تحميل رواية «نيران العشق» PDF

ملاك بصراخ:يالهووووي حرا"مي يا ناس حر"امي سر'ق فلوسي اللي بتعب بيها طول الشهر

نظر إليها من زجاج سيارته

وراها تقترب منه.. كانت ترتدي ملابس بسيطة ذات وجه برئ وعينان واسعتان يصب فيهما اللون الأخضر الذي ذاد من جمالها.. مع تطاير خصلات شعرها الأسود الحرير

الذي كانت تخفيه تحت إيشارب

يليق بلون الملابس التي ترتديها

ملاك قربت من عربيته وركبتها بسرعة

اما أدهم فهو في حالة من الدهشة

ملاك بصراخ:سوق بسرعة الله يخليك ده سر'ق القبض بتاعي اللي تعبانة فيه طول الشهر

دي اكيد عين سالي هي اللي بصتلي في القبض

أدهم بدهشة:........

ملاك بتساؤل:ما تسوق يا عم بتبصلي كدة ليه.. ولا اقولك تعالى انت هنا وانا اسوق بدالك

أدهم:.......

ملاك:ياعم مش وقت تثبلي ونقعد نبص في عيون بعض!

وأكملت بعياط:

والنبي سوق بقى القبض ده انا هدفع بيه مصاريف العملية بتاعة بابا ولو راح انا همو"ت فيها

أدهم فاق من سرحانه ولقي نفسه بيسوق العربية في اتجاه الحرا"مي اللي سر'ق ملاك

بعد شوية

نزل أدهم وملاك

الحرامي واقع على الأرض

اقترب أدهم ونزل فيه ضر' ب لحد ما خد القبض بتاع ملاك وخدته منه

ملاك بإبتسامة:متشكرة أوي يا باشا

بجد مش عارفة اقولك إيه

أدهم:متشكرنيش ده شئ اي حد المفروض كان يعمله!

ملاك:ممكن طلب يعني لو ينفع توصلني على المستشفى عشان الحق أدفع مصاريف العملية

أدهم:تمام

ركبوا العربية ومفيش حد اتكلم

طول الطريق ساكتين

بعد شويةوصلوا ععلى المستشفى

ملاك:شكراً كمان مرة بجد مش عارفة اشكرك ازاي.. بجد جميلك ده انا مش هقدر انساه

أدهم:تمام

أدهم مشي وراح على شركته

أما ملاك دخلت المستشفى وهي بتكلم نفسها:هو كل حاجة تمام إيه مفيش كلمة لله كلامه كله تمام وبس

ده شكله معقد ولا إيه!

في الشركة عند أدهم الهواري

دخل أدهم الشركة بهيبته

وصل عند مكتبه وطلب القهوة بتاعته

سلمي السكرتيرة:الباشا الكبير اتصل من شوية وكان عايز حضرتك في موضوع

أدهم:ماشي

مسك أدهم الموبايل واتصل على جده:صباح الخير يا جدي

الجد:صباح الخير يا أدهم....معقولة يا أدهم مش راضي تسمع كلام امك

وتتجوز بقى!.

ادهم بضيق:يا جدي انا مش عايز اتجوز وموضوع الجواز ده انا مش بفكر فيه خالص!... وبصراحة بقى لسة مش لاقي الإنسانة المناسبة

اللي أثق فيها وتكون ام عيالي!!

الجد:انا عاذرك يا حبيبي بس انت لازم تتجوز ده انت كل وقتك بتقضيه في الشغل يا أدهم

أدهم:حاضر يا جدي هفكر في الموضوع بس ما اوعدكش بحاجة زي كدة

الجد بزعل:ماشي يا أدهم

عند ملاك في المستشفى

دخلت ودفعت فلوس العملية

وكان لسة باقي 4 آلاف جنيه

وهي مش هتقدر تجيبهم

وهي يا عيني القبض بتاعها 2000 جنيه بس يعني محتاجة تحوش كمان شهرين وباباها حالته متأخرة يعني لازم تدبر الفلوس في أقرب وقت ممكن

الدكتور بأسف:احنا كدة يا آنسة ملاك منقدرش نبدأ العملية إلا إذا كان المبلغ كامل وانتي لسة باقي 4 آلاف جنيه والمبلغ يكمل.. ف أنا آسف مش هنقدر نبدأ في العملية إلا إذا كان المبلغ كامل!

ملاك بعصبية:يعني إيه ابويا هيمو"ت عشان خاطر شوية ورق

من غيرهم العملية مش هتتعمل

والله العظيم اروح ارفع عليكم قضية عدم الإهتمام بالمرضى وإهمالهم... انتوا إيه مبتحسوش

لو ده ابوك كمن هتعمل كدة

الدكتور:..........

ملاك بعصبية:رد كنت هتعمل كدة

ولا هتجري وتعمله العملية لحد ما يبقى كويس!..بلاش القسوة دي انا مستحيل أدبر المبلغ ده قبل شهرين

مش هقدر ادبره قبل الوقت ده

بلاش تخسروني أغلى شخص في حياتي

الدكتور:للأسف انا قولت اللي عندي

ملاك بدموع:يارب... ساعدني والنبي

انا عارفة إنك مش هترضي بالظلم أبداً.. ساعدني والنبي يارب

وقامت تصلي وتدعي ربنا يشفي باباها

بقلم مريم محمد

عند أدهم في المكتب

تليفونه رن وكانت مامته زينب

زينب:في إيه يا أدهم برن عليك

مش بترد عليا ليه؟!.

أدهم بضيق:عشان عارف يا ماما حضرتك بتتصلي ليه... اكيد عشان موضوع الجواز اللي مش عارف هخلص منه امتى!

زينب:لأ يا أدهم انا بتصل عليك

عشان جدك تعبان وعايز يشوفك

أدهم قام من مكانه

أدهم بقلق:جدي حصله إيه ماما

زينب:جدك تعب من بعد ما كلمة الصبح ومش راضي ياخد العلاج اللي الدكتور كتبله عليه

أدهم:خلاص يا ماما انا جاي حالاً

نزل أدهم من الشركة وركب عربيته

واتجه إلى الفيلا

بعد شوية

وصل أدهم ودخل بسرعة

طلع أوضة جده

اول ما دخل لقى العيلة كلها متجمعة في الأوضة

أدهم بهدوء:لو سمحتوا يا جماعة سيبونا لوحدنا شوية

خرج الجميع وتبقى أدهم وجده

أدهم وهو يمسك كف جده ويقبله بحزن:سامحني يا حبيبي مش هعمل كدة تاني

الجد بحزن:أنا زعلان منك يا أدهم ومش هصالحك إلا إذا وافقت تتجوز

ومن هنا لوقتها انا مش هاخد العلاج!

أدهم بصدمة:إيه اللي حضرتك بتقوله ده يا جدي...معقولة تعمل كدة عشان عارف انا بحبك قد إيه!!.

الجد:انت حر لو عايزني امو"ت خليك مُصر على رأيك ده

أدهم:خلاص يا جدي صدقني هتجوز بس اكيد محتاج اختار البنت المناسبة مش هختار وخلاص

الجد:انا مش هقولك خد منار بنت خالتك بس عايزك تختار البنت اللي تكون مرتاح معاها عشان دي شريكة العمر يا حبيبي

أدهم:حاضر يا جدي... المهم دلوقتي بقي إنك تاكل وتاخد العلاج عشان انفذ كل ده!.

الجد:حاضر يا حبيبي

أحضرت زينب مامت أدهم الطعام

وبدأ أدهم في إطعام جده ولكن كان يفكر في تلك التي سوف تكون زوجته

بعد شوية

خرج أدهم من الفيلا

ولقي نفسه بيروح على المستشفى

اللي وصل ملاك عندها

دخل المستشفى وسأل عليها بوصف ملامحها للممرضة

الممرضة بتذكر:أيوة فعلاً في بنت بالمواصفات دي موجودة في غرفة رقم***

أدهم:شكراً

الممرضة بإعجاب:العفو

خبط أدهم على الباب

ملاك:أدخل

دخل أدهم لقى ملاك قاعدة تقرأ قرآن

ملاك بإستغراب:خير في حاجة نسيتها معايا ولا حاجة؟!

أدهم قرب منها ومسك إيديها وبص عليها

ملاك زقت إيديه بعصبية:في إيه يا جدع انت ازاي تمسك إيدي بالطريقة دي؟!

أدهم:مش قصدي انا بس كنت عايز اعرف حاجة

ملاك بسخرية:والحاجة دي موجودة على إيدي... ياريت تقول كلام غير ده انا مش نقصاك انت كمان.. مش هيبقى انت وهما كمان

أدهم بتساؤل:هما مين؟!

ملاك:مصاريف العملية غالية أوي

وانا مقدرش ادفعها كلها غير بعد شهرين المبلغ كبير أوي عليا وانا مقدرش ادفعه...حرام كدة المفروض

يعرفوا أن في ناس مش بتقدر تدفع حق العمليات دي!

أدهم:واللي يساعدك تدفعي مصاريف العملية؟!

بقلم مريم محمد

ملاك بتساؤل:والمقابل إيه يا باشا؟!

أدهم:مش توافقي الأول

ملاك بعصبية:أوافق ازاي وانا معرفش ايه المقابل... اوعي تكون مفكرني واحدة كدة ولا كدة.. لأ يا باشا انا مش كدة خالص

واتفضل بقى أنا اه محتاجة الفلوس

بس انا عندي عزة نفس مش عند

حد ومهما يحصل مفرطش في شرفي أبداً!

أدهم بضيق:بس.. بس.. إيه أنا ملحقتش

اقول حاجة عشان كل ده!

ملاك بغضب:من الأخر كدة انت عايز إيه؟؟!!

أدهم بغموض:عايزك....

ملاك بعصبية:من الأخر كدة انت عايزة إيه؟؟!!

أدهم بغموض:عايزك تكو…

ملاك:اتفضل برا بقى عشان أنا قولتلك أن انا مش بتاعة الكلام ده

يلا برا!!

أدهم بعصبية:ما تخرسي بقى ساكتلك من الصبح وبقول هتسكت لكن انتي لأ عمالة تتكلمي ومش مديالي فرصة اتكلم كلمتين على بعض.. في إيه يا ستي هو انتي شايفاني واحد قليل الأدب عشان تفكيرك ده؟!

ملاك بهدوء:اومال عايز إيه؟!.

أدهم:ممكن تسمعيني الأول؟!

ملاك:ماشي

أدهم:انا دلوقتي جدي حكم عليا

يا اما اتجوز يا اما يمنع نفسه من العلاج وهو بياخد علاج ضغط وده غلط عليه وأنا بخاف عليه اوي

وبصراحة لما قعدت افكر مين اللي ممكن تقبل بكدة واثق فيها أنها مش

هتبقي متجوزاني عشان فلوسي هي انتي!

ملاك:انا؟؟!!

أدهم:صدقيني أنا لقيت نفسي بركب العربية وجاي على هنا معرفش ليه!

ملاك:طب انا مطلوب مني إيه دلوقتي؟!

أدهم:بما ان انتي محتاجة فلوس عشان عملية والدك ف أنا هدفعلك الفلوس دي مجرد ما توافقي على قرار جوازك مني

ملاك بتفكير:بس انا مقدرش اعمل كدة من غير ما بابا يعرف.

أدهم:ومين قال إن والدك مش هيعرف اكيد هيعرف

ملاك:طب ما انت تقدر تتجوز اي واحدة غيري اشمعني انا بالذات؟!

أدهم بضيق:وبعدين بقى انا مش بحب الأسئلة الكتير…لو لازمك الموضوع وموافقة يبقى خير وبركة

وكان لسة هيخرج من الأوضة

ملاك بسرعة:موافقة

أدهم:اول ما هخرج من هنا مصاريف العملية هتدفع.

ملاك:ماشي

أدهم:المهم بقى عايزك تكوني جاهزة بكرة الصبح عشان وراكي حاجات كتير أوي

ملاك:حاضر

ذهب أدهم ودفع مصاريف العملية

بتكاليف المستشفى بالكامل

وعاد إلى الفيلا

صعد إلى غرفته واخد شاور

ومسك التليفون واتصل على السكرتيرة

سلمي:مساء الخير يا أدهم بيه

أدهم:مساء الخير يا سلمي

سلمي:خير يا أدهم بيه؟!

أدهم:كنت عايزك تفضي نفسك بكرة

عشان وراكي مشاوير كتير

سلمي:ماشي يا أدهم بيه

قفل أدهم التليفون

وقعد يفكر في ملاك وياتري إيه حكايتها بالظبط!

مر المساء على الجميع في خير

في صباح يوم جديد

استيقظت ملاك وأخذت شاور

وصلت فرضها وجهزت الملابس

وارتدتها

واتجهت إلى المستشفى

بعد شوية

وصلت المستشفى ودخلت الغرفة التي بها والدها

والد ملاك:صباح الخير يا حبيبتي

ملاك وهي تقبل يديه:صباح الخير يا أحلى واجمل بابا في الدنيا دي كلها

والد ملاك:مالك يا ملاك؟!

ملاك:مالي ما انا حلوة اهو يا بابا.

والد ملاك:لأ مش حلوة يا ملاك

انتي في حاجة مخبياها عليا.

في اللحظة دي الباب خبط وكان أدهم

والد ملاك:اتفضل

دخل أدهم مع رسم إبتسامة على وجهه

أدهم:صباح الخير يا عمي

والد ملاك:صباح الخير يا ابني

بس انا اول مرة اشوفك..

ملاك بتوتر:ده يبقى

أدهم بمقاطعة:انا ادهم الهواري أصغر رجل أعمال في الشرق الأوسط..وبصراحة بقى يا عمي انا جاي وطالب إيد الأنسة ملاك.

والد ملاك بتفكير:وهو انت يا ابني شوفت ملاك بنتي فين؟!

أدهم:لأ دي حكاية طويلة أوي

المهم أن حضرتك توافق

والد ملاك:هو انت عارف حالتنا المادية وعارف اننا على قدنا

وطبعاً عشان كدة أنا مش هقدر أوافق يا ابني!

أدهم:ليه بس يا عمي؟!

والد ملاك:طبعاً انت اي بنت تتمناك

بس انا بنتي مش تناسبك خالص

عشان الفرق بينكم فرق السما والأرض… وانا مش هقبل أن حد ممكن يهين بنتي بأي بشكل من الأشكال

أدهم وهو يمسك بيد والد ملاك:صدقني يا عمي أن انا هخاف عليها زي ما انت ما بتخاف عليها بالظبط.. ومستحيل اسمح لحد يتكلم معاها نص كلمة.. أو يجرحها بأي طريقة… واوعدك أنها تعيش مُعززة مُكرمة واشيلها في عينيا

نظرت إليه ملاك نظرة طالت لدقائق

ولم تستطيع منع عينيها من النظر إليه فهو جذبها بطريقة كلامه

ملاك:خلاص بقى يا بابا وبعدين ده أدهم شخص شهم وجدع وابن أصول وكمان إنسان محترم

والد ملاك:الف مبروك يا حبيبتي

ملاك:الله يبارك فيك يا أحسن اب وارق اب ربنا يخليك ليا ياحبيبي

والد ملاك:ويخليكي ليا يا روح قلبي

أدهم:عن إذنك بقى يا عمي هاخد ملاك معايا عشان هعرفها على العيلة

والد ملاك:ماشي يا ابني

بعد شوية

خرج أدهم وملاك من المستشفى بعد ما اطمنوا من الدكتور علي حالة والدها

وقفوا قدام مول… وكانت سلمي واقفة مستنياهم

أدهم:زي ما قولتلك يا سلمى تعملي بالظبط

سلمي:تمام يا أدهم بيه

أدهم:انا هسيبك مع سلمي وهي هتعرفك اللي هيحصل بالظبط

ملاك:تمام

مشي أدهم وذهب إلى الشركة

أما ملاك وسلمى دخلوا المول

ملاك بتساؤل:هو إحنا بنعمل إيه؟!

سلمي:هنشتري كل حاجة ممكن تحتاجيها يا ملاك

دخلوا محل ملابس كان كل حاجة مميزة وشكلها حلو أوي

ملاك شافت فستان عجبها أوي

كان فستان فرح بس بعدين بعدت وشها وبصت على باقي اللبس

سلمي:بصي بقى يا ملاك انتي هتغيري طريقة اللبس تماماً

وهتلبسي اللي انا هختاره ده

ملاك:وده ليه أن شاء الله مش عاجبك لبسي ولا مش عاجبك؟!

سلمي:وطي صوتك عشان الناس هتتفرج علينا بطريقتك دي

ملاك:ما يتفرجوا يا حبيبتي

يعني هو يا إما البس الضيق يا ابقى وحشة وهلم عليا الناس؟!

سلمي:لأ انا مش هقدر اكمل على كدة… لازم تهدي شوية عشان نخلص ونمشي يا ملاك!

ملاك:طب انا عاجبني الفستان اللي هناك ده

كان فستان لونه لبني حلو أوي

سلمي:ده عاجبك يعني؟!

ملاك:اه

وبدأوا يشتروا كل الفساتين اللي عجبت ملاك…. ودخلوا كذا محل واشتروا حاجات كتير أوي

ملاك بصدمة:يا نهار اسود ده اكيد هيفلس بعد كل اللي اشتريته ده

سلمي بضحك:يلا يا ملاك بطلي كلام

اتصلت سلمي على أدهم وقالتله يبعتلها حد يساعدها في نقل الشنط

للفيلا بتاعته

وبالفعل بعت لها 2 بودي جارد

وشالوا الشنط كلها ووصلوها الفيلا

في الفيلا

منار بنت خالة أدهم كانت واقفة شايفة الحراس وهما بيدخلوا الشنط

غرفة أدهم

منار بتساؤل:هو ايه اللي في الشنط ده يا ماما؟!

ثريا بمكر:يا خبر بفلوس كمان شوية يبقى ببلاش… اكيد هنعرف بس مش دلوقتي

ولكن اتفاجوا أن الحراس قفلوا باب الغرفة بالمفتاح

ونزلوا على تحت

منار بضيق:هنعرف ازاي بقى إيه اللي في الشنط دي بعد اللي عملوه ده؟!

ثريا:اكيد حاجات مهمة وعشان كدة قغلوا الباب

منار:أيوة إيه هي بقى الحاجات المهمة دي؟!

ثريا:معرفش هو انا اللي كنت اشتريتها وبكدب عليكي؟!

منار:لأ انا مقولتش كدة.. بس يعني

ثريا:ما بسش يلا بقى روحي شوفي هتعملي إيه.. وبعدين نبقى نعرف إيه اللي الشنط دي

منار بضيق:ماشي

في مطعم راقي

دخلت سلمي وملاك

سلمي:ركزي هنا يا ملاك وشوفي انا باكل ازاي واعملي زيي بالظبط

ملاك بضيق:حاضر

بدأت سلمي تمسك الشوكة والسكينة

وتعلم ملاك ازاي تستخدمهم

ملاك بعصبية رمت الشوكة والسكينة

وبدأت تأكل بالمعلقة

سلمي:وبعدين معاكي بقى يا ملاك

انا كدة هزهق بجد من تصرفاتك دي

ملاك بضيق:ليه يا ستي اكل بالشوكة والسكينة هي المعلقة زعلتك في حاجة ما اهي بتأكل احسن من الحاجات الملزقة دي

سلمي:والنبي اسمعي الكلام بقى

عشان لسة ورانا حاجات كتير

هنعملها

ملاك:خلاص اتعلمت

بعد شوية

ذهبوا إلى محل أحذية

وبدأت سلمي في اختيار الأحذية ذات الكعب العالي

ملاك بصدمة:انا مستحيل البس الكعب ده… ده انا اكيد هقع على وشي والناس تضحك عليا يا سلمي

سلمي:المكان اللي انتي هتروحيه يا ملاك هو ده لبسهم

وطبعاً لو انتي لبستي لبس عادي مش هيبقى ليكي مكان ما بينهم

ملاك بإقتناع:حاضر هلبسه

وبدأت في إرتداء الكعب العالي

فشلت مرة ونجحت مرة أخرى

لحد ما بقت تقدر تلبس الكعب العالي

بعد شوية

ارتدت فستان باللون الأوڨ وايت

وبه نقش مع حبات اللؤلؤ مما جعله مميز وجميل.. . مع ارتداء حذاء ذات كعب عالي.. ووضعت بعض من الميك اب مما جعلها فاتنة للغاية

سلمي بإعجاب:بجد انتي حلوة اوي يا ملاك

ملاك بإبتسامة:تسلميلي يا روحي انتي اللي عينيكي حلوة

بعد مرور بعض الوقت

ذهبت ملاك وسلمى إلى المستشفى

ودخلوا إلى غرفة والد ملاك

وجدوا أدهم موجود وبجانبه رجل كبير السن كانوا يتحدثون مع والدها

ويضحكون على شئ ما

ملاك بإبتسامة:مساء الخير

الجميع:مساء النور

نظر إليها أدهم وحقاً كانت فاتنة

لدرجة انه مقدرش يبعد عينيه اول ما شافها بالجمال ده

الجد بهمس:إيه الحلاوة دي يا أدهم

زين ما اختارت يا حبيبي

أدهم:وبعدين يا جدي أنت هتعاكسها ولا إيه؟!

الجد:مش قصدي بس بتفكرني بجدتك الله يرحمها كانت زي القمر

أدهم:انا اتكلمت مع والدك يا ملاك

وهو وافق على كل حاجة ودقايق والمأذون يوصل

ملاك:المأذون؟؟!!

أدهم:اه

أدهم قام من مكانه وطلع خاتم الخطوبة

ملاك:إيه ده؟!

الجد:هو في جواز من غير خطوبة يا بنتي!

ملاك:لأ بس انا مش عايزة

الجد:بس دي عاداتنا وادهم مادام بيحبك يبقى لازم يجبلك كل شئ حلو ويبسطك يا بنتي..مش كدة ولا إيه يا أدهم؟!

أدهم:اه طبعاً يا جدي

مسك أدهم إيد ملاك اللي كانت متوترة أوي…ولبسها الخاتم

كان في حاجة جواها فرحانة

وفي نفس الوقت زعلانة.. لأنه كان نفسها تتجوز عن حب.

بس أوقات الحب بيجي بعد الجواز

مش شرط في الأول يعني!

مسكت ملاك إيد أدهم ولبسته الخاتم

الجد:ما تسمعونا زغروطة يا بنات

كانت تقف سلمي وبجانبها اثنين من الممرضين

ارتفعت أصوات الزغاريط في الغرفة

مع دخول المأذون

رحب به الجميع وجلس واحضر اشياءه لكتب الكتاب

بعد شوية

المأذون:{بارك الله لكما وبارك عليكما وجمع بينكما في خير}

وارتفعت الزغاريط مرة أخرى

مع نزول دموع ملاك.. لأنها متعلقة ب باباها أوي

والد ملاك:الف مبروك يا ولاد

ربنا يتتمملكم على خير يا حبايبي

اقتربت ملاك من والدها وارتمت في حضنه باكية ليربت على كتفها بحنان

والد ملاك:وحياتي عندك بلاش عياط في يوم زي ده… عارفة يا ملاك انا دلوقتي همو”ت مرتاح وانا مطمن عليكي

ملاك بسرعة:بعد الشر عليك يا بابا

متقولش كدة تاني.

والد ملاك:عايزك شاطرة ومش كل حاجة تعيطي عليها…واللي تحسي انه ضايقك قولي لجوزك انا واثق انه مش هيتخلي عنك ابداً

نظرت ملاك إلى أدهم وهزت رأسها بالإيجاب

والد ملاك:وبعدين يا ستي اطمني هما هنا بيهتموا بيا على الأخر

ملاك:ماشي يا بابا

بعد شوية

الجد:يلا بقى يا ولاد عشان منتأخرش على الجماعة في البيت

قامت ملاك وودعت والدها

وخرجوا من المستشفى متجهين إلى الفيلا

وصلوا الفيلا

ونزل الجميع من السيارة

الجد:امسك إيد مراتك يا أدهم

أدهم:هاتي إيدك يا ملاك

اقتربت منه ملاك ووضعت يديها في يديه

دخلوا الفيلا تحت صدمة الجميع

منار بصدمة:مين دي يا ماما اللي أدهم ماسك إيديها بالطريقة دي؟!

ثريا بذهول:ياخرابي لو طلع اللي في بالي صح

الجد بإبتسامة:مش تيجوا ترحبوا بالعرسان

الجميع:عرسان؟!

الجد:اقدملكم ملاك مرات أدهم

زينب والدة أدهم:بتتكلم جد يا حاج

الجد:أيوة يا زينب بتكلم جد

اقتربت زينب من أدهم وملاك

زينب بفرحة:لولولوووووووي

وارتفعت الزغاريط في الفيلا بالكامل

اقتربت زينب من ملاك وحضنتها بفرحة

زينب:زي القمر يا ملاك

ملاك بإبتسامة:شكراً يا طنط

زينب:إيه طنط دي.. هو انا مش زي ماما برضو؟!

ملاك:اممم

زينب:خلاص يبقى تقوليلي ماما زي ما أدهم بيقولي

ملاك بإبتسامة:ماشي يا ماما

وسلمت على الجميع

اقتربت من منار وثريا عشان تسلم عليهم منار قربت رجلها من رجل ملاك كانت عايزة توقعها على الأرض

بس أدهم لحقها

أدهم:انتي كويسة؟!

نظرت إليه ملاك بنعم

منار بغيظ:لما انتي مش بتعرفي تلبسي كعب لبستيه ليه؟!

ملاك بضيق:لأ يا حبيبتي بعرف البسه… بس انتي اللي مديتي رجلك

وكنتي عايزة توقعيني

منار بكدب:انا اعمل كدة.. لأ طبعا انا مستحيل اعمل اللي بتقولي عليه ده.

زينب:خلاص يا بنات حصل خير

الجد:حقك عليا انا يا ملاك متزعليش نفسك يا بنتي

ملاك:انا مش زعلانة يا جدو بس هي بتكدب ليه؟!

بعد شوية

ذهب الجميع إلى غرفهم

في غرفة أدهم وملاك

ملاك: انا هنام فين؟!

أدهم:غيري لبسك الأول وبعد كدة نتكلم في اللي انتي عايزة تتكلمي فيه

ذهبت ملاك إلى خزانة الملابس

ورأت الكثير من الملابس التي لم تحضرها هي وسلمى

عجبتها بيجامة باللون الموڨ اخرجتها من الخزانة واخذتها معها

وذهبت إلى الحمام لترتديها

في ذلك الوقت الذي كانت ملاك في الحمام.. بدل أدهم ملابسه وجلس ينتظر ملاك تخرج من الحمام

بعد شوية

خرجت ملاك من الحمام وهي ترتدي تلك البيجامة التي جعلتها حورية

نظر إليها أدهم في ذهول تام من ذلك الجمال الطبيعي الفاتن

ملاك:هنام فين بقى؟!

أدهم:…….

ملاك:يا استاذ أدهم

أدهم بضحك:أستاذ أدهم؟!

هو انا مش جوزك برضو.. وقاعدة معايا في نفس الأوضة إيه لازمتها استاذ بقى؟!

ملاك:انا مرتاحة كدة

أدهم:طب انتي مغطية شعرك ليه؟!

ملاك:معلش

قام أدهم من مكانه واقترب من ملاك التي بدأت ترجع للخلف

اقترب أدهم وامسك بكتفها بهدوء

مع توتر ملاك من قربه لها

أدهم وهو يضع يديه على رأسها وينزع الغطاء بهدوء

وأول ما شاله أنساب شعرها الأسود الحرير على ظهرها بالكامل مع تطاير خصلات منه على وجهها

وضع يديه على شعرها يملس عليه

رآه ناعم للغاية مع رائحته الجميلة

جداً

اقترب من شعرها وظل يستنشقه

من شدة جماله

ملاك بخجل:إيه اللي انت بتعمله ده؟!

أدهم وهو يمسك وجهها:مش عارف

انا حاسس ان أنا مخد’ر.. وبعمل حاجات غريبة كدة..بصراحة بقى انتي كتلة جمال يا ملاك

ملاك:ميرسي

بس انا عايزة انام

أدهم:انتي خايفة مني يا ملاك؟

ملاك:لأ بس متوترة شوية

أدهم:انا عارف ان كل حاجة حصلت بسرعة كبيرة.. وده عملك توتر

بس متقلقيش انتي هنا عايشة في امان وانا اتجوزتك عشان أرضى جدي.. وحياتنا هتبقى عادية خالص

ملاك:تمام

أدهم:اتفضلي نامي وانا نازل تحت

ملاك:هتتأخر؟!

أدهم:مش عارف

بعد شوية

خرج أدهم من الفيلا وذهب إلى مقابر والده ومعه بعض الحراس

في الفيلا

جلست ملاك على السرير

وشعرت انها بحاجة إلى الماء

بحثت في أنحاء الغرفة لم ترى مياه قررت أن تنزل إلى المطبخ

وضعت حجابها على رأسها

ونزلت تحت

كان النور مطفي

ظلت تمشي حتى وصلت إلى المطبخ وعندما كانت تشرب

شعرت بشخص يمشي في الفيلا

وفجأة حد حط إيده على كتفها من الخلف ونظرت إليه بصدمةوووو…

حازم بمكر:إيه ده معقولة القمر

ده كله واقف قدامي انا

وقرب من ملاك عشان يحضنها

ملاك بعصبية:ابعد يا حيووووان

انت شارب ولا إيه؟!

حازم بضحك:إيه ده انتي طلعتي بتخربشي… بس على مين ده انا حازم اللي مفيش واحدة بس تتجرأ

وترفضني

ملاك بقوة:انت شكلك مش متربي وانا اللي هربيك يا عنيا

ومسكت المقشة ونزلت ضرب في حازم وجابت كوب كبير مليان ماية وكبته عليه

حازم بغضب:ده انتي ليلتك سودة

انا هوريكي ازاي تعملي معايا انا كدة

أكيد انتي الخدامة الجديدة

ملاك:خدامة في عينك يا قليل الأدب

دخل أدهم الفيلا ونور النور وسمع صوت جاي من المطبخ

دخل لقى حازم واقع على الأرض

ومكبوب عليه ماية

وشاف ملاك واقفة ماسكة المقشة

وشكلها متعصب أوي

أدهم بحدة:حد يفهمني إيه اللي بيحصل هنا ده؟!

حازم:الخدامة بتعلي صوتها عليا عشان طلبت منها كوباية ماية

ملاك بعصبية:أخرس يا كداب

حازم:لأ انا مش كداب انتي اللي كدابة.. صدقني يا أدهم انا بقول الحقيقية

أدهم بعصبية:بس بقى…وانت ايه اللي نزلك المطبخ في وقت زي ده

حازم بتوتر:كنت داخل اشرب شوفتها طلبت منها الماية جت وكبتها عليا ده غير لسانها الطويل

ملاك كانت لسة هتتكلم

بس أدهم بصلها عشان تسكت

أدهم:كمل

حازم:بس هو ده كل اللي حصل

أدهم:يعني انت عايز تفهمني أن ملاك عملت كدة عشان طلبت منها الماية؟!

حازم:أيوة

أدهم:اطلعي فوق يا ملاك

ملاك طلعت علي فوق من غير ولا كلمة

أدهم قرب من حازم وضر’به بالقـ”لم

أدهم بغضب:وساختك دي تعملها مع حد تاني غير مراتي سامع… مراتي خط أحمر يا حازم وإلا قسماً بالله

لأخليك تكره اليوم اللي جيت فيه الدنيا وتكره نفسك.انت عارف يعني ايه حاجة تخص أدهم

وقف حازم مصدوم من كلام أدهم

ازاي مراته وامتي اتجوزها؟!

طلع أدهم على اوضته هو وملاك

لقاها قاعدة علي الكنبة وعمالة تعيط

قفل أدهم الباب ودخل قعد جمبها

ومرة واحدة خدها في حضنه

أدهم:بتعيطي ليه؟!

ملاك بشهقات:عش… عشان هو ظلمني وكمان اتكلم معايا بطريقة وحشة أوي…صدقني انا معملتش حاجة من اللي هو قال عليها دي خالص

أدهم:وانا مصدقك من غير ما تقولي اي حاجة

ملاك:دي ثقة ولا إيه؟!

أدهم:مش عارف بس انا متأكد إنك متعمليش حاجة غلط

ملاك:طب تصبح على خير

أدهم:وانتي من اهله

ملاك:انا هنام على الكنبة عشان ارتحت عليها

أدهم:براحتك نامي في المكان اللي ترتاحي فيه

ذهبت ملاك إلى الكنبة ووضعت رأسها على الوسادة ونامت بسلام

بعد مرور بعض الوقت

استيقظت ملاك علي صوت أدهم

كان بيقول كلام وهو خايف من حاجة

أدهم:بلاش تسيبني بدري كدة

بلاش والنبي عشان أنا محتاجلك أوي.. بلاش يا بابا… يابابا

اقتربت منه ملاك وحاولت أن تمسك يديه ليشعر بأنها بجانبه

هدأ أدهم من خوفه وجذب إيد ملاك

ومسكها جامد جلست ملاك بجانبه على السرير

حتى تستطيع منع يديها ولكنها فشلت

ظلت لبضع دقائق

وقد غلبها النوم ونامت بجانبه

في صباح يوم جديد

استيقظ أدهم وجد ملاك نائمة بجانبه على السرير وحولها شعرها

اقترب منها وابعده عن عيونها الخضراء….ولكن كانت مازالت نائمة

قرب يديه من وجهها وهو يتلمسه

مع التدقيق في ملامحها الطفولية

البريئة

أدهم:زي الطفلة بالظبط

استيقظت ملاك علي نظراته لها

قامت ملاك من مكانها بسرعة

وهي مش عارفة تقول إيه

أدهم:انا آسف اكيد فوقتي على صوتي بليل… انا دايماً بحلم بكابوس

وبحس أن انا بجري ورا بابا وبقوله متسبنيش انا محتاجلك بس هو بيكون بعد وانا بخاف أوي اكون لوحدي

ملاك:انا كمان بحلم بحلم شبيه لحلمك بس انا بقى بفضل اعيط عشان ماما اتوفت وانا عندي 12 سنة…طبعاً بابا رفض يتجوز تاني وقرر يشتغل ويصرف عليا لحد ما بقيت خريجة كلية تجارة…بس طبعاً مكنتش لاقية الشغل المناسب عشان كدة روحت اشتغلت في مطعم كبير

وكنت بروح الشيفت بتاع الصبح عشان انا بنت وكدة.بس من كام يوم شديت انا وبنت عشان هي لسة جديدة وعايزة تاخد مكاني وعمالة

تضايق فيا بكل الطرق بس انا بقى علمتها الأدب قبل ما امشي

ومش مهم اللي يتقال كفاية أن انا مكنتش باخد قد اللي بشتغله

واللي كان بيجي جديد بياخد اكتر من القديم

أدهم:انا أسف مرة تانية

ملاك:انا اللي اسفة عشان سمعتك همومي

أدهم:لأ عادي كل واحد بيجي عليه وقت بيبقى عايز يفضفض ويطلع اللي جواه

ملاك بإبتسامة:صباح الخير

أدهم:صباح النور

اه صحيح نسيت اقولك الغدا النهاردة هيبقى عليكي انتي يا ملاك

ملاك:تمام…تحب اعمل أكلة معينة

ولا إيه

أدهم:الأكلة اللي تعجبك اعمليها

بس تكون أكلة الكل بيحبها

ملاك بتفكير:لقيتها

قام ادهم وذهب إلى الحمام

وأخذ شاور وتوضئ

وخرج يصلي فرضه

دخلت ملاك الحمام وأخذت شاور وتوضأت… وخرجت ارتدت إسدال للصلاة وصلت

بعد شوية

نزلوا تحت وجدوا الجميع يجلس على سفرة الطعام

أدهم:صباح الخير

الجميع:صباح النور يا أدهم

جلست ملاك بجانب أدهم ورأت حازم ينظر لها نظرات خببثة

ملاك بهمس:عيل قليل الأدب

أدهم بحدة:اللي حصل امبارح يا حازم ميتكررش تاني سامع ولا مش سامع؟!.

حازم بضيق:سامع

الجد:إيه اللي حصل يا أدهم؟!

أدهم:خلاص يا جدي هو مش هيعمل كدة تاني

الجد:اكيد عملت حاجة كبيرة وإلا مكنش أدهم كلمك كدة

حازم:انا آسف يا أدهم

أدهم:مش ليا انا… ل ملاك

حازم:انا اسف يا ملاك

نظرت إليه ملاك بضيق

ولم تقول شئ

ذهب أدهم إلى الشركة

وتابع عمله وعقد صفقة مهمة مع عميل مهم

في الفيلا.. ذهبت ملاك إلى المطبخ

وبدأت في تجهيز الغدا

وقررت تعمل مكرونة بالبشاميل

وجهزت المكونات

وعملت المكرونة وكانت حلوة اوي

بعد شوية

دادة صفية:ملاك يا بنتي في تليفون علشانك

ملاك:مين يا دادة؟!

دادة صفية:مش عارفة بس بتقول

انها واحدة صاحبتك

ملاك بتساؤل:واحدة صاحبتي

ماشي يا دادة

ذهبت ملاك إلى الموبايل

البنت بخبث:الو… ملاك هانم

ممكن تيجي على العنوان ده بسرعة ****** عشان أدهم باشا تعبان اوي

وقالي اتصل عليكي انتي وما تقوليش لحد من العيلة عشان ميقلقوش

ملاك بخوف:نص ساعة واكون عندك

طلعت بسرعة على اوضتها ولبست فستان…ونزلت اخدت تاكسي كل ده من غير ما حد يعرف

بعد شوية

وصلت ملاك علي العنوان وطلعت

في الأسانسير وهي خايفة يكون أدهم حصله حاجة

اول ما وصلت قدام الشقة رنت الجرس

حد فتح الباب بس مش باين مين

دخلت بسرعة ولسة داخلة جوا

حد حط حاجة على انفها وغابت عن الوعي

فقدت توازنها بس حد شالها

حازم بخبث:جيتي لحد عندي برجليكي… واللي معرفتش اعمله امبارح هعمله دلوقتي وقرب من ملاك ووووو…

حازم بخبث:جيتي لحد عندي برجليكي.. واللي معرفتش اعمل امبارح هعمله دلوقتي وقرب من ملاك

سوزي:إيه اللي انت بتعمله ده يا حازم؟!

حازم بضيق:إيه اللي جابك يا سوزي دلوقتي!!

سوزي:مين دي وبتعمل إيه هنا؟!

حازم:واحدة جبتها عشان اتسلي بيها عندك مانع يا حبيبتي؟

سوزي بضيق:عارف يا حازم أن مسبتش البنت دي دلوقتي انا هصوت ولم عليك الناس واقول إنك حرا”مي

حازم:في إيه يا سوزي هي دي اول واحدة.. مالك في إيه؟!

سوزي:والله انفذ اللي قولت عليه

واخلي اللي ما يشتري يتفرج

وبعدين دي باين عليها بنت ناس وملهاش في اللي انت بتعمله ده

جبت منين البنت دي يا حازم؟!

حازم:مرات أدهم

سوزي بصدمة:أدهم الهواري؟؟!!.

حازم بضيق:أيوة

سوزي:يخربيتك انت اتجننت عشان تعمل عملة زي دي يا حازم.. ده أنت لو عملت كدة هيقتـ”لك فيها من غير ما يتردد لحظة واحدة

حازم:المهم أن انا اكـ سر غرورها ده

امبارح بسببها أدهم بيه ضربني

بالق ـلم

سوزي:إذا مكنتش خايف على نفسك ف أنا خايفة عليك… ابعد كدة وهات البنت دي

حازم بعصبية:مش هبعد وما هتخرج منها غير ما اعمل اللي انا عايزه يا سوزي

سوزي بصراخ:على جثتي يا حازم اللي انت عايز تعمله ده

حازم:ابعدي عن وشي دلوقتي يا سوزي عشان متزعليش

سوزي جريت على الأوضة اللي فيها ملاك ولسة هتقفل الباب حازم مسكه بسرعة

حازم:اوعي يا سوزي متعصبنيش اكتر من كدة

سوزي:انا بعمل كدة عشان خايفة عليك يا حازم اتقي غضب أدهم

حازم :اخلصي يا سوزي البتاع اللي انا حطيته مفعوله هيخلص بسرعة

سوزي:مش هخلص يا حازم

حازم زق سوزي على الأرض

وجرى عند ملاك اللي كانت بدأت تفوق بس حاسة انها مش قادرة تتحرك إثر المخـ در

حازم:متتعبيش نفسك انتي هتبقى صاحية بس مش هتعرفي تعملي اي حاجة

ملاك بدموع:بلاش يا حازم

حرام عليك انا عملتلك إيه

سوزي قامت من مكانها وضربت حازم بالقـ لم

حازم مسكها من شعرها جامد وبيحاول يخرجها من الأوضة

بس هي بتحاول تضربه وتمنعه

بقلمي مريم محمد

في الشركة عند أدهم

مسك التليفون وبيتصل على ملاك بس التليفون بيرن وهي مش بترد

اتصل على زينب مامته

زينب:أيوة يا أدهم… خير يا حبيبي في حاجة ولا إيه؟!

أدهم:بتصل على ملاك مش بترد عليا

هي فين يا ماما؟!

زينب:ملاك خرجت بقالها ساعتين ولسة مرجعتش قالت إنها رايحة تزور باباها في المستشفى.. ومرضيتش أن حد يروح معاها

أدهم بقلق:بقالها ساعتين ولسة مرجعتش

زينب:أيوة يا أدهم

أدهم:دادة صفية عندك يا ماما

زينب:أيوة

أدهم:طب انا عايزها

زينب:دادة صفية.. يادادة

دادة صفية:نعم يا هانم

زينب:أدهم عايز يكلمك

دادة صفية:خير يا ابني في حاجة ولا إيه؟!

أدهم:اكيد عرفتي ملاك راحت فين

دادة صفية:انا عملت زي ما انت طلبت مني يا ابني أن انا اعرف هي بتكلم مين وبتروح فين

في تليفون جالها من ساعتين كدة

وقالتلها على عنوان بس مش عارفة ليه

أدهم:فين العنوان؟!

دادة صفية:******

أدهم:ماشي يا دادة

خرج أدهم من الشركة

وساق العربية بسرعة عشان يلحق يوصل على العنوان

بعد شوية

وصل أدهم على العنوان وطلع في الأسانسير

بس مش عارف ايه اللي خلى ملاك تروح المكان ده

وصل قدام الشقة سمع صوت حازم وسوزي وهما بيتخانقوا

سوزي وهي ماسكة في أدهم بكل قوتها عشان ميدخلش عند ملاك

اللي كانت بتحاول تقوم من على السرير بصعوبة وأول ما قامت وقعت على الأرض عشان توصل لشنطتها وتتصل على أدهم

أدهم فضل يرن الجرس محدش فتح.. فضل يزق في الباب بقوة

لحد ما فتح معاه

دخل وهو في حالة من الصدمة

سوزي واقعة على الأرض

وحازم دخل جوا عند ملاك

ملاك بصراخ:الحقنيييييي يا أدهم

حازم قرب منها وقطع الفستان من عند كتفها وشالها على السرير

في اللحظة دي دخل أدهم وعفاريت الدنيا بتتنطط في وشه

قرب منه وبالبو”كس والأقـ لام

والضر’ب اللي هو يعني

فضل يضرب فيه بكل قوته

لحد ما حازم كان هيمو”ت تحت إيده

قرب من ملاك اللي كانت منهارة

ومش قادرة تتحرك

أدهم قلع جاكيت البدلة بتاعته

ولبسه لملاك وشالها ونزل بيها من المكان وقفل الشقة على حازم وسوزي

ركب العربية وطلب من السواق يطلعوا على شقته اللي موجودة في المعادي

أدهم كان واخدها في حضنه وهي كانت ماسكة فيه جامد

أدهم:حقك عليا انا…. انا اللي غلطان والله لأربيه على اللي عمله ده

ملاك كانت في حالة من الصدمة

ومش قادرة تتكلم

بعد شوية

وصلوا عند الشقة وطلع أدهم وهو شايل ملاك.. ودخل الشقة واتصل على الدكتورة

الدكتورة وصلت وكشفت على ملاك

وادتها حقنة عشان المخـ”در

أدهم:ملاك عاملة إيه يا دكتورة؟!

الدكتورة:انا اديتها حقنة وهي هتبقى كويسة ان شاء الله

المهم تبعد عن الضغط النفسي

عشان هي اتعرضت لصدمة أثرت على نفسيتها أوي وده مش كويس عشانها يا أدهم بيه

أدهم:شكراً يا دكتورة

الدكتورة:العفو

بعد شوية

بقلمي مريم محمد

دخل أدهم عند ملاك لقاها قاعدة تعيط وباصة في الأرض

أدهم:انا آسف يا ملاك..سامحيني والنبي عشان مكنتش اعرف ان هو هتوصل بيه البجا”حة للدرجة دي

ملاك بدموع:……..

أدهم:طب ردي عليا طيب قولي أي حاجة بس اتكلمي متسكتيش كدة قولي أي حاجة يا ملاك

ملاك بدموع:مش عايزة اتكلم

انا بس عايزة ارجع لحياتي

مش عايزة العيشة دي خالص.. مش عايزاها والله…كل الفلوس مش عايزاها مقابل أن انا اعيش في امان من غير خوف

أدهم قرب منها وخدها في حضنه

وهي حضنته جامد مع ارتفاع صوت عياطها الذي وجع قلبه وبشدة

أدهم بندم:انا اللي غلطان غلطت لما فكرت انه مش هيعمل كدة تاني

بس صدقيني هجبلك حقك

يا ملاك

ملاك:عن إذنك بقى عشان عايزة اغير هدومي

أدهم:طب ما تغيري!

ملاك برفعة حاجب:نعمممم؟!

اتفضل اخرج عشان اعرف اغير

أدهم:متأكدة!

ملاك:أيوة

خرج أدهم من الغرفة

ومسك الموبايل وطلب أكل

داخل الغرفة

ملاك حاولت تقوم بس مش قادرة

عشان لسة إثر المخـ “در مراحش خالص

ملاك:أدهم… يا أدهم

أدهم:انتي بتندهي ولا انا بيتهيألي

ملاك:أيوة بنده

ممكن تيجي تساعدني عشان مش قادرة اتحرك

أدهم:فتح الباب ودخل

أدهم:طب انا هساعدك تغيري هدومك وصدقيني مش هشوف اي حاجة وهحط حاجة على عينيا عشان تطمني

ملاك بكسوف:وعد مش هتشوف حاجة خالص ومش هتفتح عينيك

أدهم:وعد يا ملاك

اقترب من الخزانة وأخرج منها بيجامة مرسوم عليها ورد

وربط حاجة على عينيه زي ما وعدها

بدأ يشيل الفستان اللي كانت لبساه

ولبسها البيجامة

ملاك:شكراً يا أدهم

دلوقتي تقدر تفتح عينيك

أدهم فتح عينيه وشافها بتبصله وهي مبتسمة

أدهم:مش عايزك تشكريني على حاجة من واجبي اعملها يا ملاك

وبعدين انتي مراتي..وانا لازم اكون جمبك في كل الأوقات

ملاك:بجد انت عملت عشاني حاجات كتير اوي

أدهم:خلاص يا ستي لما ابقى اتعب ابقى ساعديني

ملاك:بعد الشر عليك.. هو انت لو حصلك حاجة انا هعرف اكمل يا أدهم

أدهم:انا سمعت صح مش كدة

ملاك:أيوة سمعت صح..انت فعلاً شخص محترم وحنيتك وجدعنتك

معايا خلتني احس ان انا اعرفك من قبل ما اشوفك.. حاسة ان انا عايشة معاك من سنين مش من يوم أو يومين يا أدهم

أدهم:نفس الإحساس اللي بحس بيه وانا معاكي يا ملاك….المهم بقى ممكن اعمل حاجة صغيرة؟!

ملاك:إيه هي؟!.

أدهم:ممكن اعمل شعرك سُنبلة

هيبقى شكلك حلو أوي

ملاك:ليه هو انا مش حلوة كدة

أدهم:لأ طبعاً حلوة… بس انا عايزك مرتاحة ومتقلقيش بعملها حلو اوي

ملاك:وانت اتعلمتها فين بقى

أدهم:وعد هي اللي علمتهاني

عشان اعملهالها

ملاك:وعد مين؟!

أدهم:وعد تبقى اختي الصغيرة في أولى جامعة بس هي في رحلة مع أصحابها الأيام دي

ملاك:اه

جرس الباب رن

أدهم:ده اكيد الأوردر وصل

ذهب إلى الخارج

وأخذ الطعام ودفع الحساب

ودخل ووضع الطعام في الصالون

أمام التلفزيون

دخل عند ملاك وشالها

وخرج عند التلفزيون

جلست ملاك تنظر إلى التلفزيون

ولكن كان أدهم ينظر لها بحنان

ملاك بكسوف:بلاش النظرة دي

لو سمحت يا أدهم

أدهم:طب بلاش تبصيلي بعنيكي الخضرا دي عشان بحس ان أنا تايه فيهم بجد

ملاك مسكت قطعة جمبري وحطتها في فم أدهم بضحك

أدهم:بقولك ايه إحنا هنتفق اتفاق انتي هتقوليلي يا ادهومي وانا اقولك يا ملاكي

ملاك:اتفقنا

بعد شوية

أدهم:انا بفكر نقوم ونعمل الحلو سوا

ملاك:هنعمل إيه؟!

أدهم:نعمل كيكة

ملاك بإبتسامة:بص انا هقولك على الطريقة ونعملها سوا

أدهم:طب يلا

أدهم قرب عشان يشيل ملاك

ملاك:لأ خلاص بقى

انا هقوم امشي

قامت سندت على الكرسي

وبدأت تمشي براحة عشان تكمل

وصلوا المطبخ وطلعوا المكونات

ملاك:عايزة الدقيق بس يكون للحلويات

أدهم:بصي يا ملاكي ماما لما كانت بتيجي هنا كانت بتظبط الشقة

وبتحط فيها كل حاجة ممكن تعوزيها

ملاك:تمام

بدأوا في جمع المكونات

اقترب أدهم من ملاك بضحك ووضع

بعض من الدقيق على أنفها بخفة

ملاك بضحك:وده إيه بقى ان شاء الله… . انت قد اللي عملته ده.

أدهم:قصاد الجمال ده لأ

ملاك:طب تعالى بقى

وطلعت تجري وراه وهي ماسكة كوب به القليل من الدقيق

أدهم وهو يمسكها من يديها بضحك:خلاص بقى أنا آسف يا ملاكي وصدقيني مش هعمل كدة تاني

ملاك بضحك:طب خلاص

وحطت دقيق على وشه وجريت على المطبخ

أدهم:العقاب بعد الكيكة مش دلوقتي

بعد شوية

جلست ملاك أمام التليفزيون تتابع إحدى الأفلام القديمة لفاتن حمامة

أدهم:مش هتنامي ولا إيه؟!

ملاك:لأ لسة لما الفيلم يخلص

أدهم:قولتيلي نفس الكلام ده من ساعتين على فكرة

نظرت إليه ملاك بطفولة ثم ضحكت بصوت عالي

أدهم:انا قولت نكتة ولا إيه؟!

ملاك:عايز تنام ادخل نام انت

أدهم:وهتتفرجي على الفيلم الرعب لوحدك في الضلمة

ملاك بخوف:اه

أدهم دخل الأوضة وعمل نفسه نايم

ملاك حست بنفس الأحساس اللي أي حد بيحسه لما بيبقى قاعد لوحده وبيتفرج على فيلم رعب

قامت قفلت التلفزيون وجريت على جوه

قربت من السرير ونامت بعيد عن أدهم

أدهم قرب منها بخبث وحضنها

ملاك بصدمة:انت لسة صاحي!

أدهم:اممم

ملاك:طب ابعد عيب كدة

أدهم بضحك:عيب إيه بس ده انتي مراتي يا بنتي

ملاك:تصبح على خير يا أدهم

أدهم:وانتي من اهله يا روح قلب أدهم

ملاك:دي ايه الحنية دي كلها؟!

أدهم:وفيها ايه يعني مراتي وبحبها

ملاك:بتحبني؟!

أدهم:اه بحبك.. بحبك عشان انتي ملاك وكل حاجة حلوة فيكي شدتني

وملكتي قلبي يا ملاك

بعد مرور اسبوع

وقد اقترب أدهم وملاك إلى بعضهم البعض

ذهب أدهم وملاك إلى المستشفى وأخذوا والدها بعد أن سمح لهم الطبيب بذلك

اتجهوا إلى الفيلا مع دخول ملاك وأدهم كان النور مطفي

ملاك:هو النور قاطع؟!

في تلك اللحظة تنير الأضواء الفيلا بالكامل مع وجود العائلة

ماعدا حازم فقد علمه أدهم الأدب وطرده من الفيلا

زينب بإبتسامة:حمدالله على سلامتك يا حبيبتي

ملاك:الله يسلمك يا ماما

وعد اخت أدهم:أهلا وسهلاً بحبيبة جدو اللي فضل يحكيلي عنك

طول الأسبوع ده

ملاك قربت منها وحضنتها بفرحة

مع تبادل السلام مع الجميع

بعد شوية

زينب:اطلعي يا ملاك على اوضتك

وجهزي نفسك عشان إحنا هنعمل حفلة بمناسبة جوازكم يا حبيبتي

ملاك:ماشي يا ماما

صعدت ملاك إلى غرفتها وجدت علبة كبيرة وبجانبها علبة صغيرة

فتحت العلبة الكبيرة وكان جواها فستان منفوش بيبي بلو شكله حلو أوي مع حذاء ذات كعب عالي باللون الأبيض

ارتدت الفستان وظبطت الإيشارب

بتاعه وحطت ميك اب خفيف خالص وكانت حلوة اوي

كانت مكسوفة جداً

وعد:الجميل جهز ولا إيه

ملاك:مش عارفة هنزل كدة ازاي

وعد بإبتسامة:إيه الحلاوة دي

ده انا واقف قدامي القمر يا ناس

ملاك:هو أدهم فين يا وعد

وعد بغمزة:مستنيكي

ملاك:فين؟؟!!

وعد:تعالى معايا وانا اقولك

خرجوا من الغرفة

وجدوا أدهم ينتظرهم بالخارج.

وكان لبسه وشكله حلو أوي

وقف ينظر إليها في حب

وكأن عينيه لا يريدون رؤية شئ سوى عينيها الامعتان الساحرتان

الذان اقوعوه في عشقها الذي أثر على قلبه بالكامل… فهو لم يتحمل ذلك الجمال كله.. فهي حقاً حورية

من حوريات البحار التي تستحق أن يضحي الجميع من أجل الوصول إليها.♥️✨

بقلمي مريم محمد

أدهم مسك إيديها وباسها بحنان

وبعدين قرب ومسك وشها وباس جبينها

بعد شوية

نزلوا تحت وكان الجميع ينظر لهم

بسعادة

والد ملاك بفرحة:زي القمر يا حبيبتي

ملاك بإبتسامة:ربنا يخليك ليا ياحبيبي

وقف الجميع ينظر إلى أدهم الذي جلس على الأرض أمام ملاك

وأخرج خاتم عليه حرف ال M

أدهم بحب:بحبك يا ملاكي

ملاك بسعادة:وانا كمان بحبك

البسها الخاتم تحت نظرات الحب التي يبادلونها لبعضهم البعض

بعد شوية

أخذها أدهم وبدأوا يرقصوا سلو

وملاك سندت رأسها على كتفه

وكانوا يعيشون أجواء سعيدة

بعد مرور ثلاث شهور

ملاك بسعادة:ادهومي

أدهم:نعم يا قلبي

ملاك:امسك كدة

واعطته دبدوب صغير

أدهم بعدم فهم:إيه ده مش فاهم.

ملاك بفرحة:انا حامل يا أدهومي

أدهم قام من مكانه بفرحة

أدهم وهو يتحدث بسعادة شديدة:بتتكلمي جد ياملاك

ملاك بدموع الفرحة:أيوة يا حبيبي

أدهم قرب منها وظل يقبلها بعشق شديد… وحملها بسعادة وظل يلف بها كانت سعادته تصل إلى عنان السماء وهي بين ذراعيه لينهي الأمر بقبلات بها شغف وعشق. ♡

أحببتك عندما رأيتك في المرة الأولى، ولم يجذبني إليك سوى نظرة عينيك التي بها حنان وعشق

وكأنهم يتحدثون عن ما بداخلك

يا حبيبي ورفيق دربي♡♡