نهوة الشيخ الفصل السادس وثلاثون 36 - بقلم زينب العبيدي

نهوة_الشيخ

بقلم #مولاتي يازينب

البارت# ٣٢

جوريه لبست وكملت ورحت وي منتضر صعدنه بالسياره وحنه نمشي

منتضر شفتي جوريه صدك الله مايكطع

جوريه عن شنو تقصد

منتضر اقصد عن الورث شفتي امي حته وهي ميته اتذكرتنه هههه

جوريه الله يرحمه اي والله صدك عجيبه يامنتضر واخيراً الله التفت الحالتكم وراح يرتاح ابوي

من شغله المتعب وانته تكدر اتوفر الزوجتك واولادك بالمستقبل كلشي يتمنونه

منتضر اي الحمد الله

جوريه بس لازم تروح تتئكد وشوف الناس الي يردون يشترونهن وجيك ع اسعارهن

منتضر اي هسه بس اوديج البيت اروح اشوفهن بس تدرين اهوو نسيت الاوراق يله ماطول مو

كلش بعيدين حل انلف ونرجع انجيبهن

سلاسل بس طلع منتضر اتصلت ع حيدر

حيدر الو

سلاسل الو حيدر عندي كلمتين اكلك اياهن واعتبرهن اخر كلمتين

حيدر. اي احجي

سلاسل حيدر احنه وضعيتنه مامنها رجه ولامستقبل فا اني اكول ياريت اتشوف طريق حياتك

ومستقبلك والله يوفقك بوحده احسن مني واني مره متزوجه بالفعل مو بس بالاسم وراح احاول

استقر وي زوجي لان منتضر خوش ولد وراح يسعدني وانته الف وحده تتمناك

حيدر اوكفي اوكفي انتي شنو جاي تحجين تردين اتضيعين حبنه بهل لحضه هاي

سلاسل. منتضر العفو اقصد حيدر انته ياحب التحجي عنه احنه بعد ما النه مستقبل سوه

انتضرتك هواي اتسوي شي بس ماكو فايده وبعدين اني شفت ان منتضر يحبني هواي ورجال

مابي عيب فا لابئس يكون هو ابو اطفالي وذخري

حيدر اي واضح هذا الشي لدرجه انو ضليتي تغلطين بأسمه بس ع فكره انتي وحده حقيره واني ماراح اسمح بهذا الشي يصير انتي الي مو الغيري

سلاسل. كافي يا حيدر اريد ارتاح واستقر ترا اني متعذبه لا اني بالسمه ولاني بالكاع وعذبه

منتضر وياي وبعدين حبنه ما منه مستقبل وهذا اخر اتصال وياك والجهاز راح اكسره سديت

التلفون وكسرت السيم كارت

حيدر. الوووو الوووو اوكفي هاي صدك تحجي شمرت النقال بالكاع سويت كل هذا انه اعلمج

سلاسل. درت ابسيارتي وانه جنت قريب من بيتهم رحت ع بيت خالي علي بعد ما اطمئنيت ان

محد بالبيت لان سيارة هذا الكلب منتضر ماكو طفرت ع البيت

سلاسل. جنت جاي اغسل بالطارمه وشفت حيدر انزرع اكبالي بسم الله انته اشجابك حجيتها

بخوف واني اتلفت يمنه ويسرا

حيدر لا ابد حجيت بكل برود بس جنت قريب منا وبعد مكالمتج على طول اجيت لزمتها من

ايدها حيل وسحلتها للمطبخ

سلاسل😭 اوي شبيك وخر اذيتني وين ماخذني

حيدر ابد ما ماخذج المكان بس اريد حبيبتي شويه يعني نتونس انه وياج اله وين غرفة النوم

سلاسل. وجع حيدر انته اشجاي تحجي دير بالك تتقرب مني والله اصرخ والم الناس عليك

حيدر لميهم اكلهم هي اتصلت علي وهاي المكالمات شاهده

سلاسل. حيدر. الله يعافيك شتريد مني انه صرت متزوجه وخر عني اتبعد عن طريقي ولي

يسلمك حيدر بلا فضايح اني حبيتك حب طاهر مابي غير النضرات لاتشوه سمعتي واليمته

تريدني اتانيك انته بصراحه جنت جبان ماسويت اي شي حته تنقذ حبنه يامه كتلك احجي وي

جدي وحاول وي اخواني كلهم اريدها سوي اي شي

حيدر. انجبيييي ولج انه الي سويته هواي ومايسوي احد ولج انه الي خطفت فقار وعذبته حته

يترك زوجته فقار المحد يندك بي خطفته وانه الي كتلت واحد ماله اي ذنب وضاع دمه ورديت

وماسكتت دزيت رسايل تهديد اهدد فقار وماخفت على عمري وانه الي اغتاليتهم بالسلاح

وصوبت فقار وفارس وجنت ناوي اموتهم وتكليلي مامسوي شي

سلاسل انته انته ياحيدر ليش هذا الاجرام تكتل اخواني هو هذا الحل برئيك ياحقير واذا مات

اخوي يعني اخذك اني ولك يامه كتلك فكر بعقلك بس طلع حته عقل ماعندك تكتل اهلي يالنذل

بدل ماتروح تقنع جدي وتترجاه او تئثر ع اخواني بأنك شاريني وتريدني

حيدر. بس ولج سدي حلكج وهسه اني ما اريد افلس من شي اريد ثمن كل الي سويته اريد،،،

ولزمت ايدها اسحل بيها

جوريه جنت واكفه يم شباك المطبخ والصدمه أخذت مني مئخذت لا أخذتني كلي واني اسمع حجيهم

نرجع شويه بالزمن قبل عشر دقايق تقريباً

منتضر جوريه نزلي كلي السلاسل تنطيج الاوراق ع ما اشوف السياره حمت ما ادري شبيها

نزلت ونصدمت واني اشوف واحد يسحل بسلاسل بالمطبخ اول بدايه ماعرفته منو بس بعدين

لمن دخل للمطبخ ضليت وكفه اباوع من الشباك وسمعت حجيهم عرفته حيدر ابن عمتي

والكلام الي سمعته خلاني ارتعش من الخوف ولمن شفته ايجر بيها الداخل ويريد يعتدي عليها

جنت حايره شسوي ألتفتت ادور ع شي حته اضربه بي بس اهنا جمدت مكاني واني اشوف

الي واكف وراي ومصدوم ومتكهرب منفجر من المنضر

جوريه ممم من مم، ممنتصر

سلاسل. من بين اصياحي وصياح حيدر سمعت الاسم ضليت التفت استجمعت كل قوتي

وخرمشت حيدر ابوجهه وايديه واني عيوني ادور ع مصدر الصوت وفجئه اجت باتجاه الشباك

وشفت الي واكف شكله ما يتميز اذا جان تمثال او انسان ع كثر الجمود الي بي من أثر

الصدمه حقه اي حقه اني حقيره بس ماردت هذا الشي يوصل لهذا المواصيل انه حبيت ابن

عمتي مو عيب حب طاهر ما بي اي شوائب خالي من النزواة وفجئه لكيت حياتي معدومه لمن

انزفيت عروسه الواحد كل الي اعرفه عنه هو ابن عمي وبعد العشره الي بينه اثبتلي ان مامنه

رجال ثاني كبر اهواي بعيني وكلبي بده يتقربله بعد ان ايست من مستقبلي وي ابن عمتي

سلمت كلبي اله بس ما دام هذا الشي وفرحتي ماكملت بي بعد ماشفته بهذا المنضر كل هذ

الحجي دار براسي حيدر بعد ما شاف منتضر شرد والاعضم مصيبه انه لمن شرد فات من يم

منتضر ومنتضر ع نفس وكفته حته عينه مارمشت الصدمه فطرت كلبه مثل مادمرت حياتي

جانت جوريه تصرخ ع منتضر حته يستفيق من سكرة الصدمه الي هو بيها واخيرا اتقدم ع

باب المطبخ بس بدون اي كلمه حالي اني ماينوصف وما انحسد عليه ابد

سلاسل. ممم من مم منتضر خل افهمك و و و الله مو مثل ما انته مممتصور

منتضر خليت اصبعي ع حلكي اششششششش انتي طالگ

جوريه خليت ايدي ع حلكي لاااااا😱

سلاسل. 😭😭😭لاااااا لااااا منتضر خل افهمك

منتضر 😡افتهمت كلشي روحي ما اريد منج شي الله يوفقج وي ابن عمتج هذا الي جنتي

ضامته عني طول هاي المده

اخ منك يالجرحت الكلب
اخ منك يالخنت حبي
ماينطيني كلبي ادعي عليك
روح يوفقك ربي
اطلع من تفكيري ياعشكي شبيك
امشي ابتعد عن دربي
اوكف وين ماخذهن وياك
جيب الكلب وردلي عگلي
انته مو هسه قبل جنت اهنا❤️
هسه اطلع من حياتي واتركني ابحدي
بقلمي # مولاتي يازينب

سلاسل بس يامنتضر

منتضر قاطعتها كافي لاتذلين نفسج روحي لمي ملابسج وامشي انه بالسياره ومشيت بسرعه

جوريه. منتضر منتضر

منتضر التفتت جوريه بس ولا كلمه امشي خل اوصلج

جوريه. ركبنه بالسياره واني جنت بعدني تحت تئثير الصدمه ضاكت الدنيه بعيني اما منتضر

فجان يشتعل نار بركان ونفجر بكلبه بس بدون كلام اخ شكد صعب هذا الشعور

اما سلاسل فجانت تنتحب وتبجي جانت تتمنه الموت يجيها بهاي اللحضه وكلما رادت تحجي

وتفهم منتضر جان يسكتها ويرفض يسمع منها بعد ما وصلنه

منتضر. شوفي سلاسل. اذا احد سئلج كوليلهم منتضر مايريدني ومايحبني ولا فد يوم حبني

ويحب وحده غيري ويريد يتزوج وانه الي طلبت الطلاگ وهو طلگني

سلاسل. كًـ أنما بحجيه جان يكلي هاي حالتج وياي بس انه الي راح اتلبس التهمه كـ أنما

جان يكلي انه بعدني احبج وخايف عليج تنضرين يربي لاتخليني اعيش بهاي الدنيه صدك

حسيت الدنيه ماتنحمل من غير هل انسان نزلت وانه دموعي عشره ع وجهي تمنيت الكبر

والموت بهل لحضه ولا اشوف الي شفته

جوريه منتضر

منتضر 😡😡😡 انفجرت بالغضب اشششششش جوريه اششششش اياني اياج اتفتحين موضوع افتهمتي

جوريه جان شكله يخوف اول مره اشوفه بهذ المنضر كتله اي اي بس اهدئ شوي نزلت من السياره

منتضر السبب مال الطلاگ نفس الي كلته مو تنسين وشخطت بالسياره

جوريه دخلت لكيت سلاسل بالحديقه كاعده بالكاع وتبجي عفتها ومشيت

سلاسل. لزمت جوريه من طرف عبايتها جوريه والله مو مثل مامتصورين انتم ماتعرفون شي لاتحكمون عليه بالغلط

جوريه دنكت صرت ابمستواها شوفي كلشي فهمته بس ماكو فايده من هذا الحجي كلبي

اخوي انجرح وكلش صعب عليه اتحمل ع العموم مبروك الج انتي وابن عمتج والعوض ع الله

عفتها ورحت

بهل اثناء دخل فقار ومنال وشاف سلاسل تبجي وكاعده بالحديقه وكفت ابمكاني اشوف الي

يصير خفت لاسلاسل تحجي شي غلط وتعم ع روحها لان اني اعرف فقار كلش زين

فقار. بخوف سلاسل شبيج

سلاسل. جنت بس ابحي ومحتاره شكله

فقار 😡جاي اكلج شبيج ليش تبجين

سلاسل. منتضر،،، طلكني

فقار. بستغراب شنووو طلكج ههه حلوه هاي ليش هو لعب جهال شنو طلكج وليش هيج صار

فجئه ماسمعنه عن مشاكلكم بيوم حته تتطلكون بهاي السرعه

سلاسل. احجي واني ابجي كتله اي كله مني

جوريه قاطعتها فقار همه طول عمرهم مامتفاهمين سوه وسلاسل مامرتاحه وي منتضر

ومنتضر نفس الشي اني كلشي ادري بس هم مايحبون يطلعون مشاكلهم بعدين صار الي

صار وطلكو

فقار. فقارشنو هلحجي انتي اشجاي تكولين

جوريه بانفعال. اي جاي اكول الي سمعته ليش مستغرب مو زواجهم جان بالغصب هي

انغصبت وهو سوه مصل سواتك هاي اغلاطك ياشيخ وهاي نتائجها لاتنفعل ولاتنقهر اتحمل

كله بسببك عفته ورحت الغرفتي

فقار. معقوله هذا كله بسببي اخ يافقار دمرت حيات اختك بس انه اخ ياربي ردت اطلع بس

رجعت كومت سلاسل كومي خويه كومي بويه الله كريم لاتضوجين هاي دنيه كلشي اتشوفين

بيها الله يعوضج خير مسحت ادوعا وبستها ع راسها اخذيها منال وطلعت بسرعه اي بسببك

كسرت اختك بركبتك وخطيتها بذمتك الله لايسامحك يافقار ليش سويت هيج ليش غلطت هذا

الغلط اخذت السياره ورحت يم الساگيه جنت دائماً اروح الها اذا ضاكت بيه الدنيه لكيت فارس

كاعد هناك ويدخن كعدت يمه واخذت منه الجكاره ولاول مره ادخن

فارس. اشوفك اهنا شيخ اكيد جاي تشكي لهاي الساگيه مثل ماتعودت وعودتني مثلك نشكي

همنه اهنا ونتاني فرج من فوك

فقار فارس انه غلط انه عذبت بس مو قصدي من غير ما ادري والله من غير ما ادري فارس انتم

اهم شي بحياتي انته وخواتك عزيز عليه الي يصير بيكم انتم مسؤليتي قسم انه اتعذب من

اشوفكم هيج طفيت الجگاره ابطن ايدي ااااخ يافارس انه ضلمت مامتعود ع الضلم مامتعود

اضلم سلاسل بعدها طفله وتطلكت وجوريه ازغر منها وعذبتها وياي وغصبتهن ع شي مايردنه

فارس. لاخويه لا انته ماضلمت دنيانه تفتر عكس ويانه حته انته مارحمتك الدنيه فقار انته

اخوي وابوي وشيخي لاتضعف احنه منك نستمد القوه كوم مهما الي صار بيك لاتخلي يهزك

انته مو ضعيف مثلي انته قوي كوم واجه واذا غلطان صلح اغلاطك اكيد انته مو ضالم لاتفكر

بهذا الشي والغلط غلط جدي مو غلطك

الساعه ب ١:٠٠ بالليل

وفقار ما موجود ماعرف وين اتصلت من تليفون عمتي ام فقار عليه مايرد اتصلت ع منتضر

حته اعرف هو وين هم مايرد بعدها اتصلت ع بابا جاوبني وهو يسئل عن منتضر وزوجته

ماجانت الي شده اكله ع الي صار خصه وهو حالته النفسيه تعبانه كلش كتله كلام طمنته

عليهم وسديت التلفون رجعت الغرفتي انتضر فقار مجرد دخولي هو دخل

فقار دخلت للغرفه ذبيت الغتره والعكال ع الجربايه

جوريه وين جنت فقار ضل بالي يمك

فقار انه من نهيت عليج ماجنت قاصد اتزوجج كلت فتره لحد مايهدئ جدي بعدها اعتقج

وترحين الحال سبيلج بس صار الي صار ونخطفت وكلت اكيد الي خطفني يعرفج فتزوجتج

وهاي جانت غايتي حته اعرف الي خطفني منو تعرفين انه ماهدالي بال من هذاك اليوم

مو سهله عليه الي صار بيه خطفتي واغتيالي والرسايل الي توصل الديواني بكل جرائه عزة

نفسي وكرامتي شي جبير بالنسبه الي ولازم ارد اعتباري هسه وبعد انه لازم ومصر اعرف

ورا هذا كله ع العموم انه غلطت صح بهل شي الي كلتي مساع الانسان ما معصوم ياجوريه

بس الي اريدج تعرفينه انه عدوي ما اضلمه عن قصد بعد مو اهلي ودمي ولحمي الي

مصبرني ع هذا الغلط ان عرفتج وحبيتج ولو بعل شي انانيه بس هذا احساسي بس ارجع

واكلج اي غلطت بس كل هذا مو عن قصد ولا مخططله

جوريه وكفت يمه واني اباوع ع الهلات السوده الي ضهرت جوه عيونه كتله شبسرعه تغير شكلك

وتعب وجهك وخليت ايدي ع خده لا حبيبي انته مو ضالم وانه اسفه ع الي كلته

فقار. جوريه طول عمرها المشاكل والمشاغل ع اجتافي شلت مسؤليت اهلي ورعايتهم ومسؤليت

عشيره كامله وحاولت ومازلت احاول اكون شيخ وابن وزوج واخو مثالي بس برئيج كل هذا

التعب وين يروح يروح داخل هذا الجسد الي يكابر ويتحده بس لابد من تضهر علامات التعب

والكبر والشيب الحمد الله ع كل حال

جوريه اسم الله عليك من التعب حصنتك بأسم الله الاعضم من كل شر وكل وجع وكل عين وكل

تعب فقار انته مثالي انته فخر الاهلك والعشيرتك والزوجتك اقصد زوجاتك ميخالف الي صار

غلط وانه ادري كل احنه نغلط لاتفكر ولا اتعب نفسك ماطول انته معترف بغلطك الله موجود

هو يحلها والله يسامحنه كلنه

فقار اخذت نفس عميق وزفرته اخ جوريتي شبكتها يمج احس راحتي انسه دنيتي يمج اضعف

وتنهار قواي يمج اطش اهمومي ورا ضهري وانسه جوريه خليج يمي على طول خليج يمي

اليوم منيتي حته من اموت اريد ايدج اتغمض عيوني

جوريه سديت حلكه ابوسه اشششش اسم الله عسى عمرك طويل ونعجز سوه وتصير انته

شايب شعرك ابيض وانه عجوزه طايحات سنوني وكلثاع اكلك احبك كلث

فقار. ههه حلوه هاي والاحلى البوسه تدرين بوستج لازم ايبيعونها بالمستشفيات مخدر بدل

البنج هاي علاج نفسي اريد بعد اكو

جوريه اي اكو بس المريض واحد انطيها لان الكميه محدوده

فقار بوستها ووووووحدث مايجب ان يحدث

مرت عشرة ايام ع انفصال منتضر وسلاسل جانت حالت سلاسل اتكسر الحجر بس تبجي

ومنتضر كليومه بره البيت مايرجع بس وكت النومه ويرجع متئر يحاول ينسه الي صار

اما ابوي حالته حاله اتشيب الطفل من كسرته عرحالت منتضر الله يساعده هذا الرجال اشكد

حمل

اما اني حالتي النفسيه تعبت كلش وهذا الشي ئثر حته ع شكلي وع اكلي ونومي وحالتي

الصحيه يعني اغلب الاوقات راسي يوجعني ومرات ادرخ اتصور كله من فقر الدم

و فقار زايد اهتمامه بيه كـ أنما مثل طفله وحيدة ابوها ايحاول يعدل ابيناتنه اني ومنال حته

لايغضب الله بس يضل اهتمامه بيه واضح ومنال محترگ كلبها لهذا الاهتمام بس ماجان بيدها

شي هي ادور رضه فقار وع طول ساكته وقانعه حيل تكسر خاطري خوش بنيه ماحسستني

ابمشاكل الضراير ابد بس امها واضح عليها القهر ع بنتها وتغار ازيد من بنتها

وعمتي ام فقار متغيره وياي اشويه يعني صايره حزازيات بما ان اخوي طلك بنتها يعني

شعور ام لا ارادي وهي اتشوف بنتها تتعذب

يتبع،،،،