضر فتحت عيوني باوعت الها العصر اوديج

سلاسل لا هسه فدوه منتضر

منتضرشنو المقابل

سلاسل شتريد اسويلج

منتض ماريد شي اريد بوسه بس

سلاسل. لا مستحيل

منتضر. سلاسل طفي الضوه وطلعي بره

سلاسل. لا فدوه منتضر

منتضر اني خيرتك ف اختاري

سلاسل خوش اني اخابر فارس يجي علي لاتوديني انتي

منتضر هه وفارس يكدر ياخذج منا وانه ماراضي

سلاسل اووووف ياربي منتضر لاتذلني هيج

منتضر اشو كومي لج كومي طفي الضوه وطلعي بره انه تعودت عليج انتي صنم

سلاسل واني الدمعه بطرف عيني خليت ايدي ع الضوه طفيته،،ورجعت وشغلته يله يله راح ابوسك بس بكيفي وين ابوسك

منتضر لا عيني هلشي بلذات بكيفي انه

سلاسل. منتضر كافي عاد راح ابوسك براسك وفضها

منتضر. اي مو انه ابوج لو جدج سلمان الشايب العايب وتبوسيني براسي تعالي ابوسج انه

وجنج ماتدرين وسوي روحج ماراضيه

سلاسل. طاحت ادموعي انت تتقصد اتذلني

منتضر والله عاد ماطالب منج معجزه روحي و روحه لهلج ماكو اله بعد شهر وحتلو تبوسيني هم

ماترحين طلعي بره وطفي الضوه

سلاسل. لا لا يله خلاص راح ابوسك وين تريد ابوسك

منتضر اشرت الها ع شفايفي هنا

سلاسل لا ياربي لا بخدك عفيه
ف
منتضر الاخر مره اكلج وبعد صدك ماترحين اوكي احجي واني كلي برود والله وجبت راسج ياسلاسل

سلاسل. اجيت اتقرب منه واني كلي تردد خطوه تقدمني وخطوه تركعني جنت كارها اسوي

هذا الشي شديت ع قبضاتي حيل وسديت عيوني كل قوتي

منتضر رغم جان الي تسوي من حركات يضوجني بس ما اضيع علي فرصة عمري سحبتها وهي مغمضه

وبستها

سلاسل جنت احاول ابعده عني بكل قوتي بس ماكدرت جان اقوه مني

منتضر ماحسيت ع روحي جنت اتمنى هاي البوسه ماتنتهي طول العمر احبها النذله وهي حارمتني

سلاسل. خرمشته بيدي حيل

منتضر اخ خرب لشتج لزمت ايدي ودفعتها من الجربايه ماترحين لهلج

سلاسل ضليت ابجي يعني انت مو رجال ومو كد احجايتك

منتضر. غصبن عليج راجال وكد احجايتي يله ولي لبس عبايتج وخابري ع فارس ياخذج اني اريد انام

سلاسل. نضوري فدوه ليش هيج اتسوي بيه

منتضر منو نضوري هذا

سلاسل. انته

منتضر يعني اكو بوسه ثانيه

سلاسل لاااااا

منتضر وجعا اناملي ساعه وكعديني تعبان كلش والله. اذا اخذج ادعمج بشارع لو تاخابرين

على افيرس واذا كلش كلش انطيني بعد بوسه حتى استرجع نشاطي

سلاسل اكول نص ساعه واكعدك طفيت الضوه وطلعت

منتضر شبكت المخده ونمت حسبي الله ونعم الوكيل ع الضالم

الساعه ب٧:٠٠ المغرب

ابو حوريه جبت التقارير المزيفه واجيت البيت شيخ سلمان دخلت الديوان وجان شيخ سلمان

متصدر الدوان وفقار عن يمينه وفارس عن شماله. وفرايض كاعده يمهم وزلامهم يعني الديوان

متروس

يتبع،،،،،،