نهوة الشيخ الفصل الحادي وأربعون 41 - بقلم زينب العبيدي

اكو بنات هواي شككن وكالن مستحيل اكو قصه حقيقيه هيج بيها احداث بس اريد اكلهن يعني الي صار وي جوريه اعجوبه مثلا ،،تر بنات بواقعنه كلشي اكو بس البعض منه يجهل هل شي مادام الضلم موجود يعني كلشي ايصير وكيد النساء عضيم

واكو بنات كالو هذا فلم هندي واحنه ملينه احب اكولهن اذا انتي شايفته فلم هندي ومليتي منه ما مجبوره تقرين اني عن نفسي اريد اكتب الروايه بكل تفاصيلها

وسبق وكلتلجن احترما صاحبت القصه لان جاي اتابع ويانه ولاتشككن بصدق قصته

تحياتي لجميع المتابعين والقراء

#نهوة_الشيخ

بقلم #مولاتي يازينب

البارت# ٣٧

فقار ما اطلكج جوريه مستحيل اكدر اعيش بدونج

جوريه. جنت كلما افتح الموضوع وي فقار موضوع الطلاگ جان يرفضني استعانيت بخوي

منتضر وراحله وحجه ويا وفهمه ان اني بعد ما اريده وماكدر اعيش وياهم

فقارحسيت الدنيه اضلمت بعيوني هاي من كل عقله بس لا ما اتصور هي مجنونه بس لا

ماطلبت هذا الشي من عقلها تريدني اعيش بدونها ياعيشه هاي التحلى بدونها

ام فقار يايمه طلكها اصلاً هي جاي تتعذب خطيه وانته جاي تتعذب وياها لبنيه تعبت حالتها

خل ياخذونه المصح عقلي بالكت الله يشافي يايمه طلكها وارحم بحالها واذا صارت زينه رجعها

على ذمتك ترا اتئثر عليها صدمتنه الي ابفعايلها وتتئذه اكثر يمه خل تتطلك ولو صارت زينه

وعالجها اخوها ارجع الها مححد راح يمنعك

فقار لا يمه مستحيل مستحيل عفتها وصعدت فوك الجوريه لكيت منال هتسوا طالعه من عدها

فقار منال جوريه نايمه لو كاعده

منال. كاعده فقار طلگ لبنيه خطيه جاي تبجي وتتوسلني ان اقنعك اطلگها ماعادت تحبك وهذا

جاي يئثر عليها وعلى مرضها اذا تحبها صدك طلگها

فقار الله اكبر انتم شتحجون شو لحجايه سهلها بحلوگگم واثكل من الجبل على كلبي

منال. عدها حجي وياك ادخل خل اتحاجيك

فقار دخلت لكيتها كاعده اكبال لمرايه تمشط شعرها شكلها هواي متغير ذبلانه وضعفانه

جوريه تفضل ياشيخ فقار

فقار شلون صرتي جوريتي

جوريه عادي مثل ما انه وحده مجنونه يعني شلون تريدها تصير

فقار لاتكولين هيج جوريتي شلت شعرها كله وخليته ع متنها من صفحه وحده واني امر.

اصابعي على ركبتها جوريتي صدك تردين اتركيني جوريه انه زرعتج بكلبي اشلون راح اكدر

اشلعج شلون راح اتحمل بلياج

جوريه. واني تعبت يافقار واذا راح اضل وياكم بعد راح صدك اتخبل من تصرفاتكم وردت

فعلكم ومن الدوه الي تنطونيا الي اني اصلاً ما احتاجه راح اتخبل صدك يافقار اذا تحبني

اتلاحكتي وانقذ حياتي بالطلاگ

فقار معقوله احنه جاي انئثر عليج بس انه مصدكج انتي مابيج شي

جوريه وخرت ايده من ركبتي لا شيخ انته مامصدكني اني مو غبيه اعرف الحجي من الفعل

وع فكره ترا صدك تصرفاتكم جاي تئثر بيه وراح اتسودن رسمياً اريدك اطلكني على فكره

شيخ انته بيوم اخذتني جان هدفك واحد تعر ف الي خاطفك والي اغتالك وكتلي بس

اتساعديني اطلكج اني عرفت منو الي ورا خطفك

فقار انتي شتحجين جوريه

جوريه والي يخليك المره وحده حاجيني كا انسانه عاقله مو مجنونه انته وعدتني وخليك عند وعدك حيدر

ابن عمتك هو الي خطفك واغتالك

فقار وانتي منين عر فتي هذا الشي وحيدر شلي خلا يسوي هلشي

جوريه. هو جان يريد اختك سلاسل. ولمن اخوي اتزوجه راد يخليها تطلگ من عنده بدون ما

يصير هو محل الشك فختار هاي الطريقه لمن انته راح اطلكني اكيد اخوي راح يطلك اختك

فقار وشنو الي بينه وبين سلاسل هو اكيد تعرفين هو يحبها وهي تحبه لو شنو

جوريه لا ما اتصور هي تحبه بس هو يحبها اي

فقار اي صحيح هو قبل يومين محاجيني يريد يخطبها ولمن فاتحت امي وسلاسل بالموضوع

هي رفضته

جوريه ها رفضته

فقار اي رفضته

جوريه اي مو كتلك ماتحبه

فقار بس لا ياجوريه لاتحرميني منج

عمي انطيك بس غير افتهم شتريد
ويا كلمه حنين التقتنع بيها
انه الكاتب عشرتك مكتبت افراك
كلمة راح اعوفك وين الاكيها
بذمة كبريائك خاطري المكسور
بقت كسرت الخاطر مامداويها
بعيوني من اموت شراح يلكه الدود
اذا هو الدمع ماخله شي بيها

طلكني فقار بعد ماشاف هل شي المصلحتي وبعد ما اتأكد ان اني ما اكدر اكمل ويا وبعد ما

شاف ان كل الناس تلح عليه طلگني ونعدمت من عنده الحياة رجع فقار القاسي الصلب

الخالي من اي مشاعر ونمسحت الضحكه من وجهه مثل سابق عهده. طبعا من عر ف ان

حيدر ورا هاي السالفه راحله وستجوبه وضربه وحيدر حجه الاكو والماكو كله

سلاسل هم تحبني من قبل لاتاخذ منتضر وجان جواب فقار انته جذاب وجاي تفتري ع اختي

لو تحبك جان وافقت من خطبتها مو رفضتك رفض شديد وحتى كالت اكرها وكتله كتله عمره

ماراح ينساها فركله جلده خوش فركه وما اكتفه بهذا نفا من العشيره هيج اله حس فقار بالراحه

ورد اعتباره

اما اني فشكد حالتي سيئه صارت الاسؤ بعد الطلاگ احبه بس بعد ما اضن اكدر اعيش ويا

جان الطلاگ الخيارالوحيد الي ينقذني من الجنون ال اني بي مرة ايام وراحت اسابيع واجت

شهور ضليت اتعالج عند دكتوره معروفه ياخذني الها منتضر طبعاً احنه غيرنه بيتنه وطلعنه

من هذيج المنطقه نهائياً غيرنه كل حياتنه اني ومنتضر اخوي منتضر صار صاحب محلات

واشغال واني جاي اتعالج واتمنى بعد ما اتعالج واخلص ارجع الدراستي طلبت مني الدكتوره

ان انسه كل حياتي الماضيه وما افكر بيها ولو مجرد تفكير بس شلون انسه انسان سكن كلبي

وحبه مشه وي دمي طبعا حالتي تسؤ كلما اتذكره وكلما اتذكر ابني الي نحرمت منه ترجاني

منتضر هواي انو انسه وابده حياتي من جديد فضليت كلمت يطري على بالي فقار احاول

اشغل تفكيري بشي ثاني وصفتلي الدكتوره لعلاج لحالتي النفسيه الي بدت تخف كالت ان

لازم اتواجد بمكان بي اطفال حتى ترتاح نفسيتي خصوصاً بعد ما اني فقدت ابني وتئثرت

حيل بهذا الشي

فقار من راحت جوريه من حياتي وانه احس حياتي صارت عباره عن عزاء ماينتهي اله بدايت

وما اضنه اله نهايه وضليت ادور عليها بكل مكان اتمنى حتلو بس اشوفها واطمن عليها ولو

لمره وحده رحت على بيتهم القديم لكيته مسدود سئلت جيرانهم بس ماجان عدهم علم عن

مكانهم بالاضافه الى اني رحت على مكان شغل منتضر لكيته منتقل من المدرسه وخافو

ينطوني عنوان المدرسه الجديده كالو اذا انته تعرفه اتصل عليه احسن. كلتلهم ان مغير رقمه

وما اكدر احصله ماصدكو وكالو هاي اشياء ماتطلع بره المدرسه اخ يابنيتي وين وداج الزمن

ورحت البيت ابو سراج لكيتهم منتقلين البغداد يم عمامهم

كل غايب اشما طالت غيبته يومين ويرد الهله
وانه واكف اباب صبري اتنطرك
هسه يرجع بعد ساعه يعود ياربي شهل معضله
لا اكدر انساه لا اكدر الگاه ولا اكدر اتجاهله
ضليت عايش وياي بالطيف يفز كلبي من يشوفك يكلك هله
جنت اضحك من يكولون الحب شوگ وعذاب
جنت ميت مشاعر اهز بيدي واكول شهل مهزله
لاكن صدك الزمن يفتر والدنيه دولاب
راوتني مذلت عاشگ سرج خيل الحب وعلى ضهره اعتله
بقلمي مولاتي يازينب

فارس. جنت كاعد بالديوان واجاني ابو حوريه صدمتني جيته هذا منين طلع وشلون انزرع اهنا

ابو حوريه شلونك شيخ فارس

فارس. شتريد وشجابك اهنا شويه ودخل جدي وهو ع الكرسي المتحرك يدفعه فقار مو ذاك سلمان الشديد شفت سلمان ضعيف كلش

حجي سلمان. انه الي دزيت عليه ياوليدي

فارس. وشلي تريده منه

حجي سلمان هسه تعرف ياوليدي التفتت على ابو حوريه وينها حوريه

فارس وشلي يجيب حوريه هنا

ابو حوريه حوريه جو ابيتكم ياشيخ

فارس احد يحاجيني شلي جاي يصير

حجي سلمان راح ازوجك من الي حرمتك منها ياوليدي بويه سامحني انه ما اريد اضلم واحد

بعد كافي اضلمت اوليدي وموته وهو بكلبه حسره

فارس. بس ياجدي هي متزوجه وعدها طفل

ابو حوريه لا ياشيخ حوريه اطلكت وابنها مات ثاني يوم جابته وامس خلصت العده وجدك كال

اول ماتخلص عدتها نعقد عليها شايف الف خير مقدماً ياشيخ

فارس لا لا انه مامصدك شلون اطلكت انتم اكيد اجذبون

حجي سلمان لابويه صدك هذا حلمك وجاي يتحقق وانه اسف يابويه

فارس. كمت بسته ع راسه مشكور ياجدي بس ياريتك فهمتني من زمان فهمتني بدون ماندفع ثمن

حجي سلمان وبدت ادموعه اطيح ااخ يابويه يافارس انه موت ابني غيرني حيل والندم اكل

كلبي والله يافارس لو يردني الزمن الذاك الوكت ازوج علي من ام منتضر واسويله عرس تحجي

بي البصره كله بس هيهات زمان يعود ويردلي علي الي ضلمته هواي

فارس. عمي علي حنين هواي وكلبه طيب الله يرحمه ويغمد روحه الجنه اكيد راح يسامحك وانه

مسامحك شويه واجه السيد ويا فقار الي احسه موذاك فقار من بعد رحيل جوريه ايحاول

يفرح بس مايلكه للفرحه طريق

فقار مبروك عليك ياخويه الله يتمملك على خير

فارس. ويفرح كلبك ياخوي وعدتني وماقصرت وياي

فقار اهم شي انته مرتاح وربتت على كتفه ع الخفيف

فارس عقدولي على حوريتي وانه مامصدك خايف هذا حلم واصحى منه معقوله كل هذا التعب

وبالتالي احصل عليها بهاي الطريقه السهله

حجي سلمان مبروك ياوليدي بس عندي الك طلب ولو مايحقلي اطلب

فارس لا ياجدي انته تئمر ماتطلب
ر
حجي سلمان لاتسوي عرس جبير ياوليدي بس احترام العمك

فارس اصلاً ماراح اسوي عرس انسوي وليمه ونعزم عليها كل اهاليتنه والمنطقه وبس

حجي سلمان خير ماسويت ياوليدي اسمعني حجي ابو حوريه باجر انشاء الله اعزم كل اهلك

وانته معزوم خلي لبنيه يمنه بعد هي صارت زوجته على سنة الله ورسوله

فارس. زوجتي ااي اي زوجتي ياخي مامتعلم على هاي الكلمه كلش حلوه

فقار هههه الله يتمم عليك وتضل يمك طول العمر

فارس. اشكرك ياخوي عسى الله يباوع الحالك

فقار وشبي حالي

فارس. لاتكابر ياخوي حالك تحجي نضرات عيونك وانته تعرف شقصد

فقار. لاتحجي حجي بلا ملح انه مابيه اله العافيه

فارس ع العموم ماتريد الله يباوع الحالك

فقار لا شي اكيد اريد

فارس جا اسكت ياخوي ولاتحجي حجي بلا ملح

فقار رجعت تضحك وتصنف😉ورجع وجهك احمر

فارس. ☺️انه من رخصتكم

فقار وين رايح

فارس. شويه رايح لمي

فقار هههه رايح لمك لو

فارس هههه ياخي وانته شتريد مو صارت زوجتي

فقار ههه لا ماريد شي عليك بالعافيه

فارس رحت وانه من الفرحه احس رجلي مايمشن بالكاع احس روحي طاير بالهوا دخلت اتلكتني امي بهلهوله

ام فقار كللللووووش على الخير ياوليدي انه كلت شغلتك مو خاليه وي هاي لبنيه اثاري طلع حب

ومصايب وانه ما ادري

فارس 😂 اله وين حوريتي يمه

ام فقار يمه مايصير اتشوفها اخوك كال باجر العرس وفال مو حلو اذا شفت مريتك قبل يوم الزواج

فارس لااا فقار يكول هلحجي

ام فقار لا فقار كال بس العرس باجر

فارس يمه انه عاقد عليها عقد زواج شهلخرافات هاي

جدة فقار يخايب اسكت ياوجه الشوم كنالك موزين اتشوفها

فارس. اهاااا عجوز النار اهنا وين جنتي خلصت زياراتج الماتخلص حتى السفير مو مثلج ٢٤

ساعه خوار خوار كعدي هيدي مو عجوز خاف ترديلج رجل

جدة فقار شلت العوجيه وردت اطكه اسكت ياوجه الشوم غير اروح اشوف بنياتي

فارس. حبوبتي لا صدك ليش مايصير اشوفها

منال. ياخويه ضامينها عنك باجر اتشوفها ابدلة العرس وتشبع منها شوف يعني من باب

الاحلى ترا

فارس. والله وتعرف تحجي السعلوه

منال اثاري انته مالك صاحب حيل ويا حبوبتي

جدة فقار اسكتي انتي اسكتي السعلوه ام حلك اللين

فارس هاها هاها 😂خطيه ياحبوبتي خربصتي معانيها بهاي احجايتج

جوريه جنه جاي نتعشه ودار حديث بينه

جوريه. منتضر ليش ماتزوج جاي تكبر ماتصغر ترا انته شوفلك بنت حلال

منتضر مجاي الكه لبنيه المناسبه ع العموم عوفينه من هذا الموضوع

جوريه ماتلكه لبنيه المناسبه لو بعده بالك وي سلاسل اكيد بعدك تحبها

منتضر لا جنت احبها بس هسه نسيتها

يذكروني واكلهم والله ناسيه
وحگ طوله وضحكته وكل جزء بي
يمكن صوته،، شكله و وجهه بالبال
بس ما اذكر شي عن معانيه!!
وصحيح هواي اسولف عنه للناس
وبحلام الحقيقيه هواي احاجيه
بس سئلوني عن عيونه لكبار؟
اكلكم ما اتذكر والله ناسيه
واتيه روحي ريه والبس الثام
ويمر بيه الهوا وكلساع الاكيه

جوريه. ادري بعدها بكلبك بس انصحك تتزوج حتى تنساها لو تنطيها فرصه وتمسع منها

منتضر شسمع منها اسمع عن خيانتها وتفاصيلها واذا ع الزواج لمن الكه بنيه تناسبني ماراح

اتردد لحضه اله انتي ليش ما وافقتي على حفيد ابو فاطمه ( ابو فاطمه نفسه الرجال الي رجع

النه ميراثنه الي هو يصير ابن خالة خيريه جدتي)

جوريه انته تدري اني ما مخلصه العده يعني شلون اوافق عليه

منتضر عادي هو يدري ان عليج عده بس راد يخطبج لمن تخلصين العده ولا الج نيه ترجعين

الهذاك البيت ترا فقار خوش ولد يحبج

جوريه اعرف يامنتضر ادري بي يحبني واجذب عليك اذا اكلك اني ما احبه بس مستحيل ارجع

الهذاك البيت الي ماشفنه غير الاذيه من يوم دخلنه عليه يامنتضر انته تعرف شنو يعني اتخبلت

انجنيت محد يصدكني حتى فقار ماصدكني ولا لحضه مستحيل ارجع الهم متئكده اذا رجعت

راح ارجع الهذيج حالتي بالاخص والدكتوره كلتلي لازم انسه كل ماضيي يامنتضر موت ابوي

غيرني حيل جوريه ماعادت نففسها جوريه اني لازم انسه واغير حياتي ولا نته شتكول

منتضر على راحتج انه ما ادخل بشي انتي مقتنعه بي الله يوفقج الحياة افضل من الي عشتي

حفيد الحجي ابو فاطمه خوش ولد وانسان مثقف دكتور كد الدنيه

جوريه اتنهدت بحسره اعرف

منتضر اذا صدك تردين تنسين لازم تزوجين يجوز هذا الشي هواي يساعدج حتى تتغير حالتج النفسيه

جوريه اعرف حتى الدكتوره كالتلي هيج بس نفس الحجي اكوله الك يامنتضر انته هم لازم تزوج حتى تنسه

منتضر الحمد الله وشكر وكمت من الاكل

يوم ثاني

فارس. جنت متحمس لهذا اليوم ياربي كمل فرحتي وتحفضلي حوريتي

منال اخذنه حوريه للصالون ولبست البدله البيضه ماشاء الله جميله هواي جمالها عربي اصيل

بس جانت متعوبه وضايع هذا الجمال وبرز وي المكياج والبدله البيضه

فقار اجيت الفارس وانه جايب البشت مالت ابوي خليته على جتفه وكتله الف مبروك صبرت ونلت

فارس بسته ع راسه مشكور ياخويه

فقار يله معازيمنه وصلو رحنه للديوان

حوريه. بعد شوط طويل من الهوسات والاهازيج صعدوني الغرفتي جان حلم اتمنه مايخلص

واخيراً يافارس راح يكلولي حرمت الشيخ فارس الله ياكبرها بكلبي كعدت بالغرفه وانتضر

فارس احلامي شويه وسمعت صوت الهلاهل والهوسات يم باب الغرفه اضطرب كلبي وعقلي

معقوله ياربي لايكون هدا حلم وراح اصحى منه شويه ونفتح الباب الله ياذاك الطول وذاك

الشكل الوسيم الزهره ام الحسن تحفضك الي من كل عين

فارس. اخ ياكلبي حوريه انتي لو لا خاف تضحكون علي

حوريه ابتسمت بخجل

فارس تقربت عليها وانه مامصدك كلتلها طول عمري اشوفها بالافلام سالفت كرصيني خاف

انه بحلم واكول شلقضيه لهدرجه مامصدكين لاول مره احس بيها صدك وهسه كرصيني خاف

انه بحلم

حوريه. ☺️انته مو بحلم ولا انه بحلم

فارس. اكلج كرصيني تكلي مو بحلم كرصيني يله كرصيني

حوريه وانه اضحك مايهون عليه اوجعك

فارس ليش شنو انتي ناويه تكرصيني كرصت عگرب لا اذا هيج لاتكرصيني اكول شرايج تبوسيني احسن

حوريه 😱ابوسك

فارس. اسم الله عليج شبيج اختراعتي يعني انتي ماتدرين الرجال عادي يبوس مرته والمره نفس الشي

حوريه لا بس استحي

فارس. انه اعلمج وبستها وووووووو حدث مايجب ان يحدث

جوريه. جنت كاعده اكلب بالتلفزيون حانت الساعه ب ٥:٠٠ العصر اندك الباب عجيب منو

منتضر نايم بغرفته تعبان من الدوام بعد ما رجع معقوله اصدقائه ع العموم افتح واشوف

صحت من ورا الباب منو سمعت صوت مو غريب عليه معقولة 😳