رواية نقطة لقاء الفصل السادس وأربعون 46 - بقلم الكاتبة دينا _ الكاتبة نور

أَفنَيت عُمري لأَجِل حُبَك هل ترى
أَريني عِينيكِ وَبهما أَنا أَرَى
رَأَيتُ؛ وَجهَكِ فِي سطوري فَكتبتُ، لكِ
رَسائل عِشق فيها حُباً أثْرَى

>>>>>>>>>>>>>>>>>>

بنان : باعي احنه العصر راح نطلع لحديقة وكلنا موجودين حتئ روان و رزان وريم وكلنا موجودين ف عادي تجين ويانه حبابه

مَي : هـاا

بنان : حنطلع وكلنا سوا يعني عائلتناااا ف تجين ويانه

مَي : بنان ما اكدر اجي اصلا عيب مترهم

بنان : اسكتي مَي يا عيب حبابه تعالي والله مشتاقتلج اريد اشوفج وهم احنه بنات ونسه نضل نسولف

مي : ما اكدر اجي يعني اول شي انتوا عائله طالعين اني يعني ليش اجي وثاني شغله بابا ما اعتقد يقبل اصلا

بنان : لااا حباابه

مي : ما اكدر اجي

بنان : هسه واذا تعاي

سكتت ورا دقايق كالت : اعذريني ما اكدر

حسيت بضوجه وسولفنا شوية وراحت
چنت كاعده فـ نزل همام اجه عليه

همام : ها بنان حجيتي وية مَي

بنان : هستوني سديت الخط منها

همام : اي وشكلتلج

بنان : والله مدري شو البنية قافله متقبل تجي

گال بعصبية : اني ادري ليش متريد تجي لان اني موجود

بنان : شبيك عصبي تريدني احجي وياها مرة ثانيه

همام : عوفيها براحتها

بنان : تستحي فلهذا متقبل تجي

همام : علئ شنو تستحي شو دكي عليها مرا ثانيه

ورا ثواني كال بسرعه : وافتحي سبيكر خوش

هزيت راسي بضحكه على شكله مرتبك وعصبي حيل

دكيت عليها رأسا كلتلها بسرعه : مي بالاول اسمعيني اني توسلت بيج تجين ويانه يعني احنه رايديج اصلا واحنه كلنا صديقات وخوات ماكو شي عيب تمام ولتستحين عادي احنه وياج تمام حبابه اقبلي وتعاي ويانه اخر مرة اطلب منج لترديني

جاوبتني بهدوء : هـا ؟

فتحت عيوني بصدمه وگلت : شنووو ها اني شنو جنت اكول

مي : ها اي اي على الروحه والله مادري بنان شكول هي الفكره مرفوضه اصلا بس

بنان : لا بس ولا شي مي كلت تجين يعني تجيننن
اباوع لهمام مبتسم وهو يسمع وهي ضلت ساكته

بنان : ها وينج شكلتي

مي : شوفي هو اني يعني قبلت اوك بس لازم اشوف بابا بعد

بنان : يا الله اجه الفرج

ضحكت وگالت : انتظري شوية واجيج بس احاجي بابا

بنان : تمام

سدت الخط وهمام كام يضحك وفرحان : شكرا حيل مرت الغالي

بنان : شنو شكراً همام ما بيناتنا شكراً

همام : بالله دكي عليها شوفيها قبلت لا

بنان : هسه سدته شدعوه مستعجل

همام : يلا انتظر شكو عليه

بنان : همام انتَ تحبها مو

باوع علية وضحك : شنو مبين علية ؟

بنان : حيل

همام : همزين كلتي

بنان : لعد همام انتَ شلون عرفتها

همام : من تخربطت بالمستشفى

بنان : ها تمام حب من اول مستشفئ

ضحك وگال : هيج شي بس هيه ما اتوقع تبادلني ونفس المشاعر

بنان : زين ليش متصارحها؟

همام : خاف ترفض لان ما احس الها مشاعر تجاهي

بنان : هسه صارحها وشوف مخسران شي

همام : الله كريم

ورا كم دقيقه دكت عليه وگالت: بنااانن بابا قبل

بنان : ايييييي وأخيراً

مي : ايي گلتله صديقتي حيل وهيج شو قبل

بنان : والله فرحتيني حيل

مي : اني هم فرحانه لان حشوفج

وهم ضلينا نسولف وهي كلسع ها وها وهمام كبالي يضحك

صار الغدا رحت يم خالة رحاب نصب وروان ورزان ومريم كلهن يمنا يساعدونا

كالت خالة رحاب وهي مقهورة : اهخخ مكان ريم خالي جانت يمنا تجي بالمطبخ تخبصنا بهل سوالف ..

رزان : اي والله خالهه اني هم مشتاقتلها

روان : اكلج خاله حنشوفها لريم اليوم رح يجيبها مؤمل

رحاب : اي ادري بس مكانها فارغ حبيبتي

انقهرنا كلنا وكعدنا نتذكرها

روان كالت بقهر : حتى مداعرف انام يعني اصلا الغرفه متنطاق

مريم : كلش فاكديها يلا بعد راح نشوفها اليوم

بنان : اي والله واحلى شي لما نتجمع تتذكرين مريم من جنتي تجين عليها تكولليها سويلي مكياج

مريم : اي جنت موتتها كل يوم وجايتها هسه بعد منو يسويلي

روان : ولا لما جانت تنعيي اهخخخ يلا كافي دراما

رزان : شبيج خلينه متأثرين شويه

روان : تفرفحين علئ هل سوالف

صبينا الغدا وتغدينا كلنا
رحت صعدت للغرفه ودكيت على فهد
ورا شوية فتح خط

_ هلوو فهد شلونك

_ هلو بنان الحمدلله انتِ شلونج والبطنج شلونه

_ زينين فهد شوكت تجي حتى نطلع

_ بنان من هسه كلشي حضروا خوش واني هسه اجي ماريد الكى ناس تجر بطول وناس بعرض الكى الكل جاهز خوش

_ اي تمام

_ بس لا لا لتكولين الهم انتِ حامل ماريدج تمشين ابقي كاعده

_ نفس الاسطوانه لتمشين ولتشمين

_ غير خاف عليج وابنه

_ تعال بسرعة لتتأخر

ضحك وگال : جاي جاي ثواني تلكيني كبالج
سد الخط

رحت بدلت وكملت دقايق وفات فهد

اجه علية حضني وگال : شلونها الحلوة اليوم

بنان : زينه مدام راح تطلعني

فهد : ها يعني انتِ مشتاقتلي بس حتى تطلعين ؟

بنان : لا لا والله اني مشتاقتلك اصلا شسوي بالطلعه

فهد : لا لا انتي علمود الطلعه مبينة ماكو طلعه وهسه انزل اكوللهم منطلع

بنان : لا فهد شبيك والله ما اقصد هيج انيي ليش تدور مشاكل

اجه علية وحضني وهو يضحك : اشاقه اشاقه كلشي ولا دميعاتج شنو محضرتهن بس احجي حجاية ينزلن

بنان : مبجيت اصلا

فهد : اي ابد

درت وجهي وشلت الجنطه ونزلت

ورا دقايق كلنا تجمعنا وركبنا بالسيارات ..

طولنا تقريباً ساعه ونص لحد ما وصلنا للمكان
رزان كامت فرشت الفرشه وكعدنا احنه وغراضنا
جان جاي ويانه عمو زياد بس عمو محمد وخاله رحاب ما قبلوا يجون علمود بيبي زهره

كعدنا كلنا نسولف كالت روان بضوجه : وين ريم شو تأخرت

جاوب فهد گال : هسه حيوصلون

كعد ايهم يكول : ليش منسافر اخذكم لألمانيا شتكول يابه

عمو زياد جاوب بضوجه : لا والله ولا اريد اوصللها بعد

ايهم : ولا اني قرار متبادل

ياسر : تحسسني المانيا بصف بيتك تعالوا اخذكم

ايهم : انجب ياسر هوه صوجي بطلت

فهد : هسه شنو انتَ مو كلت تاخذنا اني قابل بس اذا اروح ما ادفع انتَ تدفع

ايهم : واني شعندي بنك

ياسر : غير انتَ عرضت الموضوع ويعني مثلا منو يدفع

ايهم : فهد ابو الغيرة يدفع

فهد : مو مخلفكم وناسيكم اني

ياسر : لا هذا ضام فلوسه لابنه الكو** الي راح يجي يلعب بالفلوس لعب مو حضه كاعد قابل مثل حضي

فهد : اشو انتَ حاط عينك علئ ابني وبعده مجاي شبيك بويهه

ياسر : مابيه شي مابيهه

روان : اريددد ريم وينهاااااا

رزان : اوكفي هسه تجي

بنان : هي كالتلي دقايق .. ومَي هم كلتلي أبوية رح يجيبني

دقايق منشوف الا ريم ومؤمل جوي علينا
كمنا كلنا رحنا لريم وروان أولنا

حضناها ونسلم عليها : لج هاااا وينج يمعوده تأخرتي

ريم: غير هذا مؤمل ساعتين يتعطر بعدين بنان لكمممم عندي سوالفففف

روان : لك عمي العب بيها سوالففففف

رزان : تموتن على السوالف انتن

ريم : شعدنا غيرها عيني

راحت ريم سلمت على الولد كلهم وكعدنا نسولف ومؤمل يم فهد ودك سوالف بس انتبه كلسع لهمام عيونه تفتر

كالت ريم : شنووو هاي سُمية راح تخبلني لج راح تبقى يمنا مدري كم شهر حتخبل متدرين بسوالفها بعدني من بدايتها وهيچ دتسوي وياي

روان : وانتِ شنو خما تسكتين

ريم : طبعاً لا ما اسكت بس شالعه گلبي وكلسع ذبلي حجي

بنان : زين مؤمل يعرف ؟ يعني هم يشوفها من تحجي

ريم : يعرف يعرف وحتئ هوه من البدايه گال معليج بيها لتختلطين وياها حتى اسيل كلتلي معليج بيها حتى وياي ويه عمه ام مؤمل هيج صايرة بس تكول مجانت هيج قبل .. عوفي هل موضوع ضوجني وين مَي شو ما اجتي

كالت رزان : قبل شوية دكيت عليها كالت اجيت

روان : اي نسولف وياها نحشش بالناس بس شنو فد فاااااهيه حتخبل كلسع ها ها ها

ريم : يلا عادي بلكي لما تحجي ويانه تخفف من الت ها مالتها

روان : اي والله هذاك اليوم بالموبايل حجيت وياها وكلسع كالتلي هـاا رفعت ضغطي لحد معطت بيها ما اتحمل

بنان : خطيه عوفيها

رزان : هذيچ مَي جتي

بنان : اي اي هي اجتي

اجتي علينا سلمت سلام عالكل وكعدنا على صفحه
واحنه مكيفين ونضحك

مَي : بابا وصلني هسه وأخذ اختي يريد يوديها للطبيب ..كلي ساعتين واجي اخذج

بنان : اي تمام

روان : اي شخبارج مَي

مَي : هـاا

روان : لتبلشين عفيه مو سوتيلي جالي

مَي : شنو ليش

روان : سلامتججج

ريم : تعالو اسولفلكم

رزان : سولفي

ريم : تردون الصدك ماعندي موضوع

روان : شكد تافهه اشو بس زوجتي استخفيتي حيل

ريم : وتفسدت هم

روان : وتعترف هم

ريم : طبعا

روان : تدرون شنو امشوا تجون وياي نفتر

رزان : اني اجي بس اسأل ايهم

بنان : اني مابية حيل والله حبقى

ريم : اني هم

بنان : زين عمتج شلونها

ريم : عمه ام مؤمل لج لحد الان بس تشوفني متخليني الزم شي واني اعاندها لو كل العمات مثلها لو لا

بنان : خطية احسها مثل خاله رحاب

ريم : بالضبط جنها امي

روان : عفيه اني ويامن احجي ابقن ابقن اخرطن تعاي مَي تجين وياي هناك نتمشى ورزان ويانه

مي : هـا

روان : تجينننن ويانه نتمشى هنااا

مي : اي اي عادي أمشي

سألوا الولد وياسر گال : مو تروحن مدري وين وتضيعن وتجون تذبوها براسي خوش

فهد : انجب انتَ لتفاول كُل متكول هيج واحد يضيع تمشوا بس لترحون بعيد

روان : خوش هو وين نروح لعد اني وياهن

ريم همست بضحكة : مدام روان وياهم معناها اتطمنوا

___________

روان
كمنا نمشي ونسولف

مي : اكول يعني منو الأكبر أنتِ لو رزان ؟

رزان : اني الأكبر بالدقايق

روان : اي أنتِ اكبر اويييي اني اخر العنقوددد

مي : اني هم الصغيره

رزان : بس الحمد لله أنتِ مو مثل روان وريم

مي : ها ليش

روان : معليج بيها رزان صايرة حقيرة

مي : هـاا

روان : لج باعي هاي رزان حقيرة صايره

رزان : لاااا مو حقيرة

روان : لا حقيرة

مي : ديلا كافي كافي لتتعاركن

ورا شوية كالت مَي : انتوا امكم وابوكم متوفين مو

روان : اي

رزان : بس ربونا غير ناس

روان : سدوا سالفة عاد

باوعت عليها نزلت راسها وكالت : اني هم امي توفت من جان عمري ٨ سنوات

رزان : يعمري الله يرحمها

روان : الله يرحمها شلون ؟

شفتها عيونها دمعت وسكتت كلنا سكتنا محجينا شي

بعدين مَي كالت : حروح اشتري شعر بنات

رزان : اني هم اريد

روان : اني ماريد تعالو جهالي اخذكم اشتريلكم

رزان : حقيرة وخريييي

مي : هـا

روان : و هـا هـا هـا هـا

مي : هاااا .. روااانن تعيبين عليه

روان : لا داده ليش اعيب عليج يلا امشن نشتري

رحنا نشتري شعر بنات بس رزان مرادت اخذت بس مَي

رحنا نمشي ونسولف وهي تكول : اني جنت اخاف من الدم بس هسه لا بس هم عندي خوفه

روان : دختتت يعني انتِ شنو تخافين لو لا

مي : اي اي مرات اخاف ومرات لا

رزان : اني اخاف من قطرة دم يمهههه

روان : كضيتي عمرج جبانه

رزان : انتِ شنووو اليوم شبيج وياي كلسع لو تكولين حقيرة لو جبانه ترا هاي اهانه شنو شمسويتلج

مي : لعد شنو هذني زينات اني محصله اشكال

روان : اي بس اني ممجذبه

اباوع على مَي تاكل شعر بنات ونسولف نسولف لحد ما رزان كالت : اكلج روان هسه منين نرجع

روان : ها شنو منين

مي : اي صدك منين

روان : غير انتن تشوفن دقيقه هسه شلون عزا بس لا ضعنا

مي : هـاا

رزان : عزاااا شنو شلون ضعنا

روان : لحد تخبصني خل اشوف ..تلفوني مو وياااي وانتن

رزان : لج اني عفت جنطتي يم بنان

مي : والله اني هم شلون عفية هسه بابا يريد يجيني

روان : انجبن كلجن خلوني افكر امشوا نرجع كله كبل ونشوف وين نوصل

رزان : لج شنووو هي حزورة ضعنااااا ترا

مَي جان شكلها يضحك تريد تبجي وبيدها شعر بنات بحيث موقفنا يضحك ويبجي

لزمتهن وكمنا نمشي مدري وين رجعنا ونفتررر وماكو المشكله دنروح بعيد أكثر
وهذني يريدن يبجن

رزان : والله ايهم هسه شيسوي بية شبيج روان غير تنتبهين

روان : شنو انتبه لعد انتن مو وياي معقوله ما تعرفن الطريق ترا انتو ما اطفال وحدجن شكبرجن بكد البعير اني شعليه

رزان : هسه شلون نرجع

روان : اي اي ابجي ابجي شلون الجهال ابجي

رزان : حقيره عوفيني رجعيني يلا

روان : وهسه شلون ياربييي

الوقت بدا يتأخر واحنه دنفتر اخذنه الواهس وكمنه نمشي

رزان : والله كل مرة ياسر يكول خاف تضيعن نضيع بعد ما نطلع هيج طلعههه ونجي وحدنا لازم المفروض واحد من الولد ويانه وهمه عبالهم هنا قريب زين شجابنه هنا وشلون وصلنا هنا وهسه راح اترزل من ايهم هم شنو هاي

مي : واني بابا كلي ساعتين واجي اخذج شلونن خاف يجي

روان : انطوني صبرررر شبيجنننن

مي : ما ما يا صبر ضيعتينااا

روان : اني شعليه شنو مخلفتجن وناسيتجن

دنمشي شو منشوف غير ثنين ولد بالسياره كاموا يمشون وي مستوانه وفتحوا الجامه واحد گال

_ ها يحلوات شعدجن هنا

جاوبته بعصبية وگلت : وانتَ شعليك

_ شبيج عصبيه شحجينه لك باع باع علئ شعرها شلون حلوو

جان يجاوبه الثاني ويأشر علئ مَي ويكول : لو شوف هاي شلون جسم عليهاا ولو ذيجه عيونها الي دتسطر وهيه مدمعه "يقصد رزان"

روان : ليش متاكلون نعل وتولون منا لا اطيح حضكم حيوانات شوكت نخلص من نماذجكم الحقيره

_ دمشي لج عود طالعلها السان تستشرف براسناا باعي شايفه هواي من نوعيتكم طلعوا علئ حقيقتكم احسللكم ولتعبونه

روان : شدتلغي انتَ

رزان : كافي روان امشي عوفي

_ يمه واخيرا نطقت ام عيون حلوه وانتِ ثانيه احجي علواهس سمعينه صوتج لو بس حاطين هاي العايقه تلعلع بصوتها

مَي : هـاا

روان : شوف لك ولي من يمنا احسن ما اجي امردعكم وعلي يلا ولوا طايحين الحظ امداكم

_ السان زفرر بس اذا منج مقبوله يلا تعالوا صعدوا ويانه ترا نونس احنه

روان : روح ونس اختك الي بصفك احسن

_ هاي شنو قصدها عليه

_ اي عليك ليش انتو حاسبين نفسكم رياجيل انتو حتئ بالنسوان ما اشبهكم لان منشرف بهيج نماذج من طاح حضكم وتفوو علئ جهرتكم الزفره اي والله

_ مو انزلج واشوفج منو رجال

روان : بيك خير انزل انتَ والحيوان الي بصفك حتئ اكطع الحذاء فوك راسكم

لحد ما سمعنا صوت ورانه اندارينا لكينا ياسر اول ما اجه ياسر السياره راحت مشت ..

اجه علينا عصبي صاير : الا تخلني احجي يا فاهيات وانتي عود مأمنين عليهن وياج وينجن ها شوفن وين جايات هو هنا تجن وكلنا مكان قريب الدنيا اشتعلت عليجن الكل ديدور تعالن امششششن

وره محجه انتبه علئ رزان دتبجي ومَي الصافنه الي ما مستوعب شنو ديصير جان يكول

_ شكو شصاير ولحظه شعدكم جنتوا واكفين يم هاي السيارة

روان : لتعيط اوك ترا دنمشي ونسولف وما انتبهنا شسالفه سويتوها قضية

ياسر : وشكو هاي دتبجي وهذيج مصدومه وشعدجن واكفات يم هاي سيارة

مردت اكبر سالفه واطلع الطلعه من خشمنه گلت

_ ماكوو شي بس سئلونه منين الطريق

ياسر : اكيد

روان : اي شبيك

ياسر : زين ليش دتبجي رزان

روان : لان ضعنا وهيج يلا مصار شي لتكبر سالفه

ياسر : روان لتخليني اغرد امشي وانتن عيني الفاهيات الثانيات وانتِ عصير ما انتبهتن عالمكان امشن عمي امشن

شال تليفونه ودك على فهد

ياسر : سيادة الضابط لكيتهننننن كلهن الكل يرجع نفس المكان خوش لحد يدور هياتهن لكيتهن ضايعات وممندلات منين يصخمن ويرجعن

اباوع عليه واني مخنزره : تراااا معلية اني تمام شسوي جنت اسولف وما انتبهت المفروض رزان تنتبه

رزان : واني شمدريني هااا مو انتي جبتينا

ياسر : اسكتن لخاطر الله امشن تعااالن

رجعنا نمشي نمشي تعبنا ورجلينا توجعنا هلكد ما مشينا ومَي تريد تبجي الا شوية

اول ما رجعنا كامت ريم وبنان جني علينا

ريم : وينجن خبلتنا شلون هيج تتأخرن شلون روان شلون تاخذيهن بعيد هيج

روان : اكول انتِ انجبي ومعليج تمام اني بكيفي شسوي اسوي واصلا تيهنا واني شعليه ترزلون بيهه شنو هنه جهال لوو بالكماط خطيه

ريم : هسه شحجينه

روان : انتو تفورون الواحد عوفوني بضيمي

بنان : كنالج اخذيهنن وروحي شوية هنا وترجعن هو هيج تتأخرن مدري وين وليتن واخذتيهن ولا مَي فوكاها وياجن غير تنتبهين

روان : اعصاااابج شبيييييج

فوكاها جوي الولد وعمي رزلوني هسه اني شعلية كعدنا بضوجهه

روان : اكول هسه اني ليش رزلوني شعليه ميرزلوكم الكم خيرزلون رزان

ريم : مو هنه بشاربج جانوا بس انتِ تيهتيهن

روان : بس اني حافه شواربي

بنان : شكد سخيفات كافي سدن سالفه

همست الـ مَي ورزان وگلت : مو تحجن اي صار قبل شويه تمام

رزان : تمام

مَي : ليش هوه شصار

روان : كُلشي مصار حياتيي يا اخي تنرفزين

مَي : اني ؟

روان : لا جدي

ورا شوية مَي كامت كالت : اني هنا بس اشتري مي لتخافون كبالكم

بنان : تمام ننتضرج

____________

بنان
كاعده وي البنات وشفت فهد كام علئ صفحه يمشي ويشرب جكاره فكمت داروح يمه

ريم : هاي وين رايحه

بنان : يم فهد هناك

ريم : اي عيني روحي يم الحب

ضحكت وگلت : زوجتي وبعدج حاطه عينج علينه

ريم : اي يابه بعدج مشايفه شي وهسه اتفق وي المسمومه سُميه واكللها خلي نزركهم بسحر

بنان : ليش سُميه هم تهتم بهل امور

ريم : ما ادري صراحه بس هيه مبنيه سحاره ام عطوب اهخخ سُميه شيبتني

بنان : يلاا خلي اروح

ريم : روحي روحي

رحت يم فهد امشي اول مشافني اجيت ذب الجكاره وگال

_ ليش اجيتي ولچ لتتحركين ابقي كاعده

بنان : انتَ شنو كُل مشوفني تكُلي كعدي وكعدي

فهد : اي غير اخاف عليج

بنان : لتخاف واصلا دكتورة كالت تحركي زينه الج الحركه

فهد : خوش بس امشي علئ كيف

بنان : اوك زين فهد سؤال

فهد : سئلي

بنان : ليش دائما كل متشوفني اجي يمك اذا جنت دخن توخر الجكاره واصلا مدخن كدامي

فهد : شلون ادخن يمج وانتِ مو زين عليج الـدخان ومنا گلبج غير اخاف عليج بويه

بنان : تخاف عليه انتَ ؟

فهد : شلون ما اخاف عليج واني روحي صارت بروحج درابين گلبي انتِ

بنان : اووف فهيديي شكد احبك

فهد : انسمط ابو فهيدج لتكولين فهيد

بنان : شبيك غير احب ادلعك

فهد : ملكيتي غير فهيد دلعيني

بنان : اي والله حلوو فهيد الله يجنن

ابتسم وگال : خوش كافي بس صوتج نصي

بنان : فهد يصير احضنك هسه؟

ضحك وگال : شنوو محتاجه حنان

بنان : اذا متريد عادي

فهد : شلون ما اريد بويه بس شسالفه كدام العالم نتحاضن وشوفي جماعتنه كلها عينها علينه خوب ياسر حيزركنه بعين

بنان : هم صح

فهد : اي بس لزعلين بس نرجع احضنج وابوسج وو

بنان : فهدد كافي

فهد : فهااااد كافييي

بنان : لتقلد عليه

فهد : معليجج مرتي وعاجبني اقلد عليها شعليج انتِ

بنان : اوفف

فهد : تدرين اليوم شنو ؟

بنان : شنو

فهد : متدرين

بنان : لا والله شنو

فهد : هاي انتِ لعد مطفيه من رئيسي

بنان : شبيك فهد شنوو

فهد : بعدين تعرفين

دنمشي عادي اني وياه شو ما احس غير بطني كامت تصل عليها وجع قوي جان الزم ايد فهد حيل وگلت

_ فهد لحظه

فهد : شكووو شبيج

احس الم دياكل بطني كمت ابجي من الوجع لان قوي احس احد ديضربني بطني حيل گلت

_ فهد بطني بطني

اجه لزمني حيل وگال : شكو شبيج بنان لتخبليني

كمت ابجي حيل من الآلم گلت

_ فهد بطني دتوجعني حيل راح تموتني

هوه سمعني هيج وهم دابجي لو تخبل .. مهتم للمكان الي احنه بس ولا للناس كام شالني وصار وجهي عصدره وابجي من قوة الوجع الي اجاني فجئه ..

اخذني بسرعه للسياره جان اسمع صوت ياسر گال

_ هاي شبيكم شصاير شبيها بنان

فهد : بطنها دتوجعها فراح اخذها للمستشفئ وعود انتو شوفوا شوكت ورجعوا للبيت

ياسر : تريد نجي وياك

فهد : لا ميحتاج يلا روح بويه ياسر يم الاهل

ياسر : تمام

ركبني بسياره وگال

_ بويه بنان بعدها بطنج

بنان : فهد بطني دتوجعني حيل والله

فهد : لتخافين هسه نروح للمستشفئ نشوف بس خاف تقلصات

بنان : لا ما ادري هل مره وجع قوي حيل

تنهد وكمل سياقه كامت تجيني افكار خاف خسرت الطفل كمت ابجي وجنت لابسه فستان كمت اوخر بي اشوف رجلي نازل عليها دم او لا

وهوه شافني احوص گال

_ شكو شبيج بنان

مرديت عليه باوع برجلي ملكيت اي دم جان يعيط وگال

_ شبيج متحجين

ابجي ولازمه بطني گلت : داشوف اكو دم لو لا

اباوع عليه بالمرايا عيونه صارت حمر گال

_ ليش نازل دم منج؟

بنان : لا ماكوو

هز راسه وسكت جان اكول هاي الجمله واني گلبي يتكطع گلت

_ فهد خاف راح الطفل

باوع عليه وگال : بس لتخافين ولتفكرين هيج ان شاء الله ماكو شي وحتئ لو راح فدوه اهم شي انتِ بخير

سكتت محجيت شي وبقيت حاطه ايدي علئ بطني وادعي واقره ايات بگلبي ..

لحد موصلنه وراد يشيلني گلت

_ ميحتاج تشيلني اني امشي

محجه شي بس سندني وفتنه للمستشفئ للدكتوره وبسرعه اخذتني دكتوره ..

خلوني بغرفة هوه بره بقه انطتني مسكنات گلت

_ دكتورة ابني بي شي صار عليه شي

_ الحمدالله مابي شي بس انتِ ليش تعبين نفسج

_ دكتورة اصلا ما اتحرك وكله امشي شويه

_ حتئ لو ديري بالج علئ نفسج وعلئ ابنج ترا بطنج روح

هزيت راسي ..
طلعت الدكتورة واجه يمي فهد

لزم ايدي وكام يحجي بهدوء وگال : لازم بعد أقل شي تنتبهين عليه بنان

بنان : والله ما مشيت سريع ولا اي شي مو شفتني

فهد : ميخالف صيري حريصه أكثر .. هسه شلونج

بنان : احسن شوية بس بعد اكو وجع

فهد : انتظريني اسأل الدكتورة حتى نطلع ونرجع للبيت

بنان : اوك

طلع و راح للدكتورة سألها ورجع علية بسرعه گال

_ اي يلا امشي

اجه يمي على كيف وسندني ولحد ما طلعنا ركبنا السيارة ورجعنا للبيت ..

____________

بالحديقه
روان

كام عمو زياد گال : شنو شبيها بنان

اجه ياسر : مادري والله راحوا للمستشفى هسه

رزان رأسا نفس اللحظه تحضرت تريد تبجي بعدين ياسر كال بضحكه

_ لحد يخاف مابيها شي

كمت عليه بخوف وگلت : ياسر بنان شلونها

ياسر : زينه زينه والله فهد كال بطنها توجعها وبس

روان : خاف بيها شي

سحبني وگال : تعاي تعاي نروح نمشي ونسولف بنان مابيها شي لتخافين

روان : اوف أن شاء الله .. نرجع للبيت ؟

ياسر : هسه شوية عود و نرجع .. روان تدرين انتِ كبالي واشتاقلج

روان : اي

ياسر : احبج ام كفشه

روان : ما احبك

ياسر : بعد عمي ليش ؟

روان : غير عيطت عليه انتَ

ياسر : شوكت

روان : يااا بسرعة نسيت خطيه لان منوو صارلها ساعه يعيط عليه ورزلني

ياسر : اي غير خايف عليجن ضعتن فرضا صارلكم شي

روان : واني شعليه تعيطون عليه مو هنه صخار خطيه

ياسر : مو انتِ ذيبه مالتهن فلهذا حاطيهن تحت حمايتج ست روان

روان : اممم زين

ياسر : لزعلين منيي

روان : مزعلانههه

روان : ياسر صدك ما طلع صخام نتائج مالتك شوكت تتخرج

ياسر : مضل شي طركاعتي

روان : الله كريم .. صدك ليش منخلي ريم تبقى يمنا اليوم هاا شتكول

ياسر : اي والله خوش فكرة هسه اكول لمؤمل

روان : مو تحجي ويا عبالك تريد تتعارك يعني بهدوء فهمتني

ياسر : دخيطير والله يا الله هسه اجيب اختي اجيبها

روان : اكيد تجيبها لتخاف .. ياسر ياسر تدري شنو

ياسر : شنو

روان : افكر اسرح شعري واكصه اصلا

ياسر : ها ها شنو مسمعت ؟

روان : اعتقد سمعت

ياسر : انسي هل شي

روان : ماااا ياسر حباب

ياسر : شيلي الفكره من بالج نهائيا خوش

روان : افففف يعني اني يا يوم كايله فدشي وقبلت

ياسر : ما شنووو اني احب شعر كفشه

روان : اني ما احبه

ياسر : اني احبه

روان : شعري لو شعرك؟

ياسر : شعري

روان : هسه اسرح واخليك كدام الامر الواقع

ياسر : شحدج المهم ماريد نتعارك لان طالعين وحلوين مثل الاودام

روان : ليش جنه حيوانات احنه

ياسر : لا حشرات

روان : يمهه متت يمه من ضحك ترا مضحك

ياسر : هوه بس النفسين مثلج ميضحكون

روان : تافهه

ياسر : من زمان

روان : روح شوف اختيي وفهد وين صاروا

ياسر : هسه اخابرهم

دك ياسر على فهد جاوبه وكله بنان بخير مابيها شي وهسه راجعين للبيت احنه

سد الاتصال منهم وكالي : شوفي مابيها شي تعاي امشي خنسولف ترا ضايج لتطلعين هل طلعه من عيني

روان : مو تدلل أمشي عمي

ياسر : اكوووول ترا دتاخذين الحچي مالي

روان : اي غير احبك فدابووووك منك حچي

ياسر : هو كلشي بوكي الا عمي

روان : ليش عيني

ياسر : عمي وحد هاي مميزه

روان : ها يعني ترخص عليه

ياسر : طاحضك ياسر اي والله لا عمي اخذيهااا

روان : عبالي

ياسر : فديت صكارتي

روان : صكارتك

ياسر : اي والله وطركاعتي هم

___________

هُمام
من كامت مَي كمت وراها رأسا
هي تمشي ومتدري اصلا اني وراها

صحت عليها بصوت خفيف : مَي .. مَي .. الفاهيهه
اندارات علية رأسا

مَي : هااا .. انتَ شجابك وراية

مديت ايدي وگلت : معليج جيبي اني اشتريلج

مي : هـا

همام : انيي اشتريلج

مَي : شكراً ماريد

اندارت وكملت طريقها

همام : مَيييي اوووكفي

وهي تمشي تمشي ومتندار

ركضت صرت يمها : شبيج أنتِ مو داحجي وياج

مي : مادري ماسمعتك

همام : كل هل عياط ما سمعتي على العموم اوكفي اريد احجي وياج

مي : بشنو

همام : اني اعتذر اذا ضوجتج هذيج المره

مي : لا عادي ما ضوجتني والله

اباوع عليها عيونها دمعت

همام : شسالفتكم وية البجي انتن

مي : هـاا

همام : هيج ماكو شي .. اعتذر مرة ثانيه

مي : ليش تعتذر ما بيناتنا اعتذار احنه

همام : احمم اي

مَي : هو اني هم ردت اكلك شي

همام : اي كولي

مي : شكراً كلش هواي لان خليت اختي تنفصل عن زوجها

همام : ماكو داعي للشكر هذا واجبي .. صارلي شكد مشايفچ

مي : اي من يوم بنان لما جتي للمستشفى مو لو لا

همام : صح

سكتنا شوية واحنه نمشي بعدين كالت

مَي : همام

طلعت مني بالغلط كلت : عيونه

مي : هـا

همام : نعم

مي : اذا احجي وياك عادي

همام : شنو لازمج متحجين وياي

مي : لاا لا مو هيج اقصد همام يعني بالتليفون بس لتفهمني غلط لان والله ماعندي أحد احجي ويا محد يحجي وياي غير بنان وهم ملتهية هي بس اني اضوج

همام : اكيد عادي اصلا زين اني تقبلين احجي وياج لو هم تتزعلين

مَي : لا لا ما ازعل عادي لأن اني اضوج ومحد يحجي وياي

همام : تمام

من بعيد اجه ابوها گالت

_ هذاااك بابا

همام : حتروحين؟

مي : اي حروح يلا باااي

همام : وين باي اوكفي اجي اسلم عليه

راحت بسرعه هي ونزل سلمت علي وراحوا
من رجعت لكيت الكُل لام كل شي وينتضروني كلت الهم مَي راحت

ياسر : هـا راحت عصير

همام : راحت دير بالك تحجي عليها خوش

ياسر : اويي ليش عيني

همام : هيج لتحجي

مؤمل : يلا بعد احنه هم نروح

ريم : لا مو اريد اروح وياهم

گال ياسر : اخي في الاسلام الضابط مؤمل احنه نريد اختنا العزيزه ريمه تجي ويانه للبيت

همام : اي تجي ويانه ريم يلا تعاي

ريم : اخواااانيي

مؤمل : تردين تبقين ؟

ريم : اي اي ابقئ

روان : اي نريدهاا عيني

مؤمل : تمام روحي واني باجر الصبح جاي اخذج

ريم : عزاااا شنو بس ليلة

همس وگال : حمدي ربج وسكتي

ضحكت وگالت : خوش الحمدالله لعد

سلمنا على مؤمل ورحنا لسياراتنا ورجعنا للبيت

__________

بنان
اول ما رجعنا للبيت صعدنا للغرفه

ورا دقايق فهد كال : بنان اجوي كلهم

بنان : شنو شبسرعه رجعوا

فهد : مادري يلا عادي اني راح انزل رايده شي ؟

بنان : سلامتك

فهد : يلا شو نامي ارتاحي مو تفرفرين مدري شنو

بنان : لا ما افرفر كعدت شووف

فهد : عفية بطله

ابتسم الي ونزل

ورا شوية صار هجوم عالغرفه
طبت روان وراها رزان وريم وياهن

ضحكت بفرحه گلت : يااا هلااااا

جني علية حضنوني

روان : حقيرة شلونج وهذا ابنج الوكح شبييي

بنان : زين مابي شي

رزان : والله ردت ابجي لما شفتج خفت عليج حيل الحمدلله

بنان : اي والله شسوي

ريم : لكممممم شنووو رجعت لغرفتي هيهيهيهيهي

روان : ضحكت يَسورتي لتقلديها

ريم : يسورتج؟ يرحم ايام زمان المكافش مالتكم

روان : غويرة

ريم : دمشي ولي انتِ ويسورتج

بنان : ريم مشتاقتلج والله حيل ومكانج خالي

روان : قبل شوية صارت مناحه جوا خاله رحاب تبجي وريم حاضنتها وية عمو محمد وزوزو نفس الشي يعني موقف مؤثر

ريم : جا غير اهلي

بنان : ايييي تعالن نسولف

ريم : اي ولج عندي سوالف بس انساهن مادري شلون

روان : لا لا تتذكريهن هسه

ريم : اييييي اول شي مؤمل باجر ياخذني الصبح علساس

بنان : يااااا مو هوايييي شنو بس ليلة شبي نحس

روان : خل يولي شنو ليله اذا مو اسبوع ما اقب

ريم : لج اي اذا يكول شغله ميتراجع بيها بعدين مصارلي هواي ١٠ ايام مو ؟ اييي مادري هسه كم يوم المهم باعي روان كولي لياسر يجيبلنا حلويات اليوم نفرش بغرفة بنان خوش وفهد شسمهه مدري عنه

بنان : فهيد ميقبل اعتقد بس شنو لا على عناده ابقن

ريم : لا خطيه اخوية احمم خلي ياخذ راحته

روان : مو انتي جنتي تحسديهم

رزان : تطورات

ريم : لكم لا يعني اني من احط عيوني بس مو بهل وقت لان مقهورة على بنان

بنان : يااا

رزان : تعاي تعاي دتكتبين بدفترج عبارات لو لا

هزت أيدها وهي تضحك : راح ينترس اشعار لـ نزار قباني ومن گلبي وصاير خريطة العالم العربي

روان : تذكرت دفترج القديم كل عبارة تكتبين يمها حرفه

ريم : انجبي لتضحكين

بنان : روان صريحه ممجذبه

ريم : انتِ هم اسكتي صدك رزان شلونه دكتورنا وياج

ابتسمت وكامت تحجي : كلش زين

روان : امممم هاي الثانيهه شو احس بس اني ماعندي رومانسية وهاي كلجن رومانسيات حتى هاي ريم الجلبه

ريم : اني جلبة مو اكوملج

روان : اي يعني حتى تكتبين عبارات أما اني احس رومانسيتي بالعركات

بنان : بهاي صدك

رزان : تعرفين نفسج زين

روان : اي شسوي هاهيه

_________

ياسر
ورا ما رجعنا تجمعنا كلنا بالليل بغرفتي الجميله

ياسر : ممصدك اني المعقد يحب هاي الفاهيه لك هاي يرادلها هلهوله

ايهم : هلهل انتَ

ياسر : لا عيب كبرت هيهيهيهي

ايهم : منو هلهل من شافني

ياسر : محد

همام : ابتليت كلتلك مو صوجك اصلا صوجي اني

ياسر : وليش عيني فوك ما اني اخوك من اهمداك مو صوجك صوجي اني اسمعك

عاط فهد : شنووو هاي شبيكم كله صوجي دا اسمع بس كلمة صوجي

ياسر : مدتشوفه متندم لان حجالي

فهد : حقه يتندم انتَ شهرته لان عاشق

ايهم : هسه انتَ على كيفك محامينا شوية شوية ويانه يعني واذا عرفنا

همام خزر ياسر

ياسر : هسه اني شعليههههه

همام : لا خطيه شعليك

ياسر : شوف حمام خليني شسمه احبك وأخوي وعلى عيني وراسي شمسويلك اني ها ؟

فهد : ترا دوختوني اذا اكتلكم هسه احد يكلي ليش

ايهم : ليش

فهد : انتَ اسكت مو وياك وية هذولة المخابيللل ترا تخبلت من وراكم

همام : اني معلية هو نشر الخبر وكلتله لتكول يكولي امان ومدري شنو يلا وينك

ياسر : هسه اني شمسوي شعليه اصلا معلية لان صوج لساني هو يحجي مو ياسر

فهد : هااااا اي والله خوش عذر هذا

ياسر : كلسع تكول ها ها فاهيهه صدك شلون حبيتها يمكن تكوللها ها حبيبتي تكلك ها شلونج ها شخبارج ها شأكلتي ها

فهد : ياااسر

ياسر : ها ها شبي ياسر

همام : والله ياسر راح اكوملك

ايهم : انجبوا يلا كافي سدوا الموضوع

همام : لا ما اسده عساس روان شلونهااا وتجي تحجي على مرتي المستقبليه

كام ياسر بعصبية : تحجي على مرتي ولكككك ؟

همام : لا لا

ياسر : عبالي جان عرفت شسوي بيك

فهد : قسما بالله الي ميسكت راح ابتلي بي

ايهم : ابتلي بيهم فهد عادي

فهد : لا ليش ابتلي اكوم واخلص من الهوسه هاي وهذولة الزعاطيط ولا چنهم زلم مشوربة طاحضكم

ياسر : رحم الله والديك

همام : شكراً سيادة الضابط مقبوله منك

فهد : غصبا عليكم تقبلوها مني يلااا حروح في امان الله عسى ما ناركم تاكل حطبكم

ايهم : اوكف فهد جاي وياك انزل جوا

فهد : تعال بوية تعال

___________

بنان
ورا شوية اندكت الباب وفهد مد راسه : شنو شو اليوم هنا ؟

ضحكت ريم : عادي نبات هنا

هو شكله أنصدم : شنو ؟ هنا كلكم ؟

ريم : اييييي كلنا ليش

فهد : ها مو هاي هيج لا ضلوا حروح اني

ريم : لك لا تعاي اخوية العزيز جذب نتشاقه اصلا شنو اني مشتاقه لغرفتي حروحلها

فهد : ايي

جان يحجي وهو يباوعلي ويبتسم
اجن مرة لخ يتمضحكن ويحششن علية وكل شوية فهد يكول : ترا ما اقبل احد يضحك على مرتي يلا روان عيني اخذي بناتج وروحي

روان : يمه هذني لو بناتي اهج

اخر شي طلعن وهوا بقى يمي

اجه يمي يضحك : همزين ولن

بنان : هي ريم تكول مشتاقه لغرفتي

فهد : شبسرعه ريمه تزوجت

بنان : شكلك ممستوعب

فهد : تؤ ممستوعب

بنان : فهد

فهد : ها

بنان : شسمهه مدري شكول شبيك ساااكتت

فهد : حزين

بنان: عليييمن حزيننن

فهد : شمدريني صدك شو تقربي

بنان : ليش

فهد : كلت تقربي ما اكلج ولو اكدر اكلج بس مو هسه

بنان : شبيك فهددد

فهد : عوفي فهااادد

قربت راسي جان يشتم شعري : ريحته تجننن

بنان : تدري شنو انتَ شعرك هم بي ميزه حلوة

فهد : يا ميزه

بنان : شعرك حلو وسرح

فهد : صايرة خبيرة بالشعر

بنان : اي شعبااالككك

كام وگال : بنان راح اطلع شوية واجي

بنان : وين

فهد : هسه هنا قريب .. لتروحين لغرفة ريم ابقي

بنان : ليشششش

فهد : ابقي ومعليج

_______________

بنان
كاعده بالغرفة ضايجه وفهد لحد الان ما اجه نعست وگلت خلي انام غطيت نفسي حتئ انام شو ما اشوف غير طركعه صارت ورايه انداريت وجان اشوف فهد بس ضوه مطفي فـ ممبين شنو شايل بيده گلت

_ شكو يمهه فهد

فهد : اششش خربتي مفاجئه

بنان : يا مفاجئه

راح فتح الضوه اباوع جان شايل بيده كيكه وشموع گلت

_ هاي شنو فهد

فهد : كيكه وشموع شنو يعني

بنان : اي المن

فهد : الجدي جدي حيجي من الكبور ياكل هل كيك خوش

بنان : هسه شحجيت اني

سكت محجه شي كام يفتح بالكيكه و حط شموع بيها واجه كعد يمي گال

_ يحلوه اليوم عيد ميلادج

شهكت بصدمه وگلت : عيد ميلادي

فهد : ايي

بنان : ليش اليوم 12 بشهر ؟

فهد : ايي بويه اليوم عيد ميلادج

دمعت عيوني وگلت : وانتَ شمدريك بعيد ميلادي

فهد : غير شايفه بالجنسيه مالتج وضل بالي وگلت اسويلج مفاجئه بس هاي النتيجه نكشفت المفاجئه

بنان : اوويي فهد احبكك ومجان يحتاج والله وجودك احلئ هديه

فهد : حتئ لوو بس لازم نحتفل بعيد ميلاد درابين گلبي يلاا نفخي شمعهه

ضحكت وگلت : والله معرفتك شنو انتَ تهتم لهل امور

فهد : لا بس انتِ غير يلا نفخي

بنان : خلي اتمنئ امنيه لحظه

بقيت مغمضه عيني وطولت بالامنية جان يكول

_ مطلعت امنيه هاي شطولها الامنيه دنفخي خلي ناكل كيك لا اعوف هاي الكيكه واجي آكلج الج خوش

ضحكت وگلت : لا هاهيه تمنيت

نفخت علئ الشمعه جان يكول

_ كُل عام وانتِ عمري وروحي و درابين گلبي

ابتسمت وگلت : فهد تدري كُل يوم داحبك اكثر من الي قبله

ابتسم وگال : هوه هذا الي اريده ما اريد حبج الي ينتهي

بنان : اصلا مستحيل ينتهي

جاب سجينه وگال

_ يلا كصي الكيكه حتئ تاكلين وياكل ابني هم خطيه هسه ديحجي علينه يكول كافي تتغزلون اريد اكل

ضحكت وگلت : يلا حاكل

كمت اكل وهوه صافن عليه گلت

_ ليش متاكل انتَ هم

فهد : ما احب هل كيك دانتظر كيكه تخلص اكل واجي اكل منها

خليت ما اعون علئ الميز وگلت

_ تدري هاي اول مره احس بيوم عيد ميلادي وبوجوده جنت قبل ما احس بي وانو يوم مثل كُل الايام يمر ويروح

فهد : وهسه حسيتي بي

بنان : ايي .. احبك فهد

فهد : اووي احبك فهاااد

بنان : فهدد

فهد : فهاااد شبي فهاااد

ضحكت وگلت : كافيي

اجه تقرب يمي ولزم راسي وگال

_ اني مو وعدتج وگلتلج راح اعوضج عن كُل لحظه محلوه مرت بحياتج

بنان : احلئ عوض انتَ الله ليحرمني منك

ابتسم وگال : احبج

وقرب وجهه يم وجهي وباسني بشفتي علئ كيف ورها وخر وگال

_ هذا الكيك الاصلي مو جايبيلي هذا يقشمرون بي العالم

بنان : فهيد

فهد : خلصنا من فهاااد اجه فهيد شو تعاي الحضن فهيدج مشتاقلج

ضحكت واجه نام يمي وحضني حيل ونمنه ..

وجان هذا من احلئ ايام حياتي واحلئ عيد ميلاد الي ..

___________

ريم

كعدت صبح وحضرت نفسي لان راح يجي مؤمل ياخذني فتريكت يم اهلي وسولفت شويه وي البنات وراها گالوا اجه مؤمل راح هم سولف وي اخواني شويه

ورها اخذني وركبنه بالسيارة جان يكول

_ ظاهر عجبتج الكعده يم بيت اهلج واني عايفتني البارحه افر بذاناتي

ريم : غير متكدر من دون ريمه

مؤمل : هل ريم مدمرتني وصدك بارحه مصدكتي كلولج تعاي ويانه وانتِ رحتي ركضتي

ريم : ايي غير مشتاقه لهلي

مؤمل : واني متشتاقيلي

ريم : مو انتَ يوميه اني بحضنك

ضحك وگال : طالعه عينج

ريم : ياا هسه يلا دريت بعد بعد مشايف شي

مؤمل : مو بالبداية جنتي خجوله وتستحين

ريم : مو هاي بالبداية اكيد لازم اصير هيج بس هسه حتبدي تطلع حقيقة ريمه

مؤمل : والله احب ريمتي بكل احوالها بس افضل ريم الحلوه بالغرفة

فتحت عيوني وعطت بضوجه گلت

_ مؤمل شنو هل كلام

مؤمل : ليش حجيت شي غلط

ريم : اووف

بقه يضحك وصلنه للبيت لكينه خاله بالمطبخ دتطبخ هوه راح صعد فوك للغرفه واني داصعد جان صيحني عمة سُمية

سُمية : انتِ يالمسعده وين رايحه

انداريت عليها وگلت

_ فوك

سُمية : انتِ متستحين وحده مصارلها شهر ونص مزرجه رايحه بيت اهلها وعايفه عمتها تجورب شغل شنو موقعج انتِ

ريم : اني رايحه بيت اهلي مو بيت غريب وشوكت ميعجبني اروحلهم لان اهلي همه وثاني شي اني دائما اساعد خاله ام مؤمل واذا اني مقصره بشي جان حجت

سُمية : فوك شينها جاي ترادد

ريم : هسه شنو المطلوب ؟

جرت حصرة وگال : اهخخ يا مؤمل كله بسببج شوفي شسوتيله سحر واجه اخذج اصلا جان رايد بنتي الحلوه النادره الي مينسمعلها صوت وجانوا علئ باب خطبه بس شوفي انتِ شلون اخذتي انتي وامج امهات السحورة سحرتوا الرجال

اني حجت هيج جاوبتها بعصبية وگلت

_ شنو هل حجي هذا عيب ترا ادري انتِ اكبر مني بس ما اسمحلج تحجين هيج عليه وعلئ امي

سُميه : احجي هيج واكسر راسج هم

جان تكوملي وبحركة سريعه دفعتني حيل بالكاع واجت الوكعه علئ ظهري ..

نهاية البارت
يتبع ..

(لاتنسوا التصويت)

أن شاء الله يعجبكم البارت وبال 5000 كلمة 💖

7.nldn حسابنا الأنستا

إلى اللقاء يا أعز العابرين في قلبي ♡.

الكاتبات دينا & نور