رواية نيران أبو ذيبه الفصل السادس والعشرون 26 - بقلم علي العراقي

"نيران أبو ذيبة "

بقلم : نبأ السلطان

الحلقه الـ ٢٤

.......
اجه كركان يركض ويصيح ...
كركان : كتللوه؟؟ كتلوووه !!!
..طفر من مكانه غضب يريد يعرف شنوالصار
غضب : ولك يااهوه الكتلوه احجي شبيك ّ؟
يجر النفس بلكوة من الركض والصياح الي ملئ ارجاء البيت ..
كركان : ابن ضاحي ولكك سليمان كتله
غضب : استغفر الله يا الهي عايزين احنه شهلعبان نفس مو روحي طكت والله
طلع غضب من المضيف وطلعوا وراه يمشون سريع
ركضوا قبلة وفتحولة باب السيارة  صعد بيها   وكركان بس يهذي فوك راسة ما سكت دقيقه
كركان : اخذوه للمستشفى سابح بدمة
غضب : ياهو الگالك ولك ّ؟
كركان : خابروني ورحت شفتهم لكيتهم توهم رايحين
غضب : ما ادري افرح او أحزن انعاد علية شريط غدر ابوي
كركان : يمعود لا تدعمنه هسة جلب ومات يطبه حريشي.
غضب : لا تخاف ما يموت. هذا سبع ارواح
وصلنا لبيت سلمان ولكيناه متروس زلم. كل هذولة ولتهم المة سبحانك الهي
دخلنا اني وكركان والكل جان يباوع علينا سلمنا ..
السلام عليكم
رد الكل علينه  : وعليكم السلام
غضب : لگيت اعمامي هناك
ابو حسن : بوجه ثكيل. هلاا
غضب : شكوو ياابة شنو صاير حجيتها واني قابض على ايدي حيل صعبة علية والله صعبة
ابو حسن :ابو هاني كتل ضاحي ابن سد ضاحي
غضب : وين وليش شنو السبب
ابو حسن : ما ادري الضاهر بيناتهم مشاكل والطلقة اجت بايدة
غضب : استغفرت الله وصرت على صفحة اني وكركان
كركان :  اعرف غضب ما هامة سليمان كل اليهمة سليمان يضل عايش حتى ياخذ ثارة تقربت يمة وشاورته  شدعوة هلگد مهتم
غضب : انجب لك مهتم شنو ؟ماريدنه يفطس
كركان :  عمي سكتت؟..
كركان : جا وين سليمان؟؟

.غضب : باوعت لكركان صفح
لا تخليني انبش ابو سليمان من كبرة هسة صم حلكك
كركان : سكتت سكتت بس تعال هذولة ليش يباعون علينه
غضب : صگارهم اجه اكيد
كركان : اووف يالثقة
غضب : ما اغشك اني.
ضلينا يمهم شوية و اجوا عمي امير و الشيخ عثمان
...................
امير : اجاني خبر سليمان كاتل ابن ضاحي طلعت مباشرتا خابرت عثمان اتصل على غضب موبايلةمايفتح
مغلق رحنا اني وعثمان لبيت سلمان ولكيت الكل وغضب هوه وكركان
عثمان : السلام عليكم
غضب : وعليكم السلام هلا عمي شلونك
عثمان : شلونة الذيب شخبارك
غضب : بخير دامك بخير بوية
عثمان : ما شاء الله الجماعة صايرين مثل فروخ الجلبة خيرهم نگس
غضب : عليمن تعتب على سليمان لو على السادة عود سادة وعدهم الحظ والبخت
المشاكل زادت والكل يتهدد كلها تريد تذبح وتصلخ
هاني : بالعباااسس ابوفاضل انعل والديهم اخلي الكاع تبجي عليهم

غضب : توم كروز بلا إمر عليك ممكن تسكت تذبح وتصلخ وانتت العايل اكو عقل براسك

هاني : يضربه بلابوش ليش يغلط على ابوي ً!!؛

غضب : استغفر الله اكعد يمعود خل نفهم من الطرفين وتنحل تنحل بس اعصابك
حجيت بنفوذ صبر صوته مزعج كلش هذولة الله شايل عقولهم وحاط خفت مال تنور بنصها
..............   .........

معصومة : فزعنا كٌلنا
على صوت كركان وطلع غضب مفزوع العرفناه ان سليمان كاتل ابن سيد ضاحي
حجت حبوبتي بضووجه
قسمة : يبوووو طلايبهم دوم وراهم هالناس كش وبرة ولكم ما عايزين فضايح فضحتونا كدام الديرة
حياة : خالة يولون بس لا وليداتي يروحون بيها اهخخ يا يمة هذولة مثل الملاية بكل عزا لطامة
.................
غضب : بقينا يم بيت سلمان مرجعنا للبيت مر يومين على الطلابة
عثمان : مثل ما جانت حبايةصارت كباية ابن ضاحي غالط على سليمان وسليمان دمة حار خطية ما يتحمل الزلة
غضب : وداعتك عارات بعد مدة يتراضون وكأن شي ما صاير
طلع ابن ضاحي من المستشفى وكلشي ما بي واليوم نمشي عليهم
............
حياة ":يمه بشرني شصار ما صار وياكم ؟
غضب : مو طلع ابن ضاحي راح نمشي عليهم
حياة  :هااا الحمدلله والشكر يمه كون تنحل هاي الشدة ونخلص من طلايبهم
غضب : الله كريم... يلا  ولكم امشونه لا نتأخر ..يلا ابو راس مربع أخذلك بعد ساعه ساعتين
كركان : اصبرلي ارش عطر
غضب: ديلا لك ...يمه اودعناكم
حياة :  بسلامه يبعد روح امك، ،راح غضب واخوانه واني گلبي يمهم

قمر : هيج اعزاز عليج
حياة : انجبي ولج جا شعندي غيرهم
قمر : غيرنا
حياة : ههههههه دفوتي فوتي يلا اقري
قمر : يوووو اي خوش رحت اقرى ولكيت معصومة تقرى كدامي
معصومة : ما تقرين انتي االا واحد يسحلج من اذاناتج حتى تقرين وتجرين عدل ؟
قمر : انجبي اني حافظة احسن منج
معصومة : الله كريم خلي يجي غضب وهوه يعرفج شلون حافظة
قمر : لزمت كتابي وبديت اقرى اذا لزمني يشوي على اذني بصل
..........
انطلقنا بسياراتنا
غضب : حولنا عند السادة وجانت مشية جبيرة

بدوا الشيوخ يحجون ويواصون بالبر والتقوى وبسدي  عايد
عايد :شاورت غضب؟ اگلك شنو هذا ما ناوي يسكت
غضب : اصبر هذا الكلام كلة دهن سير اسمع القنبلة الفصل شنو؟
بعد مدة من الزمن نقاشات وحديث طويل الى ان وصلنا لتحديد الفصل
الشيخ : خالي الله بالخير عليكم
الكل رد : الله بالخير والعافية
الشيخ : فصلنا فصلية وستين مليون
غضب : من حجه هيج احس واحد نغزني بسجينه دخيل الله شهالبشر
صارت مشادة كلامية والكل اتفق على الفصلية واعطاء نصف المبلغ يعني ٣٠ مليون وفصلية من بعد ما اتفقوا وتم كلشي رجعنا بس الوجوه مكدرة
غضب : لك عايد يحجون صدك يردون فصلية كل عقلهم ما انطي وحده من اخواتي لو على كصبة ركبتي
عايد : مثل ما شفت مو زين طلبوا هيج اتوقعت أكثر؟
..................

#_نسرين : اليوم عدنا مشية الشيخ سلمان استغفر الله يا الهي هذولة اعمامي  ما يتوبون يومية طلايب سمعت صوت ابوي يصيح لي
شامل : لجج ويننجج ؟
نسرين : ها ها بوية اجيت
شامل : جيبيلي ثلج
نسرين : ايي بسس شنو شصار على الفصل
شامل : امشي لج شمدريني انه
نسرين : جان يحجي ويعت الكلام عت كالعادة شارب
جبت له ثلج سراحية ثلج اخذها وراح للأستقبال يشربب يررببيي والله تعبت والله يومية دمرني هذاا البشر
..................................
ابو حسن : يا جماعة الخير التريديونه حاضرين له وما يكون خاطركم الا طيب
غضب : خاب مضرطة هاي كلمن يحجي بكيفة
انتهت المشية والطرفين اتفق على انو يعطون فصلية ومبلغ مادي
رجعنا لبيت سلمان واعمامي يتهامزون واحد يباوع بوجه الثاني ماعرفت سالفتهم شني ولو هم يومية جافتين بسالفه علينه

غضب : بما ان دگيتوا صدركم ورضيتوا على ان ياخذون فصلية شوفوا حل لهاي السالفة وخلونا نفتك لان لعبت رواحنا من خاطر طيب ؟
ابو عايد : انه ما انطي فصلية عندي هي بنتي وحيدتي ولا تناقشوني بهالسالفة
ابو حسن : استغفر الله استروا علييناا كافي
غضب : شوية واجه سلمان وجهة مشيطن هالبشر اشوف دم ضروسي ولا اشوفة
سلمان : بشروا شصار
امير : انحلت بفصلية وفلوس
سلمان : هااا ايي يعني بعد ما يشتكون ولا يسوون شي
غضب : لا ما يسوون شي بس استر علينه دومك فاضحنه بين العربان
سلمان : بعد اخذلك راشدي
غضب : استغفر الله يابة العفو بس عيب انت الجبير عود وعليك العتب استجن ليش تخلينه نطلع من طورنه
شفت الكل سكت ومحد حجه دخيل الله زلم راس باتري انتم
سلمان : بس منين نجيب البت انه ما عندي بنات
ابو حسن : بنت امير
غضب : متت بدمي وگفت على حيلي
ليش هو منو دگ صدرة منوو كال الهم تمام لو حالينها بفلوس ولا هالأكلان وحل هذا
ابو حسن : اي جا شلون بالله تريد نتفشل كدام العالم
غضب : مو انت هسة فشلت نفسك يوول استحوا شوية شوفوا نفسكم شجاي تسوون انت دكيت صدرك انت تتحمل هالمسؤولية جنت تعرف كل الي بالديوان ما راضين ليش تركب راسك اسمعونني كلش زين انت عندك بنات كلكم عدكم بنات هالحجي مو قبول نهائيا
امير : يحجون ويفصلون بكيفهم انهد بيهم غضب بس
ادري مليون عذر يطلعون
ابو حسن : انه بناتي صغار برايك ننطيهم فرخة عمرها 12 سنة
غضب : مو شغلي محد تكفل هالسالفة غيرك انتة تحلها خوش
ابو حسن : لا تنسى نفسك لك انه عمك
غضب : عمي على عيني وراسي اما انك تضل تراوح هنا اتصرف غير تصرف
ابو حسن : هاااا احترم لك
سلمان : ولك غصيب مو فرحان بالنجمات على جتفك وتهدد
غضب : حلو يعني هسة اليحجي بزودة يصير كلامه تهديد والله شنو لان كلامي ما يعجب جنابكم الكريم ابن ابوي انه دامني ما مأذي بشر احجي بكيفي
گمت وطلعت اني وعمي امير صعدنا بالسيارة ورجعنا لأهلنة
امير : جلاب مو اخوان
غضب : عمي يرحم اهلك هاي لعبة من سليمان صدكني شلون يلوي ايدك اكيد بهيج شي
وصلنا للبيت واني احس الدم يفور براسي
حياة : وصلوا غضب وامير ووجوهم ما تبشر بخير دخل غضب بوجهة يسبح وامير كاعد ومدنك راسة
اجت حبوبتي ... قسمة
قسمة : ها يبعد امك شلونك
امير : كعدت يمها حضنتها وبجيت
قسمة : يمااا صخام بويهي شبيك يبعد طوايفي شبيك يمة
امير : يمة اخواني ييمة اخواني مدري شبيهم وياي مهما حاولت وسويت واقتربت الهم واتناسى السووه وياي ووياج ووي خيون يجوون يسوون الاقوى
قسمة : مخانيث يبعد امك لا تحط دوبك وي دوبهم انعل شيب ابو اهلهم بس لا تبجي ولكك مو موتتني
امير : يريدون شموسة بنيتي
قسمة : شيريدون يمة
امير : يمة يردون فصلية وفصل ٣٠ مليون ؟

قسمة : يااااع يمةة وتنطيها ولك

امير : جا شسوي يمة كلهم تبروا ولبسوها براسي

غضب : طلعت من الحمام واني راسي يريد ينفجر

قسمة : صدك ولك هالحجي

غضب : اشرت لمعصومة تسويلنا جاي

طلعت جكارة من الباكيت واخذت نفس طويل نفخته بالهوى واني الف فكرة وفكرة تجي براسي

امير : شرايك انته

غضب : نحاول ونحاول واذا ماكو ننطيها

عايد :شني تنطي شمس ما تنطووها لو على كص ركبتي خوش

غضب : دخت بعايد وتصرفه المفاجئ ،، وركزت بنضراته وعدم فهمي للسالفة،

عايد : الله يساعدكم شمس ما تروح لغيري انه ابن عمها وانهى عليها
امير : ابني اصبر خل نفهم بلاول

عايد : اهاا وياهو ينطي فصلية خو ما انت تنطي شعليك بيهم

امير : لبسوها براسي جا شسوي

عايد : من حجه هيج عمي احس واحد وطعنني بخنجر. شنوو هالحجي عمي شنو لبسوها براسك

امير : يريدون شمس فصلية لان الجماعة يعملون عملتهم ويلبسونها براس غيرهم

عايد : باوعت لغضب واشرلي بمعنى اسكت

غضب : عايد يحب شمس حيل

عايد : سكتت بس احس روحي واكفة بزردومي

غضب : گمت طلعت للديوان وصحت عايد

عايد : غضبب راحح تروححح غضب

غضب : اششش اسكت ولا حرف تعال وياي اخذت عايد وطلعنا بالسيارة للبستان

عايد : لكم راح تروح من ايدي غضبب اتصررف رحمة للخلفوك

غضب : انزل يلا

عايد : اني احجي واصيح بحرگة گلب وغضب موتني برودة ويتصرف ولا كأن اني مشتعل شعل

غضب : شمس الك بسس اسكت

عايد : شلون الي وراح ينطونها فصلية

غضب : مدة زمان وترجع

عايد : وتررريد اخليها لا وبكل برود يعني تريد اسكت واخليها تروح وعادي ااني اضلل على الشحن

غضب : جا ما بايدنا حيلة الجماعة كلهم تبروا من هالسالفة

عايد : لك بابا افهمم احبها ماا اتخيلها شلون يزفونها على غيري
غضب : افهم يخوي فصلية ومن ننطيها راح احط شروط هاي نقطة النقطة الثانية شمس ترجعلك من هالشارب
عايد : شنو الشروط
غضب : تروح معززة مكرمة هاي نقطة النقطة الثانية في حال تم التعرض الها بشي يأذيها او اعتداء تجي تكول واراويهم الامهات شجابت

عايد : يعني انت راضي بفكرة انو عادي بنت تنظلم وتروح فصلية راضيي تعبي ورباي كله يروح من ايدي

غضب : اكيد لا ما راضي زواج القاصرات والفصلية كطنة وشايلها من اذني اتخبل والله اتخبل بس ما بايدنا حيلة انطوا حجاية بعد ما ترهم شنو مثلا نكللهم لا احنا بطلنه

عايد : استغفررر الله والله راح تخبلوني

غضب : عايد تثق بية لو لا

عايد : اي

غضب : والله الكريم وعد من هالشارب شمس ترجع لك ومثل ما تريدها
عايد : شلون مثل ما اريدها

غضب : اي مثل ما تريدها هي مجرد فصلية مو زوجه مو من حقة نهائيا يتقرب الها ثانياً نشوف المن ينطوها وساعتها الله كريم

عايد : غضب ما ترهم والله ما ترهم تعبي يضيع تفهمني لو لا
غضب : انت عندك تواصل وياها
عايد : اي وهي تحبني وانيي عوود كلت اريد اخطبها بسس ما ادري منين طلعت النا هالسالفة صفح
غضب : لا تخاف تهون الأريدة منك هسة تحجي وياها وتفهمها
عايد : جان كلام غضب مو مقنع هو ليش سوه هيج شي وليش قبل ان ينطي فصلية
غضب : هذا هو اتفقنه
عايد : باوعت لغضب واني تركت كل شي لله ولغضب
ترى سلمتك إملي لا تخيبة ابو ذيبة
غضب : افا عليك يوول وعد من هالشارب بعد سنة سنتين ترجع لك
عايد : ما اعرف اذا الخطوة هاي صح لو غلط لكن غضب هو كفيلي صار
غضب : عايد حيل يحب شمس اعرف بعلاقته بيها

..........................

احيانا الأنسان يحب شخص لكن تختاره الحياة محل تجارب وصعاب الانسان مهما كان فض وقوي راح يلين بشتى الامور
حسن : ها حبيبتي
نوارس : حسنن اني هذا حدي وياك
حسن : ما فهمت شبيج بوية
نوارس : اني ما اريدك افهم يا بشرر ما اريدك اهلي ما يرضون ينطوني الك
حسن : انتي هيي صمي حلكج مو بكيفج وروح ابوي اعلكج فلقة
نوارس : تمام باي
حسن : لججج اني اعلمج باجر جاي لبغداد ويصير خير
نوارس : يصير خير سديت الاتصال من حسن شيسوي خل يسوي ما لي علاقة بي بعد ؟!..
......................................

غضب : يلا نرجع رجعنا للبيت واني الف فكرة وفكرة براسي
شفت حسن گالب خلقته وينافخ
حسن : شبيك تباوعلي
غضب : شبيك حسحس
حسن : اشتعلت عشيرة حسحس
غضب : ها لازم متعاركين انت وياها
حسن : البربوك تريد نترك بعض
غضب : اليحبك يندل خدك ماكو داعي تذل نفسك والله احبها ما اكدر بدونها شبيك بابا تروح وحده تجي عشرة واليجي من الله انعم الله
حسن : غضب تعبتني تعبتني يومية عذر
غضب : واضحة وضوح الشمس ما تريدك شكو صاير لزكة
غضب : مو لزكة بس شسوي احبها
غضب : انهيم بيتكم ولكم كلكم الله مطيح حظكم شجابكم على هاللعبان نفس
كركان : اي والله
غضب : رحت لغرفتي واني اباوع لنفسي بالمراية
تقربت للمراية والغرفة صنته بس نفسي وصوت الساعة يرن باذني.
استغفررر الله صعدت نزلت الساعة وطفيتها صوتها مزعج
طلعت ملفات وبديت اشتغل عليهن
الوقت يمشي ببطئ
ابو اثير : الي لكة احبابة نسى اصحابة
غضب : هههههه حبيبي سيدي شاهد الله مشغول شوية
ابو اثير : الله يساعدك ابني احنا بانتضارك وكل شي جاهز
غضب : الزود بيك ابوية انت
ابو اثير : يلا ابو ذيبة اخذ راحتك

غضب : نهيت الاتصال منه وباوعت من الشباك دنيا غربت.

طلعت من غرفتي وشفت امي كاعدة تصلي
معصومة : اشرقت وانورت استاذ غضب
غضب : شلونج بدراستج بوية
معصومة : زينة الحمدلله ودرجاتي كلها ممتازة
غضب : عفية بالذيبة
قمر : تريد ضابطة مثل اخوها حتى تسوي مثلة
غضب : رفعت حاجبي وخزرت قمر. وشبيها اذا صارت مثلي بيها زود خل تصير
معصومة : ما عليك منها هاي تخبط انه اريد صيدلة
غضب : تستاهلينها بابا انكليزيتج شلونها
معصومة : I can do it
غضب : هههههه عفية
قمر : بقيت صافنة شو هاي تحجي وياه انكليزي
هااا هااا شني هاي جاي تسبون بية
غضب : امشي ولج احنا بحالج
جلال : تعالي عوفيهم احنا النا الله
غضب : انت توصلني اخبارك ترى شدوا حيلكم حتى تصيرون مميزين وافتخر بيكم مفهووم
الكل : مفهوم سيدي
غضب : مر يومنا وكل واحد بگلبة سالفة وهم شكده وشكبرة

..................

حسن : هاا وينج
نوارس : انتضرني براس الشارع اني طالعة
حسن : انتضرتها براس الشارع واجت تمشي
نوارس : صعدت ويا حسن ردت اصعد ورى وزمخ بية
حسن : سايق عند الخلفوج تعالي هنااا
نوارس : يوووو شبيك تصيح اي اجيت
حسن : صعدت يمي وانطلقت الهدوء سيد الموقف لا اني الأكدر احجي ولا هي حجت
وين تريدين نروح
نوارس : بكيفك
حسن : خووش رحت لمكان بعيد عن الناس
نوارس : وين ترريد بية حسن
حسن : ما رايد شي ما احب الهوسة هنا احسن
نوارس : هاا اي
حسن : نزلت من السيارة وفتحت الباب الها
يلا انزلي مدام نوارس
نوارس : شكرا
حسن : نوارس انتِ تعرفين شكد اني احبج وشكد فرحان لان وجودج بحياتي اشبه بالنعمة
نوارس : بس انت مو من مستواي واهلي ما راح ينطوني الك
حسن : كلماتها اشبه بالخنجر ونبت بصدري. صفنت

بعيونها واني اشاهد لمعتهن الجذابة
ليشش
نوارس : لأن اهلي يحبون ينطوني لواحد عنده فلوس وامكانية يردون مصلحتي طبعاً
حسن : وشنو شايفتني اني مثلا ما علية ملابس لو شنو ضابط والحمدلله وابن شيوخ والله رازقني من اوسع ابوابة وانتِ اعرف بهيج شي
نوارس : ايي بس انتم بالريف واني ماحب اعيش هيج ؟
حسن : هذا الاهلج راح ينطونج له صحيح عندة فلوس وامكانية بس ما عندة مثل امكانية محبتي الج. ويمكن هو واصل بحياته بس مو مثلي وجنت باني امالي وحياتي كلها وياج وانتِ الجان الي كل شي اما عن اهلي واني يتيم فـ الله كاتب لي هذا الشي
نوارس : ..........
حسن : دموعي نزلت والغصة واكفة ببلعومي
نوارسس ما معقولة انتتي والقدر واهلي العاافوني وحدي تصيرون ضدي انني ابنكم وحبيبكم والاحبكم كلشش كلششش وفاديكم بنفسي
طلعت باكيت الجكاير وشعلت جكارة
نوارس : بسس افهمني
حسن : اششش ما اريد اسمع حرف عموما محبة توصل للمذلة ما اريدها وادووس على گلبي
اني اتمنالج الخير بس ما اتمنالج الأحسن مني لأن ما راح تلگين الأحسن مني ولا راح تلگين اليحبج ويفديج بروحة بگدي
يلا اصعدي ارجعج
نوارس : اجيت افتح الباب الكدام
حسن : اصعدي ورى عزيزتي
نوارس : تمام على راحتك ؟
حسن : شعوري بهاي اللحضة اشبه بالموت حيل صعبة انك تحب شخص ويضل ينعثل عليك يسوي نفسه عزيز عليك المشكلة كلبي شسويلة وينسى شسويلة
ويهدأ..احس كلبي بية جمرة نار مشتعلة اقنع بنفسي ان اروح للدوام

وانسى يجي يوم وانساها اخطف نظرات بالمرايا على عيونها الصلفات الي ما مهتمه الشي  
شغلت المسجل ....
احباب الروح.  جرحوني. راحوا لبعيد وخلوني
اردد بالأغنية وعيوني صارن وكحات والله اعميجن ولا اباوع لوجهها......؟؟

يتــــبع

نبـــأ الســلطــان