نصف شهر عسل الفصل الثامن وأربعون 48 - بقلم غزل الحجامية

مظفر يكوُل :
مَرينةهَ بيكُم حَمد ، وأحنةهَ بقطار ألليل 🌿 .
وانةهَ أكوُل يِمظفر :

لا نظرةهَ ضَلت لا هلةهَ ، ولا جلمةهَ بيِني وبيِنةهَ
مَرينةهَ بيهُم ياحَمد بِس مَحد يُمر بينةهَ 🌿 ! .

..

اجه عليه اسد علي بسرعه شاف الدم من راسي نازل ع ضهري شالني ونزل بسرعه

ابوي شافه انصدم اشوفهم واسمعهم بس احس الدنيا تفتر احس الدنيا تكبر وتصغر مابيه احجي

ابوي شصاير شصاير

اسد علي اخذها للمستشفى وارجع وحق الله يا منير موتك ع ايدي وحق الله

ركض بيه وابوي ويانه صعدني بالسيارة ورة شويه بدة الوجع يخف لانو غمضت عيوني
كعدت لكيت نفسي نايمه وراسي ثكيل احسه

اول مافتحت عيوني احه ابوي يركض عليه

واسد علي كاعد يمي

ابوي ها بابا اشلون صرتي

ريحانه الحمدالله بابا بس راسي موتني

اسد علي وغلاتج اله امحي من الدنيا اصبريلي

ابوي اسد مو وقته هل حجي اسكت

اسد علي شنو مو وقته شنووو

ريحانه اسد راسي موتني اسكت عوف هل حجي هسه اريد اطلع

اسد علي اي هو الدكتور كال من تكعد تكدرون اطلعونها

ابوي كومي بابا يله

كمت ابوي لزمني بعدين دك تليفونه هبه دكت عليه اجه اسد علي هو لزمني

باوعتله شكله عصبي ونار بعيونه

ريحانه امم خفت عليه

اسد علي شو انجبي

ريحانه اممم بس تدري شكلك حلو من تخاف عليه تجنن يابو كلبي

اول محجيت هيج ابتسم بوجهي واني همين مشينه للسيارة

طبعا اول موصلنه للبيت بدت شذى وهبه يغلطن على منير

اسد علي انتي شوداج ويا فهميني

ريحانه مارحت برضاتي جنت اني وصديقتي نتمشه اجه عليه وخفت من المشاكل كال بس كلمتين واعوفج

اشو صعدني ومقبل انزل

ابوي هسه هو شويه ويجي ونفهم منه كلشي

اسد علي شعنده جاي اني اروحله وحق محمد اله اموته ابيته عرض السكط

ابوي اسد اهده يمكن الولد يريد يرجع مرته

ريحانه شنو بابا انته تحجي صدك

ابوي بابا اذا سوة هيج شنو معناها اكيد يريد يرجعج بس هو ارعن معرف يصرف عدل

اسد علي لحضه لحضه مجاي افهمك يعني بعد كل الي صار تريد ترجع ريحانه اله

ريحانه بابا مستحيل مستيحل ارجعله مستحيل انسه اهانته هو واخته ومرته اليه مستحيل انسه ابني الي راح بسببهم شنو نسيت نسيت من اجه ابيتنه واتهمني بايكتهم

ابوي يابابا ياحبيبتي صح كلامج بس الكل يغلط

ريحانه واني مامجبورة اسامح كل الي يغلطون بحقي اني تعبت كافي خلوني اعيش حياتي مثل ماني اريدها مرايد ارجع بابا

ابوي يجي والله كريم نشوف الحجي شيصير هسه انتي متعصبه

ريحانه اسد ماتحجي شبيييك

اسد علي حجي اني كتلك ريحانه ماترجع اله يعني ماترجع اله لو اعرف اروحله واكتله حلال

هبه وانته شبيك هيج فاير مره ورجال لا تدخل بيهم

اسد علي شنو مره ورجال شتحجون انتوو ريحانه ما عمرها صارت مره ورجال هيه ومنير مو اله يامحمد مو اله

..

بقو ابوي واسد علي يتصايحون واني احجي وهبه تحجي شذى واكفه يمي مخليه ايدها ع جتفي وتحجي

هبه ماما افتهم اختك مطلقه صح طالبه بس مطلقه منو تتوقع يجيها ها منو تتوقع احد راح يتقدملها اذا ماعنده جهال اذا مامتزوج ومطلك

اسد علي شهللل حجي ها شهل حجي شبيها يعني شناقصها ايد رجل كحبه لا ابد ريحانه اشرفهن كلهن

واذا منو يتقدملها اني اني اتقدملها ريحانتي اني اخذها

ابوي انته شتحجي اسد

اسد علي اي حجي ريحانه اليه اني اريدها اخطبها منك ولو مصايرة هاي السالفه كم يوم احجيلكم اني جنت منتضرها تنسه جرحها حتى تتقبلني

بلحضه محسينه غير ابوي يضرب اسد علي شذى بسرعه طببتني للغرفه وتضحك الناس تصيح وشذى تضحك

ريحانه صدك تحجين وخري خلي اشوف بابا لا يسوي شي

شذى اكعدي ادبسسز عندج علاقه باخوي واني مادري ريحانتي مووو

ريحانه مو وقتج ولج وخري

ماخلتني اطلع بقو ابوي واسد يحجون

ابوي مستغفليني اثنينكم ابيتي وعايشين غراميات وريحانتك مافكرت بيه ماكلت عيب رباني وسواني زلمه اخونه والعب بعرضه

اسد علي حجي لا تحجي هيج ريحانه حبيبتها وردتها صح الدنيا لعبت بيه ويمكن محافضت عليها بس حبيتها وماخنتك اني ابيتك وصنت بنتك

انته صح ربيتني بس اني مسويت شي ولا نكرت معروفك بنتك رايدها حجي اعتبر مصار

اي شي من هذا الي هسه صار اعتبر اليوم عادي واجيت اخطب بنتك منك حجي توافق

يمكن صح اني غلطت وطبيت سجن وانته تعرف بكل سوالفي بس اتغيرت حجي اتغيرت

علمودها اتغيرت

لا تعاين عالوجه عاين على الكلب النضيف، الكهوه سوده بس بيضت وجه المضيف .🖤

ابوي . انته تاخذني ع كد عقلي لو شنو شوف اسد تحلم تعرف شنو تحلم

تشوف ريحانه تاخذ اختك وامك واطلعون من بيتي وماشوفكم هنا بعد وامك اني اعرف اصرف وياها اكيد اختك وامك يدرن وطابخينها سوة واني مادري

هبه شنووو حجي شهل حجي اني لو ادري ببني يحب بنتك جان زوجتهم ومن زمان

اني متفاجاة مثلي مثلك وشبي ابني وماتقبل بي لبنتك
شنو شناقصه يكلك حبيبتها وحبتني حبتتتتني هيه هم رايدته ماخذها وشرد

ولا تزوجها وعذبها مثل العينتين ولا وكع ابنها تريدنه نروح تدلل هسه الم غراضي الي اجيت بيهن واخذ ابني وبنتي واروح

اسد علي اهدي انتي اكعدي اني رايح حجي بس راحع من تهده ارجع اني

طلع اسد علي من البيت ومرت ٣ ايام مشايفته ولا مخابر هبه تفهمت الموضوع صح احسها

ضايجه مني بس ساكته لانو تدري باسد علي يحبني واذا قفل محد يغير قراره

بهاي ال ٣ ايام اجه منير وابوي طرده وتعارك ويا وكله اذا تجي هنا بعد ارفع عليك

دعوة وطبعا هو خاف ع نفسه وماشفنا بعد

هو هذا الفرق بين منير وبين اسد علي منير ممكن يبيعني بسهوله وبرخص الثمن بس اسد لا يحارب عامودي صح غلط وياي

بس ديحاول يصحح اغلاطه منير يصلح الغلط بغلط
ثلاث ايام وماشيفته

بس بالصور افتح المبايل واشوف صورة وماكدر اخابرة
ماعرف ليش يمكن منتضرته هو يخابر وهو لانو يتحرم ابوي ميخابر

وشذى ناصبه عليه كل شويه وتحجي باسد وليش ضميت عليها لحد ماسولفتلها كلشيي

ثالث يوم ابوي اجاني للغرفه من شافني ثلاث ايام ماطلع ولا اكل اكل اشياء بسيطه

من طب شذى طلعت

ابوي شوفي بويه صح امج الله يرحمها ماتت وعافتج يمي بس بويه اني ماقصرت وياج

كبرتج وعلمتج ولبستج اني مو من حقي اكلج هيج لانو هذا واجبي

بس يابويه انتي واجبج تصونيني وتحافضين ع سمعتي

ريحانه والله بابا مامسويه شي مجرد حبيته صح مايصير اكول هل حجي كدامك بس يابه اني نجرحت وحيل انجرحت من منير

واجه اسد علي خلاني احب نفسي وانسه جرحي وانسه ابني بابا ترة والله مابيها شي واذا حبني ورادني ماتفرح اعيش وياك من اتزوج

وانته تعرفه لاسد شكد يداهرني ويعاركني بس يحبني وماهون عليه

ابوي اني ادري باسد علي خوش ولد وهو الي يسعدج بس بويه صارت سالفتكم مو بوقتها

ريحانه نطينه فرصتنه والله يابه احسه هو الي يسعدني بس اذا انته شايف اسد علي غلط اليه عادي براحتك

بقه يباوعلي وعافني وكام

شذى بسرعه اجتي كعدت يمي وسولفتلها الي صار

كامت تخابر بكرم وعافتني بقيت وي نفسي افكر وابجي

ونمت واني لازم الفون واشوف بصورة
- شلون احضنك بالصور علمني ♥️..

ثاني يوم كعدت الضهر ع صوت ضحك واسمع صوت ضحكت اسدي وياها

كمت بسرعه بس من حسيت بدوخهوحسيت الكاع تفتر بيه لانو نايمه جنت وابجي ومماكله شي دخت

المهم وصلت للباب ردت افتحه طبت شذى تضحك

ريحانه شكو منو يمنه

شذى خطابه عيني خطابه جايين يخطبونج

ريحانه شنو منوو

شذى منو يعني اخوي فديته جاب جماعته العفطيه كلهم ومسبحهم ومبدللهم وجايبهم

ريحانه وابوي وين

شذى كاعد يسولف وياهم واحنه دنسوي العصيرر وانتي العروس نايمه

.. شايفين من نايمين تبجون وفاقدين كلششش وتحسون رب العالمين يكللكم ان بعد العسر يسر لو ان الله يمهل ولا يهمل

‏"مَن ظنَّ بالله خيرًا فلن يُخيّب الله ظنّه، ومن شكرَ اللهَ على نِعَمه زادهُ الله من فضله؛؛؛ ومن توكّلَ على الله فهو كافيهِ وحسبُه.."۽. ➺.

اني حسيت هيج حسيت باحساس كلشش حلو حسيت انو رب العالمين دايفرحني

بسرعه رحت ع المرايه رتبت شعري فتحت التليفون شفت رساله من اسد علي

.. اليوم اني جاي لو اقنع ابوج لو يقنعني واكيد راح اقنعه لانو ابوج خابرني وبيه مجال

... شنو ريحانتي نايمه كومي ترة اني وصلت دالم بجماعتي جايينكم مشيه

ريحانه ترة طولتي كومي رتبي نفسج عاد ترة اني زينت

ريحانت حياتي نايمه

صباحج ورد عمري
صباح الخير يا خلّي
تعآلي بحضني وكملي نوم
عوفي فرآشج يولي
..

اقرة واضحك فرحانه وشذى دكلي اليوم اكب عركه وي كرم شنو ميدزلي هيج

طلعت للمطبخ واجت شذى ورايه شفنه هبه اتسوي بالعصير

ريحانه ها ام اسد اساعدج

هبه ام اسد شنو منا وهيج عمه ولا عبالج ابوج رجلي وسوالف العمات ماسويها

لا عيني اقوة عمه اني وتعاي اشربي عصير وجهج اصفر خلي ابني تنفتح نفسه

رحت حضنتها وشربت عصير واني اشرب بالعصير

اجه اسد علي شايفين شنو حسيت كلبي بالباب منتضرة اول مطب للمطبخ حضنه هيج حسيت صارلي ثلاث ايام مشايفته

احسهن ثلاث قرون

شذى احم احم خويه لا تصفن هواي كم يوم وتزوجون واشبع بيها صفنات

هبه يمه شبيك ساحرتك دتعال احضني كول يمه مشتاقلج

شذى يمه انتي كل شويه يخابرج بس العينتين ميخابرها ولا هيه تخابره فشتاق

اجه باس راس امه واني اباوع عليه ع مشيته ع ايده من حضن امه ع كلامه ع نضرة عيونه كلشي يسوي احفظه

العصير جان يمي اجه حتى ياخذه وطخني

اسد علي ترة ضعفانه شنو يمه ماتوكلينها

شذى لا عيني زعلانه ع الغالي

هبه وهل اجه الغالي خلي نشوف شتعوف بالثلاجه بعد

اسد خلي تاكل واذا تريد تاكلني هم تهون المهم خدودها تورد

‏أن تكون أمامي وأنظر لوجهك فقط ببساطه ولا رغبة أكبر من ذلك

ابتسم بوجهي احس الدم يمشي بوجهي احس اخدودي رجعن وجهي راح الصفار منه ارتاحيت

شويه واسمعهم يضحكون وابوي هماتين يضحك

عشر دقايق وطلعو اصدقائة واجه هو وابوي ابوي مبتسم اليه رحت حضنته باسني من راسي

ابوي الله يسعدج بابا

ريحانه اذا انته موجود طول عمري سعيده

اسد علي الله يحفضك النه حجي

هبه وشذى امين

ابوي المهم ماريد العرس يطول بسرعه بسرعه سوو

ريحانه شنو تريد تخلص مني

ابوي شخلص يابويه ترة اني جوة وانتي فوك بيناتنه درج

اسد علي مو نكول نروح للشقه اني وياها محد يقبل

ابوي لا اني وافقت لان بنتي راح تبقه كبال عيني

اسد علي الي انته تريده

وصدك بضرف اسبوع رتبنه كلشي الملابس والذهب والغرفه يعني صرف شكد واني وهبه نكله كافي ماكو

اني غرفتي الفوك صح جبيرة بس مو مالت غرفه تركيه فتح الحايط هو وجماعته وكبرها

يعني صرف هواي وكل ماحجي يكلي عوفيني فرحان يرحلج فدوة الفلوس وقابل اني المن صارف غير الي والج

انتة ملكي وكل أملاكي♥️

وطبعا كل مايشوفني يتحارش بيه

المهم قبل الحنه بيوم اخذ ملابسه وراح يم جماعته واني جنت ارتبهن اله الي راح ياخذهن حتى ميخربط الكنتور وجانت شذى يمي

شويه وشذى نزلت عافتني وحدي ويا

اجه وحضني واني هماتين حضنته

اسد اوووف اووف عطرج مايتغير بس اشو احسه يوم عن يوم يصير احله شنو فلمج ريحانتي فهميني

بقيت حاضنته وساكته احس من يحضني اصير اشلون الطفله ولا كانو اني ال تحملت

عذاب منير ومرته واخته وذنب انو اني السبب بموت صديقتي احس نفسي هستوني نولدت ماكو اي اهموم بضهري

..

اكلج ترة احنه باجر حنتنه اذا عندج شي رايده شي كولي اساعدج بشي

ريحانه بشنو تساعدني مثلا

اسد علي يعني براحتج انتي شنو تريدين مثلا اكلج شنو تلبسين

ريحانه مو اختارينه البدلات بعد شنو

اسد علي ورة البدلات يوم العرس مراح تلبسين

ريحانه اممم اني مقررة بيوم العرس ماجي

اسد علي هممم اني هم هيج اكول شعندج جايه خليني ووحدي يمكنء اشوفلي وحده منا منا البنات هووواي

ريحانه اسد هواي بس مو مثلي اني ريحانتك ترة ومحد لريحانه غيرك ومحد لك غير ريحانه

انا امراه لا اتبدل باخرئ فانأ النار اي حريق غيري

اسد علي انتي ريحانتي انتي الي ماتتبدل باحد اووف ريحانه تدرين ممصدك يعني هذا هو خلصنه وراح اتزوجج يرادلها هلهوله

ريحانه شكو بيها هلهل

اسد علي اهلهل بس مو هسه بيوم العرس

ريحانه انشاء الله حبيبي

باسني من راسي واخذ غراضه وراح

...

بيوم الحنه رحت للصالون وطبعا هبه عزمت الكل لانو احنه بيوم الحنه نعقد سيد ورة العرس

بيومين نروح نعقد المحكمه لانو مجان اكو موعد غير هذا اليوم

رحت اني وشذى للصالون واتفقنه ابوي يجي ياخذني طلعت اجنن البدله ذهبيه تدرجات خفيفه من جوة وكلوشه كلللش جبيرة وشعري ومكياج

ملكي صرت اجنن وشذى لبست فستان بيجي ومكياج وكل شويه تفتح كامره ويه كرم ودكله بيوم عرسه انته تجي تاخذني من الصالون مو الحجي

وهو يكلها صار خبلته للولد

كملت المكياج بحدود ساعه ٣ ونص

شذى خابرت حتى يجي ياخذنه ابوي كمت رتبت البركع مالت البدله وطلعنه شذى ساعدتني

لكيت اسد علي واكف بدخول مالت الصالون اجه حضني وباسني من راسي

ريحانه شتسوي هناا

اسد علي اخطفج غير

ريحانه لا صدك وين بابا

اسد علي بقه يم الناس واني جبت جماعتي واجيتج

رجع حضني واني هماتين حضنته انوب رتب البركع وضم وجهي كله بحيث ماشوف خلص

ريحانه اسدد ماشوف هيج اسد

اسد شتشوفين اني عيونج واني ماريد احد يشوف مريتي هيج بس اني

لزم ايدي وطلعنه من الصالون وشذى ورانه تصور بينه الخبله واصدقاء اسد يهوسون وفرحانين والاغاني بكل السيارات

صعدنه اني واسد بسيارة اني بصف اسد وشذى ورانه

واغاني واصدقاء اسد بنص الشارع وكفو السيارات وركصو حتى المرور ركص ويانه واني بالسيارة اشوف شويه وفرحانه

اشوف اسد يضحك واني اضحك وشذى تهلهل بالسيارة وتاخذ صور

وصلنه للبيت وهوسه واحله زفه جانت لا خفت بيها من حجايه ولااحد سمعني حجايه

البنات كلها فرحانه واسد علي كل شويه يكرصني ويضحك

زفوني للغرفه ودخلت وياي بس شذى بقيت بالبدله مردت انزعها حضرت شذى العشه واني ارتب بمكياجي

شويه ودخل اسد علي

اسد علي يله خويه يله مرخصتج

شذى ها خويه شبيك مصدكت شنو

اسد علي طبعا ممصدك ترة بالكوة شردت من جماعتي يله شوفيني جمال ضهرج الحلو

شذى بكيف ريحانه اطلع لو لا

ريحانه اي اطلعي اريد اكعد وي رجلي

شذى لا يا جلبه كبر لفج ترجعيلي

رحت وكفت يم اسد وخليت ايدي ع جتفه وطلعت الساني لشذى

ريحانه عندي اسد ماحتاجج عيني يله ولي

كامت تضحك وطلعت

اسد علي مبروك عليه انتي

ريحانه ومبروك عليه انته حبيبي

اسد علي ولج ممصدك انتي صدك تحجين صرتي يمي وبغرقه وحده صرتي مرتي

گلبي مآرف بس عليك♥️.

ريحانه صدك اسد يعني انته من زمان تفكر بهل يوم

اسد من اول ماشفتج واني اتخيل يوم عرسنه صح جنت سرسري بس الانسان يتغير وتغيرت علمودج

ريحانه احله سرسري بالدنيا تدري لو لا

اسد علي هههههه احبج

ريحانه واني هماتين

كعدنه نسولف ونشاقه واكلنه لانو جنت ميته جوع واكيد راح اكل براحتي مراح استحي من اسد علي

المهم كملنه ورحت وي اسد علي باحله عالم عالم بنفسجي خاص بيه وبي

..

ورة شهر من العرس

شذى مدري ريحانه اني بس سمعته يكول حبيبتي اندري

ريحانه شذى يمكن مشتبهه

شذى براحتج اني العليه كتلج فتت من غرفتج وسمعته يكول حبيبتي شويه واخابرج

ريحانه متاكده

شذى شبيج ريحانه قابل اجذب عليج

..طلعت من المطبخ واني فايرة نار صدك يحجي مصار ع عرسنه شهر ويخوني معناتها صدك ذيل الجلب مينعدل

..واني اصعد ع الدرج صحت اسسسد اسدد

طلع من الغرفه ولازم التليفون بيده

ريحانه اي عيني انوب لازم التليفون بيييدك بيمن جنت تخابر استاذ اسد

اسد علي بمنو اني مجنت اخابر

ريحانه ششوو شو انطيني

اسد علي شيلي ايدج شنو هل اخبال شكوو

ريجانه تخوووني ودكول حبيبتي شويه واخابرج اني عرفت كلشيي مصار شهرر شهررر ع عرسنه

اسد علي اي وشكو بيها انتي مو زعلانه مني ومن الضهر لحد هسه جوة يم شذى شصعدج هسه

ريحانه اااهاا يعني مرتاح بدوني ماشي

بسرعه جريت تليفونه من ايده وضربته بالحايط

ريحانه يله روح خابر

اسد علي وج الخبله هذا تليفونجججج

ريحانه شنوو تليفون منو لحضه

اسد علي تليفونج ولج

ريحانه باوعت ع الكاع اشو هذا صدك تليفوني صدك يحجي يعني اني كسرت تليفوني بيدي

ريحانه اسسسسسسدددد كسرت تليفوووني

اسد علي اني شعليه ولج انتي وشمرتي

ريحانه وانته ليش انطيتنيا والله اسد معليه تشتريلي تليفون واللله معليه كسرت تليفوني وبسببك انته تخون واني اكسر تليفونننات ليششش لييش افلوس حرام

واني احجي جرني من ايدي وباسني من شفايفي سكتني بيها وطببني للغرفه

مغمضه عيوني ماشفت شي اشويه وابتعد وباسني من راسي

اسد علي كل عام وانتي بخير بنيتي

اباوع ع الغرفه مرتبها وشموع وكيكه

ريحانه هاي شنوو

اسد علي هو اليوم لازم انتي تحتفلين بي اليه لانو عيد ميلادي بس ماشي اعتبرج ناسيه

ريحانه صدك تحجي والنبي نسيت مابقه ابالي اسفه يعمري

بسته من خده

ريحانه كل عام وانته بخير حبيبي بس ليش ملمحت اليه عاد اذكر

اسد علي كلت اذا ناسيه اني اذكرها

ريحانه انوب حتى هديه محضرتلك

اسد علي ماكو احله من هيج هديه

ولزم شفايفي

ريحانه امممم

..

عشنه اني واسد علي احححله زواج صدك احله زواج عركاتنه بسيطه لحد هسه مع انو صار عدنه بنيه واني حاليا حامل بشهر ال ٦ صح عندي مضاعفات من بدايه حملي

الطفله مداتثبت وبس اتخربط وانزف بس عشنه احله عيشه صح اسد تغير هوواي واتغير للاحسن

وبنتي مرومه ماخذه بياضي بس ملامح شذى نسخت شذى

وكرم يكول اذا انجيب ولد ناخذه مريم اله حتى لو اكبر منه هيه

شذى وكرم لحد هسه مصار عدهم اطفال هم ماجلين الموضوت عاشت شذى هيه وكرم ابيت اهله قريب ع الكليه مالتنه

وهبه نفس ماهيه يعني سوالفها عاديه مو مالت عمه وكذا

لانو اسد مينطي بي ولا ينطي بيها

وابوي فرحان بمريم وفرحان بالطفل الجديد لحد هسه ماعرف شنو الي ابطني ولا اريد اعرف لانو خايفه خاف يوكع لانو مهدد اكثر من مره بالاسقاط ادعولي بنات

وهسه اعوفجن واخليجن اطلعن من بيتي اني وعائلتي واتمنى تكون عجبتجن قصتي واترك العبرة لغزل هيه الي تنطيها

.. اتشرفت بيج ريحانه

ريحانه اليه الشرف

..

هلو بنات اتاخرنه هووواي بهل قصه صح اتمنى الككل يعذرني اهم شي انو نشرت وماتركتها

العبرة واضحه جددا

الانسان يغلط صح ويسوي اشياء بدون قصده بسبب الصمت

اسد علي جان يحبها من البدايه لريحانه بس ميعرف شيحجي شيكول فوت نفسه وفوت ريحانه بمواضيع

دمرت حياتهم لفترة

وريحانه هماتين صح الطيبه حلوة بس اذا ادوس ع كرامتي لا اتركها للطيبه

اتحملت منير لخاطر امه الي جانت بتها ماتكعد يمها وخسرت الي ابطنها بسبب منير واخته ومرته وابدال مايجي ويعتذر لا اجه وبوكها

المهم العبرة من القصه انو فكرو الشي تريدونه فكرو بي لا تسمحون لنفسكم ادخلون متاهه انتو مرايدين تفوتون بيها

اسد علي بسبب غلط كلللش بسيط جان ممكن يخسر ريحانته

بس الحمدالله مثل ميكولون اهلنه القسمه ادور ادور وترجع لصاحبها

وريحانه رجعت لاسد

وشذى هماتين رادت بس تزوج بس تريد تزوج وهذا الشي غللط وهيه ليش رادت تزوج لانو جانت شخصيتها ضعيفه وماتحس نفسها حلوة

وهل شي غلطط ماكو بنيه ماحلوة كل ابنيه بيها شي حلوو

مميزة بي

ورب العالمين نطاها كرم الي حبها لشخصيتها

اكو امور ناخذها بفترة احنه مرايدينها مجرد انو نريد نثبت شي يعني شذى رادت تثبت انو هيه حلوة وممكن تنحب بس شسوت ازوجت واحد دمر حياتها

والحمدالله هسه وي زوجها ودارسه واحله زواج

اتمنى القصه عجبتكم انتضرني اول يوم رمضان من قصه جديده من ٣٠ بارت واتمنى تعجبكم

تحياتي

غزل الحجامية

انستا oz_ _ _3